News

ວຽງຈັນ (ວຽງຈັນທາມສ໌/ANN) – ໂຄງການລິເລີ່ມເພື່ອການກະສິກຳ-ຊີວະນາໆພັນ (TABI) ຈະສືບຕໍ່ສົ່ງເສີມປະຊາຊົນຊາວຊົນນະບົດໃນສາມແຂວງພາກເໜືອ ໃນການເສີມຂະຫຍາຍການອະນຸລັກພັນປາໃນເຂດອ່າງເກັບນ້ຳເພື່ອການອະນຸລັກ.ໂຄງການດັ່ງກ່າວ ເຊິ່ງມີການລິເລີ່ມມາແຕ່ປີ 2009, ມີການສົ່ງເສີມເຂດອະນຸລັກພັນປາຈຳນວນ 262 ແຫ່ງ. ໃນນັ້ນມີເຂດຫ້າມຫາປາ 144 ແຫ່ງ, ສ່ວນອີກ 118 ແມ່ນສຳລັບການຫາປາພາຍໃຕ້ການຄຸ້ມຄອງ ຢູ່ແຂວງຫຼວງພະບາງ, ຊຽງຂວາງ ແລະ ຫົວພັນ.ໃນສາມແຂວງດັ່ງກ່າວ ມີປາສອງສາຍພັນຄື: ປາດຸກຍັກ ແລະ ປາດຸກຫາງແດງອາຊີ ທີ່ຍັງຢູ່ໃນສະພາບສ່ຽງຕໍ່ການສູນພັນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດຖະບານເຮັດວຽກຢ່າງໃກ້ຊິດກັບບັນດາອົງການຈັດຕັ້ງສາກົນ ເພື່ອສົ່ງເສີມການຕ້ານຢາເສບຕິດຢູ່ໃນສະໜາມບິນ ຜ່ານການຈັດຕັ້ງໜ່ວຍສະເພາະກິດຕ້ານຢາເສບຕິດ.ບັນຫາດັ່ງກ່າວໄດ້ມີການຫາລືໃນກອງປະຊຸມຄະນະສະເພາະກິດຕ້ານຢາເສບຕິດໃນສະໜາມບິນ ອາຊຽນຄັ້ງທີ 9 ເຊິ່ງຈັດຂຶ້ນຢູ່ນະຄອນຫຼວງວຽງຈັນ ໃນວັນທີ 27-29 ພະຈິກນີ້.ເຂົ້າຮ່ວມໃນພິທີເປີດກອງປະຊຸມດັ່ງກ່າວ ມີທ່ານ ພຸດສະຫວັດ ສູນທະລາ ຮອງເລຂາທິການໃຫຍ່ ຄະນະກຳມາທິການວ່າດ້ວຍການຄວບຄຸມ ແລະ ກວດກາຢາເສບຕິດແຫ່ງຊາດ, ພ້ອມດ້ວຍຄະນະຜູ້ແທນຈາກປະເທດບຼູໄນ, ກຳປູເຈຍ, ອິນໂດເນເຊຍ, ມາເລເຊຍ, ມຽນມາ, ຟິລິປິນ, ສິງກະໂປ, ຫວຽດນາມ ແລະ ໄທ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດຖະບານໄດ້ມີການຊຸກຍູ້ໃຫ້ຊາວກະສິກອນ ເປີດຮັບການກະສິກຳປູກຝັງແບບອິນຊີເພື່ອທຸລະກິດ ແລະ ພັດທະນາລະບົບການຜະລິດສິນຄ້າ ເພື່ອໃຫ້ສາມາດແຂ່ງຂັນກັບຕະຫຼາດສາກົນ ໃຫ້ມີປະສິດທິພາບຍິ່ງຂຶ້ນ.ນີ້ແມ່ນຂໍ້ຄວາມຈາກກອງປະຊຸມກະສິກຳອິນຊີລາວ (LOAF) ຄັ້ງທີ 7 ພາຍໃຕ້ຫົວຂໍ້ “ຍຸດທະສາດແຫ່ງຊາດເພື່ອການພັດທະນາສີຂຽວ ແລະ ການແຂ່ງຂັນກັບສາກົນ” ເຊິ່ງຈັດຂຶ້ນທີ່ນະຄອນຫຼວຽງຈັນ ໃນວັນທີ 28-29 ພະຈິກນີ້.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ບໍລິສັດອາຫານ ແລະ ເຄື່ອງດື່ມຈາກຈີນ – ບໍລິສັດໄຫໜານ ປິນຊຽງ ສະບຽງອາຫານ ຈຳກັດ – ຫວັງຂະຫຍາຍຕະຫຼາດໃນປະເທດລາວ, ໂດຍເລີ່ມຈາກນະຄອນຫຼວງວຽງຈັນ.ບໍລິສັດດັ່ງກ່າວ ໄດ້ຮ່ວມວາງສະແດງຜະລິດຕະພັນ ໃນງານວາງສະແດງສິນຄ້າເສດຖະກິດ ແລະ ເທັກໂນໂລຢີ ເພື່ອການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງ 2019 ເຊິ່ງໄດ້ເປີດຂຶ້ນຢູ່ນະຄອນຫຼວງວຽງຈັນໃນຕົ້ນອາທິດນີ້.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – Discover Laos Today, ລະບົບເທັກໂນໂລຢີຄົບວົງຈອນເພື່ອການເດີນທາງ ເພື່ອສ້າງແຮງບັນດານໃຈໃຫ້ຄົນທົ່ວໂລກ ໃນການເດີນທາງມາຢ້ຽມຢາມ ແລະ ທ່ອງທ່ຽວໃນລາວ ໄດ້ມີການເປີດໂຕໃນອາທິດແລ້ວນີ້ ທີ່ເມືອງມໍລະດົກໂລກຫຼວງພະບາງ ເພື່ອສົ່ງເສີມການບໍລິການດ້ານການທ່ອງທ່ຽວລາວໃຫ້ແກ່ຊາວໂລກ.ເຂົ້າຮ່ວມໃນພິທີເປີດໂຕດັ່ງກ່າວ ມີທ່ານ ອຸ່ນທວງ ຂາວພັນ ຮອງລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ, ທ່ານ ສຸລິທິບ ໜໍ່ຂຸນພົນ ຫົວໜ້າພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງຫຼວງພະບາງ, ພ້ອມດ້ວຍຕາງໜ້າຜູ້ປະກອບການທ່ອງທ່ຽວ 100 ກວ່າແຫ່ງຈາກບັນດາໂຮງແຮມ, ຮ້ານອາຫານ ແລະ ບໍລິສັດທ່ອງທ່ຽວ.ອ່ານຕໍ່ ...

