ວຽງຈັນ (ວຽງຈັນທາມສ໌/ANN) – Discover Laos Today, ລະບົບເທັກໂນໂລຢີຄົບວົງຈອນເພື່ອການເດີນທາງ ເພື່ອສ້າງແຮງບັນດານໃຈໃຫ້ຄົນທົ່ວໂລກ ໃນການເດີນທາງມາຢ້ຽມຢາມ ແລະ ທ່ອງທ່ຽວໃນລາວ ໄດ້ມີການເປີດໂຕໃນອາທິດແລ້ວນີ້ ທີ່ເມືອງມໍລະດົກໂລກຫຼວງພະບາງ ເພື່ອສົ່ງເສີມການບໍລິການດ້ານການທ່ອງທ່ຽວລາວໃຫ້ແກ່ຊາວໂລກ.ເຂົ້າຮ່ວມໃນພິທີເປີດໂຕດັ່ງກ່າວ ມີທ່ານ ອຸ່ນທວງ ຂາວພັນ ຮອງລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ, ທ່ານ ສຸລິທິບ ໜໍ່ຂຸນພົນ ຫົວໜ້າພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງຫຼວງພະບາງ, ພ້ອມດ້ວຍຕາງໜ້າຜູ້ປະກອບການທ່ອງທ່ຽວ 100 ກວ່າແຫ່ງຈາກບັນດາໂຮງແຮມ, ຮ້ານອາຫານ ແລະ ບໍລິສັດທ່ອງທ່ຽວ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ທ່ານ ທອງລຸນ ສີສຸລິດ ນາຍົກລັດຖະມົນຕີ ກ່າວຕໍ່ອຳນາດການປົກຄອງແຂວງສະຫວັນນະເຂດ ໃຫ້ເພີ່ມຄວາມພະຍາຍາມໃນການຜັນຂະຫຍາຍນະໂຍບາຍ “ສາມ-ເປີດ” ທີ່ທ່ານໄດ້ລິເລີ່ມ ເພື່ອດຶງດູດການລົງທຶນທັງພາຍໃນ ແລະ ຕ່າງປະເທດເຂົ້າສູ່ແຂວງພາກກາງ, ເຊິ່ງເປັນໜຶ່ງໃນສູນກາງເສດຖະກິດຂອງປະເທດ.ທ່ານນາຍົກໄດ້ໃຫ້ຄຳເຫັນດັ່ງກ່າວໃນອາທິດແລ້ວນີ້ໃນລະຫວ່າງການຢ້ຽມຢາມແຂວງສະຫວັນນະເຂດ ເຊິ່ງເປັນສ່ວນໜຶ່ງຂອງພາລະກິດການຢ້ຽມຢາມແຂວງພາກກາງ ແລະ ພາກໃຕ້ ເພື່ອກວດກາການດຳເນີນງານໃນພື້ນທີ່ຕົວຈິງ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດຖະບານໄດ້ອະນຸມັດການປ່ອຍຂາຍເຂົ້າສານອອກຈາກຄັງຈຳນວນ 2,000​ ໂຕນ ເພື່ອຫຼຸດຜ່ອນລາຄາເຂົ້າໃນທ້ອງຕະຫຼາດທີ່ເພີ່ມສູງຂຶ້ນ ເນື່ອງຈາກການຂາດແຄນການສະໜອງເຮັດໃຫ້ລາຄາເຂົ້າ ຖີບຕົວສູງຂຶ້ນກວ່າ 20 ສ່ວນຮ້ອຍທຽບກັບລາຄາປົກກະຕິ.