ວຽງຈັນ (ວຽງຈັນທາມສ໌/ANN) – ເຖິງແມ່ນວ່າການເຮັດກະສິກຳອິນຊີຈະມີທ່າເພີ່ມຂຶ້ນ, ຜູ້ຜະລິດຍັງຄົງບໍ່ສາມາດຕອບສະໜອງຄວາມຕ້ອງການຂອງລູກຄ້າ ເນື່ອງຈາກບັນຫາລູກຄ້າບໍ່ສາມາດເຂົ້າເຖິງຕະຫຼາດຂອງທ້ອງຖິ່ນ.ທ່ານ ຢູກະ ກິໂນຊິຕະ ຊ່ຽວຊານຈາກໂຄງການພັດທະນາການສິກຳສະອາດໃນລາວ ອົງການຮ່ວມມືສາກົນແຫ່ງປະເທດຍີ່ປຸ່ນ (JICA) ໄດ້ເປີດເຜີຍຜົນການຄົ້ນຄວ້າ ເຊິ່ງເປັນສ່ວນໜຶ່ງຂອງການສຳຫຼວດກ່ຽວກັບຕະຫຼາດປອດສານພິດ ໃນກອງປະຊຸມທີ່ວຽງຈັນຫວ່າງມໍ່ໆມານີ້.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ບໍລິສັດທີ່ປຶກສາ FISHBIO ລາວໄດ້ຈັດກອງປະຊຸມວິຊາການຮ່ວມກັບກົມລ້ຽງສັດ ແລະ ການປະມົງ ກະຊວງກະສິກຳ ແລະ ປ່າໄມ້ ເພື່ອອະທິບາຍກ່ຽວກັບປື້ມຄູ່ມືສະບັບໃໝ່ ເຊິ່ງຈັດທຳຂຶ້ນເພື່ອເປັນແຫຼ່ງຂໍ້ມູນເພື່ອການປັບປຸງການປະເມີນເຂດຮັກສາພັນປາໃນລາວ.ປະຈຸບັນມີແຫຼ່ງຂໍ້ມູນພຽງຈຳນວນໜ້ອຍສຳລັບນັກອະນຸລັກພັນປາ ທີ່ຕ້ອງການປະເມີນປະສິດທິພາບຂອງພື້ນທີ່ປົກປ້ອງພັນປານ້ຳຈືດ ເຊັ່ນ ເຂດຮັກສາພັນປາ ທັນທີທີ່ມີການຈັດຕັ້ງປະຈິບັດ.ອ່ານຕໍ່ ...

VIENTIANE (Vientiane Times/ANN) – ສູນລາວ-ຍື່ປຸນ ມະຫາວິທະຍາໄລແຫ່ງຊາດ (ມຊ) ມີຄວາມສົນໃຈໃນການຮ່ວມມືກັບສະພາການຄ້າແລະ ອຸດສາຫະກຳແຫ່ງຊາດລາວ (LNCCI) ໃນການສົ່ງເສີມການພັດທະນາວິສາຫະກິດຂະໜາດນ້ອຍ ແລະ ຂະໜາດກາງ (SMEs). ເພື່ອຈຸດປະສົງດັ່ງກ່າວ ສອງຝ່າຍໄດ້ລົງນາມໃນຂໍ້ຕົກລົງການຮ່ວມມືໄລຍະສາມປີ ກ່ຽວກັບຍຸດທະສາດການຄຸ້ມຄອງຊັບພະຍາກອນມະນຸດໃນວັນສຸກແລ້ວນີ້.ອ່ານຕໍ່ ...

