ຊິນຫົວ

ພິທີໄດ້ຈັດຂື້ນໃນວັນອັງຄານ  ເພື່ອທີ່ຈະລິເລີ່ມການຜະລິດພະລັງງານທັງໝົດທີ່ 7 ແຫ່ງຂອງໂຄງການເຂື່ອນໄຟຟ້ານ້ຳອູ ທີ່ພັດທະນາໂດຍບໍລິສັດກໍ່ສ້າງພະລັງງານຂອງຈີນ (PowerChina). ພິທີໄດ້ຈັດຂຶ້ນໂດຍຜ່ານການປະຊຸມທາງວິດີໂອຢູ່ທີ່ຫ້ອງການ PowerChina ຂອງປັກກິ່ງ, ສູນປະຕິບັດງານ ແລະ ບໍາລຸງຮັກສານໍ້າອູຢູ່ໃນແຂວງຫຼວງພະບາງ ແລະ ຢູ່ໂຮງງານໄຟຟ້ານໍ້າອູ ແຫ່ງທີ່ 7 ທາງພາກເໜືອທີ່ສຳເລັດແລ້ວວ່າງບໍ່ດົນນີ້. ໂຄງການນ້ຳອູດັ່ງກ່າວ ນອນໃນສາຂາທີ່ໃຫຍ່ທີ່ສຸດຂອງແມ່ນ້ຳຂອງໃນລາວ ຊຶ່ງໄດ້ຖືກພັດທະນາເປັນສອງໄລຍະ, ໂດຍມີຄວາມຈຸທັງໝົດ 1.272 ລ້ານກິໂລວັດ ແລະ ສາມາດແຈກຈ່າຍພະລັງງານການຜະລິດປະຈຳປີປະມານ 5 ຕື້ກິໂລວັດໂມງ.ໂຄງການນໍ້າອູ, ມີມູນຄ່າການລົງທຶນທັງທັງໝົດປະມານ 2,8 ຕື້ໂດລາຈາກບໍລິສັດຈີນ ແລະ ຈະຖືກໂອນໃຫ້ລັດຖະບານລາວຫຼັງຈາກດໍາເນີນການມາໄດ້ 29 ປີ.ສືບຕໍ່ອ່ານ   ...

ການເລືອກຕັ້ງທົ່ວໄປ ຂອງບັນດາ ສະມາຊິກສະພາແຫ່ງຊາດຊຸດທີ 9 ຂອງສະພາແຫ່ງຊາດ ແລະ ສະມາຊິກສະພາປະຊາຊົນຂັ້ນແຂວງ ຊຸດທີ 2 ໄດ້ໄຂຂຶ້ນໃນວັນທີ 21 ກຸມພານີ້ ຕາມການລາຍງານຂອງສຳນັກຂ່າວສານປະເທດລາວ. ຜູ້ລົງສະໝັກເລືອກຕັ້ງປະກອບມີຈຳນວນ 224 ຄົນ, ໃນນັ້ນມີເພດຍິງຈຳນວນ 49 ຄົນ ທີ່ຈະໄດ້ຖືກຮັບຄັດເລືອກເປັນສະມາຊິກສະພາປະຊາຊົນຂັ້ນແຂວງ.​ອ່ານຕໍ່   ...

