ນາຍົກລວມສູນການຄຸ້ມຄອງການຊ່ວຍເຫຼືອທາງການເພື່ອການພັດທະນາ
ທ່ານ ທອງລຸນ ສີສຸລິດ ນາຍົກລັດຖະມົນຕີ ໄດ້ອອກດຳລັດໃໝ່ ເພື່ອແນໃສ່ລວມສູນການຄຸ້ມຄອງການຊ່ວຍເຫຼືອທາງການເພື່ອການພັດທະນາ (ODA).ທ່ານ ທອງລຸນ ໄດ້ລົງນາມຮັບຮອງເອົາດຳລັດຂອງນາຍົກລັດຖະມົນຕີ ວ່າດ້ວຍການຄຸ້ມຄອງການຊ່ວຍເຫຼືອທາງການເພື່ອການພັດທະນາ ໃນວັນທີ 9 ຕຸລາ. ເຊິ່ງໄດ້ມີການລົງເຜີຍແຜ່ໃນເວັບໄຊຈົດໝາຍວຽນທາງລັດຖະການຂອງກະຊວງຍຸດຕິທຳ ໃນວັນທີ 25 ຕຸລາ.ອີງຕາມດຳລັດສະບັບດັ່ງກ່າວ ເຊິ່ງສາມາດເບິ່ງໄດ້ທາງເວັບໄຊ, ອົງການຈັດຕັ້ງທີ່ສາມາດອະນຸມັດການຮັບຮອງເອົາການຊ່ວຍເຫຼືອທາງການເພື່ອການພັດທະນາ ລວມມີ ລັດຖະບານ, ກະຊວງແຜນການ ແລະ ການລົງທຶນ, ແລະ ກະຊວງການຕ່າງປະເທດ.ອ່ານຕໍ່ ...
ເອກະພອນ ພູທອນສີ
ຊ່ຽວຊານດ້ານກົດໝາຍຮ່ວມວາງແຜນການສ້າງລະບົບສານປົກຄອງ
ສານປະຊາຊົນສູງສຸດຮ່ວມກັບສະຖາບັນຊ່ວຍເຫຼືອກົດໝາຍ ແລະ ວິຊາການ (ILSTA) ຈັດກອງປະຊຸມປຶກສາຫາລືວິຊາການຂຶ້ນໃນອາທິດນີ້ ກ່ຽວກັບຮ່າງດຳລັດປະທານປະເທດວ່າດ້ວຍການດຳເນີນຄະດີການປົກຄອງ.ກອງປະຊຸມດັ່ງກ່າວໄດ້ຈັດຂຶ້ນທີ່ປາກເຊ ໃນວັນທີ 5-6 ສິງຫານີ້. ເຂົ້າຮ່ວມໃນກອງປະຊຸມດັ່ງກ່າວມີຜູ້ຕາງໜ້າຈາກອົງການຈັດຕັ້ງລັດຖະບານ ເພື່ອຮ່ວມຫາລື ແລະ ເດີນໜ້າການຈັດຕັ້ງລະບົບສານປົກຄອງໃນລາວ.ອ່ານຕໍ່ ...
ໂຕະຂ່າວວຽຈັນທາມສ໌
ງານວາງສະແດງສິນຄ້າວິທະຍາສາດ ແລະ ເທັກໂນໂລຢີ ລາວ-ຈີນ ສົ່ງເສີມການພັດທະນາອຸດສາຫະກຳ
ວຽງຈັນ (ວຽງຈັນທາມສ໌/ANN) – ງານວາງສະແດງສິນຄ້າ “ສະມາດເທັກໂນໂລຢີ ເພື່ອການພັດທະນາສີຂຽວ ແລະ ຍືນຍົງ” ແມ່ນກຳລັງດຳເນີນຢູ່ນະຄອນຫຼວງວຽງຈັນ ເພື່ອເສີມຂະຫຍາຍໜໍ່ແໜງການພັດທະນາໃນຂະແໜງອຸດສາຫະກຳໃນລາວ.ງານວາງສະແດງສິນຄ້າດັ່ງກ່າວ ແມ່ນຈັດຂຶ້ນທີ່ຫໍປະຊຸມແຫ່ງຊາດ ແຕ່ວັນທີ 11-16 ຕຸລານີ້ ເຊິ່ງມີບໍລິສັດຈາກລາວ ແລະ ຈີນເຂົ້າຮ່ວມປະມານ 100 ບໍລິສັດ.ອ່ານຕໍ່ ...