ລັດຖະບານໄດ້ມີການສົ່ງເສີມການຜະລິດກາເຟໃນ 11 ແຂວງທົ່ວປະເທດ ເພື່ອສະໜອງຜະລິດຕະພັນທີ່ມີຄຸນນະພາບສູງເຂົ້າສູ່ຕະຫຼາດທັງພາຍໃນ ແລະ ຕ່າງປະເທດ. ປະເດັນດັ່ງກ່າວໄດ້ຍົກຂຶ້ນຫາລືໃນກອງປະຊຸມທີ່ວຽງຈັນໃນວັນສຸກທີ່ຜ່ານມາ ເພື່ອທົບທວນການຂະຫຍາຍແຜນການຜະລິດກາເຟສຳລັບປີ 2015-2018 ແລະ ແຜນການໃນຕໍ່ໜ້າ.ກອງປະຊຸມດັ່ງກ່າວແມ່ນພາຍໃຕ້ການເປັນປະທານຂອງທ່ານ (ປອ) ພວງ ປະຣິສັກ ປຣະວົງວຽງຄຳ ຮອງລັດຖະມົນຕີກະຊວງກະສິກຳ ແລະ ປ່າໄມ້ ແລະ ການເຂົ້າຮ່ວມຂອງພະນັກງານ ແລະ ຜູ້ປະກອບການທີ່ກ່ຽວຂ້ອງໃນຂະແໜງການຜະລິດກາເຟ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດຖະບານກຳລັງຈະນຳໃຊ້ລະບົບປະຕູດຽວແຫ່ງຊາດລາວ (LNSW) ເພື່ອຄຸ້ມຄອງການນຳເຂົ້າຍານພາຫະນະ ຜ່ານຂົວມິດຕະພາບລາວ-ໄທໜຶ່ງ ນະຄອນວຽງຈັນ.ລະບົບດັ່ງກ່າວແມ່ນສ່ວນໜຶ່ງຂອງຄວາມພະຍາຍາມໃນການຄຸ້ມຄອງຂະບວນການນຳເຂົ້າ ແລະ ສົ່ງອອກສິນຄ້າ ແລະ ສ້າງຄວາມສະດວກໃຫ້ແກ່ຂັ້ນຕອນການດຳເນີນທຸລະກິດ.ອ່ານຕໍ່ ...

(ຂປລ) ຕຳຫຼວດຈໍລະຈອນລາຍງານວ່າ ໃນຊ່ວງການສະເຫຼີມລະຫຼອງປີໃໝ່ລາວ ພສ 2562 ລະຫວ່າງວັນທີ 13-17 ເມສາ 2019 ມີຜູ້ເສຍຊີວິດທັງໝົດ 37 ຄົນ ແລະ ຜູ້ໄດ້ຮັບບາດເຈັບ 532 ຄົນ.ຕົວເລກດັ່ງກ່າວຫຼຸດລົງ 5% ທຽບກັບຍອດຜູ້ເສຍຊີວິດຈາກການສະຫຼອງປີໃໝ່ປີ 2018. ແຕ່ວ່າຍອດຜູ້ໄດ້ຮັບບາດເຈັບປີຕໍ່ປີແມ່ນເພີ່ມຂຶ້ນເລັກໜ້ອຍຢູ່ທີ່ 0.7%.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ແພດໝໍລາວກຳລັງມີການຮ່ວມມືກັບແພດຈາກຈີນໃນການພັດທະນາທັກສະໃນການບົ່ງມະຕິ ແລະ ການປິ່ນປົວພະຍາດກ່ຽວກັບຫົວໃຈ ເພື່ອຮັບມືກັບການເພີ່ມຂຶ້ນຂອງຈຳນວນຄົນເຈັບຍ້ອນພະຍາດດັ່ງກ່າວໃນທົ່ວປະເທດ.ສ່ວນໜຶ່ງຂອງວຽກງານດັ່ງກ່າວ ແມ່ນການຮຽນຮູ້ຮູບແບບການຜ່າຕັດຫົວໃຈແບບທັນສະໄໝຜ່ານການນສ່ອງກ້ອງ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ການຂາດສານອາຫານໃນລະດັບສູງໃນເດັກນ້ອຍ ເຮັດໃຫ້ປະເທດລາວສູນເສຍທ່າແຮງດ້ານຊັບພະຍາກອນມະນຸດ ແລະ ເສດຖະກິດຢ່າງໜ້າເສຍດາຍ ແຕ່ກໍສາມາດຫຼີດລ່ຽງໄດ້, ອີງຕາມທະນາຄານໂລກ.ໃນທົ່ວປະເທດ ພາວະເດັກເຕ້ຍແມ່ນກວມເອົາໜຶ່ງໃນສາມຂອງເດັກນ້ອຍລາວທັງໝົດທີ່ມີອາຍຸຫຼຸດຫ້າປີ, ທະນາຄານໂລກກ່າວໃນບົດສັງລວມໃນເວັບໄຊຂອງຕົນ ທີ່ໃສ່ຊື່ວ່າ  ‘ວິທີການສຸມໃສ່ຫຼາຍຂະແໜງການ ເພື່ອຫຼຸດຜ່ອນການຂາດສານອາຫານໃນ ສປປ ລາວ’.“ອັດຕາການຂາດສານອາຫານຂອງແມ່ ແລະເດັກໃນປະຈຸບັນ ເຮັດໃຫ້ ສປປ ລາວ ສູນເສຍທ່າແຮງດ້ານຊັບພະຍາກອນມະນຸດ ເຊິ່ງກວມປະມານ 2.4 ເປີເຊັນຂອງລວມຍອດຜະລິດຕະພັນພາຍໃນ (GDP) ຂອງປະເທດໃນແຕ່ລະປີ,” ທະນາຄານໂລກກ່າວ.ອ່ານຕໍ່ ...