ຍຸດທະສາດການຮ່ວມມືເສດຖະກິດລະຫວ່າງ ແມ່ນນ້ຳ ເອລາວະດີ-ເຈົ້າພະຍາ-ແມ່ນຳ້ຂອງ (ACMECS) ໃນວັນພຸດຜ່ານມາ ໄດ້ຮຽກຮ້ອງໃຫ້ວັກຊິນປ້ອງກັນພະຍາດໂຄວິດ-19 ກາຍເປັນສິນຄ້າສາທາລະນະ. ບັນດາຜູ້ນຳຂອງປະເທດ ACMECS ເຊັ່ນ ກຳປູເຈຍ, ລາວ, ມຽນມາ, ໄທ ແລະ ຫວຽດນາມ ໄດ້ຮຽກປະຊຸມສາຍໃນວາລະກອງປະຊຸມສຸດຍອດ ACMECS ຄັ້ງທີ 9 ທີ່ໄດ້ຈັດຂື້ນຜ່ານວີດີໂອອອນລາຍ. “ເພື່ອຕ້ານໂຄວິດ-19, ບັນດາຜູ້ນຳໄດ້ຕົກລົງກັນ ເພິ່ມທະວີຄວາມພະຍາຍາມຂອງຊາດຢ່າງຕໍ່ເນື່ອງ ແລະ ສ້າງຄວາມຮ່ວມມືທີ່ເຂັ້ມແຂງ ພາຍໃນປະເທດປະເທດອາຊຽນ-ກົນໄກການນຳພາຕ່າງໆ, ຮ່ວມກັບຄູ່ຮ່ວມພາຍນອກ ແລະ ບັນດາອົງການຈັດຕັ້ງສາກົນ, ໂດຍສະເພາະອົງການອະນາໄມໂລກ, ເພື່ອຮັບປະກັນວ່າ ວັກຊິນໂຄວິດ-19 ຈະກາຍເປັນສິນຄ້າສາທາລະນະ ພ້ອມທັງມີການສະໜອງດ້ານບໍລິການການແພດ, ທຸກຄົນເຂົ້າເຖິງ ແລະ ສາມາດຊື້ໄດ້”, ຄຳຖະແຫຼງພາຍຫຼັງການປະຊຸມສາຍ.ອ່ານເພິ່ມເຕີມ .  ...

ວຽງຈັນ, 12 ທັນວາ (Xinhua) — ລາວຈະເສີມຂະຫຍາຍຄຸນນະພາບຂອງຂໍ້ມູນ ຜູ້ອອກແຮງງານທັງພາຍໃນ ແລະ ຕ່າງປະເທດຢູ່ໃນລາວ, ກໍຄືແຮງງານລາວທີ່ໄປອອກແຮງງານຢູ່ຕ່າງປະເທດ.ບົດບັນທຶກຄວາມເຂົ້າໃຈ ໄດ້ມີການລົງນາມເພື່ອດຳເນີນການສຶກສາຄວາມເປັນໄປໄດ້ຂອງໂຄງການດັ່ງກ່າວ ໃນວັນອັງຄານນີ້ ທີ່ນະຄອນຫຼວງວຽງຈັນ, ຕາມການລາຍງານຂອງສຳນັກຂ່າວລາຍວັນທ້ອງຖິ່ນ ວຽງຈັນທາມສ໌ ໃນວັນພະຫັດນີ້.ອ່ານຕໍ່ ...

ວຽງຈັນ, 11 ທັນວາ (Xinhua) — ສູນສະຖິຕິແຫ່ງຊາດ ກຳລັງດຳເນີນການຄົ້ນຄວ້າ ເພື່ອປະເມີນອັດຕາການຂະຫຍາຍຕົວຂອງປະຊາກອນໜຸ່ມ ແຕ່ປີ 2015-2035 ເພື່ອເປັນຂໍ້ມູນສະໜັບສະໜູນ ຕໍ່ແຜນພັດທະນາເສດຖະກິດ-ສັງຄົມແຫ່ງຊາດ.ຕາມໜັງສືພິມວຽງຈັນທາມສ໌ໃນວັນພຸດນີ້ ລາຍງານວ່າ ທ່ານ ສະໄໝຈັນ ບຸບຜາ ຮອງລັດຖະມົນຕີກະຊວງແຜນການ ແລະ ການລົງທຶນ ແລະ ຫົວໜ້າສູນສະຖິຕິແຫ່ງຊາດ ໄດ້ກ່າວວ່າ, ການສຳຫຼວດປີ 2015 ເຜີຍໃຫ້ເຫັນວ່າ ຄົນໜຸ່ມກວມເອົາກວ່າເຄິ່ງໜຶ່ງຂອງປະຊາກອນລາວ, ເຊິ່ງເປັນອັດຕາສ່ວນທີ່ສູງທີ່ສຸດໃນບັນດາປະເທດອາຊຽນ.ຂໍ້ມູນຈາກການສຳຫຼວດປະຊາກອນ ແລະ ທີ່ຢູ່ອາໄສຄັ້ງທີ 4 ປີ 2015 ສະແດງໃຫ້ເຫັນວ່າ ປະຊາກອນລາວ 60 ສ່ວນຮ້ອຍມີອາຍຸຕ່ຳກວ່າ 25 ປີ, ໃນຂະນະທີ່ປະຊາກອນທີ່ມີອາຍຸລະຫວ່າງ 10 ເຖິງ 24 ປີ ກວມ 31 ...

