ແມ່ຍິງໃນຊົນນະບົດເສີມຂະຫຍາທ່າແຮງໃນການເຮັດວຽກຈາກການຝຶກອົບຮົມ
ລາວ ແລະ ສາທາລະນະລັດເກົາຫຼີຮ່ວມກັນສົ່ງເສີມໃຫ້ແມ່ຍິງທີ່ດ້ອຍໂອກາດໃນທົ່ວປະເທດ ເພື່ອຍົກລະດັບທັກສະໃຫ້ເຂົາເຈົ້າສາມາດສ້າງລາຍຮັບ ຜ່ານຫຼັກສູດການຝຶກອົບຮົມທີ່ອອກແບບສະເພາະ ເຊິ່ງຈັດຂຶ້ນຢູ່ນະຄອນວຽງຈັນ.ໂຄງການດັ່ງກ່າວແມ່ນການຮ່ວມມືລະຫວ່າງສູນຝຶກອົບຮົມສູນກາງສະຫະພັນແມ່ຍິງລາວ ແລະ ກະຊວງຄວາມສະເໝີພາບທາງເພດ ແລະ ຄອບຄົວແຫ່ງປະເທດເກົາຫຼີ ແນໃສ່ເພື່ອຍົກລະດັບທັກສະ, ຄວາມຮູ້ ແລະ ທ່າແຮງໃນການປະກອບອາຊີບໃຫ້ແກ່ແມ່ຍິງທີ່ດ້ອຍໂອກາດ ເພື່ອໃຫ້ເຂົາເຈົ້າຫຼຸດພົ້ນຈາກຄວາມທຸກຍາກ.ອ່ານຕໍ່ ...
ສີລັດດາ ສຸລິຍົງ
ຍິງສາວທີ່ຖືກກັກຂັງໃນຂໍ້ຫາທຳລາຍຊື່ສຽງຂອງປະເທດ ຖືກສັ່ງຫ້າມບໍ່ໃຫ້ຄອບຄົວເຂົ້າຢ້ຽມ
ຍິງສາວທີ່ຖືກຈັບໃນວັນທີ 12 ກັນຍາ ໃນຂໍ້ຫາທຳລາຍຊື່ສຽງປະເທດ ຍັງຄົງຖືກກັກຂັງບໍ່ໃຫ້ພົບກັບຄອບຄົວ ຈົນກວ່າຈະສຳເລັດການສືບສວນຄະດີກ່ຽວກັບໃນການກະທຳຄວາມຜິດຂອງລາວ, ແຫຼ່ງຂ່າວ RFA ລາວ ລາຍງານໃນວັນພະຫັດນີ້.ນາງ ຮວາຍເຮືອງ ໄຊຍະບູລີ ອາຍຸ 30 ປີ ໄດ້ຖືກັກຕົວ ຫຼັງຈາກທີ່ໄດ້ທຳການວິຈານຜ່ານທາງເຟັສ໌ບຸ໊ກ ກ່ຽວກັບການຊ່ວຍເຫຼືອບັນເທົາທຸກນ້ຳຖ້ວມຂອງລັດຖະບານ ໃນວັນທີ 5 ກັນຍາ ຢູ່ແຂວງຈຳປາສັກ ແລະ ສາລະວັນ ທາງພາກໃຕ້ຂອງລາວ, ຕາມການລາຍງານຂອງໜ່ວຍຂ່າວ RFA ລາວ.ອ່ານຕໍ່ ...
ໜ່ວຍຂ່າວ RFA ລາວ
https://www.rfa.org/english/news/laos/refused-09262019131452.html
ການປັບປຸງການບໍລິການສາທາລະນະແມ່ນຢູ່ໃນບູລິມະສິດລະດັບສູງສູງຕາມແຜນວາລະຂອງລັດຖະບານ
ວຽງຈັນ (ວຽງຈັນທາມສ໌/ANN) – ລັດຖະບານສັນຍາວ່າຈະສືບຕໍ່ຄວາມພະຍາຍາມໃນການປັບປຸງການບໍລິການສາທາລະນະ, ເຊິ່ງປະຊາຊົນຫຼາຍຄົນໄດ້ຮຽກຮ້ອງໃຫ້ເຈົ້າໜ້າທີ່ລັດຖະບານ ປະຕິບັດຕົວໃຫ້ເໝາະສົມຍິ່ງຂຶ້ນໃນການບໍລິການປະຊາຊົນ.ຕາມບົດຂ່າວຕໍ່ສື່ມວນຊົນຈາກກົມປະຊາສຳພັນຂອງລັດຖະບານ ທີ່ເປີດເຜີຍໃນຕອນທ້າຍຂອງກອງປະຊຸມປະຈຳເດືອນຂອງຄະນະລັດຖະບານໃນວັນທິ 19 ສິງຫາຜ່ານມານີ້, ລັດຖະບານມີເປົ້າໝາຍເອົາໃຈໃສ່ໃນການປັບປຸງການບໍລິການສາທາລະນະໃນຊຸມເດືອນຕໍ່ໜ້າ.ອ່ານຕໍ່ ...