ຄູຝຶກຊ່າງໄມ້ໄດ້ຮຽນຮູ້ຍົກລະດັບທັກສະໃໝ່ໆ
ຄູອາຈານຈາກ ໂຮງຮຽນວິຊາຊີບ 11 ແຫ່ງໄດ້ຮັບຄວາມຮູ້ ແລະ ທັກສະໃໝ່ໆຈາກຫຼັກສູດຝຶກອົບຮົມຢູ່ວຽງຈັນ ແຕ່ວັນທີ 24 ມິຖຸນາເຖິງ 30 ສິງຫາ ພາຍໃຕ້ໂຄງການຊ່ວຍເຫຼືອຂອງອົງການຮ່ວມມືສາກົນແຫ່ງປະເທດຍີ່ປຸ່ນ (JICA).ປະຈຸບັນ ຄູຝຶກຊ່າງໄມ້ (ຄູສອນ) ຊຸດດັ່ງກ່າວແມ່ນພ້ອມທີ່ຈະຖ່າຍທອດຄວາມຮູ້ທັກສະ ເພື່ອຍົກລະດັບການສຶກສາວິຊາຊີບໃນແຂວງຂອງຕົນ.ອ່ານຕໍ່ ...
ສັງຄົມໄຊ ບຸບຜານຸວົງ
ການເລັ່ງລັດທາງດ້ານທຸລະກິດເປັນສາເຫດຂອງບັນຫາສວນກ້ວຍ, ລັດຖະມົນຕີກ່າວ
ວຽງຈັນ (ວຽງຈັນທາມສ໌/ANN) – ກະຊວງກະສິກຳ ແລະ ປ່າໄມ້ກ່າວໃນມື້ວານນີ້ວ່າ ບັນຫາກ່ຽວກັບສວນກ້ວຍໃນລາວ ແມ່ນເນື່ອງມາຈາກນັກລົງທຶນດຳເນີນການເຈລະຈາໂດຍກົງກັບຊຸມຊົນທ້ອງຖິ່ນ ແທນທີ່ຈະດຳເນີນຂັ້ນຕອນຕາມລະບຽບກົດໝາຍຢ່າງເປັນທາງການ.ທ່ານ ບຸນກວ້າງ ຄຳບຸນເຮືອງ ຮອງລັດຖະມົນຕີກ່າວຕໍ່ໜັງສືພິມວຽງຈັນທາມສ໌ວ່າ ບັນຫາທີ່ເກີດຂຶ້ນຈາກສວນກ້ວຍ ເຊິ່ງສົ່ງຜົນເສຍຕໍ່ສິ່ງແວດລ້ອມ ແລະ ປະຊາຊົນໃນບາງທ້ອງຖິ່ນ ແມ່ນເກີດຂຶ້ນຍ້ອນບັນດາຫົວໜ່ວຍທຸລະກິດ ແລະ ນັກລົງທຶນ ໄດ້ທຳການຫາລືການເຊົ່າທີ່ດິນກັບແຕ່ລະຊຸມຊົນ ແລະ ຈັດຕັ້ງທຸລະກິດພາຍຫຼັງບັນລຸຂໍ້ຕົກລົງກັບອຳນາດການປົກຄອງທ້ອງຖິ່ນ.ອ່ານຕໍ່ ...
ສຸກນິລັນດອນ ສຸທິວົງນໍລາດ
ລາວຈະແກ້ໄຂແປດບັນຫາພົ້ນເດັ່ນທີ່ເປັນອຸປະສັກຕໍ່ການພັດທະນາ
ລັດຖະບານລາວໄດ້ຕົກລົງດຳເນີນບາດກ້າວ ໃນການແກ້ໄຂແປດບັນຫາເພື່ອເດີນໜ້າແຜນການຂັບເຂື່ອນການພັດທະນາປະເທດຊາດ. ບາດກ້າວດັ່ງກ່າວໄດ້ມີການຕົກລົງໃນກອງປະຊຸມໄລຍະສາມວັນລະຫວ່າງຄະນະລັດຖະບານ, ເຈົ້າແຂວງ ແລະ ເຈົ້າຄອງນະຄອນຫຼວງ ທີ່ວຽງຈັນ ເຊິ່ງໄດ້ອັດລົງໃນວັນສຸກແລ້ວນີ້.ອ່ານຕໍ່ ...
