News

ວຽງຈັນ (ວຽງຈັນທາມສ໌/ANN) – ຂະແໜງການປູກຜັກຂອງລາວກຳລັງຜະເຊີນກັບສິ່ງທ້າທາຍຫຼາຍຢ່າງ ເຊິ່ງຕ້ອງການຄວາມຊ່ຽວຊານ ແລະ ປະສົບການຂອງຜູ້ມີສ່ວນຮ່ວມ, ຂະແໜງການລັດ ແລະ ເອກະຊົນ ແລະ ຄູ່ຮ່ວມພັດທະນາ ເພື່ອປັບປຸງຍົກລະດັບຄວາມສາມາດດ້ານການຜະລິດ ແລະ ການສ້າງຜົນກຳໄລ.ກອງປະຊຸມຂະແໜງປູກຜັກລະດັບພາກພື້ນ ພາຍໃຕ້ຫົວຂໍ້ “ການສະໜັບສະໜູນການນຳໃຊ້ການແຊກແຊງຂອງທຸລະກິດລາຍຍ່ອຍ ເພື່ອການຜະລິດພືດຜັກແບບຍືນຍົງຕະຫຼອດປີ ” ໄດ້ຈັດຂຶ້ນທີ່ວຽງຈັນວານນນີ້.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ໂຮງຮຽນທາງພາກໃຕ້ຂອງລາວຫຼາຍແຫ່ງ ຕ້ອງຢຸດການຮຽນການສອນຊົ່ວຄາວ ເນື່ອງຈາກນ້ຳຖ້ວມເຊິ່ງເປັນຜົນຈາກພະຍຸເຂດຮ້ອນໂພດູ ເຊິ່ງໄດ້ສ້າງຄວາມເສຍຫາຍໃຫ້ແກ່ພື້ນຖານໂຄງລ່າງ ກໍຄືອາຄານຫ້ອງຮຽນ.ເດັກນ້ອຍນັກຮຽນຫຼາຍຄົນຍັງຄົງລໍຖ້າເຂົ້າໂຮງຮຽນ ໃນຂະນະທີ່ເຈົ້າໜ້າທີ່ທ້ອງຖິ່ນກຳລັງເລັ່ງມືໃນການສ້ອມແປງອາຄານຮຽນທີ່ໄດ້ຮັບຜົນກະທົບ ແລະ ຈັດຫາອຸປະກອນການສຶກສາຊຸດໃໝ່.ແຂວງສາລະວັນແມ່ນໜຶ່ງໃນແຂວງທີ່ໄດ້ຮັບຜົນກະທົບໜັກສຸດ ມີໂຮງຮຽນທີ່ປະສົບໄພນ້ຳຖ້ວມ 194 ແຫ່ງຢູ່ເມືອງສາລະວັນ, ວາປີ ແລະ ຄົງເຊໂດນ ໃນຊ່ວງວັນທີ 2-6 ກັນຍານີ້, ເຊິ່ງເປັນອາທິດທຳອິດຂອງການເປີດສົກຮຽນໃໝ່ໃນທົ່ວປະເທດ.ອ່ານຕໍ່ ...

