ລາວໄດ້ເຂົ້າເປັນສະມາຊິກອົງການຈັດຕັ້ງສາກົນເພື່ອນການຍ້າຍຖິ່ນຖານ (IOM),  ຈາກການປະກາດປະເທດສະມາຊິກ ໃນກອງປະຊຸມສະພາ IOM ສະໄໝພິເສດຄັ້ງທີສອງ ທີ່ຈັດຂຶ້ນຢູ່ເຈັນນິວາ ທ້າຍອາທິດແລ້ວນີ້.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ການທົດສອບການຜະລິດກະແສໄຟຟ້າ ຂອງຈັກປັ່ນໄຟໜຶ່ງໃນຈຳນວນສີ່ໜ່ວຍ ຂອງເຂື່ອນໄຟຟ້າ ດອນສະໂຮງ ແມ່ນ້ຳຂອງ ແຂວງຈຳປາສັກ ໄດ້ມີຂຶ້ນໃນອາທິດແລ້ວນີ້, ພາຍຫຼັງໂຄງການກໍ່ສ້າງເລີ່ມມາແຕ່ປີ 2016.ຕາມແຜນ, ບໍລິສັດໄຟຟ້າ ດອນສະໂຮງ ຈະທົດສອບຈັກໄຟຟ້າແຕ່ລະໜ່ວຍໃນທຸກໆ 10 ວັນ ແລະ ຈັກປັ່ນໄຟທັງໝົດຈະມີການດຳເນີນການເຕັມຮູບແບບໃນທ້າຍປີນີ້, ຕາມການເປີດເຜີຍຂອງເຈົ້າໜ້າທີ່ພະລັງງານ ແລະ ບໍ່ແຮ່.ຜູ້ລົງທຶນໃນໂຄງການມູນຄ່າ US$500 ລ້ານໂດລາດັ່ງກ່າວລວມມີ ບໍລິສັດ Mega First Corporation Berhad ຂອງມາເລເຊຍ ມີຫຸ້ນຢູ່ 80 ສ່ວນຮ້ອຍ, ແລະ ບໍລິສັດ ໄຟຟ້າລາວ ຖືຫຸ້ນຢູ່ 20 ສ່ວນຮ້ອຍ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ເຈົ້າໜ້າທີ່ສາທາລະນະສຸກ ແລະ ທີມແພດໃນໂຮງໝໍທົ່ວປະເທດ ລວມທັງນະຄອນຫຼວງວຽງຈັນ ກຳລັງເພີ່ມທະວີຄວາມພະຍາຍາມໃນການຄວບຄຸມກໍລະນີຄົນເຈັບຍ້ອນພະຍາດໄຂ້ເລືອດອອກທີ່ເພີ່ມສູງຂຶ້ນໃນປີນີ້.ໂຮງໝໍລາຍແຫ່ງໃນນະຄອນຫຼວງວຽງຈັນໄດ້ມີການໝູນໃຊ້ພື້ນທີ່ລະບຽງ ແລະ ຫ້ອງປະຊຸມເພື່ອຮອງຮັບຈຳນວນຄົນເຈັບທີ່ເພີ່ມຂຶ້ນ ຍ້ອນຫ້ອງພັກຄົນເຈັບບໍ່ພຽງພໍ ແລະ ບາງແຫ່ງກໍມີການນຳໃຊ້ຕຽງເສີມ.ມາເຖິງວັນທີ 3 ກໍລະກົດປີນີ້ ມີຄົນເຈັບຍ້ອນພະຍາດດັ່ງກ່າວທັງໝົດ 10,778 ກໍລະນີໃນທົ່ວປະເທດ, ມີຜູ້ເສຍຊີວິດ 25 ກໍລະນີ ຕາມບົດລາຍງານຂອງກົມຄວບຄຸມພະຍາດຕິດຕໍ່ ກະຊວງສາທາລະນະສຸກ.ອ່ານຕໍ່  ...

