ວຽງຈັນ (ວຽງຈັນທາມສ໌/ANN) – ກະຊວງກະສິກຳ ແລະ ປ່າໄມ້ກຳລັງດຳເນີນການກວດສອບສວນກ້ວຍທົ່ວປະເທດ ແລະ ຊີ້ນຳເຈົ້າຂອງກິດຈະການໃຫ້ດຳເນີນການຜະລິດຕາມວິທີການຜະລິດກະສິກຳແບບຍືນຍົງ.ຈຳນວນນັກລົງທຶນ ແລະ ສວນກ້ວຍໃນທົ່ວປະເທດ ໄດ້ຫຼຸດປະລິມານລົງ ພາຍຫຼັງລັດຖະບານສັ່ງຫ້າມການອະນຸມັດທີ່ດິນຕອນໃໝ່ສຳລັບປູກກ້ວຍ ແລະ ສັ່ງປິດກິດຈະການທຸລະກິດທີ່ລະເມີດລະບຽບກົດໝາຍ, ທ່ານ ປອ ຫຼຽນ ທິແກ້ວ ລັດຖະມົນຕີກະຊວງກະສິກຳ ແລະ ປ່າໄມ້ ຕອບຄຳຖາມໃນລະຫວ່າງກອງປະຊຸມສະໄໝສາມັນຄັ້ງທີ 7 ຂອງສະພາແຫ່ງຊາດ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ບໍລິສັດໄທ ບຣາເທີ ການຄ້າຈຳກັດ ໝາຍຕາການຂະຫຍາຍໂອກາດທາງທຸລະກິດໃນຕະຫຼາດລາວ ຫຼັງຈາກທີ່ມີການຈຳໜ່າຍສິນຄ້າໃນຕະຫຼາດທ້ອງຖິ່ນມາເປັນສິບປີ.ບໍລິສັດໄດ້ເປີດເຜີຍລາຍຂໍ້ມູນດັ່ງກ່າວໃນພິທີເປີດຕົວຢ່າງເປັນທາງການ ແລະ ກອງປະຊຸມສື່ມວນຊົນຂອງຍີ້ຫໍ້ຜະລິດຕະພັນ ບຣາເທີ ໃນລາວ ເຊິ່ງຈັດຂຶ້ນທີ່ໂຮງແຮມຄຣາວພລາຊາ ວຽງຈັນ ໃນວັນພຸດທີ່ຜ່ານມາ.ອ່ານຕໍ່ ...

ລັດຖະບານໄດ້ເປີດໄຟຂຽວ ແກ່ບໍລິສັດ Jia Run Agricultural Development Co. , Ltd ເພື່ອດຳເນີນການສຶກສາຄວາມເປັນໄປໄດ້ ສຳລັບໂຄງການພັດທະນາກະສິກຳແບບອານຸລັກທຳມະຊາດ ຢູ່ເມືອງສະໜາມໄຊແຂວງອັດຕະປື. ບໍລິສັດໄດ້ວາງແຜນທີ່ຈະ ດຳເນີນໂຄງການໃນເນື້ອທີ່ 5,000 ເຮັກຕາ ຊຶ່ງເປັນການຮ່ວມມືດ້ານກະສິກຳທີ່ທັນສະໄໝ. ການສຶກສາຄວາມເປັນໄປໄດ້ຈະສຳເລັດພາຍໃນຫົກເດືອນ.ອ່ານເພິ່ມເຕີມ  ...

ລັດຖະບານໄດ້ມອບເຂົ້າສານຈຳນວນ 430 ໂຕນ ມູນຄ່າກວ່າ 3.3 ຕື້ກີບ ທີ່ໄດ້ຮັບການຊ່ວຍເຫຼືອຈາກລັດຖະບານຍີ່ປຸ່ນ ເພື່ອເປັນສ່ວນໜຶ່ງຂອງພາລະກິດການສືບຕໍ່ຊ່ວຍເຫຼືອໄພພິບັດຢູ່ແຂວງພາກໃຕ້ຂອງລາວ.ການຊ່ວຍເຫຼືອດັ່ງກ່າວລວມມີ ເຂົ້າສານ 149 ໂຕນສຳລັບຊ່ວຍເຫຼືອຊຸມຊົນແຂວງບໍລິຄຳໄຊ, 100​ ໂຕນສຳລັບແຂວງຄຳມ່ວນ, 81 ໂຕນສຳລັບແຂວງສະຫວັນນະເຂດ, 100​ ໂຕນສຳລັບແຂວງຈຳປາສັກ.ອ່ານຕໍ່ ...

