Law and judiciary

ລັດຖະບານ​ໄດ້​ວາງ​ເປົ້າ​ໝາຍ​ການ​ເຕີບ​ໂຕ​ດ້ານ​ເສດຖະກິດ​ຕໍ່​ປີ​ຢ່າງ​ໜ້ອຍ 4% ນັບ​ແຕ່​ນີ້​ໄປ​ຮອດ​ປີ 2025, ​ເຖິງ​ແມ່ນ​ວ່າຈະຢູ່ໃນທ່າມກາງ​ການ​ລະບາດ​ຂອງ​ພະຍາດ​ໂຄ​ວິດ-19ຢູ່ກໍຕາມ. ຂະ​ແໜງ​ກະ​ສີ​ກຳ​ຄາດ​ວ່າ​ຈະ​ເຕີບ​ໂຕ​ໃນ​ອັດຕາ​ສະ​ເລ່ຍ ​2,5% ຕໍ່​ປີ  ​ແລະ ກວມ 15,3% ຂອງ​ລວມຍອດ​ຜະລິດ​ຕະ​ພັນ​ພາຍ​ໃນ​ປະ​ເທດ (GDP) ​ໃນ​ປີ 2025, ອີງ​ຕາມ​ດຳລັດ​ທີ່​ໄດ້​ລົງ​ນາມ​ໂດຍ​ທ່ານ​ນາຍົກລັດຖະມົນຕີ ທ່ານ ພັນ​ຄຳ ວິພາ​ວັນ. ລັດຖະບານ​ໃຫ້​ຄຳ​ໝັ້ນ​ສັນຍາ​ຈະ​ຜັນ​ຂະຫຍາຍ​ຫຼາຍ​ໂຄງການ​ບຸລິມະສິດ​ເພື່ອ​ຊຸກຍູ້​ການ​ເຕີບ​ໂຕ​ເສດຖະກິດ​ຮອດ​ປີ 2025.ອ່ານເພິ່ມເຕີມ    ...

ອົງການ​ເພື່ອ​ການ​ພັດທະນາ​ສາກົນ​ຂອງ​ສະຫະລັດ (USAID) ​ໄດ້​ໃຫ້ການ​ຊ່ວຍ​ເຫລືອ​ລ້າ 525 ລ້ານ​ກວ່າ​ກີບ (​ເທົ່າ​ກັບ 54,768 ​ໂດ​ລາ​ສະຫະລັດ) ​ໃຫ້​ແກ່​ສະພາ​ທະນາຍຄວາມ​ລາວ (LBA). ຊຶ່ງ LBA ຈະນຳໃຊ້ທຶນຊ່ວຍເຫຼືອລ້າ ເພື່ອສ້າງຄຣີນິກຊ່ວຍເຫຼືອດ້ານກົດໝາຍ 17 ແຫ່ງ ໃນນະຄອນຫຼວງວຽງຈັນ ແລະ ແຂວງອື່ນໆໃນລາວ. ສະຫະລັດຍັງຮ່ວມມືກັບ ສປປ ລາວ ໃນການເຄື່ອນໄຫວທີ່ກວ້າງຂວາງເພື່ອສົ່ງເສີມການສຶກສາຂັ້ນພື້ນຖານ, ປັບປຸງສຸຂະພາບ ແລະໂພຊະນາການ, ອໍານວຍຄວາມສະດວກທາງດ້ານການຄ້າ ແລະການລົງທຶນ ແລະ ວຽກງານ ຕ້ານການຄ້າມະນຸດ.ອ່ານເພິ່ມເຕີມ ...

ໜ້າເວັບຊ່ວຍເຫຼືອດ້ານກົດໝາຍຈະໄດ້ຖືກເປີດໃຫ້ນຳໃຊ້ໂດຍກະຊວງຍຸດຕິທຳ ເພື່ອສະໜອງຂໍ້ມູນ ແລະ ບໍລິການຕ່າງໆທາງດ້ານກົດໝາຍໃຫ້ບັນດາພົນລະເມືອງລາວ. ມວນຊົນສາມາດເຂົ້າໄປໃນເວັບໄຊ, ສອບຖາມ ແລະ ຮ້ອງຂໍຄຳແນະນຳ ແລະ ຄຳປຶກສາຕ່ກະຊວງຍຸດຕິທຳໂດຍບໍ່ມີຄ່າໃຊ້ຈ່າຍ. ກະຊວງຍຸດຕິທຳໄດ້ນຳໃຊ້ທຶນຊ່ວຍເຫຼືອດັ່ງກ່າວ ເພື່ອປົກປ້ອງສິດຂອງກຸ່ມຄົນດ້ອຍໂອກາດ ແລະ ຜູ້ປະສົບເຄາະຮ້າຍທາງດ້ານການຄ້າມະນຸດ ໃຫ້ໄດ້ເຂົ້າເຖິງຂໍ້ມູນຂ່າວສານທາງດ້ານກົດໝາຍ. ໜ້າເວັບດັ່ງກ່າວໄດ້ຖືກພັດທະນາຂື້ນພາຍໃຕ້ການສະໜັບສະໜູນຈາກ ອົງການ USAID ຮ່ວມມືກັບ ມູນນິທິເອເຊຍ. ອ່ານຕໍ່ທີ່ນີ້  ...

