ວຽງຈັນ (ວຽງຈັນທາມສ໌/ANN) – ໂຄງການລິເລີ່ມເພື່ອການກະສິກຳ-ຊີວະນາໆພັນ (TABI) ຈະສືບຕໍ່ສົ່ງເສີມປະຊາຊົນຊາວຊົນນະບົດໃນສາມແຂວງພາກເໜືອ ໃນການເສີມຂະຫຍາຍການອະນຸລັກພັນປາໃນເຂດອ່າງເກັບນ້ຳເພື່ອການອະນຸລັກ.ໂຄງການດັ່ງກ່າວ ເຊິ່ງມີການລິເລີ່ມມາແຕ່ປີ 2009, ມີການສົ່ງເສີມເຂດອະນຸລັກພັນປາຈຳນວນ 262 ແຫ່ງ. ໃນນັ້ນມີເຂດຫ້າມຫາປາ 144 ແຫ່ງ, ສ່ວນອີກ 118 ແມ່ນສຳລັບການຫາປາພາຍໃຕ້ການຄຸ້ມຄອງ ຢູ່ແຂວງຫຼວງພະບາງ, ຊຽງຂວາງ ແລະ ຫົວພັນ.ໃນສາມແຂວງດັ່ງກ່າວ ມີປາສອງສາຍພັນຄື: ປາດຸກຍັກ ແລະ ປາດຸກຫາງແດງອາຊີ ທີ່ຍັງຢູ່ໃນສະພາບສ່ຽງຕໍ່ການສູນພັນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ນັກອອກແບບລາວ ດວງມະນີ ເຮືອງຄຳແສນ (ຕຸກຕາ) ແລະ ຍີ້ຫໍ້ ‘ເຮີເວີກສ໌’ ຈະໄດ້ຮັບລາງວັນການອອກແບບເຄື່ອງແຕ່ງກາຍດີເດັ່ນໃນພິທີມອບລາງວັນທີ່ປະເທດອີຕາລີໃນເດືອນນີ້.ດວງມມະນີ ກ່າວຕໍ່ໜັງສືພິມວຽງຈັນທາມສ໌ວ່າ ລາວຈະໄດ້ຮັບລາງວັນການອອກແບບ Iron A’ Design ຈາກສະຖາບັນການອອກແບບສາກົນ, ເຊິ່ງພິທີມອບລາງວັນດັ່ງກ່າວຈະຈັດຂຶ້ນໃນວັນທີ 28 ມິຖຸນານີ້ ທີ່ Teatro Sociale Como, ເມືອງ Piazza Verdi, ປະເທດອີຕາລີ.ອ່ານຕໍ່ ...

ຜູ້ອອກແຮງງານມີສິດທິຕາມກົດໝາຍໃນການຮຽກຮ້ອງຕໍ່ຜູ້ຈ້າງງານ ເພື່ອຮັບປະກັນດ້ານສຸຂະພາບ ແລະ ຄວາມປອດໄພໃນການອອກແຮງງານ, ຕາມລັດຖະດຳລັດສະບັບໃໝ່. ທ່ານ ທອງລຸນ ສີສຸລິດ ນາຍົກລັດຖະມົນຕີ ໄດ້ເຊັນຮັບຮອງເອົາດຳລັດວ່າດ້ວຍຄວາມປອດໄພ ແລະ ສຸຂະພາບໃນການອອກແຮງງານໃນຕົ້ນເດືອນນີ້. ດຳລັດຈຳນວນ 22 ໜ້າດັ່ງກ່າວ ເຊິ່ງມີການເຜີຍແຜ່ໃນຈົດໝາຍວຽນທາງລັດຖະການໃນວັນທີ 25 ກຸມພານີ້ ຈະມີຜົນບັງຄັບໃຊ້ຫຼັງຈາກ 15 ວັນນັບແຕ່ມື້ເຜີຍແຜ່. ຜູ້ອອກແຮງງານສາມາດຍື່ນຄຳຮ້ອງຕໍ່ອົງການຄຸ້ມຄອງແຮງງານ ເພື່ອຮ້ອງຮຽນໃນກໍລະນີທີ່ນາຍຈ້າງບໍ່ດຳເນີນການປັບປຸງສະພາບແວດລ້ອມຂອງສະຖານທີ່ອອກແຮງງານໃຫ້ສອດຄ່ອງຕາມມາດຕະຖານດ້ານສຸຂະພາບ ແລະ ຄວາມປອດໄພ ຕາມການຮ້ອງຂໍຂອງຜູ້ອອກແຮງງານ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ວານນີ້ ສະພາແຫ່ງຊາດໄດ້ອະນຸມັດມະຕິຕົກລົງຈຳນວນໜຶ່ງ ເພື່ອສະໜັບສະໜູນຄວາມເຂັ້ມແຂງດ້ານກົດໝາຍສຳລັບລັດຖະບານ ໃນການແກ້ໄຂບັນຫາກ່ຽວກັບການຄຸ້ມຄອງທີ່ດິນ, ການຟື້ນຟູປ່າໄມ້, ແລະ ການພັດທະນາຊັບພະຍາກອນມະນຸດໃນລາວ.ໃນພິທີປິດກອງປະຊຸມສະໄໝສາມັນເທື່ອທີ 7 ຂອງສະພາແຫ່ງຊາດຊຸດທີ 8 ທີ່ນະຄອນຫຼວງວຽງຈັນວານນີ້ ທ່ານນາງ ປານີ ຢ່າທໍ່ຕູ້ ປະທານສະພາແຫ່ງຊາດກ່າວວ່າ ສະພາໄດ້ມີການຮັງຮອງເອົາມະຕິຕົກລົງ 7 ສະບັບເພື່ອແນໃສ່ສະໜັບສະໜູນຄວາມເຂັ້ມແຂງດ້ານກົດໝາຍໃນການປະຕິບັດໜ້າທີ່ຂອງລັດຖະບານ ແລະ ອົງການຕຸລາການ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລາວຈະສືບຕໍ່ການຮ່ວມມືກັບອົງການຮ່ວມມືສາກົນແຫ່ງປະເທດຍີ່ປຸ່ນ (JICA) ໃນການຊ່ວຍເຫຼືອຊາວກະສິກອນໃນນະຄອນຫຼວງວຽງຈັນ ແລະ ແຂວງຫຼວງພະບາງ, ຊຽງຂວາງ ແລະ ຫົວພັນ ໃນການຜະລິດກະສິກຳປອດສານພິດ ແລະ ຂະຫຍາຍໂອກາດດ້ານຕະຫຼາດ.ຕາງໜ້າກົມປູກຝັງພາຍໃຕ້ກະຊວງກະສິກຳ ແລະ ປ່າໄມ້ ແລະ ອົງການ JICA ໄດ້ເຂົ້າຮ່ວມກອງປະຊຸມຄະນະກຳມະການປະສານງານຮ່ວມຊຸດທີສອງ ໃນວັນອັງຄານນີ້ ເຊິ່ງມີການຍົກປະເດັນການສົ່ງເສີມໂຄງການພັດທະນາກະສິກຳປອດສານພິດ, ໂດຍສະເພາະແມ່ນການກະສິກຳແບບອິນຊີ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ແຮງງານໝູນວຽນ ພ້ອມເມຍຂອງເຂົາເຈົ້າແມ່ນກຸ່ມທີ່ມີຄວາມສ່ຽງສູງໃນການຕິດເຊື້ອເອັຈ໌ໄອວີ HIV ໃນລາວ, ຕາມການເປີດເຜີຍໃນການສຳຫຼວດຂອງສູນປິ່ນປົວພະຍາດ HIV/AIDS/ພະຍາດຕິດຕໍ່ທາງເພດສຳພັນ (ພຕພ) ແລະ ຄະນະກຳມະການແຫ່ງຊາດວ່າດ້ວຍການຄວບຄຸມພະຍາດເອດ.ທ່ານນາງ ທຳມາ ເພັດວິໄຊ ຫົວໜ້າຫ້ອງການຄະນະກຳມະການແຫ່ງຊາດວ່າດ້ວຍການຄວບຄຸມພະຍາດເອດ ສະແດງຜົນການຄົ້ນຄວ້າດັ່ງກ່າວໃນກອງປະຊຸມຫຼ້າສຸດເພື່ອການຫາລືວິທີການໃນການສະກັດກັ້ນການແຜ່ລະບາດຂອງພະຍາດ HIV/AIDS/ພຕພ.ອ່ານຕໍ່ ...