ວຽງຈັນ, 21 ພະຈິກ (Xinhua) — ບໍລິສັດທາງລົດໄຟລາວ-ຈີນ ຈຳກັດ ຜູ້ຮັບຜິດຊອບການກໍ່ສ້າງເສັ້ນທາງລົດໄຟລາວ-ຈີນ ທາງພາກເໜືອຂອງລາວ,​ ລາຍງານໃນວັນພະຫັດນີ້ວ່າ ການກໍ່ສ້າງເສັ້ນທາງລົດໄຟ ບໍ່ໄດ້ຮັບຜົນກະທົບຈາກເຫດແຜ່ນດິນໄຫວລະດັບຕື້ນທີ່ເກີດຂຶ້ນ.ເຫດແຜ່ນດິນໄຫວຂະໜາດ 6.1 ດັ່ງກ່າວ ແມ່ນເກີດຂຶ້ນຢູ່ເຂດຊາຍແດນລະຫວ່າງພາກເໜືອຂອງໄທ ແລະ ລາວ ໃນເວລາ 6:50 ໂມງ ຂອງວັນພະຫັດນີ້ ໃນລະດັບຄວາມເລິກ 10 ກມ, ຕາມໜ່ວຍງານສຳຫຼວດທໍລິນີວິທະຍາຂອງສະຫະລັດ.ອ່ານຕໍ່ ...

ວຽງຈັນ, 17 ພະຈິກ (ຊິນຫົວ) — ບ້ານຊໍ ເມືອງສັງທອງ ຕັ້ງຢູ່ເຂດພູດອຍ ຫ່າງຈາກນະຄອນຫຼວງວຽງຈັນໄປທາງທິດເໜືອ ປະມານສອງຊົ່ວໂມງ ຕາມເສັ້ນທາງບໍ່ດີທີ່ເຕັມໄປດ້ວຍຂຸມ.ບ້ານດັ່ງກ່າວປະກອບດ້ວຍ 407 ຄອວຄົວ, ຫຼື 2,007 ຄົນ, ເຊິ່ງປະຊາຊົນປະມານເຄິ່ງບ້ານ ຢູ່ພາຍໃຕ້ຄວາມທຸກຍາກ, ມີລາຍຮັບສຸດທິຕໍ່ຫົວຄົນຕໍ່ປີ ຕ່ຳກວ່າ 700 ໂດລາ.ເຖິງຢ່າງໃດກໍຕາມ, ຖະໜົນ, ບ້ານເຮືອນ ແລະ ໄຟຖະໜົນພະລັງງານແສງອາທິດ ທີ່ຫາກໍ່ສ້າງໃໝ່ ໄດ້ສ້າງຄວາມແຕກຕ່າງຢ່າງເຫັນໄດ້ຈະແຈ້ງ ທຽບກັບພື້ນຖານໂຄງລ່າງເກົ່າທີ່ເປ່ເພ, ​ເຊິ່ງສະແດງໃຫ້ເຫັນຄວາມພະຍາຍາມໃນການພັດທະນາບ້ານດັ່ງກ່າວໃຫ້ຫຼຸດພົ້ນຈາກຄວາມທຸກຍາກ.ພາບໃຕ້ໂຄງການທົດລອງເພື່ອຫຼຸດຜ່ອນຄວາມທຸກຍາກໃນອາຊີຕາເວັນອອກ, ທີມງານຈາກຈີນ ໄດ້ຄັດເລືອກບ້ານຊໍ ເພື່ອສາທິດປະສົບການໃນການຫຼຸດຜ່ອນຄວາມທຸກຍາກຂອງຈີນ ມາແຕ່ປີ 2017.ອ່ານຕໍ່ ...

