ລັດຖະບານລາວໄດ້ມອບຫຼຽນກາແຮງງານໃຫ້ແກ່ນັກຄົ້ນຄວ້າຈາກລາດຊະອານາຈັກ ເພື່ອຊົມເຊີຍຕໍ່ຜົນງານການປະກອບສວ່ນດີເດັ່ນທີ່ທ່ານໄດ້ສ້າງກ່ຽວກັບຄຸນນະພາບໃນຫ້ອງທົດລອງ ແລະ ລະບົບຄຸ້ມຄອງຂໍ້ມູນໃນຫ້ອງທົດລອງຈຸລະຊີບໂຮງໝໍມະໂຫສົດ ວຽງຈັນ.ພິທີມອບຫຼຽນກາດັ່ງກ່າວໃຫ້ແກ່ທ່ານ (ສຈ) ເດວິດ ອະລັນ ເບຣດ ດານສ໌ ແມ່ນຈັດໂດຍທ່ານ (ຮສ) ບຸນກອງ ສີຫາວົງ ລັດຖະມົນຕີກະຊວງສາທາລະນະສຸກ ໃນວັນອັງຄານທີ່ 12 ມີນາ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຄະນະຜູ້ແທນລາວໄດ້ຮ່ວມແບ່ງປັນຄຳຄິດເຫັນທີ່ສ້າງສັນກັບບັນດາຜູ້ເຂົ້າຮ່ວມໃນກອງປະຊຸມສະພາສິ່ງແວດລ້ອມ UN ຄັ້ງທີສີ່ (UNEA-4) ເຊິ່ງຈັດຂຶ້ນທີ່ກຸງໄນໂຣບີ ປະເທດເຄນຢາ ຄັ້ງວັນທີ 11-15 ມີນາ.ກອງປະຊຸມໃນປີນີ້ແມ່ນຈັດຂຶ້ນພາຍໃຕ້ຫົວຂໍ້ “ວິທີແກ້ໄຂບັນຫາກ່ຽວກັບສິ່ງແວດລ້ອມແບບສ້າງສັນ ແລະ ການບໍລິໂພກ ແລະ ການຜະລິດແບບຍືນຍົງ” ເຊິ່ງມີຜູ້ເຂົ້າຮ່ວມກວ່າ 4,000 ຄົນ ຈາກ 170 ປະເທດສະມາຊິກ ແລະ 204 ອົງການຈັດຕັ້ງຮ່ວມລັດຖະບານ.ອ່ານຕໍ່ ...

ສະມາຊິກອົງການອັນຈີໂອຂອງກຳປູເຈຍ ທີ່ຕ້ອງການສົ່ງເສີມຄວາມຮູ້ຂອງມະຫາຊົນກ່ຽວກັບຄວາມສ່ຽງຂອງການສ້າງເຂື່ອນໄຟຟ້ານ້ຳຕົກໃນແມ່ນ້ຳຂອງ ກ່າວໃນວັນພະຫັດນີ້ວ່າ ພວກເຂົາຈະຂວ້າມບາດກອງປະຊຸມພາກພື້ນຂອງຜູ້ມີສ່ວນຮ່ວມສຳລັບສອງໂຄງການເຂື່ອນໄຟຟ້ານ້ຳຕົກໃນລາວທີ່ສະເໜີ ຍ້ອນວ່າອົງການຈັດຕັ້ງທີ່ຮັບຜິດຊອບເມີນເສີຍຄວາມກັງວົນຂອງພວກເຂົາ.ອ່ານຕໍ່ ...

ພື້ນທີ່ພາກເໜືອຂອງລາວໄດ້ຮັບຄຳເຕືອນໃຫ້ກຽມພ້ອມຕໍ່ຝົນຕົກໜັກ ແລະ ລົມແຮງ ເຊິ່ງກົມອຸຕຸນິຍົມຄາດວ່າພະຍຸລະດູຮ້ອນດັ່ງກ່າວຈະພັດຜ່ານຫວຽດນາມ ແລະ ພາກເໜືອຂອງລາວໃນວັນທີ 16-18 ສິງຫານີ້.ອ່ານຕໍ່ ...