ວຽງຈັນ (ວຽງຈັນທາມສ໌/ANN) – ລັດຖະບານໄດ້ອອກຄຳສັ່ງຢຸດຕິການກວດສອບຄຸນນະພາບຂອງອຸປະກອນເຄື່ອງໃຊ້ໄຟຟ້າ, ອິເລັກໂທຣນິກ ເຊິ່ງນຳເຂົ້າຜ່ານຂົວມິດຕະພາບລາວ-ໄທ 1. ນັບແຕ່ມີການຈັດຕັ້ງປະຕິບັດ ບາດກ້າວດັ່ງກ່າວໄດ້ສົ່ງຜົນກະທົບຕໍ່ຂະແໜງທຸລະກິດ. ເຊິ່ງມັນໄດ້ນຳໄປສູ່ການເພີ່ມຂະບວນການນຳເຂົ້າສິນຄ້າ ລວມທັງຕົ້ນທຶນການນຳເຂົ້າ, ຕາມຂໍ້ມູນຫຼ້າສຸດຈາກເວັບໄຊທາງການຂອງກະຊວງອຸດສາຫະກຳ ແລະ ການຄ້າ.ຫ້ອງວ່າການສຳນັກງານນາຍົກລັດຖະມົນຕີຈຶ່ງໄດ້ແຈ້ງການເພື່ອຢຸດຕິການກວດສອບຄຸນນະພາບ ຂອງອຸປະກອນເຄື່ອງໃຊ້ໄຟຟ້າ, ອິເລັກໂທຣນິກ ເຊິ່ງນຳເຂົ້າຜ່ານຂົວມິດຕະພາບລາວ-ໄທ 1.ອ່ານຕໍ່ ...

ລະດັບນ້ຳໃນແມ່ນ້ຳຂອງ ແລະ ສາຂາ ທີ່ຫຼຸດຕ່ຳເປັນປະຫວັດການ ຄາດວ່າຍັງຈະສືບຕໍ່ຫຼຸດລົງ ທັງໆທີ່ຫາກໍ່ເຂົ້າຕົ້ນລະດູແລ້ງໃນເດືອນຕຸລາ,​ ຕາມຄຳເຫັນຂອງເຈົ້າໜ້າທີ່ການນຳທີ່ຮັບຜິດຊອດການຕິດຕາມລະດັບນ້ຳ.“ລະດູຝົນຫາກໍ່ໝົດໄປ, ຕໍ່ຈາກນີ້ໄປລະດັບນ້ຳໃນແມ່ນ້ຳຂອງ ແລະ ບາງສາຂາ ຈະຍັງສືບຕໍ່ຫຼຸດລົງ, ” ທ່ານນາງ ອຸທອນ ເພັດຫຼວງສີ ຮອງຫົວໜ້າກົມອຸຕຸນະຍົມວິທະຍາ ແລະ ອຸທຸກະສາດ ກ່າວຜ່ານສຳນັກຂ່າວວຽງຈັນທາມສ໌ໃນວັນພະຫັດນີ້.ອ່ານຕໍ່ ...

(MENAFN) ກຳປູເຈຍລົງນາມໃນບົດບັນທຶກຄວາມເຂົ້າໃຈກັບລາວ ເພື່ອການຮ່ວມມືໃນການຈັດການບັນຫາຢາເສບຕິດ ແລະ ອາຊະຍາກຳຂ້າມຊາດ.ທ່ານ ສາ ເຄັງ ລັດຖະມົນຕີກະຊວງພາຍໃນຂອງກຳປູເຈຍ ໄດ້ລົງນາມໃນຂໍ້ຕົກລົງການຮ່ວມມືດັ່ງກ່າວຮ່ວມກັບທ່ານ ວິໄລ ຫຼ້າຄຳຟອງ ລັດຖະມົນຕີກະຊວງປ້ອງກັນຄວາມສະຫງົບຂອງລາວທີ່ນະຄອນພະນົມເປັນ.ອ່ານຕໍ່ ...