ຮ່າໂນ້ຍ (VNA) – ໃນວັນທີ 13 ກໍລະກົດນີ້ ປະເທດໄທ ແລະ ລາວ ໄດ້ລົງນາມໃນຂໍ້ຕົກລົງສອງຝ່າຍກ່ຽວກັບການຄົ້ນຫາ ແລະ ກູ້ໄພເຮືອບິນ ພາຍໃຕ້ອະນຸສັນຍາວ່າດ້ວຍການບິນພົນລະເຮືອນສາກົນ ຂອງອົງການການບິນພົນລະເຮືອນສາກົນ  (ICAO). ທ່ານ ອາຄົມ ເທີມພິທະຍະໄພສິດ ອະດີດລັດຖະມົນຕີກະຊວງໂຍທາທິການຂອງໄທກ່າວວ່າ ຂໍ້ຕົກລົງດັ່ງກ່າວຈະນຳໄປສູ່ການປັບປຸງດ້ານຮ່ວມມື ແລະ ຄວາມເຂົ້າໃຈໃນຂະແໜງດັ່ງກ່າວ.ອ່ານຕໍ່  ...

ເຈົ້າໜ້າທີ່ລາວ ແລະ ໄທຕົກລົງສືບຕໍ່ການຮ່ວມມືໃນຂະແໜງແຮງງານ ເພື່ອແນໃສ່ຮັບປະກັນສະຖານະແຮງງານລາວຕາມກົດໝາຍ ໃຫ້ສາມາດຢັ້ງຢືນຕົວຕົນຂອງເຂົາເຈົ້າໃນປະເທດໄທ.ໃນຂະນະດຽວກັນ ອຳນາດການປົກຄອງລາວຍັງສັນຍາວ່າຈະຊ່ວຍເຫຼືອຜູ້ອອກແຮງງານທີ່ບໍ່ຖືກຕ້ອງຕາມກົດໝາຍ ໃຫ້ກັບຄືນຖິ່ນຖານເພື່ອເຮັດໜັງສືຜ່ານແດນ ເຮັດໃຫ້ເຂົາເຈົ້າສາມາດກັບໄປອອກແຮງງານຢູ່ປະເທດໄທໄດ້ຢ່າງຖືກຕ້ອງຕາມລະບຽບກົດໝາຍ.ອ່ານຕໍ່ ...

ຕະຫຼາດຫຼັກຊັບລາວ (LSX) ໄດ້ຈັດບໍລິສັດພູສີກໍ່ສ້າງ ແລະ ພັດທະນາ (PCD) ມະຫາຊົນ ເຂົ້າໃນສະຖານະບໍລິສັດ “ທີ່ບໍ່ໜ້າເຊື່ອຖື”, ພາຍຫຼັງທີ່ບໍລິສັດ PDC ບໍ່ສາມາດເປີດເຜີຍບົດລາຍງານກາງປີ ແລະ ບົດລາຍງານປີ 2018 ຂອງຕົນຜ່ານທາງລະບົບຂອງ LSX.ສະຖານະ “ບໍ່ໜ້າເຊື່ອຖື” ຈະຂຶ້ນສະແດງໃນຊື່ໂລໂກຂອງບໍລິສັດ PCD ໃນລະບົບຊື້ຂາຍຫຸ້ນໃນຕະຫຼາດຫຼັກຊັບ ແລະ ທາງເວັບໄຊຕະຫຼາດຫຼັກຊັບນັບແຕ່ວັນທີ 27 ສິງຫາເປັນຕົ້ນໄປ ຈົນກວ່າບໍລິສັດ PCD ຈະສາມາດແກ້ໄຂບັນຫາດັ່ງກ່າວ, ຕາມການແຈ້ງການຂອງຕະຫຼາດຫຼັກຊັບລາວໃນວັນທີ 26 ສິງຫານີ້.ອ່ານຕໍ່ ...

ຫລັງຈາກພາຍຸເຂດຮ້ອນ Ma-On ໄດ້ພັດເຂົ້າເຂດອາຊີຕາເວັນອອກສ່ຽງໃຕ້ ເປັນເວລາ 2 ອາທິດ, ພາກເໜືອຂອງລາວ ກໍາລັງພະຍາຍາມຟື້ນຕົວຈາກຄວາມພິນາດ, ຍ້ອນການປະເຊີນກັບໂຄງສ້າງພື້ນຖານທີ່ເສຍຫາຍ, ເນື້ອທີ່ນາຖືກນໍ້າຖ້ວມ, ປະຊາຊົນຫຼາຍຮ້ອຍຄົນຖືກຍົກຍ້າຍ ຍ້ອນມີຄວາມສ່ຽງຕໍ່ການຕິດເຊື້ອພະຍາດທີ່ມາຈາກການຂາດແຄນນໍ້າສະອາດ.ອ່ານເພິ່ມເຕີມ  ...

