News

ລາວຈະສືບຕໍ່ເຮັດວຽກຮ່ວມກັບບັນດາຄູ່ຮ່ວມພັດທະນາ ເຊັ່ນ ອົງການກອງທຶນປະຊາກອນ ສະຫະປະຊາຊາດ (UNFPA) ເພື່ອສ້າງນະໂຍບາຍ ກ່ຽວກັບໂຄງການວາງແຜນຄອບຄົວແຫ່ງຊາດ.ທ່ານ ປອ ກິແກ້ວ ຈັນທະບູຣີ ຮອງລັດຖະມົນຕີກະຊວງແຜນການ ແລະ ການລົງທຶນ ໄດ້ໃຫ້ຄຳເຫັນໃນກອງປະຊຸມປະຈຳປີ ເພື່ອທົບທວນຄວາມຄືບໜ້າໃນການຈັດຕັ້ງປະຕິບັດໂຄງການພາຍໃນປະເທດລະຫວ່າງລາວ ແລະ ອົງການ UNFPA ໃນວັນສຸກແລ້ວນີ້ ທີ່ນະຄອນຫຼວງວຽງຈັນ.ອ່ານຕໍ່ ...

ຫວຽດນາມ ຕົກລົງນຳເຂົ້າໄຟຟ້າຈາກລາວຕື່ມອີກ 200 MW ໃນປີໜ້າ ທ່າມການຂາດແຄນພະລັງງານທີ່ອາດເກີດຂື້ນ.ການຕັດສິນໃຈດັ່ງກ່າວ ແມ່ນມາຈາກຄວາມກັງວົນທີ່ວ່າ ປະເທດອາດຜະເຊີນກັບຄວາມຂາດແຄນດ້ານພະລັັງງານ ນັບຈາກປີ 2020.ກະຊວງອຸດສາຫະກຳ ແລະ ການຄ້າຂອງຫວຽດນາມ ໄດ້ປະເມີນວ່າປະເທດຈະຜະເຊີນກັບພາວະຂາດແຄນພະລັງງານ 3.7 ຕື້ kWh ໃນປີ 2021, ເຊິ່ງຈະເພີ່ມສູງຂຶ້ນເຖິງ 15 ຕື້ kWh ໃນປີ 2023, ກ່ອນທີ່ຈະປັບຫຼຸດລົງປີລະເຄິ່ງ ຈົນເຖິງລະດັບ 3.5 ຕື້ kWh ໃນປີ 2025.ອ່ານຕໍ່ ...

(ຂປລ) ຊາວກະສິກອນແຂວງສາລະວັນ ແລະ ເຊກອງ ທີ່ພືດຜົນໄດ້ຮັບຄວາມເສຍຫາຍຈາກໄພນ້ຳຖ້ວມໃນເດືອນກັນຍາທີ່ຜ່ານມາ ໄດ້ຮັບເຂົ້າສານ ແລະ ແນວພັນເຂົ້າ ພາຍໃຕ້ການຊ່ວຍເຫຼືອຂອງສອງບໍລິສັດພະລັງງານ.ພິທີມອບຮັບການຊ່ວຍເຫຼືອດັ່ງກ່າວ ໄດ້ຈັດຂຶ້ນໃນວັນທີ 10 ທັນວາຜ່ານມານີ້ ຢູ່ແຂວງສາລະວັນ ແລະ ເຊກອງ.ບໍລິສັດໄຟຟ້າ ເທີນ-ຫີນບູນ (THPC) ແລະ ຂາຫຸ້ນໃຫຍ່ຄື ບໍລິສັດໄຟຟ້າລາວ (EDL-Generation) ໄດ້ມອບເຂົ້າສານ 20 ກວ່າໂຕນ ແລະ ແນວພັນເຂົ້າ 10 ໂຕນ ໃຫ້ແກ່ອຳນາດການປົກຄອງແຕ່ລະແຂວງ, ຕາມການຄຳຂໍຂອງລັດຖະບານ ເພື່ອຊ່ວຍເຫຼືອໃນການຟື້ນຟູຊຸມຊົນທີ່ປະສົບໄພນ້ຳຖ້ວມ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) –  ລັດຖະບານໄດ້ຈັດຖະແຫຼງຂ່າວ ກ່ຽວກັບການຈຳໜ່າຍພັນທະບັດໃໝ່ ມູນຄ່າລວມກວ່າ 1,287 ຕື້ກີບ ($142 ລ້ານໂດລາ) ສຳລັບຕະຫຼາດຫຼັກຊັບລາວໃນເດືອນນີ້.ພາຍຫຼັງການເປີດຈຳໜ່າຍພັນທະບັດມູນຄ່າ 1,700 ຕື້ກີບໃນເດືອນກັນຍານີ້, ພັນທະບັດຈຳນວນ 412.57 ຕື້ກີບໄດ້ຖືກຈຳໜ່າຍອອກ ພາຍຫຼັງຫຼາຍເດືອນຂອງການວາງຈຳໜ່າຍໃນຕະຫຼາດຫຼັກຊັບລາວ, ແລະ ສ່ວນທີ່ເຫຼືອມີກຳນົດການເປີດຊື້ຂາຍໃນວັນທີ 18-24 ທັນວານີ້, ເຊິ່ງການຈ່າຍດອກເບ້ຍແມ່ນສອງຄັ້ງຕໍ່ປີ, ຕາມຂໍ້ມູນທີ່ເປີດເຜີຍໃນກອງປະຊຸມຖະແຫຼງຂ່າວທີ່ນະຄອນຫຼວງວຽງຈັນວານນີ້.ອ່ານຕໍ່  ...

