ວິທະຍຸເສລີເອເຊຍ

ຄົນງານຢູ່ເຂດເສດຖະກິດພິເສດ (SEZ) ຢູ່ພາກເໜືອຂອງລາວ ທີ່ເຮັດວຽກບໍລິການແກ່ນັກພະນັນຊາວຈີນ ສິ້ນຫວັງທີ່ຈະກັບຄືນບ້ານຂອງເຂົາເຈົ້າທ່າມກາງການລະບາດຂອງພະຍາດໂຄໂຣນາ ທີ່ເຮັດໃຫ້ເກີດມີການປິດປະຕູໃນຕົ້ນອາທິດນີ້, ໂດຍກ່າວວ່າເຂົາເຈົ້າບໍ່ໄດ້ຮັບເງິນມາເປັນຫຼາຍເດືອນ ແລະ ບໍ່ກໍບໍ່ສາມາດຮັບຜິດຊອບຄ່າເຊົ່າ ແລະ ອາຫານໄດ້ອີກຕໍ່ໄປ. ອ່ານຕໍ່ທີ່ນີ້  ...

ໂຮງງານຈີນຢູ່ແຂວງບໍລິຄຳໄຊ ທີ່ໄດ້ເລີ່ມການຜະລິດຫວ່າງໝໍ່ໆມານີ້ ກໍ່ໃຫ້ເກີດສຽງດັງ ແລະ ມົນລະພິດທາງອາກາດ ເຊິ່ງສົ່ງຜົນຕໍ່ສຸຂະພາບຂອງຊາວບ້ານທີ່ອາໄສຢູ່ໃກ້ຄຽງ.ໂຮງງານດັ່ງກ່າວ ເປັນໂຮງງານຜະລິດກ່ອງໂຟມເພື່ອນຳໃຊ້ຂົນສົ່ງກ້ວຍ ປະກອບດ້ວຍອາຄານໜຶ່ງຫຼັງ ຕັ້ງຢູ່ໃນພື້ນທີ່ 1 ເຮັກຕາ ຢູ່ເມືອງປາກຊັນ ແຂວງບໍລິຄຳໄຊ. ຊາວບ້ານຢ່າງໜ້ອຍສິບຄົວເຮືອນລາຍງານວ່າ ໂຮງງານດັ່ງກ່າວກໍ່ໃຫ້ເກີດສຽງດັງ ແລະ ສົ່ງກິ່ນເໝັນ ໃນຂະນະທຳການຜະລິດແຕ່ເວລາ 6 ໂມງເຊົ້າເຖິງທ່ຽງຄືນ.ອ່ານຕໍ່ ...

ຊາວບ້ານ 100 ກວ່າຄອບຄົວ ທີ່ໄດ້ຍ້າຍທີ່ຕັ້ງບ້ານໃນສີ່ປີກ່ອນ ສຳລັບການກໍ່ສ້າງເຂື່ອນໄຟຟ້ານ້ຳທາ 1 ຢູ່ແຂວງຫຼວງນ້ຳທາ ກຳລັງຢູ່ໃນສະພາບຂາດແຄນນ້ຳ ເນື່ອງຈາກໄພແລ້ງ, ຕາມແຫຼ່ງຂ່າວທ້ອງຖິ່ນ.ແຫຼ່ງນ້ຳທີ່ຢູ່ໃກ້ເຂດບ້ານທີ່ຍົກຍ້າຍພູມລຳເນົາເພື່ອການສ້າງເຂື່ອນນ້ຳທາ 1 ເຊິ່ງປະກອບດ້ວຍເຈັດບ້ານນ້ອຍ, ຕັ້ງຢູ່ເຂດເນີນສູງ ຫ່າງຈາກນ້ຳທາປະມານ 10 ກມ (6 ໄມ) ຢູ່ເມືອງນາແລ ໃນປະຈຸບັນແມ່ນຢູ່ໃນສະພາບບົກແຫ້ງ, ຫົວໜ້າເຂດບ້ານຕະວັນ ເປີດເຜີຍໃນການສຳພາດຕໍ່ໜ່ວຍຂ່າວ RFA ລາວ.ອ່ານຕໍ່ ...