ສູນຊ່ວຍເຫຼືອຄົນອະນາຖາ, ເສຍຈິດ ແລະ ຕິດຢາໃນນະຄອນຫຼວງຽງຈັນກຳລັງຂາດແຄນງົບປະມານ ແລະ ພວມຂົນຂວາຍຫາທຶນຮອນເພື່ອສືບຕໍ່ດຳເນີນການ.ສູນສົມສະຫງ່າ ເມືອງໄຊເສດຖາ ນະຄອນຫຼວງວຽງຈັນ ກຳລັງເລັ່ງຫາທຶນຮອນເພື່ອສືບຕໍ່ເບິ່ງແຍງຜູ້ເຂົ້າມາປິ່ນປົວຈຳນວນ 230 ຄົນ, ເຊິ່ງມີຊາວໜຸ່ມອາຍຸຕັ້ງແຕ່ 15 ປີ ໄປຈົນເຖິງຄົນຊະລາ, ຕາມແຫຼ່ງຂ່າວ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ທ່ານ ທອງລຸນ ສີສຸລິດ ນາຍົກລັດຖະມົນຕີ ກ່າວໃນວັນຈັນນີ້ວ່າ ອົງການຈັດຕັ້ງຫຼັກແຫຼ່ງ ເຊັ່ນ ຄະນະກຳມາທິການແຫ່ງຊາດເພື່ອການພັດທະນາແມ່ຍິງ, ແມ່ ແລະ ເດັກນ້ອຍ ຈະສືບຕໍ່ປະຕິບັດໜ້າທີ່ ເພື່ອການປົກປ້ອງ, ສົ່ງເສີມ ແລະ ພັດທະນາເດັກນ້ອຍລາວ ເພື່ອໃຫ້ເຂົາເຈົ້າເຕີບໃຫຍ່ມາເປັນກ້ອນກຳລັງແຮງທີ່ມີປະສິດທິພາບຂອງສັງຄົມ.ທ່ານນາຍົກໄດ້ກ່າວຄຳເຫັນດັ່ງກ່າວໃນກອງປະຊຸມລາວໃນຍຸກ 2030 ເຊິ່ງຈັດຂຶ້ນທີ່ນະຄອນວຽງຈັນ ເພື່ອສະເຫຼີມສະຫຼອງ ວັນສ້າງຕັ້ງສົນທິສັນຍາວ່າດ້ວຍສິດທິເດັກ ຄົບຮອບ 30 ປີ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ກະຊວງອຸດສາຫະກຳ ແລະ ການຄ້າຈະໂຈະການອອກໃບອະນຸຍາດດຳເນີນທຸລະກິດສຳລັບໂຮງງານອຸດສາຫະກຳ ເຊິ່ງນຳໃຊ້ຂີ້ເຫຍື້ອປຼາສ໌ຕິກເປັນວັດຖຸດິບ,​ ເຊິ່ງເປັນສ່ວນໜຶ່ງຂອງຄວາມພະຍາຍາມໃນການປັບປຸງມາດຕະຖານໃນຂະແໜງອຸດສາຫະກຳປຸງແຕ່ງ.ທ່ານນາງ ເຂັມມະນີ ພົນເສນາ ລັດຖະມົນຕີກະຊວງອຸດສາຫະກຳ ແລະ ການຄ້າ ໄດ້ເຊັັນລົງນາມຮັບຮອງຄຳສັ່ງລັດຖະມົນຕີສະບັບວັນທີ 30 ກໍລະກົດ ເຊິ່ງສັ່ງໃຫ້ເຈົ້າໜ້າທີ່ອຸດສາຫະກຳທົ່ວປະເທດຢຸດການອອກໃບອະນຸຍາດດຳເນີນທຸລະກິດ ສຳລັບໂຮງການອຸດສາຫະກຳດັ່ງກ່າວເປັນການຊົ່ວຄາວ.