ຄາດຄະເນຂະແໜງການກະສິກຳຈະຂະຫຍາຍຕົວ 2% ໃນປີນີ້, ສ່ວນຂະແໜງພະລັງງານໄຟຟ້າຈະເຕີບໂຕ 8%, ແຕ່ຂະແໜງບໍ່ແຮ່ຈະປັບລົງ 2.0%ຕາມບົດລາຍງານສະບັບໃໝ່ຂອງທະນາຄານພັດທະນາອາຊີ (ADB) ຄາດວ່າການຂະຫຍາຍຕົວດ້ານເສດຖະກິດຂອງສາທາລະນະລັດ ປະຊາທິປະໄຕ ປະຊາຊົນລາວ (ສປປ ລາວ) ຈະຢູ່ໃນລະດັບປານກາງໃນປີ 2018, ເຊິ່ງໃນນັ້ນຂະແໜງການກະສິກຳ ແລະ ຂຸດຄົ້ນບໍ່ແຮ່ຈະປັບຫຼຸດລົງ, ແຕ່ວ່າຂະແໜງການຜະລິດກະແສໄຟຟ້າ, ກໍ່ສ້າງ ແລະ ການບໍລິການຈະຂະຫຍາຍຕົວຮອງຮັບຜົນເສຍດ່ງກ່າວເປັນບາງສ່ວນ.ອ່ານຕໍ່ ...

ຮາຕິນ (VNA)– ຜູ້ຕາງໜ້າຈາກໜ່ວຍງານຄຸ້ມຄອງປ່າໄມ້ຫວຽດນາມ (VNFOREST) ແລະ ກົມກວດກາປ່າໄມ້ລາວ (DOFI) ຮ່ວມປະຊຸມທີ່ແຂວງພາກກາງຮາຕິນ ຂອງຫວຽດນາມໃນວັນທີ 30 ຕຸລານີ້ ເພື່ອທົບທວນການຮ່ວມມືໃນການບັງຄັບໃຊ້ກົດໝາຍປ່າໄມ້.ຫວຽດນາມ ແລະ ລາວມີຊາຍແດນຕິດຕໍ່ກັນເປັນໄລຍະຍາວ 2,340 ກມໃນສິບແຂວງ. ສອງຊາດມີດ່ານຊາຍແດນສາກົນຮ່ວມ 7 ແຫ່ງ ແລະ ມີ 6 ດ່ານເຂົ້າອອກຫຼັກລຽບຕາມແນວຊາຍແດນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລາວກຳລັງຊອກຫາວິທີການເພີ່ມປະລິມານການສົ່ງອອກນ້ຳຕານ ໄປສູ່ຕະຫຼາດຈີນໃນປີນີ້ໃຫ້ໄດ້ 100,000 ໂຕນ, ຈາກຕົວເລກການສົ່ງອອກ 55,000 ໂຕນ ໃນປີ 2018. ສ່ວນໜຶ່ງຂອງຄວາມພະຍາຍາມໃນການເພີ່ມທະວີການຄ້າສອງຝ່າຍ ແລະ ຊ່ວຍເຫຼືອຜູ້ຜະລິດນ້ຳຕານຊອກຫາຕະຫຼາດໃນຕ່າງປະເທດ, ລັດຖະບານໄດ້ຊຸກຍູ້ໃຫ້ຈີນເປີດກວ້າງຕະຫຼາດໃຫ້ຫຼາຍຂຶ້ນສຳລັບຊາວກະສິກອນລາວ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ໃນຊ່ວງ 9 ເດືອນຕົ້ນປີ 2018 ມີນັກສຶກສາລາວກວ່າ 2,000 ຄົນໄປສຶກສາຢູ່ຕ່າງປະເທດ, ຕາມບົດລາຍງານທາງການ.ໂຄສົກຈາກກົມການສຶກສາ, ກະຊວງສຶກສາທິການ ແລະ ກິລາ ລາຍງານຜ່ານໜັງສືພິມວຽງຈັນທາມສ໌ວ່າ ແຕ່ເດືອນມັງກອນຫາເດືອນກັນຍາປີ 2018, ມີນັກສຶກສາລາວ 2,291 ໄປສຶກສາຢູ່ໃນ 27 ປະເທດທົ່ວໂລກ. ໃນຈຳນວນດັ່ງກ່າວ 1,980 ຄົນແມ່ນໄດ້ຮັບທຶນການສຶກສາ ແລະ ທຶນແລກປ່ຽນຂອງລັດຖະບານປະເທດຕ່າງໆ, ໃນຂະນະທີ່ອີກ 311 ຄົນແມ່ນເດີນທາງໄປສຶກສາດ້ວຍທຶນສ່ວນຕົວ.ອ່ານຕໍ່ ...

