ພັດທະນາພື້ນຖານໂຄງລ່າງ ແລະ ການທ່ອງທ່ຽວເປັນກຸນແຈສຳຄັນຂອງການຂະຫຍາຍຕົວດ້ານເສດຖະກິດຂອງລາວ: ADB
ວຽງຈັນ (ວຽງຈັນທາມສ໌/ANN) – ລັດຖະບານວາງເປົ້າໝາຍດຶງດູດນັກທ່ອງທ່ຽວຕ່າງປະເທດໃຫ້ຫຼາຍຂຶ້ນແຕ່ນີ້ໄປເຖິງທ້າຍປີ ພາຍໃຕ້ນະໂຍບາຍ, ການໂຄສະນາສົ່ງເສີມການທ່ອງທ່ຽວ ແລະ ການປັບປຸງດ້ານນະໂຍບາຍ ຫຼາຍໆຢ່າງ.ບາດກ້າວດັ່ງກ່າວ ແມ່ນເນື່ອງມາຈາກການເຜີຍແຜ່ການຄາດຄະເນຊຸດໃໝ່ຂອງທະນາຄານພັດທະນາອາຊີ (ADB) ເຊິ່ງສະແດງໃຫ້ເຫັນການຂະຫຍາຍຕົວດ້ານເສດຖະກິດຂອງລາວຈະຫຼຸດຜ່ອນໃນປີ 2019 ແລະ 2020 ເນື່ອງຈາກການຂະຫຍາຍຕົວຂອງຂະແໜງອຸດສາຫະກຳ ແລະ ການບໍລິການຫຼຸດຜ່ອນລົງໃນຊ່ວງຫົກເດືອນຕົ້ນປີ 2019 ຍ້ອນຈຳນວນນັກທ່ອງທ່ຽວຕ່າງປະເທດຫຼຸດລົງ.ອ່ານຕໍ່ ...
ບຸນແຝງ ໄພມະນີວົງ
http://annx.asianews.network/content/infrastructure-development-tourism-key-economic-growth-laos-adb-105204
ບໍລິສັດ ແບນໂດ ເດັນເຊັນ ຜູ້ຜະລິດເຄເບິນລົດໄຟຟ້າປະເທດຍີ່ປຸ່ນເປີດໂຮງງານຢູ່ລາວ
ບໍລິສັດ ແບນໂດ ເດັນເຊັນ ຜູ້ຜະລິດເຄເບິນປະເທດຍີ່ປຸ່ນເປີດໂຮງງານຢູ່ລາວ, ຮ່ວມກັບກຸ່ມນັກລົງທຶນທີ່ເພີ່ມທະວີການລົງທຶນໃນພາກພື້ນອາຊີຕາເວັນອອກສຽງໃຕ້ ທ່າມກາງຄວາມຕ້ອງການລົດໄຟຟ້າທີ່ເພີ່ມຂຶ້ນ.ບໍລິສັດດັ່ງກ່າວຈະຄ່ອຍໆສ້າງຄວາມເຂັ້ມແຂງໃຫ້ແກ່ການດຳເນີນທຸລະກິດໃນທ້ອງຖິ່ນ ແລະ ພາຍໃຕ້ຄ່າແຮງງານທີ່ຖືກກວ່າ ແລະ ເຄືອຂ່າຍການຈຳໜ່າຍທີ່ສ້າງໂດຍບໍລິສັດສາຂາໃນລາວ. ນອກນີ້ຍັງຈະມີການພິຈາລະນາການສົ່ງອອກສິນຄ້າຈາກລາວໄປຍີ່ປຸ່ນ.ອ່ານຕໍ່ ...
