News

ວຽງຈັນ (ວຽງຈັນທາມສ໌/ANN) – ວິສາຫະກິດຮ່ວມປະສົມລາວ-ຈີນ ມີແຜນຈັດຕັ້ງນິຄົມອຸດສາຫະກຳການຜະລິດຢາ ໃນນະຄອນຫຼວງວຽງຈັນ.ທາງບໍລິສັດຍັງມີແຜນຜະລິດອຸປະກອນການແພດຫຼາຍປະເພດ ເພື່ອສະໜອງຄວາມຕ້ອງການຂອງຕະຫຼາດໃນອະນາຄົດ ແລະ ຫຼຸດຜ່ອນການນຳເຂົ້າ.ທ່ານ ຈາງ ຈົງຕີ ປະທານບໍລິສັດ Golden Wisdom ຮ່ອງກົງ ເປີດເຜີຍໃນພິທີວາງສີລາເລີກການກໍ່ສ້າງບໍລິສັດຜະລິດຢາ Golden Wisdom (ລາວ) ຈຳກັດ ໃນວັນສຸກແລ້ວນີ້ ໃນເຂດພັດທະນາໄຊເສດຖາ ນະຄອນຫຼວງວຽງຈັນ.ອ່ານຕໍ່ ...

ຊາວບ້ານ 100 ກວ່າຄອບຄົວ ທີ່ໄດ້ຍ້າຍທີ່ຕັ້ງບ້ານໃນສີ່ປີກ່ອນ ສຳລັບການກໍ່ສ້າງເຂື່ອນໄຟຟ້ານ້ຳທາ 1 ຢູ່ແຂວງຫຼວງນ້ຳທາ ກຳລັງຢູ່ໃນສະພາບຂາດແຄນນ້ຳ ເນື່ອງຈາກໄພແລ້ງ, ຕາມແຫຼ່ງຂ່າວທ້ອງຖິ່ນ.ແຫຼ່ງນ້ຳທີ່ຢູ່ໃກ້ເຂດບ້ານທີ່ຍົກຍ້າຍພູມລຳເນົາເພື່ອການສ້າງເຂື່ອນນ້ຳທາ 1 ເຊິ່ງປະກອບດ້ວຍເຈັດບ້ານນ້ອຍ, ຕັ້ງຢູ່ເຂດເນີນສູງ ຫ່າງຈາກນ້ຳທາປະມານ 10 ກມ (6 ໄມ) ຢູ່ເມືອງນາແລ ໃນປະຈຸບັນແມ່ນຢູ່ໃນສະພາບບົກແຫ້ງ, ຫົວໜ້າເຂດບ້ານຕະວັນ ເປີດເຜີຍໃນການສຳພາດຕໍ່ໜ່ວຍຂ່າວ RFA ລາວ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ກະຊວງການເງິນ ໄດ້ກຳນົດລະບຽບການວ່າ ອຳນາດການປົກຄອງບ້ານ ບໍ່ມີສິດອອກແຜນງົບປະມານບ້ານຢ່າງເສລີ ເນື່ອງຈາກບ້ານເປັນສ່ວນໜຶ່ງໃນສາຍການປົກຄອງຂອງລັດ ຈຶ່ງຕ້ອງປະຕິບັດຕາມກົດໝາຍວ່າດ້ວຍງົບປະມານ.ທ່ານ ສົມດີ ດວງດີ ລັດຖະມົນຕີກະຊວງການເງິນ ໄດ້ລົງນາມຮັບຮອງເອົາຂໍ້ຕົກລົງຂອງລັດຖະມົນຕີ ກ່ຽວກັບວຽກງານການເງິນບ້ານ ໃນວັນທີ 11 ພະຈິກນີ້, ໂດຍກຳນົດວ່າ ອຳນາດການປົກຄອງບ້ານ ຕ້ອງຍື່ນສະເໜີແຜນລາຍຮັບ ແລະ ລາຍຈ່າຍຂອງບ້ານ ເພື່ອໃຫ້ຫ້ອງການປົກຄອງເມືອງພິຈາລະນາ ແລະ ຮັບຮອງເອົາ.ການແຊກແຊງດ້ານນະໂຍບາຍດັ່ງກ່າວ ແມ່ນເນື່ອງຈາກຄຳຖາມຂອງປະຊາຊົນ ກ່ຽວກັບສິດຂອງອຳນາດການປົກຄອງບ້ານ ໃນການເກັບຄ່າທຳນຽມຈາກປະຊາຊົນ ແລະ ການໃຊ້ຈ່າຍເງິນດັ່ງກ່າວ. ນອກຈາກນີ້ ຫຼາຍບ້ານກໍ່ມີການເກັບຄ່າທຳນຽມໃນອັດຕາທີ່ແຕກຕ່າງກັນ ເຮັດໃຫ້ຫຼາຍຄົນມີຄຳຖາມວ່າແມ່ນມາຈາກຄຳສັ່ງຂອງຂັ້ນເທິງ ແທ້ຫຼືບໍ່.ອ່ານຕໍ່ ...