ພິທີເຊັນບົດບັນທຶກຄວາມເຂົ້າໃຈຂອງໂຄງການ ໄດ້ຈັດຂຶ້ນໃນວັນສຸກນີ້ ທີ່ກະຊວງສຶກສາທິການ ແລະ ກິລາ ເຊິ່ງເປັນການເປີດໂຄງການຢ່າງເປັນທາງການ ພາຍໃຕ້ການສະໜັບສະໜູນໂດຍສະຖານທູດຝຼັ່ງ ເພື່ອຍົກລະດັບການຮຽນການສອນວິຊາຄະນິດສາດ ແລະ ວິທະຍາສາດ ໃນຫ້ອງຮຽນສອງພາສາ ລາວ-ຝຼັ່ງ ຕາມແຜນພັດທະນາການສຶກສາຂອງລັດຖະບານ ເພື່ອຍົກລະດັບຄຸນນະພາບການສຶກສາ.ບົດບັນທຶກຄວາມເຂົ້າໃຈໂຄງການ ເຊິ່ງໄດ້ຜ່ານການລົງນາມໂດຍທ່ານນາງ ສີສຸກ ວົງວິຈິດ ຫົວໜ້າກົມສາມັນສຶກສາ ກະຊວງສຶກສາທິການ ແລະ ກິລາ, ແລະທ່ານ ແພັດທຼິກ ໂຄແຮັນ ຫົວໜ້າຝ່າຍການຮ່ວມມືຂອງສະຖານທູດຝຼັ່ງປະຈຳ ສປປ ລາວ, ມີຈຸດປະສົງແນໃສ່ສະໜອງອຸປະກອນການຮຽນ-ການສອນໃໝ່ໃນວິຊາວິທະຍາສາດ (ປຶ້ມແບບຮຽນ, ອຸປະກອນ, ການເຊື່ອມຕໍ່ອິນເຕີເນັດ) ແລະ ໃຫ້ການຝຶກອົບຮົບການພັດທະນາແບບມືອາຊີບ ແລະ ການຝຶກອົບຮົມຄູສອນລາຍວິຊາເພີ່ມເຕີມ. ອ່ານຕໍ່ ...

ສື່ມວນຊົນຈາກສຳນັກໜັງສືພິມ, ວິທະຍຸກະຈາຍສຽງ ແລະ ໂທລະພາບ ໄດ້ເຂົ້າຮ່ວມຟັງການບັນຍາຍໂດຍຫຍໍ້ ທີ່ນະຄອນຫຼວງວຽງຈັນວານນີ້ ກ່ຽວກັບການເຜີຍແຜ່ກົດໝາຍວ່າດ້ວຍການປະກັນສັງຄົມ ເພື່ອສົ່ງເສີມຄວາມສະເໝີພາບໃນການປິ່ນປົວສຸຂະພາບ.ອີງຕາມກົດໝາຍປະກັນສັງຄົມດັ່ງກ່າວ, ຜູ້ປະກັນຕົນທີ່ໄດ້ຮັບບາດເຈັບຮ້າຍແຮງ ຫຼື ເຈັຍປ່ວຍ ມີສິດເຂົ້າຮັບການປິ່ນປົວຢູ່ໃນໂຮງໝໍທີ່ຕົນໄດ້ເລືອກ ໂດຍບໍ່ເສຍຄ່າ, ແລະ ຈະໄດ້ຮັບເງິນຊົດເຊີຍທຽບເທົ່າກັບເຄິ່ງໜຶ່ງຂອງຄ່າແຮງງານຂອງຕົນ, ຕາມຄຳກ່າວຂອງເຈົ້າໜ້າທີ່.ອ່ານຕໍ່ ...

