Vientiane Times/ANN

ວຽງຈັນ (ວຽງຈັນທາມສ໌/ANN) – ໂຄງການເຂື່ອນໄຟຟ້ານ້ຳອູ ໄລຍະທີສອງ ເຊິ່ງລວມມີເຂື່ອນໝາຍເລກ 1, 3, 4 ແລະ 7, ຄາດວ່າຈະເລີ່ມການປະຕິບັດການພາຍໃນທ້າຍປີນີ້.ຄະນະກຳມະການກວດສອບໂຄງການ, ພາຍໃຕ້ການມີສ່ວນຮ່ວມຂອງຂະແໜງການຂັ້ນສູນກາງ ແລະ ທ້ອງຖິ່ນ ແລະ ເຈົ້າຂອງໂຄງການ, ໄດ້ຮ່ວມປະຊຸມຢູ່ແຂວງຫຼວງພະບາງ ໃນວັນຈັນນີ້ ເພື່ອລາຍງານຄວາມຄືບໜ້າຂອງໂຄງການ ແລະ ຫາລືວິທີການໃນການແກ້ໄຂບັນຫາທາງສັງຄົມ ແລະ ສິ່ງແວດລ້ອມ.ການກໍ່ສ້າງໂຮງງານໄຟຟ້ານ້ຳອູ 1 ແມ່ນສຳເລັດແລ້ວ 71 ສ່ວນຮ້ອຍ, ໃນຂະນະທີ່ເຂື່ອນນ້ຳອູ 3 ແມ່ນສຳເລັດແລ້ວ 60 ສ່ວນຮ້ອຍ, ແລະ ເຂື່ອນໝາຍເລກ 4 ແລະ 7 ແມ່ນສຳເລັດແລ້ວ 72 ສ່ວນຮ້ອຍ, ຕາມການລາຍງານຂອງກົມຄຸ້ມຄອງທຸລະກິດດ້ານພະລັງງານ ຂອງກະຊວງພະລັງງານ ແລະ ບໍ່ແຮ່.ອ່ານຕໍ່ ...

ທ່ານ ອາລຸນແກ້ວ ກິດຕິຄຸນ ລັດຖະມົນຕີປະຈຳສຳນັກງານນາຍົກລັດຖະມົນຕີ ແລະ ຮອງປະທານຄະນະກຳມະການເພື່ອການພັດທະນາແມ່ຍິງ, ແມ່ ແລະ ເດັກ,​ແລະ ທ່ານ ໂຣຊິນ ກາບຼຽວ ອຳນວຍການອົງການສຸພະນິມິດປະຈຳລາວ ໄດ້ລົງຢ້ຽມຢາມ ໂຄງການຕ່າງໆຂອງອົງການສຸພະນິມິດ ຢູ່ແຂວງສະຫວັນນະເຂດ ໃນອາທິດແລ້ວນີ້.ໂຄງການດັ່ງກ່າວແມ່ນແນໃສ່ວຽກງານການສຶກສາ, ໂພຊະນາການ, ນ້ຳ ແລະ ສຸຂາພິບານ, ຊີວິດການເປັນຢູ່, ແລະ ການປົກປ້ອງ ແລະ ການມີສ່ວນຮ່ວມຂອງເດັກ.ອ່ານຕໍ່ ...

ລັດຖະບານຍີ່ປຸ່ນ ໄດ້ຕົກລົງມອບອຸປະກອນໃຫ້ແກ່ລາວ ເພື່ອຊ່ວຍເຫຼືອໃນການສ້າງຄວາມສາມາດດ້ານການກະກຽມ, ຈັດການ ແລະ ຮັບມືກັບໄພພິບັດທາງທຳມະຊາດ, ຕາມການເປີດເຜີຍຂອງກະຊວງການຕ່າງປະເທດ.ກົມການຂ່າວຂອງກະຊວງໄດ້ຖະແຫຼງໃນມື້ວານນີ້ວ່າ ທ່ານ ເຄນຈິ ວາຄາມິຢະ ລັດຖະມົນຕີກະຊວງການຕ່າງປະເທດຂອງຍີ່ປຸ່ນ ໄດ້ຢືນຢັນການຊ່ວຍເຫຼືອທີ່ບໍ່ກ່ຽວກັບໂຄງການຂອງລັດຖະບານຍີ່ປຸ່ນສຳລັບປະເທດລາວ ໃນລະຫວ່າງການຈັດກອງປະຊຸມພາຄີກັບກະຊວງການຕ່າງປະເທດລາວລາວ ນຳໂດຍທ່ານ ທອງພັນ ສະຫວັນເພັດ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຂະແໜງການລັດ ແລະ ເອກະຊົນຈະຮ່ວມມືກັນໃນການຈັດການກັບບັນຫາທີ່ເປັນອຸປະສັກຕໍ່ຂະແໜງການທ່ອງທ່ຽວ ເຊິ່ງເປັນສ່ວນໜຶ່ງຂອງພາລະກິດລັດຖະບານ ໃນການສົ່ງເສີມການປະກອບສ່ວນຂອງຂະແໜງການບໍລິການໃນການພັດທະນາເສດຖະກິດ.