(ຂປລ) ລັດຖະບານຕີມໍເລັສ໌ເຕ ໄດ້ບໍລິຈາກເງິນ US$ 750,000 ໂດລາເພື່ອຊ່ວຍເຫຼືອຜູ້ປະສົບໄພນ້ຳຖ້ວມ ທີ່ເມືອງສະໜາມໄຊ ແຂວງອັດຕະປືຂອງລາວ.ພິທີມອບເງິນຊ່ວຍເຫຼືອດັ່ງກ່າວໄດ້ມີຂຶ້ນທີ່ກະຊວງແຮງງານ ແລະ ສະຫວັດດີການສັງຄົມ ທີ່ນະຄອນວຽງຈັນ ໃນວັນທີ 6 ມີນານີ້ ລະຫວ່າງທ່ານນາງ ນາຕາເລຍ ຄາຣັສຄາລາວ ອັນຕູນ ເອກອັກຄະລັດຖະທູດຕີມໍເລັສ໌ເຕປະຈຳລາວ ແລະ ທ່ານ ຄຳແພງ ໄຊສົມແພງ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ.ອ່ານຕໍ່ ...

ກົມອາຫານ ແລະ ຢາ ກະຊວງສາທາລະນະສຸກ ໄດ້ແຈ້ງເຕືອນບໍ່ໃຫ້ປະຊາຊົນ ຊື້ຜະລິດຕະພັນປຸກອາລົມທາງເພດທີ່ບໍ່ໄດ້ຮັບອະນຸຍາດ ທີ່ວາງຂາຍບໍ່ຖືກຕ້ອງຜ່ານຊ່ອງທາງອອນໄລ ແລະ ເຟສ໌ບຸ໊ກ.ຢາປອມ ຫຼື ຢາຄຸນນະພາຕ່ຳ ເຊັ່ນ ຢາຍີ້ຫໍ້ “Girly Sex” ອາດມີຜົນຂ້າງຄຽງທີ່ຮ້າຍແຮງ ເຖິງຂັ້ນເສຍຊີວິດ, ຕາມຄຳເຫັນຈາກຜູ້ຊ່ຽວຊານ. ນອກຈາກນີ້ ການໂຄສະນາຜະລິດຕະພັນຢາທຸກຢ່າງ ຄວນໄດ້ຮັບການອະນຸຍາດຈາກກົມອາຫານ ແລະ ຢາ ເພື່ອບໍ່ໃຫ້ມີການໂຄສະນາແອບອ້າງ ແລະ ຮັບປະກັນຄວາມປອດໄພຂອງພົນລະເມືອງ.ອ່ານຕໍ່ ...

ໂຄງການອາຫານໂລກ (WFP) ໄດ້ມອບອຸປະກອນເທັກໂນໂລຢີຂໍ້ມູນຂ່າວສານ ແລະ ການສື່ສານ (ICT) ເພື່ອສະໜັບສະໜູນໂຄງການອາຫານໂຮງຮຽນ ເພື່ອຮັບປະກັນໃຫ້ມີຄວາມຍືນຍົງ ແລະ ເສີມຂະຫຍາຍກຳມະສິດທ້ອງຖິ່ນ ໃນບັນດາໂຮງຮຽນເປົ້າໝາຍ.ພິທີມອບຮັບອຸປະກອນ ໄດ້ຈັດຂຶ້ນທີ່ນະຄອນຫຼວງວຽງຈັນ ໃນວັນຈັນນີ້ ເພື່ອຊ່ວຍເຫຼືອຫ້ອງການສຶກສາທິການ ແລະ ກິລາ ໃນ 21 ເມືອງ ແລະ ພະແນກສຶກສາ ແລະ ກິລາ ແຂວງຫຼວງພະບາງ, ສາລະວັນ, ເຊກອງ, ແລະ ອັດຕະປື ໃນການຈັດຕັ້ງປະຕິບັດໂຄງການ.ອ່ານຕໍ່ ...

