ທຸລະກິດທີ່ກ່ຽວຂ້ອງກັບການທ່ອງທ່ຽວຄວນໄດ້ຮັບການປັບປຸງເພື່ອຮອງຮັບນັກທ່ອງທ່ຽວຈາກຈີນທີ່ຈະເພີ່ມຂຶ້ນ ຕາມການຄາດຄະເນຂອງລັດຖະບານໃນປີນີ້, ຕາມຂໍ້ມູນຈາກຫົວໜ່ວຍທຸລະກິດຊັ້ນນຳ.ທ່ານ ດາວວອນ ພະຈັນທະວົງ ຮອງປະທານສະພາການຄ້າ ແລະ ອຸດສາຫະກຳແຫ່ງຊາດລາວ ກ່າວຜ່ານສຳນັກຂ່າວວຽງຈັນທາມສ໌ໃນອາທິດແລ້ວນີ້ວ່າ ທຸລະກິດໂຮງແຮມ, ຮ້ານອາຫານ, ບ້ານພັກ ແລະ ຕົວແທນທ່ອງທ່ຽວຄວນທຳການປັບປຸງການໃຫ້ບໍລິການໃຫ້ແທດເໝາະກັບລາຄາຕາມລະດັບຄາດໝາຍຂອງນັກທ່ອງທ່ຽວຈີນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ສະພາການຄ້າ ແລະ ອຸດສາຫະກຳແຫ່ງຊາດລາວ (LNCCI) ຮ່ວມກັບອົງການແຮງງານສາກົນ (ILO) ຈັດງານຕະຫຼາດນັດ MSME 2019 ເພື່ອສ້າງໂອກາດໃນການເຂົ້າເຖິງແຫຼ່ງທຶນໃຫ້ແກ່ຜູ້ປະກອບການຂະໜາດນ້ອຍສຸດ, ຂະໜາດນ້ອຍ ແລະ ຂະໜາດກາງ.ງານຕະຫຼາດນັດດັ່ງກ່າວໄດ້ຈັດຂຶ້ນທີ່ LNCCI ນະຄອນຫຼວງວຽງຈັນໃນວັນສຸກແລ້ວນີ້ ພາຍໃຕ້ການເຂົ້າຮ່ວມຂອງທ່ານ ສົມຈິດ ອິນທະມິດ ຮອງລັດຖະມົນຕີກະຊວງອຸດສາຫະກຳ ແລະ ການຄ້າ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ໃນປະຈຸບັນນັກສຶກສາພິການທາງສາຍຕາສາມາດເຂົ້າຮຽນຮ່ວມກັບນັກສຶກສາຄົນອື່ນໆ ເພື່ອການສືບຕໍ່ການຮຽນໃນຄະນະວິຊາຕ່າງໆຂອງມະຫາວິທະຍາໄລແຫ່ງຊາດ (ມຊ) ພາຍໃຕ້ການຊ່ວຍເຫຼືອດ້ານອຸປະກອນການສຶກສາທີ່ເໝາະສົມ.ນັກສຶກສາທີ່ພິການທາງສາຍຕາທັງໝົດ 25 ຄົນໄດ້ລົງທະບຽນເຂົ້າຮຽນໃນຄະນະອັກສອນສາດ, ເສດຖະສາດ ແລະ ບໍລິຫານທຸລະກິດ, ວິທະຍາສາດກິລາ ແລະ ກາຍະສຶກສາ, ສຶກສາສາດ, ແລະ ກົດໝາຍ ແລະ ວິທະຍາສາດການເມືອງ, ເຊິ່ງໃນນັ້ນ 16 ຄົນເລືອກຮຽນໃນຄະນະອັກສອນສາດ.ມຊ ໄດ້ໃຫ້ການສະໜັບສະໜູນນັກສຶກສາພິການທາງສາຍຕາ ໂດຍບໍ່ຕ້ອງເສຍຄ່າຮຽນໃນແຕ່ລະຄະນະ ພ້ອມທັງຈັດຫາທີ່ພັກເຊົາໃນລະຫວ່າງການຮຽນ.ສະພາການສຶກສາເພື່ອຜູ້ພິການທາງສາຍຕາສາກົນ (ICEVI) ໄດ້ໃຫ້ທຶນຊ່ວຍເຫຼືອໃນການພັດທະນາການສຶກສາຂອງຜູ້ພິການທາງສາຍຕາໃນລາວແຕ່ປີ 2015-2019.    ອ່ານຕໍ່  ...