The Laotian Times
https://laotiantimes.com/2019/08/13/japanese-electronic-vehicle-cable-manufacturer-bando-opens-factory-in-laos/
ທຸລະກິດມືໃໝ່, ຜູ້ປະກອບການຂອງລາວ ພົບປະໃນງານເຄືອຂ່າຍທຸລະກິດ
ວຽງຈັນ (ວຽງຈັນທາມສ໌/ANN) – ຫົວໜ່ວຍທຸລະກິດໃໝ່, ຜູ້ປະກອບການຂອງລາວ ມີໂອກາດໃນການຂະຫຍາຍກິດຈະການຂອງຕົນໂດຍການສ້າງເຄືອຂ່າຍກັບນັກລົງທຶນຕ່າງປະເທດ, ຜູ້ຈັດງານກ່າວໃນງານເຄືອຂ່າຍທຸລະກິດມືໃໝ່ ແລະ ອາຊີບ.ງານສ້າງເຄືອຂ່າຍທຸລະກິດດັ່ງກ່າວໄດ້ຈັດຂຶ້ນທີ່ນະຄອນຫຼວງວຽງຈັນ ໃນວັນພຸດຜ່ານມານີ້ ໂດຍມີການເຂົ້າຮ່ວມຂອງນັກລົງທຶນຕ່າງປະເທດ, ຜູ້ປະກອບການພາຍໃນ ແລະ ທຸລະກິດນ້ອງໃໝ່.ອ່ານຕໍ່ ...
ສຸກສະໄໝ ບູລົມ
ນັກລົງທຶນລາວທຸ້ມທຶນໂຄງການຫຼາຍຮ້ອຍລ້ານໂດລາໃນເຂດເສດຖະກິດພິເສດທ່າແຂກ
ຄຳມ່ວນ, ລາວ (ວຽງຈັນທາມສ໌/ANN) – ກຸ່ມບໍລິສັດໂຈ້ບຸນມີ, ກຸ່ມເຄືອຂ່າຍທຸລະກິດຊັ້ນນຳຂອງລາວ ໄດ້ທຸ້ມທຶນ US$500 ລ້ານໂດລາໃນການກໍ່ສ້າງກຸ່ມທຸລະກິດການຄ້າ ແລະ ສາງເກັບສິນຄ້າໃນເຂດເສດຖະກິດພິເສດທ່າແຂກ (TSEZ) ແຂວງຄຳມ່ວນ.ບໍລິສັດດັ່ງກ່າວມີແຜນສ້າງທຸລະກິດການຄ້າ ເຊັ່ນ ສູນການຄ້າ, ສາງຈັດເກັບສິນຄ້າ ແລະ ສູນລວມສິນຄ້າປະເພດຕ່າງໆ.ໂຄງການດັ່ງກ່າວກວມເອົາເນື້ອທີ່ກວ່າ 100 ເຮັກຕາ ແລະ ມີໄລຍະການສຳປະທານ 68 ປີ.ອ່ານຕໍ່ ...
ໂຕະຂ່າວ
ລັດອອກໝາຍກຳນົດການໃໝ່ສຳລັບການຈັດຕັ້ງບໍລິສັດນ້ຳມັນ
ວຽງຈັນ (ວຽງຈັນທາມສ໌/ANN) – ກະຊວງອຸດສາຫະກຳ ແລະ ການຄ້າຊຸກຍູ້ໃຫ້ບັນດາບໍລິສັດ ທີ່ຕ້ອງການຮັກສາສິດໃນການນຳເຂົ້ານ້ຳມັນເຊື້ອໄຟດ້ວຍຕົນເອງ ໃຫ້ປັບປຸງທຸລະກິດຂອງຕົນໃຫ້ສອດຄ່ອງຕາມດຳລັດຂອງນາຍົກລັດຖະມົນຕີ ວ່າດ້ວຍທຸລະກິດນ້ຳມັນເຊື້ອໄຟ ບໍ່ດັ່ງນັ້ນຈະບໍ່ໄດ້ຮັບອະນຸຍາດໃຫ້ດຳເນີນທຸລະກິດ.ທ່ານນາງ ບານສະຕິ ເທບພະວົງ ຫົວໜ້າຫ້ອງວ່າການລັດຖະມົນຕີ ໄດ້ເຊັນຮັບຮອງແຈ້ງການຂອງລັດຖະມົນຕີກະຊວງການຄ້າ ສະບັບວັນທີ 20, ເພື່ອແນໃສ່ແຈ້ງການເຖິງບັນດາທຸລະກິດ ທີ່ມີຄວາມຕ້ອງການຮັກສາສິດໃນການນຳເຂົ້ານ້ຳມັນເຊື້ອໄຟ ໃຫ້ຍື່ນໃບຄຳຮ້ອງເພື່ອຂຶ້ນທະບຽນທຸລະກິດກັບອຳນາດການປົກຄອງ ບໍ່ໃຫ້ກາຍວັນທີ 1 ພຶດສະພາ ປີນີ້.ອ່ານຕໍ່ ...