(ຂປລ) ບໍລິສັດເກຍມໍເຕີ ເອເຊຍ ຂອງສະທາລະນະລັດເກົາຫຼີ ບໍລິຈາກ 100,000 ໂດລາເພື່ອຊ່ວຍເຫຼືອຜູ້ປະສົບໄພນ້ຳຖ້ວມໃນລາວ. ພິທີມອບເງິນຊ່ວຍເຫຼືອດັ່ງກ່າວແມ່ນຈັດຂຶ້ນທີ່ ກະຊວງແຮງງານ ແລະ ສະຫວັດດີການສັງຄົມ ລະຫວ່າງທ່ານ ປອ ຄຳແພງ ໄຊສົມແພງ ລັດຖະມົນຕີກະຊວງແຮງານ ແລະ ສະຫວັດດີການສັງຄົມ ແລະ ທ່ານ ຄິມ ຮູກອນ ຜູ້ຈັດການໃຫຍ່-ບໍລິສັດເກຍມໍເຕີປະຈຳພາກພື້ນ ໃນວັນທີ 24 ຕຸລາ 2018 ທີ່ນະຄອນວຽງຈັນ.ອ່ານຕໍ່ ...

ນັກສຶກສາຄະນະກະເສດສາດ ມະຫາວິທະຍາໄລແຫ່ງຊາດ (ມຊ) ຮຽນຮູ້ກ່ຽວກັບຕ່ອງໂສ້ຄຸນຄ່າດ້ານສະບຽງອາຫານຂອງຍີ່ປຸ່ນ ໃນການຝຶກອົບຮົມທີ່ພາກວິຊາສັດຕະວະແພດ ອາທິດແລ້ວນີ້.ຄະນະກະເສດສາດໄດ້ຮ່ວມຈັດຕັ້ງການຝຶກອົບຮົມ ໃນລະຫວ່າງວັນທີ 21-25 ຕຸລານີ້ ພາຍໃຕ້ໂຄງການຮ່ວມມືອາຊຽນ-ຍີ່ປຸ່ນ ກ່ຽວກັບຕ່ອງໂສ້ຄຸນຄ່າດ້ານສະບຽງອາຫານຂອງຍີ່ປຸ່ນ.ອ່ານຕໍ່ ...

ສະຄູດ, ສາຍການບິນລາຄາຖືກຂອງກຸ່ມສາຍການບິນສິງກະໂປແອລາຍ (SIA) ຈະເລີ່ມໃຫ້ບໍລິການຖ້ຽວບີນຈາກເອເທນຫາລາວ (ວຽງຈັນ ແລະ ຫຼວວງພະບາງ) ຜ່ານສິງກະໂປພາຍໃນເດືອນເມສານີ້.ຕາມການຖະແຫຼງຂ່າວ, ສາຍການບິນດັ່ງກ່າວໄດ້ເລີ່ມຂາຍປີ້ຍົນຈາກເອເທນເຖິງລາວໃນລາຄາຫຼຸດພິເສດ ເພື່ອເປັນການສະຫຼອງການເປີດເສັ້ນທາງການບິນໃໝ່ຫາວຽງຈັນ ແລະ ຫຼວງພະບາງ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ກະຊວງຝ່າຍລາວ ແລະ ໄທ ຊຸກຍູ້ໃຫ້ມີການກໍ່ສ້າງຂົວຂ້າມແມ່ນ້ຳຂອງຕື່ມອີກສອງແຫ່ງ ເພື່ອອຳນວຍຄວາມສະດວກໃຫ້ແກ່ການຂົນສົ່ງສິນຄ້າ ແລະ ການເດີນທາງຂອງປະຊາຊົນສອງຊາດ.ທ່ານ (ປອ) ບຸນຈັນ ສິນທະວົງ ລັດຖະມົນຕີກະຊວງໂຍທາທິການ ແລະ ຂົນສົ່ງຂອງລາວ ແລະ ທ່ານ ອາຄົມ ເທີມພິທະຍະໄພສິດ ລັດຖະມົນຕີຝ່າຍໄທ ໄດ້ຈັດການໂອ້ລົມຫາລືເພື່ອບັນລຸຂໍ້ຕົກລົງກ່ຽວກັບວິທີທາງໃນຕໍ່ໜ້າ ທີ່ຈັງຫວັດໜອງຄາຍປະເທດໄທ ໃນວັນຈັນຜ່ານມາ.ສອງຝ່າຍໄດ້ສຳເລັດຮ່າງຂໍ້ຕົກລົງກ່ຽວກັບການກໍ່ສ້າງຂົວມິດຕະພາບລາວ-ໄທແຫ່ງທີຫ້າ ເພື່ອເຊື່ອມຕໍ່ແຂວງບໍລິຄຳໄຊຂອງລາວກັບຈັງຫວັດບຶງການຂອງໄທ.ອ່ານຕໍ່  ...

