ຮອງນາຍົກລັດຖະມົນຕີລາວຊີ້ແຈງວ່າ ຍ້ອນການວິໃຈດິນເຮັດບໍ່ໄດ້ດີຈຶ່ງເປັນສາເຫດໃຫ້ເຂື່ອນແຕກ, ເຮັດໃຫ້ເກີດໄພນ້ຳຖ້ວມຄັ້ງຮ້າຍແຮງທີ່ສຸດໃນລາວ.ໃນກອງປະຊຸມກ່ຽວກັບນະໂຍບາຍສິ່ງແວດລ້ອມໃນອາທິດແລ້ວນີ້, ທ່ານ ບຸນທອງ ຈິດມະນີ ຮອງນາຍົກລັດຖະມົນຕີ ເຊິ່ງເປັນຫົວໜ້າຄະນະກຳມະການສືບສວນສອບສວນ ຫາສາເຫດທີ່ເຮັດໃຫ້ເກີດໄພພິບັດຈາກໂຄງການເຂື່ອນໄຟຟ້າເຊປຽນ-ເຊນ້ຳນ້ອຍ (PNPC), ລະບຸສາເຫດຂອງເຂື່ອນແຕກແມ່ນມາຈາກການຂາດການກວດກາຢ່າງເຂັ້ມງວດ.ອ່ານຕໍ່ ...

ໂຕກຽວ (ວຽງຈັນທາມສ໌/ANN) – ການຍືດຖື ແລະ ປະຕິບັດຕາມຫຼັກການສາກົນທີ່ມີຢູ່ແມ່ນວິທີທີ່ດີທີ່ສຸດເພື່ອຂ້າມຜ່ານສິ່ງທ້າທາຍໃນປະຈຸບັນ, ໃນຂະນະທີ່ການຈັດຕັ້ງຫຼັກການສາກົນໃໝ່ອາດເປັນອີກຫນຶ່ງທາງເລືອກໃນການແກ້ໄຂບັນຫາທີ່ເກີດຂຶ້ນ, ທ່ານ ທອງລຸນ ສີສຸລິດ ນາຍົກລັດຖະມນຕີກ່າວໃນກອງປະຊຸມສາກົນທີ່ປະເທດຍີ່ປຸ່ນໃນວັນສຸກທີ່ຜ່ານມາ.ກອງປະຊຸມອະນາຄົດຂອງອາຊີ, ພາຍໃຕ້ຫົວຂໍ້ທີ່ວ່າ “ການຄົ້ນຫາລະບຽບຫຼັກການສາກົນໃໝ່ – ການຂ້າມຜ່ານຄວາມສັບສົນວຸ້ນວາຍ” ເຊິ່ງຈັດຂຶ້ນເມື່ອລະບຽບຫຼັກການສາກົນພວມໄດ້ຮັບການຂົ່ມຂູ່ ແລະ ຖືກຄຸກຄາມ. ທົ່ວໂລກກຳລັງຕົກຢູ່ໃນສະພາບຄວາມບໍ່ແນ່ນອນ ເຊັ່ນ ສົງຄາມການຄ້າລະຫວ່າງສະຫະລັດ-ຈີນ ແລະ ການເກີດຂຶ້ນຂອງລັດທິຄຸ້ມຄອງການຄ້າ.ອ່ານຕໍ່ ...

ອຸດົມໄຊ, ລາວ (ວຽງຈັນທາມສ໌/ANN) – ເຈົ້າໜ້າທີ່ແຂວງອຸດົມໄຊ ເພີ່ມທະວີຄວາມພະຍາຍາມໃນການກໍ່ສ້າງແຂວງໃຫ້ເປັນຈຸດດຶງດູດນັກທ່ອງທ່ຽວ ແລະ ປັບປຸງສະຖານທີ່ທ່ອງທ່ຽວທີ່ໜ້າສົນໃຈ ເພື່ອດຶງດູດນັກທ່ອງທ່ຽວໃຫ້ເຂົ້າມາທ່ຽວແຂວງຫຼາຍຂຶ້ນ.ທ່ານ ບຸນຄຳ ມິດເມືອງໄຊ ຮອງຫົວໜ້າພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງໄດ້ກ່າວຜ່ານວຽງຈັນທາມສ໌ ໃນວັນຈັນນີ້ວ່າ ອຳນາດການປົກຄອງກຳລັງວາງແຜນໃນການປັບປຸງສະຖານທີ່ທ່ອງທ່ຽວນ້ຳກັດຍໍລະປາຣີສອດ, ວັດພະເຈົ້າສິງຄຳ ແລະ ວັດພູທາດລັດຕະນະມິ່ງເມືອງ.ອ່ານຕໍ່ ...

