ລາວ, ກຳປູເຈຍເດີນໜ້າແກ້ໄຂຂໍ້ຂັດແຍ່ງຊາຍແດນທີ່ຍັງບໍ່ລົງລອຍ
ປະເທດລາວ ແລະ ກຳປູເຈຍຕົກລົງກ່ຽວກັບຫຼັກການພື້ນຖານໃນການຮ່າງຂໍ້ກຳນົດການປະຕິບັດ (TOR) ເພື່ອເລັ່ງມືການແກ້ໄຂຂໍ້ຂັດແຍ່ງໃນພື້ນທີ່ຊາຍແດນ.ນີ້ແມ່ນຜົນຂອງກອງປະຊຸມລະຫວ່າງການນຳກະຊວງການຕ່າງປະເທດລາວ ແລະ ກຳປູເຈຍ, ເຊິ່ງຈັດຂຶ້ນຢູ່ນະຄອນວຽງຈັນໃນວັນສຸກແລ້ວນີ້.ອ່ານຕໍ່ ...
ໂຕະຂ່າວວຽງຈັນທາມສ໌
ນັກລົງທຶນລາວທຸ້ມທຶນໂຄງການຫຼາຍຮ້ອຍລ້ານໂດລາໃນເຂດເສດຖະກິດພິເສດທ່າແຂກ
ຄຳມ່ວນ, ລາວ (ວຽງຈັນທາມສ໌/ANN) – ກຸ່ມບໍລິສັດໂຈ້ບຸນມີ, ກຸ່ມເຄືອຂ່າຍທຸລະກິດຊັ້ນນຳຂອງລາວ ໄດ້ທຸ້ມທຶນ US$500 ລ້ານໂດລາໃນການກໍ່ສ້າງກຸ່ມທຸລະກິດການຄ້າ ແລະ ສາງເກັບສິນຄ້າໃນເຂດເສດຖະກິດພິເສດທ່າແຂກ (TSEZ) ແຂວງຄຳມ່ວນ.ບໍລິສັດດັ່ງກ່າວມີແຜນສ້າງທຸລະກິດການຄ້າ ເຊັ່ນ ສູນການຄ້າ, ສາງຈັດເກັບສິນຄ້າ ແລະ ສູນລວມສິນຄ້າປະເພດຕ່າງໆ.ໂຄງການດັ່ງກ່າວກວມເອົາເນື້ອທີ່ກວ່າ 100 ເຮັກຕາ ແລະ ມີໄລຍະການສຳປະທານ 68 ປີ.ອ່ານຕໍ່ ...
ໂຕະຂ່າວ
ລັດອອກໝາຍກຳນົດການໃໝ່ສຳລັບການຈັດຕັ້ງບໍລິສັດນ້ຳມັນ
ວຽງຈັນ (ວຽງຈັນທາມສ໌/ANN) – ກະຊວງອຸດສາຫະກຳ ແລະ ການຄ້າຊຸກຍູ້ໃຫ້ບັນດາບໍລິສັດ ທີ່ຕ້ອງການຮັກສາສິດໃນການນຳເຂົ້ານ້ຳມັນເຊື້ອໄຟດ້ວຍຕົນເອງ ໃຫ້ປັບປຸງທຸລະກິດຂອງຕົນໃຫ້ສອດຄ່ອງຕາມດຳລັດຂອງນາຍົກລັດຖະມົນຕີ ວ່າດ້ວຍທຸລະກິດນ້ຳມັນເຊື້ອໄຟ ບໍ່ດັ່ງນັ້ນຈະບໍ່ໄດ້ຮັບອະນຸຍາດໃຫ້ດຳເນີນທຸລະກິດ.ທ່ານນາງ ບານສະຕິ ເທບພະວົງ ຫົວໜ້າຫ້ອງວ່າການລັດຖະມົນຕີ ໄດ້ເຊັນຮັບຮອງແຈ້ງການຂອງລັດຖະມົນຕີກະຊວງການຄ້າ ສະບັບວັນທີ 20, ເພື່ອແນໃສ່ແຈ້ງການເຖິງບັນດາທຸລະກິດ ທີ່ມີຄວາມຕ້ອງການຮັກສາສິດໃນການນຳເຂົ້ານ້ຳມັນເຊື້ອໄຟ ໃຫ້ຍື່ນໃບຄຳຮ້ອງເພື່ອຂຶ້ນທະບຽນທຸລະກິດກັບອຳນາດການປົກຄອງ ບໍ່ໃຫ້ກາຍວັນທີ 1 ພຶດສະພາ ປີນີ້.ອ່ານຕໍ່ ...