ວຽງຈັນ (ວຽງຈັນທາມສ໌/ANN) – ນັກທຸລະກິດລາວໄດ້ເຊື້ອເຊີນໃຫ້ນັກທຸລະກິດຄູ່ພາຄີຈາກກຳປູເຈຍ ເພີ່ມທະວີການລົງທຶນ ແລະ ເຮັດທຸລະກິດໃນລາວ ເພື່ອສົ່ງເສີມການລົງທຶນດ້ານການຄ້າ ແລະ ການປະກອບທຸລະກິດລະຫວ່າງສອງຊາດ.ການຮ່ວມມືດັ່ງກ່າວຈະຊ່ວຍໃຫ້ຜູ້ປະກອບການໜຸ່ມລາວ ແລະ ກຳປູເຈຍສ້າງເຄືອຂ່າຍເພື່ອການຮ່ວມມື ແລະ ການດຳເນີນທຸລະກິດໃນອະນາຄົດ ເພື່ອຂະຫຍາຍທຸລະກິດຂອງຕົນ, ທ່ານ ປອ ຄຳແສນ ສີສະຫວົງ ປະທານສະມາຄົມນັກທຸລະກິດໜຸ່ມລາວ (YEAL), ກ່າວໃນລະຫວ່າງກອງປະຊຸມການຈັບຄູ່ທາງດ້ານທຸລະກິດລະຫວ່າງ YEAL ແລະ ສະມາຄົມນັກທຸລະກິດໜຸ່ມກຳປູເຈຍ ທີ່ນະຄອນວຽງຈັນໃນອາທິດແລ້ວນີ້.ອ່ານຕໍ່ ...

ແຜນການກໍ່ສ້າງເຂື່ອໄຟຟ້ານ້ຳຂອງແຫ່ງໃໝ່ຂອງລາວ ໄດ້ສ້າງຄວາມກັງວົນຢ່າງຍິ່ງໃນກຸ່ມອົງການທີ່ບໍ່ຂຶ້ນກັບລັກຖະບານ (NGOs) ເພື່ອສິ່ງແວດລ້ອມໃນປະເທດໄທ, ເຊິ່ງກ່າວວ່າການສ້າງເຂື່ອນໄຟຟ້າຂະໜາດໃຫຍ່ແຫ່ງທີຫ້າຂອງລາວ ຈະສ້າງຜົນເສຍຫາຍຢ່າງຮ້າຍແຮງຕໍ່ປາ ແລະ ຄົນໃນພາກພື້ນ.ໂຄງການກໍ່ສ້າງເຂື່ອນໄຟຟ້າຫຼວງພະບາງ ຈະເປັນເປັນເຂື່ອນໄຟຟ້າຂະໜາດໃຫຍ່ແຫ່ງທີຫ້າໃນແມ່ນ້ຳຂອງ. ລັດຖະບານລາວໄດ້ແຈ້ງຕໍ່ຄະນະກຳມາທິການແມ່ນ້ຳຂອງ (MRC) ໃນວັນທີ 31 ກໍລະກົດຜ່ານມາວ່າ ຈະຍື່ນຂໍ້ສະເໜີໂຄງການ ເພື່ອດຳເນີນຕາມຂະບວນການປຶກສາຫາລືລ່ວງໜ້າຫົກເດືອນ ຕາມຂັ້ນຕອນການແຈ້ງການ, ການປຶກສາຫາລືລ່ວງໜ້າ ແລະ ການຕົກລົງ (PNPCA) ຂອງ MRC.ອ່ານຕໍ່ ...