ລາວຈະສືບຕໍ່ເຮັດວຽກກັບຄູ່ຮ່ວມພັດທະນາ ໃນການເສີມຂະຫຍາຍການສ້າງຄວາມສາມາດ ໃຫ້ແກ່ຖັນແຖວໜ່ວຍງານສ້າງກົດໝາຍ ຂັ້ນສູນກາງ ແລະ ທ້ອງຖິ່ນ ເພື່ອສົ່ງເສີມ ການປົກຄອງທີ່ດີ, ສິດທິມະນຸດ, ແລະ ການປົກຄອງດ້ວຍລະບຽບກົດໝາຍ.ທ່ານ ໄຊສີ ສັນຕິວົງ ລັດຖະມົນຕີກະຊວງຍຸດຕິທຳ ໄດ້ສະແດງຄຳເຫັນດັ່ງກ່າວວານນີ້ ໃນການກ່າວໂອວາດເປີດກອງປະຊຸມສຳມະນາ ກ່ຽວກັບທັດສະນະການປົກຄອງທີ່ດີ ແລະ ການສ້າງລັດທີ່ປົກຄອງດ້ວຍກົດໝາຍ ໃນ ສປປ ລາວ ຄັ້ງທີ 3 ພາຍໃຕ້ຫົວຂໍ້:​ “ການເພີ່ມທະວີຄວາມເຂົ້າໃຈກ່ຽວຫຼັກການປົກຄອງທີ່ດີ, ການສ້າງລັດທີ່ປົກຄອງດ້ວຍກົດໝາຍ, ຜູ້ປະຕິບັດ, ກົນໄກ ແລະ ຂັ້ນຕອນ, ແລະ ທ່າແຮງຜົນປະໂຫຍດ, ຄວາມຍຸດຕິທຳໃນທົ່ວສັງຄົມລາວ.”ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຂະແໜງການຕ່າງໆກຳລັງຜະເຊີນກັບສິ່ງທ້າທາຍຫຼາຍຢ່າງໃນການຈັດຕັ້ງປະຕິບດເປົ້າໝາຍການພັດທະນາແບບຍືນຍົງ ໂດຍສະເພາະແມ່ນການລວມບັນດາຕົວຊີ້ວັດເຂົ້າກັບແຜນພັດທະນາເສດຖະກິດ-ສັງຄົມແຫ່ງຊາດ (NSEDP).ບັນຫາດັ່ງກ່າວ ແມ່ນຫົວຂໍ້ຫຼັກໃນການສົນທະນາປຶກສາຫາລືຂອງບັນດາຊ່ຽວຊານຈາກກພາກສ່ວນລັດຖະບານ ແລະ ອົງການຈັດຕັ້ງຕ່າງໆ ໃນກອງປະຊຸມທີ່ວຽງຈັນວານນີ້ ເພື່ອເຜີຍແຜ່ຜົນຂອງກອງປະຊຸມໂຕະມົນ 2018 ພາຍໃຕ້ການເປັນປະທານຂອງທ່ານ (ປອ) ກິແກ້ວ ຈັນທະບູລີ ຮອງລັດຖະມົນຕີກະຊວງແຜນການ ແລະ ການລົງທຶນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດຖະບານໄດ້ອອກຄຳສັ່ງຢຸດຕິການກວດສອບຄຸນນະພາບຂອງອຸປະກອນເຄື່ອງໃຊ້ໄຟຟ້າ, ອິເລັກໂທຣນິກ ເຊິ່ງນຳເຂົ້າຜ່ານຂົວມິດຕະພາບລາວ-ໄທ 1. ນັບແຕ່ມີການຈັດຕັ້ງປະຕິບັດ ບາດກ້າວດັ່ງກ່າວໄດ້ສົ່ງຜົນກະທົບຕໍ່ຂະແໜງທຸລະກິດ. ເຊິ່ງມັນໄດ້ນຳໄປສູ່ການເພີ່ມຂະບວນການນຳເຂົ້າສິນຄ້າ ລວມທັງຕົ້ນທຶນການນຳເຂົ້າ, ຕາມຂໍ້ມູນຫຼ້າສຸດຈາກເວັບໄຊທາງການຂອງກະຊວງອຸດສາຫະກຳ ແລະ ການຄ້າ.ຫ້ອງວ່າການສຳນັກງານນາຍົກລັດຖະມົນຕີຈຶ່ງໄດ້ແຈ້ງການເພື່ອຢຸດຕິການກວດສອບຄຸນນະພາບ ຂອງອຸປະກອນເຄື່ອງໃຊ້ໄຟຟ້າ, ອິເລັກໂທຣນິກ ເຊິ່ງນຳເຂົ້າຜ່ານຂົວມິດຕະພາບລາວ-ໄທ 1.ອ່ານຕໍ່ ...

