ວຽງຈັນທາມສ໌

ທະນາຄານພັດທະນາອາຊີ (ເອດີບີ) ແລະ ລັດຖະບານລາວໄດ້ລົງນາມໃນຂໍ້ຕົກລົງກ່ຽວກັບການຊ່ວຍເຫຼືອລ້າຕາມນະໂຍບາຍ ເປັນຈຳນວນ 30 ລ້ານໂດລາສະຫະລັດ ສຳລັບໂຄງການຍ່ອຍອັນດັບທີສອງຂອງໂຄງການຄຸ້ມຄອງຂະແໜງການສາທາລະນະສຸກ ເພື່ອຊ່ວຍຂະຫຍາຍຄວາມທົ່ວເຖິງດ້ານການປິ່ນປົວສຸຂະພາບ ແລະປັບປຸງການບໍລິການສາທາລະນະສຸກ.ອ່ານຕໍ່ ...

ກະຊວງແຮງງານ ແລະ ສະຫວັດດີການສັງຄົມ ແລະ ໜ່ວຍງານລັດຖະບານທີ່ກ່ຽວຂ້ອງ ໄດ້ຈັດບັ້ນປະຊຸມຮວມຮວມແນວຄິດໃນການຮ່າງຍຸດທະສາດການຈ້າງງານທີ່ກຳລັງເປັນຮູບເປັນຮ່າງ ເພື່ອຮັບປະກັນໃຫ້ທຸກໆຊົນເຜົ່າສາມາດເຂົ້າເຖິງການປະກອບອາຊີບ. ບັ້ນປະຊຸມດັ່ງກ່າວໄດ້ຈັດຂຶ້ນເພື່ອໃຫ້ໜ່ວຍງານທີ່ກ່ຽວຂອງໄດ້ມີສ່ວນຮ່ວມໃນການແບ່ງປັນແນວຄິດກ່ຽວກັບເນື້ອໃນຂອງຍຸດທະສາດດັ່ງກ່າວ ເພື່ອຮັບປະກັນໃຫ້ມີຄວາມຄົບຖ້ວນສົມບູນຫຼາຍທີ່ສຸດ.ອ່ານຕໍ່ ...

ໃນວັນຈັນນີ້ ລາວ ແລະ ຈີນ ໄດ້ເລີ່ມເປີດເສັ້ນທາງຂົນສົ່ງທາງອາກາດໃໝ່ ລະຫວ່າງສອງປະເທດ ເຊິ່ງບໍ່ພຽງແຕ່ແນໃສ່ສົ່ງເສີມການທ່ອງທ່ຽວເທົ່ານັ້ນ ແຕ່ຍັງເປັນການສົ່ງເສີມການຮ່ວມມືໃນຂະແໜງການຕ່າງໆນຳອີກ. ຖ້ຽວບິນໃໝ່ນີ້ ຈະໃຫ້ບໍລິການນັກທ່ອງທ່ຽວ ແລະ ຜູ້ເດີນທາງລະຫວ່າງ ວຽງຈັນ, ຫຼວງພະບາງ ຂອງລາວ ແລະ ມົນທົນໄຫໜານ ຂອງຈີນ. ນີ້ເປັນຂະແໜງການໜຶ່ງທີ່ລັດຖະບານຈີນຕ້ອງການເປີດກວ້າງ ພາຍໃຕ້ “ການລິເລີ່ມ ໜຶ່ງແຖບ ໜຶ່ງເສັ້ນທາງ” ເພື່ອສົ່ງເສີມການພົວພັນທາງດ້ານເສດຖະກິດ ແລະ ສັງຄົມລະຫວ່າງລາວ ແລະ ຈີນອ່ານຕໍ່ ...

ການລະບາດຂອງພະຍາດປາກເປື່ອຍລົງເລັບ ເຊິ່ງເລີ່ມຕົ້ນຢູ່ແຂວງຫົວພັນ ນັບແຕ່ເດືອນພະຈິກປີຜ່ານມາເປັນຕົ້ນມາ ໄດ້ຕິດແປດໃສ່ສັດລ້ຽງຫຼາຍກວ່າ 10,800 ໂຕ ແລະ ເຮັດໃຫ້ຕາຍອີກ 700 ໂຕ ຕາມການລາຍງານຂອງເຈົ້າໜ້າທີ່ໃນມື້ວານນີ້.​ ຄາດຄະເນມູນຄ່າສັດລ້ຽງທີ່ຕາຍແມ່ນຫຼາຍກວ່າ 1 ຕື້ກີບ.ອ່ານຕໍ່ ...

ຂົວມິດຕະພາບລາວ-ໄທແຫ່ງທີ 5 ເຊິ່ງເຊື່ອມຕໍ່ແຂວງບໍລິຄຳໄຊ ກັບຈັງຫວັດບຶງການປະເທດໄທ ຈະເລີ່ມລົງມືທຳການກໍ່ສ້າງ ຫຼັງຈາກໄດ້ຮັບການອະນຸມັດຈາກທັງສອງປະເທດຢ່າງເປັນທາງການ. ໜຶ່ງໃນພະນັກງານຊວງໂຍທາທິການ ແລະ ຂົນສົ່ງ ໄດ້ລາຍງານໜັງສືພິມວຽງຈັນທາມສ໌ໃນວັນອັງຄານນີ້ວ່າ ເຈົ້າໜ້າທີ່ຝ່າຍລາວແລະໄທ ໄດ້ທຳການອະນຸມັດແຜນການດັ່ງກ່າວແລ້ວໃນການພົບປະກັນຢູ່ປາກເຊ, ແຂວງຈຳປາສັກ ໃນຕົ້ນປີນີ້. ນອກຈາກນັ້ນຍັງມີການສະເໜີການກໍ່ສ້າງຂົວມິດຕະພາບແຫ່ງທີຫົກ ເພື່ອເຊື່ອມຕໍ່ແຂວງສາລະວັນ ກັບຈັງຫວັດອຸບົນລາດຊະທານີ.ອ່ານຕໍ່ ...

