News

ວຽງຈັນ (ວຽງຈັນທາມສ໌/ANN) – ໃນວັນສຸກແລ້ວນີ້ ທ່ານ ທອງລຸນ ສີສຸລິດ ນາຍົກລັດຖະມົນຕີ ໄດ້ນຳພາເຈົ້າໜ້າທີ່ການສຶກສາທົ່ວປະເທດ ເພື່ອສະເຫຼືອສະຫຼອງວັນຄູແຫ່ງຊາດຄົບຮອບ 25 ​ປີ, ເຊິ່ງກົງກັບວັນທີ 7 ຕຸລາ.ໃນພິທີສະເຫຼີມສະຫຼອງທີ່ມະຫາວິທະຍາໄລແຫ່ງຊາດ ວິທະຍາເຂດດົງໂດກ, ທ່ານ ທອງລຸນ ໃນນາມຕາງໜ້າລັດຖະບານ ໄດ້ກ່າວຄຳຍ້ອງຍໍຊົມເຊີຍ ແລະ ສະແດງຄວາມຮູ້ບຸນຄຸນໃນການປະກອບສ່ວນຂອງບັນດາຄູອາຈານ ຕໍ່ການພັດທະນາຊັບພະຍາກອນຂອງປະເທດຊາດ.ອ່ານຕໍ່ ...

ການລະເບີດໃນວັນເສົານີ້ ເຊິ່ງເກີດຈາກການລະເບີດຫີນໃນໂຮງງານຊີມັງຂອງຈີນ ຢູ່ແຂວງພາກເໜືອຂອງລາວ ໄດ້ສົ່ງຜົນກະທົບຕໍ່ບ້ານແຫ່ງໜຶ່ງ ເຮັດໃຫ້ມີຜູ້ເສຍຊີວິດຢ່າງໜ້ອຍໜຶ່ງຄົນ ແລະ ບາດເຈັບອີກ 20 ກວ່າຄົນ, ຕາມການກ່າວຂອງຊາວບ້ານ.ການລະເບີດດັ່ງກ່າວຢູ່ບ້ານພອນມະນີ ເມືອງນ້ຳບາກ ແຂວງຫຼວງພະບາງ ເຮັດໃຫ້ເຮືອນຊານ ແລະ ລົດພັງເສຍຫາຍ.ອ່ານຕໍ່ ...

(ຂປລ) ໃນວັນທີ 3 ຕຸລານີ້ ອົງການສະຫະປະຊາຊາດເພື່ອການພັດທະນາ (UNDP) ໄດ້ລົງນາມໃນຂໍ້ຕົກລົງການປະກອບສ່ວນ ກັບຄູ່ຮ່ວມງານເອກະຊົນໃໝ່, ບໍລິສັດໄຟຟ້ານ້ຳເທີນ 2 ຈຳກັດ (NTPC) ໃນການສະໜັບສະໜູນການສ້າງຕັ້ງວິທະຍຸຊົມຊົນໃໝ່ ຢູ່ເມືອງນາກາຍ, ແຂວງຄຳມ່ວນ.ພາຍໃຕ້ຂໍ້ຕົກລົງດັ່ງກ່າວ, NTPC ໄດ້ຕົກລົງໃຫ້ການຊ່ວຍເຫຼືອມູນຄ່າ USD 120,000 ໂດລາໃນໄລຍະສາມປີ ເຊິ່ງເປັນການສົມທົບທຶນກັບອົງການ UNDP ມູນຄ່າ USD 80,000.ອ່ານຕໍ່ ...

ພິທີເຊັນບົດບັນທຶກຄວາມເຂົ້າໃຈຂອງໂຄງການ ໄດ້ຈັດຂຶ້ນໃນວັນສຸກນີ້ ທີ່ກະຊວງສຶກສາທິການ ແລະ ກິລາ ເຊິ່ງເປັນການເປີດໂຄງການຢ່າງເປັນທາງການ ພາຍໃຕ້ການສະໜັບສະໜູນໂດຍສະຖານທູດຝຼັ່ງ ເພື່ອຍົກລະດັບການຮຽນການສອນວິຊາຄະນິດສາດ ແລະ ວິທະຍາສາດ ໃນຫ້ອງຮຽນສອງພາສາ ລາວ-ຝຼັ່ງ ຕາມແຜນພັດທະນາການສຶກສາຂອງລັດຖະບານ ເພື່ອຍົກລະດັບຄຸນນະພາບການສຶກສາ.ບົດບັນທຶກຄວາມເຂົ້າໃຈໂຄງການ ເຊິ່ງໄດ້ຜ່ານການລົງນາມໂດຍທ່ານນາງ ສີສຸກ ວົງວິຈິດ ຫົວໜ້າກົມສາມັນສຶກສາ ກະຊວງສຶກສາທິການ ແລະ ກິລາ, ແລະທ່ານ ແພັດທຼິກ ໂຄແຮັນ ຫົວໜ້າຝ່າຍການຮ່ວມມືຂອງສະຖານທູດຝຼັ່ງປະຈຳ ສປປ ລາວ, ມີຈຸດປະສົງແນໃສ່ສະໜອງອຸປະກອນການຮຽນ-ການສອນໃໝ່ໃນວິຊາວິທະຍາສາດ (ປຶ້ມແບບຮຽນ, ອຸປະກອນ, ການເຊື່ອມຕໍ່ອິນເຕີເນັດ) ແລະ ໃຫ້ການຝຶກອົບຮົບການພັດທະນາແບບມືອາຊີບ ແລະ ການຝຶກອົບຮົມຄູສອນລາຍວິຊາເພີ່ມເຕີມ. ອ່ານຕໍ່ ...