ສິງກະໂປ, 7 ພະຈິກ (IFR) – ສາທາລະນະລັດ ປະຊາທິປະໄຕ ປະຊາຊົນລາວ, ເຊິ່ງໄດ້ຮັບການຈັດອັນດັບ BBB+ ຈາກ Tris, ຈະກັບຄືນສູ່ຕະຫຼາດພັນທະບັດເງິນບາດ ເຊິ່ງມີແຜນຈະເພິ່ມວົງເງິນເປັນ 7 ຕື້ບາດ (215.3 ລ້ານໂດລາສະຫະລັດ) ໃນເດືອນນີ້.ຜູ້ນຳໃນຂໍ້ຕົກລົງດັ່ງກ່າວມີທະນາຄານບາງກອກ ແລະ ທະນາຄານທະນະຊາດ.ອ່ານຕໍ່ ...

ລາວປະສົບຄວາມສຳເລັດໃນການຈັດປີທ່ອງທ່ຽວລາວ 2018 ເພື່ອດຶງດູດນັກທ່ອງທ່ຽວຈາກທົ່ວປະເທດລາວ ແລະ ຕ່າງປະເທດ, ເຊິ່ງມີຈຳນວນນັກທ່ອງທ່ຽວເພີ່ມຂຶ້ນຫຼາຍທຽບກັບປີ 2017.ອ່ານຕໍ່ ...

ລາວວາງຄາດໝາຍໃນການເພີ່ມທະວີການຜະລິດກະສິກຳເພື່ອຕອບສະໜອງຕໍ່ການບໍລິໂພກທີ່ເພີ່ມຂຶ້ນ, ແລະ ຮັບປະກັນການພັດທະນາປະເທດຊາດແບບຍືນຍົງໃນອະນາຄົດ. ຊ່ຽວຊານຈາກກົມແຜນການ ກະຊວງແຜນການ ແລະ ການລົງທຶນລາຍງານໃນກອງປະຊຸມທີ່ນະຄອນວຽງຈັນວ່າດ້ວຍເປົ້າໝາຍການພັດທະນາແບບຍືນຍົງ (SDG) ກ່ຽວກັບການຜະລິດ ແລະ ການບໍລິໂພກແບບຍືນຍົງ (SDG12) ວ່າ ປະຈຸບັນປະເທດລາວມີການນຳເຂົ້າສິນຄ້າຫຼາຍກວ່າການຜະລິດພາຍໃນ.ອ່ານຕໍ່ ...

ຕາງໜ້າກົມກອງຕ່າງໆໃນກະຊວງສາທາລະນະສຸກ ໄດ້ປະຊຸມຮ່ວມກັບບັນດາຄູ່ຮ່ວມພັດທະນາ ທີ່ນະຄອນຫຼວງວຽງຈັນ ໃນວັນຈັນຜ່ານມາ ເຊິ່ງເປັນສ່ວນໜຶ່ງຂອງຄະນະກຳມະການເພື່ອທົບທວນໂຄງສ້າງ ແລະ ມາດຕະການຮັບປະກັນຄຸນນະພາບ ເຊິ່ງມີຄວາມສຳຄັນຕໍ່ລະບົບການຮັກສາສຸຂະພາບໃນລາວ.ໃນກອງປະຊຸມດັ່ງກ່າວ ຜູ້ເຂົ້າຮ່ວມໄດ້ລາຍງານຄວາມຄືບໜ້າຂອງກິດຈະກຳທີ່ໄດ້ດຳເນີນ ແລະ ແບ່ງປັນແຜນການນຳໃຊ້ລະບົບໃໝ່ພາຍໃນໜ່ວຍງານ.ອ່ານຕໍ່ ...