ລາວ ແລະ ສາທາລະນະລັດເກົາຫຼີ (ROK) ໄດ້ລົງນາມໃນບົດບັນທຶກຄວາມເຂົ້າໃຈ (MOUs) ສາມສະບັບ ເພື່ອສືບຕໍ່ເສີມຂະຫຍາຍການຮ່ວມມື. ບົດບັນທຶກຄວາມເຂົ້າໃຈກ່ຽວກັບລະບົບຂໍ້ມູນຂ່າວສານເພື່ອການຄຸ້ມຄອງທ່າເຮືອ, ຊັບສິນທາງປັນຍາ, ການຮ່ວມມືທາງວິຊາການ ແລະ ການຮ່ວມມືວິຊາຊີບ ໄດ້ມີການລົງນາມໃນກອງປະຊຸມພາຄີລະຫວ່າງທ່ານ ທອງລຸນ ສີສຸລິດ ນາຍົກລັດຖະມົນຕີລາວ ແລະ ທ່ານ ມູນ ແຈອິນ ປະທານປະເທດແຫ່ງສາທາລະນະລັດເກົາຫຼີ, ອີງຕາມກະຊວງການຕ່າງປະເທດລາວ.ອ່ານຕໍ່ ...

ວໍຊິງຕັນ, 2 ທັນວາ 2019 – ຄະນະບໍລິຫານທະນາຄານໂລກ ໄດ້ມີການອະນຸມັດທຶນເພີ່ມເຕີມມູນຄ່າ $22.5 ລ້ານໂດລາ ສຳລັບກອງທຶນຫຼຸດຜ່ອນຄວາມທຸກຍາກ, ເຊິ່ງເປັນໜຶ່ງໃນພາຫະນະຕົ້ນຕໍຂອງລັດຖະບານ ສປປ ລາວ ໃນການແກ້ໄຂຄວາມທຸກຍາກໃນພື້ນທີ່ຊົນນະບົດ.ທຶນເພີ່ມເຕີມດັ່ງກ່າວ ຈະນຳໃຊ້ເພື່ອສະໜັບສະໜູນກິດຈະກຳກ່ຽວກັບການກະສິກຳ ພາຍໃຕ້ຍຸດທະສາດດ້ານໂພຊະນາການແຫ່ງຊາດຂອງລັດຖະບານ ໂດຍສຸມໃສ່ພື້ນຖານໂຄງລ່າງການຜະລິດ ຫຼື ການກະເສດ ເພື່ອຍົກລະດັບຊີວິດການເປັນຢູ່ ແລະ ໂພຊະນາການຂອງປະຊາຊົນ, ແລະ ຂະຫຍາຍການເຂົ້າເຖິງກອງທຶນແນວປູກ ສຳລັບກຸ່ມທີ່ຕ້ອງການພັດທະນາຕົນເອງ.ອ່ານຕໍ່ ...

