ວຽງຈັນ (ວຽງຈັນທາມສ໌/ANN) – ລັດຖະບານສະວິດເຊີແລນ ໄດ້ສະໜອງງົບປະມານມູນຄ່າ US$8.6 ລ້ານໂດລາ ເພື່ອຊ່ວຍເຫຼືອໃນການຝຶກອົບຮົມວິຊາຊີບ ແລະ ສະໜັບສະໜູນການປະກອບອາຊີບ ສຳລັບກຸ່ມຜູ້ດ້ອຍໂອກາດໃນລາວ.ທ່ານ ປອ ກິແກ້ວ ຈັນທະບູຣີ ຮອງລັດຖະມົນຕີກະຊວງແຜນການ ແລະ ການລົງທຶນ ແລະ ທ່ານ ຊອງ-ຝຼັ່ງຊົວ ເຊີນອດ ອຳນວຍການປະຈຳພາກພື້ນ ຂອງອົງການເພື່ອການພັດທະນາ ແລະ ການຮ່ວມມືສະວິດ (SDC) ໄດ້ຮ່ວມລົງນາມໃນຂໍ້ຕົກລົງໃນວັນສຸກແລ້ວນີ້ ເພື່ອສະໜັບສະໜູນການສຶກສາວິຊາຊີບ ແລະ ປັບປຸງໂອກາດໃນການປະກອບອາຊີບ ສຳລັບກຸ່ມຜູ້ດ້ອຍໂອກາດໃນທ້ອງຖິ່ນ.ອ່ານຕໍ່ ...

Laos’ and Vietnam’s finance ministries recently signed a cooperation agreement for the period 2017-2020. The agreement was signed in Vientiane by Lao Ministry of Finance Office Head Mr Somboun Inthapatha and Deputy Director General of the International Cooperation Department of the Vietnam Finance Ministry Mr ...

ທະນາຄານພັດທະນາອາຊີ (ເອດີບີ) ອະນຸມັດທຶນຊ່ວຍເຫຼືອລ້າ 48 ລ້ານໂດລາສະຫະລັດ ເພື່ອຊ່ວຍໃນການປັບປຸງການບໍລິການທາງດ້ານສິ່ງແວດລ້ອມໃນຕົວເມືອງ ແລະ ເສີມຂະຫຍາຍການຕິດຕໍ່ພົວພັນດ້ານເສດຖະກິດໃນເມືອງປາກຊັນ ແຂວງບໍລິຄຳໄຊ ແລະ ເມືອງທ່າແຂກ ແຂວງຄຳມ່ວນ.ອ່ານຕໍ່ ...

ໃນອາທິດແລ້ວນີ້ ເຈົ້າໜ້າທີ່ລັດຖະບານ ແລະ ທະຫານໄດ້ນຳໃຊ້ເຮືອບິນ ແລະ ລົດບັນທຸກຂອງກອງທັບປະຊາຊົນລາວ ເພື່ອລຳລຽງເຄື່ອງຊ່ວຍເຫຼືອສຸກເສີນ ເຊັ່ນນ້ຳດື່ມ, ອາຫານ, ເຮືອ, ເຕັ້ນທີ່ພັກ ແລະ ເຄື່ອງໃຊ້ສອຍປະຈຳວັນທີ່ຈຳເປັນ ໄປມອບໃຫ້ແກ່ປະຊາຊົນຫົກແຂວງ ທີ່ໄດ້ຮັບຜົນກະທົບຈາກໄພນ້ຳຖ້ວມ.ພະຍຸໝູນເຂດຮ້ອນໂພດູ ແລະ ລະບົບສະພາບອາກາດທີ່ກ່ຽວຂ້ອງ ທີ່ພັດຜ່ານພາກໃຕ້ ແລະ ພາກກາງຂອງລາວມາແຕ່ທ້າຍເດືອນສິງຫາ ເຮັດໃຫ້ເກີດຝົນຕົນໜັກຕິດຕໍ່ກັນ, ສົ່ງຜົນໃຫ້ເກີດໄພນ້ຳຖ້ວມເປັນບໍລິເວນກວ້າງຢູ່ແຂວງຄຳມ່ວນ, ສະຫວັນນະເຂດ, ອັດຕະປື, ສາລະວັນ, ຈຳປາສັກ ແລະ ເຊກອງ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ອົງການຮ່ວມມືສາກົນຍີ່ປຸ່ນ (JICA) ຈະສືບຕໍ່ຊ່ວຍເຫຼືອລັດຖະບານໃນການຜັນຂະຫຍາຍເປົ້າໝາຍເພື່ອການຟື້ນຟູເນື້ອທີ່ປ່າໄມ້ໃຫ້ເຖິງ 70% ພາຍໃນປີ 2020 ຜ່ານໂຄງການຊ່ວຍເຫຼືອເພື່ອການຫຼຸດຜ່ອນການປ່ອຍທາດອາຍພິດຈາກການທຳລາຍປ່າໄມ້ ແລະ ການເສື່ອມໂຊມຂອງປ່າໄມ້ (REDD).ມື້ວານນີ້ ອົງການໄຈກາ ຮ່ວມກັບກົມປ່າໄມ້ ພາຍໃຕ້ກະຊວງກະສິກຳ ແລະ ປ່າໄມ້ ໄດ້ທຳການແກ້ໄຂ ແລະ ວາງແຜນຍຸດທະສາດການຄຸ້ມຄອງປ່າໄມ້ໃນອະນາຄົດ ໃນກອງປະຊຸມຄັ້ງທີ 5 ຂອງຄະນະປະສານງານຮ່ວມຂອງ REDD.ອ່ານຕໍ່ ...

