News

ວາລະສານ Architectural Digest ມີການເຜີຍແຜ່ການຈັດອັນດັບສະຖານທີ່ທ່ອງທ່ຽວຊັ້ນນຳຂອງໂລກໃນແຕ່ລະປີ. ກ່ອນຈະຕິດອັນດັບດັ່ງກ່າວ, ສະຖານທີ່ທ່ອງທ່ຽວ ຈະຕ້ອງເປັນທີ່ດຶງດູດໃນກຸ່ມຄົນທີ່ມັກຮັກທາງດ້ານສະຖາປັດຕະຍາກຳ ແລະ ການອອກແບບ, ຕາມວາລະສານດັ່ງກ່າວ.ເມືອງຫຼວງພະບາງ ຕິດອັນດັບ 11 ໃນລາຍການ ແລະ ຖືກຈັດໃຫ້ເປັນເມືອງ “ທີ່ຢູ່ໃນເລດ້າຂອງນັກທ່ອງທ່ຽວ,” ແລະ ຈະມີການສະເຫຼີມສະຫຼອງການເປັນເມືອງມໍລະດົກຂອງ UNESCO ໂລກຄົບຮອບ 25 ປີ ໃນປີ 2020.ອ່ານຕໍ່  ...

(ຂປລ) ຄະນະບໍລິຫານທະນາຄານໂລກ ໄດ້ອະນຸມັດທຶນຊ່ວຍເຫຼືອ US$50 ລ້ານໂດລາ ໃນວັນທີ 13 ທັນວານີ້ ເພື່ອເປັນການຊ່ວຍເຫຼືອເພີ່ມເຕີມດ້ານການເງິນ ສຳລັບໂຄງການຄຸ້ມຄອງຄວາມສ່ຽງໄພພິບັດອາຊີຕາເວັນອອກສຽງໃຕ້ໃນ ສາທາລະນະລັດ ປະຊາທິປະໄຕ ປະຊາຊົນລາວ ແລະ ໂຄງການຂະແໜງກໍ່ສ້າງທາງໃນລາວ ໄລຍະ II.ທຶນເພີ່ມເຕີມດັ່ງກ່າວ ຈະຊ່ວຍຫຼຸດຜ່ອນຊ່ອງຫວ່າງທາງການເງິນ ສຳລັບການຟື້ນຟູຫຼັງໄພນ້ຳຖ້ວມຄັ້ງໃຫຍ່ໃນປີ 2018, ການຈັດບູລິມະສິດການລົງທຶນໃນການຄຸ້ມຄອງຄວາມສ່ຽງຕໍ່ໄພນ້ຳຖ້ວມ, ແລະ ຂະແໜງການກໍ່ສ້າງທາງ, ເຊິ່ງຄິດເປັນ 75 ສ່ວນຮ້ອຍຂອງຄວາມເສຍຫາຍ ແລະ ການສູນເສຍ ທີ່ຄາດຄະເນທັງໝົດ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຊາວກະສິກອນຢູ່ສອງແຂວງພາກເໜືອຄື ແຂວງຊຽງຂວາງ ແລະ ຫົວພັນ ມີຜົນຜະລິດທີ່ເພີ່ມຂຶ້ນທັງທາງດ້ານປະລິມານ ແລະ ຄຸນນະພາບ ຈາກເຈັດແນວພັນເຂົ້າພື້ນເມືອງ ເຂົ້າໄກ່ນ້ອຍ.ການລິເລີ່ມດ້ານກະສິກຳ-ຊິວະນາໆພັນ (TABI) ສືບຕໍ່ໂຄງການຊ່ວຍເຫຼືອຊາວກະສິກອນແຂວງຊຽງຂວາງ ແລະ ຫົວພັນ ເພື່ອປັບປຸງຄຸນນະພາບແນວພັນເຂົ້າໄກ້ນ້ອຍ ເພື່ອຮັບປະກັນຄວາມໝັ້ນຄົງດ້ານສະບຽງອາຫານໃນຊຸມຊົນ ແລະ ຜົນຕອບແທນທີ່ສູງຂຶ້ນສຳລັບຊາວກະສິກອນ.ໂຄງການດັ່ງກ່າວ ໄດ້ມີການຂະຫຍາຍຢູ່ໃນເກົ້າຕົວເມືອງໃນສອງແຂວງ ໂດຍຜ່ານເຄືອຂ່າຍການພັດທະນາການຜະລິດແນວພັນເຂົ້າໄກ່ນ້ອຍ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຄະນະຜູ້ແທນຈາກລັດຖະບານ ແລະ ນັກວິໄຈບັນດາປະເທດສະມາຊິກ ອົງການສົ່ງເສີມຜະລິດຕະພາບອາຊີ (APO) ໄດ້ປະຊຸມທີ່ນະຄອນຫຼວງວຽງຈັນ ເພື່ອສຶກສາ ແລະ ແລກປ່ຽນປະສົບການ ກ່ຽວກັບລະບຽບການດ້ານຄວາມປອດໄພຂອງອາຫານ ແລະ ບັນຫາທີ່ກ່ຽວຂ້ອງ.