News

ບໍລິສັດນ້ຳປະປານະຄອນຫຼວງວຽງຈັນ ກຳລັງທຳການຕິດຕັ້ງຈັກສູບນ້ຳເຄື່ອງໃໝ່ ເພື່ອສູບນ້ຳຈາກລຳນ້ຳງື່ມ ພາຍຫຼັງທີ່ບາງພື້ນທີ່ໃນນະຄອນວຽງຈັນໄດ້ຜະເຊີນພາວະຂາດນ້ຳໃຊ້.ໂດຍສະເພາະໃນບາງສ່ວນຂອງເມືອງໄຊທານີ, ໄຊເສດຖາ, ແລະ ຈັນທະບູລີ ແມ່ນບໍ່ມີນ້ຳພຽງພໍຕໍ່ການນຳໃຊ້, ຕາມການລາຍງານຂອງສຳນັກຂ່າວລາວພັດທະນາ.ພາວະຂາດແຄນດັ່ງກ່າວ ແມ່ນເນື່ອງຈາກສະຖານນີນ້ຳປະປາດົງໝາກຄາຍ ບໍ່ສາມາດຜະລິດນ້ຳໄດ້ພຽງພໍກັບຄວາມຕ້ອງການ ເນື່ອງຈາກລະດັບນ້ຳໃນແມ່ງື່ມຫຼຸດລົງຕ່ຳກວ່າປົກກະຕິໃນຊ່ວງກາງເດືອນນີ້.ອ່ານຕໍ່  ...

ວຽງຈັນ (ວຽງຈັນທາມສ໌/ANN) – ທ່ານ ລີເບີ ລີບົວປາວ ໄດ້ຮັບການແຕ່ງຕັ້ງໃຫ້ເປັນ ຜູ້ວ່າການຫົວໜ້າສະຖາບັນຄົ້ນຄວ້າເສດຖະກິດແຫ່ງຊາດຄົນໃໝ່ ແທນທ່ານ ບົວສອນ ບຸບຜາວັນ ທີ່ເຖິງອາຍຸກະສຽນ.ພິທີຖະແຫຼງການແຕ່ງຕັ້ງຢ່າງເປັນທາງການ ໄດ້ມີຂຶ້ນທີ່ສະຖາບັນ ໃນວັນສຸກແລ້ວນີ້ ພາຍໃຕ້ການເປັນປະທານຂອງທ່ານ ບຸນທອງ ຈິດມະນີ ຮອງນາຍົກລັດຖະມົນຕີ.ອ່ານຕໍ່ ...

ກຸ່ມບໍລິສັດ Meal Temple ຂອງກຳປູເຈຍ ໄດ້ເປີດບໍລິການລົດຮັບສົ່ງໃນລາວ, ກາຍເປັນບໍລິສັດທີສອງຂອງປະເທດລາວທທີ່ໃຫ້ບໍລິການດັ່ງກ່າວ ນອກຈາກບໍລິສັດທ້ອງຖິ່ນ LOCA.ກຸ່ມບໍລິສັດ Meal Temple ເຊິ່ງໄດ້ມີການກໍ່ຕັ້ງໃນປີ 2013 ໄດ້ຂະຫຍາຍກິດຈະການເຂົ້າມາໃນລາວໃນເດືອນກໍລະກົດປີນີ້ ດ້ວຍການຊື້ກິດຈະການ MyDelivery ບໍລິການຈັດສົ່ງອາຫານຜ່ານໂທລະສັບມືຖື ຈາກບໍລິສັດ Kiwi Group ຂອງລາວ. ປະຈຸບັນ ທາງບໍລິສັດມີກິດຈະການຢູ່ໃນປະເທດມຽນມາ, ເນປານ ແລະ ພູຖານ.ກຸ່ມບໍລິສັດດັ່ງກ່າວຈະເຂົ້າມາເປີດບໍລິການລົດຮັບສົ່ງໃນລາວ ທ່າມກາງການຂະຫຍາຍຕົວຂອງຂະແໜງການທ່ອງທ່ຽວໃນປະເທດ.ອ່ານຕໍ່ ...