ວຽງຈັນ  (ວຽງຈັນທາມສ໌/ANN) – ລາວຕິດໜຶ່ງໃນສິບອັນດັບຂອງປະເທດທີ່ມີສຸຂະພາບດີທີ່ສຸດໃນໂລກ, ຮ່ວມກັບປະເທດນ້ອຍຄືສິງກະໂປ ໃນການຈັດອັນດັບຄວາມຢູ່ດີກິນດີຂອງໂລກ, ຕາມການປະເມີນມາດຕະຖານການດຳລົງຊີວິດໂລກໃໝ່.ບັນດາປະເທດໃຫຍ່ໆທີ່ມີເສດຖະກິດຂະຫຍາຍຕົວສູງລ້ວນແຕ່ຕົກອັນດັບ, ຕາມຕົວເລກດັດສະນີຄວາມຢູ່ດີກິນດີຂອງໂລກ (GWI) ທີ່ເຜີຍແຜ່ໂດຍບໍລິສັດລົງທຶນ LetterOne ເຊິ່ງລາຍງານໂດຍສຳນັກຂ່າວ The Straits Times ແລະ Bloomberg.ອ່ານຕໍ່ ...

ລັດຖະບານລາວ ໄດ້ມີການພົວພັນກັບອົງການ Standard Chartered, JP Morgan, ແລະ Credit Suisse ສຳລັບແຜນການເປີດໂຕພັນທະບັດເງິນໂດລາໃນສາກົນ.ໃນເດືອນທັນວາ 2015, ລາວໄດ້ມີການຈຳໜ່າຍພັນທະບັດ ມູນຄ່າ US$182 ລ້ານໂດລາ ໃນສອງງວດ ໃຫ້ແກ່ນັກລົງທຶນສະຖາບັນໃນປະເທດໄທ ແລະ ມີການອອກພັນທະບັດເປັນເງິນບາດໄທ, ແຕ່ກໍ່ຍັງບໍ່ມີການຈຳໜ່າຍພັນທະບັດໃຫ້ແກ່ນັກລົງທຶນຕ່າງປະເທດ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຫົວໜ່ວຍທຸລະກິດລາວ ຈະສາມາດຂະຫຍາຍຕະຫຼາດສິນຄ້າຂອງຕົນໄດ້ດີຂຶ້ນ ແລະ ແຂ່ງຂັນກັບປະເທດອື່ນໄດ້ຂ້ຽວຂາດຍິ່ງຂຶ້ນ ພາຍຫຼັງຮຽນຮູ້ກ່ຽວກັບເງື່ອນໄຂ ແລະ ຜົນປະໂຫຍດຈາກຂໍ້ຕົກລົງການຄ້າເສລີ (FTAs).ກອງປະຊຸມສຳມະນາ ເຊິ່ງຈັດຂຶ້ນຢູ່ນະຄອນວຽງຈັນ ໃນວັນພະຫັດແລ້ວນີ້ ໄດ້ຫາລືກ່ຽວກັບຜົນປະໂຫຍດຂອງ FTAs ແລະ ການສ້າງທຸລະກິດ e-commerce. ເຊິ່ງມີຜູ້ເຂົ້າຮ່ວມຈາກຕາງໜ້າທຸລະກິດເກືອບ 100 ແຫ່ງ ເຊິ່ງລວມມີທຸລະກິດຂະໜາດນ້ອຍ ແລະ ຂະໜາດກາງໃນນະຄອນຫຼວງວຽງຈັນ ແລະ ເຈົ້າໜ້າທີ່ຈາກກະຊວງອຸດສາຫະກຳ ແລ ການຄ້າ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຄວາມຕ້ອງການສິນຄ້າພືດຜັກ ແລະ ຊີ້ນສັດໃນພາກພື້ນຍັງມີສູງ ແຕ່ວ່າລາວກໍ່ຍັງບໍ່ສາມາດລົງທຶນໃນທ່າແຮງຂອງຕົນເພື່ອຕອບສະໜອງຄວາມຕ້ອງການຂອງຕະຫຼາດພາກພື້ນດັ່ງກ່າວ, ຕາມເຈົ້າໜ້າທີ່ການນຳ.ທ່ານ ປອ ບຸນກວ້າງ ຄຳບຸນເຮືອງ ຮອງລັດຖະມົນຕີກະຊວງກະສິກຳ ແລະ ປ່າໄມ້ ເນັ້ນເຖິງຄວາມຈຳເປັນຂອງລາວເພື່ອດຶງດູດການລົງທຶນໃນຂະແໜງກະສິກຳ ເພື່ອສ້າງຄວາມເຂັ້ມແຂງໃຫ້ກັບຕະຫຼາດການສົ່ງອອກ.ອ່ານຕໍ່ ...