ໃນອາທິດແລ້ວນີ້ ອຳນາດການປົກຄອງ ໄດ້ຕັດສິນໃຫ້ຈຳຄຸກສາວລາວເປັນເວລາ 5 ປີ ໃນຂໍ້ຫາໂຄສະນາຕ້ານລັດຖະບານຜ່ານສື່ ເຟັສ໌ບຸ໊ກ.ນາງ ຮວຍເຮືອງ ໄຊຍະບູລີ ອາຍຸ 30 ປີ ຫຼື ນາງໝວຍ ໄດ້ຖືກຈັບໃນວັນທີ 12 ກັນຍາ 2019 ເນື່ອງຈາກທຳການວິພາກວິຈານການຮັບມືກັບໄພນ້ຳຖ້ວມຂອງລັດຖະບານ ຢູ່ແຂວງຈຳປາສັກ ແລະ ສາລະວັນ ໂດຍອອກອາກາດສົດຜ່ານຊ່ອງທາງ ເຟັສ໌ບຸ໊ກ ໃນວັນທີ 5 ກັນຍາ.ໃນວີດີໂອດັ່ງກ່າວ ເຊິ່ງມີຍອດຜູ້ເຂົ້າຊົມຫຼາຍກວ່າ 150,000 ຄັ້ງ, ຜູ້ກ່ຽວໄດ້ເວົ້າວ່າ ລັດຖະບານດຳເນີນການຊ່ວຍເຫຼືອຊັກຊ້າ ເຮັດໃຫ້ປະຊາຊົນຫຼາຍຄົນຖືກປະລະ ແລະ ບໍ່ໄດ້ຮັບການຊ່ວຍເຫຼືອ.ອ່ານຕໍ່ ...

ອຳນາດການປົກຄອງລາວ ໄດ້ຕັດສິນຈຳຄຸກແມ່ຍິງຄົນໜຶ່ງເປັນເວລາ 15 ປີ ເນື່ອງຈາກຄ້າເດັກຍິງລາວສີ່ຄົນໄປຈີນໃນປີ 2018, ຕາມການສືບຊາບຂອງສຳນັກຂ່າວວິທະຍຸເສຣີເອເຊຍ (RFA). ແມ່ຍິງທີ່ມີຊື່ວ່າ ນາງດວງຈັນ ໄດ້ພົບກັບກຸ່ມເດັກຍິງ ຢູ່ເມືອງຫຼວງນ້ຳທາ ແຂວງຫຼວງນ້ຳທາ ໃນເດືອນມັງກອນ 2018. ນາງບອກວ່າ ຈະຊອກຫາວຽກທີ່ມີລາຍໄດ້ດີໃຫ້ກັບພວກເຂົາ ຢູ່ປະເທດຈີນ, ແຕ່ວ່າໃນໂຕຈິງ ພັດນຳເອົາເດັກຍິງແຕ່ລະຄົນໄປຂາຍ ເມື່ອເດີນທາງເຖິງປະເທດຈີນ.“ນາງດວງຈັນ ໄດ້ກະທຳຄວາມຜິດໃນຂໍ້ຫາຄ້າມະນຸດ, ແລະ ໄດ້ຖືກຕັດສິນຂັງຄຸກເປັນເວລາ 15 ປີ ໃນເດືອນກໍລະກົດປີນີ້, ທັງປັບໄໝເງິນ $11,000 ໂດລາ ແລະ ຕ້ອງຈ່າຍຄ່າທຳຂວັນໃຫ້ແກ່ຄອບຄົວເດັກຍິງອີກ $6,000 ໂດລາ,” ເຈົ້າໜ້າທີ່ສານປະຊາຊົນແຂວງຫຼວງນ້ຳທາ ເປີດເຜີຍຕໍ່ໜ່ວຍຂ່າວ RFA ລາວ.ອ່ານຕໍ່ ...