(ຂປລ) ໃນວັນທີ 26 ສິງຫານີ້ ກົມພາສີ, ກະຊວງການເງິນ ຮ່ວມກັບອົງການພາສີໂລກ (WCO) ຈັດຕັ້ງຊຸດຝຶກອົບຮົມກ່ຽວກັບການນຳໃຊ້ມາດຕະຖານຜູ້ປະກອບການທຸລະກິດທີ່ຜ່ານການຮັບຮອງ (AEO) ເພື່ອພັດທະນາຄວາມສາມາດຂອງໜ່ວຍງານຄຸ້ມຄອງພາສີຂອງ ສປປ ລາວ ໃຫ້ສາມາດກວດສອບ, ກວດກາ ແລະ ອະນຸມັດການຂໍອະນຸມັດສະຖານະ AEO ຈາກຂະແໜງເອກະຊົນໄດ້ຢ່າງມີປະສິດທະພາບ.ຄວາມຮູ້ ແລະ ຄວາມເຂົ້າໃຈທີ່ຖືກຕ້ອງກ່ຽວກັບການຈັດຕັ້ງປະຕິບັດໂຄງການ AEO ຈະຊ່ວຍໃນການປັບປຸງສະພາບແວດລ້ອມດ້ານການຄ້າໃນ ສປປ ລາວ ໃຫ້ດຳເນີນໄປຢ່າງເໝາະສົມ ແລະ ກົມກຽວ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລາວກຳລັງພັດທະນາແຜນຍຸດທະສາດໃນການສ້າງສູນເຄືອຂ່າຍລະບົບການເຊື່ອມຕໍ່ກະແສໄຟຟ້າຂອງພາກພື້ນພາຍໃນປີ 2025.ທ່ານ ສີຊາດ ບຸດຊະກິດຕິລາດ ຫົວໜ້າກົມຄຸ້ມຄອງພະລັງງານ ພາຍໃຕ້ກະຊວງພະລັງງານ ແລະ ບໍ່ແຮ່ ໄດ້ຜ່ານລາຍລະອຽດແຜນການດັ່ງກ່າວໃນກອງປະຊຸມວິຊາການກ່ຽວກັບບົດຮຽນທາງທຸລະກິດເພື່ອການປັບປຸງຂະແໜງອຸດສາຫະກຳພະລັງງານ.ອ່ານຕໍ່ ...

ມະຫາວິທະຍາໄລແຫ່ງຊາດວຽງຈັນ ຈະຮັບນັກສຶກສາປະມານ 8,100 ຄົນ ເພື່ອເຂົ້າຮຽນໃນ 13​ ຄະນະວິຊາສຳລັບສົກການສຶກສາທີ່ຈະມາເຖິງນີ້ ຜ່ານການສອບເສັງເຂົ້າມາຫາວິທະຍາໄລ.ການສອບເສັງດັ່ງກ່າວໄດ້ຈັດຂຶ້ນຢູ່ທີ່ມະຫາວິທະຍາໄລໃນວັນເສົາແລ້ວນີ້ ພາຍໃຕ້ການຊ້ອງໜ້າຂອງທ່ານ ສຈ.ປອ ສົມສີ ຍໍພັນໄຊ ຮອງລັດຖະມົນຕີກະຊວງສຶກສາທິການ ແລະ ກິລາ ແລະ ອະທິການບໍດີມະຫາວິທະຍາໄລ.ອ່ານຕໍ່   ...

ເຈົ້າໜ້າທີ່ສາທາລະນະສຸກ ແລະ ອຳນາດການປົກຄອງທ້ອງຖິ່ນຄວນເພີ່ມທະວີສະໜອງຂໍ້ມູນດ້ານການບໍລິການສາທາລະນະສຸກກ່ຽວກັບໄວຈະເລີນພັນ ແລະ ເພດສຶກສາສຳລັບໄວໜຸ່ມເພື່ອຫຼຸດຜ່ອນອັດຕາການຖືພາໃນເວລາທີ່ບໍ່ພ້ອມ.ການຖືພາໃນເວລາທີ່ບໍ່ພ້ອມ ແມ່ນໜຶ່ງໃນສາເຫດໃຫ້ແມ່ຍິງບໍ່ສາມາດອອກໄປເຮັດວຽກນອກບ້ານ ແລະ ມີທ່າອ່ຽງຈຳກັດກ່ຽວກັບອຳນາດທາງການເງິນ. ຍິ່ງໄປກວ່ານັ້ນ,​ ພັນທະໃນການລ້ຽງລູກຍັງເປັນສາເຫດໃຫ້ແມ່ຍິງຜະເຊີນກັບການເລືອກປະຕິບັດໃນການເຂົ້າເຮັດວຽກ.ອ່ານຕໍ່ ...