(ຂປລ) ໃນວັນທີ 17-18 ພຶດສະພາ 2019, ສະຖານທູດສະຫະລັດ ນະຄອນຫຼວງວຽງຈັນ ໄດ້ນຳພານັກສ້າງຮູບເງົາຈາກໂຄງການງານວາງສະແດງຮູບເງົາອາເມລິກາ ໃນການຢ້ຽມຢາມສະຖາບັນທາງກົດໝາຍຕ່າງໆຂອງລາວ ແລະ ນຳສະເໜີຕົວຢ່າງຈາກຮູບເງົາສາລະຄະດີທີ່ສ້າງກ່ຽວກັບເລື່ອງເພດ ແລະ ລະບຽບກົດໝາຍ.ນັກສ້າງຮູບເງົາຊາວອາເມລິກາ ຊາຣອນ ໂຣເວັນ ໄດ້ຈັດການສະແດງຜົນງານທີ່ສະຖາບັນຍຸດຕິທຳແຫ່ງຊາດ, ສະຫະພັນແມ່ຍິງລາວ ແລະ ຄະນະນິຕິສາດມະຫາວິທະຍາໄລແຫ່ງຊາດລາວ.ອ່ານຕໍ່ ...

ເຈົ້າໜ້າທີ່ກະຊວງສາທາລະນະສຸກໃນຂະແໜງນາລີເວດ ແລະ ສຸຕິສາດ ໄດ້ຈັດຕັ້ງກອງປະຊຸມປະຈຳປີທີ່ນະຄອນຫຼວງວຽງຈັນວານນີ້ ເພື່ອທົບທວນຄວາມຄືບໜ້າ ແລະ ຫາລືແຜນການປີ 2019.ຜູ້ເຂົ້າຮ່ວມກອງປະຊຸມໄດ້ລາຍງານຄວາມຄືບໜ້າຂອງກິດຈະກຳຕ່າງໆ ແລະ ແລກປ່ຽນແຜນການໃນຕໍ່ໜ້າ.ໃນນີ້ລວມມີການລາຍງານກ່ຽວກັບອັດຕາການຕາຍ, ການຮັກສາມະເລັງເຕົ້ານົມແບບທັນສະໄໝ, ພາວະເລືອດອອກຜິດປົກກະຕິຈາກມົດລູກ, ແນວທາງການປິ່ນປົວພະຍາດຕິດຕໍ່ທາງເພດສຳພັນແຫ່ງຊາດ, ໂພຊະນາການສຳລັບເດັກຫຼັງເກີດ, ແນວທາງປ້ອງກັນການເອົາລູກອອກແບບບໍ່ປອດໄພ ແລະ ກໍລະນີສຶກສາອື່ນໆ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ກະຊວງໄປສະນີ ແລະ ໂທລະຄົມມະນາຄົມຕົກລົງເດີນໜ້າຄຸ້ມຄອງການປະຊຸມທາງອອນໄລ (video conferences) ຂອງລັດຖະບານ ພາຍໃຕ້ຄວາມສ່ຽງກ່ຽວກັບການຮົ່ວໄຫຼຂອງຂໍ້ມູນຄວາມລັບຂອງປະເທດ.ທ່ານ ທັນສະໄໝ ກົມມະສິດ ລັດຖະມົນຕີກະຊວງໂທລະຄົມ ໄດ້ລົງນາມໃນຂໍ້ຕົກລົງລັດຖະມົນຕີ ກ່ຽວກັບການຈັດຕັ້ງກົດລະບຽບ ແລະ ມາດຕະການ ສຳລັບກົມກອງຂອງລັດຖະບານ ໃນການຕິດຕັ້ງ ແລະ ດຳເນີນການປະຊຸມທາງອອນໄລ, ເຊິ່ງເປັນສ່ວນໜຶ່ງຂອງມາດຕະການເພື່ອສະກັດກັ້ນການຮົ່ວໄຫຼຂອງຂໍ້ມູນຄວາມລັບທາງລັດຖະການ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລາວໄດ້ປັບຫຼຸດລະດັບຄາດໝາຍມູນຄ່າການຄ້າ ເຊິ່ງລວມທັງການນຳເຂົ້າ ແລະ ສົ່ງອອກສິນຄ້າກັບເກົາຫຼີໃຕ້ໃນປີນີ້ເມື່ອທຽບກັບມູນຄ່າປີກາຍ ຫຼັງຈາກມູນຄ່າການຄ້າປະຈຳປີລະຫວ່າງສອງປະເທດຫຼຸດລົງ.