ເອກະພອນ ພູທອນສີ
http://annx.asianews.network/content/public-service-improvement-high-lao-gov%E2%80%99t-agenda-103259
ລາວອາດໄດ້ຮັບປະໂຫຍດຈາກສົງຄາມການຄ້າລະຫວ່າງສະຫະລັດ-ຈີນ
ວຽງຈັນ (ວຽງຈັນທາມສ໌/ANN) – ລາວແມ່ນໜຶ່ງໃນບັນດາປະເທດອາຊີຕາເວັນອອກສຽງໃຕ້ທີ່ອາດໄດ້ຮັບປະໂຫຍດຈາກຄວາມຂັດແຍ່ງທາງການຄ້າລະຫວ່າງສະຫະລັດ ແລະ ຈີນໃນປະຈຸບັນ, ແຕ່ວ່າລັດຖະບານຕ້ອງດຳເນີນຂັ້ນຕອນການປັບປຸງສະພາບແວດລ້ອມໃນການລົງທຶນ.ນີ້ແມ່ນຂໍ້ສະຫຼຸບຈາກບົດລາຍງານຂອງສູນຄົ້ນຄວ້ານະໂຍບາຍເສດຖະກິດມະຫາພາກ ແລະ ປະຕິຮູບເສດຖະກິດ (CMER) ພາຍໃຕ້ສະຖານບັນຄົ້ນຄວ້າເສດຖະກິດແຫ່ງຊາດ (NIER).ອ່ານຕໍ່ ...
ໂຕະຂ່າວ
ນັກສຶກສາລາວໄດ້ຮຽນຮູ້ກ່ຽວກັບໂອກາດດ້ານການສຶກສາໃນປະເທດຍີ່ປຸ່ນ
ນັກສຶກສາລາວຈຳຳນວນຫຼາຍ ທີ່ພວມພິຈາລະນາການໄປສຶກສາຢູ່ປະເທດຍີ່ປຸ່ນ ແລະ ມີຄວາມສົນໃຈຢາກຮູ້ຂໍ້ມູນຂ່າວສານ ກ່ຽວກັບວິທີການໃນການໄປສຶກສາດັ່ງກ່າວ.ງານກິດຈະກຳຕະຫຼາດນັດການສຶກສາທີ່ປະເທດຍີ່ປຸ່ນ 2019 ເຊິ່ງຈັດຂຶ້ນໃນວັນພຸດຜ່ານມານີ້ ທີ່ມະຫາວິທະຍາໄລແຫ່ງຊາດລາວ (ມຊ) ນະຄອນຫຼວງວຽງຈັນ ໄດ້ເປີດໂອກາດໃຫ້ແກ່ນັກສຶກສາທີ່ຕ້ອງການຮຽນຮູ້ກ່ຽວກັບມະຫາວິທະຍາໄລຂອງຍີ່ປຸ່ນ ແລະ ຫຼັກສູດການສຶກສາຂອງເຂົາເຈົ້າ.ກິດຈະກຳດັ່ງກ່າວເປັນປະໂຫຍດສຳລັບຄູອາຈານ, ນັກຄົ້ນຄວ້າ, ມະຫາຊົນ ແລະ ນັກສຶກສາທີ່ມີຄວາມຕ້ອງການຢາກໄປສຶກສາຢູ່ປະເທດຍີ່ປຸ່ນ.ອ່ານຕໍ່ ...