ເອກະພອນ ພູທອນສີ
ລາວ, ມຽນມາ, ກຳປູເຈຍ ຈະປັບການສອນພາສາເກົາຫຼີ ເຂົ້າໃນຫຼັກສູດສາມັນສຶກສາ
ປູຊານ, 26 ພະຈິກ (Yonhap) — ສາມປະເທດສະມາຊິກ ໃນສະມາຄົມປະຊາຊາດອາຊີຕາເວັນອອກສຽງໃຕ້ (ASEAN) ຄື ລາວ, ມຽນມາ ແລະ ກຳປູເຈຍ ມີແຜນຮັບຮອງເອົາພາສາເກົາຫຼີ ເຂົ້າໃນຫຼັກສູດການສຶກສາສາມັນໃນໂຮງຮຽນມັດທະຍົມ ໃນຕົ້ນປີໜ້າ, ຕາມການລາຍງານຂອງເຈົ້າໜ້າທີ່ໃນວັນອັງຄານນີ້.ທ່ານ ຢູ ອຶນ ແຮ ລັດຖະມົນຕີກະຊວງສຶກສາທິການເກົາຫຼີໃຕ້ ໄດ້ລົງນາມໃນບົດບັນທຶກຄວາມເຂົ້າໃຈ ຮ່ວມກັບຮອງລັດຖະມົນຕີກະຊວງສຶກສາທິການຂອງລາວ ກ່ຽວກັບການສຶກສາພາສາເກົາຫຼີ ໃນພາກພື້ນອາຊີຕາເວັນອອກສຽງໃຕ້ ຄຽງຄູ່ກັບກອງປະຊຸມສຸດຍອດອາຊຽນ-ສາທາລະນະລັດເກົາຫຼີ ທີ່ກຳລັງດຳເນີນຢູ່ທີ່ນະຄອນປູຊານ.ອ່ານຕໍ່ ...
ໂຕະຂ່າວ Yonhap
ລັດຮ່ວມມືກັນສາກົນໃນການເຮັດສົງຄາມຕ້ານຢາເສບຕິດ
ວຽງຈັນ (ວຽງຈັນທາມສ໌/ANN) – ລັດຖະບານເຮັດວຽກຢ່າງໃກ້ຊິດກັບອົງການຈັດຕັ້ງສາກົນເພື່ອສະໜັບສະໜູນການເຮັດສົງຄາມຕ້ານຢາເສບຕິດ ໃນຂະນະທີ່ການຄ້າຂາຍຢາເສບຕິດມີລັກສະນະເພີ່ມຂຶ້ນໃນທົ່ວປະເທດ, ໂດຍສະເພາະແມ່ນຢາໄອສ໌ ແລະ ຢາມ້າ.ບັນຫາດັ່ງກ່າວໄດ້ມີການລາຍງານໃນກອງປະຊຸມລະດັບສູງຂອງກຸ່ມເຮັດວຽກໃນຂະແໜງການຕ້ານຢາເສບຕິດຄັ້ງທີ 14 ທີ່ນະຄອນຫຼວງວຽງຈັນໃນອາທິດແລ້ວນີ້. ອ່ານຕໍ່ ...
