(ຂປລ) ກຸ່ມນັກລົງທຶນຈີນໄດ້ລົງທຶນກວ່າ 10 ຕື້ຢວນ ເພື່ອເລັ່ງມືໃນການພັດທະນາພື້ນຖານໂຄງລ່າງຂອງເຂດເສດຖະກິດພິເສດບໍ່ເຕັນ ແຂວງຫຼວງນ້ຳທາ ທາງພາກເໜືອຂອງລາວ.“ເຂດເສດຖະກິດພິເສດບໍ່ເຕັນແມ່ນຕັ້ງຢູ່ຕິດກັບເມືອງໂມຫານ ມົນທົນຢຸນນານປະເທດຈີນ. ຄາດວ່າເມື່ອສຳເລັດການພັດທະນາ ແລະ ການກໍ່ສ້າງເສັ້ນທາງລົດໄຟລາວ-ຈີນໃນປີ 2021 ແລ້ວ ຈະມີນັກທ່ອງທ່ຽວຈາກຈີນເຂົ້າມາໃນເຂດດັ່ງກ່າວປະມານ 50,000 ຄົນຕໍ່ປີ,” ທ່ານ ກັງ ເປັງ ຜູ້ຮັບຜິດຊອບການສົ່ງເສີມການລົງທຶນ ເຂດເສດຖະກິດພິເສດບໍ່ເຕັນກ່າວ.ອ່ານຕໍ່ ...

ທະນາຄານແຫ່ງ ສປປ ລາວ ໄດ້ອອກມາດຕະການເພື່ອສະກັດກັ້ນການອ່ອນຄ່າຂອງເງິນກີບ ທຽບກັບເງິນຕາຕ່າງປະເທດ.ຕາມຈົດໝາຍັຂ່າວຂອງທະນາຄານກາງໃນອາທິດນີ້, ເພື່ອສະກັດກັ້ນການອ່ອນຄ່າຂອງເງິນກີບທຽບກກັບເງິນໂດລາ ແລະ ເງິນບາດ, ທະນາຄານກາງໄດ້ປັບປຸງປະລິມານເງິນໃນລະດັບໜຶ່ງ ເຊິ່ງສອດຄ່ອງກັບສະພາບເສດຖະກິດ-ສັງຄົມໃນປະຈຸບັນ.ນອກຈາກນີ້ ທະນາຄານຍັງມີການນຳໃຊ້ລະບົບອັດຕາແລກປ່ຽນແບບລອຍຕົວພາຍໃຕ້ການຄຸ້ມຄອງ ເພື່ອເພີ່ມສະຖຽນລະພາບໃຫ້ແກ່ຄ່າເງິນກີບ, ຕາມຈົດໝາຍຂ່າວ ເຊິ່ງມີການເຜີຍແຜ່ຢູ່ໜ້າເວັບໄຊຫຼັກຂອງທະນາຄານແຫ່ງ ສປປ ລາວ.ອ່ານຕໍ່ ...

ສູນຝຶກອົບຮົມເພື່ອການພັດທະນາຊົນນະບົດລາວ-ເກົາຫຼີ ເຊິ່ງຕັ້ງຢູ່ເມືອງໄຊທານີ ວຽງຈັນ ໄດ້ເປີດຕົວຢ່າງເປັນທາງການໃນວັນອັງຄານນີ້ ເພື່ອຈຸດປະສົງສົ່ງເສີມການສ້າງຄວາມສາມາດໃຫ້ແກ່ປະຊາຊົນທີ່ເຮັດວຽກໃນຂະແໜງກະສິກຳ, ປ່າໄມ້ ແລະ ການພັດທະນາຊົນນະບົດ.ສູນດັ່ງກ່າວໄດ້ຮັບການສ້າງຕັ້ງຂຶ້ນເພື່ອສົ່ງເສີມການພັດທະນາຊົນນະບົດຂອງລາວ ຕາມນະໂຍບາຍສາມສ້າງຂອງພັກ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ການຄຸ້ມຄອງເງິນຕາຂອງລາວກຳລັງໄດ້ຮັບການເລັ່ງຈັດຕັ້ງປະຕິບັດໃນທົ່ວປະເທດ ເພື່ອເຮັດໃຫ້ອັດຕາເງິນເຟີ້ຄົງທີ່ຢູ່ທີ່ 1.5 ເປີເຊັນ.ເຖິງຢ່າງໃດກໍຕາມ ສະພາແຫ່ງຊາດໄດ້ມອບໝາຍພາລະກິດໃຫ້ລັດຖະບານ ຄວບຄຸມອັດຕາແລກປ່ຽນເງິນຕາຕ່າງປະເທດໃຫ້ຢູ່ໃນລະດັບຕ່ຳກວ່າ 5 ເປີເຊັນພາຍໃນທ້າຍປີນີ້.ອ່ານຕໍ່ ...