(ຂປລ) ສະຖານທູດມາເລເຊຍ ວຽງຈັນ ສປປ ລາວ ສົ່ງເສີມໃຫ້ພະນັກງານລັດສະໝັກທຶນຫຼັກສູດຝຶກອົບຮົມໄລຍະສັ້ນ ພາຍໃຕ້ໂຄງການຮ່ວມມືດ້ານວິຊາການມາເລເຊຍ ຫຼື MTCP.ທຶນຫຼັກສູດຝຶກອົບຮົມທີ່ປະເທດມາເລເຊຍດັ່ງກ່າວ ຈະຊ່ວຍໃຫ້ພະນັງງານລາວໄດ້ຮຽນຮູ້ ແລະ ພັດທະນາທັກສະຜ່ານການຝຶກອົບຮົມໃນຂະແໜງການຕ່າງໆ ເຊັ່ນ ພາສາອັງກິດ, ການຄຸ້ມຄອງພາກລັດ, ການບໍລິຫານຈັດການທີ່ດີ, ການສຶກສາ, ການພັດທະນາແບບຍືນຍົງ, ການກະສິກຳ, ການຫຼຸດຜ່ອນຄວາມທຸກຍາກ ແລະ ອື່ນໆ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ໂຮງງານປຸງແຕ່ງໄມ້ ແລະ ໂຮງເຟີນີເຈີລະດັບຄົວເຮືອນກວ່າ 500 ແຫ່ງໄດ້ຖືກສັ່ງປິດ ນັບແຕ່ມີການອອກຄຳສັ່ງນາຍົກລັດຖະມົນຕີສະບັບເລກທີ 5 ໃນປີ 2016.ໃນຈຳນວນໂຮງງານປຸງແຕ່ງໄມ້ ແລະ ໂຮງເຟີນີເຈີທັງໝົດ 1,595 ແຫ່ງໃນທົ່ວປະເທດທີ່ມີການທຳການໃນປີ 2016, ມີໂຮງງານໄມ້ພຽງ 1,086 ແຫ່ງທີ່ຍັງຄົງດຳເນີນການ, ທ່ານ ທອງລຸນ ສີສຸລິດ ນາຍົກລັດຖະມົນຕີ ກ່າວຕໍ່ທີ່ປະຊຸມນິຕິບັດຍັດຂອງສະພາແຫ່ງຊາດສະໄໝສາມັນຄັ້ງທີ 7.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ກະຊວງການເງິນຄາດວ່າຈະເດີນໜ້າການປະຕິຮູບຄັ້ງໃຫຍ່ໃນຄະນະບໍລິຫານການເງິນ ເພື່ອກ້າວໄປສູ່ການນຳໃຊ້ລະບົບທັນສະໄໝ ຜ່ານໂຄງການເສີມຂະຫຍາຍດ້ານເຕັກໂນໂລຊີຂໍ້ມູນຂ່າວສານ ແລະ ການສື່ສານ (ICT) ແລະ ການຝຶກທັກສະ.ໜຶ່ງໃນໂຄງການການຮ່ວມມືທີ່ສຳຄັນທີ່ສຸດ ແມ່ນແຜນພັດທະນາຍຸດທະສາດຮ່ວມລະຫວ່າງລັດຖະບານ ແລະ ທະນາຄານໂລກ ປີ 2019-2025, ເຊິ່ງກະຊວງການເງິນ, ໃນນາມຂອງລັດຖະບານ, ໄດ້ຕັ້ງເປົ້າງົບປະມານໄວ້ທີ່ US$20 ລ້ານໂດລາສຳລັບໂຄງການພັດທະນາຄວາມສາມາດດັ່ງກ່າວ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ເຈົ້າໜ້າທີ່ລັດຖະບານ ແລະ ຕາງໜ້າຜູ້ປະກອບການທ່ອງທ່ຽວເອກະຊົນແຂວງບໍລິຄຳໄຊ ເຂົ້າຮ່ວມກອງປະຊຸມສຳມະນາເພື່ອສ້າງຄວາມເຂັ້ມແຂງດ້ານການຮ່ວມມື ແລະ ການມີສ່ວນຮ່ວມເພື່ອສະກັດກັ້ນການຄ້າມະນຸດ, ເຊິ່ງຈະຈັດຂຶ້ນຢູ່ແຂວງໃນວັນທີ 13-14 ພຶດສະພາ.