ສົມສັກ ພົງຂາວ
http://annx.asianews.network/content/laos-tackles-eight-pressing-issues-spur-development-99323
ລາວເລີ່ມເກັບອາກອນນັກທ່ອງທ່ຽວແບບງຽບໆມາຕັ້ງແຕ່ວັນທີ 1 ຕຸລາ
ລັດຖະບານລາວໄດ້ເລີ່ມນຳໃຊ້ອາກອນນັກທ່ອງທ່ຽວແບບງຽບໆ, ເຊິ່ງໄດ້ມີການວາງແຜນມາຕັ້ງແຕ່ປີ 2010, ໃນວັນທີ 1 ຕຸລາ 2018. ເຊິ່ງນັບແຕ່ວັນທີດັ່ງກ່າວ ນັກທ່ອງທ່ຽວຕ່າງປະເທດທີ່ເຂົ້າມາຢ້ຽມຢາມລາວຕ້ອງຈ່າຍຄ່າທຳນຽມ 1 ໂດລາ ເປັນອາກອນນັກທ່ອງທ່ຽວໃນທຸກໆຊ່ອງທາງເຂົ້າປະເທດ.ອ່ານຕໍ່ ...
ອາໂນ ມາເຢີບຣຸກເກີ
ຊາວໜຸ່ມລາວເລີ່ມໄປອອກແຮງງານຢູ່ປະເທດຈີນຫຼາຍຂຶ້ນ
ຊາວໜຸ່ມໃນບັນດາແຂວງພາກເໜືອຂອງລາວ ມີການຍ້າຍຖິ່ນຂ້າມຊາຍແດນໄປຈີນຫຼາຍຂຶ້ນ ເພື່ອຊອກຫາວຽກເຮັດງານທຳ ແລະ ຄ່າແຮງງານທີ່ສູງກວ່າ.ຍ້ອນທ່າແຮງທີ່ຈຳກັດໃນລາວ, ຊາວໜຸ່ມຈາກເຂດພູດອຍຫ່າງໄກສອກຫຼີກ ເລືອກທີ່ຈະເປັນຜູ້ຍ້າຍຖິ່ນໂດຍບໍ່ມີເອກະສານ ໄປແຂວງຢຸນນານປະເທດຈີນ ເຊິ່ງເຂົາສາມາດຫາເງິນໄດ້ຫຼາຍກວ່າໃນການອອກແຮງງານໃນໜ້າວຽກດຽວກັນຢູ່ລາວ.ອ່ານຕໍ່ ...
RFA’s Lao Service
ການປະເມີນຜົນໂຄງການລົງທຶນກ່ອນການດຳເນີນການແມ່ນມີຄວາມຈຳເປັນສຳລັບລາວ: ນາຍົກ
ວຽງຈັນ (ວຽງຈັນທາມສ໌/ANN) – ທ່ານ ທອງລຸນ ສີສຸລິດ ນາຍົກລັດຖະມົນຕີຊຸກຍູ້ໃຫ້ກະຊວງແຜນການ ແລະ ການລົງທຶນ ຮ່ວມມືກັບອຳນາດການປົກຄອງຂັ້ນແຂວງໃນການສ້າງຄວາມກະຈ່າງແຈ້ງ ແລະ ທຳການປະເມີນຜົນກ່ອນການດຳເນີນໂຄງການພັດທະນາ ເພື່ອຮັບປະກັນທາງດ້ານຄຸນນະພາບ ແລະ ຄວາມຍືນຍົງຂອງໂຄງການ.ທ່ານນາຍົກ ຍັງໄດ້ແນະນຳເຈົ້າໜ້າທີ່ກະຊວງໃນການລົງຕິດຕາມການດຳເນີນໂຄງການຢ່າງໃກ້ຊິດຕິດແທດ ແທນທີ່ການລໍຖ້າແຕ່ບົດລາຍງານຈາກອຳນາດການປົກຄອງທ້ອງຖິ່ນ.ອ່ານຕໍ່ ...