ຄະນະ​ກຳມະການ​ບໍລິຫານ​ຂອງ​ກຸ່ມ​ທະນາຄານ​ໂລກ​ໄດ້​ປຶກສາ​ຫາລື​ກ່ຽວ​ກັບ​ຂອບ​ການ​ຮ່ວມ​ມື​ລະຫວ່າງ​ປະ​ເທດ (CPF) ​ໄລຍະ 2023-2026 ​ເພື່ອ​ສະໜັບສະໜູນສປປ​ລາວ ​ໃນ​ການ​ຮັກສາ​ສະຖຽນ​ລະ​ພາບ​ຂອງ​ເສດຖະກິດ, ​ແບ່ງປັນ​ຜົນ​ປະ​ໂຫຍ​ດຂອງ​ການ​ເຕີບ​ໂຕ​ຂອງ​ເສດຖະກິດໃຫ້ມີຄວາມສະ​ເໝີ​ພາບຍິ່ງຂື້ນ ​ແລະ ​ການ​ພັດທະນາ​ແບບ​ຍືນ​ຍົງ.ໂຄງການ CPF, ເປັນໂຄງການດ້ານການເງິນ ແລະ ການໃຫ້ຄໍາປຶກສາໂຄງການ, ຊຶ່ງສ້າງຂື້ນມາໄດ້ 60 ປີຂອງການພົວພັນຄູ່ຮ່ວມມືທີ່ເຂັ້ມແຂງລະຫວ່າງ ສປປ ລາວ ແລະ ກຸ່ມທະນາຄານໂລກ, ອີງຕາມການລາຍງານຂອງທະນາຄານໂລກເມື່ອບໍ່ດົນມານີ້.ອ່ານເພິ່ມເຕີມ ...

ວຽງຈັນ (ວຽງຈັນທາມສ໌/ANN) – ລັດຖະບານລາວແຈ້ງງົດການນຳເຂົ້າໝູ ແລະ ຜະລິດຕະພັນຊີ້ນໝູຈາກຈີນ ແລະ ຫວຽດນາມຊົ່ວຄາວ ຫຼັງພົບການການລະບາດຂອງພະຍາດອະຫິວາໝູອາຟຣິກາໃນປະເທດດັ່ງກ່າວ.ກະຊວງກະສິກຳ ແລະ ປ່າໄມ້ໄດ້ອອກແຈ້ງການເພື່ອສະກັດກັ້ນການລະບາດຂອງພະຍາດດັ່ງກ່າວໃນລາວ.ອ່ານຕໍ່ ...

(ຂປລ) ໃນປີຜ່ານມາ ມີຈຳນວນນັກທ່ອງທ່ຽວຕ່າງປະເທດເຂົ້າມາທ່ຽວລາວທັງໝົດ 4.18 ລ້ານຄົນ, ເພີ່ມຂຶ້ນ 8.2% ທຽບກັບປີ 2017, ຕາມກົມພັດທະນາການທ່ອງທ່ຽວ, ກະຊວງຖະແຫຼງຂ່າວ,​ ວັດທະນະທຳ ແລະ ທ່ອງທ່ຽວ.ຈຳນວນນັກທ່ອງທ່ຽວຈາກພາກພື້ນອາຊີ-ປາຊິຟິກເພີ່ມຂຶ້ນ 8.4% ເປັນ 3.94 ລ້ານຄົນ ແລະ ຈາກພາກພື້ນຢູໂຣບເພີ່ມຂຶ້ນ 3% ເປັນປະມານ 165,000 ຄົນ.ອ່ານຕໍ່  ...

ທ່ານ ທອງລຸນ ສີສຸລິດ ນາຍົກລັດຖະມົນຕີລາວ ແລະ ທ່ານ ສົມເດັດ ຮຸນເຊັນ ນາຍົກລັດຖະມົນຕີກຳປູເຈຍ ໄດ້ຕົກລົງເຫັນດີໃນການຮ່ວມກັນຮັດແໜ້ນສາຍພົວພັນສອງຝ່າຍ ແລະ ແກ້ໄຂບັນຫາຂັດແຍ່ງຊາຍແດນລະຫວ່າງສອງຊາດເພື່ອນບ້ານ ທີ່ນະຄອນວຽງຈັນວານນີ້.ນາຍົກລັດຖະມົນຕີກຳປູເຈຍເດີນທາງຢ້ຽມຢາມ ສປປ ລາວ ຢ່າງເປັນທາງການໃນວັນທີ 5-6 ທັນວານີ້ ຕາມການເຊື້ອເຊີນຂອງທ່ານນາຍົກ ທອງລຸນ.ອ່ານຕໍ່ ...

