Announcements

ກ. ໃນວັນທີ 29 ສິງຫາ (ວັນພະຫັດ) ແລະ 2 ກັນຍາ (ວັນຈັນ) 2019, ກົມອຸຕຸນະຍົມວິທະນາ ແລະ ອຸທົກກະສາດ ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ, ສປປ ລາວ ໄດ້ລາຍງານພື້ນທີ່ສ່ຽງໄພຢູ່ພາກກາງ ແລະ ພາກໃຕ້ຂອງ ສປປ ລາວ ເນື່ອງຈາກການພັດຜ່ານຂອງຄວມກົດດັນອາກາດຕ່ຳ, ພະຍຸໝູນເຂດຮ້ອນ ໂພດູ ແລະ ພະຍຸດີເພຼັສເຊິນ ກາຈິກິ. ຕໍ່ມາ ໄດ້ມີລາຍງານໄພນ້ຳຖ້ວມຢູ່ຫົກແຂວງຄື: ອັດຕະປື, ຈຳປາສັກ, ຄຳມ່ວນ, ສາລະວັນ, ສະຫວັນນະເຂດ, ແລະ ເຊກອງ.ຂ. ລັດຖະບານ ສົມທົບກັບຄະນະກຳມະການຄຸ້ມຄອງ ແລະ ຄວບຄຸມໄພພິບັດທ້ອງຖິ່ນຂັ້ນແຂວງ ແລະ ຂັ້ນເມືອງ ໄດ້ສົ່ງທີມຊ່ວຍເຫຼືອສຸກເສີນຈາກກອງທັບ, ຕຳຫຼວດ ...

ອີງຕາມກົມສະຫວັດດີການສັງຄົມ, ທີມງານຮັບມືເຫດສຸກເສີນຈາກກອງທັບ, ຕຳຫຼວດ ແລະ ຂະແໜງສາທາລະນະສຸກ ພ້ອມດ້ວຍລົດບັນທຸກ, ເຮືອ, ລົດ, ຍົນ, ເຄື່ອງມື ແລະ ອຸປະກອນຕ່າງໆ ເດີນທາງລົງພື້ນທີ່ເພື່ອຊ່ວຍເຫຼືອສຸກເສີນ.ການນຳລັດຖະບານໄດ້ລົງຢ້ຽມຢາມພື້ນທີ່ທີ່ໄດ້ຮັບຜົນກະທົບ ເພື່ອສັງເກດການສະພາບຂອງຜູ້ໄດ້ຮັບຜົນກະທົບ, ແລະ ນຳໄປສູ່ການສືບຕໍ່ຮັບມືເຫດສຸກເສີນ. ແລະ ຍັງໃຫ້ກຳລັງໃຈຜູ້ປະສົບໄພ ແລະ ສະໜັບສະໜູນທີມຊ່ວຍເຫຼືອ.ຄະນະກຳມະການຄຸ້ມຄອງ ແລະ ຄວບຄຸມໄພພິບັດຂັ້ນແຂວງ ແລະ ຂັ້ນເມືອງ ແລະ ອຳນາດການປົກຄອງທ້ອງຖິ່ນ ຍັງຄົງສືບຕໍ່ດຳເນີນການຮັບມືເຫດສຸກເສີນ ແລະ ປະຕິບັດການບັັນເທົາທຸກ.ລັດຖະບານໄດ້ລະດົມອາຫານ ແລະ ເຄື່ອງຊ່ວຍເຫຼືອບັນເທົາທຸກ ເພື່ອແຈກຢາຍໃຫ້ແກ່ຜູ້ປະສົບໄພ.ມາເຖິງປະຈຸບັນ ລະດັບນ້ຳຖ້ວມຍັງຄົງບໍ່ຫຼຸດລົງໃນຫຼາຍພື້ນທີ່. ຍິ່ງໄປກວ່ານັ້ນ ພະຍາກອນອາກາດຍັງຢືນຢັນວ່າ ຝົນຍັງຈະສືບຕໍ່ຕົກໃນພື້ນທີ່ປະສົບໄພ ໃນສອງສາມວັນຕໍ່ໜ້າ.ສູນ AHA ຍັງຄົງຮຽກຮ້ອງການຊ່ວຍເຫຼືອສຳລັບ ສປປ ລາວ ເພື່ອສະໜັບສະໜູນພາລະກິດຮອງຮັບ ແລະ ບັນເທົາທຸກເຫດສຸກເສີນ. ອົງການຄຸ້ມຄອງໄພພິບັດແຫ່ງຊາດຂອງ ສປປ ...

