ວຽງຈັນ (ວຽງຈັນທາມສ໌/ANN) – ລາວ ແລະ ກຸຍບາມີເປົ້າໝາຍເສີມຂະຫຍາຍໂອກາດທາງດ້ານການຄ້າ ແລະ ການລົງທຶນ ພາຍຫຼັງການຢ້ຽມຢາມຢ່າງເປັນທາງການຂອງຄະນະຜູ້ແທນການຄ້າລະດັບສູງຈາກກຸຍບາ ທີ່ນະຄອນຫຼວງວຽງຈັນໃນລະຫວ່າງວັນທີ 8-9 ກັນຍານີ້.ຄະະນະຜູ້ແທນກຸຍບານຳໂດຍທ່ານ ໂຣດິຼໂກ ມານມິເອກາ ດິອາສ໌ ລັດຖະມົນຕີກະຊວງການຄ້າ ແລະ ການລົງທຶນຕ່າງປະເທດ ພ້ອມດ້ວຍເຈົ້າໜ້າທີ່.ຈຸດປະສົງຂອງການຢ້ຽມຢາມໃນຄັ້ງນີ້ ແມ່ນເພື່ອຮັດແໜ້ນການຮ່ວມມືລະຫວ່າງສອງລັດຖະບານ ແລະ ເສີມຂະຫຍາຍການພົວພັນການຄ້າ ພາຍຫຼັງການຢ້ຽມຢາມຂອງເຈົ້າໜ້າທີ່ລະດັບສູງຄັ້ງກ່ອນ ເຊິ່ງລາວ ແລະ ກຸຍບາໄດ້ຕົກລົງໃນການສົ່ງເສີມການພົວພັນພາຄີທາງດ້ານເສດຖະກິດ.ອ່ານຕໍ່  ...

ສປປ ລາວ ຊົມເຊີຍຄວາມພະຍາຍາມຂອງສາທາລະນະລັດ ປະຊາຊົນ ປະຊາທິປະໄຕເກົາຫຼີ (ສປ ເກົາຫຼີ) ແລະ ສະຫະລັດອາເມລິກາ ໃນການຮ່ວມກອງປະຊຸມສຸດຍອດຄັ້ງທີສອງ ລະຫວ່າງຜູ້ນຳຂອງສອງປະເທດ ໃນວັນທີ 27-28 ກຸມພາ 2019, ທີ່ນະຄອນຮາໂນຍ, ຫວຽດນາມ. ສປປ ລາວ ຍັງໄດ້ກ່າວຊົມເຊີຍລັດຖະບານ ແລະ ປະຊາຊົນຫວຽດນາມໃນການເປັນເຈົ້າພາບຈັດກອງປະຊຸມສຸດຍອດດັ່ງກ່າວ, ເຊິ່ງເປັນການປະກອບສ່ວນໃນການສ້າງສັນຕິພາບໃນພາກພື້ນ ແລະ ໃນໂລກ, ເຖິງວ່າໃນກອງປະຊຸມຈະບໍ່ມີການບັນລຸຂໍ້ຕົກລົງຮ່ວມໃດໆກໍຕາມ.ອ່ານຕໍ່ ...

ບັນດາຄອບຄົວໃນແຕ່ລະຊຸມຊົນ ຮ່ວມກັບເຈົ້າໜ້າທີ່ສາທາລະນະສຸກ ກຳລັງຮ່ວມແຮງກັນໃນການກຳຈັດແຫຼ່ງເພາະພັນຂອງຍຸງລາຍ ເພື່ອຊ່ວຍສະກັດກັ້ນການລະບາດຂອງພະຍາດໄຂ້ເລືອດອອກ.ເຈົ້າໜ້າທີ່ສາທາລະນະສຸກໄດ້ມີການຮ່ວມງານຢ່າງໃກ້ຊິດກັບພະແນກສາທາລະນະສຸກສູນກາງ ແລະ ແຂວງ ເພື່ອຕິດຕາມຈຳນວນກໍລະນີຄົນເຈັບພະຍາດໄຂ້ເລືອດອອກ ແລະ ກຳຈັດແຫຼ່ງເພະາພັນຂອງຍຸງລາຍ.ອ່ານຕໍ່ ...

