ສອງໂຄງການໃໝ່ ຄື ໂຄງການຫຼຸດຜ່ອນຄວາມທຸກຍາກໃນຊົນນະບົດ ແລະ ຄວາມບົກພ່ອງທາງໂພຊະນາການ, ແລະ ໂຄງການສົ່ງເສີມນ້ຳປະປາ, ສຸຂະອະນາໄມ ແລະ ສຸຂາພິບານ ໄດ້ມີການເປີດໂຕທີ່ນະຄອນຫຼວງວຽງຈັນ ໃນວັນພຸດນີ້ ເພື່ອແກ້ໄຂບັນຫາການຂາດສານອາຫານໃນເດັກນ້ອຍ.ໂຄງການດັ່ງກ່າວແມ່ນຢູ່ພາຍໃຕ້ການສະໜັບສະໜູນຂອງທະນາຄານໂລກ ມີມູນຄ່າໂຄງການ  460 ຕື້ກີບ (US$52 ລ້ານໂດລາ).ໂຄງການລິເລີ່ມດັ່ງກ່າວຈະດຳເນີນແຕ່ປີ 2019-2024 ຢູ່ໃນສີ່ແຂວງທີ່ມີອັດຕາການຂາດສານອາຫານສູງ ຄື ແຂວງຊຽງຂວາງ, ຫົວພັນ, ຜົ້ງສາລີ ແລະ ອຸດົມໄຊ.ອ່ານຕໍ່   ...

ວຽງຈັນ (ວຽງຈັນທາມສ໌/ANN) – ຊຸມຊົນທຸລະກິດລາວ ແລະ ໄທ ກຳລັງຮ່າງແຜນເພື່ອເພີ່ມທະວີປະລິມານການຄ້າ ແລະ ການລົງທຶນພາຄີໃນຊຸມປີຕໍ່ໜ້າ ໂດຍການຂ້າມຜ່ານອຸປະສັກຕ່າງໆທີ່ມີມາດົນນານ.ທັງສອງຝ່າຍຄາດວ່າຈະຈັດຕັ້ງກຸ່ມເຮັດວຽກພິເສດ ເຊິ່ງຈະມາຈາກບຸກຄະລາກອນທັງສອງຝ່າຍ ເພື່ອຈຸດປະສົງເຊື່ອມຕໍ່ຊ່ອງຫວ່າງລະຫວ່າງລັດຖະບານລາວ ແລະ ໄທ.ອ່ານຕໍ່  ...

ອີງຕາມແຈ້ງການຈາກສຳນັກງານນາຍົກລັດຖະມົນຕີ ໃນວັນພຸດນີ້, ລາວຈະຍົກເລີກບໍລິການອອກວິຊາກັບດ່ານສຳລັບນັກທ່ອງທ່ຽວ ໃນເກົ້າດ່ານຊາຍແດນ.ແຈ້ງການສະບັບດັ່ງກ່າວ ໄດ້ສັ່ງປິດໜ່ວຍບໍລິການວິຊາກັບດ່ານ ໃນເກົ້າດ່ານຊາຍແດນຄື:ດ່ານຊາຍແດນປາງຮົກ (ແຂວງຜົ້ງສາລີ) ຊາຍແດນຈີນດ່ານຊາຍແດນນ້ຳໂສຍ (ແຂວງຫົວພັນ) ຊາຍແດນຫວຽດນາມດ່ານຊາຍແດນນ້ຳຄານ (ແຂວງຊຽງຂວາງ) ຊາຍແດນຫວຽດນາມດ່ານຊາຍແດນນ້ຳເງິນ (ແຂວງໄຊຍະບູລີ) ຊາຍແດນໄທດ່ານຊາຍແດນນ້ຳເຮືອງ (ແຂວງໄຊຍະບູລີ) ຊາຍແດນໄທດ່ານຊາຍແດນນ້ຳພາວ (ແຂວງຄຳມ່ວນ) ຊາຍແດນຫວຽດນາມດ່ານຊາຍແດນນາເພົ້າ (ແຂວງຄຳມ່ວນ) ຊາຍແດນຫວຽດນາມສະໜາມບິນສາກົນສະຫວັນນະເຂດດ່ານຊາຍແດນພູເກືອ (ແຂວງອັດຕະປື) ຊາຍແດນຫວຽດນາມອ່ານຕໍ່ ...