ໂຕະຂ່າວ
ກະຊວງສາທາລະນະສຸກວາງເປົ້າໝາຍການຜະລິດຢາພື້ນເມືອງແບບຍືນຍົງ
ວຽງຈັນ (ວຽງຈັນທາມສ໌/ANN) – ເຈົ້າໜ້າທີ່ສາທາລະນະສຸກດຳເນີນການພັດທະນາຂະແໜງຢາພື້ນເມືອງແບບຍືນຍົງໃນປະເທດ ໂດຍອີງໃສ່ການປະຕິບັດເປັນມິດຕໍ່ລະບົບນິເວດ, ຕາມການລາຍງານໃນກອງປະຊຸມທີ່ແຂວງວຽງຈັນ ໃນວັນອັງຄານຜ່ານມາ.ໃນກອງປະຊຸມດັ່ງກ່າວ, ພາຍໃຕ້ການເຂົ້າຮ່ວມຂອງທ່ານ (ຮສ) ບຸນກອງ ສີຫາວົງ ລັດຖະມົນຕີກະຊວງສາທາລະນະສຸກ ແລະ ທ່ານ (ປອ) ສົມທະວີ ຈາງວິ ສົມມິດ ຫົວໜ້າກົມອາຫານ ແລະ ຢາ, ໄດ້ມີການລາຍງານບາດກ້າວສູ່ການຫັນການຜະລິດຢາພື້ນເມືອງໃຫ້ເປັນສິນຄ້າແບບຍືນຍົງ ເພື່ອຈຳໜ່າຍທັງພາຍໃນ ແລະ ຕ່າງປະເທດ.ອ່ານຕໍ່ ...
ເພັດໂພໄຊ ແສງປະເສີດ
ເຂື່ອນມີການເຕືອນໄພ ໃນໄລຍະທີ່ພະຍຸໄຕ້ຝຸ່ນໂນຣູ ຢັບໃກ້ເຂົ້າປະເທດລາວ
ກົມອຸຕຸນິຍົມ ແລະ ອຸທົກກະສາດ ໄດ້ອອກພະຍາກອນອາກາດ ໂດຍໃຫ້ຮູ້ວ່າ: ພາຍຸໄຕ້ຝຸ່ນໂນຣູ ຄາດວ່າຈະພັດເຂົ້າຝັ່ງຫວຽດນາມ ໃນວັນພຸດນີ້ ກ່ອນຈະພັດຜ່ານພາກກາງ ແລະ ພາກໃຕ້ຂອງລາວ ໃນລະຫວ່າງວັນທີ 28-30 ກັນຍານີ້. ຂະນະນີ້ ໂນຣູ ພວມເດີນທາງຜ່ານເຂດທະເລຈີນໃຕ້ພາກກາງ ແລະ ຄາດວ່າຈະເຂົ້າມາຝັ່ງພາກກາງຂອງຫວຽດນາມ ແລະ ໃນທີ່ສຸດໃນລາວ, ຕາມການຄາດຄະເນ.ອ່ານເພິ່ມເຕີມ ...
ພອນທຳ ວິສາປຣະ
ນັກອອກແບບລາວຈະເປັນກຽດໃນການຮັບລາງວັນການອອກແບບຂອງອີຕາລີ
ວຽງຈັນ (ວຽງຈັນທາມສ໌/ANN) – ນັກອອກແບບລາວ ດວງມະນີ ເຮືອງຄຳແສນ (ຕຸກຕາ) ແລະ ຍີ້ຫໍ້ ‘ເຮີເວີກສ໌’ ຈະໄດ້ຮັບລາງວັນການອອກແບບເຄື່ອງແຕ່ງກາຍດີເດັ່ນໃນພິທີມອບລາງວັນທີ່ປະເທດອີຕາລີໃນເດືອນນີ້.ດວງມມະນີ ກ່າວຕໍ່ໜັງສືພິມວຽງຈັນທາມສ໌ວ່າ ລາວຈະໄດ້ຮັບລາງວັນການອອກແບບ Iron A’ Design ຈາກສະຖາບັນການອອກແບບສາກົນ, ເຊິ່ງພິທີມອບລາງວັນດັ່ງກ່າວຈະຈັດຂຶ້ນໃນວັນທີ 28 ມິຖຸນານີ້ ທີ່ Teatro Sociale Como, ເມືອງ Piazza Verdi, ປະເທດອີຕາລີ.ອ່ານຕໍ່ ...