ກະຊວງໂຍທາທິການ ແລະ ຂົນສົ່ງຂອງລາວໄດ້ແຈ້ງຕໍ່ຄະນະກວດສອບແຫ່ງລັດໃນກອງປະຊຸມປະຈຳປີວ່າ ໜ່ວຍສືບສວນສອບສວນໄດ້ກວດພົບວ່າມີເຈົ້າໜ້າທີ່ຫຼາຍຮ້ອຍຄົນກ່ຽວຂ້ອງກັບການສໍ້ລາດບັງຫຼວງໃນປີ 2018.ໃນຄະດີສໍ້ລາດບັງຫຼວງຈຳນວນ 1,002 ຄະດີ, ເຈົ້າໜ້າທີ່ປະມານ 850 ຄົນໄດ້ຖືກປະຕິບັດວິໄນ ແລະ 55 ຄົນຖືກດຳເນີນຄະດີອາຍາ, ຕາມສຳເນົາບົດລາຍງານຈາກໜ່ວຍຂ່າວ RFA ລາວ. ສ່ວນທີ່ເຫຼືອແມ່ນຍັງຢູ່ໃນຂັ້ນຕອນການສືບສວນສອບສວນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຄະນະຜູ້ແທນລາວ ເຂົ້າຮ່ວມງານບຸນທ່ອງທ່ຽວວັດທະນະທຳສາກົນຫູໜານ 2019 ໃນທ້າຍອາທິດແລ້ວນີ້ ເພື່ອສົ່ງເສີມການຮ່ວມມືລະຫວ່າງສອງປະເທດ ໃນຂະແໜງການທ່ອງທ່ຽວ, ການຄ້າ ແລະ ການລົງທຶນ.ທ່ານ ສະຫວັນກອນ ຣາຊມຸນຕຼີ ຮອງລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ນຳພາຄະນະຜູ້ແທນລາວ ລວມທັງເຈົ້າໜ້າທີ່ກະຊວງ ແລະ ບໍລິສັດທ່ອງທ່ຽວຂອງລາວ ເຂົ້າຮ່ວມງານດັ່ງກ່າວທີ່ເມືອງຫູໜານ ປະເທດຈີນ.ອ່ານຕໍ່ ...

