ການພັດທະນາດ້ານສັງຄົມ

ວັນ​ທີ 12 ມັງກອນ​ນີ້, ອົງການ​ຮ່ວມ​ມື​ສາກົນ​ສ.​ເກົາຫຼີ (KOICA) ​ແລະ ອົງການ​ສະຫະ​ປະຊາ​ຊາດ​ພັດທະນາ (UNDP) ​ໄດ້​ສະໜັບສະໜູນ​ບັນດາ​ອົງການ​ຂະ​ແໜງ​ຍຸດຕິ​ທຳ​ທີ່​ສຳຄັນ​ດ້ວຍ​ອຸປະກອນ ICT ​ແລະ ຊອບ​ແວ​ໃໝ່ ​ເພື່ອ​ນຳ​ໃຊ້ເຂົ້າໃນການປ້ອງ​ກັນ ​ແລະ ຕອບ​ສະໜອງ​ການ​ກໍ່​ຄວາມ​ຮຸນ​ແຮງ​ລະຫວ່າງ​ຍິງ​ຊາຍ​ໂດຍ​ຜ່ານໂຄງການ”ຄັນຮົ່ມ”.ໂຄງການນີ້ມີຈຸດປະສົງເພື່ອຫຼຸດຜ່ອນການຈໍາແນກ ແລະ ຄວາມຮຸນແຮງຕໍ່ແມ່ຍິງ ໂດຍການລວມເອົາຄວາມພະຍາຍາມໃນທົ່ວພາກສ່ວນກ່ຽວຂ້ອງຕ່າງໆ ລວມທັງການສ້າງຂີດຄວາມສາມາດຂອງຜູ້ຮັບຜິດຊອບ, ເພີ່ມທະວີການຮັບຮູ້ການບໍລິການລະຫວ່າງຜູ້ເອົາຊີວິດລອດ ແລະ ເພີ່ມທະວີການປະສານງານໃນທຸກຂະແໜງການ.ອ່ານເພິ່ມເຕີມ.  ...

ໃນວັນທີ 20, ກຳມາທິການບັນດາເຜົ່າຂອງສະພາແຫ່ງຊາດໄດ້ຈັດກອງປະຊຸມຄົບຄະນະໂດຍການເປັນປະທານຂອງຫົວໜ້າກຳມາທິການດັ່ງກ່າວ. ທ່ານໄດ້ສະຫຼຸບການປະຕິບັດງານພາຍໃນໜຶ່ງປີຜ່ານມາກ່ຽວກັບວຽກງານຮ່ວມມືແລະພົບປະກັບຜູ້ມີສິດເລືອກຕັ້ງ ພ້ອມທັງເຜີຍແຜ່ຜົນສະຫຼຸບຂອງກອງປະຊຸມຄັ້ງທີ 6 ຂອງສພຊ ແລະ ກອງປະຊຸມສະພາປະຊາຊົນຂັ້ນແຂວງເທື່ອທີ2 ພ້ອມທັງວຽກງານຕິດຕາມກວດກາການຈັດຕັ້ງປະຕິບັດຂອງລັດຖະທຳມະນູນ, ກົດໝາຍ, ລຸ່ມກົດໝາຍ,​ແຜນພັດທະນາເສດຖະກິດສັງຄົມຂອງລັດຖະບານ ພ້ອມທັງວຽກງານສົ່ງເສີມການອະນຸລັກຮີດຄອງປະເພນີຂອງຊົນເຜົ່າ ແລະ ວິທີທາງແກ້ໄຂບັນຫາສິ່ງຫຍໍ້ທໍ້ຕ່າງໆ.ອ່ານເພິ່ມເຕີມ  ...

ລາວ ແລະ ອາເມລິກາ ກະກຽມສ້າງຄວາມເຂັ້ມແຂງດ້ານການຈັດການ, ການບໍລິຫານຄວາມສາມາດທາງດ້ານເຕັກນິກໃຫ້ແກ່ສະຖາບັນການສຶກສາ ເພື່ອທີ່ສາມາດປະກອບສ່ວນຢ່າງມີປະສິດທິຜົນໃຫ້ແກ່ການພັດທະນາສັງຄົມ-ເສດຖະກິດໃນປະເທດລາວ. ພາຍໃຕ້ການເຊັນບົດບັນທຶກຄວາມເຂົ້າໃຈ, ໂຄງການການດັ່ງກ່າວຈະມີການອອກແບບ ແລະ ພັດທະນາບັນດາຫຼັກສູດການຝຶກອົບຮົມຕ່າງໆ ເພື່ອໃຫ້ແທດເໝາະກັບຄວາມຕ້ອງການຂອງນັກຮຽນແລະຄູອາຈານຢູ່ສະຖາບັນມະຫາວິທະຍາໄລແຫ່ງຊາດ, ມະຫາວິທະຍາໄລສະຫວັນນະເຂດ ແລະ ມະຫາວິທະຍາໄລຈຳປາສັກ. ອ່ານເພິ່ມເຕີມ...  ...