ສີສຸພັນ ອຳພອນພົງ
http://annx.asianews.network/content/lao-designer-be-honoured-italian-design-award-97920
ດຳລັດໃໝ່ຮັບປະກັນເລື່ອງຄວາມປອດໄພ ແລະ ສຸຂະພາບໃນສະຖານທີ່ອອກແຮງງານໃນລາວ
ຜູ້ອອກແຮງງານມີສິດທິຕາມກົດໝາຍໃນການຮຽກຮ້ອງຕໍ່ຜູ້ຈ້າງງານ ເພື່ອຮັບປະກັນດ້ານສຸຂະພາບ ແລະ ຄວາມປອດໄພໃນການອອກແຮງງານ, ຕາມລັດຖະດຳລັດສະບັບໃໝ່. ທ່ານ ທອງລຸນ ສີສຸລິດ ນາຍົກລັດຖະມົນຕີ ໄດ້ເຊັນຮັບຮອງເອົາດຳລັດວ່າດ້ວຍຄວາມປອດໄພ ແລະ ສຸຂະພາບໃນການອອກແຮງງານໃນຕົ້ນເດືອນນີ້. ດຳລັດຈຳນວນ 22 ໜ້າດັ່ງກ່າວ ເຊິ່ງມີການເຜີຍແຜ່ໃນຈົດໝາຍວຽນທາງລັດຖະການໃນວັນທີ 25 ກຸມພານີ້ ຈະມີຜົນບັງຄັບໃຊ້ຫຼັງຈາກ 15 ວັນນັບແຕ່ມື້ເຜີຍແຜ່. ຜູ້ອອກແຮງງານສາມາດຍື່ນຄຳຮ້ອງຕໍ່ອົງການຄຸ້ມຄອງແຮງງານ ເພື່ອຮ້ອງຮຽນໃນກໍລະນີທີ່ນາຍຈ້າງບໍ່ດຳເນີນການປັບປຸງສະພາບແວດລ້ອມຂອງສະຖານທີ່ອອກແຮງງານໃຫ້ສອດຄ່ອງຕາມມາດຕະຖານດ້ານສຸຂະພາບ ແລະ ຄວາມປອດໄພ ຕາມການຮ້ອງຂໍຂອງຜູ້ອອກແຮງງານ.ອ່ານຕໍ່ ...
ສຸກສາຄອນ ແຫວນແກ້ວ
ສະພາແຫ່ງຊາດສະໜັບສະໜູນພາລະະກິດຂອງລັດຖະບານໃນການແກ້ໄຂບັນຫາຂອງຊາດ
ວຽງຈັນ (ວຽງຈັນທາມສ໌/ANN) – ວານນີ້ ສະພາແຫ່ງຊາດໄດ້ອະນຸມັດມະຕິຕົກລົງຈຳນວນໜຶ່ງ ເພື່ອສະໜັບສະໜູນຄວາມເຂັ້ມແຂງດ້ານກົດໝາຍສຳລັບລັດຖະບານ ໃນການແກ້ໄຂບັນຫາກ່ຽວກັບການຄຸ້ມຄອງທີ່ດິນ, ການຟື້ນຟູປ່າໄມ້, ແລະ ການພັດທະນາຊັບພະຍາກອນມະນຸດໃນລາວ.ໃນພິທີປິດກອງປະຊຸມສະໄໝສາມັນເທື່ອທີ 7 ຂອງສະພາແຫ່ງຊາດຊຸດທີ 8 ທີ່ນະຄອນຫຼວງວຽງຈັນວານນີ້ ທ່ານນາງ ປານີ ຢ່າທໍ່ຕູ້ ປະທານສະພາແຫ່ງຊາດກ່າວວ່າ ສະພາໄດ້ມີການຮັງຮອງເອົາມະຕິຕົກລົງ 7 ສະບັບເພື່ອແນໃສ່ສະໜັບສະໜູນຄວາມເຂັ້ມແຂງດ້ານກົດໝາຍໃນການປະຕິບັດໜ້າທີ່ຂອງລັດຖະບານ ແລະ ອົງການຕຸລາການ.ອ່ານຕໍ່ ...
