Vientiane Times/ANN

ວຽງຈັນ (ວຽງຈັນທາມສ໌) – ໃນວັນພະຫັດນີ້ ບັນດາສະມາຊິກ ສະພາແຫ່ງຊາດ (ສພຊ) ໄດ້ຊຸກຍູ້ລັດຖະບານ ໃຫ້ອອກມາດຕະການທີ່ເຂັ້ມງວດ ເພື່ອສະກັດກັ້ນການກະທຳຜິດທີ່ກ່ຽວຂ້ອງກັບການເງິນຂອງລັດ ພາຍຫຼັງຮູ້ມາວ່າ ການກະທຳຜິດໃນລັກສະນະດັ່ງກ່າວເກີດຂຶ້ນເປັນປົກກະຕິ.ໃນລະຫວ່າງການຫາລືໃນກອງປະຊຸມ ທີ່ອະນຸຍາດໃຫ້ສະມາຊິກສະພາມີຄຳເຫັນກ່ຽວກັບບົດລາຍງານຂອງອົງການກວດສອບແຫ່ງລັດ, ນັກສ້າງກົດໝາຍໄດ້ກ່າວວ່າ ມັນບໍ່ມີຄວາມໝາຍຫຍັງ ຖ້າລັດຖະບານບໍ່ດຳເນີນການລົງໂທດ ທັນທີ່ທີ່ມີການກວດພົບການກະທຳຜິດ ໂດຍຄະນະກວດສອບ.ນອກນີ້ ຍັງມີຄຳເຫັນວ່າ ລັດຖະບານຄວນພິຈາລະນາຄວາມເປັນໄປໄດ້ໃນການອະນຸຍາດໃຫ້ອຳນາດການປົກຄອງທ້ອງຖິ່ນ ນຳໃຊ້ເງິນຂອງລັດ ທີ່ບໍ່ນອນຢູ່ໃນແຜນງົບປະມານ ໃນກໍລະນີສຸກເສີນ, ເພື່ອໃຫ້ເຂົາເຈົ້າສາມາດແກ້ໄຂບັນຫາໃຫ້ທ່ວງທັນກັບສະພາບການ ເມື່ອເກີດໄພພິບັດ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ເສື້ອຜ້າທີ່ຜະລິດໃນລາວບາງປະເພດ ບໍ່ເປັນທີ່ສົນໃຈຕໍ່ຕະຫຼາດສົ່ງອອກ ເນື່ອງຈາກມີຄຸນນະພາບທີ່ຕ່ຳກວ່າມາດຕະຖານ, ໃນຂະນະທີ່ຜູ້ຜະລິດຫຼາຍເຈົ້າ ແນໃສ່ວາງຈຳໜ່າຍຕາມຕະຫຼາດພາຍໃນເປັນຫຼັກ.“ເສື້ອຜ້າທີ່ພວກເຮົາຜະລິດ ແມ່ນແນໃສ່ກຸ່ມຜູ້ບໍລິໂພກໃນນະຄອນຫຼວງວຽງຈັນ ແລະ ຕ່າງແຂວງ. ພວກເຮົາບໍ່ມີແຜນຜະລິດເພື່ອການສົ່ງອອກເທື່ອ ຍ້ອນວ່າພວກເຮົາບໍ່ມີກຳລັງໃນການຊື້ເຄື່ອງຈັກທີ່ທັນສະໄໝ ແລະ ຍົກລະດັບທັກສະຝີມືແຮງງານ, ເຊິ່ງຕ້ອງໃຊ້ທຶນຮອນອັນມະຫາສານ,” ທ່ານນາງ ສຸພາລິດ ຈັນທະຫຼວງລາດ ເຈົ້າຂອງທຸລະກິດຕັດຫຍິບແຫ່ງໜຶ່ງໃນນະຄອນຫຼວງວຽງຈັນກ່າວ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລາວ ແລະ ຄິວບາ ໄດ້ຕົກລົງເສີມຂະຫຍາຍການຮ່ວມມື ດ້ານສາທາລະນະສຸກ ແລະ ວິທະຍາສາດການແພດ.ຂໍ້ຕົກລົງໄດ້ມີການລົງນາມ ທີ່ນະຄອນຮາວານາ ໃນລະຫວ່າງການຢ້ຽມຢາມປະເທດຄິວບາຢ່າງເປັນທາງການ ຂອງທ່ານ ສະເຫຼີມໄຊ ກົມມະສິດ ລັດຖະມົນຕີກະຊວງການຕ່າງປະເທດລາວ ໃນລະຫວ່າງວັນທີ 11-12 ພະຈິກນີ້ ຕາມຄຳເຊີນຂອງທ່ານບຼູໂນ ໂຣດິຼເກສ໌ ພາຣີລາ, ຕາມການເປີດເຜີຍຂອງກະຊວງການຕ່າງປະເທດລາວ.