ໄພພິບັດ

(ຂປລ) ຊາວກະສິກອນແຂວງສາລະວັນ ແລະ ເຊກອງ ທີ່ພືດຜົນໄດ້ຮັບຄວາມເສຍຫາຍຈາກໄພນ້ຳຖ້ວມໃນເດືອນກັນຍາທີ່ຜ່ານມາ ໄດ້ຮັບເຂົ້າສານ ແລະ ແນວພັນເຂົ້າ ພາຍໃຕ້ການຊ່ວຍເຫຼືອຂອງສອງບໍລິສັດພະລັງງານ.ພິທີມອບຮັບການຊ່ວຍເຫຼືອດັ່ງກ່າວ ໄດ້ຈັດຂຶ້ນໃນວັນທີ 10 ທັນວາຜ່ານມານີ້ ຢູ່ແຂວງສາລະວັນ ແລະ ເຊກອງ.ບໍລິສັດໄຟຟ້າ ເທີນ-ຫີນບູນ (THPC) ແລະ ຂາຫຸ້ນໃຫຍ່ຄື ບໍລິສັດໄຟຟ້າລາວ (EDL-Generation) ໄດ້ມອບເຂົ້າສານ 20 ກວ່າໂຕນ ແລະ ແນວພັນເຂົ້າ 10 ໂຕນ ໃຫ້ແກ່ອຳນາດການປົກຄອງແຕ່ລະແຂວງ, ຕາມການຄຳຂໍຂອງລັດຖະບານ ເພື່ອຊ່ວຍເຫຼືອໃນການຟື້ນຟູຊຸມຊົນທີ່ປະສົບໄພນ້ຳຖ້ວມ.ອ່ານຕໍ່ ...

ການປະເມີນຄວາມເສຍຫາຍຕໍ່ຊັບສິນ ຢູ່ເມືອງຫົງສາ ແລະ ເມືອງໄຊສະຖານ ແຂວງໄຊຍະບູລີ ແມ່ນຕົກຢູ່ປະມານ 2 ຕື້ກວ່າກີບ ເນື່ອງຈາກເຫດແຜ່ນດິນໄຫວໃນອາທິດແລ້ວນີ້ ເຊິ່ງສົ່ງຜົນກະທົບຕໍ່ປະຊາຊົນຢ່າງໜ້ອຍ 300 ຄອບຄົວ.ທ່ານ ໜູພອນ ໄຊປັນຍາຈິດ ຫົວໜ້າພະແນກແຮງງານ ແລະ ສະຫວັດດີການສັງຄົມແຂວງ ເປີດເຜີຍວ່າ ແຜ່ນດິນໄຫວຂະໜາດ 6.4 ແລະ 5.9 ຕາມມາດຕາສ່ວນ ຣິກເຕີ ທີ່ເກີດຂຶ້ນຢູ່ເມືອງຫົງສາ ແລະ ເມືອງໄຊສະຖານ ໃນວັນທີ 21 ພະຈິກ, ສົ່ງຜົນໃຫ້ມີຜູ້ໄດ້ຮັບບາດເຈັບແປດຄົນ.ຢູ່ເມືອງຫົງສາ ມີຜູ້ໄດ້ຮັບຜົນກະທົບ 134 ຄອບຄົວໃນ 17 ບ້ານ, ເຊິ່ງໃນນັ້ນລວມມີເຮືອນ 71 ຫຼັງ, ໂຮງຮຽນ 11 ແຫ່ງ, ວັດ 12 ແຫ່ງ, ...