ໃນອາທິດນີ້ ກະຊວງອຸດສາຫະກຳ ແລະ ການຄ້າລາວໄດ້ຮຽກຮ້ອງໃຫ້ຈີນ ພິຈາລະນາປັບໂກຕາການນຳເຂົ້າເຂົ້າຈາກລາວໃຫ້ເປັນ 50,000 ໂຕນ ຄຽງຄູ່ກັບການຮັບເອົາສິນຄ້າອຸດສະຫະກຳອື່ນໆ ເພື່ອເປັນການສົ່ງເສີມການຄ້າສອງຝ່າຍ.ທ່ານນາງ ເຂັມມະນີ ພົນເສນາ ລັດຖະມົນຕີກະຊວງອຸດສາຫະກຳ ແລະ ການຄ້າຂອງລາວ ໄດ້ຍື່ນຂໍ້ສະເໜີດັ່ງກ່າວໃນວັນອັງຄານນີ້ ໃນລະຫວ່າງກອງປະຊຸມກັບຄະນະຜູ້ແທນຈີນ ເຊິ່ງນຳໂດຍທ່ານ ໜິງ ຊິເຈ ຮອງປະທານຄະນະກຳມາທິການເພື່ອການພັດທະນາ ແລະ ປະຕິຮູບແຫ່ງຊາດ (NDRC) ຂອງສາທາລະນະລັດປະຊາຊົນຈີນ ທີ່ວຽງຈັນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ທ່ານ ທອງລຸນ ສີສຸລິດ ນາຍົກລັດຖະມົນຕີ ໄດ້ສະແດງຄວາມຊົມເຊີຍຕໍ່ບົດບາດຂອງນັກທຸລະກິດຍິງ ໃນການສົ່ງເສີມການພັດທະນາເສດຖະກິດ ແລະ ສົ່ງເສີມໃຫ້ພວກເຂົານຳໃຊ້ທ່າແຮງດັ່ງກ່າວເພື່ອສ້າງຜົນປະໂຫຍດໃຫ້ແກ່ປະເທດຊາດ.ທ່ານນາຍົກໄດ້ກ່າວຄຳເຫັນດັ່ງກ່າວໃນກອງປະຊຸມຊຶ່ງຈັດໂດຍສະມາຄົມນັກທຸລະກິດຍິງລາວ (LBWA) ຮ່ວມກັບສູນການສະຫະພັນແມ່ຍິງລາວ ໃນວັນສຸກແລ້ວນີ້.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຕົວເລກດັດສະນີລາຄາຜູ້ບໍລິໂພກ (CPI) ຂອງລາວເພີ່ມຂຶ້ນຢ່າງຕໍ່ເນື່ອງ ເຖິງວ່າລັດຖະບານໄດ້ເພີ່ມມາດຕະການເພື່ອຈັດການກັບລາຄາສິນຄ້າໃນທ້ອງຕະຫຼາດທີ່ເພີ່ມສູງຂຶ້ນ.