News

ວຽງຈັນ (ວຽງຈັນທາມສ໌/ANN) – ກຸ່ມບໍລິສັດລາວພັດທະນາຈຳກັດ ຈະເລີ່ມການຄົ້ນຄວ້າກ່ຽວກັບຄວາມເປັນໄປໄດ້ໃນການລົງທຶນ ແລະ ການພັດທະນາໃນໂຄງງານພະລັງງານແສງອາທິດທາງເລືອກ ໃນແຂວງຕ່າງໆໃນເດືອນໜ້າ ຫຼັງຈາກໄດ້ເຮັດຂໍ້ຕົກລົງກັບພາກສ່ວນລັດ.ບໍລິສັດດັ່ງກ່າວໄດ້ລົງນາມຂໍ້ຕົກລົງການຮ່ວມມືດ້ານວິຊາການກັບສະຖາບັນສົ່ງເສີມພະລັງງານທາງເລືອກ ແລະ ກະຊວງພະລັງງານ ແລະ ບໍ່ແຮ່ ທີ່ວຽງຈັນໃນອາທິດແລ້ວນີ້. ເຊິ່ງມີການລົງນາມຂອງທ່ານ ວິໄລສັນ ພົມມີໄຊ ປະທານບໍລິສັດ ແລະ ທ່ານ ຈັນໂທ ມີລັດຕະນະເພັງ ຕາງໜ້າສະຖາບັນ.ທ່ານ (ປອ) ວິໄລສັນກ່າວວ່າ ທາງບໍລິສັດຈະເລີ່ມດຳເນີນການຄົ້ນຄວ້າໃນເດືອນເມສາ ຫຼັງຈາກປີໃໝ່ລາວ ແລະ ຈະໃຊ້ເວລາປະມານ 24 ເດືອນ.ອ່ານຕໍ່ ...

ພາຍໃຕ້ການຂະຫຍາຍຕົວຂອງປະຊາກອນ ແລະ ການພັດທະນາ ແລະ ຫັນເປັນຕົວເມືອງທາງດ້ານເສດຖະກິດ-ສັງຄົມທີ່ວ່ອງໄວ ເຊິ່ງຮຽກຮ້ອງໃຫ້ມີການລົງທຶນທາງດ້ານຊັບພະຍາກອນມະນຸດ ແລະ ພື້ນຖານໂຄງລ່າງ, ຄວາມຮຽກຮ້ອງຕ້ອງທາງການເງິນພາກລັດແມ່ນມີສູງກວ່າທີ່ຜ່ານມາ.ຄວາມຕ້ອງການເຫຼົ່ານີ້ແມ່ນແຜ່ຫຼາຍຢູ່ໃນທຸກຂະແໜງການຂອງຊາດ ຄຽງຄູ່ກັບສິ່ງທ້າທາຍສະເພາະຂອງປະເທດກໍຄືລູກລະເບີດທີ່ຍັງບໍ່ທັນແຕກ (ລບຕ).ອ່ານຕໍ່ ...