ບັນດາຜູ້ມີສ່ວນຮ່ວມ ມີຄວາມກັງວົນຕໍ່ກັບສິດທິຊອບທຳໃນຂະບວນການການມີສ່ວນຮ່ວມຫຼາຍປະເທດ ໃນການອະນຸມັດໂຄງການເຂື່ອນໄຟຟ້າຫຼວງພະບາງຂອງລາວ, ພາຍຫຼັງມີການສະເໜີຄຳແນະນຳ ໃຫ້ຫຼຸດຜ່ອນຜົນກະທົບຕໍ່ສິ່ງແວດລ້ອມ, ແຕ່ມີການຮັບຮອງເອົາເປັນສ່ວນໜ້ອຍ ໃນລະຫວ່າງກອງປະຊຸມປຶກສາຫາລືຂອງຄະນະກຳມາທິການແມ່ນ້ຳຂອງ (MRC) ໃນອາທິດແລ້ວນີ້ ທີ່ນະຄອນວຽງຈັນ.ກອງປະຊຸມດັ່ງກ່າວ ໄດ້ຈັດຂຶ້ນທີ່ນະຄອນຫຼວງວຽງຈັນ ໃນວັນທີ 5 ແລະ 6 ພະຈິກນີ້, ເຊິ່ງຄະນະກຳມາທິການ ໄດ້ອອກບົດລາຍງານກ່ຽວກັບຂະບວນການປຶກສາຫາລືລ່ວງໜ້າຫົກເດືອນ ກ່ຽວກັບໂຄງການກໍ່ສ້າງເຂື່ອນດັ່ງກ່າວ.ອ່ານຕໍ່ ...

ເຈົ້າໜ້າທີ່ແຂວງຈຳປາສັກໄດ້ໃຫ້ການຊ່ວຍເຫຼືອກຸ່ມແມ່ຍິງ ແລະ ເດັກຍິງລາວສີ່ຄົນທີ່ຖືກຂາຍໄປຈີນ, ໃນຂະນະທີ່ກຸ່ມແມ່ຍິງລາວອີກສີ່ຄົນຈາກພາກອື່ນຂອງລາວຍັງຄົງຫາຍສາຍສູນ, ຕາມການລາຍງານຈາກແຫຼ່ງຂ່າວຂອງໜ່ວຍຂ່າວ RFA ລາວຫຼ້າສຸດ.ກຸ່ມໄວລຸ້ນ ແລະ ຍິງໜຸ່ມ ເຊິ່ງປະຈຸບັນອາຍຸປະມານ 16 ເຖິງ 21 ປີ ໄດ້ຮັບການຊ່ວຍເຫຼືອໃນເດືອນສິງຫາ. ຫຼາຍປີຜ່ານມາ ພວກເຂົາໄດ້ຖືກຫຼອກລວງໂດຍນາຍໜ້າຄົນລາວທີ່ສາມາດເວົ້າພາສາຈີນ ວ່າຈະໃຫ້້ໄປແຕ່ງດອງກັບຜູ້ຊາຍຈີນ, ເຈົ້າໜ້າທີ່ສະຫະພັນແມ່ຍິງແຂວງຈຳປາສັກ ເປີດເຜີຍຕໍ່ໜ່ວຍຂ່າວ RFA ໃນວັນທີ 29 ຕຸລາທີ່ຜ່ານມາ.ອ່ານຕໍ່ ...

ເຂື່ອນໄຊຍະບູລີ ເຂື່ອນໄຟຟ້ານ້ຳຂອງຂະໜາດໃຫຍ່ແຫ່ງທຳອິດ ໃນຈຳນວນຫ້າແຫ່ງທີ່ມີແຜນກໍ່ສ້າງໃນລາວ ໄດ້ເລີ່ມຕົ້ນການປະຕິບັດການໃນວັນອັງຄານນີ້, ເຊິ່ງເປັນການໝູນຟັນເຟືອງໃຫຍ່ອັນທຳອິດຂອງແຜນການອັນສູງສົ່ງ ແຕ່ມີຂໍ້ຂັດແຍ່ງຂອງລາວ ໃນການເປັນ “ໝໍ້ໄຟແຫ່ງອາຊີຕາເວັນອອກສຽງໃຕ້.”ເຂື່ອນດັ່ງກ່າວ ເຊິ່ງເລີ່ມຕົ້ນກໍ່ສ້າງມາແຕ່ປີ 2012 ໄດ້ເປັນສູນລວມຂອງການວິພາກວິຈານ ຈາກນັກເຄື່ອນໄຫວເພື່ອສິ່ງແວດລ້ອມ ແລະ ສິດທິມະນຸດ.ພວກເຂົາກ່າວວ່າ ໄຟຟ້າທີ່ຜະລິດຈາກເຂື່ອນຮູບແບບດັ່ງກ່າວ ຕົ້ນຕໍແມ່ນເພື່ອການສົ່ງອອກໄປຍັງບັນດາປະເທດບ້ານໃກ້ເຮືອນຄຽງ, ບໍ່ຄຸ້ມຄ່າຕໍ່ຜົນກະທົບທີ່ຮ້າຍແຮງຕໍ່ລະບົບນິເວດ ແລະ ປະຊາຊົນ ຍ້ອນການປ່ຽນແປງການໄຫຼຕາມທຳມະຊາດຂອງນ້ຳໃນແມ່ນ້ຳຂອງ.ໂຄງການພາຍໃຕ້ການສຳປະທານຂອງໄທດັ່ງກ່າວ ມີມູນຄ່າການກໍ່ສ້າງທັງໝົດ $4.47 ຕື້ໂດລາ.ອ່ານຕໍ່ ...