ເອກະພອນ ພູທອນສີ
ລາວ, ມຽນມາ, ກຳປູເຈຍ ຈະປັບການສອນພາສາເກົາຫຼີ ເຂົ້າໃນຫຼັກສູດສາມັນສຶກສາ
ປູຊານ, 26 ພະຈິກ (Yonhap) — ສາມປະເທດສະມາຊິກ ໃນສະມາຄົມປະຊາຊາດອາຊີຕາເວັນອອກສຽງໃຕ້ (ASEAN) ຄື ລາວ, ມຽນມາ ແລະ ກຳປູເຈຍ ມີແຜນຮັບຮອງເອົາພາສາເກົາຫຼີ ເຂົ້າໃນຫຼັກສູດການສຶກສາສາມັນໃນໂຮງຮຽນມັດທະຍົມ ໃນຕົ້ນປີໜ້າ, ຕາມການລາຍງານຂອງເຈົ້າໜ້າທີ່ໃນວັນອັງຄານນີ້.ທ່ານ ຢູ ອຶນ ແຮ ລັດຖະມົນຕີກະຊວງສຶກສາທິການເກົາຫຼີໃຕ້ ໄດ້ລົງນາມໃນບົດບັນທຶກຄວາມເຂົ້າໃຈ ຮ່ວມກັບຮອງລັດຖະມົນຕີກະຊວງສຶກສາທິການຂອງລາວ ກ່ຽວກັບການສຶກສາພາສາເກົາຫຼີ ໃນພາກພື້ນອາຊີຕາເວັນອອກສຽງໃຕ້ ຄຽງຄູ່ກັບກອງປະຊຸມສຸດຍອດອາຊຽນ-ສາທາລະນະລັດເກົາຫຼີ ທີ່ກຳລັງດຳເນີນຢູ່ທີ່ນະຄອນປູຊານ.ອ່ານຕໍ່ ...
ໂຕະຂ່າວ Yonhap
ລາວ, ຈີນ ຮ່ວມມືໃນການຄວບຄຸມຄຸນນະພາບສິນຄ້າກະເສດເພື່ອການສົ່ງອອກ
ວຽງຈັນ (ວຽງຈັນທາມສ໌/ANN) – ລາວຈະມີສູນອຳນວຍຄວາມສະດວກຄຸນນະພາບສູງ ເພື່ອຮັບປະກັນມາດຕະຖານຄວາມສະອາດສາກົນທີ່ຈຳເປັນສຳລັບຜະລິດຕະພັນພຶດຜັກ ແລະ ສັດ ກໍຄືນຳໃຊ້ເພື່ອການຝຶກອົບຮົມ.ບົດບັນທຶກຄວາມເຂົ້າໃຈກ່ຽວກັບໂຄງການກໍ່ສ້າງສູນດັ່ງກ່າວ ໄດ້ມີການລົງນາມທີ່ນະຄອນວຽງຈັນ ໂດຍທ່ານ ຈັນທາ ທິບພະວົງພັນ ຫົວໜ້າກົມປູກຝັງ ກະຊວງກະສິກຳ ແລະ ປ່າໄມ້, ແລະ ທ່ານນາງ ຫຼຽງ ຢາຫຼີ ປະທານບໍລິສັດພັດທະນາກະສິກຳ ຢຸນນານ ຢູຈານ ຈຳກັດ.ອ່ານຕໍ່ ...
ສີລັດດາ ສຸລິຍົງ
http://annx.asianews.network/content/laos-china-partner-quality-control-agricultural-exports-106309
ລັດຮ່ວມມືກັນສາກົນໃນການເຮັດສົງຄາມຕ້ານຢາເສບຕິດ
ວຽງຈັນ (ວຽງຈັນທາມສ໌/ANN) – ລັດຖະບານເຮັດວຽກຢ່າງໃກ້ຊິດກັບອົງການຈັດຕັ້ງສາກົນເພື່ອສະໜັບສະໜູນການເຮັດສົງຄາມຕ້ານຢາເສບຕິດ ໃນຂະນະທີ່ການຄ້າຂາຍຢາເສບຕິດມີລັກສະນະເພີ່ມຂຶ້ນໃນທົ່ວປະເທດ, ໂດຍສະເພາະແມ່ນຢາໄອສ໌ ແລະ ຢາມ້າ.ບັນຫາດັ່ງກ່າວໄດ້ມີການລາຍງານໃນກອງປະຊຸມລະດັບສູງຂອງກຸ່ມເຮັດວຽກໃນຂະແໜງການຕ້ານຢາເສບຕິດຄັ້ງທີ 14 ທີ່ນະຄອນຫຼວງວຽງຈັນໃນອາທິດແລ້ວນີ້. ອ່ານຕໍ່ ...