ພົມພົງ ເຫຼົາອິນ
http://annx.asianews.network/content/laos-partnering-int%E2%80%99l-bodies-war-against-drugs-102622
BCEL ເປີດຕົວບັດເຄຣດິດ Mastercard ແລະ ບັດ prepaid Mastercard ທີ່ສາມາດນຳໃຊ້ໃນທົ່ວໂລກ
ວຽງຈັນ (ວຽງຈັນທາມສ໌/ANN) – ທະນາຄານການຄ້າຕ່າງປະເທດລາວ (BCEL) ມະຫາຊົນ ໄດ້ເປີດຕົວບັດເດບິດແບບຈ່າຍລ່ວງໜ້າ ແລະ ບັດເຄຣດິດຢ່າງເປັນທາງການ ພາຍໃຕ້ຍີ້ຫໍ້ BCEL World Mastercard ເພື່ອຕອບສະໜອງຕໍ່ຄວາມຕ້ອງການໃນການທ່ອງທ່ຽວ ແລະ ຊື້ເຄື່ອງຂອງຄົນລາວ ດ້ວຍທາງເລືອກທີ່ປອດໄພ ແລະ ດີກວ່າການນຳໃຊ້ເງິນສົດ ທັງສະດວກຕໍ່ການເຂົ້າເຖິງຂອງທຸກຄົນ.ພິທີເປີດຕົວຜະລິດຕະພັນບັດ BCEL World Mastercard Credit Card ແລະ BCEL Prepaid Mastercard ໄດ້ມີຂຶ້ນທີ່ວຽງຈັນ ໃນວັນສຸກຜ່ານມາ ພາຍໃຕ້ການເຂົ້າຮ່ວມຂອງທ່ານ ບຸນເຫຼືອ ສີໄຊວໍລະວົງ ຫົວໜ້າກົມນະໂຍບາຍ ແລະ ນິຕິກຳການເງິນພາຍໃຕ້ກະຊວງການເງິນ ແລະ ປະທານຄະນະອຳນວຍການ BCEL.ອ່ານຕໍ່ ...
ໂຕະຂ່າວ
ລາວ, ມົນທົນກວາງຕຸ້ງຂອງຈີນໝາຍຕາຂົງເຂດການພັດທະນາໃໝ່ໆ
ວຽງຈັນ (ວຽງຈັນທາມສ໌/ANN) – ລາວ ແລະ ມົນທົນກວາງຕຸ້ງຂອງຈີນມີເປົ້າໝາຍເພີ່ມທະວີປະລິມານການຄ້າ ແລະ ການລົງທຶນ ຫຼັງຈາກໃນປີກາຍນີ້ ມູນຄ່າການຄ້າສອງຝ່າຍມີເຖິງ US$270 ລ້ານໂດລາ, ອີງຕາມເຈົ້າໜ້າທີ່ລະດັບສູງຂອງຈີນ.ນອກຈາກນີ້ ໃນປີຜ່ານມາໄດ້ມີການເປີດຕົວໂຄງການລົງທຶນຫ້າໂຄງການ ມູນຄ່າກວ່າ US$110 ລ້ານໂດລາ, ໃນໂຄງການຮ່ວມມືທາງດ້ານເສດຖະກິດພາຍໃຕ້ການສະໜັບສະໜູນຂອງລັດຖະບານສອງປະເທດ.ອ່ານຕໍ່ ...
ໂຕະຂ່າວ
ລາວລະງັບການນຳເຂົ້າໝູ ແລະ ຜະລິດຕະພັນຊີ້ນໝູຈາກຈີນ
ວຽງຈັນ — ການນຳເຂົ້າຜະລິດຕະພັນຊີ້ນໝູທຸກຊະນິດຈາກຈີນ ກໍຄື ໝູ ແລະ ລູກໝູເປັນ ໄດ້ມີການລະງັບຊົ່ວຄາວຫຼັງຈາກມີການລະບາດຂອງເຊື້ອໄວຣັສ໌ອະຫິວາໝູອາຟຣິກາ ທີ່ແຂວງຫຼຽວໜິງ ທາງພາກຕາເວັນອອກສຽງເໜືອຂອງຈີນ. ກະຊວງກະສິກຳ ແລະ ປ່າໄມ້ລາວໄດ້ອອກແຈ້ງການອາທິດແລ້ວນີ້ ໃນການຫ້າມການນຳເຂົ້າຜະລິດຕະພັນໝູ, ລູກໝູ ແລະ ແມ່ພັນໝູ ເພື່ອປ້ອງກັນການແຜ່ລະບາດຂອງເຊື້ອພະຍາດທີ່ອາດເກີດຂຶ້ນໃນລາວ ແລະ ທັງເປັນການປົກປ້ອງຜູ້ບໍລິໂພກຈາກການເຈັບປ່ວຍ.ອ່ານຕໍ່ ...
