(ຂປລ) ທີມແພດຊ່ຽວຊານຜ່າຕັດ ຈາກສະຖາບັນ Interplast ອົສະຕຣາລີ ແລະ ນິວຊີແລນ ຈະເດີນທາງມາໂຮງໝໍມະໂຫສົດ ວຽງຈັນ ແຕ່ວັນທີ 17-22 ກຸມພາ ແລະ ໂຮງໝໍເພື່ອນລາວ ຫຼວງພະບາງແຕ່ວັນອາທິດທີ 24 ກຸມພາ-1 ມີນາ 2019 ເພື່ອທຳການຜ່າຕັດໄສຍະກຳຟື້ນຟູແບບບໍ່ເສຍຄ່າໃຊ້ຈ່າຍ ແລະ ຝຶກອົບຮົມກ່ຽວກບການປົວແປງ ແລະ ປິ່ນປົວບາດແຜຮອຍໃໝ້ຕ່າງໆ.ອ່ານຕໍ່ ...

ເຂື່ອນໄຊຍະບູລີ ເຂື່ອນໄຟຟ້ານ້ຳຂອງຂະໜາດໃຫຍ່ແຫ່ງທຳອິດ ໃນຈຳນວນຫ້າແຫ່ງທີ່ມີແຜນກໍ່ສ້າງໃນລາວ ໄດ້ເລີ່ມຕົ້ນການປະຕິບັດການໃນວັນອັງຄານນີ້, ເຊິ່ງເປັນການໝູນຟັນເຟືອງໃຫຍ່ອັນທຳອິດຂອງແຜນການອັນສູງສົ່ງ ແຕ່ມີຂໍ້ຂັດແຍ່ງຂອງລາວ ໃນການເປັນ “ໝໍ້ໄຟແຫ່ງອາຊີຕາເວັນອອກສຽງໃຕ້.”ເຂື່ອນດັ່ງກ່າວ ເຊິ່ງເລີ່ມຕົ້ນກໍ່ສ້າງມາແຕ່ປີ 2012 ໄດ້ເປັນສູນລວມຂອງການວິພາກວິຈານ ຈາກນັກເຄື່ອນໄຫວເພື່ອສິ່ງແວດລ້ອມ ແລະ ສິດທິມະນຸດ.ພວກເຂົາກ່າວວ່າ ໄຟຟ້າທີ່ຜະລິດຈາກເຂື່ອນຮູບແບບດັ່ງກ່າວ ຕົ້ນຕໍແມ່ນເພື່ອການສົ່ງອອກໄປຍັງບັນດາປະເທດບ້ານໃກ້ເຮືອນຄຽງ, ບໍ່ຄຸ້ມຄ່າຕໍ່ຜົນກະທົບທີ່ຮ້າຍແຮງຕໍ່ລະບົບນິເວດ ແລະ ປະຊາຊົນ ຍ້ອນການປ່ຽນແປງການໄຫຼຕາມທຳມະຊາດຂອງນ້ຳໃນແມ່ນ້ຳຂອງ.ໂຄງການພາຍໃຕ້ການສຳປະທານຂອງໄທດັ່ງກ່າວ ມີມູນຄ່າການກໍ່ສ້າງທັງໝົດ $4.47 ຕື້ໂດລາ.ອ່ານຕໍ່ ...