ພົມພົງ ເຫຼົາອິນ
http://annx.asianews.network/content/laos-partnering-int%E2%80%99l-bodies-war-against-drugs-102622
ລາວ, ຫວຽດນາມສືບຕໍ່ກາານຮ່ວມມືກ່ຽວກັບລັດຖະບານອີເລັກໂທຣນິກ ແລະ ຄວາມປອດໄພໃນໂລກໄຊເບີ
ວຽງຈັນ (ວຽງຈັນທາມສ໌/ANN) – ລັດຖະບານລາວ ແລະ ຫວຽດນາມໄດ້ຕົກລົງສືບຕໍ່ການຮ່ວມມືໃນການພັດທະນາດ້ານຄວາມປອດໄພໃນໂລກໄຊເບີ, ລັດຖະບານອີເລັກໂທຣນິກ ແລະ ການບໍລິການເຄືອຂ່າຍໄປສະນີ.ຂໍ້ຕົກລົງກ່ຽວກັບການສືບຕໍ່ໃນການຮ່ວມມືດ້ານຄວາມປອດໄພໃນໂລກໄຊເບີ, ລັດຖະບານອີເລັກໂທຣນິກ ແລະ ການບໍລິການເຄືອຂ່າຍໄປສະນີ ໄດ້ເຮັດຂຶ້ນໃນມື້ວານນີ້ ລະຫວ່າງກະຊວງໄປສະນີ ແລະ ໂທລະຄົມມະນາຄົມຂອງລາວ ແລະ ກະຊວງຂໍ້ມູນຂ່າວສານ ແລະ ການສື່ສານຂອງຫວຽດນາມ.ອ່ານຕໍ່ ...
ວຽງດາວັນ ບັນພະຮັກສາ
BCEL ເປີດຕົວບັດເຄຣດິດ Mastercard ແລະ ບັດ prepaid Mastercard ທີ່ສາມາດນຳໃຊ້ໃນທົ່ວໂລກ
ວຽງຈັນ (ວຽງຈັນທາມສ໌/ANN) – ທະນາຄານການຄ້າຕ່າງປະເທດລາວ (BCEL) ມະຫາຊົນ ໄດ້ເປີດຕົວບັດເດບິດແບບຈ່າຍລ່ວງໜ້າ ແລະ ບັດເຄຣດິດຢ່າງເປັນທາງການ ພາຍໃຕ້ຍີ້ຫໍ້ BCEL World Mastercard ເພື່ອຕອບສະໜອງຕໍ່ຄວາມຕ້ອງການໃນການທ່ອງທ່ຽວ ແລະ ຊື້ເຄື່ອງຂອງຄົນລາວ ດ້ວຍທາງເລືອກທີ່ປອດໄພ ແລະ ດີກວ່າການນຳໃຊ້ເງິນສົດ ທັງສະດວກຕໍ່ການເຂົ້າເຖິງຂອງທຸກຄົນ.ພິທີເປີດຕົວຜະລິດຕະພັນບັດ BCEL World Mastercard Credit Card ແລະ BCEL Prepaid Mastercard ໄດ້ມີຂຶ້ນທີ່ວຽງຈັນ ໃນວັນສຸກຜ່ານມາ ພາຍໃຕ້ການເຂົ້າຮ່ວມຂອງທ່ານ ບຸນເຫຼືອ ສີໄຊວໍລະວົງ ຫົວໜ້າກົມນະໂຍບາຍ ແລະ ນິຕິກຳການເງິນພາຍໃຕ້ກະຊວງການເງິນ ແລະ ປະທານຄະນະອຳນວຍການ BCEL.ອ່ານຕໍ່ ...