ໃນວັນສຸກແລ້ວນີ້ ສະພາການຄ້າ ແລະ ອຸດສາຫະກຳແຫ່ງຊາດລາວ (LNCCI) ໄດ້ຈັດກອງປະຊຸມພິເສດ ເພື່ອຄົ້ນຄວ້າຫາລື ກ່ຽວກັບວິທີການໃນການສົ່ງເສີມອຸດສະຫະກຳການທ່ອງທ່ຽວ.ປະທານຮ່ວມໃນກອງປະຊຸມປຶກສາຫາລືກ່ຽວກັບການທ່ອງທ່ຽວດັ່ງກ່າວ ມີທ່ານ ສະຫວັນກອນ ຣາຊມຸນຕຼີ ຮອງລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ, ແລະ ທ່ານ ດາວວອນ ພະຈັນທະວົງ ຮອງປະທານບໍລິຫານ LNCCI, ພາຍໃຕ້ການເຂົ້າຮ່ວມຂອງຂະແໜງການລັດ ແລະ ເອກະຊົນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ເຂດເສດຖະກິດພິເສດ ສະຫວັນ-ເຊໂນ ປະຕິບັດໜ້າທີ່ໄດ້ດີ, ສາມາດສ້າງຊື່ສຽງທີ່ດີໃຫ້ແກ່ເຂດ ແລະ ປະເທດຊາດ ແລະ ສາມາດດຶງດູດຄວາມສົນໃຈຂອງນັກລົງທຶນຕ່າງປະເທດໄດ້ດີ, ທ່ານ ປອ ສອນໄຊ ສີພັນດອນ ກ່າວຫວ່າງໝໍ່ໆມານີ້.ທ່ານ ສອນໄຊ ໄດ້ໃຫ້ຄຳເຫັນດັ່ງກ່າວໃນລະຫວ່າງການຢ້ຽມຢາມເຂດເສດຖະກິດພິເສດ ສະຫວັນ- ເຊໂນ ເຂດ C – ນິຄົມອຸດສາຫະກຳສະຫວັນ ແລະ ທ່າເຮືອບົກສະຫວັນນະເຂດ ໃນວັນທີ 3 ຕຸລານີ້. ເຂດດັ່ງກ່າວ ແມ່ນຕັ້ງຢູ່ໃຈກອງຂອງ ເສັ້ນທາງເສດຖະກິດ ຕາເວັນອອກ-ຕາເວັນຕົກ ແລະ ເປັນຈຸດເຊື່ອມຕໍ່ທີ່ດີທີ່ສຸດຂອງພາກພື້ນອາຊຽນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ກອງປະຊຸມສະຖາບັນກວດສອບຂັ້ນສູງສາກົນ ຄັ້ງທີ XXIII (XXIII INCOSAI) ທີ່ປະເທດລັດເຊຍ ຫວ່າງໝໍ່ໆມານີ້ ມີຜູ້ເຂົ້າຮ່ວມທັງໝົດ 600 ກວ່າຄົນຈາກ 168 ສະຖາບັນ ເຊິ່ງເປັນສະມາຊິກຂອງອົງການສະຖາບັນກວດສອບຂັ້ນສູງສາກົນ (INTOSAI).ຄະນະຜູ້ແທນລາວທີ່ເດີນທາງເຂົ້າຮ່ວມໃນກອງປະຊຸມດັ່ງກ່າວ ນຳໂດຍທ່ານ ປອ. ວຽງທອງ ສີພັນດອນ ປະທານອົງການກວດສອບແຫ່ງລັດ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ອົງການປ້ອງກັນຫຼຸດຜ່ອນຄວາມສ່ຽງໄພ ຂອງສະຫະລັດອາເມລິກາ ໄດ້ໃຫ້ທຶນຊ່ວຍເຫຼືອ 5.4 ຕື້ກວ່າກີບ (US$617,744 ໂດລາ) ເພື່ອດຳເນີນໂຄງການພັດທະນາເຄືອຂ່າຍເຝົ້້າລະວັງການລະບາດຂອງພະຍາດສັດປ່າໃນລາວ.