ອາດຊະຍາກຳ ແລະ ການປະຕິບັດກົດໝາຍ

ວຽງຈັນ (ວຽງຈັນທາມສ໌/ANN) – ລັດຖະບານເຮັດວຽກຢ່າງໃກ້ຊິດກັບອົງການຈັດຕັ້ງສາກົນເພື່ອສະໜັບສະໜູນການເຮັດສົງຄາມຕ້ານຢາເສບຕິດ ໃນຂະນະທີ່ການຄ້າຂາຍຢາເສບຕິດມີລັກສະນະເພີ່ມຂຶ້ນໃນທົ່ວປະເທດ, ​ໂດຍສະເພາະແມ່ນຢາໄອສ໌ ແລະ ຢາມ້າ.ບັນຫາດັ່ງກ່າວໄດ້ມີການລາຍງານໃນກອງປະຊຸມລະດັບສູງຂອງກຸ່ມເຮັດວຽກໃນຂະແໜງການຕ້ານຢາເສບຕິດຄັ້ງທີ 14 ທີ່ນະຄອນຫຼວງວຽງຈັນໃນອາທິດແລ້ວນີ້. ອ່ານຕໍ່ ...

ໃນອາທິດແລ້ວນີ້ ອຳນາດການປົກຄອງແຂວງສະຫວັນນະເຂດໄດ້ຈັບລົດບັນທຸກຕູ້ສິນຄ້າ ເຊິ່ງຂັບໂດຍຄົນຫວຽດຜ່ານເມືອງພິນເພື່ອເຂົ້າສູ່ຫວຽດນາມ ແລະ ສາມາດຍຶດໄດ້ໄມ້ເຖື່ອນທີ່ຊຸກເຊື່ອງມາໃນລົດຄັນດັ່ງກ່າວ.ທ່ານ ລາຕີ ແພງສີໄທ ວ່າການຫົວໜ້າຫ້ອງການກວດກາປ່າໄມ້ແຂວງໄດ້ເປີດເຜີຍຕໍ່ສຳນັກຂ່າວວຽງຈັນທາມສ໌ວ່າ ເຈົ້າໜ້າທີ່ກວດກາປ່າໄມ້ໄດ້ສະກັດລົດຄັນດັ່ງກ່າວໃນອາທິດແລ້ວນີ້ ແລະ ກວດພົບໄມ້ປະເພດຫວງຫ້າມຈຳນວນ 486 ທ່ອນຢູ່ພາຍໃນ.ອ່ານຕໍ່  ...

ລິ່ນແມ່ນສັດລ້ຽງລູກດ້ວຍນົມທີ່ມີການລັກລອບຄ້າຂາຍຫຼາຍທີ່ສຸດໃນໂລກເຈົ້າໜ້າທີ່ໄດ້ກວດພົບລິ່ນຫຼາຍສິບໂຕ ທີ່ຖືກລັກລອບຄ້າຂາຍຈາກປະເທດລາວ ເຊິ່ງຢູ່ໃນສະພາບຂາດນ້ຳ ແລະ ອ່ອນແຮງ ຢູ່ໃນກ່ອງເທິງລົດເມໂດຍສານຢູ່ຫວຽດນາມ.ເຈົ້າໜ້າທີ່ຕຳຫຼວດຫວຽດນາມໄດ້ຈັບຕົວຄົນຂັບລົດພ້ອມດ້ວຍເມຍ ໃນຂໍ້ຫາລັກລອບຄ້າສັດປ່າຈາກລາວ, ສຳນັກຂ່າວ AFP  ລາຍງານໃນວັນທີ 30 ກໍລະກົດຜ່ານມາ.ອົງການອະນຸລັກສັດປ່າຫວຽດນາມເຜີຍວ່າ ໃນຈຳນວນດັ່ງກ່າວ ມີລິ່ນຕາຍແລ້ວສີ່ໂຕ ແລະ ອີກຫຼາຍໂຕແມ່ນມີອາການບາດເຈັບ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ໃນວັນຈັນຜ່ານມານີ້ ເຈົ້າໜ້າທີ່ຕຳຫຼວດແຂວງສະຫວັນນະເຂດ ໄດ້ບຸກຍຶດໄຮ່ກັນຊາຂະໜາດໃຫຍ່ ຢູ່ບ້ານສົມສະອາດ, ເມືອງໄກສອນ ພົມວິຫານ ເຊິ່ງຊາວບ້ານໄດ້ລັກລອບປູກ ຢູ່ໃນໄຮ່ຢາງພາລາ.ການບຸກຄົ້ນດັ່ງກ່າວສາມາດຍຶດໄດ້ຕົ້ນກັນຊາສົດ 166 ຕົ້ນ ແລະ ຕົ້ນກັນຊາແຫ້ງ 154 ຕົ້ນ.ອ່ານຕໍ່ ...