ກອງປະຊຸມສຳມະນາດັ່ງກ່າວມີເປົ້າໝາຍໃນການຍົກລະດັບຄວາມຮູ້ກ່ຽວກັບການຄ້າມະນຸດ, ປຶກສາຫາລືຖອດຖອນບົດຮຽນ, ແລະ ສ້າງການຮ່ວມມືລະຫວ່າງບັນດາໜ່ວຍທຸລະກິດດ້ານການທ່ອງທ່ຽວ ເຊັ່ນ ໂຮງແຮມ ແລະ ບ້ານພັກ, ຮ້ານອາຫານ ແລະ ສະຖານບັນເທິງ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດຖະບານຍີ່ປຸ່ນໄດ້ອະນຸມັດໂຄງການໃໝ່ຂອງອົງການຮ່ວມມືສາການຍີ່ປຸ່ນ (JICA) ຜ່ານສະຖາບັນພັດທະນາຊັບພະຍາກອນມະນຸດລາວ-ຍີ່ປຸ່ນ (LJI) ເພື່ອລະໜັບສະໜູນການພັດທະນາຂະແໜງເອກະຊົນ ແລະ ການລົງທຶນຂອງຍີ່ປຸ່ນໃນລາວ.ໂຄງການໃໝ່ເພື່ອການພັດທະນາຄວາມສາມາດຂອງນັກທຸລະກິດມືອາຊີບ ແລະ ການສ້າງເຄືອຂ່າຍຜ່ານ LJI ໄດ້ມີການລົງນາມໃນອາທິດແລ້ວນີ້ ລະຫວ່າງ ທ່ານ ຮສ ພຸດ ສິມມາລາວົງ ຮອງອຳນວຍການມະຫາວິທະຍາໄລແຫ່ງຊາດລາວ ແລະ ທ່ານ ໂຢຊິຮາຣຸ ໂຢເນຢາມະ ຫົວໜ້າຫ້ອງການ JICA ປະຈຳລາວ ໃນລະຫວ່າງກອງປະຊຸມ 9th JCC  ເພື່ອສ້າງຄວາມສາມາດສຳລັບການພັດທະນາຂະແໜງເອກະຊົນ ແລະ ການລົງທຶນຂອງໂຄງການຍີ່ປຸ່ນໃນລາວ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ສະພາແຫ່ງຊາດໄດ້ສອບຖາມກ່ຽວກັບແຜນການຂອງລັດຖະບານ ໃນການຟື້ນຟູເນື້ອທີ່ປ່າໄມ້ໃຫ້ໄດ້ 70 ເປີເຊັນພາຍໃນປີ 2020 ຫຼັງຈາກສັງເກດເຫັນການສູນເສຍພື້ນທີ່ປ່າໄມ້ເປັນຈຳນວນຫຼວງຫຼາຍໃນຊ່ວງທົດສະວັດຜ່ານມາ.ຕົ້ນໄມ້ໃຫຍ່ໆໄດ້ຖືກຕັດ ແລະ ພື້ນທີ່ປ່າສະຫງວນໄດ້ຮັບການບຸກລຸກ ແລະ ທຳລາຍ ອັນເປັນຜົນມາຈາກໂຄງການພັດທະນາ, ການຄ້າໄມ້ເຖື່ອນ ແລະ ການຖາງປ່າຈູດປ່າເຮັດໄຮ່.ອ່ານຕໍ່ ...

(ຂປລ) ປື້ມຄູ່ມືການຄົ້ນຄວ້າ “ຈັນຍາບັນໃນການຄົ້ນຄວ້າວິໄຈໃນລາວ ແລະ ປະເທດໃນພາກພື້ນແມ່ນ້ຳຂອງ” 250 ກວ່າສະບັບ ໄດ້ມີການແຈກຢາຍໃຫ້ແກ່ມະຫາວິທະຍາໄລວິທະຍາສາດການແພດ (UHS) ເພື່ອນຳໃຊ້ເປັນຄູ່ມືໃນການດຳເນີນການຄົ້ນຄວ້າໃຫ້ມີຈັນຍາບັນ ເພື່ອເປັນແນວທາງໃຫ້ແກ່ແພດໝໍ, ຄູອາຈານ, ນັກສຶກສາ,​ ນັກຄົ້ນຄວ້າ ແລະ ຜູ້ບໍລິຫານ ໃນການດຳເນີນການສຶກສາຄົ້ນຄວ້າ.ອ່ານຕໍ່  ...