(ຂປລ) ງານສັກຢາປ້ອງກັນພະຍາດສັດໂດຍບໍ່ເສຍຄ່າ ຈະຈັດຂຶ້ນທີ່ສວນເຈົ້າຟ້າງຸ່ມ ນະຄອນຫຼວງວຽງຈັນ ໃນວັນທີ 27 ກັນຍານີ້ ແຕ່ເວລາ 8:00 ເຊົ້າຫາ 5:00 ແລງ.ງານດັ່ງກ່າວແມ່ນຈັດຕັ້ງໂດຍກະຊວງສາທາລະນະສຸກ ຮ່ວມກັບກະຊວງກະສິກຳ ແລະ ປ່າໄມ້ ເພື່ອສະເຫຼີມສະຫຼອງວັນວໍ້ໂລກ ຄັ້ງທີ 13 ທັງເປັນການສົ່ງເສີມຄວາມຮູ້ຂອງມະຫາຊົນ ກ່ຽວກັບການປ້ອງກັນພະຍາດວໍ້.ອ່ານຕໍ່ ...

(ຂປລ) ຂໍ້ມູນໃໝ່ກ່ຽວກັບຄວາມຄືບໜ້າ ຂອງສະຖານະດ້ານໂພຊະນາການຂອງເດັກນ້ອຍ ໄດ້ມີການເຜີຍແຜ່ໃນວັນທີ 9 ທັັນວານີ້ ທີ່ວຽງຈັນ ໂດຍນຳໃຊ້ ລະບົບຂໍ້ມູນຂ່າວສານແຫ່ງຊາດ ດ້ານໂພຊະນາການ (NIPN), ເຊິ່ງມີເປົ້າໝາຍແນໃສ່ ເສີມຂະຫຍາຍລະບົບຂໍ້ມູນຂ່າວສານດ້ານໂພຊະນາການ ເພື່ອສະກັດກັ້ນການຂາດສານອາຫານ ແລະ ຜົນເນື່ອງຈາກການຂາດສານອາຫານ, ເພື່ອສະແດງຄວາມກ້າວໜ້າໃນການຈັດຕັ້ງປະຕິບັດຍຸດທະສາດດ້ານໂພຊະນາການແຫ່ງຊາດ.ນີ້ແມ່ນການລິເລີ່ມສາກົນ ຂອງສະຫະພາບຢູໂຣບ ພາຍໃຕ້ການສະໜັບສະໜູນຂອງກະຊວງການພັດທະນາສາກົນ ສະຫະລາດຊະອານາຈັກ ແລະ ມູນນິທິບິລ ແລະ ເມລິນດາເກດ ພາຍໃຕ້ການຈັດຕັ້ງປະຕິບັດໃນ ສປປ ລາວໂດຍອົງການຢູນິເຊັບ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ການຄົ້ນພົບເໝືອງເກົ່າຢູ່ເມືອງວິລະບູລີ ແຂວງສະຫວັນນະເຂດ ອາດຊ່ວຍດຶງດູດນັກທ່ອງທ່ຽວເຂົ້າມາໃນພືນທີ່ ແລະ ຊ່ວຍສ້າງລາຍໄດ້ເສີມໃຫ້ແກ່ຊຸມຊົນທ້ອງຖິ່ນ.ເຈົ້າໜ້າທີ່ຈາກຂະແໜງການລັດຖະບານ ແລະ ເອກະຊົນ ສະແດງຄວາມເຫັນໃນພິທີມອບຮັບວັດຖຸບູຮານທີ່ຄົ້ນພົບ ລະຫວ່າງບໍລິສັດລ້ານຊ້າງມິເນີໂຣ ຈຳກັດ ແລະ ລັດຖະບານລາວ.ທີມນັກບູຮານຄະດີ ໄດ້ຄົ້ນພົບຫຼັກຖານຮ່ອງເໝືອງເກົ່າ 200 ກວ່າແຫ່ງຢູ່ໃນສະໜາມຂຸດຄົ້ນບໍ່ແຮ່ເຊໂປນ ໃນເດືອນມີນາປີກາຍນີ້, ເຊິ່ງຜູ້ຊ່ຽວຊານກ່າວວ່າມີອາຍຸເກົ່າແກ່ກວ່າ 3,000 ປີ.ອ່ານຕໍ່ ...