ບົດບັນທຶກຄວາມເຂົາໃຈຂອງໂຄງການດັ່ງກ່າວ ໄດ້ມີການລົງນາມທີ່ນະຄອນວຽງຈັນ ໃນວັນສຸກຜ່ານມານີ້ ລະຫວ່າງທ່ານ ປອ. ສີທອງ ພິພຸຄະວົງ ຮອງຫົວໜ້າກົມລ້ຽງສັດ ແລະ ການປະມົງ ກະຊວງກະສິກຳ ແລະ ປ່າໄມ້, ແລະ ທ່ານ ປອ. ສັນຕິ ໄຊປັນຍາ ຫົວໜ້າອົງການອະນຸລັກສັດປ່າປະຈຳລາວ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລະບຽບການສະບັບໃໝ່ ຮຽກຮ້ອງໃຫ້ໂຄງການລົງທຶນຂອງລັດຕ້ອງຈັດສັນຜ່ານການປະມູນໂຄງການ ໃນການຈັດຈ້າງບໍລິສັດທີ່ປຶກສາເພື່ອດຳເນີນການສຶກສາຄວາມເປັນໄປໄດ້, ການສຳຫຼວດ ແລະ ອອກແບບໂຄງການ, ເພື່ອຮັບປະກັນການນຳໃຊ້ງົບປະມານຂອງລັດໃຫ້ມີປະສິດທິພາບ .ທ່ານ ປອ. ສຸພັນ ແກ້ວມີໄຊ ລັດຖະມົນຕີກະຊວງແຜນການ ແລະ ການລົງທຶນ ໄດ້ອອກຄຳສັ່ງແນະນຳສະບັບໃໝ່ກ່ຽວກັບການພິຈາລະນາ ແລະ ຈັດຕັ້ງປະຕິບັດກົດໝາຍວ່າດ້ວຍການລົງທຶນຂອງລັດ ເຊິ່ງປະກາດໃຊ້ໃນວັນທີ່ 15​ ທັນວາ 2015.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ກະຊວງແຮງງານ ແລະ ສະຫວັດດີການສັງຄົມ ກຳລັງເຮັດວຽກສົມທົບກັບ ສະຫະພັນກຳມະບານລາວ ແລະ ຕາງໜ້າຂະແໜງແຮງງານ ເພື່ອສະຫຼຸບຂໍ້ສະເໜີສຳລັບການຈັດຕັ້ງຄ່າແຮງງານຂັ້ນຕ່ຳ.ການຈັດຕັ້ງ ແລະ ການປັບຂຶ້ນຄ່າແຮງງານຂັ້ນຕ່ຳແມ່ນ ແນໃສ່ສົ່ງເສີມລາຍຮັບ ແລະ ປັບປຸງສະຫວັດດີການສຳລັບຜູ້ອອກແຮງງານທີ່ມີລາຍຮັບຕ່ຳ, ແລະ ເພື່ອຫຼຸດຜ່ອນຄວາມບໍ່ສະເໝີພາບ ແລະ ສົ່ງເສີມການຄອບຄຸມທົ່ງສັງຄົມ.ໃນລະຫວ່າງກອງປະຊຸມຫາລືສາມຝ່າຍ ໃນອາທິດແລ້ວນີ້ ຜູ້ເຂົ້າຮ່ວມໄດ້ສົນທະນາປຶກສາຫາລືກ່ຽວກັບຄວາມເປັນໄປໄດ້ໃນການປັບຂຶ້ນຄ່າແຮງງານຂັ້ນຕ່ຳ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລະດັບນ້ຳງື່ມທີ່ຫຼຸດຕ່ຳກວ່າປົກກະຕິ ພວມສ້າງຄວາມບໍ່ໝັ້ນໃຈໃນການສະໜອງນ້ຳໃຫ້ພໍພຽງຕໍ່ການຜະລິດໃນລະດູແລ້ງ ແລະ ສົ່ງຜົນກະທົບຕໍ່ການຜະລິດກະແສໄຟຟ້າໃນໂຮງງານໄຟຟ້ານ້ຳງື່ມ 1.ຕາມການສຳພາດທ່ານ ບຸນທັບ ວົງໄຊ ຮອງເຈົ້າເມືອງ ເມືອງທຸລະຄົມ ແຂວງວຽງຈັນ ຜ່ານສຳນັກຂ່າວເສດຖະກິດສັງຄົມ ໃຫ້ຮູ້ວ່າ ນັບແຕ່ຊ່ວງຕົ້ນເດືອນແລ້ວນີ້ ລະດັບນ້ຳໃນແມ່ນ້ຳງື່ມແມ່ນຕ່ຳກວ່າລະດັບປົກກະຕິຢູ່ 3-4 ແມັດທຽບກັບໄລຍະດຽວກັນຂອງປີຜ່ານມາ.ອ່ານຕໍ່ ...