ລັດຖະບານໄດ້ຂະຫຍາຍກຳນົດເວລາລອກດາວໄປຕື່ມອີກ 15​ ວັນ ຈົນເຖິງວັນທີ 20 ພຶດສະພາ ເນື່ອງຈາກຈຳນວນຕົວເລກຜູ້ຕິດເຊື້ອໂຄວິດ-19​ ຍັງສືບຕໍ່ເພິ່ມຂື້ນ. ລັດຖະບານ ໄດ້ອອກມາດຕະການລອກດາວພາຍໃນນະຄອນຫຼວງວຽງຈັນນັບຕັ້ງແຕ່ ວັນທີ 22 ເມສາ ພາຍຫຼັງການແຜ່ລາມຢ່າງຂວາງຂອງພະຍາດລະບາດ ຕິດຕາມດ້ວຍ 17 ແຂວງກໍໄດ້ອອກມາດຕະການເຊັ່ນດຽວກັນໃນວັນຕໍ່ໆມາ.  ວີດີໂອງານຖະແຫຼງຂ່າວທາງການ.ອ່ານເພິ່ມເຕີມ  ...

ບັນຫາເສດຖະກິດ, ໂດຍສະເພາະທິດທາງເພື່ອສ້າງຄວາມເຂັ້ມແຂງທາງດ້ານເສດຖະກິດ ຢູ່ໃນຄວາມພະຍາຍາມຫຼຸດຜ່ອນການແຜ່ລະບາດຂອງພະຍາດໂຄວິດ-19 ເປັນບັນຫາສຳຄັນທີ່ຖືກນຳມາປຶກສາຫາລືໃນກອງປະຊຸມຂອງລັດຖະບານ ຊຶ່ງດຳເນີນຂື້ນໃນວັນພະຫັດທີ່ຜ່ານມາທີ່ນະຄອນຫຼວງວຽງຈັນ. ກອງປະຊຸມດຳເນີນຂື້ນໃນວັນທີ 7-8 ມັງກອນ ພາຍໃຕ້ການເປັນປະທານຂອງ ທ່ານ ທອງລຸນ ສີສຸລິດ, ນາຍົກລັດຖະມົນຕີ, ໂດຍມີການເຂົ້າຮ່ວມຂອງບັນດາຄະນະລັດຖະບານຕ່າງໆ ຂັ້ນສູນກາງ ແລະ ທ້ອງຖິ່ນ.​ອ່ານຕໍ່  ...

ບົດລາຍງານການພັດທະນາມະນຸດ ຈັດລຳດັບໃຫ້ບັນດາປະເທດອີງໃສ່ດັດຊະນີການພັດທະນາມະນຸດ (HDI) ຊຶ່ງວັດແທກຈາກຜົນສຳເລັດສະເລ່ຍຈາກພື້ນຖານ 3 ຂໍ້ຂອງການພັດທະນາມະນຸດຄື: ອາຍຸຍືນສະເລ່ຍ, ການສຶກສາ ແລະ ລາຍໄດ້ຕໍ່ຫົວຄົນ.  ອ່ານຕໍ່   ...

(ວຽງຈັນທາມສ໌)- ການຮັບສະໝັກເລືອກຕັ້ງ ສະມາຊິກສະພາແຫ່ງຊາດຊຸດທີ 9 ແລະ ສະພາປະຊາຊົນແຂວງ ເທື່ອທີ 2 ຈະມີຂື້ນໃນວັນທີ 21 ເດືອນກຸມພາ 2021, ອີງຕາມການຖະແຫຼງຂ່າວໃນວັນສຸກທີ່ຜ່ານມາ ຂອງທ່ານ ປອ.ຊົມພູ ດວງສະຫວັນ ໂດຍອີງຕາມກົດໝາຍມາດຕາ 32 ວ່າດ້ວຍລັດຖະທຳມະນູນ ແລະ ກົດໝາຍການເລືອກຕັ້ງ.  ອີງຕາມ ດຳລັດຂອງທ່ານນາຍົກລັດຖະມົນຕີ ເລກທີ 200, ລົງນາມ ວັນທີ 10 ພະຈິກ, ຈຳນວນ 164 ຄົນ ໃນຈຳນວນຜູ້ລົງສະໝັກທັງໝົດ 224 ຄົນ ຈະຖືກຮັບເລືອກເປັນສະມາຊິກສະພາແຫ່ງຊາດ. ສະພາປະຊາຊົນແຂວງກໍຈະມີສະມາຊິກ 492 ຄົນ ໃນຈຳນວນ 789 ຄົນຂອງບັນດາຜູ້ລົງສະໝັກ. ຊຶ່ງຕົວເລກສະມາຊິກຈະເພິ່ມຂື້ນທຽບໃສ່ເທື່ອຜ່ານມາ ໂດຍອີງຕາມການເຕີບໂຕຂອງປະຊາກອນໃນປະເທດ.   ອ່່ານເພິ່ມເຕີມ  ...