ບາດກ້າວດັ່ງກ່າວກໍ່ເພື່ອຊ່ວຍຫຼຸດຜ່ອນຄ່າໃຊ້ຈ່າຍໃຫ້ແກ່ຜູ້ບໍລິໂພກ ແລະ ຫຼຸດຜ່ອນພາລະສຳລັບຜູ້ທີ່ມີລາຍໄດ້ໜ້ອຍ ແລະ ປານກາງ.ພະແນກອຸດສາຫະກຳ ແລະ ການຄ້ານະຄອນຫຼວງວຽງຈັນ ໄດ້ຊີ້ນຳໃຫ້ບໍລິສັດ ຄຳແພງເພັດ ແຈ້ງສະຫວ່າງ ສົ່ງເສີມກະສິກຳ ຈຳກັດ ປ່ອຍເຂົ້າສານ 2,000 ໂຕນ ພາຍຫຼັງຂໍ້ສັນຍາທີ່ລັດຖະບານ ແລະ ບໍລິສັດໄດ້ເຊັນຕົງລົງກັນມີຜົນນຳໃຊ້.ລາຄາເຂົ້າສານໜຽວລະດັບສອງ ທີ່ວາງຂາຍໃນຫ້າຈຸດໃນນະຄອນຫຼວງວຽງຈັນແມ່ນ 6,500 ກີບຕໍ່ກີໂລ ສຳລັບຊ່ວງວັນທີ 23-30 ກັນຍານີ້. ລາຄາດັ່ງກ່າວແມ່ນຕ່ຳກວ່າລາຄາຕະຫຼາດປະຈຸບັນ 2,000 ກີບ.ອ່ານຕໍ່  ...

ໃນປີນີ້ ຈະມີໂຄງການການສຶກສາເພື່ອສ້າງປະໂຫຍດໃຫ້ແກ່ເດັກນ້ອຍ 7,000 ຄົນ ເຊິ່ງເຈົ້າໜ້າທີ່ຄາດວ່າຈະຊ່ວຍປັບປຸງວຽກງານການບໍລິຫານໂຮງຮຽນ, ຊ່ວຍສ້າງຄວາມພ້ອມໃຫ້ແກ່ໂຮງຮຽນ ແລະ ພັດທະນາທັກສະກ່ຽວກັບການອ່ານ ແລະ ຕົວເລກໃຫ້ແກ່ເດັກນ້ອຍນັກຮຽນຊັ້ນອະນຸບານ ແລະ ຊັ້ນປະຖົມ.ອົງການ Aide et Action ໄດ້ເປີດຕົວໂຄງການທີ່ມີຊື່ວ່າ ‘ການສ້າງສະພາບແວດລ້ອມທີ່ເໝາະສົມ ແລະ ເປັນມິດຕໍ່ເດັກນ້ອຍ ແລະ ການປັບປຸງຄຸນນະພາບຜົນການຮຽນ ສຳລັບໂຮງຮຽນອະນຸບານ ແລະ ປະຖົມໃນແຂວງວຽງຈັນ ແລະ ອຸດົມໄຊ’ ເຊິ່ງມີໄລຍະການປະຕິບັດໂຄງການ 5 ປີ, ມີທຶນ 8.5 ຕື້ກີບ (US$1 ລ້ານໂດລາ) ໃນວັນທີ 25 ເມສານີ້ ເຊິ່ງຄາດວ່າຈະຊ່ວຍຫຼຸດຜ່ອນສິ່ງທ້າທາຍທາງດ້ານການສຶກກສາຂອງປະເທດໃນລະດັບໜຶ່ງ.ອ່ານຕໍ່ ...

Being stricter around planning, financial discipline and the construction of high quality infrastructure at reasonable costs are some of the targets that the Ministry of Public Works and Transport would like to reach in the coming years. These points were outlined at the Ministry’s annual ...