ລັດຖະບານ, ໂຄງການຊ່ຽວຊານ/ການທ່ອງທ່ຽວ ແລະ ການບໍລິການຄຸ້ມຄອງຕົວເມືອງ ຂອງມູນນິທິເຕມາເສັກ (TF) – ໜ່ວຍບໍລິການການສຶກສາ ITE (ITEES) ໄດ້ທຳການສົ່ງເສີມທັກສະດ້ານການຄຸ້ມຄອງໃຫ້ແກ່ເຈົ້າໜ້າທີ່ລາວໃນຂະແໜງດັ່ງກ່າວ.ການລິເລີ່ມດັ່ງກ່າວແມ່ນໜຶ່ງໃນການຮ່ວມມືລະຫວ່າງລາວ ແລະ ສິງກະໂປ ແລະ ຢູ່ພາຍໃຕ້ການສະໜັບສະໜູນຂອງ TF ແລະ ITEES ມີຈຸດປະສົງຍົກລະດັບຄວາມສາມາດ ດ້ານທັກສະໃຫ້ແກ່ຄູຝຶກໃນຂະແໜງການບໍລິການ. ໂຄງການດັ່ງກ່າວໄດ້ເລີ່ມຕົ້ນມາແຕ່ເດືອນທັນວາ 2017 ແລະ ຈະສິ້ນສຸດໃນເດືອນທັນວາ 2019.ອ່ານຕໍ່ ...

ບໍ່ແກ້ວ, ລາວ (ວຽງຈັນທາມສ໌/ANN) – ພາຍໃຕ້ສົກສຶກສາທີ່ກຳລັງຈະສິ້ນສຸດໃນເດືອນໜ້ານີ້, ໂຄງການຊ້າງລາວຮັກອ່ານພວມເລັ່ງມືໃນການລົງຢ້ຽມຢາມໂຮງຮຽນຕ່າງໆທີ່ເມືອງຫ້ວຍຊາຍ, ແຂວງບໍ່ແກ້ວ ເພື່ອນຳພາເດັກນ້ອນຈັດກິດຈະກຳເພື່ອສ້າງແຮງບັນດານໃຈຕ່າງໆ ເຊັ່ນ ການອ່ານ, ແລະ ການແຈກຢາຍອຸປະກອນການສຶກສາ.ໂຄງການຊ້າງລາວຮັກອ່ານແມ່ນໂຄງການຂັ້ນຮາກຖານ ແລະ ເປັນການລິເລີ່ມແບບບໍ່ຫວັ່ງຜົນກຳໄລ ເພື່ອສົ່ງເສີມການອ່ານໃນເມືອງຫ້ວຍຊາຍ. ໂຄງການດັ່ງກ່າວມີການໃຫ້ບໍລິການຫ້ອງອ່ານຂະໜາດນ້ອຍໃນໃຈກາງຕົວເມືອງ ມາແຕ່ທ້າຍປີ 2017  ເພື່ອສົ່ງເສີມໃຫ້ເດັກນ້ອຍຮັກໃນການອ່ານ ແລະທັງເປັນການໂຄສະນາກິດຈະກຳຂອງໂຄງການໃຫ້ແກ່ນັກທ່ອງທ່ຽວ.ອ່ານຕໍ່ ...