ຕາມຂໍ້ມູນຈາກສູນສະຖິຕິແຫ່ງຊາດ, ຄ່າ CPI ໄດ້ແຕະລະດັບ 107.64 ຈຸດໃນເດືອນກໍລະກົດ, ເຮັດໃຫ້ອັດຕາເງິນເຟີ້ປະຈຳປີເພີ້ມເປັນ 3 ເປີເຊັນທຽບກັບໄລຍະດຽວກັນຂອງປີຜ່ານມາ.ເງິນເຟີ້ຂອງລາວມີການເພີ່ມຂຶ້ນມາຕັ້ງແຕ່ເດືອນມິນາຂອງປີນີ້, ເຊິ່ງໄດ້ຮັບຜົນກະທົບຈາກປັດໄຈທີ່ກ່ຽວຂ້ອງກັບໄພທຳມະຊາດເຊັ່ນ ໄພນ້ຳຖ້ວມ ແລະ ແຫ້ງແລ້ງ ແລະ ການລະບາດຂອງສັດຕູພືດ ແລະ ພະຍາດ, ເຊິ່ງທຳລາຍພືດພັນເຄື່ອງປູກ ແລະ ທຳລາຍສັດລ້ຽງ. ເຊິ່ງສົ່ງຜົນໃຫ້ເກີດການຂາດແຄນໃນການການສະໜອງສະບຽງອາຫານຕົ້ນຕໍບາງປະເພດ, ແລະ ຄວາມຕ້ອງການຂອງຕະຫຼາດເຮັດໃຫ້ລາຄາສິນຄ້າເພີ່ມສູງຂຶ້ນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ການລົງທຶນຂອງວິສາຫະກິດເອກະຊົນທັງພາຍໃນ ແລະ ຕ່າງປະເທດບໍ່ຂະຫຍາຍຕົວຕາມແຜນ ເຖິງວ່າລັດຖະບານຈະເພີ່ມມາດຕະການເພື່ອສົ່ງເສີມການຂະຫຍາຍຕົວຂອງຂະແໜງເອກະຊົນ ແລະ ຮັກສາລະດັບການຂະຫຍາຍຕົວຂອງເສດຖະກິດ.ທ່ານ ປອ ສຸພັນ ແກ້ວມີໄຊ ລັດຖະມົນຕີກະຊວງແຜນການ ແລະ ການລົງທຶນ ໄດ້ລາຍງານຜ່ານສຳນັກຂ່າວວຽງຈັນທາມສ໌ ຫວ່າງໝໍ່ໆມານີ້ວ່າ ໃນຊ່ວງຫົກເດືອນທຳອິດຂອງປີນີ້ ບໍລິສັດເອກະຊົນໄດ້ມີການລົງທຶນໃນ 1,266 ໂຄງການ, ເຊິ່ງມີທຶນຈົດທະບຽນລວມ US$3.6 ຕື້ໂດລາ.ເຖິງຢ່າງໃດກໍຕາມ, ທຶນໃນຕົວຈິງທີ່ມີການໂອນຜ່ານລະບົບທະນາຄານມີພຽງ US$1.09 ຕື້ໂດລາ, ຊຶ່ງທຽບເທົ່າກັບ 40 ເປີເຊັນຂອງເປົ້າໝາຍສຳລັບປີນີ້.ອ່ານຕໍ່ ...