ວຽງຈັນ (ວຽງຈັນທາມສ໌/ANN) – ຈາກການປະເມີນຄວາມເສຍຫາຍຫຼ້າສຸດ ຈາກເຫດແຜ່ນດິນໄຫວ ຢູ່ເມືອງຫົງສາ ແຂວງໄຊຍະບູລີ ມີເຮືອນພັງເສຍຫາຍທັງໝົດ 71 ຫຼັງ, ມີຜູ້ໄດ້ຮັບບາດເຈັບເຈັດຄົນ.ຕາມການລາຍງານຂອງຫ້ອງການເມືອງຫົງສາ, ເຫດແຜ່ນດິນໄຫວຂະໜາດ 6.4 ແລະ 5.9 ຕາມຫົວໜ່ວຍວັດແທກ ຣິກເຕີ ແມ່ນເກີດຂຶ້ນຢູ່ເມືອງດັ່ງກ່າວ ໃນຕອນເຊົ້າຂອງວັນທີ 21 ພະຈິກນີ້.ຕາມບົດລາຍງານ ເຜີຍວ່າມີ 71 ຫຼັງຄາເຮືອນ ໃນ 14 ບ້ານໄດ້ຮັບຄວາມເສຍຫາຍ, ນອກນັ້ນຍັງມີຫ້ອງການສີ່ແຫ່ງ, ສຸກສາລາສີ່ແຫ່ງ, ໂຮງຮຽນສີ່ແຫ່ງ ແລະ ວັດອີກຫ້າແຫ່ງ ທີ່ໄດ້ຮັບຜົນກະທົບ.ມີ 95 ຄອບຄົວໄດ້ຮັບຜົນກະທົບຍ້ອນຊັບສິນພັງເສຍຫາຍ ຫຼື ສູນເສຍເຄື່ອງຂອງ, ເຊິ່ງອຳນາດການປົກຄອງທ້ອງຖິ່ນ ກຳລັງປະເມີນມູນຄ່າຄວາມເສຍຫາຍທັງໝົດ.ອ່ານຕໍ່ ...

(ຂປລ) ໄດ້ເກີດເຫດແຜ່ນດິນໄຫວປະມານ 33 ຄັ້ງ ໃນຊ່ວງຕອນເຊົ້າ ແລະ ຕອນທ່ຽງຂອງວັນທີ 21 ພະຈິກນີ້, ຕາມແຈ້ງການຂອງກົມອຸຕຸນິຍົມວິທະຍາ ແລະ ອຸທຸກະສາດ,​ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ.ເຫດແຜນດິນໄຫວທີ່ແຮງທີ່ສຸດໃນມື້ດັ່ງກ່າວ ມີຂະໜາດວັດແທກໄດ້  6.4 ຣິກເຕີ ໃນເວລາ 6.50 ໂມງ, ຂະໜາດ 5.9 ໃນເວລາ 4.03 ໂມງ, ຂະໜາດ 4.8 ໃນເວລາ 8.00 ໂມງ, ຂະໜາດ 4.1 ໃນເວລາ 2.00 ໂມງແລງ, ຂະໜາດ 3.6 ໃນເວລາ 10.36 ໂມງແລງ. ແຜ່ນດິນໄຫວທັງໝົດ ແມ່ນເກີດຂຶ້ນຢູ່ເມືອງຫົງສາ.ໄພພິບັດດັ່ງກ່າວ ເປັນເຫດໃຫ້ຕ້ອງງົດການຜະລິດພະລັງງານໄຟຟ້າໂດຍທັນທີ ຢູ່ໂຮງງານໄຟຟ້າພະລັງຄວາມຮ້ອນຂອງບໍລິສັດຫົງສາ ເຊິ່ງຕັ້ງຢູ່ໃນເຂດເມືອງດຽວກັນ.ອ່ານຕໍ່ ...

ເຮືອນຈຳນວນ 13 ຫຼັງຢູ່ເມືອງຫົງສາ ແຂວງໄຊຍະບູລີ ໄດ້ຮັບຄວາມເສຍຫາຍຈາກເຫດແຜ່ນດິນໄຫວຂະໜາດ 6.4 ແລະ 5.9 ຕາມຫົວໜ່ວຍຣິກເຕີ ໃນເມືອງດັ່ງກ່າວ ໃນຕອນເຊົ້າຂອງວັນພະຫັດນີ້. ມີສອງຄົນໄດ້ຮັບບາດເຈັບເລັກນ້ອຍ ຈາກເຫດດັ່ງກ່າວ.ທ່ານ ແຫຼ້ ອ່ອນສົມບູນ ຫົວໜ້າຫ້ອງການປົກຄອງເມືອງຫົງສາ ລາຍງານຕໍ່ສຳນັກຂ່າວວຽງຈັນທາມສ໌, ຈາກການປະເມີນເບື້ອງຕົ້ນເຜີຍວ່າ ມີເຮືອນຈຳນວນ 13 ຫຼັງ ແລະ ວັດສີ່ແຫ່ງ ໄດ້ຮັບຄວາມເສຍຫາຍ ຢູ່ບ້ານສີມຸງຄຸນ, ສີບຸນເຮືອງ, ແທ່ນຄຳ, ນາແຄນຄຳ ແລະ ເມືອງຫານ.ອ່ານຕໍ່ ...