ມູນຄ່າຫຸ້ນທີ່ຊື້ຂາຍໃນຕະຫຼາດຫຼັກຊັບລາວ ມີການເຕີບຕົວຢ່າງວ່ອງໄວໃນປີທີ່ຜ່ານມາ ຕາມບົດລາຍງານຂອງທະນາຄານແຫ່ງ ສປປ ລາວ. ທະນາຄານກາງໄດ້ເປີດເຜີຍບົດລາຍງານປະຈຳປີ ເຊິ່ງສະແດງໃຫ້ເຫັນພາບລວມຂອງການພັດທະນາເສດຖະກິດຂອງລາວໃນປີທີ່ຜ່ານມາ ລວມທັງການຊື້ຂາຍໃນຕະຫຼາດຫຼັກຊັບລາວ ໜຶ່ງໃນຕະຫຼາດທຶນແຫ່ງໃໝ່ຂອງປະເທດອ່ານຕໍ່ ...

ເຈົ້າໜ້າທີ່ສາທາລະນະສຸກ ເມືອງເຟືອງແຂວງວຽງຈັນ ໄດ້ໝູນໃຊ້ສື່ສັງຄົມອອນໄລໃນການປະຕິບັດໜ້າທີ່ປະຈຳວັນ. ດຣ ອິນປອນ ມະນີແສງ ຫົວໜ້າຫ້ອງການສາທະລະນະສຸກເມືອງ ໄດ້ເປີດເຜີຍຕໍ່ວຽງຈັນທາມສ໌ວ່າ ເຈົ້າໜ້າທີ່ສາທາ ແລະ ອາສາສະໝັກສາທາບ້ານອມີການນຳໃຊ້ໂທລະສັບມືຖື ເພື່ອສ້າງເຄືອຂ່າຍສຳລັບການປະຕິບັດງານສຸກເສີນ.ອ່ານຕໍ່ ...

ເຈົ້າໜ້າທີ່ລະດັບສູງໄດ້ໃຫ້ຮູ້ວ່າ ປ້ຳນ້ຳມັນທີ່ເປີດກິດຈະການໃກ້ກັບສິ່ງອຳນວຍຄວາມສະດວກ ຫຼື ຕັ້ງຢູ່ໃກ້ພື້ນທີ່ຢູ່ອາໄສເກີນຄວນ ຕ້ອງຍ້າຍອອກພາຍໃນກຳນົດ 1 ປີນັບແຕ່ມື້ນີ້ເປັນຕົ້ນໄປ. ທ່ານ ນາງ ເຂັມມະນີ ພົນເສນາ ລັດຖະມົນຕີກະຊວງອຸດສາຫະກຳ ແລະ ການຄ້າ ໄດ້ອອກມະຕິໃນຊ່ວງຕົ້ນເດືອນນີ້ ກ່ຽວກັບການຈັດຕັ້ງປະຕິບັດ ດຳລັດນາຍົກລັດຖະມົນຕີ ສະບັບເລກທີ 133 ເພື່ອຈັດລະບຽບທຸລະກິດນ້ຳມັນ ລວມທັງປ້ຳນ້ຳມັນຕ່າງໆ.ອ່ານຕໍ່ ...

ລັດຖະບານໄດ້ທຳການທົດລອງໂຄງການປະຕູດຽວແຫ່ງຊາດລາວ (LNSW) ທີ່ດ່ານຊາຍແດນສາກົນ ເພື່ອເພີ່ມຄວາມໄວໃນການຊຳລະພາສີຍານພາຫະນະ ແລະ ເຊື່ອມໂຍງປະເທດລາວເຂົ້າກັບລະບົບປະຕູດຽວຂອງອາຊຽນ. ກົມພາສີ ກະຊວງການເງິນ ໄດ້ເຊັນບົດບັນທຶກຄວາມເຂົ້າໃຈກັບ ກົມຂົນສົ່ງ ກະຊວງໂຍທາທິການ ແລະ ຂົນສົ່ງ ໃນອາທິດທີ່ຜ່ານມາ ເພື່ອຮ່ວມມືກັນຈັດຕັ້ງປະຕິບັດຂະບວນການດັ່ງກ່າວ.ອ່ານຕໍ່ ...

ລາວ ແລະ ຫວຽດນາມໄດ້ອະນຸມັດແຜນການກໍ່ເສັ້ນທາງຫຼວງວຽງຈັນ-ຮ່າໂນ້ຍ ຕັດຜ່ານແຂວງບໍລິຄຳໄຊໃຈກາງຂອງລາວ ແລະ ແຂວງເງອັນໃຈກາງຂອງຫວຽດນາມ ເຊິ່ງມີຄວາມຍາວປະມານ 700 ກມ. ພະນັກງານແຂວງບໍລຄຳໄຊຜູ້ສະຫງວນນາມ ໄດ້ລາຍງານຕໍ່ສຳນັກຂ່າວວຽງຈັນທາມສ໌ໃນມື້ວັນຈັນນີ້ວ່າ ເສັ້ນທາງຫຼວງດັ່ງກ່າວຈະຕັດຂະໜານໄປກັບເສັ້ນທາງເລກທີ 13 ໃຕ້ເດີມ ແລ້ວຫັກເຂົ້າໃສ່ຊາຍແດນລາວຫວຽດ ນ້ຳ​ພາວ-ແກວເຈົາ ທີ່ເມືອງຄຳເກີດແຂວງບໍລິຄຳໄຊ.ອ່ານຕໍ່ ...