ໂຕະຂ່າວວຽງຈັນທາມສ໌
ການສຳຫຼວດບໍ່ຄຳແຂວງໄຊສົມບູນເລີ່ມຕົ້ນດຳເນີນການ
ວຽງຈັນ (ວຽງຈັນທາມສ໌/ANN) – ການສຶກສາຄວາມເປັນໄປໄດ້ໃນການສຳຫຼວດ ແລະ ການປຸງແຕ່ງຄຳໃນພື້ນທີ່ຂຸດຄົ້ນບໍ່ຄຳ 234.6 ກິໂລຕາແມັດ ບ້ານນາຕີ ເມືອງລ່ອງແຈ້ງ ແຂວງໄຊສົມບູນ ໄດ້ເລີ່ມດຳເນີນການ ພາຍຫຼັງໄດ້ຮັບການອະນຸມັດຈາກລັດຖະບານ.ໂຄງການດັ່ງກ່າວແມ່ນການຮ່ວມມືລະຫວ່າງ ບໍລິສັດພັດທະນາບໍ່ແຮ່ໂຈ້ບຸນມີ ຈຳກັດ ພາຍໃຕ້ກຸ່ມບໍລິສັດໂຈ້ບຸນມີ, ກຸ່ມບໍລິສັດທຸລະກິດຊນນຳຂອງລາວ ແລະ ກະຊວງປ້ອງກັນປະເທດ.ອ່ານຕໍ່ ...
ໂຕະຂ່າວ
http://annx.asianews.network/content/gold-mining-operation-kicks-xaysomboun-103146
ລາຄາອາຫານທີ່ສູງຂຶ້ນສົ່ງຜົນກະທົບຕໍ່ປະຊາຊົນຜູ້ມີລາຍໄດ້ຕ່ຳ
ວຽງຈັນ (ວຽງຈັນທາມສ໌/ANN) – ປະຊາຊົນຈຳນວນຫຼາຍ ໂດຍສະເພາະແມ່ນຜູ້ທີ່ມີລາຍໄດ້ຕ່ຳ ກຳລັງໄດ້ຮັບຜົນກະທົບຈາກລາຄາອາຫານທີ່ເພີ່ມສູງຂຶ້ນຢ່າງຕໍ່ເນື່ອງ.ພວກເຂົາເວົ້າວ່າລາຄາອາຫານທີ່ສູງເຮັດໃຫ້ຄ່າຄອງຊີບສູງຂຶ້ນເຊັ່ນດຽວກັນ, ເຊິ່ງໝາຍຄວາມວ່າພວກເຂົາຕ້ອງກິນໃຫ້ໜ້ອຍລົງ ຫຼື ຕ້ອງປ່ຽນວິທີການດຳລົງຊີວິດເພື່ອຮັບມືກັບສະພາບເສດຖະກິດໃນປະຈຸບັນ.ອ່ານຕໍ່ ...
ໂຕະຂ່າວ
http://annx.asianews.network/content/rising-food-prices-hit-low-income-earners-101263
ນາຍົກລວມສູນການຄຸ້ມຄອງການຊ່ວຍເຫຼືອທາງການເພື່ອການພັດທະນາ
ທ່ານ ທອງລຸນ ສີສຸລິດ ນາຍົກລັດຖະມົນຕີ ໄດ້ອອກດຳລັດໃໝ່ ເພື່ອແນໃສ່ລວມສູນການຄຸ້ມຄອງການຊ່ວຍເຫຼືອທາງການເພື່ອການພັດທະນາ (ODA).ທ່ານ ທອງລຸນ ໄດ້ລົງນາມຮັບຮອງເອົາດຳລັດຂອງນາຍົກລັດຖະມົນຕີ ວ່າດ້ວຍການຄຸ້ມຄອງການຊ່ວຍເຫຼືອທາງການເພື່ອການພັດທະນາ ໃນວັນທີ 9 ຕຸລາ. ເຊິ່ງໄດ້ມີການລົງເຜີຍແຜ່ໃນເວັບໄຊຈົດໝາຍວຽນທາງລັດຖະການຂອງກະຊວງຍຸດຕິທຳ ໃນວັນທີ 25 ຕຸລາ.ອີງຕາມດຳລັດສະບັບດັ່ງກ່າວ ເຊິ່ງສາມາດເບິ່ງໄດ້ທາງເວັບໄຊ, ອົງການຈັດຕັ້ງທີ່ສາມາດອະນຸມັດການຮັບຮອງເອົາການຊ່ວຍເຫຼືອທາງການເພື່ອການພັດທະນາ ລວມມີ ລັດຖະບານ, ກະຊວງແຜນການ ແລະ ການລົງທຶນ, ແລະ ກະຊວງການຕ່າງປະເທດ.ອ່ານຕໍ່ ...