ວຽງຈັນ (ວຽງຈັນທາມສ໌/ANN) – ຈຳນວນນັກທ່ອງທ່ຽວທັງພາຍໃນ ແລະ ຕ່າງປະເທດທີ່ເຂົ້າມາລາວໃນສາມເດືອນຕົ້ນປີນີ້ ຫຼຸດຈຳນວນລົງເລັກນ້ອຍທຽບກັບໄລຍະດຽວກັນຂອງປີກາຍ, ແຕ່ວ່າຈຳນວນນັກທ່ອງທ່ຽວຈາກຈີນກໍເພີ່ມຂຶ້ນຫຼາຍເຊັ່ນກັນ.ໃນຊ່ວງໄຕມາດທຳອິດຂອງປີນີ້ ມີນັກທ່ອງທ່ຽວເຂົ້າມາໃນລາວຫຼາຍກວ່າໜຶ່ງລ້ານຄົນ, ຫຼຸດລົງ 0.5% ທຽບກັບປີຜ່ານມາ ໃນຂະນະດຽວກັນຈຳນວນນັກທ່ອງທ່ຽວຈາກຈີນແມ່ນເພີ່ມຂຶ້ນ 16%, ຕາມກົມພັດທະນາການທ່ອງທ່ຽວ ກະຊວງຖະແຫຼງຂ່າວ,​ ວັດທະນະທຳ ແລະ ທ່ອງທ່ຽວ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຜູ້ປະກອບການຕ່າງປະເທດທີ່ດຳເນີນທຸລະກິດໃນລາວບໍ່ຖືກຕ້ອງຈະຖືກລົງໂທດ ແລະ ປັບໃໝຕາມລະບຽບການ. ກະຊວງອຸດວາຫະກຳ ແລະ ການຄ້າໄດ້ອອກຄຳສັ່ງແນະນຳຫວ່າງໝໍ່ໆມານີ້ ກ່ຽວກັບແນວທາງການຄຸ້ມຄອງຫົວໜ່ວຍທຸລະກິດທີ່ບໍ່ມີໃບອະນຸຍາດ.ຫົວໜ່ວຍທຸລະກິດໃດໆທີ່ດຳເນີນການໂດຍບໍ່ມີໃບທະບຽນທຸລະກິດ ແລະ ໃບອະນຸຍາດດຳເນີນທຸລະກິດທີ່ຖືກຕ້ອງຈະຖືກປັບໃໝ 10 ລ້ານກີບ ແລະ ຖືກສັ່ງງົດດຳເນີນທຸລະກິດ. ຜູ້ປະກອບການທີ່ບໍ່ມີເອກະສານຈະຕ້ອງໄປຈົດທະບຽນທຸລະກິດຂອງຕົນ ແລະ ຂໍໃບອະນຸຍາດດຳເນີນທຸລະກິດພາຍໃນກຳນົດ 90 ວັນ ຈຶ່ງຈະສາມາດກັບມາດຳເນີນກິດຈະກຳຕາມເດີມ, ຕາມຄຳສັ່ງແນະນຳສະບັບດັ່ງກ່າວ ເຊິ່ງມີຜົນບັງຄັບໃຊ້ມາແຕ່ວັນທີ 3 ກໍລະກົດ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ທະນາຄານແຫ່ງ ສປປ ລາວ ໄດ້ແຈ້ງການກ່ຽວກັບການອອກທະນະບັດໃບ 500 ກີບສະບັບປີ 2015. ທະນາຄານກາງໄດ້ແຈ້ງການລ່ວງໜ້າກ່ຽວກັບການອອກທະນະບັດໃໝ່ດັ່ງກ່າວ ເພື່ອເປັນການຕັດຂໍ້ສົງໄສກ່ຽວກັບການນຳໃຊ້ທະນະບັດດັ່ງກ່າວ.ທະນາຄານກາງໄດ້ອອກແຈ້ງການໃນວັນທີ 24 ກັນຍາ ເຊິ່ງມີເນື້ອໃນວ່າ ຈະເລີ່ມໝູນວຽນການນຳໃຊ້ທະນະບັດໃບ 500 ກີບ ສະບັບປີ 2015 ຢ່າງເປັນທາງການໃນວັນທີ 7 ຕຸລານີ້. ສ່ວນທະນະບັດໃບ 500 ກີບສະບັບປີ 1998 ກໍຍັງສືບຕໍ່ນຳໃຊ້ໄດ້ຕາມປົກກະຕິ ຄຽງຄູ່ກັບທະນະບັດໃໝ່ນີ້.