ທັງສອງທ່ານໄດ້ຮ່ວມລົງນາມໃນຂໍ້ຕົກລົງສອງສະບັບຄື ຂໍ້ຕົກລົງການຮ່ວມມືລະຫວ່າງລັດຖະບານລາວ ແລະ ລັດຖະບານຄິວບາ ແລະ ບົດບັນທຶກຄວາມເຂົ້າໃຈໃນວຽກງານສາທາລະນະສຸກ ແລະ ວິທະຍາສາດສຸຂະພາບ ລະຫວ່າງກະຊວງສາທາລະນະສຸກຂອງສອງປະເທດ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ວານນີ້ ກະຊວງກະສິກຳ ແລະ ປ່າໄມ້ ໄດ້ຂຶ້ນປ້ອງກັນການຕັດສິນໃຈໃນການຫຼຸດຜ່ອນເປົ້າໝາຍການຜະລິດເຂົ້າສຳລັບປີ 2019 ຢ່າງຫຼີກລ່ຽງບໍ່ໄດ້ ຍ້ອນໄພນ້ຳຖ້ວມທີ່ຮ້າຍແຮງທີ່ເກີດຂຶ້ນໃນປີນີ້ ​ແລະ ປີຜ່ານມາ.ໃນຂະນະດຽວກັນ ທາງພາກເໜືອກໍກຳລັງປະສົບພາວະຂາດແຄນນ້ຳ.ທ່ານ ປອ ຫຼຽນ ທິແກ້ວ ລັດຖະມົນຕີກະຊວງກະສິກຳ ແລະ ປ່າໄມ້ ໄດ້ສະເໜີຕໍ່ທີ່ປະຊຸມສະພາແຫ່ງຊາດວ່າ ໄພນ້ຳຖ້ວມໃນພື້ນທີ່ອັນກວ້າງຂວາງ ບວກກັບບັນຫາການຂາດແຄນນ້ຳ ເຮັດໃຫ້ກະຊວງຕ້ອງຫຼຸດຜ່ອນເປົ້າໝາຍການຜະລິດເຂົ້າ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດຖະບານ ໄດ້ອອກຄຳສັ່ງແນະນຳໃຫ້ຜູ້ປະກອບການ ທີ່ນຳເຂົ້າ ແລະ ຈຳໜ່າຍຍານພາຫະນະ ຍື່ນສະເໜີເອກະສານຂອງຕົນ ຕໍ່ກົມການນຳເຂົ້າ ແລະ ສົ່ງອອກ, ກະຊວງອຸດສາຫະກຳ ແລະ ການຄ້າ ບໍ່ໃຫ້ກາຍວັນທີ 29 ພະຈິກ.ຖ້າວ່າ ຜູ້ປະກອບການໃດ ບໍ່ມາຍື່ນສະເໜີເອກະສານຂອງຕົນ, ອາດຖືກລະງັບໃບອະນຸຍາດດຳເນີນທຸລະກິດ ແລະ ຈະບໍ່ໄດ້ຮັບອະນຸຍາດໃຫ້ນຳເຂົ້າຍານພາຫະນະ.ກະຊວງອຸດສາຫະກຳ ແລະ ການຄ້າ ໄດ້ຮັບການແຕ້ງຕັ້ງໃຫ້ດຳເນີນການຕິດຕາມ ແລະ ເກັບກຳສະຖິຕິຈາກຫົວໜ່ວຍທຸລະກິດ ທີ່ມີກິດຈະກຳ ແລະ ມາດຕະຖານການບໍລິການບໍ່ຈະແຈ້ງ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ບໍລິສັດ China Southern Power Grid (CSG) ແລະ ລັດວິສາຫະກິດໄຟຟ້າລາວ (EDL) ຈະຮ່ວມທີມກັນ ໃນການສະໜອງພະລັງງານ ສຳລັບເສັ້ນທາງລົດໄຟໃໝ່ ເຊິ່ງໄດ້ມີພິທີຖະແຫຼງການຈັດຕັ້ງວິສາຫະກິດຮ່ວມປະສົມ ທີ່ວຽງຈັນ ໃນອາທິດແລ້ວນີ້.ວິສາຫະກິດຮ່ວມປະສົມດັ່ງກ່າວ ໃສ່ຊື່ຢ່າງເປັນທາງການວ່າ ບໍລິສັດການລົງທຶນດ້ານພະລັງງານລາວ-ຈີນ. ທ່ານ ປອ ຄຳມະນີ ອິນທິລາດ ລັດຖະມົນຕີກະຊວງພະລັງງານ ແລະ ບໍ່ແຮ່ ແລະ ທ່ານ ປີ້ ຢາຊຽງ ຮອງປະທານບໍລິສັດ CSG ໄດ້ຮ່ວມຖະແຫຼງກ່ຽວກັບການເປີດຕົວວິສາຫະກິດຮ່ວມປະສົມດັ່ງກ່າວ ພາຍໃຕ້ການເປັນສັກຂີພະຍານຂອງທ່ານ ຈຽງ ໄຈຕົງ ເອກອັກຄະລັດຖະທູດຈີນປະຈຳລາວ. ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດຖະບານຈະປັບປຸງແບບວິທີການເຮັດວຽກໃນທົ່ວປະເທດ ເພື່ອຈຸດປະສົງເພີ່ມທະວີປະສິດທິຜົນໃນການຈັດຕັ້ງປະຕິບັດນະໂຍບາຍຂອງພັກ ແລະ ລັດ, ຕາມທ່ານ ທອງລຸນ ສີສຸລິດ ນາຍົກລັດຖະມົນຕີ.