ເອກະພອນ ພູທອນສີ
ຊ່ຽວຊານດ້ານກົດໝາຍຮ່ວມວາງແຜນການສ້າງລະບົບສານປົກຄອງ
ສານປະຊາຊົນສູງສຸດຮ່ວມກັບສະຖາບັນຊ່ວຍເຫຼືອກົດໝາຍ ແລະ ວິຊາການ (ILSTA) ຈັດກອງປະຊຸມປຶກສາຫາລືວິຊາການຂຶ້ນໃນອາທິດນີ້ ກ່ຽວກັບຮ່າງດຳລັດປະທານປະເທດວ່າດ້ວຍການດຳເນີນຄະດີການປົກຄອງ.ກອງປະຊຸມດັ່ງກ່າວໄດ້ຈັດຂຶ້ນທີ່ປາກເຊ ໃນວັນທີ 5-6 ສິງຫານີ້. ເຂົ້າຮ່ວມໃນກອງປະຊຸມດັ່ງກ່າວມີຜູ້ຕາງໜ້າຈາກອົງການຈັດຕັ້ງລັດຖະບານ ເພື່ອຮ່ວມຫາລື ແລະ ເດີນໜ້າການຈັດຕັ້ງລະບົບສານປົກຄອງໃນລາວ.ອ່ານຕໍ່ ...
ໂຕະຂ່າວວຽຈັນທາມສ໌
ງານວາງສະແດງສິນຄ້າວິທະຍາສາດ ແລະ ເທັກໂນໂລຢີ ລາວ-ຈີນ ສົ່ງເສີມການພັດທະນາອຸດສາຫະກຳ
ວຽງຈັນ (ວຽງຈັນທາມສ໌/ANN) – ງານວາງສະແດງສິນຄ້າ “ສະມາດເທັກໂນໂລຢີ ເພື່ອການພັດທະນາສີຂຽວ ແລະ ຍືນຍົງ” ແມ່ນກຳລັງດຳເນີນຢູ່ນະຄອນຫຼວງວຽງຈັນ ເພື່ອເສີມຂະຫຍາຍໜໍ່ແໜງການພັດທະນາໃນຂະແໜງອຸດສາຫະກຳໃນລາວ.ງານວາງສະແດງສິນຄ້າດັ່ງກ່າວ ແມ່ນຈັດຂຶ້ນທີ່ຫໍປະຊຸມແຫ່ງຊາດ ແຕ່ວັນທີ 11-16 ຕຸລານີ້ ເຊິ່ງມີບໍລິສັດຈາກລາວ ແລະ ຈີນເຂົ້າຮ່ວມປະມານ 100 ບໍລິສັດ.ອ່ານຕໍ່ ...
ລາວຈະເລີ່ມໃຫ້ບໍລິການຍື່ນວີຊາແບບອອນລາຍໃນເດືອນມິຖຸນານີ້
(ຂປລ) ລັດຖະບານໄດ້ມອບໝາຍໃຫ້ກະຊວງການຕ່າງປະເທດເປັນຜູ້ຈັດຕັ້ງປະຕິບັດໂຄງການ ອີ-ວີຊາ ເພື່ອຊ່ວຍໃຫ້ຊາວຕ່າງປະເທດສາມາດສະໝັກວີຊາເຂົ້າລາວແບບອອນລາຍ.ການບໍລິການ ອີ-ວີຊາຄາດວ່າຈະເລີ່ມມີການດຳເນີນການໃນເດືອນມິຖຸນາປີນີ້ ເພື່ອເຮັດໃຫ້ຂັ້ນຕອນການຍື່ນວີຊາສະດວກສະບາຍຍິ່ງຂຶ້ນສຳລັບຊາວຕ່າງປະເທດທີ່ຕ້ອງການເດີນທາງເຂົ້າມາປະເທດລາວ ແລະ ເພື່ອເປັນການສົ່ງເສີມການທ່ອງທ່ຽວລາວ.ອ່ານຕໍ່ ...