ເກີດເຫດແຜນດິນໄຫວໄລຍະຕື້ນຂະໜາດ 6.1 ຢູ່ທາງພາກຕາເວັນອອກສຽງເໜືອຂອງລາວ ໃກ້ກັບຊາຍແດນໄທ ໃນຕອນເຊົ້າຂອງວັນພະຫັດນີ້, ຕາມການລາຍງານຂອງໜ່ວຍສຳຫຼວດທໍລະນີວິທະຍາ ສະຫະລັດ.ເຊິ່ງໃນປະຈຸບັນ ຍັງບໍ່ມີລາຍງານກ່ຽວກັບຄວາມເສຍຫາຍຈາກເຫດແຜ່ນດິນໄຫວດັ່ງກ່າວ ເຊິ່ງເກີດຂຶ້ນໃນຕອນເຊົ້າ ເວລາ 6:50 ໂມງ (ຫຼື  ເວລາ 23:50 ໂມງຂອງວັນພຸດຕາມເຂດແບ່ງເວລາ GMT).ເຫດແຜ່ນດິນໄຫວດັ່ງກ່າວ ສາມາດຮັບຮູ້ແຮງສັ່ນສະເທືອນໄປໄກກວ່າ 700 ກິໂລແມັດ (435 ໄມລ໌) ເຖິງນະຄອນຫຼວງບາງກອກຂອງໄທ.ແຫຼ່ງທີ່ມາ: https://reliefweb.int/map/lao-peoples-democratic-republic/earthquake-xaignabouli-lao-peoples-democratic-republic-mag-61ອ່ານຕໍ່ ...

ເກີດເຫດແຜ່ນດິນໄຫວຂະໜາດ 5.7 ຢູ່ແຂວງໄຊຍະບູລີຂອງລາວ ໃກ້ກັບຊາຍແດນໄທ ໃນຕອນເຊົ້າຂອງມື້ນີ້. ໃນເວລາປະມານ 4 ໂມງເຊົ້າ, ໄດ້ເກີດເຫດແຜ່ນດິນໄຫວຂະໜາດ 5.7 ຢູ່ຫ່າງຈາກຕົວເມືອງໄຊຍະບູລີແຂວງໄຊຍະບູລີ 38 ກມ, ໃກ້ກັບຊາຍແດນໄທ, ຕາມຂໍ້ມູນຈາກ ໜ່ວຍສຳຫຼວດທໍລິນີວິທະຍາຂອງສະຫະລັດ. ຈຸດພິກັດທີ່ຕັ້ງການເກີດແຜ່ນດິນໄຫວຄັ້ງນີ້ແມ່ນຢູ່ທີ່ 19.438°N 101.224°E.ແຮງສັ່ນສະເທືອນສາມາດຮັບຮູ້ໄດ້ເຖິງນະຄອນຫຼວງວຽງຈັນ, ເຊິ່ງຜູ້ນຳໃຊ້ສື່ Facebook ໄດ້ອອກມາແລກປ່ຽນຄຳເຫັນ ຫຼັງຈາກໄດ້ຮັບອິດທິພົນ ຈາກແຮງສັ່ນສະເທືອນດັ່ງກ່າວ. ປະຈຸບັນ ຍັງບໍ່ມີລາຍງານກ່ຽວກັບການບາດເຈັບ ຫຼື ຄວາມເສຍຫາຍ ຈາກເຫດແຜ່ນດິນໄຫວດັ່ງກ່າວ.ອ່ານຕໍ່ ...

ພະນົມເປັນ: ຜູ້ຊ່ຽວຊານໄດ້ອອກມາເຕືອນ ໃນວັນອັງຄານນີ້ວ່າ ສີ່ປະເທດໃນພາກພຶ້ນລຸ່ມແມ່ນ້ຳຂອງ ອາດຕ້ອງຜະເຊິນກັບໄພແລ້ງຄັ້ງຮ້າຍແຮງເຖິງຮ້າຍແຮງທີ່ສຸດ ທີ່ສົ່ງຜົນກະທົບຕໍ່ການຜະລິດກະສິກຳ ນັບແຕ່ນີ້ໄປເຖິງເດືອນມັງກອນປີໜ້າ.ຕາມຄຳເຫັນຂອງຄະນະກຳມາທິການແມ່ນ້ຳຂອງ, ໄພແລ້ງປີນີ້ ໄດ້ເຮັດໃຫ້ລະດັບນ້ຳໃນແມ່ນ້ຳຂອງ ຫຼຸດລົງຕ່ຳທີ່ສຸດໃນຮອບ 60 ປີເປັນຢ່າງໜ້ອຍ, ໃນຂະນະທີ່ຫຼາຍເຂດຂອງແມ່ນ້ຳຂອງຕອນລຸ່ມ ກໍຜະເຊີນສະພາບນ້ຳໄຫຼໜ້ອຍໃນທົ່ວພາກພື້ນ ນັບແຕ່ເດືອນມິຖຸນາເປັນຕົ້ນມາ.ອ່ານຕໍ່ ...