ແມ່ນ້ຳຂອງ ເຊິ່ງຕາມປົກກກະຕິຈະເປັນສີນ້ຳຕານຂຸ້ນ ໄດ້ປ່ຽນເປັນສີຟ້າຄາມ ຄ້າຍກັບສີຂອງນ້ຳທະເລ ຢູ່ບາງທ້ອງຖິ່ນ.ປະຊາຊົນຊາວເມືອງທ່າແຂກ ແລະ ນະຄອນພະນົມຂອງໄທ ໄດ້ສັງເກດເຫັນສີຂອງແມ່ນ້ຳຂອງທີ່ປ່ຽນເປັນສີຟ້າໃນຊ່ວງອາທິດທີ່ຜ່ານມາ. ເຊິ່ງສື່ສັງຄົມອອນໄລ ໄດ້ມີການແລກປ່ຽນຮູບພາບປະກົດການອັນສວຍງາມນີ້ຂອງແມ່ນ້ຳຂອງ ເຊິ່ງມີບັນຍາກາດຄ້າຍຄືກັບທະເລ. ການປ່ຽນແປງຂອງສີຂອງແມ່ນ້ຳຂອງນີ້ ເຖິງວ່າຈະມີຄວາມສວຍງາມ ແຕ່ວ່າມັນເປັນສັນຍານເຕືອນໄພທີ່ໜ້າຕົກໃຈ ກ່ຽວກັບສະພາບຂອງແມ່ນ້ຳຂອງ.ລະດັບນ້ຳໃນແມ່ນ້ຳຂອງ ໃນບາງທ້ອງຖິ່ນໄດ້ຫຼຸດຕ່ຳລົງເຫຼືອພຽງ 1 ແມັດ ເຊິ່ງເປັນລະດັບທີ່ຕ່ຳທີ່ສຸດໃນຮອບ 50 ປີທີ່ມີການບັນທຶກ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຊາວກະສິກອນ ແລະ ຜູ້ຜະລິດໃນນະຄອນຫຼວງວຽງຈັນ ມີຄວາມຫວັງໃນການຂະຫຍາຍຕະຫຼາດ ພາຍຫຼັງທີ່ລັດຖະບານໄດ້ຈັດງານຕະຫຼາດນັດເພື່ອສົ່ງເສີມສິນຄ້າ ແລະ ຊຸກຍູ້ການຂາຍໃຫ້ແກ່ພວກເຂົາ.ງານຕະຫຼາດນັດຜະລິດຕະພັນກະສິກຳພາຍໃນປະເທດ ໄດ້ຈັດຂຶ້ນໃນທ້າຍອາທິດແລ້ວນີ້ ທີ່ເດີ່ນຈອດລົດສູນການຄ້າລາວ-ໄອເຕັກ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດຖະບານໄດ້ມີການຮ່ວມມືຢ່າງໃກ້ຊິດກັບປະເທດອອສ໌ເຕຼເລຍ ໃນດ້ານການພັດທະນາຊັບພະຍາກອນມະນຸດ ແລະ ການຈັດຕັ້ງປະຕິບັດນະໂຍບາຍການພັດທະນາ ໃນຂົງເຂດດັ່ງກ່າວ.ບັນຫາດັ່ງກ່າວໄດ້ມີການຫາລື ໃນກອງປະຊຸມປຶກສາຫາລຶ ດ້ານການພັດທະນາຊັບພະຍາກອນມະນຸດແຫ່ງຊາດປະຈຳປີ ຄັ້ງທີສາມ ທີ່ນະຄອນຫຼວງວຽງຈັນ ຫວ່າງໝໍ່ໆມານີ້.