ວຽງຈັນ (ວຽງຈັນທາມສ໌/ANN) – ບໍລິສັດອາຫານ Heritage Snack & Food ຈຳກັດ ປະເທດໄທ ໝາຍຕາການຂະຫຍາຍສ່ວນແບ່ງຕະຫຼາດໃນລາວ ພາຍຫຼັງມີການສົ່ງອອກສິນຄ້າໃນພາກພື້ນມາຫຼາຍປີ.“ພວກເຮົາໄດ້ເລີ່ມນຳເຂົ້າສິນຄ້າເພື່ອສຸຂະພາບພາຍໃຕ້ຍີ້ຫໍ້ Heritage ເຊັ່ນ ໃນຖົ່ວ, ໝາກໄມ້ອົບແຫ້ງ ແລະ ນົມອາລມອນ, ເຊິ່ງສ່ວນໃຫຍ່ແມ່ນເພື່ອຈຳໜ່າຍໃຫ້ແກ່ຊາວຕ່າງປະເທດໃນໃຈກາງນະຄອນວຽງຈັນໃນປີ 2013,” ທ່ານ ທອງສະຫວັນ ກິດຕິຄຳມູນ ອຳນວຍການບໍລິສັດນູນທອງການຄ້າຂາອອກ-ຂາເຂົ້າຈຳກັດກ່າວ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດຖະບານເຮັດວຽກຢ່າງໃກ້ຊິດກັບບັນດາອົງການຈັດຕັ້ງສາກົນ ເພື່ອສົ່ງເສີມການຕ້ານຢາເສບຕິດຢູ່ໃນສະໜາມບິນ ຜ່ານການຈັດຕັ້ງໜ່ວຍສະເພາະກິດຕ້ານຢາເສບຕິດ.ບັນຫາດັ່ງກ່າວໄດ້ມີການຫາລືໃນກອງປະຊຸມຄະນະສະເພາະກິດຕ້ານຢາເສບຕິດໃນສະໜາມບິນ ອາຊຽນຄັ້ງທີ 9 ເຊິ່ງຈັດຂຶ້ນຢູ່ນະຄອນຫຼວງວຽງຈັນ ໃນວັນທີ 27-29 ພະຈິກນີ້.ເຂົ້າຮ່ວມໃນພິທີເປີດກອງປະຊຸມດັ່ງກ່າວ ມີທ່ານ ພຸດສະຫວັດ ສູນທະລາ ຮອງເລຂາທິການໃຫຍ່ ຄະນະກຳມາທິການວ່າດ້ວຍການຄວບຄຸມ ແລະ ກວດກາຢາເສບຕິດແຫ່ງຊາດ, ພ້ອມດ້ວຍຄະນະຜູ້ແທນຈາກປະເທດບຼູໄນ, ກຳປູເຈຍ, ອິນໂດເນເຊຍ, ມາເລເຊຍ, ມຽນມາ, ຟິລິປິນ, ສິງກະໂປ, ຫວຽດນາມ ແລະ ໄທ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ກະຊວງອຸດສາຫະກຳ ແລະ ການຄ້າຈະສືບຕໍ່ຄວາມພະຍາຍາມໃນການປັບປຸງ ຫຼື ລົບລ້າງມາດຕະການ ແລະ ລະບຽບການທີ່ບໍ່ຈຳເປັນ ກ່ຽວກັບການສົ່ງອອກ ແລະ ນຳເຂົ້າສິນຄ້າເພື່ອສົ່ງເສີມການຄ້າລະຫວ່າງຊາຍແດນ.ເຈົ້າໜ້າທີ່ຮັບຜິດຊອບການອຳນວຍຄວາມສະດວກດ້ານການຄ້າ ໄດ້ເຂົ້າຮ່ວມປະຊຸມທີ່ນະຄອນວຽງຈັນໃນອາທິດແລ້ວນີ້ ໃນກອງປະຊຸມເລຂາທິການຄະນະກຳມະການອຳນວຍຄວາມສະດວກດ້ານການຄ້າຊຸດທີ 2 ເພື່ອປະເມີນຜົນສຳເລັດໃນໄລຍະຜ່ານມາຜ່ານການປະຕິຮູບດ້ານລະບຽບການ. ກອງປະຊຸມດັ່ງກ່າວຍັງໄດ້ສະແດງຄວາມຄືບໜ້າໃນການດຳເນີນງານຂອງຄະນະກຳມະການ.ອ່ານຕໍ່ ...