ທ່ານ ທອງລຸນ ສີສຸລິດ ນາຍົກລາວໄດ້ກ່າວຢືນຢັນຕໍ່ຄະນະຜູ້ແທນຈາກພາກພື້ນອາຊຽນ ແລະ ທົ່ວໂລກ ທີ່ນະຄອນຫຼວງຮ່າໂນ້ຍ ປະເທດຫວຽດນາມໃນວັນພຸດນີ້ວ່າ ຊ່ຽວຊານຈາກສາກົນຍັງຄົງສືບຕໍ່ພາລະກິດການສືບສວນສອບສວນຄຽງຄູ່ກັບເຈົ້າໜ້າທີ່ລາວ ກ່ຽວກັບສາເຫດການພັງຂອງສັນເຂື່ອນໄຟຟ້ານ້ຳຕົກເຊປຽນ-ເຊນ້ຳນ້ອຍ ໃນວັນທີ 23 ກໍລະກົດ ທີ່ແຂວງອັດຕະປື.ອ່ານຕໍ່ ...

ກິດຈະກຳຝຶກອົບຮົມສຳລັບຊາວໜຸ່ມລາວ ກ່ຽວກັບວິທີທີ່ດີທີ່ສຸດໃນການດຶງດູດຄວາມສົນໃຈຂອງມະຫາຊົນຕໍ່ກັບສົນທິສັນຍາກ່ຽວກັບສິດທິເດັກຜ່ານສື່ວິທະຍຸ ແລະ ສື່ສັງຄົມອອນໄລ ໄດ້ຈັດຂຶ້ນຢູ່ເມືອງປາກຊັນ ແຂວງບໍລິຄຳໄຊ.ກິດຈະກຳໄລຍະສາມວັນດັ່ງກ່າວແຕ່ວັນອັງຄານເຖິງວັນພະຫັດອາທິດແລ້ວນີ້ ແມ່ນຈັດໂດຍສາຖານນີວິທະຍຸກະຈາຍສຽງແຫ່ງຊາດ ພາຍໃຕ້ການສະໜັບສະໜູນຂອງອົງການຢູນິເຊັບ.ກິດຈະກຳດັ່ງກ່າວຍັງເປັນການສະເຫຼີມສະຫຼອງວັນສ້າງຕັ້ງສື່ຊາວໜຸ່ມລາວຄົບຮອບ 15 ປີ  (2004-2019) ແລະ ວັັນສ້າງຕັ້ງສື່ມວນຊົນ ແລະ ການພິມຈຳໜ່າຍວັນທີ 13 ສິງຫາ ຄົບຮອບ 69 ປີ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ທະນາຄານພັດທະນາລາວ (LDB) ຈະຮ່ວມມືກັບສູນພະທະນາບຸກຄະລາກອນລາວ-ຍີ່ປຸ່ນ (LJI) ໃນການສົ່ງເສີມການສ້າງຄວາມສາມາດສຳລັບທຸລະກິດຂະໜາດນ້ອຍ-ຂະໜາດກາງ (SMEs) ໃນລາວ. ບົດບັນທຶກຄວາມເຂົ້າໃຈພາຍໃຕ້ການຮ່ວມມືຂອງອົງການຮ່ວມມືສາກົນຍີ່ປຸ່ນ (JICA) ໃນຂະແໜງການພັດທະນາ SME ໄດ້ມີການລົງນາມທີ່ວຽງຈັນວານນີ້ ລະຫວ່າງທ່ານ ປອ ອາຄົມ ປຣະເສີດ ອຳນວຍການບໍລິຫານຂອງ LDB ແລະ ທ່ານ ຮສ ບຸນລ້ວນ ດວງເງິນ ອຳນວຍການ LJI.ອ່ານຕໍ່ ...

ສອງໂຄງການໃໝ່ ຄື ໂຄງການຫຼຸດຜ່ອນຄວາມທຸກຍາກໃນຊົນນະບົດ ແລະ ຄວາມບົກພ່ອງທາງໂພຊະນາການ, ແລະ ໂຄງການສົ່ງເສີມນ້ຳປະປາ, ສຸຂະອະນາໄມ ແລະ ສຸຂາພິບານ ໄດ້ມີການເປີດໂຕທີ່ນະຄອນຫຼວງວຽງຈັນ ໃນວັນພຸດນີ້ ເພື່ອແກ້ໄຂບັນຫາການຂາດສານອາຫານໃນເດັກນ້ອຍ.ໂຄງການດັ່ງກ່າວແມ່ນຢູ່ພາຍໃຕ້ການສະໜັບສະໜູນຂອງທະນາຄານໂລກ ມີມູນຄ່າໂຄງການ  460 ຕື້ກີບ (US$52 ລ້ານໂດລາ).ໂຄງການລິເລີ່ມດັ່ງກ່າວຈະດຳເນີນແຕ່ປີ 2019-2024 ຢູ່ໃນສີ່ແຂວງທີ່ມີອັດຕາການຂາດສານອາຫານສູງ ຄື ແຂວງຊຽງຂວາງ, ຫົວພັນ, ຜົ້ງສາລີ ແລະ ອຸດົມໄຊ.ອ່ານຕໍ່   ...

