News

(ຂປລ) ທະນາຄານອຸດສາຫະກຳແລະກ້ານຄ້າແຫ່ງປະເທດຈີນ ຈຳກັດ (ICBC) ໄດ້ມອບເຄື່ອງຄັອມພິວເຕີຕັ້ງໂຕະ 30 ໜ່ວຍ ແລະ ຄັອມພິວເຕີມືຖືສາມໜ່ວຍໃຫ້ກະຊວງສຶກສາທິການ ແລະ ກິລາ ເພື່ອແຈກຢາຍໃຫ້ແກ່ໂຮງຮຽນປະຖົມ ແລະ ມັດທະຍົມ 11 ແຫ່ງໃນນະຄອນຫຼວງວຽງຈັນ.ພິທີມອບເຄື່ອງບໍລິຈາກດັ່ງກ່າວໄດ້ຈັດຂຶ້ນທີ່ນະຄອນຫຼວງວຽງຈັນໃນວັນທີ 27 ສິງຫານີ້ ລະຫວ່າງທ່ານ ບົວລານ ສິລິປັນຍາ ຮອງລັດຖະມົນຕີກະຊວງສຶກສາທິການ ແລະ ກິລາ ແລະ ທ່ານ ຊຸນ ເຟັງ ເລີ່ຍ ຜູ້ອຳນວຍການໃຫຍ່ທະນາຄານ ICBC.ອ່ານຕໍ່ ...

(ຂປລ) ສະຫະກອນສົ່ງເສີມການກະເສດເມືອງຫົງສາ ແຂວງໄຊຍະບູລີ ໄດ້ຮັບອຸປະກອນເຄື່ອງຕອງນ້ຳມູນຄ່າກວ່າ 100,000 ບາດຈາກບໍລິສັດໄຟຟ້າຫົງສາ.ພິທີມອບອຸປະກອນດັ່ງກ່າວໄດ້ມີຂຶ້ນໃນວັນຈັນຜ່ານມາ ລະຫວ່າງທ່ານ ຄະທາຍຸດ ຊູພູນ ອຳນວນການບໍລິຫານບໍລິສັດໄຟຟ້າຫົງສາ ແລະ ທ່ານ ທອງ ສິມມະທອງ ຫົວໜ້າສະຫະກອນສົ່ງເສີມການກະເສດເມືອງຫົງສາ, ແລະ ຕາງໜ້າຈາກອຳນາດການປົກຄອງທີ່ກ່ຽວຂ້ອງເຂົາຮ່ວມ.ອ່ານຕໍ່ ...

(ຂປລ) ປະສິດທິພາບຂອງການຮ່ວມມືໃນການຄຸ້ມຄອງປ່າສະຫງວນແຫ່ງຊາດຫີນໜາມໜໍ່ ເພີ່ມຂຶ້ນປະມານ 16% ນັບແຕ່ປີ 2014 ທີ່ມີການຈັດຕັ້ງລະບົບການຄຸ້ມຄອງຮ່ວມ.ການປະຕິບັດການຄຸ້ມຄອງສວນອຸດທະຍານທີ່ມີການປັບປຸງຢ່າງເຫັນຈະແຈ້ງດັ່ງກ່າວແມ່ນການທົດສອບຄວາມພ້ອມຂອງຫີນໜາມໜໍ່ ໃນການຮ່ວມກັບອຸດທະຍານແຫ່ງຊາດ Phong Nha-Ke Bang ຂອງຫວຽດນາມ ໃຫ້ເປັນພື້ນທີ່ມໍລະດົກໂລກທາງທຳມະຊາດຂອງ UNESCO ຂ້າມຊາຍແດງແຫ່ງທຳອິດໃນອາຊີຕາເວັນອອກສຽງໃຕ້.ອ່ານຕໍ່ ...