ວຽງຈັນ (ວຽງຈັນທາມສ໌/ANN) – ລາວຕ້ອງສົ່ງເສີມ ແລະ ສ້າງຄວາມສາມາດຂອງຂະແໜງຕ່ຳແຜ່ນພື້ນບ້ານ ເພື່ອຂະຫຍາຍໂອກາດສຳລັບຜູ້ຜະລິດທ້ອງຖິ່ນ ເພື່ອໃຫ້ເຂົາເຈົ້າສົ່ງເສີມການສົ່ງອອກ ໄປສູ່ຕະຫຼາດໃນຢູໂຣບ,​ ຕາມເຈົ້າໜ້າທີ່ການນຳ.ນີ້ແມ່ນຄຳເຫັນຈາກທ່ານ ໄຊສົມເພັດ ນໍລະສິງ ຫົວໜ້າກົມສົ່ງເສີມການຄ້າ, ກະຊວງອຸດສາຫະກຳ ແລະ ການຄ້າ ໃນພິທີເຊັນຂໍ້ຕົກລົງລະຫວ່າງລາວ ແລະ ລາຊະອານາຈັກເນເທີແລນ ໃນວັນພຸດນີ້ ສຳລັບໂຄງການສົ່ງເສີມການຕ່ຳແຜ່ນພື້ນບ້ານລາວ.ອ່ານຕໍ່  ...

ວຽງຈັນ (ວຽງຈັນທາມສ໌/ANN) – ອົງການສະຫະປະຊາຊາດ ເພື່ອການພັດທະນາ (UNDP) ປະຈຳລາວ ເປີດໂຕບົດວິເຄາະຄວາມບໍ່ສະເໝີພາບໃນສາມຂັ້ນຄື “ເໜືອກວ່າລາຍຮັບ, ເໜືອກວ່າຄ່າສະເລ່ຍ, ແລະ ເໜືອວ່າປະຈຸບັນ” ເຊິ່ງສະເໜີຊຸດທາງເລືອກດ້ານນະໂຍບາຍ ເພື່ອຈັດການກັບບັນຫາດັ່ງກ່າວ.ບົດລາຍງານການພັດທະນາມະນຸດຂອງ UNDP ສະບັບປີ 2019 “ເໜືອກວ່າລາຍຮັບ, ເໜືອກວ່າຄ່າສະເລ່ຍ, ແລະ ເໜືອວ່າປະຈຸບັນ”, ຄວາມບໍ່ສະເໝີພາບໃນການພັດທະນາຊັບພະຍາກອນມະນຸດໃນສະຕະວັດທີ 21 ໄດ້ມີການເປີດໂຕທີ່ນະຄອນຫຼວງວຽງຈັນ ໃນວັນຈັນນີ້, ເຊິ່ງເປັນມື້ດຽວກັບການເປີດໂຕຢູ່ ບໍໂກຕາ, ຄໍລົມເບຍ.ອ່ານຕໍ່   ...