#ປະຊາຊົນລວມໂຕກັນຮ້ອງຂໍຄວາມເປັນທໍາ ບໍ່ຍອມມອບທີ່ດິນໃຫ້ໂຄງການສ້າງທາງດ່ວນ (ວຽງຈັນ-ວັງວຽງ )ປະຊາຊົນບ້ານນາຊອນ ເມືອງນາຊາຍທອງນະຄອນຫລວງວຽງຈັນ ລວມໂຕກັນບໍ່ຍອມເສຍທີ່ດິນໃຫ້ບໍລິສັດສ້າງທາງດ່ວນ ຍ້ອນວ່າ ບໍລິສັດຈະຈ່າຍຄ່າຊົດເຊີຍ 50,000ກີບ ຕໍ່ແມັດ/ກາເລ , ໃນຂະນະທີ່ ລາຄາທີ່ດິນຢູ່ເຂດດັ່ງກ່າວ 250,000 ກີບ ຕໍ່ແມັດ/ກາເລ, ບໍ່ມີໃຜຢາກຂາຍ,ເຊິ່ງປະຊາຊົນຂໍໃຫ້ພາກລັດລົງມາແກ້ໃຂຢ່າງເປັນທໍາ ແລະ ຮີບດ່ວນທີ່ສຸດ, ເພາະຖ້າຫາກເກີດຫຍັງຂຶ້ນປະຊາຊົນບ້ານດັ່ງກ່າວຈະສືບຕໍ່ຮຽກຮ້ອງໃຫ້ເຖິງທີ່ສຸດ.ເຫດເກີດໃນວັນທີ 20 ພຶດສະພາ 2019. ສ່ວນວ່າ ຄວາມຄືບຫນ້າທາງເພຈຈະລາຍງານໃຫ້ຮັບຮູ້ຕໍ່ໄປ.#ປະຊາຊົນລວມໂຕກັນຮ້ອງຂໍຄວາມເປັນທໍາ ບໍ່ຍອມມອບທີ່ດິນໃຫ້ໂຄງການສ້າງທາງດ່ວນ (ວຽງຈັນ-ວັງວຽງ )ປະຊາຊົນບ້ານນາຊອນPosted by Support Prime Minister Thongloun Sisoulith on Tuesday, 21 May 2019 ...

ຜູ້ທີ່ກຳລັງຊອກວຽກ ຫຼື ຜູ້ວ່າຈ້າງທີ່ຕ້ອງຫາຊອກຫາພະນັງງານ ສາມາດລົງທະບຽນກັບເວັບໄຊ  www.lmi.molws.gov.la ເຊິ່ງເປັນເວັບໄຊຂອງກະຊວງແຮງງານ ແລະ ສະຫວັດດີການສັງຄົມ. ເວັບໄຊດັ່ງກ່າວຈະຊ່ວຍເຫຼືອຜູ້ທີ່ຕ້ອງການເຮັດວຽກກັບບໍລິສັດເອກະຊົນໃນລາວ ແລະ ຕ່າງປະເທດ.ທ່ານ ສຸທານຸ ບຸດພົມວິຫານ ຫົວໜ້າໜ່ວຍງານສະຖິຕິ ກົມແຜນການ ແລະ ການຮ່ວມມື ໄດ້ບອກກັບໜັງສືພີມວຽງຈັນທາມສ໌ວານນີ້ວ່າ ທາງກະຊວງໄດ້ຈັດຕັ້ງເວັບໄຊນີ້ຂຶ້ນ ເພື່ອເປັນຊ່ອງທາງໃນການເຊື່ອມຕໍ່ລະຫວ່າງຜູ້ທີ່ກຳລັງຊອກວຽກ ແລະ ຜູ້ຈ້າງງານ ເພື່ອຊ່ວຍຫຼຸດຜ່ອນອັດຕາການຫວ່າງງານ.ອ່ານຕໍ່ ...