ປະເທດຈີນ ແລະ ໄທ ສັ່ງຫ້າມນຳເຂົ້າຊິ້ນໝູ ແລະ ຜະລິດຕະພັນກ່ຽວກັບໝູຈາກລາວ ຫຼັງຈາກພົບການລະບາດຂອງພະຍາດອະຫິວາໝູອາຟຣິກາໃນລາວເປັນກໍລະນີທຳອິດ.ໄດ້ມີການຢືນຢັນການລະບາດຂອງພະຍາດອະຫິວາໝູອາຟຣິກາກໍລະນີທຳອິດໃນລາວ, ເຊິ່ງມີການລະບາດຂອງພະຍາດໃນເຈັດບ້ານຂອງແຂວງສາລະວັນ, ເຮັດໃຫ້ມີສັດຕາຍແລ້ວ 973 ໂຕ, ຕາມກະຊວງກະສິກຳ ແລະ ປ່າໄມ້ຂອງລາວ.ອ່ານຕໍ່ ...

ຫຼວງນ້ຳທາ, ລາວ (ວຽງຈັນທາມສ໌/ANN) –  ການກໍ່ສ້າງອຸໂມງທາງລົດໄຟ ທີ່ຊາຍແດນລາວ-ຈີນ ແຂວງຫຼວງນ້ຳທາ ອາດຕ້ອງນຳໃຊ້ວັດສະດຸກໍ່ສ້າງທີ່ສາມາດຕ້ານທານຕໍ່ການກັດເຊາະຂອງເກືອ, ເພື່ອປ້ອງກັນລາງລົດໄຟທີ່ອາດໄດ້ຮັບຜົນກະທົບຈາກບໍ່ເກືອຂະໜາດໃຫຍ່ໃຕ້ດິນ.ນັກວິສະວະກອນຈີນ ຫວັງ ສຽວຕົງ ໄດ້ເປີດເຜີຍຕໍ່ສື່ມວນຊົນລາວ ແລະ ຈີນວ່າ ທີມກໍ່ສ້າງໄດ້ຄົ້ນພົບບໍ່ເກືອສອງແຫ່ງໃນລາວ ແຕ່ບໍ່ພົບໃນຈີນ.ອຸໂມງທີ່ດ່ານຊາຍແດນດັ່ງກ່າວແມ່ນອຸໂມງທາງລົດໄຟຂະໜາດໃຫຍ່ທີ່ສຸດໃນການກໍ່ສ້າງເສັ້ນທາງລົດໄຟລາວ-ຈີນ, ແລະ ມີໄລຍະ 7,000 ແມັດໃນປະເທດຈີນ ແລະ ອີກ 2,000 ແມັດໃນປະເທດລາວ.ອ່ານຕໍ່  ...

ສຳລັບຊາວຈີນທີ່ຄິດຢາກຈະມາທ່ຽວເມືອງລາວຈະໄດ້ຮັບຂໍ້ມູນຂ່າວສານໃໝ່ໆ ແລະ ທັນສະໃໝກ່ຽວກັບລາວໃນໄວໆນີ້ ເນື່ອງຈາກກົມການຕະຫຼາດການທ່ອງທ່ຽວຈະສ້າງພາກສ່ວນເວັບໄຊເປັນພາສາຈີນເພື່ອສະໜອງຂໍ້ມູນຂ່າວສານ.ກົມດັ່ງກ່າວເຊິ່ງຢູ່ພາຍໃຕ້ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ຫວັງວ່າພາກສ່ວນເວັບໄຊພາສາຈີນຈະສຳເລັດພາຍໃນເດືອນກໍລະກົດນີ້. ເຊິ່ງນີ້ແມ່ນແນໃສ່ສະໜອງຂໍ້ມູນຂ່າວສານກ່ຽວກັບສະຖານທີ່ທ່ອງທ່ຽວຂອງລາວ ເພື່ອດຶງດູດນັກທ່ຶງທ່ຽວຈາກຕ່າງປະເທດໃຫ້ເຂົ້າມາທ່ຽວລາວຫຼານຂຶ້ນ ໂດຍສະເພາະປະເທດຈີນ.ອ່ານຕໍ່ ...