ວຽງຈັນ (ວຽງຈັນທາມສ໌/ANN) – ສະພາແຫ່ງຊາດໄດ້ອະນຸມັດຂໍ້ສະເໜີຂອງລັດຖະບານ ໃນການປັບປຸງລະດັບລາຍຮັບຂັ້ນຕ່ຳສ່ວນບຸກຄົນທີ່ຍົກເວັ້ນອາກອນ.ໃນກອງປະຊຸມສະໄໝສາມັນເທື່ອທີ 7 ຂອງສະພາແຫ່ງຊາດຊຸດທີ 8 ທີ່ຫຼັກ 6 ໃນວັນອັງຄານຜ່ານມາ, ສະມາຊິກສະພາຈຳນວນ 82 ເປີເຊັນໄດ້ລົງຄະແນນສຽງສະໜັບສະໜູນການເພີ່ມລະດັບລາຍຮັບຂັ້ນຕ່ຳສ່ວນບຸກຄົນທີ່ຍົກເວັ້ນອາກອນຈາກ 1 ລ້ານກີບມາເປັນ 1.3 ລ້ານກີບ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ເຈົ້າໜ້າທີ່ລັດຖະບານ, ອົງການຄູ່ຮ່ວມພັດທະນາ, ອົງການຈັດຕັ້ງທ້ອງຖິ່ນ ພ້ອມດ້ວຍອຳນາດການປົກຄອງ ໄດ້ເຂົ້າຮ່ວມກອງປະຊຸມສຳມະນາ ເພື່ອສົ່ງເສີມການປະກອບສ່ວນໃນໂຄງການ ສົ່ງເສີມດ້ານວິຊາການຂອງຝຼັ່ງ (ການລິເລີ່ມ 5 ສ່ວນຮ້ອຍ) ເພື່ອການຕ້ານພະຍາດວັນນະໂລກ, ໂລກເອດ, ໄຂ້ປ່າໃນລາວ.ກອງປະຊຸມສຳມະນາດັ່ງກ່າວແມ່ນຈັດຕັ້ງໂດຍສະຖານທູດຝຼັ່ງປະຈຳລາວ ພາຍໃຕ້ການຮ່ວມເປັນປະທານໂດຍທ່ານ ດຣ ບຸນກອງ ສີຫາວົງ ລັດຖະມົນຕີກະຊວງສາທາລະນະສຸກ ແລະ ທ່ານນາງ ຟຼໍລອງ ຊອງບຼັງ-ຣິສແລ ເອກອັກຄະລັດຖະທູດຝຼັ່ງປະຈຳລາວ. ເຊິ່ງໄດ້ເນັ້ນໃຫ້ເຫັນຜົນດີຂອງການປະກອບສ່ວນຂອງໂຄງການໃນລາວ ຕັ້ງແຕ່ປີ 2012.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລາວມີແຜນນຳໃຊ້ງົບປະມານ 44,347 ຕື້ກີບ ຫຼື 26.80% ຂອງລວມຍອດຜະລິດຕະພັນພາຍໃນ (GDP) ເຂົ້າໃນການລົງທຶນ ເພື່ອຮັບປະກັນການຂະຫຍາຍຕົວດ້ານເສດຖະກິດຂອງຊາດໃຫ້ມີສະຖຽນລະພາບ.ອີງຕາມກະຊວງແຜນການ ແລະ ການລົງທຶນ, ງົບປະມານຈຳນວນ 4,359 ຕື້ກີບ ຫຼື 9.83% ຂອງຈຳນວນທັງໝົດ ເຊິ່ງທຽບເທົ່າກັບ 2.63% ຂອງ GDP, ແມ່ນມາຈາກແຫຼ່ງທຶນພາຍໃນປະເທດ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລາວຫວັງວ່າອັນດັບໂລກໃນດັດຊະນີຄວາມສະດວກໃນການດຳເນີນທຸລະກິດ ຈະໄດ້ຮັບການປັບປຸງ ຫຼັງຈາກທີ່ລັດຖະບານໄດ້ອອກມາດຕະການເພື່ອຂັບເຄື່ອນເສດຖະກິດ ໂດຍການສ້າງຄວາມສະດວກໃນການດຳເນີນທຸລະກິດໃນປະເທດ.ໃນປີ 2019, ມີພຽງປະເທດມຽນມາທີ່ຢູ່ອັນດັບຕ່ຳກວ່າລາວໃນປະດາປະເທດສະມາຊິກອາຊຽນ. ລາວຕົກອັນດັບໄປ 13 ລະດັບມາຢູ່ອັນດັບທີ 154 ໃນ 190 ປະເທດທີ່ເຂົ້າຮ່ວມໃນການຈັດອັນດັບ. ສ່ວນປະເທດມຽນມາແມ່ນຢູ່ອັນດັບທີ 171.ອ່ານຕໍ່ ...