ເຈົ້າໜ້າທີ່ລັດຖະບານກວ່າ 70 ຄົນໄດ້ປະຊຸມກັນທີ່ວຽງຈັນວານນີ້ ເພື່ອທົບທວນໝາກຜົນ, ຄວາມຄືບໜ້າ ແລະ ສິ່ງທ້າທາຍໃນການຈັດຕັ້ງປະຕິບັດເປົ້າໝາຍການພັດທະນາແບບຍືນຍົງ (SDGs) ສຳລັບສົກປີ 2018-2019.ກອງປະຊຸມປະຈຳປີຂອງຄະນະຊີ້ນຳການຈັດຕັ້ງປະຕິບັດເປົ້າໝາຍການພັດທະນາແບບຍືນຍົງແຫ່ງຊາດຂອງລາວຈົນເຖິງປີ 2030 ໄດ້ຈັດຂຶ້ນທີ່ສູນປະຊຸມ ແລະ ຝຶກອົບຮົມສາກົນ ນະຄອນຫຼວງວຽງຈັນ ເພື່ອທົບທວນຄວາມຄືບໜ້າ ແລະ ສິ່ງທ້າທາຍໃນການຈັດຕັ້ງປະຕິບັດ ທັງມີການແລກປ່ຽນຄຳຄິດຄຳເຫັນຂອງຜູ້ເຂົ້າຮ່ວມກ່ຽວກັບແຜນໃນຕໍ່ໜ້າ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ອົງການຮ່ວມມືສາກົນຍີ່ປຸ່ນ (JICA) ຈະສືບຕໍ່ຊ່ວຍເຫຼືອລັດຖະບານໃນການຜັນຂະຫຍາຍເປົ້າໝາຍເພື່ອການຟື້ນຟູເນື້ອທີ່ປ່າໄມ້ໃຫ້ເຖິງ 70% ພາຍໃນປີ 2020 ຜ່ານໂຄງການຊ່ວຍເຫຼືອເພື່ອການຫຼຸດຜ່ອນການປ່ອຍທາດອາຍພິດຈາກການທຳລາຍປ່າໄມ້ ແລະ ການເສື່ອມໂຊມຂອງປ່າໄມ້ (REDD).ມື້ວານນີ້ ອົງການໄຈກາ ຮ່ວມກັບກົມປ່າໄມ້ ພາຍໃຕ້ກະຊວງກະສິກຳ ແລະ ປ່າໄມ້ ໄດ້ທຳການແກ້ໄຂ ແລະ ວາງແຜນຍຸດທະສາດການຄຸ້ມຄອງປ່າໄມ້ໃນອະນາຄົດ ໃນກອງປະຊຸມຄັ້ງທີ 5 ຂອງຄະນະປະສານງານຮ່ວມຂອງ REDD.ອ່ານຕໍ່ ...