ວຽງຈັນ, 11 ພະຈິກ (Xinhua) –– ລັດວິສາຫະກິດໄຟຟ້າລາວ (EDL), ໃນນາມຂອງລັດຖະບານ, ໄດ້ສຳເລັດການຂະຫຍາຍຕາຂ່າຍສົ່ງໄຟຟ້າເກີນກວ່າ 80 ສ່ວນຮ້ອຍ ເພື່ອສົ່ງກະແສໄຟຟ້າເຂົ້າສູ່ສາຍສົ່ງໄຟຟ້າຂອງກຳປູເຈຍ ຢູ່ຊາຍແດນລະຫວ່າງສອງປະເທດ.ນີ້ແມ່ນເນື່ອງມາຈາກຂໍ້ຕົກລົງການຊື້ຂາຍໄຟຟ້າ ລະຫວ່າງລາວ ແລະ ກຳປູເຈຍ ໃນລະຫວ່າງການຢ້ຽມຢາມເຮັດວຽກຢູ່ປະເທດກຳປູເຈຍ ຂອງທ່ານ ທອງລຸນ ສີສຸລິດ ນາຍົກລັດຖະມົນຕີ ໃນເດືອນກັນຍາທີ່ຜ່ານມາ, ຕາມການລາຍງານຂອງສຳນັກຂ່າວທ້ອງຖິ່ນວຽງຈັນທາມສ໌ ໃນວັນຈັນນີ້.ອ່ານຕໍ່ ...

NANNING, 22 ກັນຍາ (Xinhua) — ການກໍ່ສ້າງເສັ້ນທາງລົດໄຟລາວ-ຈີນ ສຳເລັດແລ້ວເກືອບ 80 ສ່ວນຮ້ອຍ, ທ່ານ ສອນໄຊ ສີພັນດອນ ຮອງນາຍົກລັດຖະມົນຕີຂອງລາວກ່າວເປີດເຜີຍໃນວັນເສົານີ້.ເສັ້ນທາງດັ່ງກ່າວຈະເປັນພື້ນຖານໂຄງລ່າງຕົ້ນຕໍສຳລັບເສັ້ນທາງເສດຖະກິດລະຫວ່າງສອງປະເທດ ແລະ ຊ່ວຍສົ່ງເສີມຂະແໜງການຄ້າ, ການລົງທຶນ ແລະ ການທ່ອງທ່ຽວ ທ່ານ ສອນໄຊກ່າວໃນງານວາງສະແດງສິນຄ້າຈີນ-ອາຊຽນ ເຊິ່ງຈັດຢູ່ເມືອງໜານໜິງ ເມືອງຫຼວງຂອງເຂດປົກຄອງຕົນເອງກວາງສີຈວງຂອງຈີນ.ເສັ້ນທາງລົດໄຟລາວ-ຈີນ ເຊິ່ງຈະໃຫ້ບໍລິການໃນຄວາມໄວ 160 ກມ ຕໍ່ຊົ່ວໂມງ ຄາດວ່າຈະເປີດດຳເນີນການໃນປີ 2021.ອ່ານຕໍ່ ...

ວຽງຈັນ, 5 ສິງຫາ (Xinhua) — ອຳນາດການປົກຄອງແຂວງຊຽງຂວາງມີແຜນສ້າງສິ່ງອຳນວນຄວາມສະດວກຢູ່ທົ່ງໄຫຫີນ ເພື່ອເພີ່ມຄວາມສະດວກໃຫ້ແກ່ນັກທ່ອງທ່ຽວ, ເພື່ອຮອງຮັບຈຳນວນນັກທ່ອງທ່ຽວທີ່ຈະເດີນທາງມາຊົມສະຖານທີ່ທີ່ຫາກໍ່ໄດ້ຮັບການຮັບຮອງໃຫ້ເປັນມໍລະດົກໂລກໃນປີນີ້.ໃນກອງປະຊຸມຕໍ່ສື່ມວນຊົນກ່ຽວກັບການສະເຫຼີມສະຫຼອງທົ່ງໄຫຫີນເປັນມໍລະດົກໂລກ, ທ່ານ ບຸນຕອນ ຈັນທະພອນ ເຈົ້າແຂວງແຂວງຊຽງຂວາງກ່າວວ່າ ທາງແຂວງຈະສືບຕໍ່ປັບປຸງພື້ນຖານໂຄງລ່າງ ໂດຍສະເພາະແມ່ນຖະໜົນ ເພື່ອຮັບປະກັນຄວາມປອດໄພຂອງນັກທ່ອງທ່ຽວ, ຕາມການລາຍງານຂອງສຳນັກຂ່າວທ້ອງຖິ່ນ ວຽງຈັນທາມສ໌ ໃນວັນຈັນຜ່ານມາ.ອ່ານຕໍ່ ...