(ຂປລ) ໃນວັນທີ 27 ແລະ 28 ພະຈິກ 2019, ກອງປະຊຸມຄະນະກຳມະການຄັ້ງທີ 3 ຂອງໂຄງການ ECOMORE 2, ເຊິ່ງຢູ່ພາຍໃຕ້ການສະໜັບສະໜູນຂອງອົງການພັດທະນາຝຼັ່ງ (AFD), ໄດ້ຈັດຂຶ້ນທີ່ໂຮງແຮມເສດຖາປາລາສ໌ ນະຄອນຫຼວງວຽງຈັນ.ເພື່ອເປັນການຕ້ານພະຍາດໄຂ້ເລືອດອອກ ແລະ ໄຂ້ຍ່ຽວໜູ ເຊິ່ງເປັນສອງພະຍາດຕິດຕໍ່ທີ່ເກີດຂຶ້ນໃນອາຊີຕາເວັນອອກສຽງໃຕ້ ທີ່ມີສ່ວນກ່ຽວພັນກັບການພັດທະນາເສດຖະກິດ ແລະ ສົ່ງຜົນກະທົບຕໍ່ລະບົບນິເວດ, ສະຖາບັນປາສ໌ເຕີ ພາຍໃຕ້ການສະໜັບສະໜູນຂອງອົງການພັດທະນາຝຼັ່ງ (AFD) ໄດ້ຈັດຕັ້ງໂຄງການ ECOMORE 2 ຂຶ້ນ ຢູ່ໃນ 5 ປະເທດຄື ລາວ, ກຳປູເຈຍ, ມຽນມາ, ຟິລິປິນ ແລະ ຫວຽດນາມ.ອ່ານຕໍ່ ...

(ຂປລ) ກະຊວງແຜນການ ແລະ ການລົງທຶນ ແລະ ກະຊວງໄປສະນີ ແລະ ໂທລະຄົມມະນາຄົມ ຮ່ວມກັບທະນາຄານໂລກ ຈັດຕັ້ງກອງປະຊຸມວິຊາການໃນຫົວຂໍ້ “ໂອກາດທທາງດິຈິຕອລ໌ ເພື່ອການແຂ່ງຂັນທີ່ຫຼາຍຂຶ້ນໃນອະນາຄົດ” ຂຶ້ນໃນວັນທີ 28 ພະຈິກນີ້.ກອງປະຊຸມດັ່ງກ່າວ ພາຍໃຕ້ການເຂົ້າຮ່ວມຂອງເຈົ້າໜ້າທີ່ລັດຖະບານ, ຕາງໜ້າຈາກຂະແໜງເອກະຊົນ ແລະ ຊ່ຽວຊານຕ່າງປະເທດ, ໄດ້ມີການຫາລືກ່ຽວກັບເສດຖະກິດຍຸກດິຈິຕອລ໌, ທ່າແຮງຂອງມັນທີ່ມີຜົນຕໍ່ການຂະຫຍາຍຕົວຂອງເສດຖະກິດ ແລະ ວິທີການເພື່ອຮັບປະກັນວ່າຄົນລາວ ສາມາດສ້າງປະໂຫຍດຈາກໂອກາດທາງດິຈິຕອລ໌ໄດ້ຫຼາຍຂຶ້ນ ໃນທົ່ວປະເທດ.ກອງປະຊຸມດັ່ງກ່າວແມ່ນເລັ່ງໃສ່ຄວາມຈຳເປັນເພື່ອກ້າວໄປສູ່ການຂ້າມຜ່ານ ສູ່ຍຸກດິຈິຕອລ໌ ໃນ ສປປ ລາວ ເຮັດໃຫ້ປະເທດລາວໄດ້ຮັບປະໂຫຍດຈາກໂອກາດ ທີ່ມາຄຽງຄູ່ກັບການເຊື່ອມຕໍ່ທາງດິຈິຕອລ໌.ອ່ານຕໍ່ ...