ຊາວບ້ານທີ່ອາໄສຢູ່ໃກ້ກັບເຂື່ອນໄຟຟ້າ ດອນສະໂຮງ ເຊິ່ງເປັນເຂື່ອນໄຟຟ້າຂະໜາດໃຫຍ່ໃນສາຍແມ່ນ້ຳຂອງ ເຊິ່ງການກໍ່ສ້າງໃກ້ຈະສຳເລັດແລ້ວ ລາຍງານວ່າຫາປາໄດ້ໜ້ອຍລົງ.ເຂື່ອນດັ່ງກ່າວ ເຊິ່ງຈະທຳການທົດສອບລະບົບໄລຍະສຸດທ້າຍໃນຕົ້ນເດືອນໜ້າ ຈະເລີ່ມເປີດດຳເນີນການເຕັມໂຕພາຍໃນທ້າຍປີນີ້.ເຂື່ອນໄຟຟ້າ ດອນສະໂຮງ ແມ່ນໜຶ່ງໃນເຂື່ອນຂະໜາດໃຫຍ່ຈຳນວນຫ້າແຫ່ງຂອງລາວ ທີ່ມີແຜນການກໍ່ສ້າງໃນສາຍແມ່ນ້ຳຂອງ, ຕາມຍຸດທະສາດຂອງລາວໃນການເປັນ “ໝໍ້ໄຟ” ແຫ່ງພາກພື້ນອາຊີຕາເວັນອອກສຽງໃຕ້, ແຕ່ຫຼາຍຄົນກໍມີຄວາມກັງວົນວ່າ ແຜນການອັນສູງສົ່ງດັ່ງກ່າວ ຈະສົ່ງຜົນກະທົບທີ່ຮ້າຍແຮງຕໍ່ສິ່ງແວດລ້ອມ ແລະ ສັງຄົມ.ອ່ານຕໍ່  ...

ປະຊາຊົນຈຳນວນສາມສິບຄອບຄົວ ຢູ່ບ້ານສົ້ນຂົວເໜືອ ເມືອງຫົວເມືອງ ແຂວງຫົວພັນ ກຳລັງຕ້ອງການຄວາມຊ່ວຍເຫຼືອດ້ານອຸປະກອນເຄື່ອງໃຊ້ໃນຄົວເຮືອນ, ເຄື່ອງນຸ່ງຫົ່ມ, ອາຫານ ແລະ ອຸປະກອນກໍ່ສ້າງ ພາຍຫຼັງທີ່ເຂົາເຈົ້າໄດ້ສູນເສຍເຮືອນຊານ ຍ້ອນເຫດອັກຄີໄພ ໃນວັນອັງຄານຜ່ານມານີ້.ທ່ານພັນໂທ ເພັງສີ ມາລັດສົມຫວັງ ຫົວໜ້າຫ້ອງການປ້ອງກັນຄວາມສະຫງົບເມືອງ ລາຍງານຜ່ານສຳນັກຂ່າວວຽງຈັນທາມສ໌ວ່າ ປະຈຸບັນປະຊາຊົນຈຳນວນ 152 ຄົນໃນ 30 ຄອບຄົວ ໄດ້ສູນເສຍທີ່ຢູ່ອາໄສ, ແລະ ເຄື່ອງໃຊ້ຂອງສອຍ, ເຄື່ອງເຮືອນ ແລະ ຊັບສິນຫຼາຍຢ່າງ. ເຫດອັກຄີໄພດັ່ງກ່າວຄາດວ່າເກີດຈາກໄຟຟ້າລັດວົງຈອນ, ປະເມີນຄວາມເສຍຫາຍເບື້ອງຕົ້ນແມ່ນເກືອບ 2 ຕື້ກີບ. ເຮືອນຊານທີ່ຖືກໄຟໄໝ້ ສ່ວນໃຫຍ່ແມ່ນເຮັດດ້ວຍໄມ້. ບ້ານສົ້ນຂົວມີທັງໝົດ 200 ຫຼັງຄາເຮືອນ, ໃນນັ້ນເຮືອນ 22 ຫຼັງແມ່ນຖືກໄຟໄໝ້ໝົດ ແລະ ອີກ 8 ຫຼັງໄດ້ຮັບຄວາມເສຍຫາຍຮ້າຍແຮງ.ອ່ານຕໍ່  ...