(ຂປລ) ສວນມິດຕະພາບລາວ-ຍີ່ປຸ່ນຄາດວ່າຈະເປີດໃຫ້ມະຫາຊົນເຂົ້ານຳໃຊ້ໃນເດືອນກັນຍາທີ່ຈະມາເຖິງນີ້, ກຳນົດໜຶ່ງເດືອນກ່ອນການມອບຮັບ.ສວນດັ່ງກ່າວແມ່ນຕັ້ງຢູ່ບ້ານທ່ານາ, ເມືອງໄຊຍະບູລີ, ແຂວງໄຊຍະບູລີ. ສວນແຫ່ງນີ້ຈະຖືເປັນສັນຍະລັກແຫ່ງການຮ່ວມມືລະຫວ່າງລາວ ແລະ ຍີ່ປຸ່ນ.ສວນດັ່ງກ່າວແມ່ນເນັ້ນໃສ່ສິ່ງກໍ່ສ້າງ ແລະ ເຮືອນຕາມແບບສະຖາປັດຕະຍະກຳລາວ ແລະ ຍີ່ປຸ່ນ.ອ່ານຕໍ່  ...

ວຽງຈັນ (ວຽງຈັນທາມສ໌/ANN) – ໃນວັນພະຫັດແລ້ວນີ້ ສະຖາບັນວິຈິດຕະກຳແຫ່ງຊາດ (NIFA) ໄດ້ຈັດວາງສະແດງແກ່ນໝາກຄາຍແກະສະຫຼັກ ເພື່ອເປັນການປິດທ້າຍກອງປະຊຸມວິຊາການພິເສດ ທີ່ດຳເນີນໂດຍວິທະຍາກອນຈາກຈີນ.ແກ່ນໝາຍຄາຍແກະສະຫຼັກ ມີຄວາມວິຈິດງົດງາມ ແລະ ມີຫຼາຍຮູບຫຼາຍຂະໜາດ ເຊັ່ນ ຮູບພະພຸດທະຮູບ, ດອກໄມ້ ແລະ ສັດຕ່າງໆ.ກິດຈະກຳຝຶກອົບຮົມດັ່ງກ່າວ ເຊິ່ງຈັດຂຶ້ນໂດຍ NIFA ໃນລະຫວ່າງວັນທີ 13-30 ພະຈິກທີ່ຜ່ານມານີ້, ເຊິ່ງມີຄູອາຈານ ແລະ ນັກສຶກສາ 23 ຄົນຈາກກົມແກະສະຫຼັກເຂົ້າຮ່ວມ. ຜູ້ເຂົ້າຮ່ວມໄດ້ຮັບການຝຶກອົບຮົມຈາກ ທ່ານ ຫຼິວ ສີີ ເຊັງ ຜູ້ຊ່ຽວຊານຈີນ ທີ່ມີປະສົບການດ້ານການແກະສະຫຼັກແກ່ນໝາກຄາຍ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ສະຖານະການຄວາມເຄັ່ງຕຶງດ້ານການຄ້າທີ່ມີຢ່າງຕໍ່ເນື່ອງ ບໍ່ພຽງແຕ່ສ້າງຄວາມບໍ່ແນ່ນອນໃນທົ່ວໂລກ ແຕ່ຍັງສ້າງໂອກາດທອງສຳລັບປະເທດລາວ ໃນຖານະເປັນປະເທດທີ່ມີທ່າແຮງທາງດ້ານສິນຄ້າກະສິກຳ ທ່າມກາງຄວາມຕ້ອງການຂອງຕະຫຼາດຕ່າງປະເທດທີ່ເພີ່ມສູງຂຶ້ນ, ຕາມຜູ້ຊ່ຽວຊານລະດັບສູງຂອງ ANZ.ໃນລະຫວ່າງບົດສະເໜີແບບເຈາະເລິກວານນີ້ໃນກອງປະຊຸມກ່ຽວກັບອາຫານ, ເຄື່ອງດື່ມ ແລະ ທຸລະກິດການກະເສດ 2019 ທີ່ນະຄອນວຽງຈັນ, ທ່ານ ແພັດທຼິກ ວິສ໌ໂຊນ ຫົວໜ້າພະແນກອາຫານ, ເຄື່ອງດື່ມ ແລະ ທຸລະກິດການກະເສດຂອງ ANZ ກ່າວວ່າ ປະເທດລາວມີໂອກາດໃນດ້ານຕະຫຼາດຊີ້ນສັດເຊັ່ນ ຊິ້ນໝູ ແລະ ຊີ້ນງົວ ແລະ ໝາກໄມ້ປະເພດຕ່າງໆ.ອ່ານຕໍ່ ...