ອາກາດເຢັນຊົ່ວໄລຍະຈະແຜ່ປົກຄຸມພື້ນທີ່ສ່ວນໃຫຍ່ຂອງປະເທດລາວ ຍ້ອນຜົນຈາກຄວາມກົດອາກາດສູງແຜ່ປົກຄຸມບໍລິເວນພາກເໜືອ ແລະ ພາກກາງຂອງປະເທດ.ຕາມຂໍ້ມູນຈາກກົມອຸຕຸນິຍົມວິທະຍາ ແລະ ອຸທຸກະສາດ, ພະຍາກອນອາກາດແຕ່ວັນທີ 7-11 ພະຈິກ ອາກາດຈະເຢັນລົງຢູ່ທາງພາກເໜືອ ແລະ ພາກກາງຂອງລາວ, ອຸນະພູມຕ່ຳສຸດ 13 ອົງສາ ແລະ ສູງສຸດ 27 ອົງສາ.ອ່ານຕໍ່ ...

ເຈົ້າໜ້າທີ່ແຮງງານຂອງລາວ ແລະ ສາທາລະນະລັດເກົາຫຼີຢືນຢັນສືບຕໍ່ການຮ່ວມມືຫຼັງສອງຝ່າຍໄດ້ຕົກລົງນຳໃຊ້ລະບົບຂຶ້ນທະບຽນການອອກແຮງງານ (Employment Permit System).  ອ່ານຕໍ່ ...

ທ່ານ ພຼັກ ໂສຄອນ ຮອງນາຍົກລັດຖະມົນຕີ ແລະ ລັດຖະມົນຕີກະຊວງການຕ່າງປະເທດກຳປູເຈຍຈະເດີນທາງຢ້ຽມຢາມລາວ ໃນວັນທີ 5-6 ກັນຍານີ້ ເພື່ອປະຕິບັດພາລະກິດແກ້ໄຂຂໍ້ຂັດແຍ່ງຊາຍແດນ.ທ່ານ ສະເຫຼີມໄຊ ກົມມະສິດ ລັດຖະມົນຕີກະຊວງການຕ່າງປະເທດລາວໄດ້ກະກຽມຮັບຕ້ອນການເດີນທາງຢ້ຽມຢາມດັ່ງກ່າວ.ການຢ້ຽມຢາມໄລຍະສອງວັນດັ່ງກ່າວແມ່ນແນໃສ່ “ຮັດແໜ້ນສາຍພົວພັນ ແລະ ເສີມຂະຫຍາຍຂອບເຂດການຮ່ວມມືພາຄີ, ລວມເຖິງຫາລືບັນຫາຊາຍແດນ ກໍຄືການຮ່ວມມືໃນພາກພື້ນ ແລະ ສາກົນເພື່ອຜົນປະໂຫຍດຮ່ວມກັນ,” ຕາມການແຈ້ງການຂອງກະຊວງການຕ່າງປະເທດ.ອ່ານຕໍ່ ...

ກອງທຶນປົກປ້ອງສິ່ງແວດລ້ອມ (EPF) ຈະສະໜອງເງີນຫຼາຍກວ່າ 7,9 ຕື້ກີບ ເພື່ອສ້າງຄວາມເຂັ້ມແຂງໃຫ້ແກ່ການອະນຸລັກຊີວະນາໆພັນ ແລະ ການຄຸ້ມຄອງຊັບພະຍາກອນທຳມະຊາດໃນ 6 ແຂວງເປົ້າໝາຍ. ໂຄງການຍ່ອຍ 11 ໂຄງການຈະດຳເນີນຢູ່ບັນດາແຂວງວຽງຈັນ, ໄຊຍະບູລີ, ຫົວພັນ, ຫຼວງນ້ ຳທາ ແລະ ອັດຕະປື, ແລະ ຢູ່ນະຄອນຫຼວງວຽງຈັນເຊິ່ງທັງໝົດ ມີຊັບພະຍາກອນທຳມະຊາດ ແລະ ຄວາມສາມາດໃນການປົກປັກຮັກສາສິ່ງແວດລ້ອມ.ອ່ານເພິ່ມເຕີມ  ...

Fears linger for livelihoods as new villages being built for Lao victims may not be suitable for agricultureTHE VICTIMS of the Xi Pian-Xe Namnoi Dam collapse may not be able to return to their normal lives any time soon because the locations of their new ...

ກອງປະຊຸມໃນອາທິດນີ້ຂອງຄະນະຜູ້ແທນໄທ ກ່ຽວກັບເຂື່ອນໄຟຟ້ານ້ຳຕົກແຫ່ງທີສາມໃນລ້ອງແມ່ນ້ຳຂອງຕອນລຸ່ມທີ່ປາກແບງຂອງລາວ ຊຸກຍູ້ໃຫ້ບໍລິສັດຮັບເໝົາຈີນ, ດາຕັງຄອບ, ດຳເນີນການສຶກສາຄວາມເປັນໄປດ້ານຂ້າມຊາຍແດນໃນການດຳເນີນໂຄງການ ເພື່ອແກ້ໄຂຂໍ້ຂັດແຍ່ງທີ່ຍັງຄ້າງຄາ.ອ່ານຕໍ່  ...