ແຮງງານລາວ, ເຊິ່ງຫຼາຍຄົນຍັງຢູ່ໃນໄວໜຸ່ມ ແລະ ບາງຄົນກໍຍັງເປັນໄວລຸ້ນ ໄດ້ຫຼັ່ງໄຫຼກັນໄປອອກແຮງງານຢູ່ປະເທດໄທເພື່ອນບ້ານໃນປີນີ້ໃນອັດຕາທີ່ເພີ່ມຂຶ້ນ, ​ໂດບບໍ່ເກງກົວຕໍ່ການຂູດຮີດແຮງງານ ແລະ ສະພາບການເຮັດວຽກທີ່ສ່ຽງຕໍ່ອັນຕະລາຍ ເພື່ອຊອກຫາວຽກເຮັດງານທຳຊ່ວຍເຫຼືອຄອບຄົວທາງບ້ານ, ຕາມແຫຼ່ງຂ່າວໃນປະເທດໄທ.ຫຼາຍຄົນກໍໄດ້ຮັບການຊຸກຍູ້ຈາກພໍ່ແມ່ໃຫ້ໄປອອກແແຮງງານຢູ່ຕ່າງປະເທດ, ຕາມແຫຼ່ງຂ່າວ. ບາງຄົນກໍຕົກເປັນເຫຍື່ອຂອງການຄ້າມະນຸດ ແລະ ຕິດກັບດັກໜີ້ສິນ, ຫຼື ຖືກເສຍຊີວິດຍ້ອນອຸບັດຕິເຫດແຮງງານ ຫຼື ອຸບັດຕິເຫດບົນທ້ອງຖະໜົນ.ໃນວັນຈັນຜ່ານມາ, ສົບຂອງແຮງງານລາວອົບພະຍົບ 9 ຄົນທີ່ເສຍຊີວິດໃນວັນທີ 18 ສິງຫາ ເນື່ອງຈາກອຸບັດຕິເຫດລົດຕຳກັນໃນຂະນະເດີນທາງໄປຊາຍແດນເພື່ອຕໍ່ວີຊາທ່ອງທ່ຽວເພື່ອເຂົ້າປະເທດໄທ ໄດ້ຖືກສົ່ງກັບສູ່ຄອບຄົວ. ສ່ວນອີກສົບໜຶ່ງແມ່ນໄດ້ເຮັດພິທີເຜົາຢູ່ປະເທດໄທ. ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ອຳນາດການປົກຄອງແຂວງວຽງຈັນໄດ້ແຈ້ງເຕືອນວ່າ ຈະເພີກຖອນໃບອະນຸຍາດສຳລັບນັກລົງທຶນທີ່ບໍ່ດຳເນີນກິດຈະກຳການພັດທະນາໃດໆໃນໂຄງການສຳປະທານຂອງຕົນ.ກ່າວໂອ້ລົມໃນໂອກາດເຂົ້າຮັບຕຳແໜ່ງໃໝ່, ທ່ານ ຄຳພັນ ສິດທິດຳພາ ເຈົ້າແຂວງວຽງຈັນໄດ້ເຜີຍຕໍ່ສື່ມວນຊົນວ່າ ອຳນາດການປົກຄອງຈະດຳເນີນການກວດກາໂຄງການພັດທະນາ 92 ໂຄງການທີ່ທາງແຂວງໄດ້ມີການເຊັນສັນຍາສຳປະທານ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ເຈົ້າໜ້າທີ່ທ່ອງທ່ຽວຈາກປະເທດກຳປູເຈຍ, ລາວ ແລະ ຫວຽດນາມ (CLV) ກຳລັງຫາລືຮ່າງແຜນເພື່ອການພັດທະນາການທ່ອງທ່ຽວໃນພື້ນທີ່ສາມຫຼ່ຽມພັດທະນາ ເຊິ່ງກວມເອົາ 13 ແຂວງໃນສາມປະເທດ.ການຫາລືດັ່ງກ່າວໄດ້ມີຂຶ້ນຢູ່ປາກເຊ ແຂວງຈຳປາສັກ ໃນກອງປະຊຸມກຸ່ມເຮັດວຽກກ່ຽວກັບການສ້າງແຜນພັດທະນາການທ່ອງທ່ຽວ CLV ໃນພື້ນທີ່ສາມຫຼ່ຽມພັດທະນາ ຄັ້ງທີ 3 ໃນວັນທີ 26-29 ສິງຫານີ້.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ອົງການສະຫະປະຊາຊາດ (UN) ໄດ້ຈັດລຳດັບການປັບປຸງສະພາບຊີວິດການເປັນຢູ່ຂອງປະຊາຊົນລາວໃຫ້ເປັນສູນກາງຂອງໂຄງການພັດທະນາທັງໝົດທີ່ມີແຜນດຳເນີນໃນລາວໃນຊຸມປີຕໍ່ໜ້າ, ຕາມຄຳເຫັນຂອງຫົວໜ້າອົງການສະຫະປະຊາດຄົນໃໝ່ປະຈຳລາວ.ໃນການສຳພາດຕໍ່ສຳນັກຂ່າວວຽງຈັນທາມສ໌ໃນວັນຈັນນີ້, ທ່ານ ຊາຣາ ແຊັກເກນເນສ໌ ທີ່ຫາກໍ່ເຂົ້າຮັບຕຳແໜ່ງຜູ້ປະສານງານປະຈຳອົງການສະຫະປະຊາດ ສປປ ລາວໃນເດືອນພຶດສະພາທີ່ຜ່ານມາ ກ່າວວ່າບູລິມະສິດສູງສຸດຂອງ UN ແມ່ນເພື່ອຊ່ວຍເຫຼືອປະເທດສະມາຊິກໃຫ້ບັນລຸວາລະການພັດທະນາປີ 2030 ຂອງ UN ເຊິ່ງມີໃຈຄວາມສຳຄັນວ່າ “ບໍ່ໃຫ້ມີໃຜຖືກປ່ອຍປະລະເລີຍ”. ອ່ານຕໍ່ ...