(ຂປລ) ເພື່ອເປັນສ່ວນໜຶ່ງຂອງການຮ່ວມງານເພື່ອສ້າງຄວາມເຂັ້ມແຂງໃຫ້ແກ່ລະບົບການສຶກສາ (PSES), ສະຫະພາບຢູໂຣບ (EU) ແລະ ອົງການຢູນິເຊັບ (UNICEF) ໄດ້ມອບອຸປະກອນໃຫ້ກະຊວງສຶກສາທິການ ແລະ ກິລາ (MoES) ມູນຄ່າລວມ US$ 121,000 ໂດລາ, ເຊິ່ງລວມມີ ລົດຈັກ 40 ຄັນ, ຄັອມພິວເຕີຕັ້ງໂຕະ 62 ຊຸດ, ແລະ ຄັອມພິວເຕີມືຖື 3 ເຄື່ອງ.ພິທີມອບຮັບເຄື່ອງອຸປະກອນດັ່ງກ່າວ ໄດ້ຈັດຂຶ້ນຢູ່ທີ່ກະຊວງສຶກສາທິການ ແລະ ກິລາ ນະຄອນຫຼວງວຽງຈັນ ໃນວັນທີ 3 ຕຸລານີ້ ລະຫວ່າງທ່ານ ລີໂອ ເຟເບີ ເອກອັກຄະລັດຖະທູດຢູໂຣປະຈຳ ສປປ ລາວ, ທ່ານ ເອີຟານ ອັກຕາ ຜູ້ຕາງໜ້າອົງການຢູນິເຊັບປະຈຳ ສປປ ລາວ, ແລະ ທ່ານນາງ ...