ມື້ນີ້ ບໍລິສັດລ້ານຊານມິເນີໂຣ ເຊໂປນ ຈຳກັດ (LXML) ໄດ້ມອບວັດຖຸບູຮານ 7,800 ກວ່າຊິ້ນ ໃຫ້ແກ່ລັດຖະບານລາວ. ວັດຖຸບູຮານເຫຼົ່ານີ້ ແມ່ນເຮັດດ້ວຍທອງແດງ, ທອງເຫຼືອງ, ໂມລາ, ເຄື່ອງປັ້ນດິນເຜົາ, ໄມ້ ແລະ ອື່ນໆ ໄດ້ມີການຄົ້ນພົບໃນເໝືອງຄຳເຊໂປນ. ນີ້ແມ່ນໜຶ່ງໃນຜົນການສະໜັບສະໜູນລັດຖະບານລາວຂອງບໍລິສັດ ໃນການຄົ້ນຄວ້າດ້ານບູຮານຄະດີ ແລະ ການອະນຸລັກມໍລະດົກທາງວັດທະນະທຳ.ພາຍຫຼັງການມອບຮັບ, ວັດຖຸບູຮານເຫຼົ່ານີ້ຈະໄດ້ນຳໄປຈັດສະແດງຢູ່ທີ່ຫໍພິພິດຕະພັນແຫ່ງຊາດ (828 ຊິ້ນ), ພິພິດຕະພັນແຂວງສະຫວັນນະເຂດ (409 ຊິ້ນ), ແລະ ຫໍວັດທະນະທຳເມືອງວິລະບູລີ (6,644 ຊິ້ນ).ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຍອດການສົ່ງອອກສິນຄ້າຂອງລາວໄປຈີນໃນປີນີ້ຄາດວ່າຈະເພີ່ມຂຶ້ນເປັນ  US$1,510 ລ້ານໂດລາ, ໃນຂະນະທີ່ການນຳເຂົ້າຈະຫຼຸດລົງເປັນ US$985 ລ້ານໂດລາ, ຕາມການຄາດຄະເນຫຼ້າສຸດຂອງກະຊວງອຸດສາຫະກຳ ແລະ ການຄ້າ.ໃນປີຜ່ານມາ ລາວວາງແຜນບັນລຸຍອດການສົ່ງອອກສິນຄ້າໄປຈີນໃຫ້ໄດ້ US$1,478 ລ້ານໂດລາ ແຕ່ວ່າສາມາດບັນລຸໄດ້ພຽງແຕ່ US$1,406 ລ້ານໂດລາ, ແລະ ຄາດຄະເນມູນຄ່າການນຳເຂົ້າຢູ່ທີ່ US$945 ລ້ານໂດລາ ແຕ່ວ່າການນຳເຂົ້າຕົວຈິງແມ່ນມີເຖິງ US$1,381 ລ້ານໂດລາ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຊາວບ້ານພ້ອມດ້ວຍເຈົ້າໜ້າທີ່ປະມານ 300 ຄົນໄດ້ລວມໂຕກັນຢູ່ເມືອງໄຊທານີ ໃນວັນເສົາຜ່ານມາ ເພື່ອໂຄສະນາສົ່ງເສີມໃຫ້ປະຊາຊົນທຸກຄົນປະກອບສ່ວນໃນການສະກັດກັ້ນການແຜ່ລະບາດຂອງເຊື້ອໄວຣັສ໌ໄຂ້ຍຸງ.ເຈົ້າໜ້າທີ່ສາທາໄດ້ລົງໂຄສະນາຕາມຖະໜົນບ້ານໄຊສົມບູນ ໂດຍນຳໃຊ້ລົດກະບະ ເພື່ອໂຄສະນາລົນນະລົງກ່ຽວກັບວິທີການໃນການປ້ອງກັນ ແລະ ຈຳກັດການແຜ່ຂະຫຍາຍຂອງພະຍາດໄຂ້ຍຸງລາຍ ພ້ອມທັງວິທີສະກັດກັ້ນການແຜ່ພັນຂອງຍຸງລາຍ.ນັບແຕ່ຕົ້ນປີມາເຖິງວັນທີ 25 ກໍລະກົດນີ້ ໃນທົ່ວປະເທດມີຜູ້ຕິດເຊື້ອໄຂ້ເລືອດອອກແລ້ວ 17,403 ຄົນ ແລະ ເສຍຊີວິດ 39 ຄົນ, ຕາມການລາຍງານຂອງກົມຄວບຄຸມພະຍາດຕິດຕໍ່ ກະຊວງສາທາລະນະສຸກ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ສະມາຄົມນັກທຸລະກິດໜຸ່ມລາວ (YEAL) ຮຽກຮ້ອງໃຫ້ລັດຖະບານຈັດຕັ້ງກອງທຶນພິເສດ ເພື່ອໃຫ້ນັກທຸລະກິດໜ້າໃໝ່ສາມາດປະກອບສ່ວນໃນການພັດທະນາເສດຖະກິດ.ທາງສະມາຄົມເຊື່ອວ່າ ກອງທຶນດັ່ງກ່າວຈະຊ່ວຍສະໜັບສະໜູນບັນດານັກທຸລະກິດໜຸ່ມທີ່ຕ້ອງການຂະຫຍາຍທຸລະກິດ ແລະ ທຳໜ້າທີ່ເປັນຕົວຂັບເຄື່ອນການຂະຫຍາຍຕົວຂອງເສດຖະກິດໄປສູ່ລະດັບສູງສຸດໃນຊຸມປີຕໍ່ໜ້າ.ອ່ານຕໍ່ ...