ວຽງຈັນ (ວຽງຈັນທາມສ໌/ANN) – ຊຸມຊົນທຸລະກິດລາວ ແລະ ໄທ ກຳລັງຮ່າງແຜນເພື່ອເພີ່ມທະວີປະລິມານການຄ້າ ແລະ ການລົງທຶນພາຄີໃນຊຸມປີຕໍ່ໜ້າ ໂດຍການຂ້າມຜ່ານອຸປະສັກຕ່າງໆທີ່ມີມາດົນນານ.ທັງສອງຝ່າຍຄາດວ່າຈະຈັດຕັ້ງກຸ່ມເຮັດວຽກພິເສດ ເຊິ່ງຈະມາຈາກບຸກຄະລາກອນທັງສອງຝ່າຍ ເພື່ອຈຸດປະສົງເຊື່ອມຕໍ່ຊ່ອງຫວ່າງລະຫວ່າງລັດຖະບານລາວ ແລະ ໄທ.ອ່ານຕໍ່  ...

ອີງຕາມແຈ້ງການຈາກສຳນັກງານນາຍົກລັດຖະມົນຕີ ໃນວັນພຸດນີ້, ລາວຈະຍົກເລີກບໍລິການອອກວິຊາກັບດ່ານສຳລັບນັກທ່ອງທ່ຽວ ໃນເກົ້າດ່ານຊາຍແດນ.ແຈ້ງການສະບັບດັ່ງກ່າວ ໄດ້ສັ່ງປິດໜ່ວຍບໍລິການວິຊາກັບດ່ານ ໃນເກົ້າດ່ານຊາຍແດນຄື:ດ່ານຊາຍແດນປາງຮົກ (ແຂວງຜົ້ງສາລີ) ຊາຍແດນຈີນດ່ານຊາຍແດນນ້ຳໂສຍ (ແຂວງຫົວພັນ) ຊາຍແດນຫວຽດນາມດ່ານຊາຍແດນນ້ຳຄານ (ແຂວງຊຽງຂວາງ) ຊາຍແດນຫວຽດນາມດ່ານຊາຍແດນນ້ຳເງິນ (ແຂວງໄຊຍະບູລີ) ຊາຍແດນໄທດ່ານຊາຍແດນນ້ຳເຮືອງ (ແຂວງໄຊຍະບູລີ) ຊາຍແດນໄທດ່ານຊາຍແດນນ້ຳພາວ (ແຂວງຄຳມ່ວນ) ຊາຍແດນຫວຽດນາມດ່ານຊາຍແດນນາເພົ້າ (ແຂວງຄຳມ່ວນ) ຊາຍແດນຫວຽດນາມສະໜາມບິນສາກົນສະຫວັນນະເຂດດ່ານຊາຍແດນພູເກືອ (ແຂວງອັດຕະປື) ຊາຍແດນຫວຽດນາມອ່ານຕໍ່ ...

ວຽງຈັນ (ວຽງຈັນທາມສ໌/ANN) – ບໍລິສັດອາຫານ Heritage Snack & Food ຈຳກັດ ປະເທດໄທ ໝາຍຕາການຂະຫຍາຍສ່ວນແບ່ງຕະຫຼາດໃນລາວ ພາຍຫຼັງມີການສົ່ງອອກສິນຄ້າໃນພາກພື້ນມາຫຼາຍປີ.“ພວກເຮົາໄດ້ເລີ່ມນຳເຂົ້າສິນຄ້າເພື່ອສຸຂະພາບພາຍໃຕ້ຍີ້ຫໍ້ Heritage ເຊັ່ນ ໃນຖົ່ວ, ໝາກໄມ້ອົບແຫ້ງ ແລະ ນົມອາລມອນ, ເຊິ່ງສ່ວນໃຫຍ່ແມ່ນເພື່ອຈຳໜ່າຍໃຫ້ແກ່ຊາວຕ່າງປະເທດໃນໃຈກາງນະຄອນວຽງຈັນໃນປີ 2013,” ທ່ານ ທອງສະຫວັນ ກິດຕິຄຳມູນ ອຳນວຍການບໍລິສັດນູນທອງການຄ້າຂາອອກ-ຂາເຂົ້າຈຳກັດກ່າວ.ອ່ານຕໍ່ ...