ວຽງຈັນທາມສ໌/ເຄືອຂ່າຍຂ່າວເອເຊຍ
ລາວ, ຫວຽດນາມວາງແຜນຈັດບັ້ນສົນທະນາທາງທຸລະກິດ ເພື່ອສົ່ງເສີມການລົງທຶນ, ການຄ້າຊາຍແດນ
ວຽງຈັນ (ວຽງຈັນທາມສ໌/ANN) – ເຈົ້າໜ້າທີ່ການຄ້າໃນຫົກແຂວງຂອງລາວ ແລະ ແຂວງດຽນບຽນຟູຂອງຫວຽດນາມ ໄດ້ຕົກລົງຈັດບັ້ນສົນທະນາທາງທຸລະກິດຂຶ້ນໃນປີໜ້າ ເພື່ອສົ່ງເສີມດ້ານການຄ້າ.ແຜນການຈັດບັ້ນສົນທະນາດັ່ງກ່າວ ແມ່ນສ່ວນໜຶ່ງຂອງແຜນການຮ່ວມມືສຳລັບປີ 2019-2020 ເຊິ່ງໄດ້ມີການຫາລືໃນກອງປະຊຸມຫຼ້າສຸດ ລະຫວ່າງສອງຝ່າຍ ຢູ່ແຂວງຫຼວງພະບາງ.ອ່ານຕໍ່ ...
ມະນີຈັນ ປັນສີວົງໄຊ
http://annx.asianews.network/content/laos-vietnam-plan-business-dialogue-boost-investment-border-trade-105443
ອາກາດໃນລາວຍັງຄົງສືບຕໍ່ຮ້ອນໄປເຖິງທ້າຍເດືອນເມສາ
ສະພາບອາກາດທີ່ຮ້ອນໃນປະຈຸບັນຍັງຈະສືບຕໍ່ໄປເຖິງທ້າຍເດືອນນີ້ໃນບາງພາກຂອງລາວ, ເຊິ່ງອຸນນະພູມອາດຂຶ້ນສູງເຖິງລະດັບ 40 ອົງສາເຊ, ຕາມກົມອຸຕຸນິຍົມວິທະຍາ.ເຖິງຢ່າງໃດກໍຕາມ ອາດມີສະພາບຝົນຕົກ ແລະ ລົມພັດແຮງໃນບາງພື້ນທີ່ ໃນຊ່ວງວັນທີ 26-28 ເມສານີ້ ເຊິ່ງອາດຊ່ວຍຫຼຸດຜ່ອນຄວາມຮ້ອນລົງໄດ້ລະດັບໜຶ່ງ.ອ່ານຕໍ່ ...