ອຳນາດການປົກຄອງແຂວງຜົ້ງສາລີໄດ້ຮັບຮອງເອົາການສຶກສາຄວາມເປັນໄປໄດ້ສຳລັບການພັດທະນາ ແລະ ສ້າງເຂດເສດຖະກິດພິເສດແຫ່ງໃໝ່ຕາມແລວຊາຍແດນລາວ, ຈີນ ແລະ ຫວຽດນາມ. ບໍລິສັດຈີນຈະລົງສຳຫຼວດເນື້ອທີ່ດິນທັງໝົດ 250​ ກິໂລຕາແມັດລວມທັງ 100 ກິໂລຕາແມັດຢູ່ສຖານທີ່ທ່ອງທ່ຽວແລະບໍລິການ ແລະ 150 ກິໂລຕາແມັດຂອງເນື້ອທີ່ເຂດກະສິກຳ ແລະ ອຸດສາຫະກຳ. ບໍລິສັດຈະອອກແບບການສ້າງຫົນທາງເຊື່ອມຕໍ່ຈາກບ້ານອູນູຫາຊາຍແດນສາມລ່ຽມພັດທະນາແຫ່ງໃໝ່ ແລະ ຈະມີການລົງສຳຫຼວດການນຳໃຊ້ທີ່ດິນໃນແຫ່ງດັ່ງກ່າວ. ອ່ານເພິ່ມເຕີມ  ...

ລາຍຮັບຈາກອາກອນຂອງລາວເພີ່ມຂຶ້ນ 20 ເປີເຊັນໃນຊ່ວງຫົກເດືອນຕົ້ນປີນີ້ ທຽບກັບໄລຍະດຽວກັນຂອງປີຜ່ານມາ, ຕາມກະຊວງການເງິນ.ການເພີ່ມຂຶ້ນຂອງລາຍຮັບດັ່ງກ່າວແມ່ນມາຈາກການເລີ່ມນຳໃຊ້ລະບົບຂໍ້ມູນຂ່າວສານທີ່ທັນສະໄໝໃນການຄຸ້ມຄອງລາຍຮັບຈາກອາກອນ (TAXRIS) ໃນຕົ້ນປີນີ້. ມາເຖິງປະຈຸບັນລະບົບດັ່ງກ່າວໄດ້ມີການນຳໃຊ້ຢູ່ໃນ 10 ຕົວເມືອງໃຫຍ່ ໃນເຈັດແຂວງຂອງລາວ.ກະຊວງການເງິນມີແຜນເສີມຂະຫຍາຍການນຳໃຊ້ລະບົບດັ່ງກ່າວໃນທົ່ວປະເທດພາຍໃນປີ 2020 ເຊິ່ງເປັນສ່ວນໜຶ່ງຂອງພາລະກິດຂອງລັດຖະບານ ໃນການສ້າງຄວາມທັນສະໄໝໂດຍການນຳໃຊ້ລະບົບການຈ່າຍອາກອນແບບອີເລັກໂທຣນິກ ແລະ ເພື່ອສົ່ງເສີມຄວາມໂປ່ງໃສໃນຂະແໜງການເງິນຂອງຊາດ.ອ່ານຕໍ່ ...

(ຂປລ) ນັບແຕ່ຕົ້ນປີ 2019 ປະເທດລາວມີຈຳນວນຜູ້ຕິດເຊື້ອໄຂ້ເລືອດອອກເພີ່ມຂຶ້ນເຖິງ 28,371 ກໍລະນີ ໃນນັ້ນມີຜູ້ເສຍຊີວິດ 60 ກໍລະນີ, ຕາມການລາຍງານຂອງກະຊວງສາທາລະນະສຸກ.ສະຖິຕິການຕິດເຊື້ອພະຍາດດັ່ງກ່າວແມ່ນສູງກວ່າຕົວເລກໃນໄລຍະດຽວກັນຂອງປີຜ່ານມາເຖິງຫ້າເທົ່າ, ເຊິ່ງມີຜູ້ຕິດເຊື້ອພຽງແຕ່ປະມານ 4,600 ກໍລະນີ ແລະ ມີຜູ້ເສຍຊີວິດ 14 ກໍລະນີ.ຍອດຕົວເລກຜູ້ເສຍຊີວິດຢູ່ແຂວງສະຫວັນນະເຂດຍັງຄົງສູງກວ່າຢູ່ແຂວງອື່ນ.ອ່ານຕໍ່ ...