ຕໍ່ທີ່ປະຊຸມສະພາແຫ່ງຊາດໃນອາທິດແລ້ວນີ້, ທ່ານ ທອງລຸນ ໄດ້ກ່າວກ່ຽວກັບການປັບປຸງແບບວິທີການເຮັດວຽກຂອງລັດຖະບານ ເພື່ອແນໃສ່ຮັບປະກັນການຈັດຕັ້ງປະຕິບັດນະໂຍບາຍຂອງລັດຖະບານ ໃຫ້ມີປະສິດທິພາບ ແລະ ປະສິດທິຜົນຍິ່ງຂຶ້ນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ມື້ວານນີ້ ສະມາຊິກສະພາແຫ່ງຊາດ ໄດ້ສືບຕໍ່ຫາລືກ່ຽວກັບການປະຕິບັດໜ້າທີ່ຂອງລັດຖະບານ, ໂດຍເນັ້ນເຖິງຄວາມຈຳເປັນໃນການຮັບປະກັນການປະຕິບັດນະໂຍບາຍ ແລະ ການປະສານງານໃຫ້ມີປະສິດທິພາບ, ເຖິງວ່າລັດຖະບານຈະປະສົບຄວາມສຳເລັດໃນຫຼາຍດ້ານແລ້ວກໍຕາມ.ໃນທີ່ປະຊຸມສະພາແຫ່ງຊາດ, ບັນດາສະມາຊິກສະພາ ໄດ້ໃຫ້ຄຳເຫັນກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ ໃນຊ່ວງເກົ້າເດືອນຂອງປີນີ້.ໂດຍລວມ ທີ່ປະຊຸມກໍໄດ້ສະແດງຄວາມຍິນດີຕໍ່ຜົນສຳເລັດ ທີ່ລັດຖະບານສາມາດເຮັດໄດ້ ແລະ ຮັບຮູ້ເຖິງຄວາມພະຍາຍາມຂອງລັດຖະບານ ໃນການປະຕິບັດແຜນພັດທະນາແຫ່ງຊາດ ໃຫ້ໄດ້ຕາມເປົ້າໝາຍທີ່ກຳນົດ ພາຍໃຕ້ການຫຼຸດຜ່ອນຂອງເສດຖະກິດທົ່ວໂລກ ແລະ ຜົນກະທົບຈາກໄພທຳມະຊາດ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ທ່ານ ທອງລຸນ ສີສຸລິດ ນາຍົກລັດຖະມົນຕີ ເຫັນດີກັບແນວຄິດໃນການຈັດຕັ້ງຄະນະສະເພາະກິດ ຕາມການສະເໜີຂອງ ສະພາການຄ້າ ແລະ ອຸດສາຫະກຳແຫ່ງຊາດລາວ (LNCCI), ເພື່ອແກ້ໄຂບັນຫາທີ່ຍັງຄົງຄ້າງ ກ່ຽວກັບການປັບປຸງສະພາບແວດລ້ອມການດຳເນີນທຸລະກິດ.ທ່ານນາຍົກ ໄດ້ໃຫ້ການສະໜັບສະໜູນການສ້າງຕັ້ງກຸ່ມເຮັດວຽກພິເສດ ໃນກອງປະຊຸມທຸລະກິດລາວ ຄັ້ງທີ 12 ໃນວັນອັງຄານນີ້, ໂດຍເຫັນວ່າເປັນການສົ່ງເສີມ ແລະ ເພີ່ມທະວີປະສິດທິຜົນດ້ານການຮ່ວມມືລະຫວ່າງຂະແໜງການລັດ ແລະ ເອກະຊົນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ການກໍ່ສ້າງເສັ້ນທາງລົດໄຟລາວ-ຈີນ ໄລຍະທາງ 414-ກມ ຈາກຊາຍແດນຈີນ ເຖິງນະຄອນຫຼວງວຽງຈັນ ດຳເນີນໄປໄດ້ດີ ແລະ ປະຈຸບັນແມ່ນສຳເລັດແລ້ວ 78.2 ສ່ວນຮ້ອຍ.ຕາມບົດລາຍງານຂອງຄະນະຄຸ້ມຄອງຄອງການ ເມື່ອວັນທີ 30 ກັນຍາ, ໂຄງສ້າງທີ່ສຳຄັນທຸກຢ່າງ ເຊັ່ນ ອຸໂມງ, ຂົວ, ແລະ ຕົວຮອງຮັບທາງລົດໄຟຊັ້ນເທິງ ແມ່ນກໍ່ສ້າງສຳເລັດແລ້ວ. ແຕ່ວ່າການປູລາງລົດໄຟ ພ້ອມດ້ວຍອຸປະກອນອຳນວຍຄວາມສະດວກອື່ນໆ ຍັງບໍ່ທັນສຳເລັດ ເນື່ອງຈາກຢູ່ໃນຂໍ້ຕົກລົງຄົນລະສະບັບ.ອ່ານຕໍ່ ...