ຂໍ້ຕົກລົງຂອງລັດຖະມົນຕີສະບັບດັ່ງກ່າວຈະບໍ່ມີຜົນຕໍ່ການດຳເນີນການຂອງໂຮງງານທີ່ໄດ້ຮັບໃບອະນຸຍາດດຳເນີນທຸລະກິດປະເພດດັ່ງກ່າວແລ້ວ ແລະ ໂຮງງານເອງກໍ່ຍັງສາມາດດຳເນີນທຸລະກິດໄດ້ຕາມປົກກະຕິ.ແຕ່ວ່າສຳລັບໂຮງງານທີ່ສ້າງຄວາມເສຍຫາຍຕໍ່ໍ່ສິ່ງແວດລ້ອມ ຕ້ອງກຽມພ້ອມສຳລັບການກວດກາຈາກເຈົ້າໜ້າທີ່ອຸດສາຫະກຳ. ໂຮງງານທີ່ເປັນອັນຕະລາຍຕໍ່ສິ່ງແວດລ້ອມຈະໄດ້ຮັບການຕັກເຕືອນ ແລະ ຄຳແນະນຳໃຫ້ປັບປຸງຂະບວນການຜະລິດ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ແລະ ແຜນງົບປະມານແຫ່ງລັດປີ 2019 ໄດ້ຜະເຊີນກັບຂໍ້ຫຍຸ້ງຍາກຫຼາຍປະການໃນທົ່ວປະເທດ, ທ່ານຮອງນາຍົກລັດຖະມົນຕີ ກ່າວໃນພິທີເປີດກອງປະຊຸມສະໄໝສາມັນ ຂອງສະພາແຫ່ງຊາດ ໃນຕອນເຊົ້າມື້ວານນີ້.ທ່ານ ປອ ສອນໄຊ ສີພັນດອນ ຮອງນາຍົກລັດຖະມົນຕີ ທັງເປັນລັດຖະມົນຕີກະຊວງແຜນການ ແລະ ການລົງທຶນ ກ່າວ່າ ເສດຖະກິດມະຫາພາກແມ່ນຢູ່ພາຍໃຕ້ຄວາມກົດດັນ ເນື່ອງຈາກການຂາດດູນດ້ານງົບປະມານ ແລະ ການເຄື່ອນໄຫວຂອງຕ່າງປະເທດ ແລະ ຄັງສຳຮອງເງິນຕາຕ່າງປະເທດຕົກຕ່ຳ, ເຊິ່ງເຮັດໃຫ້ເງິນກີບອ່ອນຄ່າ ແລະ ສົ່ງຜົນໃຫ້ລາຄາສິນຄ້າ ແລະ ການບໍລິການເພີ່ມສູງຂຶ້ນ ແລະ ຄ່າຄອງຊີບກໍສູງຂຶ້ນ.ອ່ານຕໍ່ ...

ລັດຖະບານຄາດຄະເນວ່າຈະຕ້ອງນຳໃຊ້ງົບປະມານ 6 ພັນຕື້ກີບ ເພື່ອຟື້ນຟູຄວາມເສຍຫາຍຈາກໄພພິບັດນ້ຳຖ້ວມໃນທົ່ວປະເທດສຳລັບປີນີ້, ເຊິ່ງໃນນັ້ນຄວາມຕ້ອງການສູງສຸດແມ່ນຢູ່ໃນຂະແໜງການຂົນສົ່ງ ແລະ ກະສິກຳ.ພາລະກິດການຟຶ້ນຟູດັ່ງກ່າວຈະແບ່ງເປັນໄລຍະສັ້ນ, ໄລຍະກາງ ແລະ ໄລຍະຍາວ ເຊິ່ງແນໃສ່ຂະແໜງການສັງຄົມ, ການຜະລິດ ແລະ ພື້ນຖານໂຄງລ່າງ ແລະ ບັນຫາທີ່ກ່ຽວເນື່ອງອື່ນໆ.ອ່ານຕໍ່ ...