ເຈົ້າໜ້າທີ່ໄດ້ຈັບກຸມຊາຍຄົນລາວສາມຄົນ ຢູ່ແຂວງຮາຕິນ ໃນວັນຈັນຜ່ານມາ ໃນຂະນະຂົນຍ້າຍຢາເສບຕິດມູນຄ່າ 10 ຕື້ດົງ ($430,000 ໂດລາ) ຈາກລາວໄປຫວຽດນາມ.ຊາຍສາມຄົນດັ່ງກ່າວ ທີ່ຍັງບໍ່ທັນໄດ້ຢືນຢັນຕົວຕົນ ແມ່ນຖືກຈັບຕົວໄດ້ໃກ້ກັບປະຕູດ່ານຊາຍແດນ ທີ່ເມືອງຮຸງຊົນ ທາງພາກກາງຂອງຫວຽດນາມ ໂດຍເຈົ້າໜ້າທີ່ຊາຍແດນຮາຕິນ ແລະ ເຈົ້າໜ້າທີ່ຕຳຫຼວດລາວ. ເຈົ້າໜ້າທີ່ສາມາດຍຶດຂອງກາງເປັນຢາເສບຕິດ 62,000 ເມັດທີ່ເຊື່ອງມານຳກະເປົາ ແລະ ຖົງຊາ, ລົດໃຫຍ່ສອງຄັນ ພ້ອມດ້ວຍເອກະສານທີ່ກ່ຽວຂ້ອງຈຳນວນໜຶ່ງ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດຖະບານກຳລັງຈັດການກັບບັນຫາຢາເສບຕິດໃນທົ່ວປະເທດໂດຍການຮ່ວມມືກັບບັນດາປະເທດເພື່ອນບ້ານ ແລະ ເຈົ້າໜ້າທີ່ຕຳຫຼວດກໍໄດ້ມີການຍືດຢາບ້າ, ເຮໂລອິນ ແລະ ຢາໄອສ໌ ເປັນຈຳນວນຫຼວງຫຼາຍ.ນີ້ແມ່ນສະຖານະການກ່ຽວກັບຢາເສບຕິດໃນປະຈຸບັນທີ່ມີການລາຍງານໃນກອງປະຊຸມເຊິ່ງຈັດຂຶ້ນໃນວັນອັງຄານນີ້ ເພື່ອທົບທວນຄວາມຄືບໜ້າກ່ຽວກັບການຄວບຄຸມຢາເສບຕິດ. ກອງປະຊຸມດັ່ງກ່າວມີການເຂົ້າຮ່ວມຂອງ ທ່ານພົນຕີ ປອ ສົມຫວັງ ທຳມະສິດ ຮອງລັດຖະມົນຕີກະຊວງປ້ອງກັນຄວາມສະຫງົບ ແລະ ຫົວໜ້າໜ່ວຍງານຄວບຄຸມ ແລະ ກວດກາຢາເສບຕິດ ພ້ອມດ້ວຍເຈົ້າໜ້າທີ່ຕຳຫຼວດ 50 ຄົນ ແລະ ເຈົ້າໜ້າທີ່ທີ່ກ່ຽວຂ້ອງ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ສະມາຊິກກຸ່ມເຮັດວຽກຂອງຂະແໜງຄວບຄຸມຢາເສບຕິດ ໄດ້ລົງຢ້ຽມຢາມຂົວມິດຕະພາບລາວ-ໄທ ນະຄອນຫຼວງວຽງຈັນ ໃນອາທິດຜ່ານມາ ເພື່ອປັບປຸງຄວາມເຂົ້າໃຈກ່ຽວກັບບົດບາດຂອງເຈົ້າໜ້າທີ່ພາສີ ແລະ ກວດຄົນເຂົ້າເມືອງ ໃນການຕ້ານການຄ້າຂາຍຢາເສບຕິດ.ເຂົ້າຮ່ວມໃນພິທີດັ່ງກ່າວມີທ່ານ ພຸດສະຫວັດ ສູນທາລາ ຮອງຫົວໜ້າຫ້ອງການຄະນະກຳມະການຄວບຄຸມ ແລະ ກວດສອບຢາເສບຕິດແຫ່ງຊາດ, ທ່ານ ຢີນ-ເບີນາດ ຄາຣາຊ໌ໂກ ເອກອັກຄະລັດຖະທູດອອສ໌ເຕຣເລຍປະຈຳລາວ ພ້ອມດ້ວຍຕາງໜ້າຄະນະທູດປະເທດຕ່າງໆ.ອ່ານຕໍ່ ...