ປະເທດກຳປູເຈຍໄດ້ຮຽກຮ້ອງໃຫ້ລາວເລັ່ງລັດໃນການສົ່ງມອບໄຟຟ້າໃຫ້ແກ່ລາດຊະອານາຈັກກຳປູເຈຍ ຕາມຂໍ້ຕົກລົງທີ່ໄດ້ມີການລົງນາມກັນໃນຕົ້ນປີນີ້.ໃນເດືອນມີນາ, ບໍລິສັດໄຟຟ້າແຫ່ງກຳປູເຈຍ (EDC) ໄດ້ລົງນາມໃນຂໍ້ຕົກລົງຊື້ຂາຍໄຟຟ້າຈຳນວນ 200 ເມກາວັດຈາກລາວແຕ່ປີ 2019 ຫາ 2020.ທ່ານ ພັນ ສໍຣະສັກ ລັດຖະມົນຕີກະຊວງການຄ້າຂອງກຳປູເຈຍໄດ້ຮຽກຮ້ອງຕໍ່ທ່ານ ອຳໄພ ກິດາວົງ ເອກອັກຄະລັດຖະທູດລາວ ໃຫ້ຝ່າຍລາວດຳເນີນການສົ່ງມອບກະແສໄຟຟ້າດັ່ງກ່າວໃຫ້ໄວທີ່ສຸດ, ຕາມການລາຍງານຂອງສຳນັກຂ່າວ ຂະແມທາມສ໌ ຂອງກຳປູເຈຍໃນວັນພຸດນີ້.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລາວຫວັງວ່າອັນດັບໂລກໃນດັດຊະນີຄວາມສະດວກໃນການດຳເນີນທຸລະກິດ ຈະໄດ້ຮັບການປັບປຸງ ຫຼັງຈາກທີ່ລັດຖະບານໄດ້ອອກມາດຕະການເພື່ອຂັບເຄື່ອນເສດຖະກິດ ໂດຍການສ້າງຄວາມສະດວກໃນການດຳເນີນທຸລະກິດໃນປະເທດ.ໃນປີ 2019, ມີພຽງປະເທດມຽນມາທີ່ຢູ່ອັນດັບຕ່ຳກວ່າລາວໃນປະດາປະເທດສະມາຊິກອາຊຽນ. ລາວຕົກອັນດັບໄປ 13 ລະດັບມາຢູ່ອັນດັບທີ 154 ໃນ 190 ປະເທດທີ່ເຂົ້າຮ່ວມໃນການຈັດອັນດັບ. ສ່ວນປະເທດມຽນມາແມ່ນຢູ່ອັນດັບທີ 171.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດຖະບານລາວພວມສະຫຼຸບແຜນດຳເນີນງານແຫ່ງຊາດ ເພື່ອແນໃສ່ລຶບລ້າງພະຍາດທີ່ເກີດຈາກການນຳໃຊ້ແຮ່ໃຍຫີນໃນປະເທດ ໂດຍການຢຸດການນຳເຂົ້າ ແລະ ນຳໃຊ້ວັດສະດຸກໍ່ສ້າງທີ່ເປັນອັນຕະລາຍຕໍ່ສຸຂະພາບໃນທົ່ວປະເທດ ພາຍໃນປີ 2020.ປະເທດລາວ ກໍຄືຫຼາຍປະເທດໃນພາກພື້ນອາຊຽນ ມີປະຫວັດການນຳໃຊ້ວັດສະດຸກໍ່ສ້າງດັ່ງກ່າວທັງໃນການກໍ່ສ້າງເພື່ອທຸລະກິດ ແລະ ທີ່ຢູ່ອາໄສ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ເຈົ້າໜ້າທີ່ລັດຖະບານ ແລະ ຕາງໜ້າຈາກຂະແໜງການເອກະຊົນເຂົ້າຮ່ວມກອງປະຊຸມວິຊາການ ເພື່ອຮຽນຮູ້ກ່ຽວກັບກົດລະບຽບ ແລະ ຜົນປະໂຫຍດຂອງການນຳໃຊ້ “ຖະແຫຼງການວ່າດ້ວຍແຫຼ່ງກຳເນີດສິນຄ້າ” ພາຍໃຕ້ ກົດວ່າດ້ວຍຖິ່ນກຳເນີດສິນຄ້າຂອງ ເຂດການຄ້າເສລີອາຊຽນ-ອອສ໌ເຕຣເລຍ-ນິວຊີແລນ (AANZFTA) ສຳລັບລາວ.ອ່ານຕໍ່ ...

ລັດຖະບານຈະເລີ່ມທຳການກວດສອບມາດຕະຖານຄວາມປອດໄພ ທີ່ນຳໃຊ້ໃນການກໍ່ສ້າງເຂື່ອນໄຟຟ້ານຳຕົກທັງໝົດໃນປະເທດລາວໃນປີໜ້າ ເພື່ອສະກັດກັ້ນອຸບັດຕິເຫດທີ່ອາດເກີດຂຶ້ນ. ຂໍ້ມູນດັ່ງກ່າວແມ່ນມາຈາກກອງປະຊຸມທີ່ວຽງຈັນຫວ່າງໝໍ່ໆມານີ້ ກ່ຽວກັບມາດຕະຖານຄວາມປອດໄພຂອງໂຮງງານພະລັງງານໄຟຟ້ານ້ຳຕົກໃນລາວ.ອ່ານຕໍ່  ...