ລາວຍາດໄດ້ຫຼຽນຄຳຫຼຽນທຳອິດໃນມະຫາກຳກິລາຊີເກມ 2019 ພາຍຫຼັງເອົາຊະນະນັກກິລາຈາກອິນໂດເນເຊຍ ໃນຮອບສຸດທ້າຍຂອງການແຂ່ງຂັນກິລາມວຍເຕະຊາຍ ລຸ້ນບໍ່ເກີນ 60 ກິໂລກຼາມ.ໃນການແຂ່ງຂັນໃນວັນທີ 10 ທັນວານີ້, ສຸກັນ ໄຕປັນຍາວົງ ນັກກິລາມວຍເຕະຂອງລາວ ສາມາດເອົາຊະນະ ບອນນາຕົວ ລຳບັນຕຸງກັບ ຄູ່ແຂ່ງຈາກອິນໂດເນເຊຍ ໃນການແຂ່ງຂັນຊິງຫຼຽນຄຳ, ຕາມຂໍ້ມູນຈາກເວັບໄຊທາງການຂອງກິລາຊີເກມ 2019.ອ່ານຕໍ່ ...

The government has instructed relevant sectors to study the establishment of a Lao joint state-private company to join its Vietnamese counterpart to develop a seaport in Vietnam, the government spokesman has said. The instruction was made at the two-day monthly cabinet meeting for May that closed ...

ວຽງຈັນ (ວຽງຈັນທາມສ໌/ANN) – ອຳນາດການປົກຄອງສັ່ງໃຫ້ຜູ້ຈັດການລະບົບຂ່າວສານສື່ສັງຄົມອອນໄລໃນລາວ ຈົດທະບຽນບັນຊີຜູ້ນຳໃຊ້ ຫຼື ໜ້າເພັຈ໌ ບໍ່ດັ່ງນັ້ນຈະຖືກດຳເນີນການຕາມລະບຽບກົດໝາຍ.ຄຳເຕືອນດັ່ງກ່າວ ແມ່ນເນື່ອງຈາກໃນລາວມີລະບົບຂ່າວສານທາງດິຈິຕອລ໌ຈຳນວນຫຼວງຫຼາຍທີ່ມີການເຜີຍແຜ່ຂ່າວສານທີ່ບໍ່ເປັນຈິງ ແລະ ຂໍ້ມູນທີ່ບໍ່ຖືກຕ້ອງ ຜ່ານທາງສື່ສັງຄົມອອນໄລ  ເຮັດໃຫ້ສັງເກີດຄວາມເຂົ້າໃຈຜິດ ແລະ ສ້າງກະແສປັ່ນປ່ວນກ່ຽວກັບເຫດການຕ່າງໆ.ອ່ານຕໍ່ ...

ຊຸມຊົນທີ່ໄດ້ຮັບຜົນກະທົບຈາກໄພນ້ຳຖ້ວມ ຈະໄດ້ຮັບຜົນປະໂຫຍດຈາກໂຄງການ ‘ເງິນເພື່ອວຽກ’ ເຊິ່ງເປັນສ່ວນໜຶ່ງຂອງການຮ່ວມມືລະຫວ່າງກະຊວງແຮງງານ ແລະ ສະຫວັດດີການສັງຄົມ ແລະ ອົງການສະຫະປະຊາດເພື່ອການພັດທະນາ.ໂຄງການດັ່ງກ່າວແມ່ນເລີ່ມແຕ່ປີ 2018 ເພື່ອຊ່ວຍເຫຼືອຄອບຄົວທີ່ອ່ອນໄຫວຕໍ່ໄພພິບັດທີ່ສຸດ ເຊັ່ນ ຊາວກະສິກອນທີ່ຕ້ອງເຊົ່າທີ່ດິນ ຫຼື ຜູ້ອອກແຮງງານທີ່ບໍ່ມີພື້ນທີ່ທຳການຜະລິດຂອງໂຕເອງ ທີ່ໄດ້ຮັບຜົນກະທົບຈາກໄພນ້ຳຖ້ວມໃນສີ່ເມືອງຂອງແຂວງຄຳມ່ວນ ຄື ເມືອງມະຫາໄຊ, ຍົມມະລາດ, ຫີນບູນ ແລະ ໜອງບົກ.ອ່ານຕໍ່ ...