(ຂປລ) ປະຊາຊົນ 122,800 ກວ່າຄົວເຮືອນໃນຫົກແຂວງ ໄດ້ຮັບຜົນກະທົບຈາກໄພນ້ຳຖ້ວມຢູ່ພາກໃຕ້ຂອງລາວ ເຊິ່ງຜູ້ເສຍຊີວິດລວມ 14 ຄົນ, ຕາມການລາຍງານຂອງຄະນະກຳມະການປ້ອງກັນ ແລະ ຄວບຄຸມໄພພິບັດແຫ່ງຊາດ.ຫົກແຂວງທີ່ໄດ້ຮັບຜົນກະທົບລວມມີ ແຂວງຄຳມ່ວນ, ສະຫວັນະເຂດ, ສາລະວັນ, ເຊກອງ, ຈຳປາສັກ ແລະ ອັດຕະປື.ແຂວງຈຳປາສັກມີຜູ້ເສຍຊີວິດ 5 ຄົນ, ແຂວງອັດຕະປື 4 ຄົນ, ແຂວງສະຫວັນນະເຂດ 3 ຄົນ ແລະ ແຂວງສາລະວັນ 2 ຄົນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດຖະບານເຮັດວຽກຢ່າງໃກ້ຊິດກັບບັນດາອົງການຈັດຕັ້ງສາກົນ ເພື່ອສົ່ງເສີມການຕ້ານຢາເສບຕິດຢູ່ໃນສະໜາມບິນ ຜ່ານການຈັດຕັ້ງໜ່ວຍສະເພາະກິດຕ້ານຢາເສບຕິດ.ບັນຫາດັ່ງກ່າວໄດ້ມີການຫາລືໃນກອງປະຊຸມຄະນະສະເພາະກິດຕ້ານຢາເສບຕິດໃນສະໜາມບິນ ອາຊຽນຄັ້ງທີ 9 ເຊິ່ງຈັດຂຶ້ນຢູ່ນະຄອນຫຼວງວຽງຈັນ ໃນວັນທີ 27-29 ພະຈິກນີ້.ເຂົ້າຮ່ວມໃນພິທີເປີດກອງປະຊຸມດັ່ງກ່າວ ມີທ່ານ ພຸດສະຫວັດ ສູນທະລາ ຮອງເລຂາທິການໃຫຍ່ ຄະນະກຳມາທິການວ່າດ້ວຍການຄວບຄຸມ ແລະ ກວດກາຢາເສບຕິດແຫ່ງຊາດ, ພ້ອມດ້ວຍຄະນະຜູ້ແທນຈາກປະເທດບຼູໄນ, ກຳປູເຈຍ, ອິນໂດເນເຊຍ, ມາເລເຊຍ, ມຽນມາ, ຟິລິປິນ, ສິງກະໂປ, ຫວຽດນາມ ແລະ ໄທ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ກະຊວງອຸດສາຫະກຳ ແລະ ການຄ້າຈະສືບຕໍ່ຄວາມພະຍາຍາມໃນການປັບປຸງ ຫຼື ລົບລ້າງມາດຕະການ ແລະ ລະບຽບການທີ່ບໍ່ຈຳເປັນ ກ່ຽວກັບການສົ່ງອອກ ແລະ ນຳເຂົ້າສິນຄ້າເພື່ອສົ່ງເສີມການຄ້າລະຫວ່າງຊາຍແດນ.ເຈົ້າໜ້າທີ່ຮັບຜິດຊອບການອຳນວຍຄວາມສະດວກດ້ານການຄ້າ ໄດ້ເຂົ້າຮ່ວມປະຊຸມທີ່ນະຄອນວຽງຈັນໃນອາທິດແລ້ວນີ້ ໃນກອງປະຊຸມເລຂາທິການຄະນະກຳມະການອຳນວຍຄວາມສະດວກດ້ານການຄ້າຊຸດທີ 2 ເພື່ອປະເມີນຜົນສຳເລັດໃນໄລຍະຜ່ານມາຜ່ານການປະຕິຮູບດ້ານລະບຽບການ. ກອງປະຊຸມດັ່ງກ່າວຍັງໄດ້ສະແດງຄວາມຄືບໜ້າໃນການດຳເນີນງານຂອງຄະນະກຳມະການ.ອ່ານຕໍ່ ...