(ຂປລ) ໃນປີຜ່ານມາ ມີຈຳນວນນັກທ່ອງທ່ຽວຕ່າງປະເທດເຂົ້າມາທ່ຽວລາວທັງໝົດ 4.18 ລ້ານຄົນ, ເພີ່ມຂຶ້ນ 8.2% ທຽບກັບປີ 2017, ຕາມກົມພັດທະນາການທ່ອງທ່ຽວ, ກະຊວງຖະແຫຼງຂ່າວ,​ ວັດທະນະທຳ ແລະ ທ່ອງທ່ຽວ.ຈຳນວນນັກທ່ອງທ່ຽວຈາກພາກພື້ນອາຊີ-ປາຊິຟິກເພີ່ມຂຶ້ນ 8.4% ເປັນ 3.94 ລ້ານຄົນ ແລະ ຈາກພາກພື້ນຢູໂຣບເພີ່ມຂຶ້ນ 3% ເປັນປະມານ 165,000 ຄົນ.ອ່ານຕໍ່  ...

ກະຊວງໂຍທາທິການ ແລະ ຂົນສົ່ງຂອງລາວໄດ້ແຈ້ງຕໍ່ຄະນະກວດສອບແຫ່ງລັດໃນກອງປະຊຸມປະຈຳປີວ່າ ໜ່ວຍສືບສວນສອບສວນໄດ້ກວດພົບວ່າມີເຈົ້າໜ້າທີ່ຫຼາຍຮ້ອຍຄົນກ່ຽວຂ້ອງກັບການສໍ້ລາດບັງຫຼວງໃນປີ 2018.ໃນຄະດີສໍ້ລາດບັງຫຼວງຈຳນວນ 1,002 ຄະດີ, ເຈົ້າໜ້າທີ່ປະມານ 850 ຄົນໄດ້ຖືກປະຕິບັດວິໄນ ແລະ 55 ຄົນຖືກດຳເນີນຄະດີອາຍາ, ຕາມສຳເນົາບົດລາຍງານຈາກໜ່ວຍຂ່າວ RFA ລາວ. ສ່ວນທີ່ເຫຼືອແມ່ນຍັງຢູ່ໃນຂັ້ນຕອນການສືບສວນສອບສວນ.ອ່ານຕໍ່ ...