(ຂປລ) ລັດຖະບານຍີ່ປຸ່ນໃຫ້ທຶນຊ່ວຍເຫຼືອ 217,000 ໂດລາສະຫະລັດ ເພື່ອສະໜັບສະໜູນໂຄງການສົ່ງເສີມບົດບາດຜູ້ພິການໃນ ສປປ ລາວ.ພິທີເຊັນສັນຍາໂຄງການໄດ້ຈັດຂຶ້ນທີ່ສະຖານທູດຍີ່ປຸ່ນໃນວັນທີ 31 ມັງກອນອ່ານຕໍ່ ...

ວຽງຈັນ (ວຽງຈັນທາມສ໌/ANN) – ວານນີ້ ສະມາຊິກສະພາແຫ່ງຊາດໄດ້ສຸມໃສ່ການຫາລືວິທີການໃນການແກ້ໄຂບັນຫາດ້ານເສດຖະກິດ, ການສະແດງຄວາມກັງວົນຕໍ່ໜີ້ສິນຂອງຊາດທີ່ກຳລັງເພີ່ມພູນ, ການຂາດດູນລາຍຮັບ, ການຫຼຸດລົງຂອງຄັງສຳຮອງເງິນຕາຕ່າງປະເທດ, ກໍຄືການຫຼຸດຜ່ອນການຂະຫຍາຍຕົວຂອງເສດຖະກິດ.ໃນຂະນະທີ່ຫາລືບົດລາຍງານການພັດທະນາເສດຖະກິດ-ສັງຄົມ ແລະ ແຜນງົບປະມານຂອງລັດຖະບານໃນກອງປະຊາມສະໄໝສາມັນວານນີ້, ສະມາຊິກສະພາໄດ້ຮຽກຮ້ອງໃຫ້ລັດຖະບານສືບຕໍ່ແກ້ໄຂບັນຫາປາກທ້ອງຂອງປະຊາຊົນ ແລະ ການຫຼຸດຜ່ອນຄວາມທຸກຍາກ.ການຫາລືດັ່ງກ່າວກໍເນື່ອງຈາກວ່າປະເທດລາວກຳລັງຜະເຊີນກັບບັນຫາທາງດ້ານເສດຖະກິດ. ເສດຖະກິດຂອງຊາດຍັງບໍ່ທັນເຂັ້ມແຂງຕໍ່ຜົນກະທົບຈາກພາຍນອກ ແລະ ຕ້ອງມີທັດສະນະການເມືອງທີ່ເຂັ້ມແຂງໃນການແກ້ໄຂບັນຫາດັ່ງກ່າວ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລາວກຳລັງຈະເປັນອີກໜຶ່ງປະເທດທີ່ອະນຸຍາດໃຫ້ນັກທ່ອງທ່ຽວສາມາດສະໝັກວິຊາແບບອອນໄລ, ເພື່ອຈຸດປະສົງເພີ່ມປະລິມານນັກທ່ອງທ່ຽວຕ່າງປະເທດ.ທ່ານ ປອ ສອນໄຊ ສີພັນດອນ ຮອງນາຍົກລັດຖະມົນຕີ, ທ່ານ ສະເຫຼີມໄຊ ກົມມະສິດ ລັດຖະມົນຕີກະຊວງການຕ່າງປະເທດ ແລະ ຕາງໜ້າຈາກຂະແໜງການຕ່າງໆ ເຂົ້າຮ່ວມເປັນສັກຂີພະຍານໃນພິທີກົດປຸ່ມເພື່ອເປີດການໃຫ້ບໍລິການອີວີຊາ ເຊິ່ງຈັດຂຶ້ນທີ່ສະໜາມບິນສາກົນວັດໄຕ ນະຄອນຫຼວງວຽງຈັນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ການບໍລິການຂົນສົ່ງສິນຄ້າທາງລົດໄຟຂ້າມຊາຍແດນທີ່ຫາກໍ່ເປີດໂຕ ຕ້ອງການການຂົນສົ່ງສິນຄ້າຈາກລາວໄປໄທທີ່ເພີ່ມຂຶ້ນເພືື່ອຄວາມສຳເລັດທາງທຸລະກິດ.