ລາວ ແລະ ຈີນຕົກລົງເດີນໜ້າການຮ່ວມມືໃນການປິ່ນປົວພະຍາດຫົວໃຈ ແລະ ຫຼອດເລືອດທີ່ໂຮງໝໍມະໂຫສົດ ຕາມການລົງນາມໃນຂໍ້ຕົກລົງ ໂດຍທ່ານ ດຣ ພິສິດ ພຸດສະຫວັດ ອຳນວຍການໂຮງໝໍມະໂຫສົດ ແລະ ທ່ານ ດຣ ໝ່າ ຫຼິງຄຸນ ຮອງອຳນວຍການໂຮງໝໍຫົວໃຈ ແລະ ຫຼອດເລືອດຝືຫວາຍ ຢຸນນານ ປະເທດຈີນ ໃນວັນອັງຄານນີ້.ຂໍ້ຕົກລົງດັ່ງກ່າວຈະເປັນການປູທາງໃຫ້ແກ່ການປັບປຸງການບົ່ງມະຕິ ແລະ ການປິ່ນປົວໂລກຫົວໃຈໃນລາວ.ອ່ານຕໍ່  ...

ວຽງຈັນ (ວຽງຈັນທາມສ໌/ANN) – ລາວພວມຢູ່ໃນໄລຍະການຫັນຈາກປະເທດທີ່ບໍ່ມີຊາຍແດນອອກສູ່ທະເລມາ ເປັນປະເທດທີ່ເປັນສູນກາງການເຊື່ອມຕໍ່ທາງບົກໃນພາກພື້ນ ເຊິ່ງກຳລັງຢູ່ໃນໄລຍະການກໍ່ສ້າງຂົວຂ້າມນ້ຳຂອງ, ຖະໜົນ ແລະ ພື້ນຖານໂຄງລ່າງຕ່າງໆ ເພື່ອເຊື່ອມຕໍ່ກັບປະເທດເພື່ອບ້ານໄທ, ຫວຽດນາມ, ກຳປູເຈຍ, ມຽນມາ ແລະ ຈີນ.ໜຶ່ງໃນໂຄງການທີ່ມີບົດບາດສຳຄັນໃນການເຊື່ອມຕໍ່ປະເທດລາວກັບທົ່ວໂລກແມ່ນໂຄງການກໍ່ສ້າງທາງລົດໄຟລາວ-ຈີນທີ່ພວມກຳລັງດຳເນີນ. ຕອນທາງລົດໄຟ ເຊິ່ງຕັດຈາກຊາຍແດນຈີນເຖິງນະຄອນວຽງຈັນ ຈະເປັນສ່ວນໜຶ່ງຂອງເສັ້ນທາງລົດໄຟສິງກະໂປ-ຄຸນໝິງ, ຊຶ່ງເປັນເສັ້ນທາງເຊື່ອມຕໍ່ທີ່ສຳຄັນຂອງບັນດາປະເທດໃນອາຊຽນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ທ່ານ ຈາໂນ ເອເດີ ປະທານປະເທດສາທາລະນະລັດ ຮັງກາລີ ພ້ອມຄະນະ ໄດ້ເດີນທາງມາເຖິງນະຄອນຫຼວງວຽງຈັນ ໃນວັນພະຫັດແລ້ວນີ້ ເພື່ອຢ້ຽມຢາມປະເທດລາວຢ່າງເປັນທາງການ ແຕ່ວັນທີ 24-26 ກັນຍານີ້ ຕາມຄຳເຊື້ອເຊີນຂອງທ່ານປະທານປະເທດ ບຸນຍັງ ວໍລະຈິດ.ຈຸດປະສົງຂອງການຢ້ຽມຢາມໃນຄັ້ງນີ້ ແມ່ນເພື່ອເສີມຂະຫຍາຍສາຍພົວພັນມິດຕະພາບ, ການຮ່ວມມື ລະຫວ່າງສອງຊາດລາວ ຮັງກາລີ.ພິທີຕ້ອນຮັບທ່ານປະທານປະເທດ ເອເດີ ຢ່າງເປັນທາງການ ໄດ້ຈັດຂຶ້ນທີ່ທຳນຽບປະທານປະເທດ ໃນວັນສຸກແລ້ວນີ້, ນຳໂດຍທ່ານປະທານປະເທດ ບຸນຍັງ ວໍລະຈິດ ພ້ອມດ້ວຍເຈົ້າໜ້າທີ່ລະດັບສູງຂອງລາວ.ອ່ານຕໍ່ ...