ຊາວບ້ານທີ່ອາໄສຢູ່ໃກ້ກັບເຂື່ອນໄຟຟ້າ ດອນສະໂຮງ ເຊິ່ງເປັນເຂື່ອນໄຟຟ້າຂະໜາດໃຫຍ່ໃນສາຍແມ່ນ້ຳຂອງ ເຊິ່ງການກໍ່ສ້າງໃກ້ຈະສຳເລັດແລ້ວ ລາຍງານວ່າຫາປາໄດ້ໜ້ອຍລົງ.ເຂື່ອນດັ່ງກ່າວ ເຊິ່ງຈະທຳການທົດສອບລະບົບໄລຍະສຸດທ້າຍໃນຕົ້ນເດືອນໜ້າ ຈະເລີ່ມເປີດດຳເນີນການເຕັມໂຕພາຍໃນທ້າຍປີນີ້.ເຂື່ອນໄຟຟ້າ ດອນສະໂຮງ ແມ່ນໜຶ່ງໃນເຂື່ອນຂະໜາດໃຫຍ່ຈຳນວນຫ້າແຫ່ງຂອງລາວ ທີ່ມີແຜນການກໍ່ສ້າງໃນສາຍແມ່ນ້ຳຂອງ, ຕາມຍຸດທະສາດຂອງລາວໃນການເປັນ “ໝໍ້ໄຟ” ແຫ່ງພາກພື້ນອາຊີຕາເວັນອອກສຽງໃຕ້, ແຕ່ຫຼາຍຄົນກໍມີຄວາມກັງວົນວ່າ ແຜນການອັນສູງສົ່ງດັ່ງກ່າວ ຈະສົ່ງຜົນກະທົບທີ່ຮ້າຍແຮງຕໍ່ສິ່ງແວດລ້ອມ ແລະ ສັງຄົມ.ອ່ານຕໍ່  ...

ບໍລິສັດຈີນໄດ້ສ້າງກະແສຄວາມບໍ່ພໍໃຈ ໃຫ້ແກ່ນັກອະນຸລັກສັດ ໂດຍການນຳເອົາຊ້າງ 10 ໂຕ ມາຈາກພາກເໜືອຂອງປະເທດ ເພື່ອສ້າງຄວາມບັນເທິງໃຫ້ແກ່ນັກທ່ອງທ່ຽວໃນເຂດເສດຖະກິດພິເສດ ໃນນະຄອນຫຼວງວຽງຈັນ ເພື່ອສົ່ງເສີມປີທ່ອງທ່ຽວລາວ-ຈີນ 2019.ແຜນສົ່ງເສີມການທ່ອງທ່ຽວດັ່ງກ່າວ ແມ່ນເພື່ອສົ່ງເສີມການທ່ອງທ່ຽວ ແລະ ແລກປ່ຽນວັດທະນະທຳຢ່າງເປັນທາງການລະຫວ່າງສອງປະເທດ ເຊິ່ງລາວຫວັງວ່າຈະກັກຕວງຜົນປະໂຫຍດທາງເສດຖະກິດ ຜ່ານການດຶງດູດນັກທ່ອງທ່ຽວຈີນໃຫ້ເຂົ້າມາທ່ຽວປະເທດເພື່ອນບ້ານທາງພາກໃຕ້ຄືລາວ.ແຕ່ວ່ານັກອະນຸລັກສິດທິສັດພັດໃຫ້ຄຳເຫັນວ່າ ການຂົນສົ່ງຊ້າງໄລຍະໄກຈາກແຂວງໄຊຍະບູລີ ເພື່ອມາບໍລິການນັກທ່ອງທ່ຽວຈີນໃນນະຄອນຫຼວງວຽງຈັນທີ່ແອອັດ ເປັນການທາລຸນສັດໂດຍບໍ່ຈຳເປັນ.ອ່ານຕໍ່ ...