ມື້ນີ້ ບໍລິສັດລ້ານຊານມິເນີໂຣ ເຊໂປນ ຈຳກັດ (LXML) ໄດ້ມອບວັດຖຸບູຮານ 7,800 ກວ່າຊິ້ນ ໃຫ້ແກ່ລັດຖະບານລາວ. ວັດຖຸບູຮານເຫຼົ່ານີ້ ແມ່ນເຮັດດ້ວຍທອງແດງ, ທອງເຫຼືອງ, ໂມລາ, ເຄື່ອງປັ້ນດິນເຜົາ, ໄມ້ ແລະ ອື່ນໆ ໄດ້ມີການຄົ້ນພົບໃນເໝືອງຄຳເຊໂປນ. ນີ້ແມ່ນໜຶ່ງໃນຜົນການສະໜັບສະໜູນລັດຖະບານລາວຂອງບໍລິສັດ ໃນການຄົ້ນຄວ້າດ້ານບູຮານຄະດີ ແລະ ການອະນຸລັກມໍລະດົກທາງວັດທະນະທຳ.ພາຍຫຼັງການມອບຮັບ, ວັດຖຸບູຮານເຫຼົ່ານີ້ຈະໄດ້ນຳໄປຈັດສະແດງຢູ່ທີ່ຫໍພິພິດຕະພັນແຫ່ງຊາດ (828 ຊິ້ນ), ພິພິດຕະພັນແຂວງສະຫວັນນະເຂດ (409 ຊິ້ນ), ແລະ ຫໍວັດທະນະທຳເມືອງວິລະບູລີ (6,644 ຊິ້ນ).ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຍອດການສົ່ງອອກສິນຄ້າຂອງລາວໄປຈີນໃນປີນີ້ຄາດວ່າຈະເພີ່ມຂຶ້ນເປັນ  US$1,510 ລ້ານໂດລາ, ໃນຂະນະທີ່ການນຳເຂົ້າຈະຫຼຸດລົງເປັນ US$985 ລ້ານໂດລາ, ຕາມການຄາດຄະເນຫຼ້າສຸດຂອງກະຊວງອຸດສາຫະກຳ ແລະ ການຄ້າ.ໃນປີຜ່ານມາ ລາວວາງແຜນບັນລຸຍອດການສົ່ງອອກສິນຄ້າໄປຈີນໃຫ້ໄດ້ US$1,478 ລ້ານໂດລາ ແຕ່ວ່າສາມາດບັນລຸໄດ້ພຽງແຕ່ US$1,406 ລ້ານໂດລາ, ແລະ ຄາດຄະເນມູນຄ່າການນຳເຂົ້າຢູ່ທີ່ US$945 ລ້ານໂດລາ ແຕ່ວ່າການນຳເຂົ້າຕົວຈິງແມ່ນມີເຖິງ US$1,381 ລ້ານໂດລາ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຊາວບ້ານພ້ອມດ້ວຍເຈົ້າໜ້າທີ່ປະມານ 300 ຄົນໄດ້ລວມໂຕກັນຢູ່ເມືອງໄຊທານີ ໃນວັນເສົາຜ່ານມາ ເພື່ອໂຄສະນາສົ່ງເສີມໃຫ້ປະຊາຊົນທຸກຄົນປະກອບສ່ວນໃນການສະກັດກັ້ນການແຜ່ລະບາດຂອງເຊື້ອໄວຣັສ໌ໄຂ້ຍຸງ.ເຈົ້າໜ້າທີ່ສາທາໄດ້ລົງໂຄສະນາຕາມຖະໜົນບ້ານໄຊສົມບູນ ໂດຍນຳໃຊ້ລົດກະບະ ເພື່ອໂຄສະນາລົນນະລົງກ່ຽວກັບວິທີການໃນການປ້ອງກັນ ແລະ ຈຳກັດການແຜ່ຂະຫຍາຍຂອງພະຍາດໄຂ້ຍຸງລາຍ ພ້ອມທັງວິທີສະກັດກັ້ນການແຜ່ພັນຂອງຍຸງລາຍ.ນັບແຕ່ຕົ້ນປີມາເຖິງວັນທີ 25 ກໍລະກົດນີ້ ໃນທົ່ວປະເທດມີຜູ້ຕິດເຊື້ອໄຂ້ເລືອດອອກແລ້ວ 17,403 ຄົນ ແລະ ເສຍຊີວິດ 39 ຄົນ, ຕາມການລາຍງານຂອງກົມຄວບຄຸມພະຍາດຕິດຕໍ່ ກະຊວງສາທາລະນະສຸກ.ອ່ານຕໍ່ ...