ສະມາຄົມແລກປ່ຽນສິລະປະວັດທະນະທຳເກົາຫຼີ ໄດ້ມອບເຄື່ຶອງຊ່ວຍເຫຼືອຕ່າງໆເຊັ່ນ ເຄື່ອງນຸ່ງຫົ່ມ, ເກີບ, ໂຕະ, ຕັ່ງ ມູນຄ່າກວ່າ 10 ຕື້ກີບ (US$1.3 ລ້ານໂດລາ) ເພື່ອຊ່ວຍເຫຼືອນັກຮຽນທີ່ດ້ອຍໂອກາດ.ເຄື່ອງຊ່ວຍເຫຼືອດັ່ງກ່າວແມ່ນເພື່ອຊ່ວຍເຫຼືອເດັກນ້ອຍນັກຮຽນໃນຊົນນະບົດທີ່ໄດ້ຮັບຜົນກະທົບຈາກໄພທຳມະຊາດ ແລະ ຜູ້ດ້ອຍໂອກາດຕ່າງໆ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ກຸ່ມນັກທ່ອງທ່ຽວຈີນ 1,000 ຄົນ ລວມທັງເຈົ້າໜ້າທີ່ 50 ຄົນໄດ້ເດີນທາງມາເຖິງວຽງຈັນໃນວັນເສົາແລ້ວນີ້  ເພື່ອສະໜັບສະໜູນຄວາມພະຍາຍາມຂອງລັດຖະບານລາວ ແລະ ຈີນ ໃນການສົ່ງເສີມການທ່ອງທ່ຽວ ເນື່ອງໃນປີທ່ອງທ່ຽວລາວ-ຈີນ 2019.ລັດຖະບານລາວໄດ້ຈັດພິທີຕ້ອນຮັບກຸ່ມນັກທ່ອງທ່ຽວດັ່ງກ່າວທີ່ວຽງຈັນໃນວັນອາທິດ, ເຊິ່ງນຳໂດຍທ່ານ (ຮສ.ປອ) ບໍ່ແສງຄຳ ວົງດາຣາ ລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ກຸ່ມຜູ້ຜະລິດຖ່ານຂາວເພື່ອການສົ່ງອອກ (WPEG) ເຮັດວຽກຮ່ວມກັບລັດຖະບານ ແລະ ຊຸມຊົນທ້ອງຖິ່ນ ກ່ຽວກັບໂຄງການປູກໄມ້ຕິ້ວໃນເຂດທຸກຍາກທີ່ສຸດຂອງລາວ ເພື່ອຊ່ວຍສົ່ງເສີມການຄ້າ ແລະ ລຶບລ້າງຄວາມທຸກຍາກ.ໄມ້ຕິ້ວ ເຊິ່ງມີຊື່ທາງພຶດສາດວ່າ Cratexylum prunifolium, ແມ່ນພືດຂັ້ນພື້ນຖານໃນການຜະລິດຖ່ານຂາວ. ໃບ ແລະ ດອກຍັງມີລົດສົ້ມ ນຳໃຊ້ເປັນສ່ວນປະກອບໃນການປຸງແຕ່ງແກງສົ້ມ ແລະ ອາຫານປະເພດຕ່າງໆ.ອ່ານຕໍ່ ...

ຜູ້ທີ່ກຳລັງຊອກວຽກ ຫຼື ຜູ້ວ່າຈ້າງທີ່ຕ້ອງຫາຊອກຫາພະນັງງານ ສາມາດລົງທະບຽນກັບເວັບໄຊ  www.lmi.molws.gov.la ເຊິ່ງເປັນເວັບໄຊຂອງກະຊວງແຮງງານ ແລະ ສະຫວັດດີການສັງຄົມ. ເວັບໄຊດັ່ງກ່າວຈະຊ່ວຍເຫຼືອຜູ້ທີ່ຕ້ອງການເຮັດວຽກກັບບໍລິສັດເອກະຊົນໃນລາວ ແລະ ຕ່າງປະເທດ.ທ່ານ ສຸທານຸ ບຸດພົມວິຫານ ຫົວໜ້າໜ່ວຍງານສະຖິຕິ ກົມແຜນການ ແລະ ການຮ່ວມມື ໄດ້ບອກກັບໜັງສືພີມວຽງຈັນທາມສ໌ວານນີ້ວ່າ ທາງກະຊວງໄດ້ຈັດຕັ້ງເວັບໄຊນີ້ຂຶ້ນ ເພື່ອເປັນຊ່ອງທາງໃນການເຊື່ອມຕໍ່ລະຫວ່າງຜູ້ທີ່ກຳລັງຊອກວຽກ ແລະ ຜູ້ຈ້າງງານ ເພື່ອຊ່ວຍຫຼຸດຜ່ອນອັດຕາການຫວ່າງງານ.ອ່ານຕໍ່ ...