ຕາງໜ້າຄູ່ຮ່ວມພັດທະນາ, ຖັນແຖວກົມກອງປະຊວງແຮງງານ ແລະ ສະຫວັດດີການສັງຄົມ ແລະ ພະນັກງານຂັ້ນແຂວງໄດ້ຮ່ວມກອງປະຊຸມໃນວັນພະຫັດຜ່ານມາ ທີ່ນະຄອນວຽງຈັນ ເພື່ອທົບທວນຄວາມພະຍາຍາມໃນການເພີ່ມທະວີໂອກາດໃນການມີວຽກເຮັດງານທຳໃນພື້ນທີ່ຊົນນະບົດ.“ກອງປະຊຸມຄະນະກຳມະການຊີ້ນຳໂຄງການ ກ່ຽວກັບຍຸດທະສາດການສົ່ງເສີມການມີວຽກເຮັດງານທຳໃນຊົນນະບົດແຫ່ງຊາດໃນ ສປປ ລາວ – ເພື່ອກ້າວໄປສູ່ການເພີ່ມໂອກາດສຳລັບການມີວຽກເຮັດງານທຳທີ່ດີ ແລະ ມີປະສິດທິຜົນໃນພື້ນທີ່ຊົນນະບົດ” ມີການເຂົ້າຮ່ວມຂອງທ່ານນາງ ໃບຄຳ ຂັດຕິຍະ ຮອງລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ທັງເປັນສະມາຊິກພັກ, ທ່ານນາງ ໂຈນີ ຊິມສັນ ຜູ້ຕາງໜ້າອົງການຈັດຕັ້ງແຮງງານສາກົນ (ILO), ພ້ອມດ້ວຍເຈົ້າໜ້າທີ່ແຮງງານຈາກບັນດາແຂວງເປົ້າໝາຍ ແລະ ກະຊວງ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດຖະບານລາວຈະສະເໜີການດັດແກ້ກົດໝາຍວ່າດ້ວຍອາກອນ ເພື່ອຄົ້ນຄວ້າວິທີການ ແລະ ກົນໄກໃໝ່ໆໃນການເກັບກຳລາຍຮັບຂອງລັດໃຫ້ມີປະສິດທິພາບຍິ່ງຂຶ້ນ.ກອງປະຊຸມປະຈຳເດືອນຂອງຄະນະລັດຖະບານ ເຊິ່ງຈັດຂຶ້ນໃນທ້າຍອາທິດຜ່ານມາ ພາຍໃຕ້ການເປັນປະທານຂອງທ່ານ ທອງລຸນ ສີສຸລິດ ນາຍົກລັດຖະມົນຕີ, ໄດ້ຕົກລົງຮັບຮອງເອົາການສະເໜີການດັດແກ້ກົດໝາຍວ່າດ້ວຍອາກອນ ແລະ ມີແຜນຍື່ນສະເໜີກົດໝາຍສະບັບດັດແກ້ດັ່ງກ່າວໃນກອງປະຊຸມສະພາແຫ່ງຊາດທີ່ຈະມາເຖິງ ເພື່ອພິຈາລະນາ ແລະ ຮັບຮອງເອົາໃນກາງປີນີ້.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລາວສະແດງຄວາມເຫັນດີຕໍ່ການຄົ້ນຄວ້າທາງດ້ານນະໂຍບາຍຮ່ວມ ເພື່ອສົ່ງເສີມການຮ່ວມມືໃນການພັດທະນາ ໃນອະນຸພາກພື້ນແມ່ນ້ຳລ້ານຊ້າງ-ແມ່ນ້ຳຂອງ ເພື່ອຜົນຜະໂຫຍດຮ່ວມຂອງບັນດາປະເທດສະມາຊິກ.ທ່ານນາງ ຄຳເພົ້າ ເອີນທະວັນ ຮອງລັດຖະມົນຕີກະຊວງການຕ່າງປະເທດ ໄດ້ສະແດງຄຳເຫັນໃນນາມຂອງລັດຖະບານໃນການກ່າວໃນກອງປະຊຸມຫາລືຂອງສູນຄົ້ນຄວ້າແມ່ນ້ຳຂອງໂລກ (GCMS) ຄັ້ງທີ 2 ໃນວັນສຸກແລ້ວນີ້ ທີ່ນະຄອນຫຼວງວຽງຈັນ.ອ່ານຕໍ່  ...