ວຽງຈັນ (ວຽງຈັນທາມສ໌/ANN) – ເຈົ້າໜ້າທີ່ນະຄອນຫຼວງວຽງຈັນ ຈະເພີ່ມຄວາມເຂັ້ມງວດໃນການກວດກາລົດສາມລໍ້ໄຟຟ້າ ແລະ ລົດຈັກທີ່ມີການດັດທາງຂ້າງ ໃນນະຄອນຫຼວງວຽງຈັນ ທີ່ມີການສັນຈອນຕາມທ້ອງຖະໜົນໃນຕົວເມືອງແບບບໍ່ຖືກລະບຽບ.ທ່ານ ສີວອນ ຊັບທະວີ ຫົວໜ້າຂະແໜງຄຸ້ມຄອງການຂົນສົ່ງ ພາຍໃຕ້ພະແນກໂຍທາທິການ ແລະ ຂົນສົ່ງ ນະຄອນຫຼວງວຽງຈັນ ໄດ້ເປີດເຜີຍຕໍ່ສຳນັກຂ່າວວຽງຈັນທາມສ໌ ວານນີ້ວ່າ ທາງພະແນກຈະຮ່ວມມືກັບເຈົ້າໜ້າທີ່ຕຳຫຼວດຈໍລະຈອນ ແລະ ຂະແໜງການທີ່ກ່ຽວຂ້ອງ ເພື່ອກວດກາບັນດາລົດສາມລໍ້ໄຟຟ້າ ແລະ ລົດຈັກດັດຂ້າງ ໃນນະຄອນຫຼວງ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ໃນວັນພະຫັດນີ້​ກະຊວງການຕ່າງປະເທດ ໄດ້ເປີດກອງປະຊຸມຄັ້ງທີ 14 ຢ່າງເປັນທາງການ ເພື່ອທົບທວນ ແລະ ອະນຸມັດແຜນການເຮັດວຽກໃໝ່ ເພື່ອຜະເຊີນກັບສະພາບແວດລ້ອມໂລກທີ່ກຳລັງປ່ຽນແປງ.ທ່ານ ສະເຫຼີມໄຊ ກົມມະສິດ ລັດຖະມົນຕີກະຊວງການຕ່າງປະເທດ ເຂົ້າຮ່ວມເປັນປະທານ ໃນພິທີເປີດກອງປະຊຸມທາງການ ໄລຍະສອງວັນ ທີ່ສູນຝຶກອົບຮົມການຮ່ວມມືສາກົນ (ICTC) ນະຄອນຫຼວງວຽງຈັນ. ໂດຍມີບັນດາລັດຖະມົນຕີ, ຮອງເຈົ້າແຂວງ, ເອກອັກຄະລັດຖະທູດ, ນັກການທູດລາວທີ່ປະຈຳການຢູ່ຕ່າງປະເທດ ພ້ອມດ້ວຍເຈົ້າໜ້າທີ່ກະຊວງ ເຂົ້າຮ່ວມຊ້ອງໜ້າ.ອ່ານຕໍ່  ...

ວຽງຈັນ, 12 ທັນວາ (Xinhua) — ລາວຈະເສີມຂະຫຍາຍຄຸນນະພາບຂອງຂໍ້ມູນ ຜູ້ອອກແຮງງານທັງພາຍໃນ ແລະ ຕ່າງປະເທດຢູ່ໃນລາວ, ກໍຄືແຮງງານລາວທີ່ໄປອອກແຮງງານຢູ່ຕ່າງປະເທດ.ບົດບັນທຶກຄວາມເຂົ້າໃຈ ໄດ້ມີການລົງນາມເພື່ອດຳເນີນການສຶກສາຄວາມເປັນໄປໄດ້ຂອງໂຄງການດັ່ງກ່າວ ໃນວັນອັງຄານນີ້ ທີ່ນະຄອນຫຼວງວຽງຈັນ, ຕາມການລາຍງານຂອງສຳນັກຂ່າວລາຍວັນທ້ອງຖິ່ນ ວຽງຈັນທາມສ໌ ໃນວັນພະຫັດນີ້.ອ່ານຕໍ່ ...

(ຂປລ) ໃນວັນທີ 11 ທັນວາ 2019 ນີ້, ລັດຖະບານຍີ່ປຸ່ນ ໄດ້ອະນຸມັດການຊ່ວຍເຫຼືອລ້າມູນຄ່າ USD 746,128 ໂດລາ ເພື່ອສະໜັບສະໜູນການເກັບກູ້ລະບີດບໍ່ທັນແຕກ (ລບຕ) ໂດຍການນຳໃຊ້ເຄື່ອງຈັກເກັບກູ້ລະເບີດລູກຫວ່ານ ຢູ່ແຂວງຊຽງຂວາງ.ສັນຍາກ່ຽວກັບໂຄງການດັ່ງກ່າວ ໄດ້ມີການລົງນາມ ທີ່ສະຖານທູດຍີ່ປຸ່ນປະຈຳ ສປປ ລາວ ໃນວັນທີ 11 ທັນວານີ້ ລະຫວ່າງທ່ານ ທາເກວະກະ ເຄໂຊະ ເອກອັກຄະລັດຖະທູດຍີ່ປຸ່ນປະຈຳ ສປປ ລາວ ແລະ ທ່ານ ໂດໂກະ ທາກາຮິຊະ ຮອງປະທານອົງການເກັບກູ້ລະເບີດຍີ່ປຸ່ນ (JMAS), ເຊິ່ງເປັນອົງການຈັດຕັ້ງທີ່ບໍ່ຫວັງຜົນກຳໄລ ທີ່ເປັນຜູ້ລິເລີ່ມ ແລະ ຄຸ້ມຄອງໂຄງການດັ່ງກ່າວ.ອ່ານຕໍ່ ...