ວຽງຈັນ, 27 ກຸມພາ (ຊິນຫົວ) — ໂຄງການນ້ຳປະປາ,​ ເຊິ່ງດຳເນີນການໂດຍບໍລິສັດຈີນ China North Industries Group Corporation Limited (NORINCO) ໄດ້ສຳເລັດການກໍ່ສ້າງ ແລະ ມີການມອບຮັບໃຫ້ແກ່ເຈົ້າຂອງໂຄງການ ທີ່ນະຄອນຫຼວງວຽງຈັນ ໃນວັນພຸດນີ້.ພິທີມອບຮັບໂຄງການຂະຫຍາຍລະບົບທໍ່ສົ່ງນ້ຳປະປາສຳລັບໂຮງງານນ້ຳປະປາແສນດິນ ແລະ ປ່ຽນທໍ່ນ້ຳເກົ່າສຳລັບລັດວິສາຫະກິດນ້ຳປະປານະຄອນຫຼວງ ໄດ້ມີຂຶ້ນທີ່ຊານນະຄອນຫຼວງວຽງຈັນ, ພາຍໃຕ້ການເຂົ້າຮ່ວມຂອງທ່ານ ສິນລະວົງ ຄຸດໄພທູນ ສະມາຊິກຄະນະກຳມະການກົມການເມືອງສູນການພັກປະຊາຊົນປະຕິວັດລາວ ແລະ ເຈົ້າຄອງນະຄອນຫຼວງວຽງຈັນ.ອ່ານຕໍ່ ...

ຂໍໍ້ລິເລິ່ມທີ່ສົມບູນ ເພື່ອປົກປ້ອງສະພາບພູມມີອາກາດດັ່ງກ່າວນີ້ ໄດ້ປະກອບສ່ວນໃຫ້ແກ່ການຫຼຸດຜ່ອນການປ່ອຍອາຍພິດເຮືອນແກ້ວ, ພັດທະນາຊີວິດການເປັນຢູ່ຂອງປະຊາຊົນ, ອະນຸລັກຊີວະນາໆພັນທີ່ອ່ອນແອ ຊຶ່ງອີງຕາມການລາຍງານ. ກິດຈະກຳດັ່ງກ່າວ ໄດ້ເລີ່ມຂື້ນໃນປີ 2011, ພາຍໃຕ້ໂຄງການ “ການປົກປ້ອງດິນຟ້າອາກາດໂດຍຫຼີກລ່ຽງການຕັດໄມ້ທຳລາຍປ່າ” ຫຼື CliPAD, ຊຶ່ງຈະສີ້ນສຸດໃນປີນີ້, ໂດຍມີເປົ້າໝາຍເພື່ອແກ້ໄຂການສູນເສຍ ແລະ ການເຊື່ອມໂຊມຂອງທຳມະຊາດ ແລະ ປ່າໄມ້. ອ່ານຕໍ່   ...