ວຽງຈັນ (ວຽງຈັນທາມສ໌/ANN) – ລາວ ແລະ ຫວຽດນາມຫວັງຂະຫຍາຍການຄ້າພາຄີຂຶ້ນປະມານ 10 ເຖິງ 15 ເປີເຊັນໃນປີ 2019, ເຊິ່ງມູນຄ່າການຄ້າລວມຂອງປີຜ່ານມາແມ່ນຢູ່ທີ່ US$1.03 ຕື້ໂດລາ.ຕົວເລກການຄ້າຂອງປິກາຍແມ່ນລື່ນຄາດໝາຍປະມານ 10 ເປີເຊັນ. ມູນຄ້າການຄ້າສອງຝ່າຍລະຫວ່າງລາວ ແລະ ຫວຽດນາມໃນຊ່ວງເຈັດເດືອນຂອງປີ 2019 ຂຶ້ນສູ່ລະດັບ US$663.76 ລ້ານໂດລາ, ເພີ່ມຂື້ນເກືອບ 13 ເປີເຊັນທຽບກັບໄລຍະດຽວກັນຂອງປີກາຍ, ຕາມບົດລາຍງານຂອງກະຊວງອຸດສາຫະກຳ ແລະ ການຄ້າ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ແຂວງວຽງຈັນເປັນທີ່ນິຍົມສຳລັບນັກທ່ອງທ່ຽວໃນຊ່ວງນີ້ ແລະ ເຈົ້າໜ້າທີ່ກໍກຳລັງກະກຽມກິດຈະກຳພິເສດສຳລັບປີໃໝ່ລາວ ເພື່ອຮັບປະກັນຄວາມມ່ວນຊື່ນເປັນທີ່ປະທັບໃຈສຳລັບນັກທ່ອງທ່ຽວ.ເມືອງວັງວຽງ ແລະ ເມືອງເຟືອງແມ່ນສອງຈຸດທ່ອງທ່ຽວຫຼັກ ທີ່ຄົນນິຍົມມາທ່ຽວ ເຊິ່ງມີທິວທັດທີ່ສວຍງາມ ຄາດວ່າຈະດຶງດູດນັກທ່ອງທ່ຽວໃນຊ່ວງພັກນີ້. ປີໃໝ່ລາວໃນປີນີ້ແມ່ນຢູ່ໃນລະຫວ່າງວັນທີ 14-16 ເມສາ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລາວຈະສືບຕໍ່ເຮັດວຽກຮ່ວມກັບຄູ່ຮ່ວມພັດທະນາ ເຊັ່ນ ອົງການຈັດຕັ້ງແຮງງານສາກົນ (ILO), ເພື່ອເສີມຂະຫຍາຍຄວາມຍຸດຕິທຳໃນສັງຄົມ ແລະ ສົ່ງເສີມວຽກເຮັດງານທຳທີ່ດີສຳລັບໝົດທຸກຄົນ.ກິດຈະກຳເພື່ອສະເຫຼີມສະຫຼອງ ໜຶ່ງຮ້ອຍປີຂອງ ILO ແລະ 55 ປີຂອງການເຂົ້າເປັນສະມາຊິກຂອງລາວ ທີ່ນະຄອນວຽງຈັນ ໃນວັນເສົາແລ້ວນີ້ ໄດ້ຮັບກຽດເຂົ້າຮ່ວມໂດຍ ທ່ານນາງ ປານີ ຢ່າທໍ່ຕູ້ ປະທານສະພາແຫ່ງຊາດ, ສະມາຊິກອົງການຈັດຕັ້ງສາກົນ ພ້ອມດ້ວຍເຈົ້າໜ້າທີ່ໆກ່ຽວຂ້ອງ.ອ່ານຕໍ່ ...