ວຽງຈັນ (ວຽງຈັນທາມສ໌/ANN) – ລາວ ແລະ ສະຫະລັດຮ່ວມສະເຫຼີມສະຫຼອງຜົນສຳເລັດຂອງໂຄງການ LUNA II ຂອງອົງການຊ່ວຍເຫຼືອເພື່ອການພັດທະນາສາກົນສະຫະລັດ (USAID) ເພື່ອສົ່ງເສີມການສ້າງຄວາມສະດວກທາງການຄ້າ  ແລະ ການລວມຕົວທາງດ້ານເສດຖະກິດ ໃນພິທີເຊິ່ງຈັດຂຶ້ນທີ່ວຽງຈັນໃນວັນສຸກແລ້ວນີ້.ພິທີດັ່ງກ່າວ ພາຍໃຕ້ການເປັນປະທານຮ່ວມຂອງທ່ານນາງ ເຂັມມະນີ ພົນເສນາ ລັດຖະມົນຕີກະຊວງອຸດສາຫະກຳ ແລະ ການຄ້າ ແລະ ທ່ານນາງ ເຣນາ ພິດເທີ ເອກອັກຄະລັດຖະທູດສະຫະລັດປະຈຳລາວ ໄດ້ຊົມເຊີຍຜົນສຳເລັດຂອງການຈັດຕັ້ງປະຕິບັດໂຄງການ USAID LUNA II ໃນໄລຍະຫ້າປີ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຄູອາຈານ ແລະ ນັກສຶກສາຈາກສູນພັດທະນາທັກສະເວດສະພົງ ແລະ ຈິດຕະກອນຈາກສູນວິຈິດຕະກຳ ແລະ ຫັດຖະກຳສາກົນ ປະເທດໄທ ໄດ້ແລກປ່ຽນຂໍ້ມູນຂ່າວສານກ່ຽວກັບເຕັກນິກການແກະສະຫຼັກໄມ້ໃນ “ໂຄງການແລກປ່ຽນວັດທະນະທຳຫັດຖະກຳ 2019”.ໃນກອງປະຊຸມວິຊາການໄລຍະສາມວັນ ເຊິ່ງເປັນການຮ່ວມມືລະຫວ່າງສະຖາບັນລາວ ແລະ ໄທ, ໄດ້ເປີດໂອກາດໃຫ້ນັກຮຽນ ແລະ ຄູອາຈານຈາກສອງສະຖາບັນ ໄດ້ແລກປ່ຽນປະສົບການ ແລະ ຖອດຖອນບົດຮຽນທາງດ້ານສິລະປະ ແລະ ການແກະສະຫຼັກໄມ້ ໃນບັ້ນປະຊຸມດັ່ງກ່າວ ທີ່ສູນພັດທະນາ ແລະ ທົດສອບທັກສະເວດສະພົງ ນະຄອນຫຼວງວຽງຈັນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ບົດຂ່າວນີ້ຕ້ອງການສື່ເຖິງສາທາລະນະຊົນ, ໂດຍສະເພາະຊາວກຳປູເຈຍ ແລະ ສາກົນ ກ່ຽວກັບຂໍ້ມູນທີ່ບໍ່ຖືກຕ້ອງເຊິ່ງອາດນຳໄປສູ່ຄວາມເຂົ້າໃຈຜິດກ່ຽວກັບຈຸດຢືນຂອງສອງປະເທດ, ໂດຍສະເພາະແມ່ນສົ່ງຜົນກະທົບຕໍ່ນະໂຍບາຍ ແລະ ຄວາມພະຍາຍາມຂອງລັດຖະບານແຫ່ງສາທາລະນະລັດ ປະຊາທິປະໄຕ ປະຊາຊົນລາວ ໃນການແກ້ໄຂບັນຫາດັ່ງກ່າວ.ໃນວັນທີ 6 ມີນາ, ໜັງສືພິມຂະແມທາມສ໌ ໄດ້ເຜີຍແຜ່ບົດຂ່າວໃນຫົວຂໍ້ “ຫຼັກໝາຍຊາຍແດນຮ່ວມກັບລາວຍັງຄົງບໍ່ໄດ້ຮັບການແກ້ໄຂ”, ເຊິ່ງມີເນື້ອໃນບິດເບືອນຕໍ່ຄວາມເປັນຈິງກ່ຽວກັບບັນຫາດັ່ງກ່າວ, ໂດຍອ້າງວ່າວຽກງານຫຼັກໝາຍຊາຍແດນລະຫວ່າງປະເທດລາວໄດ້ຖືກຢຸດຊະງັກຍ້ອນຝ່າຍລາວ.ອ່ານຕໍ່ ...

ລັດຖະບານຄວນສົ່ງເສີມການລົງທຶນເພື່ອຊ່ວຍສ້າງອາຊີບ ແລະ ລາຍຮັບສຳລັບຄົນໃນທ້ອງຖິ່ນ ຕາມສະຖາບັນຄົ້ນຄວ້າເສດຖະກິດແຫ່ງຊາດລາວ.ສະຖາບັນຄົ້ນຄວ້າເສດຖະກິດ ເຊິ່ງທຳໜ້າທີ່ເປັນສູນນຄົ້ນຄວ້າຫຼັກທາງດ້ານນະໂຍບາຍເສດຖະກິດ ໄດ້ໃຫ້ຄຳແນະນຳດັ່ງກ່າວແກ່ລັດຖະບານ ກ່ຽວກັບຂໍ້ມູນຫຼ້າສຸດດ້ານເສດຖະກິດ ໃນກອງປະຊຸມທາງການທີ່ວຽງຈັນໃນຕົ້ນເດືອນນີ້.ອ່ານຕໍ່ ...

(ຂປລ) ລັດຖະບານໄດ້ມອບໝາຍໃຫ້ກະຊວງການຕ່າງປະເທດເປັນຜູ້ຈັດຕັ້ງປະຕິບັດໂຄງການ ອີ-ວີຊາ ເພື່ອຊ່ວຍໃຫ້ຊາວຕ່າງປະເທດສາມາດສະໝັກວີຊາເຂົ້າລາວແບບອອນລາຍ.ການບໍລິການ ອີ-ວີຊາຄາດວ່າຈະເລີ່ມມີການດຳເນີນການໃນເດືອນມິຖຸນາປີນີ້ ເພື່ອເຮັດໃຫ້ຂັ້ນຕອນການຍື່ນວີຊາສະດວກສະບາຍຍິ່ງຂຶ້ນສຳລັບຊາວຕ່າງປະເທດທີ່ຕ້ອງການເດີນທາງເຂົ້າມາປະເທດລາວ ແລະ ເພື່ອເປັນການສົ່ງເສີມການທ່ອງທ່ຽວລາວ.ອ່ານຕໍ່ ...