ບໍລິສັດ ກຳໂຮ ອີ&ຈີ ບໍລິສັດທີ່ປຶກສາໃນການຄຸ້ມຄອງດ້ານພະລັງງານ ຈະດຳເນີນໂຄງການຊ່ວຍເຫຼືອດ້ານການພັດທະນາໃນລາວ ເພື່ອສ້າງເມືອງທີ່ນຳໃຊ້ພະລັງງານແບບຍືນຍົງກຸ້ມຕົນເອງໃນລາວ ເພື່ອຊ່ວຍເຫຼືອໃນການຟື້ນຟູລາວຈາກໄພພິບັດທຳລາຍລ້າງຈາກເຂື່ອນທີ່ຜ່ານມາ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດຖະບານລາດຊະອານາຈັກໃຫ້ທຶນຊ່ວຍເຫຼືອມູນຄ່າກວ່າ  9 ຕື້ກີບ (US$1,078,253 ໂດລາ) ສຳລັບການດຳເນີນການໃນໄລຍະຍາວ ເພື່ອສະໜັບສະໜູນກິດຈະກຳການເກັບກູ້ລະເບີດທີ່ຍັງບໍ່ທັນແຕກ (ລບຕ) ໃນລາວ ຜ່ານການຈັດຕັ້ງປະຕິບັດຂອງອົງການຊ່ວຍເຫຼືອຂອງປະຊາຊົນນໍເວ.ທຶນຊ່ວຍເຫຼືອດັ່ງກ່າວຈະນຳໃຊ້ເພື່ອສະໜັບສະໜູນກິດຈະກຳເກັບກູ້ ລບຕ ຢູ່ແຂວງສາລະວັນ, ຈຳປາສັກ, ເຊກອງ, ແລະ ອັດຕະປື ແຕ່ເດືອນກໍລະກົດ 2019 ຫາເດືອນມີນາ 2020.ອ່ານຕໍ່ ...

ລັດຖະບານໄດ້ຈັດສັນງົບປະມານກວ່າ 2,800 ຕື້ກີບສຳລັບການພັດທະນາບຸກຄະລາກອນ ແລະ ປັບປຸງຂະແໜງການສາທາລະນະສຸກໃນປີ 2019. ງົບປະມານດັ່ງກ່າວຈະຊ່ວຍໃນການປະຕິບັດແຜນການພັດທະນາຂະແໜງສາທາລະນະສຸກໄລຍະຫ້າປີ (2016-2020) ແລະ ເປົ້າໝາຍການພັດທະນາແບບຍືນຍົງທີ່ກ່ຽວຂ້ອງກັບວຽກງານສາທາລະນະສຸກ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ການແຜ່ລະບາດຂອງເຊື້ອໄວຣັສ໌ອະຫິວາໝູອາຟຣິກາໃນປະເທດເພື່ອນບ້ານ ໄດ້ສ້າງຄວາມກັງວົນຕໍ່ຜູ້ບໍລິໂພກໃນລາວ, ເຮັດໃຫ້ການບໍລິໂພກຊິ້ນໝູໃນປະເທດຫຼຸດລົງຢ່າງທັນຕາ.ຜູ້ບໍລິໂພກມີຄວາມກັງວົນທີ່ເພີ່ມຂຶ້ນ ພາຍຫຼັງທີ່ເຈົ້າໜ້າທີ່ລາວໄດ້ກວດພົບເຊື້ອໄວຣັສ໌ໃນຊີ້ນ, ເຄື່ອງໃນ ແລະ ກະດູກໝູນຳເຂົ້າ. ລັດຖະບານໄດ້ອກແຈ້ງການງົດການນຳເຂົ້າໝູ ແລະ ຜະລິດຕະພັນໝູຈາກຈີນ ແລະ ຫວຽດນາມ, ແຕ່ວ່າຜູ້ບໍລິໂພກຫຼາຍຄົນກໍໄດ້ຕັດສິນໃຈງົດກິນຊິ້ນໝູ ຈົນກວ່າຈະມີການຄວບຄຸມການແຜ່ລະບາດຂອງພະຍາດໃນປະເທດເພື່ອນບ້ານ.ອ່ານຕໍ່ ...