ເຈົ້າໜ້າທີ່ສາທາລະນະສຸກ ຍອມຮັບວ່າພໍ່ແມ່ຈຳນວນຫຼາຍຍັງຄົງບໍ່ຮູ້ວ່າການເລີ່ມໃຫ້ນົມລູກດ້ວຍນົມແມ່ (ໃນຊົ່ວໂມງທຳອິດຫຼັງການເກີດ) ຈະຊ່ວຍສົ່ງເສີມສຸຂະພາບ ແລະ ຄວາມຢູ່ດີມີແຮງຂອງລູກໃນໄລຍະຍາວ, ເນື່ອງຈາກວ່ານ້ຳນົມເຫຼືອງ ຫຼື ນົມຢອດທຳອິດ ແມ່ນອຸດົມໄປດ້ວຍສານອາຫານທີ່ມີຄຸນຄ່າ ແລະ ຊ່ວຍສ້າງພູມຕ້ານທານພະຍາດໃຫ້ກັບເດັກໄດ້.ໂດຍສະເພາະເດັກນ້ອຍທີ່ໄດ້ຮັບການລ້ຽງດູດ້ວຍນົມແມ່ ສາມາດຫຼຸດຜ່ອນຄວາມສ່ຽງຕໍ່ການເປັນພະຍາດຕ່າງໆ ເຊັ່ນ ພະຍາດຫືດ, ເບົາຫວານ, ພະຍາດຕຸ້ຍ, ການຕິດເຊື້ອໃນລະບົບທາງເດີນອາຫານ ແລະ ພະຍາດຖອກທ້ອງ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດຖະບານສາທາລະນະລັດເກົາຫຼີ (ROK) ຈະໃຫ້ການຊ່ວຍເຫຼືອລາວ US$500 ລ້ານໂດລາໃນໂຄງການພັດທະນາ ໃນຊຸມປີຕໍ່ໜ້າ ຕາມການລາຍງານຂອງສຳນັກຂ່າວເກົາຫຼີໃຕ້ອາທິດແລ້ວນີ້.ໃນວັນທີ 5 ກັນຍານີ້ ສຳນັກຂ່າວຢອນແຮັບ ໄດ້ລາຍງານວ່າ ປະເທດລາວ ແລະ ສ.ເກົາຫຼີ ໄດ້ລົງນາມໃນບົດບັນທຶກຄວາມເຂົ້າໃຈສີ່ສະບັບ, ເຊິ່ງເປັນໜຶ່ງໃນແຜນການຊ່ວຍເຫຼືອ US$500 ລ້ານໂດລາຂອງສ.ເກົາຫຼີ ສຳລັບປະເທດລາວ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລາວໄດ້ 29 ຄະແນນ ແລະ ຍັງຄົງຢູ່ລະດັບເດີມທີ່ໄດ້ໃນປີ 2017 ກ່ຽວກັບດັດຊະນີຄວາມໂປ່ງໃສດ້ານການສໍ້ລາດບັງຫຼວງສາກົນ 2018 ທີ່ມີການເປີດເຜີຍໃນວັນອັງຄານຜ່ານມານີ້.ຄະແນນດັດຊະນີດັ່ງກ່າວແມ່ນຈັດລຽງຈາກ 0 ຫາ 100, ເຊິ່ງ 0 ໝາຍເຖິງມີການສໍ້ລາດບັງຫຼວງຫຼາຍທີ່ສຸດ ແລະ 100 ໝາຍເຖິງມີຄວາມໂປ່ງໃສຫຼາຍສຸດ.ປະເທດລາວທີ່ໄດ້ 29 ຄະແນນນີ້ແມ່ນຕ່ຳກວ່າບັນດາປະເທດສະມາຊິກອາຊຽນສ່ວນໃຫຍ່. ລຽງລຳດັບສູງສຸດຫາຕ່ຳສຸດ, ປະເທດສິງກະໂປເປັນປະເທດທີ່ມີຄວາມໂປ່ງໃສທີ່ສຸດດ້ວຍຄະແນນ 85. ປະເທດບຣູໄນມີຄະແນນ 63, ມາເລເຊຍ 47, ອິນໂດເນເຊຍ 38, ແລະ ຟິລິປິນ 36. ສ່ວນປະເທດໄທກໍໄດ້ຄະແນນ 36 ເຊັ່ນດຽວກັນ ຂະນະທີ່ຫວຽດນາມໄດ້ 33 ຄະແນນ ແລະ ມຽນມາມີຄະແນນສ່ຳດຽວກັບລາວ. ກຳປູເຈຍແມ່ນໄດ້ 20 ...