ວຽງຈັນ (ວຽງຈັນທາມສ໌/ANN) – ຄົນລາວສ່ວນໃຫຍ່ນິຍົມບໍລິໂພກເຂົ້າໜຽວ ເຊິ່ງເປັນສະບຽງອາຫານຫຼັກຂອງຄົນລາວທົ່ວປະເທດ.ໃນຊຸມປີຜ່ານມາ ລາຄາເຂົ້າທີ່ຜະລິດໃນລາວແມ່ນນັບມື້ນັບສູງຂຶ້ນ ແລະ ບໍ່ເຄີຍລົງ. ສາເຫດຂອງບັນຫານີ້ແມ່ນຍ້ອນພື້ນທີ່ປູກເຂົ້າຈຳນວນຫຼາຍ ບໍ່ສາມາດທຳການຜະລິດໄດ້ຕາມເປົ້າໝາຍ ເນື່ອງຈາກລະດູແລ້ງທີ່ແກ່ຍາວ ແລະ ໄພນ້ຳຖ້ວມ. ບາງພາກຂອງປະເທດບໍ່ສາມາດຜະລິດເຂົ້າໄດ້ພຽງພໍຕໍ່ຄວາມຕ້ອງການ ສ່ວນຜູ້ຂາຍເອງກໍສວຍໂອກາດຂຶ້ນລາຄາເຂົ້າໃນເວລາຂາດແຄນ. ຕາມຄຳສຸພາສິດທີ່ວ່າ “ນ້ຳຂຶ້ນໃຫ້ຮີບຕັກ ຖ້າບໍ່ດັ່ງນັ້ນຈະບໍ່ໄດ້ຫຍັງ.”ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລາວຍັງຄົງມີໝູພຽງພໍຕໍ່ຄວາມຕ້ອງການຂອງຕະຫຼາດ ເຖິງຈະມີການລະບາດຂອງພະຍາດອະຫິວາໝູອາຟຼິກາຢ່າງຕໍ່ເນື່ອງພາຍໃນປະເທດ.ການລະບາດຂອງພະຍາດດັ່ງກ່າວກວມເອົາ 103 ບ້ານໃນ 42 ເມືອງໃນ 15​ ແຂວງ, ຕາມຂໍ້ມູນຈາກກົມລ້ຽງສັດ ແລະ ການປະມົງ ພາຍໃຕ້ກະຊວງກະສິກຳ ແລະ ປ່າໄມ້.ພື້ນທີ່ທີ່ມີການລະບາດ ມີໝູທັງໝົດ 25,568 ໂຕ, ເຊິ່ງໃນນັ້ນ 10,903 ໂຕຕາຍຍ້ອນພະຍາດດັ່ງກ່າວ ແລະ ອີກ 3,306 ໂຕໄດ້ຮັບການທຳລາຍ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດຖະບານລາວມີຈຸດປະສົງໃນການສົ່ງເສີມທຸລະກິດຂະໜາດນ້ອຍ ແລະ ຂະໜາດກາງ ກໍ່ຄືສົ່ງເສີມການເລີ່ມຕົ້ນທຸລະກິດໃໝ່ ເຊິ່ງມີຄວາມສຳຄັນຕໍ່ການຂະຫຍາຍຕົວດ້ານເສດຖະກິດ.ສວນກະເສດປອດສານພິດ ທານຝັນ ເຊິ່ງເປັນກຸ່ມຜູ້ຜະລິດຢາສະຜົມ ແລະ ຢາລ້າງຈານປອດສານພິດ ເມືອງປາກງື່ມ ນະຄອນຫຼວງວຽງຈັນ, ວາງສະແດງຜະລິດຕະພັນທີ່ເປັນມິດຕໍ່ສິ່ງແວດລ້ອມໃນງານວາງສະແດງສິນຄ້າ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ກະຊວງການຕ່າງປະເທດ ແລະ ກົມການເສດຖະກິດ ແລະ ສັງຄົມ ສະຫະປະຊາຊາດ (UN-DESA) ສືບຕໍ່ການປຶກສາຫາລືກ່ຽວກັບແຜນການເພື່ອປັບປຸງການປະສານງານ ແລະ ການລວມເປົ້າໝາຍການພັດທະນາແບບຍືນຍົງ (SDGs) ເພື່ອຊ່ວຍໃຫ້ລາວບັນລຸແຜນວາລະປີ 2030.ກອງປະຊຸມໄລຍະ 2 ວັນ (ວັນທີ 3-4 ຕຸລາ) ພາຍໃຕ້ຫົວຂໍ້ “ກອງປະຊຸມແຫ່ງຊາດເພື່ອການກະກຽມດ້ານສະຖາບັນ ສຳລັບວາລະປີ 2030: ການປັບປຸງການປະສານງານ ແລະ ການລວມເປົ້າໝາຍ SDGs” ໄດ້ໄຂຂຶ້ນວານນິ້ ແລະ ສືບຕໍ່ການສົນທະນາກ່ຽວກັບການສ້າງຄວາມສາມາດ ແລະ ພື້ນຖານເພື່ອເລັ່ງມືໃນການປະຕິບັດເພື່ອບັນລຸ SDGs, ພາຍຫຼັງການຫາລືໃນເດືອນພຶດສະພາທີ່ຜ່ານມາ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ອຳນາດການປົກຄອງໄດ້ແຈ້ງເຕືອນໃຫ້ຜູ້ຈຳໜ່າຍເຄື່ອງຮັບສັນຍານດາວທຽມສຳລັບວິທະຍຸ ແລະ ໂທລະພາບ ປະຕິບັດຕາມລະບຽບການທີ່ກ່ຽວຂ້ອງ ພາຍຫຼັງທີ່ຮູ້ມາວ່າມີຜູ້ຈຳໜ່າຍບາງລາຍ ໄດ້ນຳເຂົ້າເຄື່ອງຮັບສັນຍານບໍ່ຖືກຕາມລະບຽບກົດໝາຍ.ທ່ານ ຮສ.ປອ ບໍ່ແສງຄຳ ວົງດາຣາ ລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ໄດ້ອອກແນວທາງໃໝ່ກ່ຽວກັບຂໍ້ເງື່ອນໄຂ ທີ່ຜູ້ຈຳໜ່າຍຕ້ອງປະຕິບັດ.ຜ່ານມາ ມີຜູ້ຂາຍຫຼາຍເຈົ້າທີ່ຈຳໜ່າຍເຄື່ອງຮັບສັນຍານທີ່ນຳເຂົ້າບໍ່ຖືກຕ້ອງ ເຊິ່ງຜິດຕໍ່ລະບຽບກົດໝາຍທີ່ກ່ຽວຂ້ອງໃນຫຼາຍດ້ານ, ຕາມການເປິດເຜີຍຂອງທ່ານ ພິນພຼັດທະນາ ພັນທະມາລີ ຫົວໜ້າກົມສື່ມວນຊົນ ຕໍ່ສຳນັກຂ່າວວຽງຈັນທາມສ໌ວານນີ້.ອ່ານຕໍ່ ...