ໃນປີຜ່ານມາ, ເປົ້າໝາຍການຄ້າລະຫວ່າງສອງປະເທດແມ່ນ US$94.1 ລ້ານໂດລາ ເຊິ່ງໃນນີ້ມູນຄ່າການສົ່ງອອກແມ່ນ US$11.2 ລ້ານໂດລາ ແລະ ການນຳເຂົ້າແມ່ນ US$82.9 ລ້ານໂດລາ. ແຕ່ໃນຕົວຈິງ ສາມາດບັນລຸມູນຄ່າລວມໄດ້ພຽງແຕ່ US$69.6 ລ້ານໂດລາ, ເຊິ່ງມູນຄ່າການສົ່ງອອກມີ US$4.5 ແລະ ການນຳເຂົ້າແມ່ນ US$65.1 ລ້ານໂດລາ, ອີງຕາມກະຊວງອຸດສາຫະກຳ ແລະ ການຄ້າ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດຖະບານຈະຍົກລະດັບແຜນງານການອຳນວຍຄວາມສະດວກດ້ານການຄ້າສູ່ມາດຕະຖານສາກົນ ພາຍໃນເດືອນພຶດສະພານີ້​, ຕາມການເປີດເຜີຍຂອງການນຳໃນກອງປະຊຸມໃນວັນສຸກຜ່ານມາ.ການຍົກລະດັບດັ່ງກ່າວຈະອີງໃສ່ຫຼັກການ, ເກນ ແລະ ເງື່ອນໄຂ ທີ່ກຳນົດໃນແຜນງານມາດຕະຖານເພື່ອການຮັບປະກັນ ແລະ ອຳນວຍຄວາມສະດວກດ້ານການຄ້າໂລກ (SAFE) ຂອງອົງການສຸລະກາກອນໂລກ ແລະ ຂໍ້ຕົກລົງກ່ຽວກັບການອຳນວຍຄວາມສະດວກດ້ານການຄ້າຂອງອົງການການຄ້າໂລກ (WTO-TFA).ອ່ານຕໍ່  ...

ວຽງຈັນ (ວຽງຈັນທາມສ໌/ANN) – ລາວຄາດວ່າລາຍຮັບຈາກການສົ່ງອອກເຂົ້າໃນປີ 2019 ຈະຫຼຸດລົງ ເນື່ອງຈາກໄພນ້ຳຖ້ວມເປັນບໍລິເວນກວ້າງໃນທົ່ວປະເທດໃນປີຜ່ານມາ.ລາວວາງເປົ້າໝາຍການສົ່ງອອກເຂົ້າໃນປີຜ່ານມາທີ່ US$45.6 ລ້ານໂດລາ, ແຕ່ວ່າສາມາດບັນລຸໄດ້ພຽງ US$31.4 ລ້ານໂດລາ, ຕາມກະຊວງອຸດສາຫະກຳ ແລະ ການຄ້າ.ໃນປີນີ້ ລັດຖະບານຄາດວ່າຈະສ້າງລາຍຮັບຈາກການສົ່ງອອກເຂົ້າພຽງແຕ່ US$25.2 ລ້ານໂດລາ ເຊິ່ງຫຼຸດລົງຫຼາຍທຽບກັບຕົວເລກໃນປີຜ່ານມາ.