News

ວຽງຈັນ (ວຽງຈັນທາມສ໌/ANN) –  ແຜ່ນແພທີ່ຕ່ຳດ້ວຍມືຂອງເມືອງຊຳໃຕ້ ແຂວງຫົວພັນ ກຳລັງເປັນທີ່ນິຍົມໃນເມືອງແຫ່ງໜຶ່ງຂອງສະຫະລັດ ເຊິ່ງໄດ້ມີການວາງສະແດງໃນງານຕະຫຼາດສິລະປະທ້ອງຖິ່ນນາໆຊາດ ຄັ້ງທີ 16 ຢູ່ທີ່ເມືອງຊັນຕາເຟ, ລັດນິວເມັກຊິໂກ ໃນອາທິດແລ້ວນີ້.ສອງຕົວແທນຈາກແຂວງຫົວພັນໄດ້ຮັບການເຊື້ອເຊີນໃຫ້ເຂົ້າຮ່ວມໃນງານດັ່ງກ່າວ ເຊິ່ງຈັດຂຶ້ນໃນລະຫວ່າງວັນທີ 13-15 ກໍລະກົດນີ້.ອ່ານຕໍ່  ...

ວຽງຈັນ (ວຽງຈັນທາມສ໌) – ອີກບໍ່ດົນ ຫຼັກສູດການສຶກສາວິຊາຊີບຈະກາຍເປັນສ່ວນໜຶ່ງຂອງຫຼັກສູດການສຶກສາມາດຕະຖານທົ່ວປະເທດ ເຊິ່ງເປັນສ່ວນໜຶ່ງຂອງນະໂຍບາຍຂອງລັດຖະບານໃນການເພີ່ມທະວີການສ້າງແຮງງານທີ່ມີທັກສະ ເພື່ອຕອບສະໜອງຄວາມຮຽກຮ້ອງຕ້ອງການດ້ານການພັດທະນາ.ບາດກ້າວດັ່ງກ່າວແມ່ນເພື່ອສະໜັບສະໜູນເປົ້າໝາຍຂອງລັດຖະບານໃນການເພີ່ມທີວະການສ້າງຊັບພະຍາກອນມະນຸດເຂົ້າສູ່ຕະຫຼາດແຮງງານ ເພື່ອຕອບສະໜອງແຮງງານທີ່ມີທັກສະເຊິ່ງເປັນທີ່ຕ້ອງການໃນອຸດສາຫະກຳ.ອ່ານຕໍ່ ...

ວຽງຈັນ (ວຽງຈັນທາມສ໌) – ຄະນະກຳມະການ  ເມໂທດິດສ໌ ຢູໄນເຕັດ ບັນເທົາທຸກ (UMCOR) ຂອງສະຫະລັດອາເມລິກາ ໄດ້ໃຫ້ທຶນຊ່ວຍເຫຼືອຈຳນວນ 4 ຕື້ກີບ (US$500,000 ໂດລາ) ສຳລັບການປະຕິບັດການເກັບກູ້ລະເບີດຂອງອົງການເກັບກູ້ລະເບີດແມັກ ຢູ່ແຂວງຄຳມ່ວນ.ພິທີເຊັນບົດບັນທຶກຄວາມເຂົ້າໃຈຂອງໂຄງການດັ່ງກ່າວໄດ້ມີຂຶ້ນທີ່ນະຄອນວຽງຈັນໃນວັນສຸກແລ້ວນີ້ ລະຫວ່າງຄະນະກຳມະການຄຸ້ມຄອງວຽກງານເກັບກູ້ລະເບີດ/ມິນ ແຫ່ງຊາດ/ຂະແໜງເກັບກູ້ລະເບີດ ແລະ ອົງການເກັບກູ້ລະເບີດແມັກປະຈຳລາວ.ອ່ານຕໍ່ ...