ຮ້ານ 7-Eleven ຈະມາລາວຫຼືບໍ່? ຄຳຖາມດັ່ງກ່າວໄດ້ມີການຍົກຂຶ້ນມາຫຼາຍປີແລ້ວ ແຕ່ກໍມີຂ່າວຕໍ່ເນື່ອງວ່າຈະມີການເປີດສາຂາໃນລາວ.ໜຶ່ງໃນຂ່າວລັກສະນະດັ່ງກ່າວ ແມ່ນເກີດຂຶ້ນເມື່ອສອງສາມວັນຜ່ານມາ. ຕາມສຳນັກຂ່າວ The Nation, ບໍລິສັດ CP All ຂອງໄທທີ່ດຳເນີນກິດຈະການ ເຊເວັນ-ອິເລເວັນ ທົ່ວປະເທດໄທ ໄດ້ເປີດເຜີຍໃນຕະຫຼາດຫຸ້ນຂອງໄທໃນວັນທີ 1 ກໍລະກົດນີ້ ກ່ຽວກັບການເຈລະຈາຂໍ້ຕົກລົງການສ້າງສາຂາທຸລະກິດໃນການຈັດຕັ້ງ ແລະ ດຳເນີນກິດຈະການຮ້ານ ເຊເວັນ-ອິເລເວັນ ໃນກຳປູເຈຍ ແລະ ລາວ.ອ່ານຕໍ່ ...

ເກີດເຫດແຜນດິນໄຫວໄລຍະຕື້ນຂະໜາດ 6.1 ຢູ່ທາງພາກຕາເວັນອອກສຽງເໜືອຂອງລາວ ໃກ້ກັບຊາຍແດນໄທ ໃນຕອນເຊົ້າຂອງວັນພະຫັດນີ້, ຕາມການລາຍງານຂອງໜ່ວຍສຳຫຼວດທໍລະນີວິທະຍາ ສະຫະລັດ.ເຊິ່ງໃນປະຈຸບັນ ຍັງບໍ່ມີລາຍງານກ່ຽວກັບຄວາມເສຍຫາຍຈາກເຫດແຜ່ນດິນໄຫວດັ່ງກ່າວ ເຊິ່ງເກີດຂຶ້ນໃນຕອນເຊົ້າ ເວລາ 6:50 ໂມງ (ຫຼື  ເວລາ 23:50 ໂມງຂອງວັນພຸດຕາມເຂດແບ່ງເວລາ GMT).ເຫດແຜ່ນດິນໄຫວດັ່ງກ່າວ ສາມາດຮັບຮູ້ແຮງສັ່ນສະເທືອນໄປໄກກວ່າ 700 ກິໂລແມັດ (435 ໄມລ໌) ເຖິງນະຄອນຫຼວງບາງກອກຂອງໄທ.ແຫຼ່ງທີ່ມາ: https://reliefweb.int/map/lao-peoples-democratic-republic/earthquake-xaignabouli-lao-peoples-democratic-republic-mag-61ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ໃນປະຈຸບັນນັກສຶກສາພິການທາງສາຍຕາສາມາດເຂົ້າຮຽນຮ່ວມກັບນັກສຶກສາຄົນອື່ນໆ ເພື່ອການສືບຕໍ່ການຮຽນໃນຄະນະວິຊາຕ່າງໆຂອງມະຫາວິທະຍາໄລແຫ່ງຊາດ (ມຊ) ພາຍໃຕ້ການຊ່ວຍເຫຼືອດ້ານອຸປະກອນການສຶກສາທີ່ເໝາະສົມ.ນັກສຶກສາທີ່ພິການທາງສາຍຕາທັງໝົດ 25 ຄົນໄດ້ລົງທະບຽນເຂົ້າຮຽນໃນຄະນະອັກສອນສາດ, ເສດຖະສາດ ແລະ ບໍລິຫານທຸລະກິດ, ວິທະຍາສາດກິລາ ແລະ ກາຍະສຶກສາ, ສຶກສາສາດ, ແລະ ກົດໝາຍ ແລະ ວິທະຍາສາດການເມືອງ, ເຊິ່ງໃນນັ້ນ 16 ຄົນເລືອກຮຽນໃນຄະນະອັກສອນສາດ.ມຊ ໄດ້ໃຫ້ການສະໜັບສະໜູນນັກສຶກສາພິການທາງສາຍຕາ ໂດຍບໍ່ຕ້ອງເສຍຄ່າຮຽນໃນແຕ່ລະຄະນະ ພ້ອມທັງຈັດຫາທີ່ພັກເຊົາໃນລະຫວ່າງການຮຽນ.ສະພາການສຶກສາເພື່ອຜູ້ພິການທາງສາຍຕາສາກົນ (ICEVI) ໄດ້ໃຫ້ທຶນຊ່ວຍເຫຼືອໃນການພັດທະນາການສຶກສາຂອງຜູ້ພິການທາງສາຍຕາໃນລາວແຕ່ປີ 2015-2019.    ອ່ານຕໍ່  ...