ເຈົ້າໜ້າທີ່ລັດຖະບານ ແລະ ອົງການ FAO ໄດ້ປະຊຸມທີ່ນະຄອນຫຼວງວຽງຈັນ ເພື່ອຫາລືກ່ຽວກັບວຽກງານກະສິກຳ, ໂພຊະນາການ, ແລະ ການຖືຄອງ ແລະ ນຳໃຊ້ທີ່ດິນເພື່ອສະໜັບສະໜູນການຈັດຕັ້ງປະຕິບັດເປົ້າໝາຍການພັດທະນາແບບຍືນຍົງ (SDGs).ກອງປະຊຸມວິຊາການພາຍໃຕ້ຫົວຂໍ້ “ວຽກງານກະສິກຳ, ໂພຊະນາການ, ແລະ ການຖືຄອງ ແລະ ນຳໃຊ້ທີ່ດິນເພື່ອສະໜັບສະໜູນການຈັດຕັ້ງປະຕິບັດເປົ້າໝາຍການພັດທະນາແບບຍືນຍົງ (SDGs) 2030 ໃນລາວ” ໄດ້ຈັດຂຶ້ນໃນລະຫວ່າງວັນທີ 26-29 ສິງຫານີ້.ອ່ານຕໍ່ ...

ໃນຕອນເຊົ້າຂອງວັນທີ 27 ສິງຫາ ຢູ່ທີ່ກະຊວງການຕ່າງປະເທດຂອງລາວ, ທ່ານ ອານຸສິດ ຄັດຕິຍະລາດ ຮອງຫົວໜ້າຄະນະກຳມະການຊາຍແດນແຫ່ງຊາດ ໄດ້ຈັດຖະແຫຼງຂ່າວຢ່າງເປັນທາງການກ່ຽວກັບສະຖານະການໃນພື້ນທີ່ຊາຍແດນລາວ-ກຳປູເຈຍ.“ໃນອາທິດແລ້ວນີ້ ໄດ້ມີການເຜຍແຜ່ຂໍ້ມູນທີ່ບໍ່ຖືກຕ້ອງຜ່ານທາງສື່ສັງຄົມອອນໄລ ກ່ຽວກັບສະຖານະການຢູ່ຊາຍແດນລາວ-ກຳປູເຈຍ, ເຊິ່ງຝ່າຍລາວແມ່ນຢູ່ຕອນເທິງຂອງເຊລຳເພົາ ເມືອງມູນລະປະໂມກ ແຂວງຈຳປາສັກ ເຊິ່ງມີຊາຍແດນຕິດກັບເມືອງແສບ ແຂວງພະວິຫານ ປະເທດກຳປູເຈຍ.ແຈ້ງຂ່າວຢ່າງເປັນທາງການວ່າ ພື້ນທີ່ດັ່ງກ່າວຍັງມີຄວາມໝັ້ນຄົງດີ, ແລະ ທັງສອງປະເທດກໍ່ບໍ່ມີການປະທະກັນແຕ່ຢ່າງໃດ. ບໍ່ມີສະພາບຄວາມເຄັ່ງຕຶງໃດໆ ແລະ ບໍ່ໄດ້ເກີດບັນຫາໃຫຍ່ຫຼວງໃດໆ. ບໍ່ມີການປະທະກັນທາງທະຫານ ແລະ ບໍ່ມີສະພາບອື່ນໆທີ່ກ່ຽວຂ້ອງໃດໆ.ອ່ານຕໍ່ ...

ອິນເດຍມີແຜນລວມລາວເຂົ້າໃນແຜນຕາຂ່າຍໄຟຟ້າໂລກ, ເພື່ອຮອງຮັບຕໍ່ການປ່ຽນແປງຂອງສະຖາປັດຕະຍະກຳຄວາມໝັ້ນຄົງດ້ານພະລັງງານ.ປະເທດອິນເດຍຈະປ້ອງກັນບົດສະເໜີກ່ຽວກັບຕາຂ່າຍໄຟຟ້າໃນກອງປະຊຸມໃຫຍ່ຄັ້ງທີສອງຂອງອົງການພັດທະມິດພະລັງງານແສງອາທິດສາກົນ (ISA) ເຊິ່ງຈະຈັດຂຶ້ນຢູ່ເມືອງນິວເດລີ ໃນວັນທີ 30 ຕຸລາ ເຖິງ 2 ພະຈິກນີ້, ຕາມການລາຍງານຂອງສຳນັກຂ່າວ Livemint.ນອກຈາກປະເທດລາວ, ອິນເດຍຍັງມີເປົ້າໝາຍເລີ່ມຕົ້ນການເຊື່ອມຕໍ່ກັບປະເທດຕ່າງໆເຊັ່ນ ມຽນມາ, ໄທ, ກຳປູເຈຍ ແລະ ຫວຽດນາມ.ອ່ານຕໍ່ ...