ວິທະຍຸເສລີເອເຊຍ

ເກົາຫຼີໃຕ້ ໄດ້ຖືກວິຈານ ເນື່ອງຈາກບໍ່ສາມາດປົກປ້ອງສິດທິເດັກຈາກເຫດເຂື່ອນແຕກໃນລາວປີກາຍນີ້ ເຊິ່ງເຮັດໃຫ້ຫຼາຍສິບຊີວິດຕ້ອງສູນເສຍ. ອົງການສະຫະປະຊາຊາດ ແນະນຳໃຫ້ລາວ ກວດກາໂຄງການຕ່າງປະເທດຢ່າງໃກ້ຊິດ ເພື່ອປ້ອງກັນການລ່ວງລະເມີດສິດທິດັ່ງກ່າວທີ່ອາດເກີດຂຶ້ນ.ຄະນະສົນທິສັນຍາສະຫະປະຊາຊາດວ່າດ້ວຍສິດທິເດັກ ກ່າວໃນວັນທີ 3 ຕຸລານີ້ວ່າ ປະເທດເກົາຫຼີໃຕ້ຄວນພິຈາລະນາວ່າ ບໍລິສັດ ຫຼື ອົງການຈັດຕັ້ງຂອງຕົນລ່ວງລະເມີດສິດທິເດັກໃນທ້ອງຖິ່ນຫຼືບໍ່ ເມື່ອມີການໄປລົງທຶນຢູ່ຕ່າງປະເທດ ຫຼື ດຳເນີນໂຄງການຮ່ວມມືເພື່ອການພັດທະນາສາກົນ, ແລະ ຄວນສ້າງລະບົບເພື່ອຮັບປະກັນວ່າເຈົ້າໜ້າມີຄວາມຮັບຜິດຊອບທີ່ດີຕໍ່ເຫດການທີ່ເຮັດໃຫ້ເກີດຄວາມເສຍຫາຍ.ອ່ານຕໍ່ ...

ໃນວັນອັງຄານນີ້ ກຸ່ມພັນທະມິດອົງການທີ່ບໍ່ຂຶ້ນກັບລັດຖະບານ ໄດ້ອອກມາຮຽກຮ້ອງໃຫ້ຍົກເລີກໂຄງການກໍ່ສ້າງເຂື່ອນຂະໜາດໃຫຍ່ແຫ່ງທີຫ້າໃນສາຍແມ່ນ້ຳຂອງຢູ່ລາວ, ໂດຍກ່າວອ້າງເຖິງຜົນເສຍຫາຍອັນໃຫຍ່ຫຼວງຂອງເຂື່ອນທີ່ມີໃນປະຈຸບັນ ຕໍ່ຄວາມສາມາດຂອງພາກພື້ນໃນການຮັບມືກັບວິກິດການທາງສິ່ງແວດລ້ອມ. ການກໍ່ສ້າງເຂື່ອນຢູ່ຫຼວງພະບາງນີ້ ຍິ່ງຈະເພີ່ມທະວີຄວາມຮ້າຍແຮງຂອງຜົນກະທົບຈາກການປ່ຽນແປງຂອງສະພາບອາກາດ ທີ່ກຳລັງສົ່ງຜົນຕໍ່ພາກພື້ນໃນປີນີ້, ກຸ່ມອະນຸລັກແມ່ນ້ຳຂອງ ກ່າວເປີດເຜີຍໃນບົດຂ່າວຕໍ່ສື່ມວນຊົນ.ອ່ານຕໍ່ ...

ການລະເບີດໃນວັນເສົານີ້ ເຊິ່ງເກີດຈາກການລະເບີດຫີນໃນໂຮງງານຊີມັງຂອງຈີນ ຢູ່ແຂວງພາກເໜືອຂອງລາວ ໄດ້ສົ່ງຜົນກະທົບຕໍ່ບ້ານແຫ່ງໜຶ່ງ ເຮັດໃຫ້ມີຜູ້ເສຍຊີວິດຢ່າງໜ້ອຍໜຶ່ງຄົນ ແລະ ບາດເຈັບອີກ 20 ກວ່າຄົນ, ຕາມການກ່າວຂອງຊາວບ້ານ.ການລະເບີດດັ່ງກ່າວຢູ່ບ້ານພອນມະນີ ເມືອງນ້ຳບາກ ແຂວງຫຼວງພະບາງ ເຮັດໃຫ້ເຮືອນຊານ ແລະ ລົດພັງເສຍຫາຍ.ອ່ານຕໍ່ ...