ໂຕະຂ່າວ
ລາວ, ມົນທົນກວາງຕຸ້ງຂອງຈີນໝາຍຕາຂົງເຂດການພັດທະນາໃໝ່ໆ
ວຽງຈັນ (ວຽງຈັນທາມສ໌/ANN) – ລາວ ແລະ ມົນທົນກວາງຕຸ້ງຂອງຈີນມີເປົ້າໝາຍເພີ່ມທະວີປະລິມານການຄ້າ ແລະ ການລົງທຶນ ຫຼັງຈາກໃນປີກາຍນີ້ ມູນຄ່າການຄ້າສອງຝ່າຍມີເຖິງ US$270 ລ້ານໂດລາ, ອີງຕາມເຈົ້າໜ້າທີ່ລະດັບສູງຂອງຈີນ.ນອກຈາກນີ້ ໃນປີຜ່ານມາໄດ້ມີການເປີດຕົວໂຄງການລົງທຶນຫ້າໂຄງການ ມູນຄ່າກວ່າ US$110 ລ້ານໂດລາ, ໃນໂຄງການຮ່ວມມືທາງດ້ານເສດຖະກິດພາຍໃຕ້ການສະໜັບສະໜູນຂອງລັດຖະບານສອງປະເທດ.ອ່ານຕໍ່ ...
ໂຕະຂ່າວ
ລາວລະງັບການນຳເຂົ້າໝູ ແລະ ຜະລິດຕະພັນຊີ້ນໝູຈາກຈີນ
ວຽງຈັນ — ການນຳເຂົ້າຜະລິດຕະພັນຊີ້ນໝູທຸກຊະນິດຈາກຈີນ ກໍຄື ໝູ ແລະ ລູກໝູເປັນ ໄດ້ມີການລະງັບຊົ່ວຄາວຫຼັງຈາກມີການລະບາດຂອງເຊື້ອໄວຣັສ໌ອະຫິວາໝູອາຟຣິກາ ທີ່ແຂວງຫຼຽວໜິງ ທາງພາກຕາເວັນອອກສຽງເໜືອຂອງຈີນ. ກະຊວງກະສິກຳ ແລະ ປ່າໄມ້ລາວໄດ້ອອກແຈ້ງການອາທິດແລ້ວນີ້ ໃນການຫ້າມການນຳເຂົ້າຜະລິດຕະພັນໝູ, ລູກໝູ ແລະ ແມ່ພັນໝູ ເພື່ອປ້ອງກັນການແຜ່ລະບາດຂອງເຊື້ອພະຍາດທີ່ອາດເກີດຂຶ້ນໃນລາວ ແລະ ທັງເປັນການປົກປ້ອງຜູ້ບໍລິໂພກຈາກການເຈັບປ່ວຍ.ອ່ານຕໍ່ ...
ວຽງຈັນທາມສ໌/ເຄືອຂ່າຍຂ່າວເອເຊຍ
ລາວ, ຫວຽດນາມວາງແຜນຈັດບັ້ນສົນທະນາທາງທຸລະກິດ ເພື່ອສົ່ງເສີມການລົງທຶນ, ການຄ້າຊາຍແດນ
ວຽງຈັນ (ວຽງຈັນທາມສ໌/ANN) – ເຈົ້າໜ້າທີ່ການຄ້າໃນຫົກແຂວງຂອງລາວ ແລະ ແຂວງດຽນບຽນຟູຂອງຫວຽດນາມ ໄດ້ຕົກລົງຈັດບັ້ນສົນທະນາທາງທຸລະກິດຂຶ້ນໃນປີໜ້າ ເພື່ອສົ່ງເສີມດ້ານການຄ້າ.ແຜນການຈັດບັ້ນສົນທະນາດັ່ງກ່າວ ແມ່ນສ່ວນໜຶ່ງຂອງແຜນການຮ່ວມມືສຳລັບປີ 2019-2020 ເຊິ່ງໄດ້ມີການຫາລືໃນກອງປະຊຸມຫຼ້າສຸດ ລະຫວ່າງສອງຝ່າຍ ຢູ່ແຂວງຫຼວງພະບາງ.ອ່ານຕໍ່ ...