(ຂປລ) ໄທມີແຜນຈັດຕັ້ງປະຕິບັດໂຄງການກວດ ແລະ ປິ່ນປົວພະຍາດມະເລັງທໍ່ນ້ຳບີ (CASCAP) ເພື່ອຊ່ວຍເຫຼືອກຸ່ມສ່ຽງໃນປະເທດລາວເພື່ອນບ້ານ, ທ່ານ ນະຣົງ ກັນຕິແກ້ວ ກ່າວຕໍ່ສື່ມວນຊົນທ້ອງຖິ່ນ.ໃນເບື້ອງຕົ້ນ ໂຄງການແມ່ນໄດ້ດຳເນີນຢູ່ໃນຈັງຫວັດທາງພາກອິສານຂອງໄທ.ດຣ ນະຣົງ ກັນຕິແກ້ວ ຈາກມະຫາວິທະຍາໄລຂອນແກ່ນ ກ່າວວ່າ ໂຄງການດັ່ງກ່າວແມ່ນໄດ້ຮັບທຶນສະໜັບສະໜູນຈາກມູນນິທິ Kadoorie ທີ່ຮ່ອງກົງ ຜ່ານວິທະຍາໄລລອນດອນ, ມູນຄ່າຂອງໂຄງການແມ່ນ 1 ລ້ານປອນ (41 ລ້ານບາດ).ອ່ານຕໍ່ ...

(ຂປລ) ກຸ່ມນັກລົງທຶນຈີນໄດ້ລົງທຶນກວ່າ 10 ຕື້ຢວນ ເພື່ອເລັ່ງມືໃນການພັດທະນາພື້ນຖານໂຄງລ່າງຂອງເຂດເສດຖະກິດພິເສດບໍ່ເຕັນ ແຂວງຫຼວງນ້ຳທາ ທາງພາກເໜືອຂອງລາວ.“ເຂດເສດຖະກິດພິເສດບໍ່ເຕັນແມ່ນຕັ້ງຢູ່ຕິດກັບເມືອງໂມຫານ ມົນທົນຢຸນນານປະເທດຈີນ. ຄາດວ່າເມື່ອສຳເລັດການພັດທະນາ ແລະ ການກໍ່ສ້າງເສັ້ນທາງລົດໄຟລາວ-ຈີນໃນປີ 2021 ແລ້ວ ຈະມີນັກທ່ອງທ່ຽວຈາກຈີນເຂົ້າມາໃນເຂດດັ່ງກ່າວປະມານ 50,000 ຄົນຕໍ່ປີ,” ທ່ານ ກັງ ເປັງ ຜູ້ຮັບຜິດຊອບການສົ່ງເສີມການລົງທຶນ ເຂດເສດຖະກິດພິເສດບໍ່ເຕັນກ່າວ.ອ່ານຕໍ່ ...

ທະນາຄານແຫ່ງ ສປປ ລາວ ໄດ້ອອກມາດຕະການເພື່ອສະກັດກັ້ນການອ່ອນຄ່າຂອງເງິນກີບ ທຽບກັບເງິນຕາຕ່າງປະເທດ.ຕາມຈົດໝາຍັຂ່າວຂອງທະນາຄານກາງໃນອາທິດນີ້, ເພື່ອສະກັດກັ້ນການອ່ອນຄ່າຂອງເງິນກີບທຽບກກັບເງິນໂດລາ ແລະ ເງິນບາດ, ທະນາຄານກາງໄດ້ປັບປຸງປະລິມານເງິນໃນລະດັບໜຶ່ງ ເຊິ່ງສອດຄ່ອງກັບສະພາບເສດຖະກິດ-ສັງຄົມໃນປະຈຸບັນ.ນອກຈາກນີ້ ທະນາຄານຍັງມີການນຳໃຊ້ລະບົບອັດຕາແລກປ່ຽນແບບລອຍຕົວພາຍໃຕ້ການຄຸ້ມຄອງ ເພື່ອເພີ່ມສະຖຽນລະພາບໃຫ້ແກ່ຄ່າເງິນກີບ, ຕາມຈົດໝາຍຂ່າວ ເຊິ່ງມີການເຜີຍແຜ່ຢູ່ໜ້າເວັບໄຊຫຼັກຂອງທະນາຄານແຫ່ງ ສປປ ລາວ.ອ່ານຕໍ່ ...