ປະເທດລາວເຫັນວ່າຊ່ອງຫວ່າງໃນການພັດທະນາລະຫວ່າງແຕ່ລະປະເທດ ຍັງຄົງເປັນໜຶ່ງໃນສິ່ງທ້າທາຍຫຼັກໃນການສ້າງຄວາມເປັນປຶກແຜ່ນ ແລະ ການຂະຫຍາຍຕົວໃນພາກພື້ນ, ເຊິ່ງບັນດາປະເທດຕ້ອງຮ່ວມມືກັນເພື່ອຂ້າມຜ່ານ.ອ່ານຕໍ່ ...

ທ່ານ ມູນ ແຈອິນ ປະທານປະເທດເກົາຫຼີໃຕ້ ກ່າວໃນວັນອັງຄານນີ້ວ່າ ເກົາຫຼີໃຕ້ຈະຊ່ວຍເຫຼືອປະເທດລາວ ໃຫ້ບັນລຸເປົ້າໝາຍການເປັນ “ສູນກາງການຂົນສົ່ງ ແລະ ໂລຈິສ໌ຕິກ” ໃນພາກພື້ນ.ທ່ານປະທານປະເທດໄດ້ໃຫ້ຄຳໝັ້ນ ໃນການຫາລືສອງຝ່າຍຮ່ວມກັບທ່ານ ທອງລຸນ ສີສຸລິດ ນາຍົກລັດຖະມົນຕີຂອງລາວ ທີ່ເມືອງປູຊານ, ເຊິ່ງຢູ່ຫ່າງຈາກນະຄອນຫຼວງໂຊນ ປະມານ 450 ກມໄປທາງຕາເວັນອອກສຽງໃຕ້. ທ່ານນາຍົກໄດ້ເດີນທາງຢ້ຽມຢາມເມືອງທ່າເຮືອດັ່ງກ່າວ ເພື່ອເຂົ້າຮ່ວມກອງປະຊຸມສຸດຍອດພິເສດ ອາຊຽນ-ສາທາລະນະລັດເກົາຫຼີ ເພື່ອສະເຫຼີມສະຫຼອງວັນຄົບຮອບ 30 ປີຂອງການສ້າງຕັ້ງສາຍພົວພັນ.ອ່ານຕໍ່ ...

ຮອງ​ນາ​ຍົກ​ລັດ​ຖະ​ມົນ​ຕີໄທຢືນ​ຢັນ​ວ່າ ລັດ​ຖະ​ບານ​ໄທ​ບໍ່​ມີ​ແຜນ​ການ​ຈະ​ຊື້​ກະ​ແສ​ໄຟ​ຟ້າ​ຈາກ​ລ​າວ​ເພີ້ມ​ຂຶ້ນ ແຕ່​ຈະ​ພັດ​ທະ​ນາ​ໂຄງ​ຂ່າຍ​ເພື່ອ​ຮອງຮັບການ​ສົ່ງ​ກະ​ແສ​ໄຟ​ຟ້າ​ຈາກ​ລາວ​ຜ່ານ​ໄທ ໄປ​ມາ​ເລ​ເຊຍ-ສິງ​ກະ​ໂປ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດຖະບານລາວ ແລະ ຈີນ ຕົກລົງຮ່ວມມືໃນການສ້າງຊ່ອງໂທລະພາບດິຈິຕອລ໌ເພີ່ມເຕີມ ເຊິ່ງເຮັດໃຫ້ຜູ້ຊົມທັງຄົນລາວ ແລະ ຈີນ ມີລາຍການຕ່າງໆໃຫ້ເລືອກຊົມຫຼາຍຂຶ້ນ. ການສ້າງຊ່ອງໂທລະທັດໃໝ່ນີ້ໝາຍເຖິງຈະມີລາຍການໃໝ່ໆທີ່ເປັນທັງພາສາລາວ ແລະ ພາສາຈີນ. ເຊິ່ງເນື້ອໃນແນະນຳອາດເປັນກ່ຽວກັບຂ່າວ ແລະ ສະຖານະການໃນປະຈຸບັນ, ລາຍການບັນເທິງ, ຮູບເງົາຈີນ ແລະ ສາລະຄະດີທ່ອງທ່ຽວຕ່າງໆ.ອ່ານຕໍ່ ...