ຂປລ
ຄູຝຶກຊ່າງໄມ້ໄດ້ຮຽນຮູ້ຍົກລະດັບທັກສະໃໝ່ໆ
ຄູອາຈານຈາກ ໂຮງຮຽນວິຊາຊີບ 11 ແຫ່ງໄດ້ຮັບຄວາມຮູ້ ແລະ ທັກສະໃໝ່ໆຈາກຫຼັກສູດຝຶກອົບຮົມຢູ່ວຽງຈັນ ແຕ່ວັນທີ 24 ມິຖຸນາເຖິງ 30 ສິງຫາ ພາຍໃຕ້ໂຄງການຊ່ວຍເຫຼືອຂອງອົງການຮ່ວມມືສາກົນແຫ່ງປະເທດຍີ່ປຸ່ນ (JICA).ປະຈຸບັນ ຄູຝຶກຊ່າງໄມ້ (ຄູສອນ) ຊຸດດັ່ງກ່າວແມ່ນພ້ອມທີ່ຈະຖ່າຍທອດຄວາມຮູ້ທັກສະ ເພື່ອຍົກລະດັບການສຶກສາວິຊາຊີບໃນແຂວງຂອງຕົນ.ອ່ານຕໍ່ ...
ສັງຄົມໄຊ ບຸບຜານຸວົງ
ການເລັ່ງລັດທາງດ້ານທຸລະກິດເປັນສາເຫດຂອງບັນຫາສວນກ້ວຍ, ລັດຖະມົນຕີກ່າວ
ວຽງຈັນ (ວຽງຈັນທາມສ໌/ANN) – ກະຊວງກະສິກຳ ແລະ ປ່າໄມ້ກ່າວໃນມື້ວານນີ້ວ່າ ບັນຫາກ່ຽວກັບສວນກ້ວຍໃນລາວ ແມ່ນເນື່ອງມາຈາກນັກລົງທຶນດຳເນີນການເຈລະຈາໂດຍກົງກັບຊຸມຊົນທ້ອງຖິ່ນ ແທນທີ່ຈະດຳເນີນຂັ້ນຕອນຕາມລະບຽບກົດໝາຍຢ່າງເປັນທາງການ.ທ່ານ ບຸນກວ້າງ ຄຳບຸນເຮືອງ ຮອງລັດຖະມົນຕີກ່າວຕໍ່ໜັງສືພິມວຽງຈັນທາມສ໌ວ່າ ບັນຫາທີ່ເກີດຂຶ້ນຈາກສວນກ້ວຍ ເຊິ່ງສົ່ງຜົນເສຍຕໍ່ສິ່ງແວດລ້ອມ ແລະ ປະຊາຊົນໃນບາງທ້ອງຖິ່ນ ແມ່ນເກີດຂຶ້ນຍ້ອນບັນດາຫົວໜ່ວຍທຸລະກິດ ແລະ ນັກລົງທຶນ ໄດ້ທຳການຫາລືການເຊົ່າທີ່ດິນກັບແຕ່ລະຊຸມຊົນ ແລະ ຈັດຕັ້ງທຸລະກິດພາຍຫຼັງບັນລຸຂໍ້ຕົກລົງກັບອຳນາດການປົກຄອງທ້ອງຖິ່ນ.ອ່ານຕໍ່ ...
ສຸກນິລັນດອນ ສຸທິວົງນໍລາດ
ລາວ, ຫວຽດນາມຂົນຂວາຍຫາແຫຼ່ງທຶນກໍ່ສ້າງທາງດ່ວນວຽງຈັນ-ວຶງອາງ
ລັດຖະບານລາວ ແລະ ຫວຽດນາມສັນຍາຈະຂົນຂວາຍຫາທຶນຮອນເພື່ອກໍ່ສ້າງທາງລົດໄຟ ເຊື່ອມຕໍ່ນະຄອນວຽງຈັນກັບທ່າເຮືອວຶງອາງ ແຂວງຮາຕີນ ທາງພາກກາງຂອງຫວຽດນາມ.ສອງຝ່າຍໄດ້ລົງນາມໃນຂໍ້ຕົກລົງທີ່ວຽງຈັນໃນວັນອາທິດແລ້ວນີ້, ສັນຍາວ່າຈະຮ່ວມກັນຜັນຂະຫຍາຍແຜນໂຄງການທີ່ມີຊື່ວ່າ ທາງດ່ວນວຽງຈັນ-ວຶງອາງ ໃຫ້ປະກົດຜົນເປັນຈິງ.ອ່ານຕໍ່ ...