ວຽງຈັນ (ວຽງຈັນທາມສ໌/ANN) – ອຳນາດການປົກຄອງໄດ້ແຈ້ງເຕືອນໃຫ້ຜູ້ຈຳໜ່າຍເຄື່ອງຮັບສັນຍານດາວທຽມສຳລັບວິທະຍຸ ແລະ ໂທລະພາບ ປະຕິບັດຕາມລະບຽບການທີ່ກ່ຽວຂ້ອງ ພາຍຫຼັງທີ່ຮູ້ມາວ່າມີຜູ້ຈຳໜ່າຍບາງລາຍ ໄດ້ນຳເຂົ້າເຄື່ອງຮັບສັນຍານບໍ່ຖືກຕາມລະບຽບກົດໝາຍ.ທ່ານ ຮສ.ປອ ບໍ່ແສງຄຳ ວົງດາຣາ ລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ໄດ້ອອກແນວທາງໃໝ່ກ່ຽວກັບຂໍ້ເງື່ອນໄຂ ທີ່ຜູ້ຈຳໜ່າຍຕ້ອງປະຕິບັດ.ຜ່ານມາ ມີຜູ້ຂາຍຫຼາຍເຈົ້າທີ່ຈຳໜ່າຍເຄື່ອງຮັບສັນຍານທີ່ນຳເຂົ້າບໍ່ຖືກຕ້ອງ ເຊິ່ງຜິດຕໍ່ລະບຽບກົດໝາຍທີ່ກ່ຽວຂ້ອງໃນຫຼາຍດ້ານ, ຕາມການເປິດເຜີຍຂອງທ່ານ ພິນພຼັດທະນາ ພັນທະມາລີ ຫົວໜ້າກົມສື່ມວນຊົນ ຕໍ່ສຳນັກຂ່າວວຽງຈັນທາມສ໌ວານນີ້.ອ່ານຕໍ່ ...

ປັບປຸງເວລາ 3.45 P.M. ວັນທີ 2019-04-18ຊາວອາເມລິກາສາມຄົນທີ່ຖືກກັກຕົວໃນລາວມາແຕ່ອາທິດແລ້ວນີ້ ໃນຂໍ້ຫາເຂົ້າມາເຜີຍແຜ່ຄຳພີໄບເບີ້ນ ແລະ ສື່ສາດສະໜາດໂດຍບໍ່ໄດ້ຮັບອະນຸຍາດຈາກການຈັດຕັ້ງ ໄດ້ຖືກປ່ອຍຕົວ ແລະ ເນລະເທດໄປປະເທດໄທ ໃນວັນພະຫັດນີ້, ອົງການຈັດຕັ້ງສາດສະໜາທີ່ກ່ຽວຂ້ອງເຜີຍຕໍ່ໜ່ວຍຂ່າວ RFA ລາວ.ອາສາສະໝັກຈາກ ອົງການສາດສະໜາ Vision Beyond Borders ທີ່ຕັ້ງຢູ່ຫວຽວໝິງ, ໃນນາມສົມມຸດ: ເວ, ອໍທຳ ແລະ ໂຈເຊັບ ໄດ້ຖືກກັກຕົວໂດຍເຈົ້າໜ້າທີ່ຕຳຫຼວດ ທີ່ແຂວງຫຼວງນ້ຳທາ ພາກເໜືອຂອງລາວ ໃນວັນທີ 8 ເມສາ, ຫຼັງຈາກທີ່ໄດ້ລົງເຜີຍແຜ່ສື່ສາດສະໜາໃຫ້ແກ່ຊາວບ້ານ, ຕາມການບອກກ່າວຂອງເຈົ້າໜ້າທີ່ ແລະ ພະຍານ ຕໍ່ໜ່ວຍຂ່າວ RFA.ອ່ານຕໍ່ ...