ເຈົ້າໜ້າທີ່ແຂວງຫົວພັນ ກ່າວວ່າຕ້ອງການຍົກເລີກການສັນຍາການສຳຫຼວດຂອງບໍລິສັດຖ່ານຫີນຈີນ ຫຼັງຈາກພົບວ່າການດຳເນີນການຂອງບໍລິສັດໄດ້ສ້າງຄວາມລຳບາກໃຫ້ແກ່ຊາວບ້ານ ເຊິ່ງຍັງບໍ່ໄດ້ຮັບການຊົດເຊີຍໃດໆ.ຈາກການລາຍງານ ບໍລິສັດດັ່ງກ່າວໄດ້ສ້າງຄວາມເສຍຫາຍໃຫ້ແກ່ພື້ນທີ່ນາແປດເຮັກຕາ, ແລະຍັງເຮັດໃຫ້ດິນເຈື່ອນ ເນື່ອງຈາກການຂຸດຄອງເໝືອງເພື່ອການສຳຫຼວດ.ເຈົ້າໜ້າທີ່ພະແນກພະລັງງານ ແລະ ບໍ່ແຮ່ໄດ້ກ່າວຕໍ່ໜ່ວຍຂ່າວວິທະຍຸເສລີອາຊີລາວວ່າ ການສຳປະທານດັ່ງກ່າວຄວນໄດ້ຮັບການຍົກເລີກ ເນື່ອງຈາກເຫດຜົນທາງສະພາບແວດລ້ອມ.ອ່ານຕໍ່ ...

ປະຊາຊົນໃນເຈັດບ້ານຂອງແຂວງຫຼວງນ້ຳທາ ກຳລັງພະຍາຍາມຄັດຄ້ານການອະນຸມັດການສຳປະທານທີ່ດິນຂະໜາດ 5,000 ເຮັກຕາໃຫ້ແກ່ບໍລິສັດໄທ ເຊິ່ງບັງຄັບໃຫ້ພວກເຂົາຕ້ອງຍ້າຍພູມລຳເນົາອອກຈາກພື້ນທີ່.ຊາວບ້ານມີຄວາມກັງວົນວ່າ ພື້ນທີ່ໂຄງການດັ່ງກ່າວຈະໄດ້ຮັບການພັດທະນາໃຫ້ເປັນເຂດອຸດສາຫະກຳໂດຍບໍລິສັດອາມະຕະຂອງໄທ ເຊິ່ງຈະສົ່ງຜົນເສຍຕໍ່ສະພາບແວດລ້ອມໃນໄລຍະຍາວ.ໜຶ່ງຊາວບ້ານໃນເມືອງຫຼວງນ້ຳທາ ແຂວງຫຼວງນ້ຳທາ ເຊິ່ງທີ່ດິນຂອງຕົນນອນຢູ່ໃນພື້ນທີ່ສຳປະທານ ໄດ້ຢືນຢັນຕໍ່ສຳນັກຂ່າວວິທະຍຸເສລີອາຊີລາວ ໃນອາທິດແລ້ວນີ້ວ່າ ໂຄງການສຳປະທານດັ່ງກ່າວກວມເອົາພື້ນທີ່ບ້ານຫ້ວຍດຳ, ຫ້ວຍຫອມ, ນ້ຳແດງເໜືອ, ນ້ຳແດງໃຕ້ ແລະ ບ້ານອື່ນໆອີກສາມແຫ່ງ.ອ່ານຕໍ່ ...

ຍິງສາວທີ່ຖືກຈັບໃນວັນທີ 12 ກັນຍາ ໃນຂໍ້ຫາທຳລາຍຊື່ສຽງປະເທດ ຍັງຄົງຖືກກັກຂັງບໍ່ໃຫ້ພົບກັບຄອບຄົວ ຈົນກວ່າຈະສຳເລັດການສືບສວນຄະດີກ່ຽວກັບໃນການກະທຳຄວາມຜິດຂອງລາວ, ແຫຼ່ງຂ່າວ RFA ລາວ ລາຍງານໃນວັນພະຫັດນີ້.ນາງ ຮວາຍເຮືອງ ໄຊຍະບູລີ ອາຍຸ 30 ປີ ໄດ້ຖືກັກຕົວ ຫຼັງຈາກທີ່ໄດ້ທຳການວິຈານຜ່ານທາງເຟັສ໌ບຸ໊ກ ກ່ຽວກັບການຊ່ວຍເຫຼືອບັນເທົາທຸກນ້ຳຖ້ວມຂອງລັດຖະບານ ໃນວັນທີ 5 ກັນຍາ ຢູ່ແຂວງຈຳປາສັກ ແລະ ສາລະວັນ ທາງພາກໃຕ້ຂອງລາວ, ຕາມການລາຍງານຂອງໜ່ວຍຂ່າວ RFA ລາວ.ອ່ານຕໍ່ ...