ວຽງຈັນ (ວຽງຈັນທາມສ໌/ANN) – ອົງການຈັດຕັ້ງ ແລະ ບໍລິສັດຫຼາຍພາກສ່ວນພວມກຳລັງກະກຽມກິດຈະກຳຫຼາຍຮູບຫຼາຍສີສັນ ເພື່ອສະເຫຼີມສະຫຼອງປີໃໝ່ລາວ ເຊິ່ງຈະມີຂຶ້ນໃນວັນທີ 14-16 ເມສານີ້.ໃນງານບຸນດັ່ງກ່າວໂດຍລວມມີການຫົດສົງນ້ຳກັນ ເຊິ່ງຊ່ວຍຫຼຸດຜ່ອນຄວາມຮ້ອນຈາກສະພາບອາກາດໃນຊ່ວງເດືອນເມສາ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລາວ ແລະ ຈີນ ເສີມຂະຫຍາຍການຮ່ວມມືໃນດ້ານເທັກໂນໂລຢີຂໍ້ມູນຂ່າວສານ ແລະ ການສື່ສານ (ICT) ເພື່ອສ້າງເງື່ອນໄຂໃຫ້ແກ່ການພັດທະນາລະບົບຂໍ້ມູນຂ່າວສານ, ການສື່ສານໃນລາວ.ໃນອາທິດແລ້ວນີ້ ເຈົ້າໜ້າທີ່ກະຊວງໄປສະນີ ແລະ ໂທລະຄົມມະນາຄົມ ນຳໂດຍທ່ານລັດຖະມົນຕີ ປອ ທັນສະໄໝ ກົມມະສິດ, ໄດ້ພົບປະກັບຄະນະຜູ້ແທນ ຈາກກະຊວງອຸດສາຫະກຳ ແລະ ເທັກໂນໂລຢີຂໍ້ມູນຂ່າວສານຂອງຈີນ ເຊິ່ງນຳໂດຍທ່ານລັດຖະມົນຕີ ໝຽວ ເວີຍ ໃນກອງປະຊຸມລັດຖະມົນຕີໂທລະຄົມມະນາຄົມ ແລະ ເທັກໂນໂລຢີຂໍ້ມູນຂ່າວສານອາຊຽນ ຄັ້ງທີ 19 ທີ່ນະຄອນວຽງຈັນ ເພື່ອຕົກລົງກ່ຽວກັບການຮ່ວມມືດ້ານ ICT.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດຖະບານໄດ້ຮຽກຮ້ອງໃຫ້ຂະແໜງການທີ່ກ່ຽວຂ້ອງ ເພີ່ມທະວີຄວາມຮັບຜິດຊອບເພື່ອຄົ້ນຄວ້າວິທີການໃນການແກ້ໄຂຫົກບັນຫາພົ້ນເດັ່ນທີ່ສົ່ງຜົນກະທົບຕໍ່ການພັດທະນາເສດຖະກິດ-ສັງຄົມ.ບັນຫາດັ່ງກ່າວໄດ້ມີການຫາລືໃນກອງປະຊຸມປະຈຳເດືອນຂອງຄະນະລັດຖະບານ ເຊິ່ງຈັດຂຶ້ນຢູ່ນະຄອນຫຼວງວຽງຈັນໃນວັນທີ 23-24 ກໍລະກົດນີ້ ເຊິ່ງຄະນະລັດຖະບານໄດ້ຫາລືມາດຕະການໃນການແກ້ໄຂບັນຫາດັ່ງກ່າວ.ຫົກບັນຫາພົ້ນເດັ່ນດັ່ງກ່າວລວມມີ:ການລະບາດຂອງພະຍາດໄຂ້ເລືອດອອກ;ການລະບາດຂອງພະຍາດອະຫິວາໝູອາຟຣິກາ;ການແຜ່ລະບາດຂອງບົ້ງຝູງສາລີ (Spodoptera frugiperda) ຢູ່ແຂວງໄຊຍະບູລີ;ໄພແຫ້ງແລ້ງທີ່ແກ່ຍາວ;ການເໜັງຕີງຂອງອັດຕາແລກປ່ຽນ, ການອ່ອນຄ່າຂອງເງິນກີບທຽບກັບເງິນຕາຕ່າງປະເທດ, ແລະ ການຫຼຸດລົງຂອງຄັງສຳຮອງແລກປ່ຽນເງິນຕາຕ່າງປະເທດ;ບັນຫາທີ່ກ່ຽວຂ້ອງກັບການເຜີຍແຜ່ຂໍ້ມູນໃນສື່ສັງຄົມອອນໄລຂອງມະຫາຊົນ ກ່ຽວກັບການສະແດງຄຳຄິດຄຳເຫັນຕໍ່ການຄຸ້ມຄອງ ແລະ ບໍລິຫານຂອງພາກລັດ.ອ່ານຕໍ່ ...