ເອກະພອນ ພູທອນສີ
http://annx.asianews.network/content/laos-na-backs-govt-efforts-address-national-challenges-99099
ລາວ, JICA ສືບຕໍ່ການລິເລີ່ມການກະສິກຳປອດສານພິດ
ວຽງຈັນ (ວຽງຈັນທາມສ໌/ANN) – ລາວຈະສືບຕໍ່ການຮ່ວມມືກັບອົງການຮ່ວມມືສາກົນແຫ່ງປະເທດຍີ່ປຸ່ນ (JICA) ໃນການຊ່ວຍເຫຼືອຊາວກະສິກອນໃນນະຄອນຫຼວງວຽງຈັນ ແລະ ແຂວງຫຼວງພະບາງ, ຊຽງຂວາງ ແລະ ຫົວພັນ ໃນການຜະລິດກະສິກຳປອດສານພິດ ແລະ ຂະຫຍາຍໂອກາດດ້ານຕະຫຼາດ.ຕາງໜ້າກົມປູກຝັງພາຍໃຕ້ກະຊວງກະສິກຳ ແລະ ປ່າໄມ້ ແລະ ອົງການ JICA ໄດ້ເຂົ້າຮ່ວມກອງປະຊຸມຄະນະກຳມະການປະສານງານຮ່ວມຊຸດທີສອງ ໃນວັນອັງຄານນີ້ ເຊິ່ງມີການຍົກປະເດັນການສົ່ງເສີມໂຄງການພັດທະນາກະສິກຳປອດສານພິດ, ໂດຍສະເພາະແມ່ນການກະສິກຳແບບອິນຊີ.ອ່ານຕໍ່ ...
ອຸ່ນຄຳ ພິມມະຕະ
ແຮງງານໝູນວຽນແມ່ນກຸ່ມທີ່ມີຄວາມສ່ຽງສູງໃນການຕິດເຊື້ອເອັຈ໌ໄອວີ HIV ໃນລາວ
ວຽງຈັນ (ວຽງຈັນທາມສ໌/ANN) – ແຮງງານໝູນວຽນ ພ້ອມເມຍຂອງເຂົາເຈົ້າແມ່ນກຸ່ມທີ່ມີຄວາມສ່ຽງສູງໃນການຕິດເຊື້ອເອັຈ໌ໄອວີ HIV ໃນລາວ, ຕາມການເປີດເຜີຍໃນການສຳຫຼວດຂອງສູນປິ່ນປົວພະຍາດ HIV/AIDS/ພະຍາດຕິດຕໍ່ທາງເພດສຳພັນ (ພຕພ) ແລະ ຄະນະກຳມະການແຫ່ງຊາດວ່າດ້ວຍການຄວບຄຸມພະຍາດເອດ.ທ່ານນາງ ທຳມາ ເພັດວິໄຊ ຫົວໜ້າຫ້ອງການຄະນະກຳມະການແຫ່ງຊາດວ່າດ້ວຍການຄວບຄຸມພະຍາດເອດ ສະແດງຜົນການຄົ້ນຄວ້າດັ່ງກ່າວໃນກອງປະຊຸມຫຼ້າສຸດເພື່ອການຫາລືວິທີການໃນການສະກັດກັ້ນການແຜ່ລະບາດຂອງພະຍາດ HIV/AIDS/ພຕພ.ອ່ານຕໍ່ ...
ເພັດໂພໄຊ ແສງປະເສີດ
ໄທ, ລາວ ຮ່ວມມືໃນວຽກງານຄົ້ນຫາ ແລະ ກູ້ໄພເຮືອບິນ
ຮ່າໂນ້ຍ (VNA) – ໃນວັນທີ 13 ກໍລະກົດນີ້ ປະເທດໄທ ແລະ ລາວ ໄດ້ລົງນາມໃນຂໍ້ຕົກລົງສອງຝ່າຍກ່ຽວກັບການຄົ້ນຫາ ແລະ ກູ້ໄພເຮືອບິນ ພາຍໃຕ້ອະນຸສັນຍາວ່າດ້ວຍການບິນພົນລະເຮືອນສາກົນ ຂອງອົງການການບິນພົນລະເຮືອນສາກົນ (ICAO). ທ່ານ ອາຄົມ ເທີມພິທະຍະໄພສິດ ອະດີດລັດຖະມົນຕີກະຊວງໂຍທາທິການຂອງໄທກ່າວວ່າ ຂໍ້ຕົກລົງດັ່ງກ່າວຈະນຳໄປສູ່ການປັບປຸງດ້ານຮ່ວມມື ແລະ ຄວາມເຂົ້າໃຈໃນຂະແໜງດັ່ງກ່າວ.ອ່ານຕໍ່ ...
