News

ວຽງຈັນ, 17 ພະຈິກ (ຊິນຫົວ) — ບ້ານຊໍ ເມືອງສັງທອງ ຕັ້ງຢູ່ເຂດພູດອຍ ຫ່າງຈາກນະຄອນຫຼວງວຽງຈັນໄປທາງທິດເໜືອ ປະມານສອງຊົ່ວໂມງ ຕາມເສັ້ນທາງບໍ່ດີທີ່ເຕັມໄປດ້ວຍຂຸມ.ບ້ານດັ່ງກ່າວປະກອບດ້ວຍ 407 ຄອວຄົວ, ຫຼື 2,007 ຄົນ, ເຊິ່ງປະຊາຊົນປະມານເຄິ່ງບ້ານ ຢູ່ພາຍໃຕ້ຄວາມທຸກຍາກ, ມີລາຍຮັບສຸດທິຕໍ່ຫົວຄົນຕໍ່ປີ ຕ່ຳກວ່າ 700 ໂດລາ.ເຖິງຢ່າງໃດກໍຕາມ, ຖະໜົນ, ບ້ານເຮືອນ ແລະ ໄຟຖະໜົນພະລັງງານແສງອາທິດ ທີ່ຫາກໍ່ສ້າງໃໝ່ ໄດ້ສ້າງຄວາມແຕກຕ່າງຢ່າງເຫັນໄດ້ຈະແຈ້ງ ທຽບກັບພື້ນຖານໂຄງລ່າງເກົ່າທີ່ເປ່ເພ, ​ເຊິ່ງສະແດງໃຫ້ເຫັນຄວາມພະຍາຍາມໃນການພັດທະນາບ້ານດັ່ງກ່າວໃຫ້ຫຼຸດພົ້ນຈາກຄວາມທຸກຍາກ.ພາບໃຕ້ໂຄງການທົດລອງເພື່ອຫຼຸດຜ່ອນຄວາມທຸກຍາກໃນອາຊີຕາເວັນອອກ, ທີມງານຈາກຈີນ ໄດ້ຄັດເລືອກບ້ານຊໍ ເພື່ອສາທິດປະສົບການໃນການຫຼຸດຜ່ອນຄວາມທຸກຍາກຂອງຈີນ ມາແຕ່ປີ 2017.ອ່ານຕໍ່ ...

ເດັກນ້ອຍນັກຮຽນ ເມືອງດັກຈຶ້ງ ແຂວງເຊກອງ ໄດ້ຮັບໂຮງຮຽນມັດທະຍົມແຫ່ງໃໝ່, ມູນຄ່າການກໍ່ສ້າງ 9 ຕື້ກີບ (US$1 ລ້ານໂດລາ) ພາຍໃຕ້ທຶນຊ່ວຍເຫຼືອລ້າ ຈາກລັດຖະບານຫວຽດນາມ.ໂຮງຮຽນ ບ້ານໂນນສະຫວັນ ດັ່ງກ່າວ ໄດ້ມີການມອບຮັບຢ່າງເປັນທາງການ ໃຫ້ແກ່ອຳນາດການປົກຄອງ ໃນອາທິດແລ້ວນີ້.ເຂົ້າຮ່ວມໃນພິທີມອບຮັບດັ່ງກ່າວມີທ່ານ ກິ່ງມະໂນ ພົມມະຫາໄຊ ຮອງລັດຖະມົນຕີ ແລະ ຮອງຫົວໜ້າຫ້ອງວ່າການທຳນຽບປະທານປະເທດ, ​ທ່ານ ຮສ.ປອ ກອງສີ ແສງມະນີ ຮອງລັດຖະມົນຕີກະຊວງສຶກສາທິການ ແລະ ກິລາ, ແລະ ທ່ານ ຫງວຽນ ປາ ຮຸງ ເອກອັກຄະລັດຖະທູດຫວຽດນາມປະຈຳລາວ.ໂຮງຮຽນຂະໜາດສອງຊັ້ນດັ່ງກ່າວ ປະກອບດ້ວຍຫົກຫ້ອງຮຽນ, ສີ່ຫ້ອງທົດລອງ, ສອງຫ້ອງຄັອມພິວເຕີ, ຫ້ອງພັກຄູ, ຫ້ອງສະໝຸດ, ຫ້ອງປະຊຸມ, ແລະ ສອງຫ້ອງສາງ ພ້ອມດ້ວຍຫ້ອງນ້ຳ ແລະ ສິ່ງອຳນວຍຄວາມສະດວກອື່ນໆ.ອ່ານຕໍ່ ...