ສະຖາບັນເສດຖະກິດ ແລະ ການເງິນດົງຄຳຊ້າງໄດ້ເລີ່ມຕົ້ນການກໍ່ສ້າງໃນໄລຍະທີສາມ ເຊິ່ງເປັນສ່ວນໜຶ່ງຂອງຄວາມພະຍາຍາມໃນການສ້າງສະຖາບັນໃຫ້ເປັນສູນການສຶກສາດ້ານການເງິນອັນດັບຕົ້ນໆຂອງປະເທດ.ພິທີວາງສິລາເລີກສຳລັບການກໍ່ສ້າງໃນໄລຍະທີສາມດັ່ງກ່າວໄດ້ມີຂຶ້ນທີ່ສະຖາບັນໃນວັນສຸກຜ່ານມານີ້ ພາຍໃຕ້ການເປັນສັກຂີພະຍານຂອງທ່ານ ສົມດີ ດວງດີ ລັດຖະມົນຕີກະຊວງການເງິນຂອງລາວ ແລະ ທ່ານ ດິນ ຕຽນ ດັງ ລັດຖະມົນຕີກະຊວງການເງິນຂອງຫວຽດນາມ.ໂຄງການກໍ່ສ້າງສະຖາບັນເສດຖະກິດ ແລະ ການເງິນດົງຄຳຊ້າງ ແມ່ນໂຄງການຮ່ວມມືລະຫວ່າງລັດຖະບານລາວ ແລະ ລັດຖະບານຫວຽດນາມ. ເຊິ່ງແບ່ງເປັນສາມໄລຍະ, ໄລຍະທີໜຶ່ງໄດ້ສຳເລັດໃນທ້າຍປີ 2008 ສ່ວນໄລຍະທີສອງແມ່ນສຳເລັດໃນປີ 2014.ອ່ານຕໍ່  ...

ວຽງຈັນ (ວຽງຈັນທາມສ໌) – ແມ່ນ້ຳຂອງ ໜຶ່ງໃນແມ່ນ້ຳທີ່ໃຫຍ່ທີ່ສຸດໃນອາຊີຕາເວັນອອກສຽງໃຕ້ ກຳລັງຜະເຊີນກັບວິກິດລະດັບນ້ຳທີ່ຕ່ຳທີ່ສຸດໃນປະຫວັດສາດ, ເຊິ່ງຊາວນະຄອນວຽງຈັນທີ່ອາໄສແມ່ນ້ຳໃນການດຳລົງຊີວິດ ກຳລັງຜະເຊີນກັບຄວາມຫຍຸ້ງຍາກໃນການດຳເນີນກິດຈະກຳ.ໄຊຊະນະ ບຸນຍະລັດ ທີ່ດຳລົງຊີວິດດ້ວຍການຫາປາຕາມລຳແມ່ນ້ຳໃນເຂດທ່າວັດຈັນມາແຕ່ 1975 ກ່າວໃນມື້ວານນີ້ວ່າ ບໍ່ເຄີຍເຫັນລະດັບນ້ຳທີ່ຫຼຸດຕ່ຳເຊັ່ນນີ້ມາກ່ອນໃນຊ່ວງໄລຍະນີ້ຂອງປີ.ອ່ານຕໍ່  ...

ວຽງຈັນ (ວຽງຈັນທາມສ໌) – ລັດຖະບານໄດ້ແຈ້ງເຕືອນ ຫ້າມບໍ່ໃຫ້ພະນັກງານລັດຖະກອນນຳໃຊ້ອຳນາດໜ້າທີ່ຕຳແໜ່ງຂອງຕົນເພື່ອຜົນປະໂຫຍດສ່ວນຕົວ ຫຼື ຂອງພີ່ນ້ອງ ແລະ ຜູ້ໃກ້ຊິດ, ບໍ່ດັ່ງນັ້ນຈະຖືກລົງໂທດຕາມລະບຽບການ.ຫວ່າງໝໍ່ໆມານີ້ ທ່ານ ທອງລຸນ ສີສຸລິດ ນາຍົກລັດຖະມົນຕີ ໄດ້ລົງນາມຮັບຮອງເອົາດຳລັດຂອງລັດຖະບານວ່າດ້ວຍຈັນຍາບັນຂອງລັດຖະກອນ ເຊິ່ງລະບຸລາຍລະອຽດແນວທາງດ້ານຈັນຍາບັນສຳລັບລັດຖະກອນ.ອ່ານຕໍ່ ...

ວຽງຈັນ (ວຽງຈັນທາມສ໌) – ໃນອາທິດແລ້ວນີ້ ທະນາຄານແຫ່ງ ສປປ ລາວ (BOL) ໄດ້ມີການແຕ່ງຕັ້ງທ່ານ ອ໊ອດ ພົນຊຽງດີ ອະດີດຫົວໜ້າກົມການຮ່ວມມືສາກົນ ໃຫ້ເປັນຜູ້ບໍລິຫານຄົນໃໝ່ຂອງຕະຫຼາດຫຼັກຊັບລາວ (LSX).ສ່ວນທ່ານ ວັນຄຳ ວໍລະວົງ ອະດີດຜູ້ບໍລິຫານຕະຫຼາດຫຼັກຊັບລາວ LSX ໄດ້ເຂົ້າຮັບໜ້າທີ່ໃໝ່ຢູ່ທີ່ທະນາຄານກາງ ຕາມທະນາຄານແຫ່ງ ສປປ ລາວ.ອ່ານຕໍ່ ...