ໃນວັນພະຫັດນີ້ ທ່ານ ປອ ອິນລາວັນ ແກ້ວບຸນພັນ ປະທານສະຫະພັນແມ່ຍິງລາວ ໄດ້ສະເໜີໃຫ້ສະພາແຫ່ງຊາດ ພິຈາລະນາ ແລະ ຮັບຮອງເອົາກົດໝາຍສະບັບໃໝ່ ເພື່ອສົ່ງເສີມຄວາມສະເໝີພາບທາງເພດ.ທ່ານໄດ້ຂຶ້ນສະເໜີຮ່າງກົດໝາຍວ່າດ້ວຍຄວາມສະເໝີພາບທາງເພດ ຕໍ່ນັກກົດໝາຍເພື່ອພິຈາລະນາ ແລະ ຮັບຮອງເອົາ,​ ໂດຍກ່າວວ່າກົດໝາຍສະບບດັ່ງກ່າວ ເປັນສິ່ງຈຳເປັນ ເພື່ອຮັບປະກັນການຈັດຕັ້ງປະຕິບັດນະໂຍບາຍຂອງພັກ ແລະ ລັດ ກ່ຽວກັບຄວາມກ້າວໜ້າຂອງແມ່ຍິງ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ອົງການຈັດຕັ້ງສາກົນທີ່ບໍ່ຂຶ້ນກັບລັດຖະບານ, ສະມາຄົມ ແລະ ມູນນິທິຕ່າງໆ ໄດ້ມີການຮ່ວມມືກັບລັດຖະບານລາວ ເພື່ອປະກອບສ່ວນການຊ່ວຍເຫຼືອ US$99,663,578 ໂດລາ ເພື່ອເປັນສ່ວນໜຶ່ງຂອງການດຳເນີນໂຄງການດ້ານການສຶກສາ ແລະ ກິລາໃນທົ່ວປະເທດ.ກຸ່ມຊາວຕ່າງປະເທດ ໃນປີນີ້ ໄດ້ໃຫ້ການຊ່ວຍເຫຼືອມູນຄ່າ US$17,253,833 ໃນການພັດທະນາມະຫາວິທະຍາໄລ, ໂຮງຮຽນ ແລະ ການລິເລີ່ມອື່ນໆໃນຂະແໜງການສຶກສາ ແລະ ກິລາ ຢູ່ໃນແຂວງຕ່າງໆ.ອ່ານຕໍ່ ...

(ຂປລ) ບັນດາວິສາຫະກິດໃນອາຊຽນ ຈະໄດ້ຮັັບຜົນປະໂຫຍດຈາກການຮ່ວມມືທາງດ້ານຊັບສິນທາງປັນຍາ ທີ່ມີການເຊັນຕົກລົງລະຫວ່າງສິງກະໂປ ແລະ ສປປ ລາວ. ເຊິ່ງຈະເຮັດໃຫ້ວິສາຫະກິດດ້ານນະວັດຕະກຳ ສາມາດເຂົ້າເຖິງຕະຫຼາດຂອງສອງປະເທດ ເຊິ່ງມີປະຊາກອນລວມກັນ 12.5 ລ້ານຄົນ ໄດ້ໄວຍິ່ງຂຶ້ນ.ບົດບັນທຶກການຕົກລົງ ໄດ້ມີການລົງນາມໃນວັນທີ 27 ພະຈິກນີ້ ໂດຍທ່ານ ຂັນລາສີ ແກ້ວບຸນພັນ ຫົວໜ້າກົມຊັບສິນທາງປັນຍາ ກະຊວງວິທະຍາສາດ ແລະ ເທັກໂນໂນຢີຂອງລາວ ແລະ ທ່ານ ດາເຣັນ ຕັງ ຫົວໜ້າຫ້ອງການຊັບສິນທາງປັນຍາຂອງສິງກະໂປ ໃນກອງປະຊຸມຍ່ອຍຫົວໜ້າຫ້ອງການຄຸ້ມຄອງຊັບສິນທາງປັນຍາ ອາຊຽນ-ເກົາຫຼີ ຄັ້ງທີ 2 ທີ່ນະຄອນຫຼວງໂຊນ, ເກົາຫຼີ.ອ່ານຕໍ່ ...