ນໍ້າຖ້ວມຢູ່ແຂວງເຊກອງ ທີ່ເກີດຈາກພາຍຸເຂດຮ້ອນໂນຣູ ເຮັດໃຫ້ມີຜູ້ເສຍຊີວິດ 1 ຄົນ ຂະນະທີ່ພາກໃຕ້ໄດ້ຮັບຜົນກະທົບຈາກໄພນໍ້າຖ້ວມເປັນບໍລິເວນກວ້າງ ພາຍຫຼັງຝົນຕົກໜັກຕິດຕໍ່ກັນໃນວັນທີ 27-30 ກັນຍານີ້. ມີຈຳນວນ 28 ໝູ່ບ້ານໃນແຂວງເຊກອງຖືກນໍ້າຖ້ວມ, ໄຟຟ້າຂາດ, ເສັ້ນທາງເປ່ເພ, ທົ່ງໄຮ່ທົ່ງນາຖືກນໍ້າຖ້ວມ, ເມືອງກະລຶມ ແລະ ເມືອງດາກຈຶງ ເປັນເຂດທີ່ໄດ້ຮັບຜົນກະທົບໜັກທີ່ສຸດ. ອ່ານເພິ່ມເຕີມ  ...

ວຽງຈັນ (ວຽງຈັນທາມສ໌/ANN) – ທ່ານ ທອງລຸນ ສີສຸລິດ ນາຍົກລັດຖະມົນຕີໄດ້ຮຽກຮ້ອງໃຫ້ບັນດາຜູ້ນຳອາຊຽນ ຊຸກຍູ້ການຜັນຂະຫຍາຍໜ້າວຽກບູລິມະສິດຂອງອາຊຽນສູ່ການຈັດຕັ້ງປະຕິບັດ ເພື່ອການກໍ່ສ້າງຊຸມຊົນພາກພື້ນອາຊຽນໃຫ້ປະກົດຜົນເປັນຈິງ.ນາຍົກລາວໄດ້ກ່າວຄຳຮຽກຮ້ອງດັ່ງກ່າວໃນລະຫວ່າງເຂົ້າຮ່ວມກອງປະຊຸມສຸດຍອດອາຊຽນຄັ້ງທີ 34 ເຊິ່ງຈັດຂຶ້ນທີ່ບາງກອກ ປະເທດໄທ ໃນທ້າຍອາທິດແລ້ວນີ້ ຕາມການເປີດເຜີຍຕໍ່ສື່ມວນຊົນຂອງກະຊວງການຕ່າງປະເທດລາວ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ການນຳພັກ ແລະ ລັດ ແລະ ທົ່ວສັງຄົມໄດ້ທຳການປູກເບ້ຍໄມ້ຫຼາຍພັນຕົ້ນ ເນື່ອງໃນວັນປູກຕົ້ນໄມ້ແຫ່ງຊາດໃນວັນເສົາຜ່ານມາ, ເພື່ອເປັນການສົ່ງເສີມນະໂຍບາຍຂອງລັດຖະບານໃນການຟື້ນຟູເນື້ອທີ່ປ່າໄມ້ໃຫ້ໄດ້ 70% ໃນປີ 2020.ທ່ານ ພັນຄຳ ວິພາວັນ ຮອງປະທານປະເທດ, ການນຳພັກ ແລະ ລັດ ພ້ອມດ້ວຍເຈົ້າໜ້າທີ່ລັດຖະບານ ໄດ້ປະກອບສ່ວນໃນພິທີປູກຕົ້ນໄມ້ທີ່ສວນພຶກສາຫ້ວຍຍາງ-ດົງໝາກຄາຍ ເມືອງໄຊທານີ ນະຄອນຫຼວງວຽງຈັນ ເພື່ອປູກເບ້ຍໄມ້ໃນພື້ນທີ່ຫ້າເຮັກຕາ.ອ່ານຕໍ່ ...