NDO/VNA – ກະຊວງປ້ອງກັນຄວາມສະຫງົບຂອງຫວຽດນາມ ແລະ ລາວ ໄດ້ຈັດຕັ້ງກອງປະຊຸມຄັ້ງທີ 10 ຂຶ້ນ ທີ່ວຽງຈັນ ໃນວັນທີ 9 ກໍລະກົດທີ່ຜ່ານມາ ເພື່ອທົບທວນພາລະກິດຮ່ວມໃນການຕ້ານອາດສະຍາກຳ.ກອງປະຊຸມດັ່ງກ່າວແມ່ນພາຍໃຕ້ການເປັນປະທານຮ່ວມຂອງທ່ານພົນຕີ ທອງສະຫວັນ ວົງສະຫວັດ ຮອງຫົວໜ້າກົມຕຳຫຼວດຂອງລາວ ແລະ ທ່ານພັນໂທ ວູ ງ໊ອກ ທາງ ຮອງປະທານສຳນັກງານຕຳຫຼວດສືບສວນຂອງຫວຽດນາມ. ໃນກອງປະຊຸມດັ່ງກ່າວ ເຈົ້າໜ້າທີ່ຝ່າຍລາວກ່າວວ່າ ປະເທດລາວໄດ້ຜະເຊີນກັບບັນຫາທ້າທາຍດ້ານອາດຊະຍາກຳຕ່າງໆເຊັ່ນ ບັນຫາຢາເສບຕິດ ແລະ ການຄ້າມະນຸດ, ການປຸ້ນຈີ້, ແລະ ອາດຊະຍາກຳທີ່ສັບຊ້ອນໂດຍນຳໃຊ້ເທັກໂນໂລຢີຍຸກໃໝ່.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ເຈົ້າໜ້າທີ່ໄດ້ມີການຍຶດຊັບສິນທີ່ມີສ່ວນພົວພັນກ່ຽວຂ້ອງກັບຄະດີ ຊຶ່ງມີມູນຄ່າຫຼາຍຕື້ກີບ ຕາມທ່ານຮອງນາຍົກລັດຖະມົນຕີ. ຊັບສິນດັ່ງກ່າວລວມມີ ທີ່ດິນ 58 ຕອນ, ເຮືອນ ແລະ ອາຄານ 42 ຫຼັງ, ບ້ານພັກ 17 ແຫ່ງ, ໂຮງແຮມໜຶ່ງແຫ່ງ, ສາງໜຶ່ງແຫ່ງ,​ ຕະຫຼາດໜຶ່ງແຫ່ງ, ລົດໃຫຍ່ 157 ຄັນ, ລົດຈັກ 592 ຄັນ ພ້ອມດ້ວຍເງິນສົດ ແລະ ເງິນຝາກອີກຈຳນວນໜຶ່ງ,​ ທ່ານ ສົມດີ ດວງດີ ລາຍງານຕໍ່ສະພາແຫ່ງຊາດ.ຊັບສິນດັ່ງກ່າວໄດ້ຖືກອາຍັດໂດຍເຈົ້າໜ້າທີ່ ເພື່ອຈຸດປະສົງໃນການສືບສວນສອບສວນກິດຈະກຳທີ່ຜິດຕໍ່ລະບຽບກົດໝາຍ ເຖິງວ່າສານຈະຍັງບໍ່ທັນມີການຕັດສິນລົງໂທດໃນຄະດີເຫຼົ່ານີ້.ອ່ານຕໍ່ ...

ສະພາແຫ່ງຊາດ ແລະ ອົງການອອກສ໌ຟາມ ເປີດຕົວໂຄງການຮ່ວມມືເພື່ອເສີມຂະຫຍາຍການສ້າງຄວາມສາມາດຂອງໜ່ວຍງານຮ່າງກົດໝາຍຂັ້ນສູນກາງ ແລະ ທ້ອງຖິ່ນ ເພື່ອຫາລື ແລະ ຮັບຟັງບັນຫາຂອງຜູ້ມີສ່ວນຮ່ວມແຕ່ລະໜ່ວຍງານ.ທ່ານ ບຸນທັນ ບຸນວິໄລ ຫົວໜ້າເລຂາທິການການຮ່ວມມືສາກົນ ແລະ ຄຸ້ມຄອງໂຄງການຂອງສະພາແຫ່ງຊາດ ແລະ ທ່ານ ທິໂບ ຮັນເກ ອຳນວນການອົງການອອກສ໌ຟາມປະຈຳລາວ ໄດ້ກ່າວຄຳເຫັນ ເພື່ອເປີດກອງປະຊຸມວານນີ້ ເຊິ່ງເປັນການເລີ່ມຕົ້ນໂຄງການການຮ່ວມມືເພື່ອສົ່ງສີມການມີສ່ວນຮ່ວມຂອງພົນລະເມືອງ (PACE) ເຊິ່ງຈະດຳເນີນໄປເຖິງປີ 2021.ອ່ານຕໍ່  ...