ໃນວັນພຸດນີ້ ຄະນະກຳມາທິການແມ່ນ້ຳຂອງ (MRC) ໄດ້ອອກມາປ້ອງກັນການຕັດສິນໃຈຂອງອົງກອນ ໃນການແກ່ຍາວເວລາເກືອບເຈັດອາທິດ ກ່ອນທີ່ຈະອອກມາຖະແຫຼງຕໍ່ສາທາລະນະຊົນວ່າ ລາວໄດ້ລິເລີ່ມຂັ້ນຕອນການກະກຽມ ສຳລັບການກໍ່ສ້າງເຂື່ອນໄຟຟ້າຂະໜາດໃຫຍ່ ເຊິ່ງເປັນເຂື່ອນແຫ່ງທີຫ້າເທິງແມ່ນ້ຳຂອງ.ລັດຖະບານລາວໄດ້ແຈ້ງຕໍ່ຄະນະກຳມາທິການແມ່ນ້ຳຂອງ (MRC) ແຕ່ວັນທີ 31 ກໍລະກົດທີ່ຜ່ານມາ ກ່ຽວກັບການຍື່ນສະເໜີໂຄງການເຂື່ອນໄຟຟ້າແຂວງຫຼວງພະບາງ ເພື່ອດຳເນີນຕາມຂະບວນການປຶກສາຫາລືລ່ວງໜ້າກ່ອນຫົກເດືອນ ຕາມຂັ້ນຕອນໃນການແຈ້ງ, ການປຶກສາຫາລືລ່ວງໜ້າ ແລະ ການຕົກລົງ (PNPCA) ຂອງ MRC.ຈາກການສອບຖາມຂອງສຳນັກຂ່າວ RFA, ເລຂາທິການ MRC ໄດ້ອອກມາອະທິບາຍກ່ຽວກັບການຊັກຊ້າດັ່ງກ່າວ ວ່າຫຼາຍໂຄງການກ່ອນໜ້ານີ້ ໄດ້ມີການຖະແຫຼງຂ່າວຕໍ່ສາທາລະນະຊົນໃນທັນທີ.ອ່ານຕໍ່ ...

ແຜນການກໍ່ສ້າງເຂື່ອໄຟຟ້ານ້ຳຂອງແຫ່ງໃໝ່ຂອງລາວ ໄດ້ສ້າງຄວາມກັງວົນຢ່າງຍິ່ງໃນກຸ່ມອົງການທີ່ບໍ່ຂຶ້ນກັບລັກຖະບານ (NGOs) ເພື່ອສິ່ງແວດລ້ອມໃນປະເທດໄທ, ເຊິ່ງກ່າວວ່າການສ້າງເຂື່ອນໄຟຟ້າຂະໜາດໃຫຍ່ແຫ່ງທີຫ້າຂອງລາວ ຈະສ້າງຜົນເສຍຫາຍຢ່າງຮ້າຍແຮງຕໍ່ປາ ແລະ ຄົນໃນພາກພື້ນ.ໂຄງການກໍ່ສ້າງເຂື່ອນໄຟຟ້າຫຼວງພະບາງ ຈະເປັນເປັນເຂື່ອນໄຟຟ້າຂະໜາດໃຫຍ່ແຫ່ງທີຫ້າໃນແມ່ນ້ຳຂອງ. ລັດຖະບານລາວໄດ້ແຈ້ງຕໍ່ຄະນະກຳມາທິການແມ່ນ້ຳຂອງ (MRC) ໃນວັນທີ 31 ກໍລະກົດຜ່ານມາວ່າ ຈະຍື່ນຂໍ້ສະເໜີໂຄງການ ເພື່ອດຳເນີນຕາມຂະບວນການປຶກສາຫາລືລ່ວງໜ້າຫົກເດືອນ ຕາມຂັ້ນຕອນການແຈ້ງການ, ການປຶກສາຫາລືລ່ວງໜ້າ ແລະ ການຕົກລົງ (PNPCA) ຂອງ MRC.ອ່ານຕໍ່ ...