ລາວຍາດໄດ້ຫຼຽນຄຳຫຼຽນທຳອິດໃນມະຫາກຳກິລາຊີເກມ 2019 ພາຍຫຼັງເອົາຊະນະນັກກິລາຈາກອິນໂດເນເຊຍ ໃນຮອບສຸດທ້າຍຂອງການແຂ່ງຂັນກິລາມວຍເຕະຊາຍ ລຸ້ນບໍ່ເກີນ 60 ກິໂລກຼາມ.ໃນການແຂ່ງຂັນໃນວັນທີ 10 ທັນວານີ້, ສຸກັນ ໄຕປັນຍາວົງ ນັກກິລາມວຍເຕະຂອງລາວ ສາມາດເອົາຊະນະ ບອນນາຕົວ ລຳບັນຕຸງກັບ ຄູ່ແຂ່ງຈາກອິນໂດເນເຊຍ ໃນການແຂ່ງຂັນຊິງຫຼຽນຄຳ, ຕາມຂໍ້ມູນຈາກເວັບໄຊທາງການຂອງກິລາຊີເກມ 2019.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ພະແນກປະຕິບັດການທະນາຄານ ພາຍໃຕ້ທະນາຄານແຫ່ງ ສປປ ລາວ (BOL) ໄດ້ຕົກລົງໃຫ້ທະນາຄານການຄ້າ 10 ແຫ່ງຂົນຂວາຍທຶນກູ້ຢືມ US$300 ລ້ານໂດລາຈາກທະນາຄານພັດທະນາຈີນ (CDB) ເພື່ອສົ່ງເສີມທຸລະກິດຂະໜາດນ້ອຍ ແລະ ຂະໜາດກາງ (SMEs) ໃນລາວ.ບົດບັນທຶກຄວາມເຂົ້າໃຈສຳລັບໂຄງການດັ່ງກ່າວ ໄດ້ມີການລົງນາມທີ່ນະຄອນວຽງຈັນລະຫວ່າງກົມ ກັບທະນາຄານການຄ້າຕ່າງປະເທດລາວ (BCEL), ທະນາຄານພັດທະນາລາວ (LDB), ທະນາຄານສົ່ງເສີມກະສິກຳ (APB), ທະນາຄານມາຣູຮັນ ປະເທດຍີ່ປຸ່ນ ຈຳກັດ, ທະນາຄານຮ່ວມພັດທະນາ (JDB), ທະນາຄານລາວ-ຈີນ ຈຳກັດ, ທະນາຄານລາວ-ຫວຽດ ຈຳກັດ, ທະນາຄານເອັສ໌ທີ ຈຳກັດ, ທະນາຄານຮ່ວມຫຸ້ນການຄ້າກອງທັບ-ສາຂາລາວ ແລະ ທະນາຄານໄຊງ່ອນທຸງຕິນ ລາວຈຳກັດ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ອຳນາດການປົກຄອງພວມດຳເນີນການສ້ອມແປງພື້ນຖານໂຄງລ່າງ ແລະ ສິ່ງອຳນວຍຄວາມສະດວກຕ່າງໆເຊັ່ນ ຖະໜົນ, ຂົວ, ໂຮງຮຽນ ແລະ ໂຮງໝໍ ເພື່ອຮັບປະກັນໃຫ້ຜູ້ປະສົບໄພທີ່ສູນຊ່ວຍເຫຼືອ ມີສຸຂະພາບທີ່ສົມບູນ ແລະ ໄດ້ຮັບອາຫານ ແລະ ນ້ຳດື່ມຢ່າງພຽງພໍ, ຕາມເຈົ້າໜ້າທີ່ການນຳ.ທ່ານ ປອ ຄຳແພງ ໄຊສົມແພງ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ໄດ້ເປີດເຜີຍໃນກອງປະຊຸມຕໍ່ສື່ມວນຊົນທີ່ນະຄອນວຽງຈັນ ໃນມື້ວານນີ້ວ່າ ທາງອຳນາດການປົກຄອງຍັງຄົງສືບຕໍ່ເຮັດວຽກຮ່ວມກັບເຈົ້າໜ້າທີ່ຕຳຫຼວດ, ທະຫານ ກໍຄືອາສາສະໝັກ ໃນການຈັດຕັ້ງການຊ່ວຍເຫຼືອສຸກເສີນ. ທີມປະເມີນເຫດສຸກເສີນຍົງຄົງສືບຕໍ່ລົງພື້ນທີ່ ເພື່ອປະເມີນຄວາມເສຍຫາຍ ແລະ ຄວາມຕ້ອງການຂອງປະຊາຊົນ ເພື່ອໃຫ້ອຳນາດການປົກຄອງຟື້ນຟູສະຖານະການຫຼັງໄພພິບັດໃຫ້ກັບສູ່ສະພາບປົກກະຕິ ໃຫ້ໄວທີ່ສຸດເທົ່າທີ່ຈະເປັນໄປໄດ້.ອ່ານຕໍ່ ...

ລັດຖະບານເຕືອນວ່າຈະເພີກຖອນໃບອະນຸຍາດສຳລັບນັກລົງທຶນທີ່ບໍ່ດຳເນີນການພັດທະນາ ຫຼື ບໍ່ມີຄວາມຄືບໜ້າໃດໆໃນໂຄງການສຳປະທານທີ່ດິນ.ບາດກ້າວດັ່ງກ່າວແມ່ນມາຈາກການກວດສອບໂຄງການສຳປະທານທີ່ດິນຂອງລັດຖະບານກວ່າ 1,000 ແຫ່ງ, ເຊິ່ງພົບວ່າມີ 138 ໂຄງການໃນພື້ນທີ່ 22,000 ເຮັກຕາບໍ່ໄດ້ມີການປະຕິບັດຕາມຂໍ້ສັນຍາທີ່ໄດ້ຕົກລົງກັບລັດຖະບານ.ອ່ານຕໍ່ ...