ສູນຝຶກອົບຮົມເພື່ອການພັດທະນາຊົນນະບົດລາວ-ເກົາຫຼີ ເຊິ່ງຕັ້ງຢູ່ເມືອງໄຊທານີ ວຽງຈັນ ໄດ້ເປີດຕົວຢ່າງເປັນທາງການໃນວັນອັງຄານນີ້ ເພື່ອຈຸດປະສົງສົ່ງເສີມການສ້າງຄວາມສາມາດໃຫ້ແກ່ປະຊາຊົນທີ່ເຮັດວຽກໃນຂະແໜງກະສິກຳ, ປ່າໄມ້ ແລະ ການພັດທະນາຊົນນະບົດ.ສູນດັ່ງກ່າວໄດ້ຮັບການສ້າງຕັ້ງຂຶ້ນເພື່ອສົ່ງເສີມການພັດທະນາຊົນນະບົດຂອງລາວ ຕາມນະໂຍບາຍສາມສ້າງຂອງພັກ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ການຄຸ້ມຄອງເງິນຕາຂອງລາວກຳລັງໄດ້ຮັບການເລັ່ງຈັດຕັ້ງປະຕິບັດໃນທົ່ວປະເທດ ເພື່ອເຮັດໃຫ້ອັດຕາເງິນເຟີ້ຄົງທີ່ຢູ່ທີ່ 1.5 ເປີເຊັນ.ເຖິງຢ່າງໃດກໍຕາມ ສະພາແຫ່ງຊາດໄດ້ມອບໝາຍພາລະກິດໃຫ້ລັດຖະບານ ຄວບຄຸມອັດຕາແລກປ່ຽນເງິນຕາຕ່າງປະເທດໃຫ້ຢູ່ໃນລະດັບຕ່ຳກວ່າ 5 ເປີເຊັນພາຍໃນທ້າຍປີນີ້.ອ່ານຕໍ່ ...