ທ່ານ ທອງລຸນ ສີສຸລິດ ນາຍົກລັດຖະມົນຕີ ກ່າວຕໍ່ສະມາຊິກສະມາຄົມທຸລະກິດໃນກອງປະຊຸມໂອ້ລົມທຸລະກິດລາວ ຄັ້ງທີ 11 ໃນວານນີ້ວ່າ ຂະແໜງເອກະຊົນແມ່ນຖານທີ່ໝັ້ນຫຼັກ ສຳລັບການສູ້ຊົນ ແລະ ຄວາມສຳເລັດຂອງລັດຖະບານ ໃນການປະຕິບັດພາລະກິດຜູ້ສົ່ງເສີມການພັດທະນາທຸລະກິດ ແລະ ເສດຖະກິດ-ສັງຄົມ. ທ່ານນາຍົກລັດຖະມົນຕີໄດ້ຮຽກຮ້ອງໃຫ້ບັນດາສະມາຊິກຂະແໜງການທຸລະກິດ ກຸ້ມທຶນຕົນເອງ ເພື່ອໂອກາດໃນການລົງທຶນ.ອ່ານຕໍ່ ...

ລາວ ແລະ ບັນດາປະເທດໃນອາຊີ ມີແຜນສົ່ງເສີມໂອກາດໃນການປັບປຸງມາດຕະຖານທາງດ້ານຄຸນນະພາບຂອງການຜະລິດກະສິກຳ ແລະ ການເຂົ້າເຖິງຕະຫຼາດສາກົນ.ກົມສົ່ງເສີມທຸລະກິດຂະໜາດນ້ອຍ-ຂະໜາດກາງ (DOSMEP) ກະຊວງອຸດສາຫະກຳ ແລະ ການຄ້າລາວ ຫາລືກ່ຽວກັບການຝຶກອົບຮົມຄູຝຶກທາງດ້ານມາດຕະຖານດ້ານຄຸນນະພາບຂອງການຜະລິດກະສິກຳ ຮ່ວມກັບອົງການສົ່ງເສີມຜະລິຕະພາບອາຊີ (APO) ທີ່ວຽງຈັນວານນີ້.ອ່ານຕໍ່  ...

ວຽງຈັນ (ວຽງຈັນທາມສ໌/ANN) – ລາວ ແລະ ກຳປູເຈຍໄດ້ຕົກລົງກັນຖອນກຳລັງທະຫານຂອງແຕ່ລະຝ່າຍອອກຈາກພື້ນທີ່ຊາຍແດນເມືອງມູນລະປະໂມກ ແຂວງຈຳປາສັກ ເຊິ່ງສອງປະເທດຍັງບໍ່ສາມາດຕົກລົງປັກຫຼັກໝາຍຊາຍແດນ.ທັງສອງຝ່າຍຈະຖອນກຳລັງທະຫານອອກຈາກພື້ນທີ່ໃນລະຫວ່າງ 8 ເຖິງ 11 ໂມງເຊົ້າຂອງວັນພະຫັດນີ້.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ງານວາງສະແດງສິນຄ້າລາວທອບ 3 ເອັກສ໌ໂປ 2019 ເຊິ່ງເປັນງານວາງສະແດງສິນຄ້າທີ່ໃຫຍ່ລະດັບປະເທດ, ໄດ້ເລີ່ມຂຶ້ນທີ່ຫໍປະຊຸມແຫ່ງຊາດ ນະຄອນຫຼວງວຽງຈັນວານນີ້ ເພື່ອວາງສະແດງສິນຄ້າກ່ຽວກັບການກໍ່ສ້າງ, ສະຖາປັດ, ນ້ຳປະປາ, ອາຫານ ແລະ ເຄື່ອງດື່ມ ແລະ ການຄ້າ.ເຂົ້າຮ່ວມໃນພິທີເປີດງານວາງສະແດງມີທ່ານ ປອ ບຸນຈັນ ສິນທະວົງ ລັດຖະມົນຕີກະຊວງໂຍທາທິການ ແລະ ຂົນສົ່ງ, ທ່ານ ວຽງສະຫວັນ ສີພັນດອນ ຮອງລັດຖະມົນຕີກະຊວງໂຍທາ, ທ່ານ ພານທອງ ພິດທຸມມາ ຮອງລັດຖະມົນຕີກະຊວງອຸດສາຫະກຳ ແລະ ການຄ້າ ພ້ອມດ້ວຍເອກອັກຄະລັດຖະທູດ, ເຈົ້າໜ້າທີ່ລັດຖະບານ ແລະ ຕາງໜ້າຫົວໜ່ວຍທຸລະກິດທັງພາຍໃນ ແລະ ຕ່າງປະເທດ.ອ່ານຕໍ່ ...