ລະດັບນ້ຳໃນແມ່ນ້ຳຂອງ ແລະ ສາຂາ ທີ່ຫຼຸດຕ່ຳເປັນປະຫວັດການ ຄາດວ່າຍັງຈະສືບຕໍ່ຫຼຸດລົງ ທັງໆທີ່ຫາກໍ່ເຂົ້າຕົ້ນລະດູແລ້ງໃນເດືອນຕຸລາ,​ ຕາມຄຳເຫັນຂອງເຈົ້າໜ້າທີ່ການນຳທີ່ຮັບຜິດຊອດການຕິດຕາມລະດັບນ້ຳ.“ລະດູຝົນຫາກໍ່ໝົດໄປ, ຕໍ່ຈາກນີ້ໄປລະດັບນ້ຳໃນແມ່ນ້ຳຂອງ ແລະ ບາງສາຂາ ຈະຍັງສືບຕໍ່ຫຼຸດລົງ, ” ທ່ານນາງ ອຸທອນ ເພັດຫຼວງສີ ຮອງຫົວໜ້າກົມອຸຕຸນະຍົມວິທະຍາ ແລະ ອຸທຸກະສາດ ກ່າວຜ່ານສຳນັກຂ່າວວຽງຈັນທາມສ໌ໃນວັນພະຫັດນີ້.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ສະພາການຄ້າ ແລະ ອຸດສາຫະກຳແຫ່ງຊາດລາວ (LNCCI) ແລະ ຫ້ອງການການຄ້າ ແລະ ອຸດສາຫະກຳຢູໂຣບປະຈຳ ສປປ ລາວ (ECCIL) ໄດ້ທຳການເປີດຕົວ ການບໍລິການໃບຢັ້ງຢືນທຸລະກິດປອດແຮງງານເດັກ ຢ່າງເປັນທາງການ.ທ່ານ ປອ. ໄຊບັນດິດ ຣາຊພອນ ຮອງປະທານ LNCCI ແລະ ປະທານສະມາຄົມອຸດສາຫະກຳຕັດຫຍິບລາວ, ທ່ານ ອານອດ ຄໍລິເຍ ປະທານ ECCIL, ທ່ານ ຈຳລອງ ຈະເນດທະນະກິດ ອຳນວຍການບໍລິຫານບໍລິສັດ ໄຮເທັກ ອາພອນລາວ ຈຳກັດ ໄດ້ລົງນາມໃນຂໍ້ຕົກລົງຢູ່ທີ່ບໍລິສັດອາພອນດັ່ງກ່າວ ທີ່ນະຄອນຫຼວງວຽງຈັນ ເພື່ອເປີດຕົວການບໍລິການອອກໃບຢັ້ງຢືນດັ່ງກ່າວ.ອ່ານຕໍ່ ...