ທ່ານ ບຸນເຖິງ ດວງສະຫວັນ ຫົວໜ້າກົມສົ່ງເສີມທຸລະກິດຂະໜາດນ້ອຍ ແລະ ຂະໜາດກາງ, ແລະ ທ່ານ ດຣ Asaithambi Manickam ເຈົ້າໜ້າທີ່ໂຄງການ ພະແນກກະສິກຳ APO ເຂົ້າຮ່ວມເປັນປະທານໃນກອງປະຊຸມດັ່ງກ່າວ ເຊິ່ງມີຜູ້ເຂົ້າຮ່ວມຈາກປະເທດລາວ, ຫວຽດນາມ, ໄທ, ກຳປູເຈຍ, ອິນໂດເນເຊຍ, ສິງກະໂປ, ອິຣານ, ຟິຈິ, ມອງໂກເລຍ, ປາກິສະຖານ, ສີລັງກາ, ບັງກະລາເທດ.ອ່ານຕໍ່ ...

ສະພາແຫ່ງຊາດ ວາງແຜນພິຈາລະນາກົດໝາຍໃໝ່ 10 ສະບັບ ແລະ ກົດໝາຍດັດແກ້ອີກ 13 ສະບັບໃນປີໜ້າ ເພື່ອຈຸດປະສົງເດີນໜ້າພາລະກິດ ເພື່ອຮັບປະກັນໃຫ້ລາວ ມີການປົກຄອງພາຍໃຕ້ລະບຽບກົດໝາຍ.ອີງຕາມແຜນການເຮັດວຽກຂອງສະພາແຫ່ງຊາດສຳລັບປີ 2020, ເຊິ່ງນັກກົດໝາຍໄດ້ໃຫ້ການຮັບຮອງໃນຕອນທ້າຍຂອງກອງປະຊຸມສະໄໝສາມັນຊຸດທີ 8 ຂອງສະພາແຫ່ງຊາດຊຸດທີ 8 ໃນຊ່ວງຕົ້ນເດືອນນີ້, ເຊິ່ງກອງປະຊຸມສະໄໝຕໍ່ໄປ ທີ່ຈະຈັດຂຶ້ນໃນກາງປີ 2020 ຈະພິຈາລະນາກົດໝາຍໃໝ່ 3 ສະບັບ ແລະ ກົດໝາຍດັດແກ້ອີກ 10 ສະບັບ.ອ່ານຕໍ່ ...

ແຂວງວຽງຈັນ: ລາວມີກໍລະນີຜູ້ຕິດເຊື້ອພະຍາດໄຂ້ປ່າ 5,600 ກວ່າກໍລະນີທົ່ວປະເທດສຳລັບປີນີ້, ແຕ່ບໍ່ພົບຜູ້ເສຍຊີວິດ ໃນຂະນະທີ່ຈຳນວນຜູ້ຕິດເຊື້ອຍັງສືບຫຼຸດລົງ.ຂໍ້ມູນດັ່ງກ່າວ ມີການເປີດເຜີຍໃນກອງປະຊຸມສະຫຼຸບວຽກງານ ຂອງກະຊວງສາທາລະນະສຸກໃນປີຜ່ານມາ ແລະ ຫາລືແຜນການສຳລັບປີ 2020 ຢູ່ເມືອງວັງວຽງ ແຂວວຽງຈັນ ໃນວັນທີ 16-20 ທັນວານີ້.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ກະຊວງແຜນການ ແລະ ການລົງທຶນ ສະຫຼຸບພາລະກິດການຈັດຕັ້ງວາລະການພັດທະນາເສດຖະກິດ-ສັງຄົມແຫ່ງຊາດ ສຳລັບປີນີ້ ແລະ ຫັນທິດສຸມໃສ່ການປະຕິບັດ ແຜນການສຳລັບປີ 2020.