ຈຳປາສັກ, ລາວ (ວຽງຈັນທາມສ໌/ANN) – ຊາວປະມົງທີ່ຕິດເກາະຢູ່ໂຂດຫີນກາງແມ່ນ້ຳຂອງ ເມືອງໂຂງ ແຂວງຈຳປາສັກ ໃນວັນຈັນຜ່ານມານີ້ໄດ້ຮັບການຊ່ວຍເຫຼືອໃນຕອນ 2 ໂມງເຊົ້າຂອງວັນພຸດນີ້.ຊາວປະມົງດັ່ງກ່າວເຊິ່ງຢືນຢັນຕົວວ່າແມ່ນທ້າວ ປອງ ອາຍຸ 41 ປີ ຢູ່ບ້ານພຽງດີ ໄດ້ຖືກນຳສົ່ງໄປສຸກສາລາໃນທ້ອງຖິ່ນທັນທີເພື່ອກວດສຸຂະພາບ.ອ່ານຕໍ່ ...

ອິນເດຍມີແຜນລວມລາວເຂົ້າໃນແຜນຕາຂ່າຍໄຟຟ້າໂລກ, ເພື່ອຮອງຮັບຕໍ່ການປ່ຽນແປງຂອງສະຖາປັດຕະຍະກຳຄວາມໝັ້ນຄົງດ້ານພະລັງງານ.ປະເທດອິນເດຍຈະປ້ອງກັນບົດສະເໜີກ່ຽວກັບຕາຂ່າຍໄຟຟ້າໃນກອງປະຊຸມໃຫຍ່ຄັ້ງທີສອງຂອງອົງການພັດທະມິດພະລັງງານແສງອາທິດສາກົນ (ISA) ເຊິ່ງຈະຈັດຂຶ້ນຢູ່ເມືອງນິວເດລີ ໃນວັນທີ 30 ຕຸລາ ເຖິງ 2 ພະຈິກນີ້, ຕາມການລາຍງານຂອງສຳນັກຂ່າວ Livemint.ນອກຈາກປະເທດລາວ, ອິນເດຍຍັງມີເປົ້າໝາຍເລີ່ມຕົ້ນການເຊື່ອມຕໍ່ກັບປະເທດຕ່າງໆເຊັ່ນ ມຽນມາ, ໄທ, ກຳປູເຈຍ ແລະ ຫວຽດນາມ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດຖະບານໄດ້ຖະແຫຼງວ່າຈະຫຼຸດຜ່ອນການເອື່ອຍອີງໃສ່ຊັບພະຍາກອນທຳມະຊາດເກີນຈຳເປັນ ໃນການພັດທະນາເສດຖະກິດ ເຖິງຈະເຮັດໃຫ້ການຂະຫຍາຍຕົວຊັກຊ້າລົງ.ໃນກອງປະຊຸມສະໄໝສາມັນຂອງສະພາແຫ່ງຊາດ, ທ່ານ ທອງລຸນ ສີສຸລິດ ນາຍົກລັດຖະມົນຕີ ກ່າວວ່າເຖິງວ່າເສດຖະກິດຂອງລາວຈະຂະຫຍາຍຕົວໃນອັດຕາ 6.5 ເປີເຊັນໃນປີນີ້, ລາວກໍຍັງຄົງອີງໃສ່ຂະແໜງພະລັງງານ ແລະ ບໍ່ແຮ່ຫຼາຍເກີນໄປ.ນອກຈາກນີ້ ທຶນກູ້ຢືມຈາກຕ່າງປະເທດສຳລັບໂຄງການພັດທະນາພື້ນຖານໂຄງລ່າງທີ່ຄາດວ່າຈະໃຫ້ຜົນຕອບແທນທາງເສດຖະກິດຕ່ຳ ຈະຕ້ອງຖືກຈຳກັດ.ອ່ານຕໍ່ ...