ລະດັບນ້ຳໃນແມ່ນ້ຳຂອງໃນປະຈຸບັນແມ່ນຕ່ຳທີ່ສຸດໃນຮອບສັດຕະວັດຕາມການບັນທຶກໃນວັນທີ 19 ກໍລະກົດນີ້, ເຊິ່ງຫຼຸດຕ່ຳກວ່າລະດັບທີ່ບັນທຶກໃນເດືອນເມສາ 1973.ສູນ Stimson ອາຊີຕາເວັນອອກສຽງໃຕ້ ລາຍງານວ່າ ຕາມພາບຖ່າຍຈາກດາວທຽມຫຼ້າສຸດ ລະດັບນ້ຳໃນແມ່ນ້ຳດັ່ງກ່າວແມ່ນຫຼຸດຕ່ຳລົງຢ່າງເຫັນໄດ້ຈະແຈ້ງ ຈາກຈຳນວນເກາະດອນ ແລະ ສັນຊາຍທີ່ພົ້ນຂຶ້ນເໜືອໜ້ານ້ຳເປັນຈຳນວນຫຼວງຫຼາຍ. ບົດລາຍງານດັ່ງກ່າວຕົ້ນຕໍແມ່ນອ້າງອີງເຖິງລະດັບນ້ຳໃນບໍລິເວນສາມຫຼ່ຽມທອງຄຳ ເຊິ່ງເປັນເຂດຊາຍແດນລະຫວ່າງໄທ, ລາວ ແລະ ມຽນມາ.ບົດລາຍງານຍັງກ່າວອີກວ່າ “ນີ້ອາດຈະເປັນສະພາບປົກກະຕິຂອງແມ່ນ້ຳຂອງໃນຍຸກໃໝ່ ເນື່ອງຈາກການຄວບຄຸມການໄຫຼຂອງນ້ຳໃນເຂື່ອນຕົ້ນນ້ຳ ແລະ ການປ່ຽນແປງຂອງສະພາບອາກາດ ສົ່ງຜົນໃຫ້ເກີດໄພແລ້ງທີ່ກິນເວລາຍາວນານ.”ອ່ານຕໍ່ ...

ແມ່ນ້ຳຂອງເຊິ່ງໄຫຼຜ່ານປະເທດລາວ ກຳລັງຜະເຊີນກັບສະພາບລະດັບນ້ຳທີ່ຕ່ຳທີ່ສຸດໃນປະຫວັດສາດ ເນື່ອງຈາກຝົນຂາດຊ່ວງ.ຢູ່ວຽງຈັນ ລະດັບນ້ຳໃນແມ່ນ້ຳຂອງແມ່ນຢູ່ທີ່ 0.7 ແມັດ, ຫຼື 5.54 ແມັດຕ່ຳກວ່າລະດັບນ້ຳສະເລ່ຍໃນຮອບ 57 ປີ (1961-2018). ເຊິ່ງຕ່ຳກວ່າລະດັບນ້ຳຕ່ຳສຸດທີ່ເຄີຍວັດແທກໄດ້ 1.36 ແມັດ.ໃນລະຫວ່າງວັນທີ 16 ແລະ 18 ກໍລະກົດ, ລະດັບນ້ຳຢູ່ສະຖານນີວັດແທກນ້ຳດັ່ງກ່າວແມ່ນຢູ່ທີ່ 5.58 ແມັດ, ຕາມຄະນະກຳມາທິການແມ່ນ້ຳຂອງ (MRC).ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ປະລິມານໜີ້ສິນຂອງລັດຖະບານທີ່ມີຕໍ່ບໍລິສັດເອກະຊົນແມ່ນມີສູງເຖິງ 10.14 ພັນຕື້ກີບ, ສ້າງຄວາມກົດດັນມະຫາສານຕໍ່ລັດຖະບານໃນການແກ້ໄຂບັນຫາໜີ້ສິນ ແລະ ຮັກສາລະດັບການຂະຫຍາຍຕົວຂອງເສດຖະກິດ.ປະຈຸບັນ ລັດຖະບານສັນຍາວ່າຈະຈັດສັນທຶນຮອນເພີ່ມເຕີມເພື່ອຊົດໃຊ້ໜີ້ສິນໃຫ້ແກ່ບໍລິສັດເອກະຊົນ ເພື່ອຮັກສາສະພາບຄ່ອງຕົວດ້ານການເງິນ ແລະ ເສີມຂະຫຍາຍການດຳເນີນກິດຈະກຳ.ອ່ານຕໍ່ ...