ກຸ່ມບໍລິສັດ Meal Temple ຂອງກຳປູເຈຍ ໄດ້ເປີດບໍລິການລົດຮັບສົ່ງໃນລາວ, ກາຍເປັນບໍລິສັດທີສອງຂອງປະເທດລາວທທີ່ໃຫ້ບໍລິການດັ່ງກ່າວ ນອກຈາກບໍລິສັດທ້ອງຖິ່ນ LOCA.ກຸ່ມບໍລິສັດ Meal Temple ເຊິ່ງໄດ້ມີການກໍ່ຕັ້ງໃນປີ 2013 ໄດ້ຂະຫຍາຍກິດຈະການເຂົ້າມາໃນລາວໃນເດືອນກໍລະກົດປີນີ້ ດ້ວຍການຊື້ກິດຈະການ MyDelivery ບໍລິການຈັດສົ່ງອາຫານຜ່ານໂທລະສັບມືຖື ຈາກບໍລິສັດ Kiwi Group ຂອງລາວ. ປະຈຸບັນ ທາງບໍລິສັດມີກິດຈະການຢູ່ໃນປະເທດມຽນມາ, ເນປານ ແລະ ພູຖານ.ກຸ່ມບໍລິສັດດັ່ງກ່າວຈະເຂົ້າມາເປີດບໍລິການລົດຮັບສົ່ງໃນລາວ ທ່າມກາງການຂະຫຍາຍຕົວຂອງຂະແໜງການທ່ອງທ່ຽວໃນປະເທດ.ອ່ານຕໍ່ ...

ຮ່າໂນ້ຍ, ຫວຽດນາມ: ທ່ານ ທອງລຸນ ສີສຸລິດ ນາຍົກລັດຖະມົນຕີ ໄດ້ກ່າວໃນກອງປະຊຸມສະພາເສດຖະກິດໂລກທີ່ຮ່າໂນ້ຍ ຫວຽດນາມໃນວັນພຸດນີ້ວ່າ ການພັດທະນາເຂື່ອນພະລັງງານໄຟຟ້ານ້ຳຕົກໃນລາວຕ້ອງມີຄວາມປອດໄພ ແລະ ເປັນມິດຕໍ່ສິ່ງແວດລ້ອມ.ອ່ານຕໍ່ ...