ອຳນາດການປົກຄອງເມືອງວັງວຽງ ແຂວງວຽງຈັນ ຮັບປະກັນຄວາມພ້ອມ ໃນການຕ້ອນຮັບນັກທ່ອງທ່ຽວ ທີ່ຄາດວ່າຈະຫຼັ່ງໄຫຼເຂົ້າມາໃນຊ່ວງລະດູການທ່ອງທ່ຽວທີ່ຈະມາເຖິງນີ້.ທ່ານເຈົ້າເມືອງ ຄຳຜອງ ດວງວິໄລ ໄດ້ກ່າວຕໍ່ສຳນັກຂ່າວວຽງຈັນທາມສ໌ ວ່າ “ພວກເຮົາກຽມພ້ອມ ເພື່ອຕ້ອນຮັບນັກທ່ອງທ່ຽວ ແລະ ໄດ້ກະກຽມສິ່ງອຳນວຍຄວາມສະດວກທຸກຢ່າງ, ເຊັ່ນ ໂຮງແຮມລະດັບສູງ ແລະ ບ້ານພັກ, ລວມເຖິງ ຮ້ານອາຫານ ແລະ ກິດຈະກຳທ່ອງທ່ຽວພັກຜ່ອນຫຼາກຫຼາຍສີສັນ.” “ຈຳນວນນັກທ່ອງທ່ຽວຕອນນີ້ ເລີ່ມຈະເພີ່ມຂຶ້ນແລ້ວ ໂດຍສະເພາະແມ່ນນັກທ່ອງທ່ຽວຈາກຈີນ, ເກົາຫຼີໃຕ້ ແລະ ຝຣັ່ງ. ໜຶ່ງໃນສິ່ງອຳນວຍຄວາມສະດວກໃໝ່ທີ່ພວກເຮົາໄດ້ກະກຽມສຳລັບນັກທ່ອງທ່ຽວ ກໍຄື ຂົວຂ້າມນ້ຳຊອງໃໝ່ ເຊິ່ງປະຊາຊົນ ແລະ ນັກທ່ອງທ່ຽວສາມາດນຳໃຊ້ໂດຍບໍ່ເສຍຄ່າ,” ທ່ານກ່າວເພີ່ມເຕີມ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ໃນວັນສຸກແລ້ວນີ້ ທ່ານ ທອງລຸນ ສີສຸລິດ ນາຍົກລັດຖະມົນຕີ ໄດ້ສະແດງຄວາມໝັ້ນໃຈ ວ່າເສດຖະກິດລາວຈະກັບມາຂະຫຍາຍຕົວໃນປີໜ້າ ເນື່ອງຈາກໂຄງການລົງທຶນຂະໜາດໃຫຍ່ຫຼາຍໂຄງການຈະເລີ່ມເປີດສາກ.ໃນກອງປະຊຸມສະພາແຫ່ງຊາດ, ທ່ານນາຍົກ ໄດ້ເປີດເຜີຍລາຍຊື່ໂຄງການລົງທຶນຂະໜາດໃຫຍ່ ທີ່ຈະກະຕຸ້ນການຂະຫຍາຍຕົວຂອງເສດຖະກິດໃນຊຸມປີຕໍ່ໜ້າ.ເຊິ່ງລວມມີ ໂຄງການເສັ້ນທາງລົດໄຟລາວ-ຈີນ ທີ່ຈະເລີ່ມປະຕິບັດການໃນປີ 2021, ແລະ ໂຄງການກໍ່ສ້າງທາງດ່ວນ, ທາງລົດໄຟ ແລະ ຂົວເພື່ອເຊື່ອມຕໍ່ກັບບັນດາປະເທດເພື່ອນບ້ານ.ອ່ານຕໍ່ ...

