ການຍ້າຍຖິ່ນຖານ
Informal migration for labor
ປະກັນໄພໂຄວິດແມ່ນຖືເປັນສິ່ງບັງຄັບສຳລັບແຮງງານຕ່າງປະເທດໃນສປປ ລາວ
ກົດໝາຍສະບັບໃໝ່ຂອງກະຊວງປ້ອງກັນຄວາມສະຫງົບ ເຫັນວ່າແຮງງານຕ່າງປະເທດທັງໝົດທີ່ເຂົ້າມາລາວຕ້ອງຊື້ປະກັນໄພພະຍາດໂຄວິດ-19. ແຈ້ງການຂອງກະຊວງປ້ອງກັນປກສ ສະບັບວັນທີ 15 ທັນວາ 2022 ໄດ້ລະບຸເຖິງລະບຽບການປະກັນສຸຂະພາບຂອງແຮງງານຕ່າງປະເທດ ເຊິ່ງໄດ້ຮັບການອະນຸມັດຈາກສໍານັກງານນາຍົກລັດຖະມົນຕີ ແລະ ກະຊວງການເງິນ.ຕາມແຈ້ງການແລ້ວ, ແຜນງານປະກັນໄພທົດລອງກ່ອນນີ້ໄດ້ປ່ຽນເປັນໂຄງການຖາວອນທີ່ຕ້ອງການແຮງງານຕ່າງປະເທດທັງໝົດໃນການຊື້ປະກັນໄພໂຄວິດ-19 ໃນມູນຄ່າ 500,000 ກີບ (ປະມານ 30 USD).ອ່ານເພິ່ມເຕີມ ...
ພອນທຳ ວິຊັບຮະ
ອຳນາດການປົກຄອງລັດໄດ້ຊີ້ແຈງກ່ຽວກັບການປະທ້ວງຂອງແຮງງານຊາວພະມ້າຢູ່ເຂດເສດຖະກິດພິເສດ
ເຂດເສດຖະກິດພິເສດ ສາມລ່ຽມທອງຄຳ ໄດ້ຖືກປິດບໍລິເວນໃນວັນສຸກທີ່ຜ່ານມາ ເນື່ອງຈາກຍັງມີການແຜ່ລະບາດຂອງພະຍາດໂຄວິດ-19 ຈາກຄົນງານພາຍໃນນັ້ນ. ອຳນາດການປົກຄອງທີ່ກ່ຽວຂ້ອງຢູ່ເຂດເສດຖະກິດພິເສດສາມລ່ຽມທອງຄຳແຫ່ງນັ້ນ ໄດ້ອອກຄຳຖະແຫຼງກ່ຽວກັບເຫດການໂຮມຊຸມນຸມຂອງບັນດາແຮງານຕ່າງດ້າວຈາກປະເທດມຽນມ້າ. ການປະທ້ວງດັ່ງກ່າວແມ່ນເກີດຈາກຄວາມບໍ່ພໍໃຈກັບການຫວ່າງງານ ແລະ ຕໍ່ກັບມາດຕະການປ້ອງກັນ ແລະ ຄວບຄຸມພະຍາດໂຄວິດ -19 ໃນລະຫວ່າງການປິດລ້ອມໃນເຂດເສດຖະກິດພິເສດ.ອ່ານຕໍ່ທີ່ນີ້ ...
ໄພບູນ ທະນະບົວສີ
ແຮງງານອົບພະຍົບຕົກຢູ່ໃນສະພາບຖືກປິດລ້ອມຍ້ອນການລະບາດຂອງພະຍາດໂຄວິດ -19: ສິ້ນຫວັງທີ່ຈະອອກຈາກເຂດເສດຖະກິດພິເສດຂອງລາວ
ຄົນງານຢູ່ເຂດເສດຖະກິດພິເສດ (SEZ) ຢູ່ພາກເໜືອຂອງລາວ ທີ່ເຮັດວຽກບໍລິການແກ່ນັກພະນັນຊາວຈີນ ສິ້ນຫວັງທີ່ຈະກັບຄືນບ້ານຂອງເຂົາເຈົ້າທ່າມກາງການລະບາດຂອງພະຍາດໂຄໂຣນາ ທີ່ເຮັດໃຫ້ເກີດມີການປິດປະຕູໃນຕົ້ນອາທິດນີ້, ໂດຍກ່າວວ່າເຂົາເຈົ້າບໍ່ໄດ້ຮັບເງິນມາເປັນຫຼາຍເດືອນ ແລະ ບໍ່ກໍບໍ່ສາມາດຮັບຜິດຊອບຄ່າເຊົ່າ ແລະ ອາຫານໄດ້ອີກຕໍ່ໄປ. ອ່ານຕໍ່ທີ່ນີ້ ...