ລັດຖະບານ ແລະ ຄູ່ຮ່ວມພັດທະນາ ໄດ້ປະຊຸມກັນທີ່ວຽງຈັນ ໃນວັນສຸກຜ່ານມາ ເພື່ອຫາລືລາຍລະອຽດຄຳແນະນຳຈາກກອງປະຊຸມໂຕະມົນປີ 2018 ເພື່ອຜັນຂະຫຍາຍການປະຕິບັດການຕິດຕາມຢ່າງເປັນຮູບປະທຳ.ກອງປະຊຸມທົບທວນປະຈຳປີ ເພື່ອກະກຽມສຳລັບກອງປະຊຸມໂຕະມົນ 2019 ເຊິ່ງໄດ້ມີການຫາລືແນວທາງສູ່ການຈັດຕັ້ງປະຕິບັດກອງປະຊຸມໂຕະມົນ 2019 ເຊິ່ງຈະຈັດຂຶ້ນໃນທ້າຍປີ ມີການເຂົ້າຮ່ວມຂອງທ່ານ ປອ ກິແກ້ວ ຈັນທະບູລີ ຮອງລັດຖະມົນຕີກະຊວງແຜນການ ແລະ ການລົງທຶນ, ທ່ານນາງ ຄາຣິນາ ອິມໂມເນັນ ຜູ້ປະສານງານປະຈຳອົງການສະຫະປະຊາຊາດ ແລະ ຜູ້ຕາງໜ້າປະຈຳອົງການ UNDP,​ ພ້ອມດ້ວຍຕາງໜ້າຈາກຂະແໜງເອກະຊົນ ແລະ ອົງການຈັດຕັ້ງສັງຄົມສົງເຄາະ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ກຸ່ມຜູ້ຊື້ຈາກແຂວງສີສວນ ປະເທດຈີນຄາດວ່າຈະນຳເຂົ້າໝາກໄມ້ຈາກລາວເຖິງ 50 ໂຕນຕໍ່ປີ, ເຊິ່ງລວມມີ ໝາກກ້ວຍ, ໝາກນັດ, ແລະ ໜາກນ໋ອດ.ທຸລະກິດລາວ ແລະ ຈີນ ໄດ້ຕົກລົງສືບຕໍ່ການຮ່ວມມີໃນການເຮັດບົດວິເຄາະຄວາມເປັນໄປໄດ້ກ່ຽວກັບການສົ່ງອອກຜະລິດຕະພັນກະສິກຳໄປປະເທດຈີນ, ເຊິ່ງຊ່ວຍສົ່ງເສີມໃຫ້ຊາວກະສິກອນລາວສາມາດຈຳໜ່າຍສິນຄ້າກະເສດສີຂຽວ ແລະ ສະອາດ.ອ່ານຕໍ່ ...

ເຈົ້າໜ້າທີ່ການສຶກສາໄດ້ທຳການອະນຸມັດໃຫ້ວິທະຍາໄລເອກະຊົນຈຳນວນໜຶ່ງ ກ່ຽວກັບການຍົກລະດັບຫຼັກສູດຂອງສະຖາບັນການສຶກສາເອກະຊົນ ໃຫ້ສາມາດເປີດຄືນຫຼັກສູດປະລິນຍາຕີ ແລະ ຊັ້ນສູງ.ປະຈຸບັນ ມີສອງສະຖານບັນ ຄື ວິທະຍາໄລລັດຕະນະບໍລິຫານທຸລະກິດ (RBAC) ແລະ ວິທະຍາໄລແສງສະຫວັນ, ວຽງຈັນ ໄດ້ຮັບການອະນຸມັດຢ່າງເປັນທາງການ ໃນການເປີດຄືນຫຼັກສູດປະລີນຍາຕີ ຫຼັງຈາກທີ່ມີການລະງັບໃບອະນຸຍາດຊົ່ວຄາວໃນສົກສຶກສາ 2013-14.ອ່ານຕໍ່ ...

ວຽງຈັນ (ວຽງຈັນທາມສ໌) – ລາວຈະເຮັດວຽກຮ່ວມກັບບັນດາປະເທດເພື່ອນບ້ານ ເພື່ອແລກປ່ຽນຂໍ້ມູນຂ່າວສານກ່ຽວກັບພະຍາດອີໂບລາ, ໂດຍສະເພາະແມ່ນສຳລັບຜູ້ທີ່ເດີນທາງໄປດ່າງປະເທດ ເຊິ່ງອາດມີຄວາມສ່ຽງຕໍ່ການຕິດເຊື້ອໄວຣັສ໌ດັ່ງກ່າວ.ປະເທດລາວມີຊາຍແດນຮ່ວມກັບຫ້າປະເທດ ແຕ່ວ່າມາເຖິງປະຈຸບັນແມ່ນບໍ່ມີລາຍງານກ່ຽວກັບການລະບາດຂອງເຊື້ອອີໂບລາໃນປະເທດເພື່ອບ້ານ, ແລະ ບໍ່ມີລາຍງານການລະບາດຂອງເຊື້ອພະຍາດດັ່ງກ່າວໃນທະວີບອາຊີ.ອ່ານຕໍ່ ...