ລາຄາເຂົ້າສານໜຽວປັບຕົວສູງຂຶ້ນໃນລາວ, ຍ້ອນໄພນ້ຳຖ້ວມຄັ້ງໃຫຍ່ໃນດິນແດນທີ່ອຸດົມສົມບູນທີ່ສຸດໃນພາກພື້ນ ແລະ ສາເຫດອື່ນໆທີ່ກ່ຽວຂ້ອງ, ຄຽງຄູ່ກັນລາຄາອາຫານສ່ວນໃຫຍ່ທີ່ປັບຕົວສູງຂຶ້ນ ເນື່ອງຈາກການລະບາດຂອງພະຍາດອະຫິວາໝູອາຟຼິກາໃນຈີນ ແລະ ພາກພື້ນອາຊີຕາເວັນອອກສຽງໃຕ້ໃນຊ່ວງປີຜ່ານມາ.ເຈົ້າຂອງຮ້ານຂາຍເຂົ້າຢູ່ເມືອງໄຊເສດຖາ ນະຄອນຫຼວງວຽງຈັນ ໄດ້ເປີດເຜີຍຕໍ່ໜ່ວຍຂ່າວ RFA ລາວວ່າ, “ລາຄາເຂົ້າສານແມ່ນເພີ່ມຂຶ້ນສອງເທົ່າ. ບາງເທື່ອອາດຂຶ້ນເຖິງສາມເທົ່າຕົວ. ປະຈຸບັນຢູ່ນະຄອນຫຼວງ ລາຄາເຂົ້າສານໜຽວໜຶ່ງໝື່ນແມ່ນຢູ່ທີ່ $13 ໂດລາ, ເພີ່ມຂຶ້ນຈາກ $7 ໂດລາໃນທ້າຍປີກາຍ.”ອ່ານຕໍ່ ...

ແຮງງານລາວ, ເຊິ່ງຫຼາຍຄົນຍັງຢູ່ໃນໄວໜຸ່ມ ແລະ ບາງຄົນກໍຍັງເປັນໄວລຸ້ນ ໄດ້ຫຼັ່ງໄຫຼກັນໄປອອກແຮງງານຢູ່ປະເທດໄທເພື່ອນບ້ານໃນປີນີ້ໃນອັດຕາທີ່ເພີ່ມຂຶ້ນ, ​ໂດບບໍ່ເກງກົວຕໍ່ການຂູດຮີດແຮງງານ ແລະ ສະພາບການເຮັດວຽກທີ່ສ່ຽງຕໍ່ອັນຕະລາຍ ເພື່ອຊອກຫາວຽກເຮັດງານທຳຊ່ວຍເຫຼືອຄອບຄົວທາງບ້ານ, ຕາມແຫຼ່ງຂ່າວໃນປະເທດໄທ.ຫຼາຍຄົນກໍໄດ້ຮັບການຊຸກຍູ້ຈາກພໍ່ແມ່ໃຫ້ໄປອອກແແຮງງານຢູ່ຕ່າງປະເທດ, ຕາມແຫຼ່ງຂ່າວ. ບາງຄົນກໍຕົກເປັນເຫຍື່ອຂອງການຄ້າມະນຸດ ແລະ ຕິດກັບດັກໜີ້ສິນ, ຫຼື ຖືກເສຍຊີວິດຍ້ອນອຸບັດຕິເຫດແຮງງານ ຫຼື ອຸບັດຕິເຫດບົນທ້ອງຖະໜົນ.ໃນວັນຈັນຜ່ານມາ, ສົບຂອງແຮງງານລາວອົບພະຍົບ 9 ຄົນທີ່ເສຍຊີວິດໃນວັນທີ 18 ສິງຫາ ເນື່ອງຈາກອຸບັດຕິເຫດລົດຕຳກັນໃນຂະນະເດີນທາງໄປຊາຍແດນເພື່ອຕໍ່ວີຊາທ່ອງທ່ຽວເພື່ອເຂົ້າປະເທດໄທ ໄດ້ຖືກສົ່ງກັບສູ່ຄອບຄົວ. ສ່ວນອີກສົບໜຶ່ງແມ່ນໄດ້ເຮັດພິທີເຜົາຢູ່ປະເທດໄທ. ອ່ານຕໍ່ ...