ທ່ານ ທອງລຸນ ສີສຸລິດ ນາຍົກລາວໄດ້ກ່າວຢືນຢັນຕໍ່ຄະນະຜູ້ແທນຈາກພາກພື້ນອາຊຽນ ແລະ ທົ່ວໂລກ ທີ່ນະຄອນຫຼວງຮ່າໂນ້ຍ ປະເທດຫວຽດນາມໃນວັນພຸດນີ້ວ່າ ຊ່ຽວຊານຈາກສາກົນຍັງຄົງສືບຕໍ່ພາລະກິດການສືບສວນສອບສວນຄຽງຄູ່ກັບເຈົ້າໜ້າທີ່ລາວ ກ່ຽວກັບສາເຫດການພັງຂອງສັນເຂື່ອນໄຟຟ້ານ້ຳຕົກເຊປຽນ-ເຊນ້ຳນ້ອຍ ໃນວັນທີ 23 ກໍລະກົດ ທີ່ແຂວງອັດຕະປື.ອ່ານຕໍ່ ...

ສູນກວດສຸຂະພາບແຮງງານແຫ່ງທຳອິດຂອງປະເທດໄດ້ມີການເປີດຕົວທີ່ໂຮງໝໍມິດຕະພາບ ນະຄອນຫຼວງວຽງຈັນ ໃນອາທິດແລ້ວນີ້ ແນໃສ່ປ້ອງກັນ ແລະ ປິ່ນປົວພະຍາດຕ່າງໆທີ່ເກີດຂຶ້ນຈາກການອອກແຮງງານ.ທ່ານ (ປອ) ຄຳແພງ ໄຊສົມແພງ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ, ທ່ານ ຮສ ດຣ ບຸນນາກ ໄຊຊະນະສົງຄາມ ຫົວໜ້າກົມປິ່ນປົວ ແລະ ຟື້ນຟູສຸຂະພາບ ພາຍໃຕ້ກະຊວງສາທາລະນະສຸກ, ພ້ອມດ້ວຍເຈົ້າໜ້າທີ່ການນຳຈາກກະຊວງ ແລະ ແຂກຈາກພາກສ່ວນທີ່ກ່ຽວຂ້ອງ ເຂົ້າຮ່ວມໃນພິທີເປີດສູນດັ່ງກ່າວໃນວັນສຸກຜ່ານມາ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຊາວກະສິກອນປະມົງລາວຈະແຂ່ງຂັນກັບຜູ້ປະກອບການຕ່າງປະເທດໄດ້ດີຂຶ້ນ ຖ້າວ່າໄດ້ຮັບການຫຼຸດພາສີອາກອນສຳລັບຜູ້ຜະລິດທ້ອງຖິ່ນ ແລະ ຖ້າຫາກລັດຖະບານໃຫ້ການສະໜັບສະໜູນດ້ານທຶນຮອນ.ຟາມປາລາວກຳລັງຜະເຊີນກັບຄວາມຫຍຸ້ງຍາກ ພາຍໃຕ້ການແຂ່ງຂັນທີ່ຂ້ຽວຂາດກັບຜູ້ປະກອບການຕ່າງປະເທດ ພາຍໃຕ້ສະພາບການຂາດແຄນທາງດ້ານແຫຼ່ງທຶນ ແລະ ໂຄງການສະໜບສະໜູນພັນປາ ແລະ ຕະຫຼາດ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ບໍລິສັດກະສິກຳປ່າໄມ້ບູລະພາ, ບໍລິສັດສະໂຕຣາ ເອັນໂຊ ແລະ ກະຊວງກະສິກຳ ແລະ ປ່າໄມ້ ຫາລືກ່ຽວກັບການປູກໄມ້ໃນເຂດປ່າເສື່ອມໂຊມໃນພື້ນທີ່ປ່າຜະລິດແຫ່ງຊາດ (NPFA). ຕາງໜ້າຈາກທັງສາມພາກສ່ວນໄດ້ຮ່ວມປະຊຸມໃນວັນຈັນນີ້ ເພື່ອຫາລືກ່ຽວກັບຂໍ້ກຳນົດ ແລະ ເງື່ອນໄຂທີ່ຈຳເປັນໃນການຂໍອະນຸຍາດປູກໄມ້ໃນພື້ນທີ່ດັ່ງກ່າວທີ່ແຂວງວຽງຈັນ ແລະ ຄຳມ່ວນ.ອ່ານຕໍ່ ...

