ລັດຖະບານ, ອົງການ UNICEF ສັນຍາຈະສ້າງອານາຄົດທີ່ດີໃຫ້ແກ່ເດັກນ້ອຍ
ວຽງຈັນ (ວຽງຈັນທາມສ໌/ANN) – ທ່ານ ທອງລຸນ ສີສຸລິດ ນາຍົກລັດຖະມົນຕີ ກ່າວໃນວັນຈັນນີ້ວ່າ ອົງການຈັດຕັ້ງຫຼັກແຫຼ່ງ ເຊັ່ນ ຄະນະກຳມາທິການແຫ່ງຊາດເພື່ອການພັດທະນາແມ່ຍິງ, ແມ່ ແລະ ເດັກນ້ອຍ ຈະສືບຕໍ່ປະຕິບັດໜ້າທີ່ ເພື່ອການປົກປ້ອງ, ສົ່ງເສີມ ແລະ ພັດທະນາເດັກນ້ອຍລາວ ເພື່ອໃຫ້ເຂົາເຈົ້າເຕີບໃຫຍ່ມາເປັນກ້ອນກຳລັງແຮງທີ່ມີປະສິດທິພາບຂອງສັງຄົມ.
ທ່ານນາຍົກໄດ້ກ່າວຄຳເຫັນດັ່ງກ່າວໃນກອງປະຊຸມລາວໃນຍຸກ 2030 ເຊິ່ງຈັດຂຶ້ນທີ່ນະຄອນວຽງຈັນ ເພື່ອສະເຫຼີມສະຫຼອງ ວັນສ້າງຕັ້ງສົນທິສັນຍາວ່າດ້ວຍສິດທິເດັກ ຄົບຮອບ 30 ປີ.
ໂຕະຂ່າວວຽງຈັນທາມສ໌