ເຈົ້າຂອງຮ້ານແຕ່ງຜົມໃນນະຄອນວຽງຈັນ ອາດເປັນແມ່ຍິງລາວຄົນທຳອິດທີ່ເປີດສົງຄາມທຸລະກິດທີ່ໂຈ່ງແຈ້ງກັບຊ່າງເສີມສວຍແຕ່ງຜົມຕ່າງປະເທດທີ່ນັບມື້ນັບເພີ່ມຈຳນວນຂຶ້ນ.ນາງ ສາພາວັນ ຈັນທະລັກ ເຈົ້າຂອງຮ້ານແຕ່ງຜົມໂພນຕ້ອງ ເມືອງຈັນທະບູລີ ໄດ້ແຕ່ງປ້າຍໜ້າຮ້ານໃຫ້ມີສີສັນສົດໃສ, ທັງຂຶ້ນຂໍ້ຄວາມທີ່ສະດຸດຕາເພື່ອດຶງດູດລູກຄ້າໃຫ້ຮູ້ວ່ານີ້ແມ່ນຮ້ານຂອງຄົນລາວ. ລາວໄດ້ຂຶ້ນປ້າຍດັ່ງກ່າວມາຕັ້ງແຕ່ຊ່ວງຕົ້ນປີ.ອ່ານຕໍ່ ...

ລັດຖະບານສຸມໃສ່ຍົກລະດັບການເຂົ້າຮຽນຊັ້ນປະຖົມລະດັບສູງ ແລະ ຊັ້ນມັດທະຍົມຕົ້ນ ເພື່ອແນໃສ່ລົບລ້າງການກືກໜັງສື, ຕາມເຈົ້າໜ້າທີ່ການນຳ. ທ່ານນາງ ແສງເດືອນ ຫຼ້າຈັນທະບູນ ລັດຖະມົນຕີກະຊວງສຶກສາທິການ ແລະ ກິລາ ເປີດເຜີຍກ່ຽວກັບເຈດຈຳນົງຂອງລັດຖະບານໃນການລົບລ້າງການກືກໜັງສື ເນື່ອງໃນໂອກາດວັນຮູ້ໜັງສືສາກົນ ຄົບຮອບ 45 ປີ ໃນວັນເສົາວັນທີ 8 ກັນຍາຜ່ານມານີ້.ທ່ານໄດ້ກ່າວວ່າ ລັດຖະບານໄດ້ເອົາໃຈໃສ່ສົ່ງເສີມນັກຮຽນທີ່ຮຽນຈົບຊັ້ນປະຖົມ ໃຫ້ສືບຕໍ່ເຂົ້າຮຽນຊັ້ນມັດທະຍົມຕົ້ນ ເພື່ອແນ່ໃສ່ເປົ້າໝາຍໃຫ້ປະຊາຊົນລາວທຸກຄົນທີ່ມີອາຍຸລະຫວ່າງ 15-35 ປີ ໃຫ້ສຳເລັດການສຶກສາທຽບເທົ່າຊັ້ນມັດທະຍົມຕົ້ນ ພາຍໃນປີ 2020.ອ່ານຕໍ່ ...