ໂຕະຂ່າວ VNA
https://en.vietnamplus.vn/thailand-laos-cooperate-in-aircraft-search-and-rescue/156070.vnp
ລາວ, ໄທສືບຕໍ່ຮັດແໜ້ນການຮ່ວມມືໃນຂະແໜງແຮງງານ
ເຈົ້າໜ້າທີ່ລາວ ແລະ ໄທຕົກລົງສືບຕໍ່ການຮ່ວມມືໃນຂະແໜງແຮງງານ ເພື່ອແນໃສ່ຮັບປະກັນສະຖານະແຮງງານລາວຕາມກົດໝາຍ ໃຫ້ສາມາດຢັ້ງຢືນຕົວຕົນຂອງເຂົາເຈົ້າໃນປະເທດໄທ.ໃນຂະນະດຽວກັນ ອຳນາດການປົກຄອງລາວຍັງສັນຍາວ່າຈະຊ່ວຍເຫຼືອຜູ້ອອກແຮງງານທີ່ບໍ່ຖືກຕ້ອງຕາມກົດໝາຍ ໃຫ້ກັບຄືນຖິ່ນຖານເພື່ອເຮັດໜັງສືຜ່ານແດນ ເຮັດໃຫ້ເຂົາເຈົ້າສາມາດກັບໄປອອກແຮງງານຢູ່ປະເທດໄທໄດ້ຢ່າງຖືກຕ້ອງຕາມລະບຽບກົດໝາຍ.ອ່ານຕໍ່ ...
ເພັດໂພໄຊ ແສງປະເສີດ
ພາຍຫລັງລົມພາຍຸເຂດຮ້ອນ Ma-On ພັດຜ່ານພາກເໜືອຂອງລາວ ເປັນເວລາຫຼາຍອາທິດ, ປະຊາຊົນກໍພະຍາຍາມຟື້ນຕົວຄືນ
ຫລັງຈາກພາຍຸເຂດຮ້ອນ Ma-On ໄດ້ພັດເຂົ້າເຂດອາຊີຕາເວັນອອກສ່ຽງໃຕ້ ເປັນເວລາ 2 ອາທິດ, ພາກເໜືອຂອງລາວ ກໍາລັງພະຍາຍາມຟື້ນຕົວຈາກຄວາມພິນາດ, ຍ້ອນການປະເຊີນກັບໂຄງສ້າງພື້ນຖານທີ່ເສຍຫາຍ, ເນື້ອທີ່ນາຖືກນໍ້າຖ້ວມ, ປະຊາຊົນຫຼາຍຮ້ອຍຄົນຖືກຍົກຍ້າຍ ຍ້ອນມີຄວາມສ່ຽງຕໍ່ການຕິດເຊື້ອພະຍາດທີ່ມາຈາກການຂາດແຄນນໍ້າສະອາດ.ອ່ານເພິ່ມເຕີມ ...
RFA Lao
ສະພາແຫ່ງຊາດອະນຸມັດລະດັບລາຍຮັບຂັ້ນຕ່ຳສ່ວນບຸກຄົນທີ່ຍົກເວັ້ນອາກອນ
ວຽງຈັນ (ວຽງຈັນທາມສ໌/ANN) – ສະພາແຫ່ງຊາດໄດ້ອະນຸມັດຂໍ້ສະເໜີຂອງລັດຖະບານ ໃນການປັບປຸງລະດັບລາຍຮັບຂັ້ນຕ່ຳສ່ວນບຸກຄົນທີ່ຍົກເວັ້ນອາກອນ.ໃນກອງປະຊຸມສະໄໝສາມັນເທື່ອທີ 7 ຂອງສະພາແຫ່ງຊາດຊຸດທີ 8 ທີ່ຫຼັກ 6 ໃນວັນອັງຄານຜ່ານມາ, ສະມາຊິກສະພາຈຳນວນ 82 ເປີເຊັນໄດ້ລົງຄະແນນສຽງສະໜັບສະໜູນການເພີ່ມລະດັບລາຍຮັບຂັ້ນຕ່ຳສ່ວນບຸກຄົນທີ່ຍົກເວັ້ນອາກອນຈາກ 1 ລ້ານກີບມາເປັນ 1.3 ລ້ານກີບ.ອ່ານຕໍ່ ...
ເອກະພອນ ພູທອນສີ
http://annx.asianews.network/content/laos-na-approves-increase-tax-free-income-threshold-98794