ປະເທດຈີນ ແລະ ໄທ ສັ່ງຫ້າມນຳເຂົ້າຊິ້ນໝູ ແລະ ຜະລິດຕະພັນກ່ຽວກັບໝູຈາກລາວ ຫຼັງຈາກພົບການລະບາດຂອງພະຍາດອະຫິວາໝູອາຟຣິກາໃນລາວເປັນກໍລະນີທຳອິດ.ໄດ້ມີການຢືນຢັນການລະບາດຂອງພະຍາດອະຫິວາໝູອາຟຣິກາກໍລະນີທຳອິດໃນລາວ, ເຊິ່ງມີການລະບາດຂອງພະຍາດໃນເຈັດບ້ານຂອງແຂວງສາລະວັນ, ເຮັດໃຫ້ມີສັດຕາຍແລ້ວ 973 ໂຕ, ຕາມກະຊວງກະສິກຳ ແລະ ປ່າໄມ້ຂອງລາວ.ອ່ານຕໍ່ ...

ຫຼວງນ້ຳທາ, ລາວ (ວຽງຈັນທາມສ໌/ANN) –  ການກໍ່ສ້າງອຸໂມງທາງລົດໄຟ ທີ່ຊາຍແດນລາວ-ຈີນ ແຂວງຫຼວງນ້ຳທາ ອາດຕ້ອງນຳໃຊ້ວັດສະດຸກໍ່ສ້າງທີ່ສາມາດຕ້ານທານຕໍ່ການກັດເຊາະຂອງເກືອ, ເພື່ອປ້ອງກັນລາງລົດໄຟທີ່ອາດໄດ້ຮັບຜົນກະທົບຈາກບໍ່ເກືອຂະໜາດໃຫຍ່ໃຕ້ດິນ.ນັກວິສະວະກອນຈີນ ຫວັງ ສຽວຕົງ ໄດ້ເປີດເຜີຍຕໍ່ສື່ມວນຊົນລາວ ແລະ ຈີນວ່າ ທີມກໍ່ສ້າງໄດ້ຄົ້ນພົບບໍ່ເກືອສອງແຫ່ງໃນລາວ ແຕ່ບໍ່ພົບໃນຈີນ.ອຸໂມງທີ່ດ່ານຊາຍແດນດັ່ງກ່າວແມ່ນອຸໂມງທາງລົດໄຟຂະໜາດໃຫຍ່ທີ່ສຸດໃນການກໍ່ສ້າງເສັ້ນທາງລົດໄຟລາວ-ຈີນ, ແລະ ມີໄລຍະ 7,000 ແມັດໃນປະເທດຈີນ ແລະ ອີກ 2,000 ແມັດໃນປະເທດລາວ.ອ່ານຕໍ່  ...

ຕົວແທນວາງສະແດງກວ່າ 200 ຫົວໜ່ວຍຈາກທົ່ວປະເທດຈະເຂົ້າຮ່ວມໃນງານວາງສະແດງສິນຄ້າຫັດຖະກຳລາວໃນປີນີ້ ທີ່ສູນວາງສະແດງສິນຄ້າ ແລະ ການປະຊຸມລາວສາກົນ (ລາວ-ໄອເຕັກ) ນະຄອນຫຼວງວຽງຈັນໃນລະຫວ່າງວັນທີ 28 ຕຸລາ ເຖິງ 3 ພະຈິກປີນີ້.ລາຍລະອຽດຂອງງານດັ່ງກ່າວໄດ້ມີການເປີດເຜີຍໃນກອງປະຊຸມຕໍ່ສື່ມວນຊົນໃນວັນສຸກແລ້ວນີ້ ພາຍໃຕ້ການເຂົ້າຮ່ວມຂອງທ່ານ ຫານຊະນະ ສີສານ ປະທານສະມາຄົມຫັດຖະກຳລາວ, ທ່ານ ທິບພະວັນ ອຸລາ ຮອງຫົວໜ້າກົມພັດທະນາການທ່ອທ່ຽວ ພ້ອມດ້ວຍສື່ມວນຊົນ ແລະ ເຈົ້າໜ້າທີ່ກະຊວງ.ອ່ານຕໍ່ ...