ວຽງຈັນ (ວຽງຈັນທາມສ໌) – ລັດຖະບານມີແຜນຮັບປະກັນໃຫ້ພູພຽງບໍລະເວນແຂວງຈຳປາສັກທາງພາກໃຕ້ຂອງລາວ ຄົງໄວ້ເຊິ່ງພື້ນທີ່ກະສິກຳສະອາດ ແລະ ຮັກສາມູນເຊື້ອວັດທະນະທຳສີຂຽວ ແລະ ແຫຼ່ງທ່ອງທ່ຽວພາຍໃຕ້ໄພຮຸກຮານຂອງການພັດທະນາ.ຕາມການເປີດເຜີຍຕໍ່ສື່ມວນຊົນຂອງລັດຖະບານໃນວັນພຸດຜ່ານມາ, ກອງປະຊຸມຂອງຄະນະລັດຖະບານພາຍໃຕ້ການເປັນປະທານຂອງທ່ານ ທອງລຸນ ສີສຸລິດ ນາຍົກລັດຖະມົນຕີ ໄດ້ແນະນຳໃຫ້ສະຖາບັັນຄົ້ນຄວ້າເສດຖະກິດ ເຊິ່ງຮັບຜິດຊອງກ່ຽວກັບແຜນລວມໃນການພັດທະນາພູພຽງບໍລະເວນ, ເພື່ອປັບປຸງຮ່າງແຜນການກ່ອນຍື່ນຄືນຕໍ່ລັດຖະບານ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດຖະບານແນະນຳໃຫ້ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ເຮັດວຽກຮ່ວມກັບກະຊວງຕ່າງໆເພື່ອສົ່ງເສີມການທ່ອງທ່ຽວ ແລະ ສ້າງລາຍຮັບເຂົ້າລັດເພີ່ມຂຶ້ນ.ໃນຕົ້ນປີນີ້ ລັດຖະບານໄດ້ເປີດປີທ່ອງທ່ຽວລາວ-ຈີນ 2019 ເພື່ອຫວັງດຶງດູດນັກທ່ອງທ່ຽວຈາກຈີນ ແລະ ທົ່ວໂລກ. ລັດຖະບານວາງເປົ້າໝາຍໃນການດຶງດູດນັກທ່ອງທ່ຽວຕ່າງປະເທດໃຫ້ໄດ້ 4.5 ລ້ານຄົນ ແລະ ສ້າງລາຍຮັບຈາກການທ່ອງທ່ຽວໃຫ້ໄດ້ຢ່າງໜ້ອຍ 6,001 ຕື້ກີບ (ປະມານ US$700 ລ້ານໂດລາ) ຕາມແຜນການ. ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ພະນະທ່ານ ທອງລຸນ ສີສຸລິດ ນາຍົກລັດຖະມົນຕີ ເດີນທາງເຖິງນະຄອນພະນົມເປັນ ປະເທດກຳປູເຈຍ ວານນີ້ ເພື່ອຢ້ຽມຢ່າງເປັນທາງການໄລຍະສອງວັນ ເພື່ອຫາລືບັນຫາກ່ຽວກັບການຮ່ວມມືກັບລາດຊະອານາຈັກກຳປູເຈຍ ເຊັ່ນການຮັກສາສັນຕິພາບໃນຊາຍແດນ.ທັນທີ່ທີ່ເດີນທາງເຖິງ, ທ່ານນາຍົກ ໄດ້ເຂົ້າຮ່ວມພິທີຕ້ອນຮັບຢ່າງເປັນທາງການ ແລະ ໂອ້ລົມພາຄີກັບພະນະທ່ານ ຮຸນ ເຊັນ ນາຍົກລັດຖະມົນຕີກຳປູເຈຍ, ຕາມການເປີດເຜີຍຕໍ່ສື່ມວນຊົນຂອງກະຊວງການຕ່າງປະເທດລາວ.ອ່ານຕໍ່ ...