ວຽງຈັນ, 23 ຕຸລາ (Xinhua) — ເຈົ້າໜ້າທີ່ຈີນ ແລະ ລາວ ໄດ້ລົງນາມໃນເອກະສານ ເພື່ອດຳເນີນໂຄງການຊ່ວຍເຫຼືອຂອງຈີນ ໃນການຫຼຸດຜ່ອນຄວາມທຸກຍາກໃນລາວ ໃນວັນພຸດນີ້ ທີ່ນະຄອນຫຼວງວຽງຈັນ.ທ່ານ ຫວັງ ສີອຸຍ ທີ່ປຶກສາດ້ານເສດຖະກິດ ແລະ ການຄ້າ ສະຖານທູດຈີນປະຈຳລາວ ແລະ ທ່ານ ໄຊຊະນະ ສິດທິພອນ ຫົວໜ້າຫ້ອງການ ຄະນະກຳມາທິການການຮ່ວມມືລາວ-ຈີນ ໄດ້ລົງນາມໃນບົດສະຫຼຸບການຈັດຕັ້ງປະຕິບັດການຊ່ວຍເຫຼືອຂອງລັດຖະບານຈີນ ໃນການກໍ່ສ້າງສິ່ງອຳນວຍຄວາມສະດວກເພື່ອຫຼຸດຜ່ອນຄວາມທຸກຍາກໃນຊົນນະບົດຂອງລາວ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ໂຮງຮຽນມັດທະຍົມສິນໄຊ ແລະ ໂຮງຮຽນປະຖົມຊະນະພົນ ຂອງລາວ ໄດ້ຮັບລາງວັນໂຮງຮຽນສົ່ງເສີມສິ່ງແວດລ້ອມອາຊຽນ ຮ່ວມກັບໂຮງຮຽນຕ່າງໆໃນທົ່ວພາກພື້ນ ເຊິ່ງມີພິທີມອບລາງວັນຫວ່າງໝໍ່ໆມານີ້ ທີ່ນະຄອນສຽມຣຽບ, ກຳປູເຈຍ.ນີ້ແມ່ນພິທີມອບລາງວັນໂຮງຮຽນສົ່ງເສີມສິ່ງແວດລ້ອມອາຊຽນຄັ້ງທີ່ສາມ ເຊິ່ງຈັດຂຶ້ນໃນທຸກໆສອງປີ, ເພື່ອສົ່ງເສີມໂຮງຮຽນທີ່ມີແນວຄິດນຳພາ ແລະ ດຳເນີນການເພື່ອສົ່ງເສີມຄວາມຮູ້ກ່ຽວກັບສິ່ງແວດລ້ອມ ໃນການສຶກສາທຸກໆດ້ານ ແລະ ໃນຊຸມຊົນອ້ອມຂ້າງ.ອ່ານຕໍ່  ...

ວຽງຈັນ (ວຽງຈັນທາມສ໌/ANN) – ລັດຖະບານ ອອສ໌ເຕຼເລຍ ໃຫ້ທຶນຊ່ວຍເຫຼືອກວ່າ 25 ຕື້ກີບ (4.2 ລ້ານໂດລາອອສ໌ເຕຼເລຍ) ເພື່ອການປັບປຸງຄວາມສະເໝີພາບໃນການເຂົ້າເຖິງ ແລະ ນຳໃຊ້ສຸຂາພິບານ ແລະ ສຸຂະອະນາໄມ ຢູ່ແຂວງສະຫວັນນະເຂດ.ບົດບັນທຶກຄວາມເຂົ້າໃຈກ່ຽວກັບການຈັດຕັ້ງປະຕິບັດໂຄງການສຸຂາພິບານ ແລະ ສຸຂະອະນາໄມແບບຍືນຍົງສຳລັບທຸກຄົນ ໄດ້ມີການລົງນາມຫວ່າງໝໍ່ໆມານີ້ ລະຫວ່າງທ່ານ ປອ. ບົງສຸວັນ ພັນທະວົງ ຫົວໜ້າພະແນກສາທາລະນະສຸກແຂວງສະຫວັນນະເຂດ ແລະ ທ່ານ ດຣ ແອລເລີດ ວັນ ເດນແຮັມ ຫົວໜ້າອົງການ SNV ປະຈຳລາວ.ອ່ານຕໍ່ ...