ສຸກສາຄອນ ແຫວນແກ້ວ
ລາວຈະແກ້ໄຂແປດບັນຫາພົ້ນເດັ່ນທີ່ເປັນອຸປະສັກຕໍ່ການພັດທະນາ
ລັດຖະບານລາວໄດ້ຕົກລົງດຳເນີນບາດກ້າວ ໃນການແກ້ໄຂແປດບັນຫາເພື່ອເດີນໜ້າແຜນການຂັບເຂື່ອນການພັດທະນາປະເທດຊາດ. ບາດກ້າວດັ່ງກ່າວໄດ້ມີການຕົກລົງໃນກອງປະຊຸມໄລຍະສາມວັນລະຫວ່າງຄະນະລັດຖະບານ, ເຈົ້າແຂວງ ແລະ ເຈົ້າຄອງນະຄອນຫຼວງ ທີ່ວຽງຈັນ ເຊິ່ງໄດ້ອັດລົງໃນວັນສຸກແລ້ວນີ້.ອ່ານຕໍ່ ...
ສົມສັກ ພົງຂາວ
http://annx.asianews.network/content/laos-tackles-eight-pressing-issues-spur-development-99323
ລາວເລີ່ມເກັບອາກອນນັກທ່ອງທ່ຽວແບບງຽບໆມາຕັ້ງແຕ່ວັນທີ 1 ຕຸລາ
ລັດຖະບານລາວໄດ້ເລີ່ມນຳໃຊ້ອາກອນນັກທ່ອງທ່ຽວແບບງຽບໆ, ເຊິ່ງໄດ້ມີການວາງແຜນມາຕັ້ງແຕ່ປີ 2010, ໃນວັນທີ 1 ຕຸລາ 2018. ເຊິ່ງນັບແຕ່ວັນທີດັ່ງກ່າວ ນັກທ່ອງທ່ຽວຕ່າງປະເທດທີ່ເຂົ້າມາຢ້ຽມຢາມລາວຕ້ອງຈ່າຍຄ່າທຳນຽມ 1 ໂດລາ ເປັນອາກອນນັກທ່ອງທ່ຽວໃນທຸກໆຊ່ອງທາງເຂົ້າປະເທດ.ອ່ານຕໍ່ ...
ອາໂນ ມາເຢີບຣຸກເກີ
ຊາວໜຸ່ມລາວເລີ່ມໄປອອກແຮງງານຢູ່ປະເທດຈີນຫຼາຍຂຶ້ນ
ຊາວໜຸ່ມໃນບັນດາແຂວງພາກເໜືອຂອງລາວ ມີການຍ້າຍຖິ່ນຂ້າມຊາຍແດນໄປຈີນຫຼາຍຂຶ້ນ ເພື່ອຊອກຫາວຽກເຮັດງານທຳ ແລະ ຄ່າແຮງງານທີ່ສູງກວ່າ.ຍ້ອນທ່າແຮງທີ່ຈຳກັດໃນລາວ, ຊາວໜຸ່ມຈາກເຂດພູດອຍຫ່າງໄກສອກຫຼີກ ເລືອກທີ່ຈະເປັນຜູ້ຍ້າຍຖິ່ນໂດຍບໍ່ມີເອກະສານ ໄປແຂວງຢຸນນານປະເທດຈີນ ເຊິ່ງເຂົາສາມາດຫາເງິນໄດ້ຫຼາຍກວ່າໃນການອອກແຮງງານໃນໜ້າວຽກດຽວກັນຢູ່ລາວ.ອ່ານຕໍ່ ...