ມະນີຈັນ ປັນສີວົງໄຊ
http://annx.asianews.network/content/laos-vietnam-plan-business-dialogue-boost-investment-border-trade-105443
ຜູ້ທີ່ກຳລັງຊອກວຽກຕ້ອງພິສູດຄວາມສາມາດກ່ອນຈະໄປເຮັດວຽກຢູ່ເກົາຫຼີ
ປະຊາຊົນລາວທີ່ຕ້ອງການໄປເຮັດວຽກຢູ່ປະເທດສາທາລະນະລັດເກົາຫຼີ ຕ້ອງຜ່ານການສອບເສັງວັດລະດັບພາສາ ແລະ ທັກສະອາຊີບ, ຕາມຄຳສະເໜີຂອງອຳນາດການປົກຄອງທ້ອງຖິ່ນ.ໃນແຕ່ລະປີ, ປະເທດເກົາຫຼີອະນຸຍາດໃຫ້ຜູ້ອອກແຮງງານລາວ 500 ຄົນໄປປະກອບອາຊີບໃນປະເທດເກົາຫຼີ ພາຍຫຼັງຜ່ານການສອບເສັງວັດລະດັບທັກສະອາຊີບ, ຕາມຂໍ້ຕົກລົງສະບັບປີ 2016 ພາຍໃຕ້ລະບົບການອະນຸຍາດປະກອບອາຊີບ EPS-TOPIK.ອ່ານຕໍ່ ...
ເພັດໂພໄຊ ແສງປະເສີດ
ກອງປະຊຸມວິຊາການ ເພື່ອແກ້ໄຂບັນຫາຕ່ອງໂສ້ຄຸນຄ່າ, ການບໍລິການ, ການເປີດເສລີທາງດ້ານເສດຖະກິດ
ວຽງຈັນ (ວຽງຈັນທາມສ໌/ANN) – ເຈົ້າໜ້າທີ່ລັດຖະບານຈາກສຳນັກງານອົງການຈັດຕັ້ງຕ່າງໆ ເຂົ້າຮ່ວມກອງປະຊຸມເພື່ອຍົກລະດັບຄວາມສາມາດ ທີ່ນະຄອນຫຼວງວຽງຈັນ ແຕ່ວັນທີ 30 ກັນຍາ – 2 ຕຸລານີ້ ກ່ຽວກັບບັນຫາຕ່ອງໂສ້ການຜະລິດໂລກ, ການບໍລິການ ແລະ ການເປີດເສລີທາງດ້ານເສດຖະກິດ ໃນປະເທດດ້ອຍພັດທະນາທີ່ສຸດ (LDCs) ໃນອາຊຽນ.ກອງປະຊຸມແມ່ນມາຈາກການລວມຕົວດ້ານເສດຖະກິດຂອລາວໃນລະດັບພາກພື້ນ ແລະ ລະດັບໂລກ ເຮັດໃຫ້ລັດຖະບານມີຊ່ອງທາງໃໝ່ໆ ແລະ ເທັກນິກທີ່ດີກວ່າຜ່ານມາ ແລະ ເທັກໂນໂລຢີທີ່ຈຳເປັນສຳລັບການສ້າງສາພັດທະນາປະເທດຊາດ.ອ່ານຕໍ່ ...
ອາກາດໃນລາວຍັງຄົງສືບຕໍ່ຮ້ອນໄປເຖິງທ້າຍເດືອນເມສາ
ສະພາບອາກາດທີ່ຮ້ອນໃນປະຈຸບັນຍັງຈະສືບຕໍ່ໄປເຖິງທ້າຍເດືອນນີ້ໃນບາງພາກຂອງລາວ, ເຊິ່ງອຸນນະພູມອາດຂຶ້ນສູງເຖິງລະດັບ 40 ອົງສາເຊ, ຕາມກົມອຸຕຸນິຍົມວິທະຍາ.ເຖິງຢ່າງໃດກໍຕາມ ອາດມີສະພາບຝົນຕົກ ແລະ ລົມພັດແຮງໃນບາງພື້ນທີ່ ໃນຊ່ວງວັນທີ 26-28 ເມສານີ້ ເຊິ່ງອາດຊ່ວຍຫຼຸດຜ່ອນຄວາມຮ້ອນລົງໄດ້ລະດັບໜຶ່ງ.ອ່ານຕໍ່ ...