ເຈົ້າຄອງນະຄອນຫຼວງອອກຄຳສັ່ງເລກທີ 031/ຈນວ,ວ່າດ້ວຍການ ປົກປັກຮັກສາປ່າສະຫງວນແຫ່ງຊາດ ພູພະນັງ ພູເຂົາຄວາຍໃນຂອບເຂດນະຄອນຫຼວງວຽງຈັນ ໃຫ້ຖະຫານປ້ອງກັນການບຸກລຸກປ່າ, ລົບລ້າງສິ່ງກໍສ້າງໃນປ່າສະຫງວນ, ຫ້າມຊື້ຂາຍກ່ຽວກັບອຸປະກອນການຕັດໄມ້, ປິດກັັ້ນເສັ້ນທາງເຂົ້າອອກ ແລະ ຫ້າມປະຊາຊົນຫາກິນໃນເຂດດັ່ງກ່າວ.​ ອ່ານເພິ່ມເຕີມ. ...

ວຽງຈັນ (ວຽງຈັນທາມສ໌) – ອີກບໍ່ດົນ ຫຼັກສູດການສຶກສາວິຊາຊີບຈະກາຍເປັນສ່ວນໜຶ່ງຂອງຫຼັກສູດການສຶກສາມາດຕະຖານທົ່ວປະເທດ ເຊິ່ງເປັນສ່ວນໜຶ່ງຂອງນະໂຍບາຍຂອງລັດຖະບານໃນການເພີ່ມທະວີການສ້າງແຮງງານທີ່ມີທັກສະ ເພື່ອຕອບສະໜອງຄວາມຮຽກຮ້ອງຕ້ອງການດ້ານການພັດທະນາ.ບາດກ້າວດັ່ງກ່າວແມ່ນເພື່ອສະໜັບສະໜູນເປົ້າໝາຍຂອງລັດຖະບານໃນການເພີ່ມທີວະການສ້າງຊັບພະຍາກອນມະນຸດເຂົ້າສູ່ຕະຫຼາດແຮງງານ ເພື່ອຕອບສະໜອງແຮງງານທີ່ມີທັກສະເຊິ່ງເປັນທີ່ຕ້ອງການໃນອຸດສາຫະກຳ.ອ່ານຕໍ່ ...

ຊາວບ້ານທີ່ອາໄສຢູ່ໃກ້ກັບເຂື່ອນໄຟຟ້າ ດອນສະໂຮງ ເຊິ່ງເປັນເຂື່ອນໄຟຟ້າຂະໜາດໃຫຍ່ໃນສາຍແມ່ນ້ຳຂອງ ເຊິ່ງການກໍ່ສ້າງໃກ້ຈະສຳເລັດແລ້ວ ລາຍງານວ່າຫາປາໄດ້ໜ້ອຍລົງ.ເຂື່ອນດັ່ງກ່າວ ເຊິ່ງຈະທຳການທົດສອບລະບົບໄລຍະສຸດທ້າຍໃນຕົ້ນເດືອນໜ້າ ຈະເລີ່ມເປີດດຳເນີນການເຕັມໂຕພາຍໃນທ້າຍປີນີ້.ເຂື່ອນໄຟຟ້າ ດອນສະໂຮງ ແມ່ນໜຶ່ງໃນເຂື່ອນຂະໜາດໃຫຍ່ຈຳນວນຫ້າແຫ່ງຂອງລາວ ທີ່ມີແຜນການກໍ່ສ້າງໃນສາຍແມ່ນ້ຳຂອງ, ຕາມຍຸດທະສາດຂອງລາວໃນການເປັນ “ໝໍ້ໄຟ” ແຫ່ງພາກພື້ນອາຊີຕາເວັນອອກສຽງໃຕ້, ແຕ່ຫຼາຍຄົນກໍມີຄວາມກັງວົນວ່າ ແຜນການອັນສູງສົ່ງດັ່ງກ່າວ ຈະສົ່ງຜົນກະທົບທີ່ຮ້າຍແຮງຕໍ່ສິ່ງແວດລ້ອມ ແລະ ສັງຄົມ.ອ່ານຕໍ່  ...