ລັດຖະບານລາວ ແລະ ຫວຽດນາມສັນຍາຈະຂົນຂວາຍຫາທຶນຮອນເພື່ອກໍ່ສ້າງທາງລົດໄຟ ເຊື່ອມຕໍ່ນະຄອນວຽງຈັນກັບທ່າເຮືອວຶງອາງ ແຂວງຮາຕີນ ທາງພາກກາງຂອງຫວຽດນາມ.ສອງຝ່າຍໄດ້ລົງນາມໃນຂໍ້ຕົກລົງທີ່ວຽງຈັນໃນວັນອາທິດແລ້ວນີ້, ສັນຍາວ່າຈະຮ່ວມກັນຜັນຂະຫຍາຍແຜນໂຄງການທີ່ມີຊື່ວ່າ ທາງດ່ວນວຽງຈັນ-ວຶງອາງ ໃຫ້ປະກົດຜົນເປັນຈິງ.ອ່ານຕໍ່ ...

(ຂປລ) ທ່ານ ທອງລຸນ ສີສຸລິດ ນາຍົກລັດຖະມົນຕີໄດ້ເດີນທາງຢ້ຽມຢາມສາທາລະນະລັດ ສະຫະພັນ ເຢຍລະມັນ ຢ່າງເປັນທາງການຕາມການເຊື້ອເຊີນຂອງທ່ານນາງ ອັງເກລາ ແມໂຄ ນາຍົກລັດຖະມົນຕີເຢຍລະມັນ ໃນລະຫວ່າງວັນທີ 12 ແລະ 13 ມີນາ.ການຢ້ຽມຢາມດັ່ງກ່າວເປັນການຢ້ຽມຢາມເຢຍລະມັນຄັ້ງທຳອິດໃນປະຫວັດສາດຂອງຜູ້ນຳລະດັບສູງຂອງ ສປປ ລາວ ແລະ ເປັນນິມິດໝາຍສຳຄັນໃນການສົ່ງເສີມສາຍພົວພັນ ແລະ ການຮ່ວມມືມິດຕະພາບລະຫວ່າງ ສປປ ລາວ ແລະ ສາທາລະນະລັດ ສະຫະພັນ ເຢຍລະມັນ. ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ໂຄງການລິເລີ່ມເພື່ອການກະສິກຳ-ຊີວະນາໆພັນ (TABI) ຈະສືບຕໍ່ສົ່ງເສີມປະຊາຊົນຊາວຊົນນະບົດໃນສາມແຂວງພາກເໜືອ ໃນການເສີມຂະຫຍາຍການອະນຸລັກພັນປາໃນເຂດອ່າງເກັບນ້ຳເພື່ອການອະນຸລັກ.ໂຄງການດັ່ງກ່າວ ເຊິ່ງມີການລິເລີ່ມມາແຕ່ປີ 2009, ມີການສົ່ງເສີມເຂດອະນຸລັກພັນປາຈຳນວນ 262 ແຫ່ງ. ໃນນັ້ນມີເຂດຫ້າມຫາປາ 144 ແຫ່ງ, ສ່ວນອີກ 118 ແມ່ນສຳລັບການຫາປາພາຍໃຕ້ການຄຸ້ມຄອງ ຢູ່ແຂວງຫຼວງພະບາງ, ຊຽງຂວາງ ແລະ ຫົວພັນ.ໃນສາມແຂວງດັ່ງກ່າວ ມີປາສອງສາຍພັນຄື: ປາດຸກຍັກ ແລະ ປາດຸກຫາງແດງອາຊີ ທີ່ຍັງຢູ່ໃນສະພາບສ່ຽງຕໍ່ການສູນພັນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ໃນຊຸມປີຜ່ານມາ ມີໂຄງການລົງທຶນຂອງລັດເຖິງ 1,225 ໂຄງການທີ່ມີການຈັດຕັ້ງປະຕິບັດບໍ່ຖືກຕ້ອງຕາມລະບຽບກົດໝາຍ, ຕາມການລາຍງານຂອງຄະນະກຳມະການກວດສອບແຫ່ງລັດ (GIA) ໃນອາທິດນີ້.ໃນປີ 2017, ອົງການກວດສອບແຫ່ງລັດ (SAO) ໄດ້ສະເໜີໃຫ້ຄະນະ GIA ລົງກວດສອບໂຄງການຕ່າງໆຫຼັງຈາກກວດພົບສິ່ງຜິດປົກກະຕິ.ອ່ານຕໍ່ ...