ປັດຈຸບັນ, ຫ້ອງການການຮຽນ ແລະ ກິລາ ໄດ້ເກັບກຳຂໍ້ມູນໂຮງຮຽນທີ່ໄດ້ຈັດການຮຽນ-ການສອນອອນລາຍໂດຍຜ່ານຈໍຊຸມ; ຫົວໜ້າອຳນວຍການກົມການສຶກສາ ແລະ ກິລາໄດ້ກ່າວວ່າ: “ການສອນອອນລາຍບໍ່ສາມາດຖ່າຍທອດຜົນການຮຽນໄດ້ດີເທົ່າທີ່ຄວນ ແລະ ມັນກໍເປັນບັນຫາໃຫ້ບັນດາໂຮງຮຽນລັດ ແລະ ເອກະຊົນ ພ້ອມທັງຜູ້ປົກຄອງທີ່ຍັງບໍ່ມີຄວາມພ້ອມຕໍ່ລະບົບດັ່ງກ່າວ”. ອ່ານເພິ່ມເຕີມ .  ...

ໂຄງການເຂື່ອນໄຟຟ້ານໍ້າເທີນ 1 ໄດ້ມອບເຮືອນຫຼັງໃໝ່ໃຫ້ປະຊາຊົນຜູ້ທີ່ໄດ້ຮັບຜົນກະທົບຈາກໂຄງການ. ປະຈຸບັນນີ້ມີເຮືອນຈຳນວນ 88 ຫຼັງກຽມພ້ອມເພື່ອມອບໃຫ້ຄອບຄົວປະຊາຊົນ ທີ່ໄດ້ຮັບຜົນກະທົບຈາກໂຄງການໄຟຟ້າຢູ່ແຂວງບໍລິຄໍາໄຊ. ທີ່ຢູ່ອາໃສ່ໃໝ່ນັ້ນ ໄດ້ຕັ້ງຢູ່ບ້ານເມືອງມ່ວນ, ເມືອງວຽງທອງ, ແຂວງບໍລິຄຳໄຊ. ໂຄງການດັ່ງກ່າວຄາດວ່າຈະເປີດໃຫ້ບໍລິການພາຍໃນເດືອນພຶດສະພາ 2022. ການກໍ່ສ້າງໂຄງການໄດ້ເລີ່ມຕົ້ນຂື້ນໃນເດືອນມິຖຸນາ 2016, ດ້ວຍມູນຄ່າທັງໝົດ 1.335 ຕື້ໂດລາສະຫະລັດ, ເປັນເງິນກູ້ 70 % ຈາກກຸ່ມທະນາຄານໄທ ແລະ ການປະກອບສ່ວນ 30 % ຈາກບັນດາຜູ້ຮ່ວມຮຸ້ນ. ອ່ານເພິ່ມເຕີມ  ...

ກະຊວງກະສິກໍາ ແລະ ປ່າໄມ້ ແລະ ທະນາຄານໂລກ ໄດ້ເປີດຕົວໂຄງການ 57 ລ້ານໂດລາສະຫະລັດ ທີ່ຈະສ້າງວຽກເຮັດງານທໍາ ແລະລາຍຮັບຢູ່ໃນເຂດຊົນນະບົດ ໂດຍການສົ່ງເສີມການລົງທຶນໃນການຄຸ້ມຄອງປ່າໄມ້ ແລະ ຄວາມຍືນຍົງທາງດ້ານສິ່ງແວດລ້ອມ ແລະສັງຄົມ, ແລະໃນການປົກປັກຮັກສາ ທຶນທຳມະຊາດໃນປະເທດ. ໂຄງການດັ່ງກ່າວ ເລີ່ມຕົ້ນໃນເວລາທີ່ປະເທດລາວກໍາລັງປະເຊີນກັບພາລະດ້ານເສດຖະກິດ ເພີ່ມຈາກການແຜ່ລະບາດຂອງພະຍາດໂຄວິດ -19, ໂດຍການຂະຫຍາຍຕົວຂອງ GDP ຊ້າລົງ ແລະ ຄວາມທຸກຍາກເພີ່ມຂຶ້ນປະມານ 1.4-3.1 ເປີເຊັນໃນປີ 2020.ອ່ານຕໍ່ທີ່ນີ້ ...

ກອງປະຊຸມສະໄໝວິສາມັນເທື່ອທຳອິດຂອງສະພາແຫ່ງຊາດ ຊຸດທີ 9 ໄດ້ເລິ່ມຂຶ້ນໃນວັນພະຫັດ ເພື່ອປຶກສາຫາລືມາດຕະການແກ້ໄຂຄວາມຫຍຸ້ງຍາກທາງດ້ານການເງິນ ແລະ ເສດຖະກິດ; ສະກັດກັ້ນບັນຫາຢາເສບຕິດ. ທ່ານນາຍົກລັດຖະມົນຕີໄດ້ໃຫ້ ຄຳໝັ້ນສັນຍາວ່າລັດຖະບານຈະຕ້ອງຕັດສິນໃຈ, ມີຄວາມໂປ່ງໃສ ແລະ ເປັນມືອາຊີບໃນການຈັດຕັ້ງປະຕິບັດວາລະ ແລະ ແກ້ໄຂບັນຫາດັ່ງກ່າວ.ອ່ານຕໍ່ທີ່ນີ້   ...