ວຽງຈັນ (ວຽງຈັນທາມສ໌/ANN) – ສະມາຄົມນັກທຸລະກິດໜຸ່ມລາວ (YEAL) ຮຽກຮ້ອງໃຫ້ລັດຖະບານຈັດຕັ້ງກອງທຶນພິເສດ ເພື່ອໃຫ້ນັກທຸລະກິດໜ້າໃໝ່ສາມາດປະກອບສ່ວນໃນການພັດທະນາເສດຖະກິດ.ທາງສະມາຄົມເຊື່ອວ່າ ກອງທຶນດັ່ງກ່າວຈະຊ່ວຍສະໜັບສະໜູນບັນດານັກທຸລະກິດໜຸ່ມທີ່ຕ້ອງການຂະຫຍາຍທຸລະກິດ ແລະ ທຳໜ້າທີ່ເປັນຕົວຂັບເຄື່ອນການຂະຫຍາຍຕົວຂອງເສດຖະກິດໄປສູ່ລະດັບສູງສຸດໃນຊຸມປີຕໍ່ໜ້າ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ທະນາຄານໂລກສະແດງທ່າທີທີ່ດີກ່ຽວກັບການຂະຫຍາຍຕົວທາງດ້ານເສດຖະກິດຂອງລາວ, ເຊິ່ງຄາດວ່າຈະກັບມາສູ່ລະດັບ 6.5 ເປີເຊັນໃນປີ 2019, ເພີ່ມຂຶ້ນຈາກລະດັບ 6.3 ເປີເຊັນໃນປີຜ່ານມາ.ເຖິງວ່າງົບປະມານຂອງປະເທດຈະຢູ່ໃນສະພາບເຄັ່ງຕຶງຕໍ່ເນື່ອງ, ການຟື້ນຕົວດັ່ງກ່າວຄາດວ່າຈະໄດ້ຮັບການຊຸກຍູ້ຈາກການລົງທຶນທີ່ເຂັ້ມແຂງໃນໂຄງການກໍ່ສ້າງພື້ນຖານໂຄງລ່າງຂະໜາດໃຫຍ່ ເຊັ່ນ ໂຄງການທາງລົດໄຟລາວ-ຈີນ, ຕາມບົດລາຍງານ Lao Economic Monitor ຫຼ້າສຸດຂອງທະນາຄານໂລກທີ່ມີການເປີດໂຕວານນີ້.ອ່ານຕໍ່ ...

ຊາວຊົນນະບົດໃນນະຄອນຫຼວງວຽງຈັນມີສູນພັດທະນາຊຸມຊົນແຊມູນແຫ່ງໃໝ່ ພາຍຫຼັງພິທີມອບຮັບອາຄານສູນທີ່ບ້ານໝາກຄ້ຽວ ເມືອງປາກງື່ມ ໃນວັນຈັນຜ່ານມາ.ສູນດັ່ງກ່າວແມ່ນສ້າງຂຶ້ນພາຍໃຕ້ການຮ່ວມມືລະຫວ່າງພະແນກກະສິກຳ ແລະ ປ່າໄມ້ ນະຄອນຫຼວງວຽງຈັນ ແລະ ມູນນິທິແຊມູນໂລກແຫ່ງປະເທດເກົາຫຼີ.ອ່ານຕໍ່ ...