ທີມຂ່າວວຽງຈັນທາມສ໌
ໂຄງການກໍ່ສ້າງເສັ້ນທາງລົດໄຟລາວ-ຈີນ ບໍ່ໄດ້ຮັບຜົນກະທົບຈາກເຫດແຜ່ນດິນໄຫວທີ່ເກີດຂຶ້ນ
ວຽງຈັນ, 21 ພະຈິກ (Xinhua) — ບໍລິສັດທາງລົດໄຟລາວ-ຈີນ ຈຳກັດ ຜູ້ຮັບຜິດຊອບການກໍ່ສ້າງເສັ້ນທາງລົດໄຟລາວ-ຈີນ ທາງພາກເໜືອຂອງລາວ, ລາຍງານໃນວັນພະຫັດນີ້ວ່າ ການກໍ່ສ້າງເສັ້ນທາງລົດໄຟ ບໍ່ໄດ້ຮັບຜົນກະທົບຈາກເຫດແຜ່ນດິນໄຫວລະດັບຕື້ນທີ່ເກີດຂຶ້ນ.ເຫດແຜ່ນດິນໄຫວຂະໜາດ 6.1 ດັ່ງກ່າວ ແມ່ນເກີດຂຶ້ນຢູ່ເຂດຊາຍແດນລະຫວ່າງພາກເໜືອຂອງໄທ ແລະ ລາວ ໃນເວລາ 6:50 ໂມງ ຂອງວັນພະຫັດນີ້ ໃນລະດັບຄວາມເລິກ 10 ກມ, ຕາມໜ່ວຍງານສຳຫຼວດທໍລິນີວິທະຍາຂອງສະຫະລັດ.ອ່ານຕໍ່ ...
huaxia
ໂຄງການນະວັດຕະກຳການກະເສດສິ້້ນສຸດລົງ ແຕ່ວ່າການພັດທະນາຊາວກະສິກອນຍັງຕ້ອງສືບຕໍ່
ວຽງຈັນ (ວຽງຈັນທາມສ໌/ANN) – ເຖິງວ່າໂຄງການພັດທະນາຄວາມສາມາດສຳລັບລະບົບນະວັດຕະກຳການກະເສດຈະສິ້ນສຸດລົງ, ແຕ່ວ່າການພັດທະນາກຸ່ມຊາວກະສິກອນເປົ້າໝາຍຍັງຕ້ອງສືບຕໍ່ດຳເນີນການ.ນີ້ແມ່ນຂໍ້ຄວາມຈາກກອງປະຊຸມປິດໂຄງການ ເຊິ່ງຈັດຂຶ້ນທີ່ວຽງຈັນໃນອາທິດແລ້ວນີ້ ເພື່ອປະເມີນຜົນສຳເລັດໃນໄລຍະສີ່ປີຂອງໂຄງການ, ເຊິ່ງທີມຊ່ຽວຊານໄດ້ຮຽກຮ້ອງໃຫ້ຊາວກະສິກອນສືບຕໍ່ຂະບວນການເພື່ອສົ່ງເສີມຄວາມສາມາດໃນການຜະລິດ.ອ່ານຕໍ່ ...
ບໍລິສັດວຽງຈັນເຊັນເຕີມະຫາຊົນ ເລີ່ມຕົ້ນເປີດຂາຍຫຸ້ນໃຫ້ມະຫາຊົນ
(ຂປລ) ບໍລິສັດວຽງຈັນເຊັນເຕີມະຫາຊົນ ໄດ້ເລີ່ມເປີດຂາຍຫຸ້ນໃຫ້ກັບຜູ້ທີ່ສົນໃຈທັງພາຍໃນ ແລະ ຕ່າງປະເທດ.ພິທີເປີດໂຕການຊື້ຂາຍຫຸ້ນດັ່ງກ່າວໄດ້ມີຂຶ້ນໃນວັນພຸດຜ່ານມານີ້ ພາຍໃຕ້ການເປັນສັກຂີພະຍານຂອງທ່ານ ສາຍສະໝອນ ຈັນທະຈັກ ເລຂາທິການຕະຫຼາດຫຼັກຊັບລາວ ແລະ ຕາງໜ້າຈາກໜ່ວຍທຸລະກິດຕ່າງໆ.ບໍລິສັດດັ່ງກ່າວຈະຂາຍຫຸ້ນປະມານ 63.9 ລ້ານຫຸ້ນ ໃນລາຄາ 1,050 ກີບຕໍ່ຫຸ້ນ ເພື່ອສ້າງທຶນໃຫ້ໄດ້ຢ່າງໜ້ອຍ 67 ຕື້ກີບ, ຕາມທ່ານ ອຸລາໄທ ສັນຕິຄົງຄາ ຮອງປະທານບໍລິສັດ ວຽງຈັນເຊັນເຕີລາວຈຳກັດມະຫາຊົນ.ອ່ານຕໍ່ ...