ທີມຂ່າວວຽງຈັນທາມສ໌
ໂຄງການກໍ່ສ້າງເສັ້ນທາງລົດໄຟລາວ-ຈີນ ບໍ່ໄດ້ຮັບຜົນກະທົບຈາກເຫດແຜ່ນດິນໄຫວທີ່ເກີດຂຶ້ນ
ວຽງຈັນ, 21 ພະຈິກ (Xinhua) — ບໍລິສັດທາງລົດໄຟລາວ-ຈີນ ຈຳກັດ ຜູ້ຮັບຜິດຊອບການກໍ່ສ້າງເສັ້ນທາງລົດໄຟລາວ-ຈີນ ທາງພາກເໜືອຂອງລາວ, ລາຍງານໃນວັນພະຫັດນີ້ວ່າ ການກໍ່ສ້າງເສັ້ນທາງລົດໄຟ ບໍ່ໄດ້ຮັບຜົນກະທົບຈາກເຫດແຜ່ນດິນໄຫວລະດັບຕື້ນທີ່ເກີດຂຶ້ນ.ເຫດແຜ່ນດິນໄຫວຂະໜາດ 6.1 ດັ່ງກ່າວ ແມ່ນເກີດຂຶ້ນຢູ່ເຂດຊາຍແດນລະຫວ່າງພາກເໜືອຂອງໄທ ແລະ ລາວ ໃນເວລາ 6:50 ໂມງ ຂອງວັນພະຫັດນີ້ ໃນລະດັບຄວາມເລິກ 10 ກມ, ຕາມໜ່ວຍງານສຳຫຼວດທໍລິນີວິທະຍາຂອງສະຫະລັດ.ອ່ານຕໍ່ ...
huaxia
ຟູດແພນດາ ເປີດໂຕການບໍລິການໃນລາວ ພາຍໃຕ້ຮ້ານອາຫານໃນເຄືອຂ່າຍກວ່າ 300 ແຫ່ງ
ຟູດແພນດາ ຜູ້ບໍລິການຈັດສົ່ງອາຫານຕາມສັ່ງສາກົນ ເປີດໂຕການບໍລິການໃນລາວຢ່າງເປັນທາງການ ພາຍໃຕ້ຮ້ານອາຫານໃນເຄືອຂ່າຍກວ່າ 300 ແຫ່ງ.ເພື່ອເປີດໂລກະທັດໃໝ່ໃນການຊິມລົດຊາດອາຫານສຳລັບຊາວນະຄອນຫຼວງວຽງຈັນ, ຂະບວນນັກຈັດສົ່ງອາຫານຟູດແພນດາສີບົວ (Foodpanda) ຈະຈັດສົ່ງອາຫານຈາກຮ້ານອາຫານໃນເຄືອກວ່າ 300 ແຫ່ງ ເຖິງເຮືອນລູກຄ້າຕາມສັ່ງ.ອ່ານຕໍ່ ...
Cameron Darke
ໂຄງການນະວັດຕະກຳການກະເສດສິ້້ນສຸດລົງ ແຕ່ວ່າການພັດທະນາຊາວກະສິກອນຍັງຕ້ອງສືບຕໍ່
ວຽງຈັນ (ວຽງຈັນທາມສ໌/ANN) – ເຖິງວ່າໂຄງການພັດທະນາຄວາມສາມາດສຳລັບລະບົບນະວັດຕະກຳການກະເສດຈະສິ້ນສຸດລົງ, ແຕ່ວ່າການພັດທະນາກຸ່ມຊາວກະສິກອນເປົ້າໝາຍຍັງຕ້ອງສືບຕໍ່ດຳເນີນການ.ນີ້ແມ່ນຂໍ້ຄວາມຈາກກອງປະຊຸມປິດໂຄງການ ເຊິ່ງຈັດຂຶ້ນທີ່ວຽງຈັນໃນອາທິດແລ້ວນີ້ ເພື່ອປະເມີນຜົນສຳເລັດໃນໄລຍະສີ່ປີຂອງໂຄງການ, ເຊິ່ງທີມຊ່ຽວຊານໄດ້ຮຽກຮ້ອງໃຫ້ຊາວກະສິກອນສືບຕໍ່ຂະບວນການເພື່ອສົ່ງເສີມຄວາມສາມາດໃນການຜະລິດ.ອ່ານຕໍ່ ...