ວິທະຍຸເອເຊຍເສລີ
ປະເທດໄທ ເຫັນດີອຳນວຍຄວາມສະດວກສັກວັກຊິນປ້ອງກັນໂຄວິດ-19 ໃຫ້ບັນດາແຮງງານລາວ
ອີງຕາມຂໍ້ຕົກລົງທາງການ ຈາກສະຖາທູດລາວປະຈຳປະເທດໄທກ່າວວ່າ ລັດຖະບານໄທໄດ້ຕົກລົງອຳນວຍຄວາມສະດວກໃນການສັກວັກຊິນປ້ອງກັນພະຍາດໂຄວິດ-19 ໃຫ້ຕ່າງປະເທດ ລວມທັງແຮງງານລາວທີ່ອາໃສຢູ່ປະເທດໄທ. ຊຶ່ງຈະໄດ້ດຳເນີນການສັກໃຫ້ກຸ່ມບູລິມະສິດທີ່ມີອາຍຸ 60 ປີຂື້ນໄປແລະ ຜູ້ທີ່ມີພະຍາດປະຈຳຕົວ. ອ່ານເພິ່ມເຕີມ ...
ໄພບູນ ທະນະບົວສີ
ແຮງງານລາວອົບພະຍົບທີ່ຕ້ອງການໜີຈາກຄວາມທຸກຍາກ ບໍ່ເກງກົວຕໍ່ໄພອັນຕະລາຍໃນການໄປອອກແຮງງານຢູ່ປະເທດໄທ
ແຮງງານລາວ, ເຊິ່ງຫຼາຍຄົນຍັງຢູ່ໃນໄວໜຸ່ມ ແລະ ບາງຄົນກໍຍັງເປັນໄວລຸ້ນ ໄດ້ຫຼັ່ງໄຫຼກັນໄປອອກແຮງງານຢູ່ປະເທດໄທເພື່ອນບ້ານໃນປີນີ້ໃນອັດຕາທີ່ເພີ່ມຂຶ້ນ, ໂດບບໍ່ເກງກົວຕໍ່ການຂູດຮີດແຮງງານ ແລະ ສະພາບການເຮັດວຽກທີ່ສ່ຽງຕໍ່ອັນຕະລາຍ ເພື່ອຊອກຫາວຽກເຮັດງານທຳຊ່ວຍເຫຼືອຄອບຄົວທາງບ້ານ, ຕາມແຫຼ່ງຂ່າວໃນປະເທດໄທ.ຫຼາຍຄົນກໍໄດ້ຮັບການຊຸກຍູ້ຈາກພໍ່ແມ່ໃຫ້ໄປອອກແແຮງງານຢູ່ຕ່າງປະເທດ, ຕາມແຫຼ່ງຂ່າວ. ບາງຄົນກໍຕົກເປັນເຫຍື່ອຂອງການຄ້າມະນຸດ ແລະ ຕິດກັບດັກໜີ້ສິນ, ຫຼື ຖືກເສຍຊີວິດຍ້ອນອຸບັດຕິເຫດແຮງງານ ຫຼື ອຸບັດຕິເຫດບົນທ້ອງຖະໜົນ.ໃນວັນຈັນຜ່ານມາ, ສົບຂອງແຮງງານລາວອົບພະຍົບ 9 ຄົນທີ່ເສຍຊີວິດໃນວັນທີ 18 ສິງຫາ ເນື່ອງຈາກອຸບັດຕິເຫດລົດຕຳກັນໃນຂະນະເດີນທາງໄປຊາຍແດນເພື່ອຕໍ່ວີຊາທ່ອງທ່ຽວເພື່ອເຂົ້າປະເທດໄທ ໄດ້ຖືກສົ່ງກັບສູ່ຄອບຄົວ. ສ່ວນອີກສົບໜຶ່ງແມ່ນໄດ້ເຮັດພິທີເຜົາຢູ່ປະເທດໄທ. ອ່ານຕໍ່ ...