ຜົນຜະລິດເຂົ້າໃນ 16 ແຂວງ ແມ່ນໄດ້ໜ້ອຍເນື່ອງຈາກໄພນ້ຳຖ້ວມເປັນບໍລິເວນກວ້າງໃນລະດູຝົນປີກາຍ, ຕາມລາຍງານຂອງກະຊວງກະສິກຳ ແລະ ປ່າໄມ້. ປີກາຍນີ້ ພື້ນທີ່ປູກເຂົ້າຈຳນວນ 101,000 ເຮັກຕາໄດ້ຮັບຜົນກະທົບຈາກໄພນ້ຳຖ້ວມ, ຄິດເປັນ 12% ຂອງເນື້ອທີ່ປູກເຂົ້າທັງໝົດ 817,800 ເຮັກຕາ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ໃນປີນີ້ ລາວຈຳເປັນຕ້ອງສຸມໃສ່ຫ້າປັດໄຈສຳຄັນ ເພື່ອສົ່ງເສີມການຂະຫຍາຍຕົວທາງດ້ານເສດຖະກິດແບບຍືນຍົງ ແລະ ໝັ້ນທ່ຽງ, ສະຖາບັນຄົ້ນຄວ້າເສດຖະກິດແຫ່ງຊາດ (NIER) ແນະນຳ. ປັດໃຈທຳອິດຈະແມ່ນການຈັດຕັ້ງປະຕິບັດນະໂຍບາຍຂອງລັດຖະບານ ເພື່ອປັບປຸງລະບຽບການ ແລະ ການປະສານງານຍຸດທະສາດ ເພື່ອຫຼີກລ່ຽງການຫົດຕົວທາງເສດຖະກິດ ແລະ ງົບປະມານພາກລັດ, ໃນຂະນະດຽວກັນ ກໍຮັກສາຄັງສຳຮອງເງິນຕາຕ່າງປະເທດໃຫ້ພຽງພໍ ແລະ ລຶບລ້າງສິ່ງກີດກັ້ນຕໍ່ການດຳເນີນທຸລະກິດ.ອ່ານຕໍ່ ...

ປຶ້ມແຜນທີ່ເສດຖະກິດ-ສັງຄົມຂອງ ສປປ ລາວ ສະພາບລວມ ແລະ ທ່າອ່ຽງຈາກປີ 2005-2015 ສະບັບໃໝ່ໄດ້ຮັບການເປີດຕົວຢ່າງເປັນທາງການ.ປື້ມແຜນທີ່ເຫຼັ້ມໃໝ່ນີ້ ຖືກສ້າງຂຶ້ນໂດຍ ສູນເພື່ອການພັດທະນາ ແລະ ສິ່ງແວດລ້ອມ (CDE) ຂອງມະຫາວິທະຍາໄລເບີນ, ຮ່ວມກັບ ສູນສະຖິຕິແຫ່ງຊາດ (ສຖຕ) ເຊິ່ງໄດ້ຮວບຮວມເອົາຂໍ້ມູນສະຖິຕິ ຂອງການສໍາຫຼວດ ພົນລະເມືອງ ແລະ ທີ່ຢູ່ອາໄສທົ່ວປະເທດ ຈາກສອງຄັ້ງຫຼ້າສຸດທີ່ຜ່ານມາ ຄື ປີ 2005 ແລະ 2015.ເຊິ່ງມັນປະກອບດ້ວຍຂໍ້ມູນແຜນທີ່ ທີ່ ມີລາຍລະອຽດຄົບຖ້ວນ ແລະ ສົມບູນທີ່ສຸດ. ປື້ມແຜນທີ່ນໍາສະເໜີຂໍ້ມູນກ່ຽວກັບ ສະພາບເສດຖະກິດ-ສັງຄົມ ທັງສະພາບການໃນປີ 2015 ແລະ ສະພາບການທີ່ໄດ້ມີການປ່ຽນແປງໃນລະໄລຍະໜຶ່ງທົດສະວັດທີ່ຜ່ານມາຂອງການສໍາຫຼວດດັ່ງກ່າວຢູ່ຂັ້ນບ້ານ ແລະ ຢູ່ທົ່ວ ສປປ ລາວ.ເບິ່ງປຶ້ມເປັນ PDF, ສະບັບພາສາລາວ, ພາສາອັງກິດ. ...