RFA’s Lao Service
ການປະເມີນຜົນໂຄງການລົງທຶນກ່ອນການດຳເນີນການແມ່ນມີຄວາມຈຳເປັນສຳລັບລາວ: ນາຍົກ
ວຽງຈັນ (ວຽງຈັນທາມສ໌/ANN) – ທ່ານ ທອງລຸນ ສີສຸລິດ ນາຍົກລັດຖະມົນຕີຊຸກຍູ້ໃຫ້ກະຊວງແຜນການ ແລະ ການລົງທຶນ ຮ່ວມມືກັບອຳນາດການປົກຄອງຂັ້ນແຂວງໃນການສ້າງຄວາມກະຈ່າງແຈ້ງ ແລະ ທຳການປະເມີນຜົນກ່ອນການດຳເນີນໂຄງການພັດທະນາ ເພື່ອຮັບປະກັນທາງດ້ານຄຸນນະພາບ ແລະ ຄວາມຍືນຍົງຂອງໂຄງການ.ທ່ານນາຍົກ ຍັງໄດ້ແນະນຳເຈົ້າໜ້າທີ່ກະຊວງໃນການລົງຕິດຕາມການດຳເນີນໂຄງການຢ່າງໃກ້ຊິດຕິດແທດ ແທນທີ່ການລໍຖ້າແຕ່ບົດລາຍງານຈາກອຳນາດການປົກຄອງທ້ອງຖິ່ນ.ອ່ານຕໍ່ ...
ໂຕະຂ່າວ
ກະຊວງສາທາລະນະສຸກວາງເປົ້າໝາຍການຜະລິດຢາພື້ນເມືອງແບບຍືນຍົງ
ວຽງຈັນ (ວຽງຈັນທາມສ໌/ANN) – ເຈົ້າໜ້າທີ່ສາທາລະນະສຸກດຳເນີນການພັດທະນາຂະແໜງຢາພື້ນເມືອງແບບຍືນຍົງໃນປະເທດ ໂດຍອີງໃສ່ການປະຕິບັດເປັນມິດຕໍ່ລະບົບນິເວດ, ຕາມການລາຍງານໃນກອງປະຊຸມທີ່ແຂວງວຽງຈັນ ໃນວັນອັງຄານຜ່ານມາ.ໃນກອງປະຊຸມດັ່ງກ່າວ, ພາຍໃຕ້ການເຂົ້າຮ່ວມຂອງທ່ານ (ຮສ) ບຸນກອງ ສີຫາວົງ ລັດຖະມົນຕີກະຊວງສາທາລະນະສຸກ ແລະ ທ່ານ (ປອ) ສົມທະວີ ຈາງວິ ສົມມິດ ຫົວໜ້າກົມອາຫານ ແລະ ຢາ, ໄດ້ມີການລາຍງານບາດກ້າວສູ່ການຫັນການຜະລິດຢາພື້ນເມືອງໃຫ້ເປັນສິນຄ້າແບບຍືນຍົງ ເພື່ອຈຳໜ່າຍທັງພາຍໃນ ແລະ ຕ່າງປະເທດ.ອ່ານຕໍ່ ...
ເພັດໂພໄຊ ແສງປະເສີດ
ເຂື່ອນມີການເຕືອນໄພ ໃນໄລຍະທີ່ພະຍຸໄຕ້ຝຸ່ນໂນຣູ ຢັບໃກ້ເຂົ້າປະເທດລາວ
ກົມອຸຕຸນິຍົມ ແລະ ອຸທົກກະສາດ ໄດ້ອອກພະຍາກອນອາກາດ ໂດຍໃຫ້ຮູ້ວ່າ: ພາຍຸໄຕ້ຝຸ່ນໂນຣູ ຄາດວ່າຈະພັດເຂົ້າຝັ່ງຫວຽດນາມ ໃນວັນພຸດນີ້ ກ່ອນຈະພັດຜ່ານພາກກາງ ແລະ ພາກໃຕ້ຂອງລາວ ໃນລະຫວ່າງວັນທີ 28-30 ກັນຍານີ້. ຂະນະນີ້ ໂນຣູ ພວມເດີນທາງຜ່ານເຂດທະເລຈີນໃຕ້ພາກກາງ ແລະ ຄາດວ່າຈະເຂົ້າມາຝັ່ງພາກກາງຂອງຫວຽດນາມ ແລະ ໃນທີ່ສຸດໃນລາວ, ຕາມການຄາດຄະເນ.ອ່ານເພິ່ມເຕີມ ...
ພອນທຳ ວິສາປຣະ