ອົງການ FAO ຈະເຮັດວຽກໃນຂະແໜງການປັບຕົວຕໍ່ສະພາບອາກາດໃນພຶ້ນທີ່ຊຸ່ມນ້ຳ ຂອງ ສປປ ລາວ. ລາວເປັນໜຶ່ງໃນປະເທດທີ່ມີພື້ນທີ່ຊຸ່ມນ້ຳຂະໜາດໃຫຍ່ຂອງໂລກ ທີ່ຕິດພັນກັບລະບົບແມ່ນ້ຳຂອງ. ລ້ອງແມ່ນ້ຳຂອງຄອບຄຸມ 88% ຂອງປະເທດ.ອ່ານຕໍ່ ...

ອົງການ Radion International ອົງການທີ່ບໍ່ສັງກັດລັດຖະບານຂອງສິງກະໂປ ຈະຊ່ວຍເຫຼືອລາວກ່ຽວກັບການປົກປ້ອງສິດທິ ແລະ ການພັດທະນາເດັກນ້ອຍ.ບົດບັນທຶກຄວາມເຂົ້າໃຈຂອງໂຄງການດັ່ງກ່າວໄດ້ມີການຮັບຮອງໂດຍກະຊວງແຮງງານ ແລະ ສະຫວັດດີການສັງຄົມຂອງລາວ ທີ່ວຽງຈັນໃນຊ່ວງບໍ່ດົນມານີ້, ຕາມຂໍ້ມູນຈາກສະຖານທູດສິງກະໂປ.ອ່ານຕໍ່ ...

ເຈົ້າໜ້າທີ່ທະຫານລາວ ແລະ ລັດເຊຍຈະຮ່ວມກຳລັງກັນໃນການເກັບກູ້ລະເບີດທີ່ຍັງບໍ່ທັນແຕກ (ລບຕ) ທີ່ເມືອງຄຳເກີດ ແຂວງບໍລິຄຳໄຊ.ພາລະກິດດັ່ງກ່າວຈະເລີ່ມຕົ້ນໃນເດືອນນີ້ ໄປເຖິງເດືອນມີນາ 2019, ຕາມການລາຍງານຂອງເຈົ້າໜ້າທີ່ຮັບຜິດຊອບໜ່ວຍທະຫານເກັບກູ້ລະເບີດເພື່ອມະນຸດສະທຳ 58 (U58) ຂອງກະຊວງປ້ອງກັນປະເທດ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ມູນຄ່າລວມໃນການສົ່ງອອກ ແລະ ນຳເຂົ້າສິນຄ້າຂອງລາວໃນໄຕມາດທຳອິດຂອງປີ 2019 ຫຼຸດຕົວເລກໃນໄລຍະດຽວກັນຂອງປີກາຍປະມານ 1.53 ເປີເຊັນ, ໂດຍບໍ່ລວມມູນຄ່າການນຳເຂົ້າ ແລະ ສົ່ງອອກກະແສໄຟຟ້າ.ມູນຄ່າການຄ້າລວມໃນສາມເດືອນຕົ້ນປີນີ້ ແຕະລະດັບ US$2,317 ລ້ານໂດລາ, ເຊິ່ງໃນນັ້ນການນຳເຂົ້າສິນຄ້າມີມູນຄ່າ US$1.229 ລ້ານໂດລາ ແລະ ມູນຄ່າໃນການສົ່ງອອກແມ່ນ US$1,086 ລ້ານໂດລາ. ນີ້ສົ່ງຜົນໃຫ້ມີການຂາດດູນການຄ້າ US$143 ລ້ານໂດລາ, ຕາມກະຊວງອຸດສາຫະກຳ ແລະ ການຄ້າ.ອ່ານຕໍ່ ...