ອົງກອນພາກລັດທີ່ຕ້ອງການນຳໃຊ້ງົບປະມານລັດເກີນ 5 ລ້ານກີບຕ້ອງເຮັດສັນຍາປະມູນໂຄງການ, ອີງຕາມກະຊວງການເງິນ. ທ່ານ ສົມດີ ດວງດີ ລັດຖະມົນຕີກະຊວງການເງິນ ໄດ້ລົງນາມຮັບຮອງເອົາຂໍ້ຕົກລົງຂອງລັດຖະມົນຕີ ໃນຕົ້ນເດືອນນີ້ ເຊິ່ງກຳນົດຂັ້ນຕອນໃໝ່ທີ່ໜ່ວຍງານພາກລັດຕ້ອງປະຕິບັດໃນການນຳໃຊ້ງົບປະມານລັດ.ຂໍ້ຕົກລົງດັ່ງກ່າວແມ່ນໜຶ່ງໃນຄວາມພະຍາຍາມຂອງກະຊວງ ໃນການບັງຄັບໃຊ້ກົດໝາຍວ່າດ້ວຍການຈັດຊື້ແຫ່ງລັດໃນບັນດາໜ່ວຍງານລັດ ແລະ ເພື່ອຮັບປະກັນວ່າການໃຊ້ຈ່າຍງົບປະມານມີຄວາມຄຸ້ມຄ່າ ແລະ ສົມເຫດສົມຜົນ.ອ່ານຕໍ່   ...

ເຈົ້າໜ້າທີ່ແຮງງານທ້ອງຖິ່ນຈະສືບຕໍ່ປະສານງານກັບກະຊວງແຮງງານຂອງໄທ ເພື່ອປົກປ້ອງສິດທິຂອງແຮງງານລາວໃນພາກໃຕ້ຂອງໄທ, ຕາມເຈົ້າໜ້າທີ່ການນຳ.ທ່ານ ປອ ຄຳແພງ ໄຊສົມແພງ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ໄດ້ໃຫ້ຄຳໝັ້ນຕໍ່ພະນັກງານໃນກອງປະຊຸມການຄຸ້ມຄອງແຮງງານປະຈຳປີ ທີ່ວຽງຈັນ ໃນວັນພຸດຜ່ານມານີ້.ອ່ານຕໍ່ ...

ບໍລິສັດເມເຈີຊິນິເພັກສ໌ກຣຸ໊ບ ຜູ້ປະກອບການເຄືອຂ່າຍໂຮງຮູບເງົາທີ່ໃຫຍ່ທີ່ສຸດໃນໄທ ໄດ້ເຮັດຂໍ້ຕົກລົງກັບບໍລິສັດ ທີເຄ ກຣູ໊ບຂອງລາວ ເພື່ອເປີດໂຮງສາຍຮູບເງົາແຫ່ງໃໝ່ໃນຕ່າງປະເທດ ເພື່ອຂະຫຍາຍກິດຈະການສູ່ລະດັບພາກພື້ນອ່ານຕໍ່ ...

ວຽງຈັນ (ວຽງຈັນທາມສ໌/ANN) – ກອງປະຊຸມປຶກສາຫາລືເພື່ອການຟື້ນຟູຫຼັງໄພພິບັດວານນີ້ ໄດ້ມີການພົບປະຂອງກົມກອງລັດຖະບານ ແລະ ຄູ່ຮ່ວມພັດທະນາ ເພື່ອຫາລືວິທີທາງໃນຕໍ່ໜ້າ ແລະ ສືບຕໍ່ຜົນການປະເມີນຄວາມຕ້ອງການຫຼັງໄພພິບັດ (PDNA) ທີ່ໄດ້ດຳເນີນໃນປີ 2018.ໃນປີຜ່ານມາ ລາວໄດ້ຜະເຊີນກັບໄພນ້ຳຖ້ວມທີ່ຮ້າຍແຮງທີ່ສຸດໃນຮອບທົດສະວັດ ເຊິ່ງໄດ້ສົ່ງຜົນກະທົບຕໍ່ປະຊາຊົນກວ່າ  600,000 ຄົນໃນທົ່ວ 17 ແຂວງ ແລະ ນະຄອນຫຼວງວຽງຈັນ.ອ່ານຕໍ່ ...