ວຽງຈັນ (ວຽງຈັນທາມສ໌) – ໃນວັນພະຫັດນີ້ ບັນດາສະມາຊິກ ສະພາແຫ່ງຊາດ (ສພຊ) ໄດ້ຊຸກຍູ້ລັດຖະບານ ໃຫ້ອອກມາດຕະການທີ່ເຂັ້ມງວດ ເພື່ອສະກັດກັ້ນການກະທຳຜິດທີ່ກ່ຽວຂ້ອງກັບການເງິນຂອງລັດ ພາຍຫຼັງຮູ້ມາວ່າ ການກະທຳຜິດໃນລັກສະນະດັ່ງກ່າວເກີດຂຶ້ນເປັນປົກກະຕິ.ໃນລະຫວ່າງການຫາລືໃນກອງປະຊຸມ ທີ່ອະນຸຍາດໃຫ້ສະມາຊິກສະພາມີຄຳເຫັນກ່ຽວກັບບົດລາຍງານຂອງອົງການກວດສອບແຫ່ງລັດ, ນັກສ້າງກົດໝາຍໄດ້ກ່າວວ່າ ມັນບໍ່ມີຄວາມໝາຍຫຍັງ ຖ້າລັດຖະບານບໍ່ດຳເນີນການລົງໂທດ ທັນທີ່ທີ່ມີການກວດພົບການກະທຳຜິດ ໂດຍຄະນະກວດສອບ.ນອກນີ້ ຍັງມີຄຳເຫັນວ່າ ລັດຖະບານຄວນພິຈາລະນາຄວາມເປັນໄປໄດ້ໃນການອະນຸຍາດໃຫ້ອຳນາດການປົກຄອງທ້ອງຖິ່ນ ນຳໃຊ້ເງິນຂອງລັດ ທີ່ບໍ່ນອນຢູ່ໃນແຜນງົບປະມານ ໃນກໍລະນີສຸກເສີນ, ເພື່ອໃຫ້ເຂົາເຈົ້າສາມາດແກ້ໄຂບັນຫາໃຫ້ທ່ວງທັນກັບສະພາບການ ເມື່ອເກີດໄພພິບັດ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ມູນຄ່າລວມໃນການສົ່ງອອກ ແລະ ນຳເຂົ້າສິນຄ້າຂອງລາວໃນໄຕມາດທຳອິດຂອງປີ 2019 ຫຼຸດຕົວເລກໃນໄລຍະດຽວກັນຂອງປີກາຍປະມານ 1.53 ເປີເຊັນ, ໂດຍບໍ່ລວມມູນຄ່າການນຳເຂົ້າ ແລະ ສົ່ງອອກກະແສໄຟຟ້າ.ມູນຄ່າການຄ້າລວມໃນສາມເດືອນຕົ້ນປີນີ້ ແຕະລະດັບ US$2,317 ລ້ານໂດລາ, ເຊິ່ງໃນນັ້ນການນຳເຂົ້າສິນຄ້າມີມູນຄ່າ US$1.229 ລ້ານໂດລາ ແລະ ມູນຄ່າໃນການສົ່ງອອກແມ່ນ US$1,086 ລ້ານໂດລາ. ນີ້ສົ່ງຜົນໃຫ້ມີການຂາດດູນການຄ້າ US$143 ລ້ານໂດລາ, ຕາມກະຊວງອຸດສາຫະກຳ ແລະ ການຄ້າ.ອ່ານຕໍ່ ...

ຮອງນາຍົກຢືນຢັນວ່າລັດຖະບານຈະທຳການສືບສວນສອບສວນຫາສາເຫດທີ່ເຮັດໃຫ້ສັນເຂື່ອນຂອງໂຄງການພະລັງງານໄຟຟ້ານ້ຳຕົກ ເຊປຽນ-ເຊນ້ຳນ້ອຍແຕກແບບໂປ່ງໃສ ແລະ ເປີດເຜີຍ ພາຍໃຕ້ການຊ່ວຍເຫຼືອ ແລະ ການມີສ່ວນຮ່ວມຈາກຫຼາຍພາກສ່ວນຜູ້ຊ່ຽວຊານ.ອ່ານຕໍ່ ...