ໜ່ວຍຂ່າວ RFA ລາວ
https://www.rfa.org/english/news/laos/migrants-08272019160657.html
ແຮງງານຍ້າຍຖິ່ນລາວເສຍຊີວິດສິບຄົນ, ບາດເຈັບອີກສາມຈາກອຸບັດຕິເຫດທາງລົດຢູ່ປະເທດໄທ
ແຮງງານຍ້າຍຖິ່ນສິບຄົນເຊິ່ງບໍ່ມີເອກະສານສິບຄົນຖືກເສຍຊີວິດ ແລະ ອີກສາມຄົນໄດ້ຮັບບາດເຈັບສາຫັດຈາກເຫດລົດຕຳກັນໃນຕອນເຊົ້າຂອງວັນອາທິດ ຢູ່ຈັງຫວັດສະແກ້ວ ທາງພາກຕາເວັນອອກຂອງປະເທດໄທ ໃນຂະນະທີ່ພວມໂດຍສານລົດຕູ້ໄປຈັງຫວັດຈັນທະບູລີ ໃນບໍລິເວນຊາຍແດນປະເທດກຳປູເຈຍ ເພື່ອຕໍ່ວີຊາທ່ອງທ່ຽວ, ຕາມການເປີດເຜີຍຂອງເຈົ້າໜ້າທີ່ຕຳຫຼວດໄທ.ພັນຕຳຫຼວດເອກ ໃຈຍະນັນ ຈິລາພິຍະເຊດ ຫົວໜ້າສະຖານນີຕຳຫຼວດອຳເພີວັງສົມບູນຈັງຫວັດສະແກ້ວ ເປີດເຜີຍຕໍ່ໜ່ວຍຂ່າວ RFA ລາວວ່າ, “ເກີດອຸບັດຕິເຫດບົນທ້ອງຖະໜົນສາຍສະແກ້ວ ຈັງຫວັດສະແກ້ວ ເມື່ອລົດຕູ້ຂົນສົ່ງແຮງງານລາວໄດ້ຕຳໃສ່ກັບລົດພ່ວງ ເຮັດໃຫ້ແຮງງານລາວເສຍຊີວິດເປັນຍິງຫົກຄົນ ແລະ ຊາຍສີ່ຄົນ.”ອ່ານຕໍ່ ...
ໜ່ວຍຂ່າວ RFA ລາວ
https://www.rfa.org/english/news/laos/ten-lao-migrant-workers-die-08202019144737.html
ຊາວໜຸ່ມລາວເລີ່ມໄປອອກແຮງງານຢູ່ປະເທດຈີນຫຼາຍຂຶ້ນ
ຊາວໜຸ່ມໃນບັນດາແຂວງພາກເໜືອຂອງລາວ ມີການຍ້າຍຖິ່ນຂ້າມຊາຍແດນໄປຈີນຫຼາຍຂຶ້ນ ເພື່ອຊອກຫາວຽກເຮັດງານທຳ ແລະ ຄ່າແຮງງານທີ່ສູງກວ່າ.ຍ້ອນທ່າແຮງທີ່ຈຳກັດໃນລາວ, ຊາວໜຸ່ມຈາກເຂດພູດອຍຫ່າງໄກສອກຫຼີກ ເລືອກທີ່ຈະເປັນຜູ້ຍ້າຍຖິ່ນໂດຍບໍ່ມີເອກະສານ ໄປແຂວງຢຸນນານປະເທດຈີນ ເຊິ່ງເຂົາສາມາດຫາເງິນໄດ້ຫຼາຍກວ່າໃນການອອກແຮງງານໃນໜ້າວຽກດຽວກັນຢູ່ລາວ.ອ່ານຕໍ່ ...
RFA’s Lao Service
ບົດລາຍງານ UNDP-ILO ສົມທຽບຂະບວນການຍ້າຍຖິ່ນຂອງແຮງງານລະຫວ່າງ ສປປ ລາວ ແລະ ໄທ
ບົດລາຍງານສະບັບໃໝ່ຈາກອົງການ ສະຫະປະຊາຊາດເພື່ອການພັດທະນາ (UNDP) ແລະ ອົງການແຮງງານສາກົນ (ILO ) ເປີດເຜີຍວ່າ ການຍ້າຍຖິ່ນຂອງແຮງງານແບບສະໝ່ຳສະເໝີ ໃຫ້ຜົນທາງບວກຫຼາຍກວ່າການຍ້າຍຖິ່ນບໍ່ສະໝ່ຳສະເໝີລະຫວ່າງ ສປປ ລາວ ແລະ ໄທ.ອ່ານຕໍ່ ...
UNDP-ILO