ກອງປະຊຸມດັ່ງກ່າວມີຜູ້ເຂົ້າຮ່ວມປະມານ 60 ຄົນຈາກຖັນແຖວກະຊວງ ແລະ ບັນດາຄູ່ຮ່ວມພັດທະນາ, ເພື່ອຮ່ວມປະກອບຄຳຄິດຄຳເຫັນກ່ຽວກັບການລິເລີ່ມຂອງລັດຖະບານ ໃນການຍົກລະດັບກຳລັງແຮງງານລາວ ແລະ ກຳນົດພື້ນທີ່ເພື່ອການຮ່ວມມືໃນອະນາຄົດ,​ ຕາມບົດຂ່າວຂອງສະຖານທູດອອສ໌ເຕຼເລຍ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ໃນວັນສຸກແລ້ວນີ້ ບັນດາທູດຕ່າງປະເທດ ໄດ້ເຂົ້າພົບປະກັບທ່ານປະທານປະເທດ ບຸນຍັງ ວໍລະຈິດ, ທ່ານນາຍົກລັດຖະມົນຕີ ທອງລຸນ ສີສຸລິດ ພ້ອມດ້ວຍການນຳພັກ ແລະ ລັດ ເພື່ອຮ່ວມອວຍພອນປະເທດລາວ ເນື່ອງໃນໂອກາດວັນສະຖາປະນາ ສປປ ລາວ ຄົບຮອບ 44 ປີ.ການພົບປະດັ່ງກ່າວໄດ້ຈັດຂຶ້ນທີ່ທຳນຽບປະທານປະເທດ, ໂດຍມີທ່ານນາງ ເບລິນດາ ມ. ອັນເຕ ເອກອັກຄະລັດຖະທູດຟິລິປິນປະຈຳລາວ ຂຶ້ນຕາງໜ້າໃຫ້ແກ່ຄະນະທູດ ໃນການກ່າວຄຳອວຍພອນໃຫ້ແກ່ບັນດາທ່ານຜູ້ນຳລາວ ເນື່ອງໃນໂອກາດວັນຊາດ ທີ່ໝູນວຽນມາບັນຈົບຄົບຮອບໃນວັນຈັນນີ້.ອ່ານຕໍ່ ...

(ຂປລ) ລັດຖະບານຍີ່ປຸ່ນ ໄດ້ໃຫ້ທຶນຊ່ວຍເຫຼືອລ້າມູນຄ່າ US$516,34 ໂດລາ ເພື່ອສະໜັບສະໜູນການຍົກລະດັບທັກສະການອ່ານສຳລັບເດັກນ້ອຍ ແລະ ສະພາບແວດລ້ອມການຮຽນ ກໍ່ຄືຄວາມກ້າວໜ້າໂຮງຮຽນປະຖົມໃນ ສປປ ລາວ.ສັນຍາກ່ຽວກັບທຶນຊ່ວຍເຫຼືອດັ່ງກ່າວ ໄດ້ມີການລົງນາມທີ່ສະຖານທູດຍີ່ປຸ່ນ ນະຄອນຫຼວງວຽງຈັນ ໃນວັນທີ 18 ພະຈິກນີ້ ລະຫວ່າງ ທ່ານ ທະເກວະກະ ເກໂຊະ ເອກອັກຄະລັດຖະທູດຍີ່ປຸ່ນປະຈຳລາວ, ແລະ ທ່ານນາງ ມິຢາອຸຊິ ມາຢູໂກະ ຫົວໜ້າໂຄງການສຸພະນິມິດຍີ່ປຸ່ນ (WVJ), ເຊິ່ງເປັນອົງການຈັດຕັ້ງທີ່ບໍ່ຂຶ້ນກັບລັດຖະບານຂອງຍີ່ປຸ່ນ.ທຶນຊ່ວຍເຫຼືອດັ່ງກ່າວແມ່ນເພື່ອສະໜັບສະໜູນກິດຈະກຳ ໃນປີທຳອິດຂອງໂຄງການໄລຍະສາມປີ ທີ່ມີຊື່ວ່າ “ການຍົກລະດັບການອ່ານ, ສະພາບແວດລ້ອມ ແລະ ຄວາມກ້າວໜ້າໃນໂຮງຮຽນປະຖົມ ສຳລັບເດັກນ້ອຍຢູ່ເມືອງທ່າພັງທອງ.”ອ່ານຕໍ່ ...