ກອງປະຊຸມທົບທວນຂະແໜງແຜນການ ແລະ ການລົງທຶນ ໄດ້ຈັດຂຶ້ນວານນີ້ ທີ່ນະຄອນວຽງຈັນ ພາຍໃຕ້ການເປັນປະທານຂອງທ່ານ ປອ ສອນໄຊ ສີພັນດອນ ລັດຖະມົນຕີກະຊວງແຜນການ ແລະ ການລົງທຶນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ກະຊວງແຮງງານ ແລະ ສະຫວັດດີການສັງຄົມ ແລະ ອົງການແຮງງານສາກົນ (ILO) ໄດ້ປະຊຸມກັນ ຢູ່ນະຄອນຫຼວງວຽງຈັນ ໃນອາທິດແລ້ວນີ້ ເພື່ອທົບທວນກ່ຽວກັບສຸຂະພາບ ແລະ ຄວາມປອດໄພໃນອາຊີບ ເພື່ອແນໃສ່ປົກປ້ອງຄວາມເປັນຢູ່ທີ່ດີຂອງຜູ້ອອກແຮງງງານ. ເຂົ້າຮ່ວມໃນກອງປະຊຸມດັ່ງກ່າວມີ ທ່ານນາງ ກຼິສ໌ຕີນາ ເຄີດ ທີ່ປຶກສາອົງການ ILO/ກອງທຶນ Vision Zero, ພ້ອມດ້ວຍເຈົ້າໜ້າທີ່ລະດັບສູງຈາກກະຊວງ ແລະ ແຂກທີ່ຖືກເຊີນ.ໃນກອງປະຊຸມ ບັນດາຜູ້ເຂົ້າຮ່ວມ ໄດ້ຫາລືຄວາມຄືບໜ້າໃນການຈັດຕັ້ງປະຕິບັດໂຄງການກອງທຶນ Vision Zero ໃນຂະແໜງຕັດຫຍິບໃນແຂວງຈຳປາສັກ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ສະພາບແວດລ້ອມຂອງຂະແໜງເອກະຊົນ ຈະໄດ້ຮັບການປັບປຸງ ຈາກໂຄງການສົ່ງເສີມສະພາບແວດລ້ອມການດຳເນີນທຸລະກິດໃນລາວ ໂດຍກະຊວງອຸດສາຫະກຳ ແລະ ການຄ້າ ແລະ ສະຫະລັດອາເມລິກາ.ໂຄງການດັ່ງກ່າວ ຈະສົ່ງເສີມການສ້າງຄວາມສາມາດ ແລະ ການບໍລິການໃຫ້ຄຳປຶກສາ ແນໃສ່ສົ່ງເສີມການແຂ່ງຂັນໃນບັນດາຫົວໜ່ວຍທຸລະກິດດຂະໜາດນ້ອຍ ແລະ ຂະໜາດກາງ (SMEs) ທັງເສີມຂະຫຍາຍການຈັດຕັ້ງປະຕິບັດກົດໝາຍ, ນະໂຍບາຍ ແລະ ລະບຽບການຕ່າງໆທີ່ກ່ຽວຂ້ອງກັບການຄ້າ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ໃນຂະນະທີ່ຂະແໜງການບໍລິການ ມີການຂະຫຍາຍຕົວຢ່າງຕໍ່ເນື່ອງ, ອຳນາດການປົກຄອງຍັງເຫັນວ່າ ການປະກອບສ່ວນຂອງຂະແໜງການດັ່ງກ່າວ ຍັງບໍ່ທັນພຽງພໍ ເນື່ອງຈາກສ່ວນປະກອນຕົ້ນຕໍ ຍັງຄົງແມ່ນການນຳເຂົ້າ. ໃນປີນີ້ ລັດຖະບານປະເມີນວ່າ ຂະແໜງການບໍລິການຈະຂະຫຍາຍຕົວໃນລະດັບເຈັດສ່ວນຮ້ອຍ ຫຼື ເພີ່ມຂຶ້ນ 0.4 ສ່ວນຮ້ອຍໃນລວມຍອດຜະລິດຕະພັນພາຍໃນ (GDP).ຂະແໜງການບໍລິການຂາຍຍົກ ແລະ ຂາຍຍ່ອຍ ແລະ ຂະແໜງສ້ອມແປງຍານພາຫະນະ ຂະຫຍາຍຕົວ 9.9 ສ່ວນຮ້ອຍ ແລະ ປະກອບສ່ວນ 1.4 ສ່ວນຮ້ອຍຕໍ່ການຂະຫຍາຍຕົວຂອງຂະແໜງດັ່ງກ່າວ; ຂະແໜງອະສັງຫາລິມະຊັບຂະຫຍາຍຕົວ 6.7 ສ່ວນຮ້ອຍ ແລະ ປະກອນສ່ວນ 0.4 ສ່ວນຮ້ອຍ, ຂະແໜງການເງິນ ແລະ ຫຼັກຊັບ ຂະຫຍາຍຕົວ 7.7 ສ່ວນຮ້ອຍ ແລະ ປະກອນສ່ວນ 0.2 ສ່ວນຮ້ອຍ ...