ວຽງຈັນ (ວຽງຈັນທາມສ໌) – ລາວຈຳເປັນຕ້ອງມີລວມຍອດຜະລິດຕະພັນພາຍໃນ (GDP) 27 ສ່ວນຮ້ອຍ ສຳລັບການພັດທະນາ ໃນປີ 2020 ເພື່ອຮັບປະກັນການຂະຫຍາຍຕົວດ້ານເສດຖະກິດຂອງຊາດຢ່າງຕໍ່ເນື່ອງ.ໃນຈຳນວນດັ່ງກ່າວ, 4,750 ຕື້ກີບ, ຫຼື 10.2 ສ່ວນຮ້ອຍຂອງຈຳນວນທັງໝົດ ຈະມາຈາກງົບປະມານພາຍໃນ, ທ່ານ ປອ ສອນໄຊ ສີພັນດອນ ຮອງນາຍົກລັດຖະມົນຕີ ແລະ ລັດຖະມົນຕີກະຊວງແຜນການ ແລະ ການລົງທຶນ ກ່າວຕໍ່ສະພາແຫ່ງຊາດໃນອາທິດແລ້ວນີ້.ການລົງທຶນຂອງລັດຖະບານພາຍໃຕ້ການຊ່ວຍເຫຼືອຢ່າງເປັນທາງການເພື່ອການພັດທະນາ (ODA) ແມ່ນ 8,125 ຕື້ກີບ, ເຊິ່ງທຽບເທົ່າກັບ 17.5 ສ່ວນຮ້ອຍຂອງການລົງທຶນທັງໝົດ.ອ່ານຕໍ່ ...

ວຽງຈັນ (ວຽງຈັນທາມສ໌) – ທະນາຄານກາງຂອງລາວຈະຈັດການກັບສິ່ງທ້າທາຍ ເພື່ອຮັບປະກັນສະຖຽນລະພາບຂອງຄ່າເງິນກີບ ແລະ ເພື່ອສະກັດກັ້ນການອ່ອນຄ່າຂອງເງິນກີບ ທຽບກັບເງິນບາດໄທ, ແລະ ເພື່ອຮັບປະກັນໃຫ້ອັດຕາເງິນເຟີ້ ໃຫ້ຢູ່ຕ່ຳກວ່າລະດັບ 5 ສ່ວນຮ້ອຍ.ຕໍ່ກັບຄຳຖາມກ່ຽວກັບການຄຸ້ມຄອງເງິນຕາ ຈາກສະມາຊິກສະພາແຫ່ງຊາດ ໃນກອງປະຊຸມສະພາໃນວັນພຸດນີ້, ທ່ານ ສອນໄຊ ສິດພະໄຊ ຜູ້ອຳນວຍການທະນາຄານແຫ່ງ ສປປ ລາວ ກ່າວວ່າ ປະເທດລາວຈະສືບຕໍ່ຜະເຊີນກັບສິ່ງທ້າທາຍໃນດ້ານການຄຸ້ມຄອງເງິນຕາຕ່າງປະເທດ ເນື່ອງຈາກເປັນປະເທດຜູ້ນຳເຂົ້າສຸດທິ.ອ່ານຕໍ່ ...

ຜູ້ຕາງໜ້າໄວໜຸ່ມຈາກບັນດາປະເທດພາກພື້ນແມ່ນ້ຳຂອງ-ແມ່ນ້ຳລ້ານຊ້າງ ເຂົ້າຮ່ວມປະຊຸມທີ່ນະຄອນວຽງຈັນ ເພື່ອຫາລືກ່ຽວກັບການຮ່ວມມືໃນອະນາຄົດ ແລະ ແລກປ່ຽນປະສົບການຈາກການປະຕິບັດໜ້າທີ່ການທູດ.ກອງປະຊຸມການຮ່ວມມືນັກການທູດໜຸ່ມພາກພື້ນແມ່ນ້ຳຂອງ-ແມ່ນ້ຳລ້ານຊ້າງ ຈະຈັດຂຶ້ນໃນລະຫວ່າງວັນທີ 14-18 ພະຈິກນີ້. ເປັນກຽດເຂົ້າຮ່ວມໃນພິທີເປີດກອງປະຊຸມດັ່ງກ່າວ ມີທ່ານ ວິລະສັກ ສົມພົງ ວ່າການຫົວໜ້າກົມເສດຖະກິດ ກະຊວງການຕ່າງປະເທດ, ແລະ ທ່ານ ເຈົ້າ ເສີນກັງ ທີ່ປຶກສາ, ຮອງຫົວໜ້າໜ່ວຍພາລະກິດການທູດ ສະຖານທູດຈີນປະຈຳລາວ.ອ່ານຕໍ່ ...