The government has instructed relevant sectors to study the establishment of a Lao joint state-private company to join its Vietnamese counterpart to develop a seaport in Vietnam, the government spokesman has said. The instruction was made at the two-day monthly cabinet meeting for May that closed ...

The Mekong River Commission (MRC) will hold its second Regional Stakeholder Forum on the hydropower development at Pak Beng in northern Laos. The forum will be held on May 5, 2017 in Vientiane. The MRC has called for public comment on the consultation process for ...

ຊຸມຊົນທີ່ໄດ້ຮັບຜົນກະທົບຈາກໄພນ້ຳຖ້ວມ ຈະໄດ້ຮັບຜົນປະໂຫຍດຈາກໂຄງການ ‘ເງິນເພື່ອວຽກ’ ເຊິ່ງເປັນສ່ວນໜຶ່ງຂອງການຮ່ວມມືລະຫວ່າງກະຊວງແຮງງານ ແລະ ສະຫວັດດີການສັງຄົມ ແລະ ອົງການສະຫະປະຊາດເພື່ອການພັດທະນາ.ໂຄງການດັ່ງກ່າວແມ່ນເລີ່ມແຕ່ປີ 2018 ເພື່ອຊ່ວຍເຫຼືອຄອບຄົວທີ່ອ່ອນໄຫວຕໍ່ໄພພິບັດທີ່ສຸດ ເຊັ່ນ ຊາວກະສິກອນທີ່ຕ້ອງເຊົ່າທີ່ດິນ ຫຼື ຜູ້ອອກແຮງງານທີ່ບໍ່ມີພື້ນທີ່ທຳການຜະລິດຂອງໂຕເອງ ທີ່ໄດ້ຮັບຜົນກະທົບຈາກໄພນ້ຳຖ້ວມໃນສີ່ເມືອງຂອງແຂວງຄຳມ່ວນ ຄື ເມືອງມະຫາໄຊ, ຍົມມະລາດ, ຫີນບູນ ແລະ ໜອງບົກ.ອ່ານຕໍ່ ...

ກົມອາຫານ ແລະ ຢາ ກະຊວງສາທາລະນະສຸກ ໄດ້ແຈ້ງເຕືອນບໍ່ໃຫ້ປະຊາຊົນ ຊື້ຜະລິດຕະພັນປຸກອາລົມທາງເພດທີ່ບໍ່ໄດ້ຮັບອະນຸຍາດ ທີ່ວາງຂາຍບໍ່ຖືກຕ້ອງຜ່ານຊ່ອງທາງອອນໄລ ແລະ ເຟສ໌ບຸ໊ກ.ຢາປອມ ຫຼື ຢາຄຸນນະພາຕ່ຳ ເຊັ່ນ ຢາຍີ້ຫໍ້ “Girly Sex” ອາດມີຜົນຂ້າງຄຽງທີ່ຮ້າຍແຮງ ເຖິງຂັ້ນເສຍຊີວິດ, ຕາມຄຳເຫັນຈາກຜູ້ຊ່ຽວຊານ. ນອກຈາກນີ້ ການໂຄສະນາຜະລິດຕະພັນຢາທຸກຢ່າງ ຄວນໄດ້ຮັບການອະນຸຍາດຈາກກົມອາຫານ ແລະ ຢາ ເພື່ອບໍ່ໃຫ້ມີການໂຄສະນາແອບອ້າງ ແລະ ຮັບປະກັນຄວາມປອດໄພຂອງພົນລະເມືອງ.ອ່ານຕໍ່ ...