ວຽງຈັນ (28 ມີນາ 2019) – ສປປ ລາວໄດ້ນຳໃຊ້ວິທີການຄຸ້ມຄອງບໍລິຫານຜ່ານຈາກຂັ້ນເທິງລົງສູ່ຂັ້ນລຸ່ມໃນການພັດທະນາເສດຖະກິດ ແລະ ລຶບລ້າງຄວາມທຸກຍາກ ເຊິ່ງແມ່ນວິທີການທີ່ບໍ່ຄ່ອຍໄດ້ຮັບໝາກຜົນດີ, ເຊິ່ງນຳໄປສູ່ຄວາມທຸກຍາກ ແລະ ສົ່ງຜົນກະທົບຕໍ່ສິດທິຂອງປະຊາຊົນຜູ້ທຸກຍາກ ແລະ ຜູ້ດ້ອຍໂອກາດ, ໂດຍອີງຕາມການລາຍງານຂອງຊ່ຽວຊານສະຫະປະຊາຊາດທ່ານໜຶ່ງ.“ເຖິງແມ່ນວ່າລາວຈະມີຄວາມຄືບໜ້າທີ່ສຳຄັນໃນການຫຼຸດຜ່ອນຄວາມທຸກຍາກ, ບັນດານະໂຍບາຍເພື່ອສົ່ງເສີມການເຕີບໂຕເສດຖະກິດຂອງລັດຖະບານ ຍັງສົ່ງຜົນກະທົບໃນທຳລາຍຮູບແບບການດຳລົງຊີວິດ, ສົ່ງຜົນທາງລົບຕໍ່ຜູ້ດ້ອຍໂອກາດ ແລະ ຍັງເຮັດໃຫ້ປະຊາຊົນຈຳນວນໜຶ່ງມີຄວາມທຸກຍາກເພີ່ມຂຶ້ນ ໂດຍເຮັດໃຫ້ພວກເຂົາບໍ່ສາມາດເຂົ້າເຖິງການນຳໃຊ້ທີ່ດິນ, ຮູບແບບການດຳລົງຊີວິດ ແລະ ຊັບພະຍາກອນ” ທ່ານ ຟິລິບ ອາວສ໌ຕັນ, ທູດພິເສດຂອງອົງການສະຫະປະຊາຊາດກ່ຽວກັບຄວາມທຸກຍາກ ແລະ ສິດທິມະນຸດ ກ່າວໃນໂອກາດການສິ້ນສຸດການຢ້ຽມຢາມປະເທດລາວຢ່າງເປັນທາງການເປັນໄລຍະ 11 ວັນ.ລາຍລະອຽດPress conference video:cr: UN Lao PDR ...

ລາວໄດ້ອັນດັບທີ 162 ໃນລະບົບທະບຽນຂໍ້ມູນເປີດ 2018 ດ້ວຍຄະແນນລວມ 22%. ຄະແນນລວມດັ່ງກ່າວແມ່ນມາຈາກຄະແນນຕົວຊີ້ວັດດ້ານການຄອບຄຸມຂອງຂໍ້ມູນຂ່າວສານ 25% ແລະ ຄະແນນຕົວຊີ້ວັດດ້ານການເປີດເຜີຍຂໍ້ມູນ 20%.ອ່ານຕໍ່ ...

(ຂປລ) ງານເທດສະການໂຄມໄຟນາໆຊາດຂອງລາວຄັ້ງທີ 1 ຈະຈັດຂຶ້ນທີ່ຟາມທ່ອງທ່ຽວກະສິກຳພູຕາເວັນ ເມືອງປາກງື່ມ ນະຄອນຫຼວງວຽງຈັນໃນວັນທີ 7-10 ມີນາ 2019.“ງານເທດສະການໂຄມໄຟນາໆຊາດ 2019 ແມ່ນແນໃສ່ສົ່ງເສີມການທ່ອງທ່ຽວນະຄອນຫຼວງວຽງຈັນ ແລະ ແຂວງບໍລິຄຳໄຊ ກໍຄືເພື່ອສົ່ງເສີມປີທ່ອງທ່ຽວລາວ-ຈີນ 2019,” ທ່ານ ເຄນ ລໍມະນີ ຫົວໜ້າພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແຂວງບໍລິຄຳໄຊກ່າວ.ອ່ານຕໍ່ ...

