ວຽງຈັນທາມສ໌

ເດັກນ້ອຍຊັ້ນປະຖົມ ແລະ ມັດທະຍົມ 400 ກວ່າຄົນຈາກທົ່ວປະເທດ ເຂົ້າຮ່ວມໃນການແຂ່ງຂັນຄະນິດສາດຄັ້ງທີ 5 ທີ່ສູນການຄ້າລາວໄອເຕັກ ນະຄອນຫຼວງວຽງຈັນ ໃນວັນອາທິດຜ່ານມານີ້ ເພື່ອທົດສອບທັກສະ ແລະ ຄວາມຮູ້ດ້ານການຄິດໄລ່ຕ່າງໆ.ການແຂ່ງຂັນຄັ້ງທີຫ້ານີ້ ແມ່ນຈັດຕັ້ງໂດຍໜ່ວຍງານເກັ່ງຄະນິດສາດ ພະແນກສຶກສານະຄອນຫຼວງວຽງຈັນ. ເຊິ່ງມີເປົ້າໝາຍເພື່ອພັດທະນາຄວາມສາມາດດ້ານຄະນິດສາດໃຫ້ແກ່ນັກຮຽນລາວ ຊຶ່ງຈຸດປະສົງໂດຍລວມກໍເພື່ອຍົກລະດັບຄວາມຮູ້ຂອງເດັກລາວໃຫ້ສາມາດແຂ່ງຂັນກັບສາກົນ.ອ່ານຕໍ່ ...

ຊ່ຽວຊານສາກົນໄດ້ສັງເກດເຫັນຄວາມຕັ້ງໃຈຂອງລັດຖະບານລາວ ໃນການສົ່ງເສີມ ແລະ ອະນຸລັກມໍລະດົກທາງທຳມະຊາດ ຜ່ານຄວາມພະຍາຍາມໃນການສະເໜີໃຫ້ປ່າສະຫງວນແຫ່ງຊາດ ຫີນໜາມໜໍ່ ເປັນມໍລະດົກໂລກ.ຂໍ້ສັງເກດດັ່ງກ່າວໄດ້ຍົກຂຶ້ນໃນກອງປະຊຸມທີມວິຊາການສະເພາະກິດ ເຊິ່ງຈັດຂຶ້ນຢູ່ນະຄອນວຽງຈັນ ໃນວັນຈັນຜ່ານມາ ເພື່ອທົບທວນຄວາມຄືບໜ້າໃນການແຕ່ງຕັ້ງສະຖານທີ່ທາງທຳມະຊາດຂອງລາວ ເປັນມໍລະດົກໂລກ.ອ່ານຕໍ່ ...

ອົງການຮ່ວມມືສາກົນແຫ່ງປະເທດຍີ່ປຸ່ນ (JICA) ຈະໃຫ້ການສະໜັບສະໜູນການກໍ່ສ້າງ ເພື່ອຍົກລະດັບພື້ນຖານໂຄງລ່າງນ້ຳປະປາ ຢູ່ແຂວງຫຼວງພະບາງ ແຕ່ປີ 2019-2022 ພາຍໃຕ້ຂໍ້ຕົກລົງການຊ່ວຍເຫຼືອລ້າມູນຄ່າ US$18.4 ລ້ານໂດລາ.ບໍລິສັດທີ່ປຶກສາ Nihon Suido ຈຳກັດຈະເປັນຜູ້ກະກຽມເອກະສານການປະມູນ, ຄັດເລືອກການປະມູນ ແລະ ກວດກາໂຄງການກໍ່ສ້າງດັ່ງກ່າວ. ທ່ານ ຂັນທອງ ວໍລະຈິດ ຫົວໜ້າພະແນກນ້ຳປະປາ, ກົມນ້ຳປະປາ, ກະຊວງໂຍທາທິການ ແລະ ຂົນສົ່ງກ່າວວ່າ ບໍລິສັດທີ່ປຶກສາ Nihon Suido ຈຳກັດ ຈະຄັດເລືອກບໍລິສັດຍີ່ປຸ່ນເພື່ອເລີ່ມຕົ້ນໂຄງການກໍ່ສ້າງໃນເດືອນເມສາປີໜ້າ ເຊິ່ງຈະໃຫ້ສຳເລັດໃນປີ 2022.ອ່ານຕໍ່  ...