ໃນອາທິດນີ້ ກະຊວງອຸດສາຫະກຳ ແລະ ການຄ້າລາວໄດ້ຮຽກຮ້ອງໃຫ້ຈີນ ພິຈາລະນາປັບໂກຕາການນຳເຂົ້າເຂົ້າຈາກລາວໃຫ້ເປັນ 50,000 ໂຕນ ຄຽງຄູ່ກັບການຮັບເອົາສິນຄ້າອຸດສະຫະກຳອື່ນໆ ເພື່ອເປັນການສົ່ງເສີມການຄ້າສອງຝ່າຍ.ທ່ານນາງ ເຂັມມະນີ ພົນເສນາ ລັດຖະມົນຕີກະຊວງອຸດສາຫະກຳ ແລະ ການຄ້າຂອງລາວ ໄດ້ຍື່ນຂໍ້ສະເໜີດັ່ງກ່າວໃນວັນອັງຄານນີ້ ໃນລະຫວ່າງກອງປະຊຸມກັບຄະນະຜູ້ແທນຈີນ ເຊິ່ງນຳໂດຍທ່ານ ໜິງ ຊິເຈ ຮອງປະທານຄະນະກຳມາທິການເພື່ອການພັດທະນາ ແລະ ປະຕິຮູບແຫ່ງຊາດ (NDRC) ຂອງສາທາລະນະລັດປະຊາຊົນຈີນ ທີ່ວຽງຈັນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ທ່ານ ທອງລຸນ ສີສຸລິດ ນາຍົກລັດຖະມົນຕີ ໄດ້ສະແດງຄວາມຊົມເຊີຍຕໍ່ບົດບາດຂອງນັກທຸລະກິດຍິງ ໃນການສົ່ງເສີມການພັດທະນາເສດຖະກິດ ແລະ ສົ່ງເສີມໃຫ້ພວກເຂົານຳໃຊ້ທ່າແຮງດັ່ງກ່າວເພື່ອສ້າງຜົນປະໂຫຍດໃຫ້ແກ່ປະເທດຊາດ.ທ່ານນາຍົກໄດ້ກ່າວຄຳເຫັນດັ່ງກ່າວໃນກອງປະຊຸມຊຶ່ງຈັດໂດຍສະມາຄົມນັກທຸລະກິດຍິງລາວ (LBWA) ຮ່ວມກັບສູນການສະຫະພັນແມ່ຍິງລາວ ໃນວັນສຸກແລ້ວນີ້.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຕົວເລກດັດສະນີລາຄາຜູ້ບໍລິໂພກ (CPI) ຂອງລາວເພີ່ມຂຶ້ນຢ່າງຕໍ່ເນື່ອງ ເຖິງວ່າລັດຖະບານໄດ້ເພີ່ມມາດຕະການເພື່ອຈັດການກັບລາຄາສິນຄ້າໃນທ້ອງຕະຫຼາດທີ່ເພີ່ມສູງຂຶ້ນ.ຕາມຂໍ້ມູນຈາກສູນສະຖິຕິແຫ່ງຊາດ, ຄ່າ CPI ໄດ້ແຕະລະດັບ 107.64 ຈຸດໃນເດືອນກໍລະກົດ, ເຮັດໃຫ້ອັດຕາເງິນເຟີ້ປະຈຳປີເພີ້ມເປັນ 3 ເປີເຊັນທຽບກັບໄລຍະດຽວກັນຂອງປີຜ່ານມາ.ເງິນເຟີ້ຂອງລາວມີການເພີ່ມຂຶ້ນມາຕັ້ງແຕ່ເດືອນມິນາຂອງປີນີ້, ເຊິ່ງໄດ້ຮັບຜົນກະທົບຈາກປັດໄຈທີ່ກ່ຽວຂ້ອງກັບໄພທຳມະຊາດເຊັ່ນ ໄພນ້ຳຖ້ວມ ແລະ ແຫ້ງແລ້ງ ແລະ ການລະບາດຂອງສັດຕູພືດ ແລະ ພະຍາດ, ເຊິ່ງທຳລາຍພືດພັນເຄື່ອງປູກ ແລະ ທຳລາຍສັດລ້ຽງ. ເຊິ່ງສົ່ງຜົນໃຫ້ເກີດການຂາດແຄນໃນການການສະໜອງສະບຽງອາຫານຕົ້ນຕໍບາງປະເພດ, ແລະ ຄວາມຕ້ອງການຂອງຕະຫຼາດເຮັດໃຫ້ລາຄາສິນຄ້າເພີ່ມສູງຂຶ້ນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ການລົງທຶນຂອງວິສາຫະກິດເອກະຊົນທັງພາຍໃນ ແລະ ຕ່າງປະເທດບໍ່ຂະຫຍາຍຕົວຕາມແຜນ ເຖິງວ່າລັດຖະບານຈະເພີ່ມມາດຕະການເພື່ອສົ່ງເສີມການຂະຫຍາຍຕົວຂອງຂະແໜງເອກະຊົນ ແລະ ຮັກສາລະດັບການຂະຫຍາຍຕົວຂອງເສດຖະກິດ.ທ່ານ ປອ ສຸພັນ ແກ້ວມີໄຊ ລັດຖະມົນຕີກະຊວງແຜນການ ແລະ ການລົງທຶນ ໄດ້ລາຍງານຜ່ານສຳນັກຂ່າວວຽງຈັນທາມສ໌ ຫວ່າງໝໍ່ໆມານີ້ວ່າ ໃນຊ່ວງຫົກເດືອນທຳອິດຂອງປີນີ້ ບໍລິສັດເອກະຊົນໄດ້ມີການລົງທຶນໃນ 1,266 ໂຄງການ, ເຊິ່ງມີທຶນຈົດທະບຽນລວມ US$3.6 ຕື້ໂດລາ.ເຖິງຢ່າງໃດກໍຕາມ, ທຶນໃນຕົວຈິງທີ່ມີການໂອນຜ່ານລະບົບທະນາຄານມີພຽງ US$1.09 ຕື້ໂດລາ, ຊຶ່ງທຽບເທົ່າກັບ 40 ເປີເຊັນຂອງເປົ້າໝາຍສຳລັບປີນີ້.ອ່ານຕໍ່ ...