ປະຊາຊົນລາວທີ່ຕ້ອງການໄປເຮັດວຽກຢູ່ປະເທດສາທາລະນະລັດເກົາຫຼີ ຕ້ອງຜ່ານການສອບເສັງວັດລະດັບພາສາ ແລະ ທັກສະອາຊີບ, ຕາມຄຳສະເໜີຂອງອຳນາດການປົກຄອງທ້ອງຖິ່ນ.ໃນແຕ່ລະປີ,​ ປະເທດເກົາຫຼີອະນຸຍາດໃຫ້ຜູ້ອອກແຮງງານລາວ 500 ຄົນໄປປະກອບອາຊີບໃນປະເທດເກົາຫຼີ ພາຍຫຼັງຜ່ານການສອບເສັງວັດລະດັບທັກສະອາຊີບ, ຕາມຂໍ້ຕົກລົງສະບັບປີ 2016 ພາຍໃຕ້ລະບົບການອະນຸຍາດປະກອບອາຊີບ EPS-TOPIK.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດຖະບານລາວ ແລະ ຫວຽດນາມໄດ້ຕົກລົງສືບຕໍ່ການຮ່ວມມືໃນການພັດທະນາດ້ານຄວາມປອດໄພໃນໂລກໄຊເບີ, ລັດຖະບານອີເລັກໂທຣນິກ ແລະ ການບໍລິການເຄືອຂ່າຍໄປສະນີ.ຂໍ້ຕົກລົງກ່ຽວກັບການສືບຕໍ່ໃນການຮ່ວມມືດ້ານຄວາມປອດໄພໃນໂລກໄຊເບີ, ລັດຖະບານອີເລັກໂທຣນິກ ແລະ ການບໍລິການເຄືອຂ່າຍໄປສະນີ ໄດ້ເຮັດຂຶ້ນໃນມື້ວານນີ້ ລະຫວ່າງກະຊວງໄປສະນີ ແລະ ໂທລະຄົມມະນາຄົມຂອງລາວ ແລະ ກະຊວງຂໍ້ມູນຂ່າວສານ ແລະ ການສື່ສານຂອງຫວຽດນາມ.ອ່ານຕໍ່ ...

ມູນນິທິຮອລໂລວເຟຼດ ຈະສືບຕໍ່ຊ່ວຍເຫຼືອປະຊາຊົນລາວໃນ 10 ແຂວງທີ່ມີບັນຫາກ່ຽວກັບສາຍຕາ, ໂດຍສະເພາະແມ່ນຜູ້ທີ່ເປັນພະຍາດຕໍ້ກະຈົກ ເພື່ອຮັບປະກັນການສົ່ງເສີມການເບິ່ງເຫັນ ແລະ ຄຸນນະພາບຊີວິດທີ່ດີຂຶ້ນ.ບົດບັນທຶກຄວາມເຂົ້າໃຈ (MOU) ເພື່ອສືບຕໍ່ໂຄງການປິ່ນປົວສາຍຕາຄົບວົງຈອນແບບຍືນຍົງ ໄດ້ມີການລົງນາມຢູ່ນະຄອນວຽງຈັນ ໃນວັນພະຫັດແລ້ວນີ້ ລະຫວ່າງທ່ານ ດຣ ພຸກ ຫວຽນ ທັນ ຫົວໜ້າມູນນິທິຮອລໂລວເຟຼດພາກພື້ນອາຊີຕາເວັນອອກ, ແລະ ທ່ານ ດຣ ບົວຂັນ ພະຄູນທອງ ຮອງຫົວໜ້າກົມປິ່ນປົວ ແລະ ຟື້ນຟູສຸຂະພາບ ກະຊວງສາທາລະນະສຸກ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ການທົດສອບການຜະລິດກະແສໄຟຟ້າ ຂອງຈັກປັ່ນໄຟໜຶ່ງໃນຈຳນວນສີ່ໜ່ວຍ ຂອງເຂື່ອນໄຟຟ້າ ດອນສະໂຮງ ແມ່ນ້ຳຂອງ ແຂວງຈຳປາສັກ ໄດ້ມີຂຶ້ນໃນອາທິດແລ້ວນີ້, ພາຍຫຼັງໂຄງການກໍ່ສ້າງເລີ່ມມາແຕ່ປີ 2016.ຕາມແຜນ, ບໍລິສັດໄຟຟ້າ ດອນສະໂຮງ ຈະທົດສອບຈັກໄຟຟ້າແຕ່ລະໜ່ວຍໃນທຸກໆ 10 ວັນ ແລະ ຈັກປັ່ນໄຟທັງໝົດຈະມີການດຳເນີນການເຕັມຮູບແບບໃນທ້າຍປີນີ້, ຕາມການເປີດເຜີຍຂອງເຈົ້າໜ້າທີ່ພະລັງງານ ແລະ ບໍ່ແຮ່.ຜູ້ລົງທຶນໃນໂຄງການມູນຄ່າ US$500 ລ້ານໂດລາດັ່ງກ່າວລວມມີ ບໍລິສັດ Mega First Corporation Berhad ຂອງມາເລເຊຍ ມີຫຸ້ນຢູ່ 80 ສ່ວນຮ້ອຍ, ແລະ ບໍລິສັດ ໄຟຟ້າລາວ ຖືຫຸ້ນຢູ່ 20 ສ່ວນຮ້ອຍ.ອ່ານຕໍ່ ...