ອຳນາດການປົກຄອງນະຄອນຫຼວງວຽງຈັນ ໃຫ້ການຢືນຢັນວ່າ ການຍົກລະດັບຖະໜົນໄລຍະ 9.4 ກມ ແຕ່ທາງແບ່ງຕານມີໄຊ ເມືອງໄຊທານີ ຫາທາງແບ່ງສີເກີດ ເມືອງນາຊາຍທອງ ນະຄອນຫຼວງວຽງຈັນ ຈະສຳເລັດພາຍໃນທ້າຍປີນີ້.ທ່ານ ສົມປະສົງ ຈັນທະວົງ ຫົວໜ້າທີ່ປຶກສາໂຄງການ ໄດ້ລາຍງານຜ່ານສຳນັກຂ່າວວຽງຈັນທາມສ໌ ມື້ວານນີ້ວ່າ ໂຄງການດັ່ງກ່າວມາເຖິງປະຈຸບັນແມ່ນດຳເນີນໄດ້ 72.62 ສ່ວນຮ້ອຍ ເຊິ່ງທາງຜູ້ຮັບເໝົາກຳລັງເລັ່ງມືການກໍ່ສ້າງ ເພື່ອໃຫ້ການຍົກລະດັບຖະໜົນດັ່ງກ່າວສຳເລັດໃນທ້າຍປີ 2019.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ສະຫະພາບຢູໂຣບ (ອີຢູ) ຈະສືບຕໍ່ໃຫ້ທຶນຊ່ວຍເຫຼືອເພີ່ມເຕີມ 135 ລ້ານກວ່າກີບ (14 ລ້ານຢູໂຣ) ສຳລັບໂຄງການສົ່ງເສີມການສຶກສາຂັ້ນພື້ນຖານໃນລາວ ເພື່ອຊ່ວຍເຫຼືອລາວໃນການປະຕິບັດແຜນພັດທະນາການສຶກສາ.ນີ້ແມ່ນຄຳເຫັນຈາກການຢ້ຽມຢາມກະຊວງສຶກສາທິການ ແລະ ກິລາຂອງຄະນະຜູ້ແທນ ອີຢູ ເຊິ່ງນຳໂດຍທ່ານ ປີແອ ອາມີຮັດ ອຳນວຍການປະຈຳພາກພື້ນອາຊີ, ອາຊີກາງ, ຕາເວັກອອກກາງ/ອ່າວ ແລະ ປາຊິຟິກ.ການພົບປະລະຫວ່າງຝ່າຍລາວ ແລະ ອີຢູດັ່ງກ່າວ ແມ່ນເພື່ອຢືນຢັນການຮ່ວມມື ໃນການສະໜັບສະໜູນການພັດທະນາຂະແໜງການສຶກສາໃນລາວ. ອ່ານຕໍ່ ...

ລັດຖະບານລາວ ຮ່ວມກັບອົງການສິ່ງແວດລ້ອມໂລກ ແລະ ອົງການອາຫານ ແລະ ການກະເສດສະຫະປະຊາຊາດ ຈັັດຕັ້ງໂຄງການ “ກະສິກຳທາງເລືອກທີ່ສາມາດປັບຕໍ່ສະພາບອາກາດ ສຳລັບລະບົບການຜະລິດເຂດພູດອຍ ໃນ ສປປ ລາວ.”ຈຸດປະສົງຕົ້ນຕໍຂອງໂຄງການ ແມ່ນເພື່ອເສີມຂະຫຍາຍຄວາມສາມາດໃນການຮອງຮັບ ຂອງຊຸມຊົນເຂດພູດອຍ ທີ່ອ່ອນໄຫວຕໍ່ຜົນຈາກການປ່ຽນແປງຂອງສະພາບອາກາດ ໃນລະບົບການຜະລິດເຂດພູດອຍ.ອ່ານຕໍ່ ...

ເຈົ້າໜ້າທີ່ສາທາລະນະສຸກລາວ ແລະ ຕາງໜ້າຈາກທະນາຄານໂລກ ໄດ້ຈັດກອງປະຊຸມວານນີ້ ເພື່ອຫາລືການກະກຽມຈັດຕັ້ງປະຕິບັດໂຄງການເຂົ້າເຖິງການບໍລິການດ້ານສຸຂະພາບ ແລະ ໂພຊະນາການ (HANSA), ໂດຍສະເພາະແມ່ນຕົວຊີ້ວັດກ່ຽວທີ່ເຊື່ອມໂຍງກັບການໃຊ້ຈ່າຍຕາມແຜນ.ໂຄງການ HANSA ແມ່ນແນໃສ່ຮັບປະກັນການເຂົ້າເຖິງການບໍລິການສາທາລະນະສຸກ ແລະ ໂພຊະນາການທີ່ມີຄຸນນະພາບໃນ 14 ແຂວງເປົ້າໝາຍຂອງລາວ.ກອງປະຊຸມດັ່ງກ່າວແມ່ນຈັດຂຶ້ນຢູ່ທີ່ຫໍປະຊຸມແຫ່ງຊາດ ນະຄອນຫຼວງວຽງຈັນ ພາຍໃຕ້ການເຂົ້າຮ່ວມຂອງທ່ານ ຮສ.ດຣ ບຸນກອງ ສີຫາວົງ ລັດຖະມົນຕີກະຊວງສາທາລະນະສຸກ, ເຈົ້າໜ້າທີ່ຈາກແຂວງເປົ້າໝາຍ ແລະ ຄູ່ຮ່ວມພັດທະນາ.ອ່ານຕໍ່ ...