ລັດຖະບານລາວ ໄດ້ມີການພົວພັນກັບອົງການ Standard Chartered, JP Morgan, ແລະ Credit Suisse ສຳລັບແຜນການເປີດໂຕພັນທະບັດເງິນໂດລາໃນສາກົນ.ໃນເດືອນທັນວາ 2015, ລາວໄດ້ມີການຈຳໜ່າຍພັນທະບັດ ມູນຄ່າ US$182 ລ້ານໂດລາ ໃນສອງງວດ ໃຫ້ແກ່ນັກລົງທຶນສະຖາບັນໃນປະເທດໄທ ແລະ ມີການອອກພັນທະບັດເປັນເງິນບາດໄທ, ແຕ່ກໍ່ຍັງບໍ່ມີການຈຳໜ່າຍພັນທະບັດໃຫ້ແກ່ນັກລົງທຶນຕ່າງປະເທດ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຫົວໜ່ວຍທຸລະກິດລາວ ຈະສາມາດຂະຫຍາຍຕະຫຼາດສິນຄ້າຂອງຕົນໄດ້ດີຂຶ້ນ ແລະ ແຂ່ງຂັນກັບປະເທດອື່ນໄດ້ຂ້ຽວຂາດຍິ່ງຂຶ້ນ ພາຍຫຼັງຮຽນຮູ້ກ່ຽວກັບເງື່ອນໄຂ ແລະ ຜົນປະໂຫຍດຈາກຂໍ້ຕົກລົງການຄ້າເສລີ (FTAs).ກອງປະຊຸມສຳມະນາ ເຊິ່ງຈັດຂຶ້ນຢູ່ນະຄອນວຽງຈັນ ໃນວັນພະຫັດແລ້ວນີ້ ໄດ້ຫາລືກ່ຽວກັບຜົນປະໂຫຍດຂອງ FTAs ແລະ ການສ້າງທຸລະກິດ e-commerce. ເຊິ່ງມີຜູ້ເຂົ້າຮ່ວມຈາກຕາງໜ້າທຸລະກິດເກືອບ 100 ແຫ່ງ ເຊິ່ງລວມມີທຸລະກິດຂະໜາດນ້ອຍ ແລະ ຂະໜາດກາງໃນນະຄອນຫຼວງວຽງຈັນ ແລະ ເຈົ້າໜ້າທີ່ຈາກກະຊວງອຸດສາຫະກຳ ແລ ການຄ້າ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຄວາມຕ້ອງການສິນຄ້າພືດຜັກ ແລະ ຊີ້ນສັດໃນພາກພື້ນຍັງມີສູງ ແຕ່ວ່າລາວກໍ່ຍັງບໍ່ສາມາດລົງທຶນໃນທ່າແຮງຂອງຕົນເພື່ອຕອບສະໜອງຄວາມຕ້ອງການຂອງຕະຫຼາດພາກພື້ນດັ່ງກ່າວ, ຕາມເຈົ້າໜ້າທີ່ການນຳ.ທ່ານ ປອ ບຸນກວ້າງ ຄຳບຸນເຮືອງ ຮອງລັດຖະມົນຕີກະຊວງກະສິກຳ ແລະ ປ່າໄມ້ ເນັ້ນເຖິງຄວາມຈຳເປັນຂອງລາວເພື່ອດຶງດູດການລົງທຶນໃນຂະແໜງກະສິກຳ ເພື່ອສ້າງຄວາມເຂັ້ມແຂງໃຫ້ກັບຕະຫຼາດການສົ່ງອອກ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ທະນາຄານພັດທະນາລາວ (LDB) ຈະຮ່ວມມືກັບສູນພະທະນາບຸກຄະລາກອນລາວ-ຍີ່ປຸ່ນ (LJI) ໃນການສົ່ງເສີມການສ້າງຄວາມສາມາດສຳລັບທຸລະກິດຂະໜາດນ້ອຍ-ຂະໜາດກາງ (SMEs) ໃນລາວ. ບົດບັນທຶກຄວາມເຂົ້າໃຈພາຍໃຕ້ການຮ່ວມມືຂອງອົງການຮ່ວມມືສາກົນຍີ່ປຸ່ນ (JICA) ໃນຂະແໜງການພັດທະນາ SME ໄດ້ມີການລົງນາມທີ່ວຽງຈັນວານນີ້ ລະຫວ່າງທ່ານ ປອ ອາຄົມ ປຣະເສີດ ອຳນວຍການບໍລິຫານຂອງ LDB ແລະ ທ່ານ ຮສ ບຸນລ້ວນ ດວງເງິນ ອຳນວຍການ LJI.ອ່ານຕໍ່ ...