ວຽງຈັນ (ວຽງຈັນທາມສ໌) – ກອງປະຊຸມໃນຫົວຂໍ້ “ເຄືອຂ່າຍເພື່ອລະດົມແນວຄິດດ້ານການກະສິກຳ ແລະ ການພັດທະນາຊົນນະບົດ ສຳລັບບັນດາປະເທດໃນພາກພື້ນລຸ່ມແມ່ນ້ຳຂອງ” ໄດ້ສ້າງເວທີສຳລັບບັນດາປະເທດຜູ້ມີສ່ວນຮ່ວມ ໃນການຫາລືແຜນວຽກຂອງຕົນ.ກອງປະຊຸມວິຊາການດັ່ງກ່າວ ໄດ້ຈັດຂຶ້ນໃນວັນພຸດນີ້, ພາຍໃຕ້ການເປັນປະທານຂອງທ່ານ ປອ ຈັນສະໝອນ ພົງອຸດົມ ຮອງອຳນວຍການສະຖາບັນຄົ້າຄວ້າກະສິກຳ ແລະ ປ່າໄມ້ແຫ່ງຊາດ (NAFRI) ແລະ ທ່ານ ຫງວຽນ ທັນ ຕຸງ ຜູ້ຕາງໜ້າກອງທຶນສາກົນເພື່ອການພັດທະນາດ້ານກະສິກຳ (IFAD) ປະຈຳນະຄອນຮ່າໂນ້ຍ, ຫວຽດນາມ.ອ່ານຕໍ່ ...

ວຽງຈັນ (ວຽງຈັນທາມສ໌) – ແປດບໍລິສັດຊັ້ນນຳຈາກເກົາຫຼີໃຕ້ ຫວັງຈະຂະຫຍາຍໂອກາດທາງດ້ານຕະຫຼາດ ແລະ ທຸລະກິດໃນລາວ ດ້ວຍການວາງຈຳໜ່າຍສິນຄ້າຂອງຕົນ ຫຼີ ຊອກຫາຕົວແທນຈຳໜ່າຍໃນລາວ. ຜູ້ປະກອບການຈາກທັງສອງປະເທດ ຮ່ວມພົບປະໂອ້ລົມ ທີ່ນະຄອນວຽຈັນ ໃນອາທິດແລ້ວນີ້ ໃນລະຫວ່າງພາລະກິດການຄ້າ ຈອນນຳ 2019.ພາລະກິດດັ່ງກ່າວແມ່ນຈັດຕັ້ງໂດຍ ອົງການສົ່ງເສີມການລົງທຶນເກົາຫຼີ (KOTRA) ແລະ ໄດ້ຈັດຂຶ້ນໃນວັນພະຫັດນີ້.ອ່ານຕໍ່ ...

(ຂປລ) ກະຊວງກະສິກຳ ແລະ ປ່າໄມ້ ຈະເນັ້ນໃສ່ການພັດທະນາຂະແໜງການກະເສດໃຫ້ທັນສະໄໝ ແລະ ສຸມໃສ່ການຜະລິດສິນຄ້າທີ່ສົດ, ສະອາດ, ປອດສານເຄມີ ເຂົ້າສູ່ຕະຫຼາດພາຍໃນ ແລະ ຕ່າງປະເທດ, ທ່ານລັດຖະມົນຕີກະຊວງກະສິກຳ ແລະ ປ່າໄມ້ກ່າວ.ກະຊວງຈະເອົາໃຈໃສ່ສະໜັບສະໜູນບັນດາຄົວເຮືອນ, ທຸລະກິດຂະໜາດນ້ອຍ ແລະ ຂະໜາດກາງ ໃນຂົງເຂດການຄົ້ນຄວ້າກະສິກຳ ແລະ ປ່າໄມ້, ແລະ ສົ່ງເສີມການຜະລິດແບບຄອບຄົວ, ທ່ານລັດຖະມົນຕີ ຫຼຽນ ທິແກ້ວ ກ່າວໃນກອງປະຊຸມສະໄໝສາມັນຄັ້ງທີ 8 ຂອງສະພາແຫ່ງຊາດ ໃນວັນທີ 13 ພະຈິກ 2019.ອ່ານຕໍ່ ...