ຂປລ
ລາວຕັ້ງເປົ້າເກັບກູ້ລະເບີດບໍ່ທັນແຕກໃຫ້ໄດ້ຢ່າງໜ້ອຍ 90,000 ເຮັກຕາ
ວຽງຈັນ (ວຽງຈັນທາມສ໌/ANN) – ລັດຖະບານໄດ້ວາງເປົ້າໝາຍການເກັບກູ້ ແລະ ທຳລາຍລະເບີດບໍ່ທັນແຕກອອກຈາກພື້ນທີ່ໃຫ້ໄດ້ 93,362 ເຮັກຕາ, ເຊິ່ງໃນນີ້ 9,179 ເຮັກຕາ ແມ່ນໄດ້ສຳເລັດການເກັບກູ້ແລ້ວ.ເປົ້າໝາຍດັ່ງກ່າວໄດ້ມີການເປີດເຜີຍໃນກອງປະຊຸມສື່ມວນຊົນເນື່ອງໃນວັນຄົບຮອບອະນຸສັນຍາການຕ້ານລະເບີດລູກຫວ່ານຄັ້ງທີ 9 ວັນທີ 1 ສິງຫາ.ອ່ານຕໍ່ ...
ພົມພົງ ເຫຼົາອິນ
http://annx.asianews.network/content/laos-targets-removal-uxo-over-90000-hectares-101012
ໂຮງງານຊີມັງຈີນໃນລາວລະເບີດ ເຮັດໃຫ້ມີຜູ້ເສຍຊີວິດ 1 ຄົນ, ບາດເຈັບອີກ 20 ຄົນ
ການລະເບີດໃນວັນເສົານີ້ ເຊິ່ງເກີດຈາກການລະເບີດຫີນໃນໂຮງງານຊີມັງຂອງຈີນ ຢູ່ແຂວງພາກເໜືອຂອງລາວ ໄດ້ສົ່ງຜົນກະທົບຕໍ່ບ້ານແຫ່ງໜຶ່ງ ເຮັດໃຫ້ມີຜູ້ເສຍຊີວິດຢ່າງໜ້ອຍໜຶ່ງຄົນ ແລະ ບາດເຈັບອີກ 20 ກວ່າຄົນ, ຕາມການກ່າວຂອງຊາວບ້ານ.ການລະເບີດດັ່ງກ່າວຢູ່ບ້ານພອນມະນີ ເມືອງນ້ຳບາກ ແຂວງຫຼວງພະບາງ ເຮັດໃຫ້ເຮືອນຊານ ແລະ ລົດພັງເສຍຫາຍ.ອ່ານຕໍ່ ...
ໜ່ວຍຂ່າວ RFA ລາວ
https://www.rfa.org/english/news/laos/cement-blast-10062019112820.html
ລາວ, ເກົາຫຼີ ສັງລວມຕົວເລກ ເພື່ອເປີດຕົວເວັບໄຊສະຖິຕິລາວ
ວຽງຈັນ (ວຽງຈັນທາມສ໌/ANN) – ສູນສະຖິຕິແຫ່ງຊາດ ຮ່ວມກັບໜ່ວຍງານສະຖິຕິເກົາຫຼີ ທຳການເປີດຕົວເວັບໄຊ LAOSIS (https://laosis.lsb.gov.la) ຢ່າງເປັນທາງການໃນວານນີ້ ເພື່ອເປັນສູນລວມໃນການໃຫ້ບໍລິການຂໍ້ມູນທາງສະຖິຕິທີ່ສຳຄັນຂອງລາວ.ເວັບໄຊດັ່ງກ່າວ ຖືກອອກແບບໃຫ້ມີຄວາມສະດວກຕໍ່ການນຳໃຊ້ ແລະ ງ່າຍຕໍ່ການຄົ້ນຫາຂໍ້ມູນ, ມີເນື້ອໃນທີ່ກວ້າງຂວາງ ແລະ ເຂົ້າໃຈງ່າຍ ເໝາະສຳລັບຜູ້ໃຊ້ທົ່ວໄປ ແລະ ເປັນຂໍ້ມູນອ້າງອີງ ເພື່ອສ້າງຄວາມສະດວກໃຫ້ແກ່ຜູ້ນຳໃຊ້ ໃນການເຂົ້າເຖິງຂໍ້ມູນທີ່ຕ້ອງການໄດ້ຢ່າງວ່ອງໄວ ແລະ ງ່າຍດາຍ.ອ່ານຕໍ່ ...