31 ຄອບຄົວ ທີ່ຕ້ອງສູນເສຍເຮືອນຊານໃນກອງໄຟທີ່ລຸກໄໝ້ ຢູ່ບ້ານສົ້ນຂົວເໜືອ ເມືອງຫົວເມືອງ ແຂວງຫົວພັນ ໃນເດືອນແລ້ວນີ້ ໄດ້ຮັບເຄື່ອງໃຊ້ສອຍທີ່ຈຳເປັນຈາກຜູ້ໃຈບຸນແລ້ວ ແຕ່ກໍຍັງຕ້ອງການການຊ່ວຍເຫຼືອໃນການກໍ່ສ້າງເຮືອນຊານໃໝ່.ເຫດອັກຄີໄພດັ່ງກ່າວ ໄດ້ທຳລາຍເຮືອນປະຊາຊົນຈຳນວນ 22 ຫຼັງ ແລະ ອີກແປັດຫຼັງໄດ້ຮັບຄວາມເສຍຫາຍຢ່າງໜັກ. ທັງນີ້ກໍຍ້ອນເຮືອນທີ່ຖືກໄຟໄໝ້ສ່ວນໃຫຍ່ ແມ່ນເຮັດດ້ວຍໄມ້.ຊາວບ້ານ 152 ຊີວິດ ເຊິ່ງໃນປະຈຸບັນບໍ່ມີທີ່ຢູ່ອາໄສ ໄດ້ສູນເສຍຊັບສິນເກືອບໝົດທຸກຢ່າງ. ເຫດໄຟໃໝ້ດັ່ງກ່າວ ເຊິ່ງເຊື່ອວ່າເກີດຈາກໄຟຟ້າລັດວົງຈອນ, ໄດ້ສ້າງຄວາມເສຍຫາຍຄາດຄະເນເກືອບ 2 ຕື້ກີບ.ສຳລັບຜູ້ໃຈບຸນທີ່ຕ້ອງການໃຫ້ການຊ່ວຍເຫຼືອ, ບໍລິຈາກອຸປະກອນການກໍ່ສ້າງ, ຫຼື ອຸປະກອນເຄື່ອງໃຊ້ຕ່າງໆ ສາມາດຕິດຕໍ່ທ່ານຮ້ອຍໂທ ເພັງສີ ໄດ້ທີ່ໝາຍເລກ 020 5555 6089, ຫຼື ອຳນາດການປົກຄອງທ້ອງຖິ່ນ ໝາຍເລກ 020 5993 6934.ເພີ່ມເຕີມ ...

ວຽງຈັນ (ວຽງຈັນທາມສ໌/ANN) – ວານນີ້ ກະຊວງກະສິກຳ ແລະ ປ່າໄມ້ ໄດ້ຂຶ້ນປ້ອງກັນການຕັດສິນໃຈໃນການຫຼຸດຜ່ອນເປົ້າໝາຍການຜະລິດເຂົ້າສຳລັບປີ 2019 ຢ່າງຫຼີກລ່ຽງບໍ່ໄດ້ ຍ້ອນໄພນ້ຳຖ້ວມທີ່ຮ້າຍແຮງທີ່ເກີດຂຶ້ນໃນປີນີ້ ​ແລະ ປີຜ່ານມາ.ໃນຂະນະດຽວກັນ ທາງພາກເໜືອກໍກຳລັງປະສົບພາວະຂາດແຄນນ້ຳ.ທ່ານ ປອ ຫຼຽນ ທິແກ້ວ ລັດຖະມົນຕີກະຊວງກະສິກຳ ແລະ ປ່າໄມ້ ໄດ້ສະເໜີຕໍ່ທີ່ປະຊຸມສະພາແຫ່ງຊາດວ່າ ໄພນ້ຳຖ້ວມໃນພື້ນທີ່ອັນກວ້າງຂວາງ ບວກກັບບັນຫາການຂາດແຄນນ້ຳ ເຮັດໃຫ້ກະຊວງຕ້ອງຫຼຸດຜ່ອນເປົ້າໝາຍການຜະລິດເຂົ້າ.ອ່ານຕໍ່ ...