ເຈົ້າໜ້າທີ່ບຸກເຂົ້າກວດສອບຮ້ານຄາຣາໂອເກະທີ່ອຳເພີເມືອງສຸໄຫງໂຄລົກ ນາລາທິວາດ ໃນຕອນຄ່ຳຂອງວັນຈັນຜ່ານມາ ແລະ ຊ່ວຍເຫຼືອສາວລາວ 12 ຄົນຈາກການຄ້າປະເວນີ.ເຈົ້າໜ້າທີ່ຈາກກົມການປົກຄອງຈັງຫວັດ ແລະ ກົມສືບສວນສອບສວນພິເສດ ພ້ອມດ້ວຍພະນັກງານອົງການຈັດຕັ້ງສາກົນທີ່ບໍ່ຂຶ້ນກັບລັດຖະບານ ໄດ້ທຳການບຸກກວດຄົ້ນສະຖານບັນເທິງ Relax Pub ໃນເວລາ 8.30 ແລງທີ່ຕົວເມືອງຊາຍແດນດັ່ງກ່າວ.ໃນນັ້ນແມ່ຍິງ 2 ໃນຈຳນວນ 12 ຄົນດັ່ງກ່າວ ສົ່ງໄສວ່າມີອາຍຸຕ່ຳກວ່າ 18 ປີ, ເຊິ່ງໄດ້ມີການສົ່ງຕົວໄປໂຮງໝໍປະຈຳຈັງຫວັດເພື່ອທຳການກວດສອບມວນກະດູກ ຢືນຢັນອາຍຸຈິງ.ອ່ານຕໍ່ ...

ໂຄງການທາງລົດໄຟ ເພື່ອເຊື່ອມຕໍ່ປະເທດລາວທີ່ບໍ່ມີຊາຍແດນຕິດທະເລ ເຂົ້າກັບປະເທດຈີນ ຄາດວ່າຈະສ້າງປະໂຫຍດທາງດ້ານເສດຖະກິດໃຫ້ແກ່ປະເທດລາວ ດ້ວຍການຫຼຸດຜ່ອນຕົ້ນທຶນການສົ່ງອອກ ແລະ ສິນຄ້າບໍລິໂພກ ເຊິ່ງຈະຊ່ວຍສົ່ງເສີມການພັດທະນາເສດຖະກິດສັງຄົມບົນຜືນແຜ່ນດິນອັນທຸກຍາກທີ່ມີປະຊາກອນເກືອບເຈັດລ້ານຄົນນີ້.ແຕ່ທັງນີ້ທັງນັ້ນ ໂຄງການທາງລົດໄຟດັ່ງກ່າວ ເຊິ່ງຄາດວ່າຈະສຳເລັດໃນປີ 2021 ໄດ້ສົ່ງຜົນກະທົບຕໍ່ 4,400 ຄອວຄົວໂດຍປະມານທີ່ຕ້ອງເສຍສະຫຼະທີ່ດິນຂອງຕົນ. ຕາມດຳລັດສະບັບເລກທີ 84 ເດືອນເມສາ 2016, ພົນລະເມືອງລາວທີ່ຕ້ອງສູນເສຍທີ່ດິນໃຫ້ແກ່ໂຄງການພັດທະນາຕ້ອງໄດ້ຮັບເງິນຊົດເຊີຍສຳລັບການສູນເສຍລາຍຮັບ, ຊັບສິນ, ເຄື່ອງປູກຂອງຝັງ ແລະ ພືດພັນທັນຍາຫານ.ອ່ານຕໍ່ ...