ລາວຈະສືບຕໍ່ເຮັດວຽກກັບຄູ່ຮ່ວມພັດທະນາ ໃນການເສີມຂະຫຍາຍການສ້າງຄວາມສາມາດ ໃຫ້ແກ່ຖັນແຖວໜ່ວຍງານສ້າງກົດໝາຍ ຂັ້ນສູນກາງ ແລະ ທ້ອງຖິ່ນ ເພື່ອສົ່ງເສີມ ການປົກຄອງທີ່ດີ, ສິດທິມະນຸດ, ແລະ ການປົກຄອງດ້ວຍລະບຽບກົດໝາຍ.ທ່ານ ໄຊສີ ສັນຕິວົງ ລັດຖະມົນຕີກະຊວງຍຸດຕິທຳ ໄດ້ສະແດງຄຳເຫັນດັ່ງກ່າວວານນີ້ ໃນການກ່າວໂອວາດເປີດກອງປະຊຸມສຳມະນາ ກ່ຽວກັບທັດສະນະການປົກຄອງທີ່ດີ ແລະ ການສ້າງລັດທີ່ປົກຄອງດ້ວຍກົດໝາຍ ໃນ ສປປ ລາວ ຄັ້ງທີ 3 ພາຍໃຕ້ຫົວຂໍ້:​ “ການເພີ່ມທະວີຄວາມເຂົ້າໃຈກ່ຽວຫຼັກການປົກຄອງທີ່ດີ, ການສ້າງລັດທີ່ປົກຄອງດ້ວຍກົດໝາຍ, ຜູ້ປະຕິບັດ, ກົນໄກ ແລະ ຂັ້ນຕອນ, ແລະ ທ່າແຮງຜົນປະໂຫຍດ, ຄວາມຍຸດຕິທຳໃນທົ່ວສັງຄົມລາວ.”ອ່ານຕໍ່ ...

ສະພາແຫ່ງຊາດ ວາງແຜນພິຈາລະນາກົດໝາຍໃໝ່ 10 ສະບັບ ແລະ ກົດໝາຍດັດແກ້ອີກ 13 ສະບັບໃນປີໜ້າ ເພື່ອຈຸດປະສົງເດີນໜ້າພາລະກິດ ເພື່ອຮັບປະກັນໃຫ້ລາວ ມີການປົກຄອງພາຍໃຕ້ລະບຽບກົດໝາຍ.ອີງຕາມແຜນການເຮັດວຽກຂອງສະພາແຫ່ງຊາດສຳລັບປີ 2020, ເຊິ່ງນັກກົດໝາຍໄດ້ໃຫ້ການຮັບຮອງໃນຕອນທ້າຍຂອງກອງປະຊຸມສະໄໝສາມັນຊຸດທີ 8 ຂອງສະພາແຫ່ງຊາດຊຸດທີ 8 ໃນຊ່ວງຕົ້ນເດືອນນີ້, ເຊິ່ງກອງປະຊຸມສະໄໝຕໍ່ໄປ ທີ່ຈະຈັດຂຶ້ນໃນກາງປີ 2020 ຈະພິຈາລະນາກົດໝາຍໃໝ່ 3 ສະບັບ ແລະ ກົດໝາຍດັດແກ້ອີກ 10 ສະບັບ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ບັນດາຫົວໜ່ວຍທຸລະກິດໃນລາວ ຈະມີຄວາມສະດວກຍິ່ງຂຶ້ນໃນການນຳໃຊ້ຕະຫຼາດຫຼັກຊັບ ເພື່ອເປັນຊ່ອງທາງໃນການລະດົມທຶນ ພາຍຫຼັງທີ່ສະພາແຫ່ງຊາດມີການຮັບຮອງເອົາກົດໝາຍວ່າດ້ວຍຫຼັກຊັບ ສະບັບປັບປຸງ, ອີງຕາມເຈົ້າໜ້າທີ່ການນຳຂອງທະນາຄານແຫ່ງ ສປປ ລາວ.ທ່ານ ສອນໄຊ ສີພະໄຊ ຜູ້ອຳນວຍການທະນາຄານການ ໄດ້ໃຫ້ຄຳເຫັນດັ່ງກ່າວໃນວັນອັງຄານນີ້ ໃນລະຫວ່າງຂຶ້ນສະເໜີກົດໝາຍວ່າດ້ວຍຫຼັກຊັບ ສະບັບປັບປຸງ ເພື່ອໃຫ້ສະມາຊິກສະພາແຫ່ງຊາດພິຈາລະນາ ແລະ ຮັບຮອງເອົາ.ອ່ານຕໍ່ ...