ພາຍໃນງານທ່ານຈະໄດ້ພົບກັບປຶ້ມອ່ານນັບ 1,000,000 ຫົວ ຈາກທັງພາຍໃນ ແລະ ຕ່າງປະເທດ ໂດຍສະເພາະຈາກບັນດາປະເທດໃນອາຊຽນ ລວມກວ່າ 200 ບູດ ແລະ ກິດຈະກຳສົ່ງເສີມການອ່ານ ທີ່ມວນຫຼາຍໄດ້ລ້ານ ແລະ ກິດຈະກຳອື່ນໆອີກຫຼາກຫຼາຍ.ງານຈະຈັດຂຶ້ນໃນວັນທີ 7-17/03/2019 ນີ້, ທີ່ສູນການຄ້າສາກົນ ເວີເທຣດ ເຊັນຕີ (WTC) ຖະໜົນຄູວຽງ, ນະຄອນຫຼວງວຽງຈັນ.ອ່ານຕໍ່ ...

(ຂປລ) ທີມແພດຊ່ຽວຊານຜ່າຕັດ ຈາກສະຖາບັນ Interplast ອົສະຕຣາລີ ແລະ ນິວຊີແລນ ຈະເດີນທາງມາໂຮງໝໍມະໂຫສົດ ວຽງຈັນ ແຕ່ວັນທີ 17-22 ກຸມພາ ແລະ ໂຮງໝໍເພື່ອນລາວ ຫຼວງພະບາງແຕ່ວັນອາທິດທີ 24 ກຸມພາ-1 ມີນາ 2019 ເພື່ອທຳການຜ່າຕັດໄສຍະກຳຟື້ນຟູແບບບໍ່ເສຍຄ່າໃຊ້ຈ່າຍ ແລະ ຝຶກອົບຮົມກ່ຽວກບການປົວແປງ ແລະ ປິ່ນປົວບາດແຜຮອຍໃໝ້ຕ່າງໆ.ອ່ານຕໍ່ ...

ປຶ້ມແຜນທີ່ເສດຖະກິດ-ສັງຄົມຂອງ ສປປ ລາວ ສະພາບລວມ ແລະ ທ່າອ່ຽງຈາກປີ 2005-2015 ສະບັບໃໝ່ໄດ້ຮັບການເປີດຕົວຢ່າງເປັນທາງການ.ປື້ມແຜນທີ່ເຫຼັ້ມໃໝ່ນີ້ ຖືກສ້າງຂຶ້ນໂດຍ ສູນເພື່ອການພັດທະນາ ແລະ ສິ່ງແວດລ້ອມ (CDE) ຂອງມະຫາວິທະຍາໄລເບີນ, ຮ່ວມກັບ ສູນສະຖິຕິແຫ່ງຊາດ (ສຖຕ) ເຊິ່ງໄດ້ຮວບຮວມເອົາຂໍ້ມູນສະຖິຕິ ຂອງການສໍາຫຼວດ ພົນລະເມືອງ ແລະ ທີ່ຢູ່ອາໄສທົ່ວປະເທດ ຈາກສອງຄັ້ງຫຼ້າສຸດທີ່ຜ່ານມາ ຄື ປີ 2005 ແລະ 2015.ເຊິ່ງມັນປະກອບດ້ວຍຂໍ້ມູນແຜນທີ່ ທີ່ ມີລາຍລະອຽດຄົບຖ້ວນ ແລະ ສົມບູນທີ່ສຸດ. ປື້ມແຜນທີ່ນໍາສະເໜີຂໍ້ມູນກ່ຽວກັບ ສະພາບເສດຖະກິດ-ສັງຄົມ ທັງສະພາບການໃນປີ 2015 ແລະ ສະພາບການທີ່ໄດ້ມີການປ່ຽນແປງໃນລະໄລຍະໜຶ່ງທົດສະວັດທີ່ຜ່ານມາຂອງການສໍາຫຼວດດັ່ງກ່າວຢູ່ຂັ້ນບ້ານ ແລະ ຢູ່ທົ່ວ ສປປ ລາວ.ເບິ່ງປຶ້ມເປັນ PDF, ສະບັບພາສາລາວ, ພາສາອັງກິດ. ...