ລັດຖະບານລາດຊະອານາຈັກລຸກຊຳບວກ ໄດ້ຕົກລົງສືບຕໍ່ການຊ່ວຍເຫຼືອ 11.7 ລ້ານກວ່າຢູໂຣ ໃນການຈັດຕັ້ງປະຕິບັດໂຄງການພັດທະນາໃນລາວ.ມື້ວານນີ້ ລຸກຊຳບວກໄດ້ລົງນາມໃນສາມຂໍ້ຕົກລົງກັບກະຊວງແຜນການ ແລະ ການລົງທຶນ ເພື່ອສືບຕໍ່ການຊ່ວຍເຫຼືອລາວ ໃນການປະຕິບັດເປົ້າໝາຍການພັດທະນາເສດຖະກິດ-ສັງຄົມແຫ່ງຊາດ.ອ່ານຕໍ່ ...

ລັດຖະບານສຸມໃສ່ຍົກລະດັບການເຂົ້າຮຽນຊັ້ນປະຖົມລະດັບສູງ ແລະ ຊັ້ນມັດທະຍົມຕົ້ນ ເພື່ອແນໃສ່ລົບລ້າງການກືກໜັງສື, ຕາມເຈົ້າໜ້າທີ່ການນຳ. ທ່ານນາງ ແສງເດືອນ ຫຼ້າຈັນທະບູນ ລັດຖະມົນຕີກະຊວງສຶກສາທິການ ແລະ ກິລາ ເປີດເຜີຍກ່ຽວກັບເຈດຈຳນົງຂອງລັດຖະບານໃນການລົບລ້າງການກືກໜັງສື ເນື່ອງໃນໂອກາດວັນຮູ້ໜັງສືສາກົນ ຄົບຮອບ 45 ປີ ໃນວັນເສົາວັນທີ 8 ກັນຍາຜ່ານມານີ້.ທ່ານໄດ້ກ່າວວ່າ ລັດຖະບານໄດ້ເອົາໃຈໃສ່ສົ່ງເສີມນັກຮຽນທີ່ຮຽນຈົບຊັ້ນປະຖົມ ໃຫ້ສືບຕໍ່ເຂົ້າຮຽນຊັ້ນມັດທະຍົມຕົ້ນ ເພື່ອແນ່ໃສ່ເປົ້າໝາຍໃຫ້ປະຊາຊົນລາວທຸກຄົນທີ່ມີອາຍຸລະຫວ່າງ 15-35 ປີ ໃຫ້ສຳເລັດການສຶກສາທຽບເທົ່າຊັ້ນມັດທະຍົມຕົ້ນ ພາຍໃນປີ 2020.ອ່ານຕໍ່ ...

ນັກສຶກສາມະຫາວິທະຍາໄລແຫ່ງຊາດລາວ (ມຊ) ແລະ ຜູ້ນຳໜຸ່ມ 30 ຄົນຈາກສິງກະໂປ ເຂົ້າຮ່ວມໂຄງການດຳເນີນງານເພື່ອຊຸມຊົນ ແລະ ແລກປ່ຽນແນວຄິດການນຳ ຂອງຊ່ຽວຊານມູນນິທິ Temasek ສາກົນ (TFI SCALE) ທີ່ວຽງຈັນ ໃນລະຫວ່າງວັນທີ 7-21 ກັນຍານີ້.ນັກສຶກສາລາວ, ເຈົ້າໜ້າທີ່ລະດັບສູງ, ພະນັກກງານ ແລະ ນັກສຶກສາຈາກສະຖາບັນວິຊາຊີບ Ngee Ann ຂອງສິງກະໂປ ໄດ້ເຕົ້າໂຮມກັນເພື່ອຮຽນຮູ້ກ່ຽວກັບວັດທະນາທະລາວ, ປະຫວັດສາດ, ສັງຄົມ, ການສຶກສາ ແລະ ການພັດທະນາເສດຖະກິດ-ສັງຄົມ ທີ່ສູນພັດທະນາມະນຸດລາວ-ຍີ່ປຸ່ນ, ມຊ.ອ່ານຕໍ່ ...