ບໍລິສັດວຽງຈັນເຊັນເຕີມະຫາຊົນ ເລີ່ມຕົ້ນເປີດຂາຍຫຸ້ນໃຫ້ມະຫາຊົນ
(ຂປລ) ບໍລິສັດວຽງຈັນເຊັນເຕີມະຫາຊົນ ໄດ້ເລີ່ມເປີດຂາຍຫຸ້ນໃຫ້ກັບຜູ້ທີ່ສົນໃຈທັງພາຍໃນ ແລະ ຕ່າງປະເທດ.ພິທີເປີດໂຕການຊື້ຂາຍຫຸ້ນດັ່ງກ່າວໄດ້ມີຂຶ້ນໃນວັນພຸດຜ່ານມານີ້ ພາຍໃຕ້ການເປັນສັກຂີພະຍານຂອງທ່ານ ສາຍສະໝອນ ຈັນທະຈັກ ເລຂາທິການຕະຫຼາດຫຼັກຊັບລາວ ແລະ ຕາງໜ້າຈາກໜ່ວຍທຸລະກິດຕ່າງໆ.ບໍລິສັດດັ່ງກ່າວຈະຂາຍຫຸ້ນປະມານ 63.9 ລ້ານຫຸ້ນ ໃນລາຄາ 1,050 ກີບຕໍ່ຫຸ້ນ ເພື່ອສ້າງທຶນໃຫ້ໄດ້ຢ່າງໜ້ອຍ 67 ຕື້ກີບ, ຕາມທ່ານ ອຸລາໄທ ສັນຕິຄົງຄາ ຮອງປະທານບໍລິສັດ ວຽງຈັນເຊັນເຕີລາວຈຳກັດມະຫາຊົນ.ອ່ານຕໍ່ ...
ຂປລ
ລັດຖະບານຈະເອົາຫຼັກສູດວິຊາຊີບເຂົ້າໃນການສຶກສາຊັ້ນມັດທະຍົມ
ວຽງຈັນ (ວຽງຈັນທາມສ໌) – ອີກບໍ່ດົນ ຫຼັກສູດການສຶກສາວິຊາຊີບຈະກາຍເປັນສ່ວນໜຶ່ງຂອງຫຼັກສູດການສຶກສາມາດຕະຖານທົ່ວປະເທດ ເຊິ່ງເປັນສ່ວນໜຶ່ງຂອງນະໂຍບາຍຂອງລັດຖະບານໃນການເພີ່ມທະວີການສ້າງແຮງງານທີ່ມີທັກສະ ເພື່ອຕອບສະໜອງຄວາມຮຽກຮ້ອງຕ້ອງການດ້ານການພັດທະນາ.ບາດກ້າວດັ່ງກ່າວແມ່ນເພື່ອສະໜັບສະໜູນເປົ້າໝາຍຂອງລັດຖະບານໃນການເພີ່ມທີວະການສ້າງຊັບພະຍາກອນມະນຸດເຂົ້າສູ່ຕະຫຼາດແຮງງານ ເພື່ອຕອບສະໜອງແຮງງານທີ່ມີທັກສະເຊິ່ງເປັນທີ່ຕ້ອງການໃນອຸດສາຫະກຳ.ອ່ານຕໍ່ ...
ສົມສັກ ພົງຂາວ
http://annx.asianews.network/content/govt-introduce-vocational-courses-secondary-schools-laos-100573
ລາວຕັ້ງເປົ້າເກັບກູ້ລະເບີດບໍ່ທັນແຕກໃຫ້ໄດ້ຢ່າງໜ້ອຍ 90,000 ເຮັກຕາ
ວຽງຈັນ (ວຽງຈັນທາມສ໌/ANN) – ລັດຖະບານໄດ້ວາງເປົ້າໝາຍການເກັບກູ້ ແລະ ທຳລາຍລະເບີດບໍ່ທັນແຕກອອກຈາກພື້ນທີ່ໃຫ້ໄດ້ 93,362 ເຮັກຕາ, ເຊິ່ງໃນນີ້ 9,179 ເຮັກຕາ ແມ່ນໄດ້ສຳເລັດການເກັບກູ້ແລ້ວ.ເປົ້າໝາຍດັ່ງກ່າວໄດ້ມີການເປີດເຜີຍໃນກອງປະຊຸມສື່ມວນຊົນເນື່ອງໃນວັນຄົບຮອບອະນຸສັນຍາການຕ້ານລະເບີດລູກຫວ່ານຄັ້ງທີ 9 ວັນທີ 1 ສິງຫາ.ອ່ານຕໍ່ ...
ພົມພົງ ເຫຼົາອິນ
http://annx.asianews.network/content/laos-targets-removal-uxo-over-90000-hectares-101012