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ກະຊວງອຸດສາຫະກຳ ແລະ ການຄ້າມີແຜນນຳໃຊ້ກົດບັດການບໍລິການໃໝ່ ເພື່ອຫຼຸດຜ່ອນໄລຍະເວລາໃນການອະນຸມັດການນຳເຂົ້າ ແລະ ສົ່ງອອກສິນຄ້າ ເຊິ່ງເປັນສ່ວນໜຶ່ງຂອງພາລະກິດການປັບປຸງສະພາບແວດລ້ອມການດຳເນີນທຸລະກິດໃນລາວ.ກົມນຳເຂົ້າ ແລະ ສົ່ງອອກຂອງກະຊວງ ກ່າວໃນບົດລາຍງານສະບັບຫຼ້າສຸດວ່າ ທາງກົມມີແຜນໃນການນຳໃຊ້ກົດບັດການບໍລິການດັ່ງກ່າວພາຍໃນປີນີ້ ເພື່ອໃຫ້ຜູ້ປະກອບການທຸລະກິດ ໄດ້ຮັບປະໂຫຍດຈາກການບໍລິການຈາກກົມທີ່ວ່ອງໄວຂຶ້ນກວ່າເດີມ.ພາຍໃຕ້ກົດບັດການບໍລິການສະບັບໃໝ່ນີ້, ໜ່ວຍທຸລະກິດຈະສາມາດຂໍອະນຸຍາດເພື່ອການນຳເຂົ້າ ແລະ ສົ່ງອອກຍານພາຫະນະ, ເຊື້ອໄຟ ແລະ ເພັດ ພາຍໃນໜຶ່ງວັນຫຼັງຈາກຍື່ນຄຳຮ້ອງຢ່າງເປັນທາງການ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ກະຊວງກະສິກຳ ແລະ ປ່າໄມ້ໄດ້ອອກແຈ້ງການເຕືອນຊາວກະສິກອນຜູ້ລ້ຽງໝູ ກ່ຽວກັບການລະບາດຂອງເຊື້ອໄວຣັສ໌ ພີອາອາເອັສ໌ ໃນຫຼາຍແຂວງພາກເໜືອຂອງລາວ.ກະຊວງຍັງໄດ້ແຈ້ງໃຫ້ອຳນາດການປົກຄອງຂັ້ນແຂວງ ດຳເນີນຂັ້ນຕອນເພື່ອປ້ອງກັນ ແລະ ຄວບຄຸມພະຍາດເພື່ອສະກັດກັ້ນການລະບາດຂອງພະຍາດດັ່ງກ່າວໄປຍັງພື້ນທີ່ອື່ນ.ອ່ານຕໍ່ ...

ລາວ ແລະ ໄທໄດ້ລົງນາມໃນຂໍ້ຕົກລົງເພື່ອຂະຫຍາຍການເຊື່ອມຕໍ່ເສັ້ນທາງ ແລະ ທາງລົດໄຟລະຫວ່າງສອງປະເທດ ເຊິ່ງມີມູນຄ່າລວມກວ່າ 3 ຕື້ບາດໄທ (USD 98.2 ລ້ານໂດລາ).ພາຍໃຕ້ຂໍ້ຕົກລົງດັ່ງກ່າວ ສອງປະເທດໄດ້ວາງແຜນປັບປຸງເສັ້ນທາງ R11 ທີ່ເຊື່ອມຕໍ່ດ່ານຊານແດນພູດູ່ ຈັງຫວັດອຸດຕະລະດິດທາງພາກເໜືອຂອງໄທ ກັບນະຄອນຫຼວງວຽງຈັນຂອງລາວ. ເສັ້ນທາງສອງເລນດັ່ງກ່າວຈະໄດ້ຮັບການປູຢາງ ເຊິ່ງຄິດເປັນມູນຄ່າປະມານ 1.8 ຕື້ບາດໄທ (USD 59 ລ້ານໂດລາ), ຕາມການລາຍງານຂອງສຳນັກຂ່າວບາງກອກໂພສ໌ ໃນວັນທີ 1 ກໍລະກົດນີ້.ອ່ານຕໍ່ ...