ຂະບວນລົດໄຟດັ່ງກ່າວສາມາດຂົນສົ່ງສິນຄ້າ 10 ເຖິງ 20 ຕູ້ເຂົ້າ ແລະ ອອກປະເທດ, ແຕ່ວ່າປະເທດລາວມີຈຳນວນຜູ້ສົ່ງອອກໜ້ອຍກວ່າຈຳນວນຜູ້ນຳເຂົ້າ. ນີ້ແມ່ນບັນຫາທີ່ພາກສ່ວນທີ່ກ່ຽວຂ້ອງຕ້ອງຮ່ວມກັນແກ້ໄຂ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ກົມລ້ຽງສັດ ແລະ ການປະມົງ ກະຊວງກະສິກຳ ແລະ ປ່າໄມ້ ໄດ້ຊຸກຍູ້ໃຫ້ເຈົ້າໜ້າທີ່ ເຊິ່ງປະຈຳຢູ່ດ່ານຊາຍແດນຫວຽດ ແລະ ຈີນ ໃຫ້ເຂັ້ມງວດເປັນພິເສດ ໃນການກວດກາການນຳເຂົ້າໝູ ແລະ ຊີ້ນໝູຜິດກົດໝາຍໃນຊ່ວງປີໃໝ່ລາວ.ຊ່ວງໄລຍະພັກເປັນຊ່ວງທີ່ສຳຄັນ ແລະ ຕ້ອງການສະບຽງອາຫານຊີ້ນໝູໃນປະລິມານຫຼາຍ ດັ່ງນັ້ນ ຜູ້ບໍ່ຫວັງດີອາດພະຍາຍາມລັກລອບນຳເຂົ້າຜະລິດຕະພັນທີ່ຜິດກົດໝາຍດັ່ງກ່າວ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ອົງການປ້ອງກັນຫຼຸດຜ່ອນຄວາມສ່ຽງໄພ ຂອງສະຫະລັດອາເມລິກາ ໄດ້ໃຫ້ທຶນຊ່ວຍເຫຼືອ 5.4 ຕື້ກວ່າກີບ (US$617,744 ໂດລາ) ເພື່ອດຳເນີນໂຄງການພັດທະນາເຄືອຂ່າຍເຝົ້້າລະວັງການລະບາດຂອງພະຍາດສັດປ່າໃນລາວ.ບົດບັນທຶກຄວາມເຂົາໃຈຂອງໂຄງການດັ່ງກ່າວ ໄດ້ມີການລົງນາມທີ່ນະຄອນວຽງຈັນ ໃນວັນສຸກຜ່ານມານີ້ ລະຫວ່າງທ່ານ ປອ. ສີທອງ ພິພຸຄະວົງ ຮອງຫົວໜ້າກົມລ້ຽງສັດ ແລະ ການປະມົງ ກະຊວງກະສິກຳ ແລະ ປ່າໄມ້, ແລະ ທ່ານ ປອ. ສັນຕິ ໄຊປັນຍາ ຫົວໜ້າອົງການອະນຸລັກສັດປ່າປະຈຳລາວ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ມະຫາຊົນຮຽກຮ້ອງໃຫ້ສະພາແຫ່ງຊາດ ຊຸກຍູ້ໃຫ້ລັດຖະບານເພີ່ມເງິນເດືອນໃຫ້ແກ່ພະນັກງານ ເພື່ອຮອງຮັບຕໍ່ຄ່າຄອງຊີບທີ່ເພີ່ມສູງຂຶ້ນ, ຕາມເຈົ້າໜ້າທີ່ການນຳສະພາແຫ່ງຊາດ.ໃນຕອນທ້າຍຂອງກອງປະຊຸມສະພາໃນວັນສຸກແລ້ວນີ້, ທ່ານນາງ ສວນສະຫວັນ ວິຍະເກດ ຫົວໜ້າເລຂາທິການສະພາແຫ່ງຊາດ ໄດ້ກ່າວວ່າ ສະພາໄດ້ເປີດສາຍດ່ວນ ເພື່ອຮັບຟັງຄຳຄິດເຫັນຈາກມະຫາຊົນ ກ່ຽວກັບບັນຫາທີ່ສະພາແຫ່ງຊາດຄວນເອົາໃຈໃສ່.ຕະຫຼອດໄລຍະຂອງກອງປະຊຸມສະໄໝສາມັນເທື່ອທີ 8 ຂອງສະພາແຫ່ງຊາດຊຸດທີ 8 ແຕ່ວັນທີ 7 ພະຈິກ ເຖິງ 6 ທັນວານີ້, ສະພາແຫ່ງຊາດໄດ້ຮັບສາຍໂທລະສັບທັງໝົດ 731 ສາຍ ຜ່ານໝາຍເລກສາຍດ່ວນ 113 ຈາກມະຫາຊົນທົ່ວປະເທດ.ອ່ານຕໍ່  ...