ອາກາດເຢັນຊົ່ວໄລຍະຈະແຜ່ປົກຄຸມພື້ນທີ່ສ່ວນໃຫຍ່ຂອງປະເທດລາວ ຍ້ອນຜົນຈາກຄວາມກົດອາກາດສູງແຜ່ປົກຄຸມບໍລິເວນພາກເໜືອ ແລະ ພາກກາງຂອງປະເທດ.ຕາມຂໍ້ມູນຈາກກົມອຸຕຸນິຍົມວິທະຍາ ແລະ ອຸທຸກະສາດ, ພະຍາກອນອາກາດແຕ່ວັນທີ 7-11 ພະຈິກ ອາກາດຈະເຢັນລົງຢູ່ທາງພາກເໜືອ ແລະ ພາກກາງຂອງລາວ, ອຸນະພູມຕ່ຳສຸດ 13 ອົງສາ ແລະ ສູງສຸດ 27 ອົງສາ.ອ່ານຕໍ່ ...

ເຈົ້າໜ້າທີ່ແຮງງານຂອງລາວ ແລະ ສາທາລະນະລັດເກົາຫຼີຢືນຢັນສືບຕໍ່ການຮ່ວມມືຫຼັງສອງຝ່າຍໄດ້ຕົກລົງນຳໃຊ້ລະບົບຂຶ້ນທະບຽນການອອກແຮງງານ (Employment Permit System).  ອ່ານຕໍ່ ...

ທ່ານ ພຼັກ ໂສຄອນ ຮອງນາຍົກລັດຖະມົນຕີ ແລະ ລັດຖະມົນຕີກະຊວງການຕ່າງປະເທດກຳປູເຈຍຈະເດີນທາງຢ້ຽມຢາມລາວ ໃນວັນທີ 5-6 ກັນຍານີ້ ເພື່ອປະຕິບັດພາລະກິດແກ້ໄຂຂໍ້ຂັດແຍ່ງຊາຍແດນ.ທ່ານ ສະເຫຼີມໄຊ ກົມມະສິດ ລັດຖະມົນຕີກະຊວງການຕ່າງປະເທດລາວໄດ້ກະກຽມຮັບຕ້ອນການເດີນທາງຢ້ຽມຢາມດັ່ງກ່າວ.ການຢ້ຽມຢາມໄລຍະສອງວັນດັ່ງກ່າວແມ່ນແນໃສ່ “ຮັດແໜ້ນສາຍພົວພັນ ແລະ ເສີມຂະຫຍາຍຂອບເຂດການຮ່ວມມືພາຄີ, ລວມເຖິງຫາລືບັນຫາຊາຍແດນ ກໍຄືການຮ່ວມມືໃນພາກພື້ນ ແລະ ສາກົນເພື່ອຜົນປະໂຫຍດຮ່ວມກັນ,” ຕາມການແຈ້ງການຂອງກະຊວງການຕ່າງປະເທດ.ອ່ານຕໍ່ ...