ພາຍໃຕ້ການເຊັນສັນຍາຂໍ້ຕົກລົງຮ່ວມກັນ ກຳນົດເວລາ 12 ເດືອນ ຂອງຖານະຄູ່ຮ່ວມມືໃນນາມເປັນສ່ວນໜຶ່ງຂອງວຽກງານການເຄື່ອນໄຫວອົງການຈັດຕັ້ງທາງສັງຄົມ ແລະ ໂຄງການເພື່ອຫຼຸດຜ່ອນການລະບາດຂອງພະຍາດໂຄວິດ-19, ຊຶ່ງຈະປັບປຸງການຮັບມືໃນໄລຍະຍາວຂອງປະເທດ ກໍຄືຂອງໂລກ. 10 ໂຄງການຂອງອົງການຈັດຕັ້ງທາງສັງຄົມນີ້ ພາຍໃຕ້ການສະໜັບສະໜູນໂດຍອົງການສະຫະພາບເອີຣົບ ຈະເຂົ້າຫາປະຊາຊົນຈຳນວນ 100,000 ຄົນທົ່ວທັງ 102 ໝູ່ບ້ານໃນ 16 ເມືອງ, ລວມທັງການສະໜອງຈຸດລ້າງມືຈຳນວນ 62 ແຫ່ງຢູ່ໂຮງຮຽນ 46 ແຫ່ງ, 5 ແຫ່ງຂອງຈຸດບໍລິການດ້ານສາທາລະນະສຸກ ແລະ ຢູ່ຕະຫຼາດ 10 ຈຸດ. ອ່ານເພິ່ມເຕີມ  ...

ງານພົບປະທາງອອນລາຍຈັດຂື້ນໂດຍກະຊວງສາທາລະນະສຸກ ພາຍໃຕ້ການຮ່ວມມືຈາກກອງທຶນເພື່ອປະຊາກອນຂອງອົງການສະຫະປະຊາຊາດ ປະຈຳລາວ ພາຍໃຕ້ຫົວຂໍ້: “ຕິດຕາມຂໍ້ມູນ, ລົງທຶນໃສ່ຂະແໜງການແພດຜະດຸງຄັນ” ໂດຍເນັ້ນໃສ່ບົດບາດຄວາມສຳຄັນຂອງວຽກງານຜະດຸງຄັນ ແລະ ເດັກນ້ອຍ ທີ່ຍັງມີຄວາມຕ້ອງການການຊ່ວຍເຫຼືອ. ສິ່ງສຳຄັນຂອງຂະບວນການ SRMNAH ໃນ ສປປ ລາວນີ້ ໄດ້ຮັບການປັບປຸງຈາກ 19% ໃນປີ 2014 ມາເປັນ 62% ທຽບກັບບົດລາຍງານ SoWMy (2021) ທີ່ຜ່ານມາ, ມີພຽງແຕ່ປະມານ 12% ຂອງແພດຜະດຸງຄັນທີ່ໄດ້ຮັບການຝຶກອົບຮົມຢ່າງເຕັມສ່ວນຕາມມາດຕະຖານສາກົນ.ອ່ານເພິ່ມເຕີມ.  ...

ຂະບວນການຄ້າມະນຸດຂອງເພດຍິງຈາກ ປະເທດລາວ ເພື່ອໄປເປັນເມຍຂອງເພດຊາຍຈີນ ຫຼື ໄປເຮັດວຽກໃນອາຊີບຂາຍບໍລິການທາງເພດໄດ້ເພິ່ມຂື້ນ ຍ້ອນຄວາມກົດດັນທາງເສດຖະກິດໃນຊ່ວງພະຍາດລະບາດໂຄວິດ-19.ການຄ້າມະນຸດໂດຍທົ່ວໄປແມ່ນດຳເນີນໂດຍຜ່ານຮູບແບບການເປັນນາຍໜ້າ ທີ່ໄດ້ຊອກຫາໄວໜຸ່ມເພດຍິງ ຫຼື ດ້ວຍການຕົວຍວະໂນ້ມນ້າວພໍ່ແມ່ຂອງເຂົາເຈົ້າ ເພື່ອໃຫ້ລູກສາວເຂົາເຈົ້າແຕ່ງການກັບຊາວຕ່າງຊາດ. ນາຍໜ້າເລິ່ມຕົ້ນຈາກການຊ່ອງຫາຜ່ານທາງເຟສບຸກ ແລະ ດ້ວຍການຍື່ນຄຳໝັ້ນສັນຍາວ່າເງິນຈະຕາມມາພາຍຫຼັງການແຕ່ງງານກັບເພດຊາຍຈີນ. ອ່ານເພິ່ມຕື່ມ  ...