ໂຕະຂ່າວ
ອົງການສາກົນມີແຜນສະໜັບສະໜູນການພັດທະນາກະສິກຳຄັ້ງໃຫຍ່ໃນລາວ
ວຽງຈັນ (ວຽງຈັນທາມສ໌/ANN) – ອົງການກອງທຶນສາກົນເພື່ອການພັດທະນາກະສິກຳ (IFAD) ມີແຜນອະນຸມັດການຊ່ວຍເຫຼືອດ້ານການເງິນຊຸດໃໝ່ ໃນການຈັດຕັ້ງປະຕິບັດໂຄງການໃນຊົນນະບົດ ແນໃສ່ສົ່ງເສີມການຜະລິດເປັນສິນຄ້າ.ໂຄງການດັ່ງກ່າວ ຊຶ່ງເປັນສ່ວນໜຶ່ງຂອງສືບຕໍ່ການຊ່ວຍເຫຼືອໃນປະຈຸບັນ ຈະດຳເນີນແຕ່ປີ 2020-2026 ໃນມູນຄ່າລວມ US$30 ລ້ານໂດລາ ເຊິ່ງຄາດວ່າຈະໄດ້ຮັບການອະນຸມັດໃນປີນີ້.ເຈົ້າໜ້າທີ່ໄດ້ເປີດເຜີຍຂໍ້ມູນດັ່ງກ່າວຕໍ່ສື່ມວນຊົນໃນໂອກາດທີ່ທ່ານ ກິວເບີດ ຟ. ຮຸງໂບ ປະທານ IFAD ພ້ອນດ້ວຍຄະນະ ເດີນທາງຢ້ຽມຢາມແຂວງຊຽງຂວາງເພື່ອກວດສອບຄວາມຄືບໜ້າຂອງໂຄງການໃນອາທິດນີ້.ອ່ານຕໍ່ ...
ແກ້ວວຽງຄອນ ບຸນວິເສດ
http://annx.asianews.network/content/major-int%E2%80%99l-boost-planned-agricultural-development-laos-100822
ລັດຖະບານ, ທະນາຄານໂລກຮ່ວມມືກັນໃນການປັບປຸງດ້ານໂພຊະນາການໃນລາວ
ວຽງຈັນ (ວຽງຈັນທາມສ໌/ANN) – ລັດຖະບານ ແລະ ທະນາຄານໂລກໄດ້ອະນຸມັດສອງໂຄງການໃໝ່ ເຊິ່ງມີມູນຄ່າກວ່າ 451 ຕື້ກີບ (US$52 ລ້ານໂດລາ) ເຊິ່ງເປັນການຮ່ວມມືເພື່ອແກ້ໄຂບັນຫາເດັກເຕ້ຍໃນອັດຕາທີ່ສູງໃນແຂວງພາກເໜືອຂອງລາວ.ໂຄງການທີ່ມີຊື່ວ່າ ການຫຼຸດຜ່ອນຄວາມທຸກຍາກ ແລະ ການຂາດສານອາຫານໃນຊົນນະບົດ ຈະສ້າງພື້ນຖານໃຫ້ແກ່ລະບົບການຄຸ້ມຄອງສັງຄົມແຫ່ງຊາດ ແລະ ສະໜັບສະໜູນຜົນຂອງໂຄງການໂອນເງິນແບບມີເງື່ອນໄຂເພື່ອການປັບປຸງດ້ານໂພຊະນາການ.ອ່ານຕໍ່ ...
ທີມຂ່າວວຽງຈັນທາມສ໌