ເຈົ້າໜ້າທີ່ສາທາລະນະສຸກລາວ ແລະ ຕາງໜ້າຈາກທະນາຄານໂລກ ໄດ້ຈັດກອງປະຊຸມວານນີ້ ເພື່ອຫາລືການກະກຽມຈັດຕັ້ງປະຕິບັດໂຄງການເຂົ້າເຖິງການບໍລິການດ້ານສຸຂະພາບ ແລະ ໂພຊະນາການ (HANSA), ໂດຍສະເພາະແມ່ນຕົວຊີ້ວັດກ່ຽວທີ່ເຊື່ອມໂຍງກັບການໃຊ້ຈ່າຍຕາມແຜນ.ໂຄງການ HANSA ແມ່ນແນໃສ່ຮັບປະກັນການເຂົ້າເຖິງການບໍລິການສາທາລະນະສຸກ ແລະ ໂພຊະນາການທີ່ມີຄຸນນະພາບໃນ 14 ແຂວງເປົ້າໝາຍຂອງລາວ.ກອງປະຊຸມດັ່ງກ່າວແມ່ນຈັດຂຶ້ນຢູ່ທີ່ຫໍປະຊຸມແຫ່ງຊາດ ນະຄອນຫຼວງວຽງຈັນ ພາຍໃຕ້ການເຂົ້າຮ່ວມຂອງທ່ານ ຮສ.ດຣ ບຸນກອງ ສີຫາວົງ ລັດຖະມົນຕີກະຊວງສາທາລະນະສຸກ, ເຈົ້າໜ້າທີ່ຈາກແຂວງເປົ້າໝາຍ ແລະ ຄູ່ຮ່ວມພັດທະນາ.ອ່ານຕໍ່ ...

ລັດຖະບານລາດຊະອານາຈັກລຸກຊຳບວກ ໄດ້ຕົກລົງສືບຕໍ່ການຊ່ວຍເຫຼືອ 11.7 ລ້ານກວ່າຢູໂຣ ໃນການຈັດຕັ້ງປະຕິບັດໂຄງການພັດທະນາໃນລາວ.ມື້ວານນີ້ ລຸກຊຳບວກໄດ້ລົງນາມໃນສາມຂໍ້ຕົກລົງກັບກະຊວງແຜນການ ແລະ ການລົງທຶນ ເພື່ອສືບຕໍ່ການຊ່ວຍເຫຼືອລາວ ໃນການປະຕິບັດເປົ້າໝາຍການພັດທະນາເສດຖະກິດ-ສັງຄົມແຫ່ງຊາດ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ສູນການການຈັດຕັ້ງລັດຖະມົນຕີສຶກສາ ພາກພື້ນອາຊີຕາເວັນອອກສຽງໃຕ້ ເພື່ອການພັດທະນາການສຶກສາໃນຊຸມຊົນ (SEAMEO CED) ໄດ້ຈັດກອງປະຊຸມວິຊາການ ພາຍໃຕ້ການຮ່ວມມືກັບອົງການ DVV ສາກົນ ແລະ ອຳນາດການປົກຄອງແຂວງຫຼວງພະບາງ ເພື່ອສົ່ງເສີມການສຶກສາ.ກອງປະຊຸມກ່ຽວກັບການສຶກສາສຳລັບຊຸມຊົນໃນຊົນນະບົດ ເຊິ່ງຈັດຂຶ້ນຢູ່ຫຼວງພະບາງ ຫວ່າງໝໍ່ໆມານີ້ ແມ່ນແນໃສ່ສົ່ງເສີມການສຶກສາ ແລະ ການຮຽນຮູ້ ເພື່ອສົ່ງເສີມຊີວິດການເປັນຢູ່ແບບຍືນຍົງ, ຕາມເປົ້າໝາຍການພັດທະນາແບບຍືນຍົງທີ 4 – ຮັບປະກັນການສຶກສາທີ່ມີຄຸນນະພາບຢ່າງທົ່ວເຖິງ ແລະ ເທົ່າທຽມ ແລະ ສົ່ງເສີມການຮຽນຮູູ້ຕະຫຼອດຊີວິດ”, ຕາມຄຳເຫັນຂອງ SEAMEO CED.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຊ່ຽວຊານຖ້ຳຈາກສະຫະລາດຊະອານາຈັກ ແລະ ຫວຽດນາມ ໄດ້ລາຍງານຜົນການສຳຫຼວດ ຕໍ່ອຳນາດການປົກຄອທ້ອງຖິ່ນ ເພື່ອຍົກລະດັບປ່າສະຫງວນແຫ່ງຊາດ ຫີນໜາມໜໍ່ ເມືອງບົວລະພາ ແຂວງຄຳມ່ວນ ໃຫ້ໄດ້ຮັບການແຕ່ງຕັ້ງເປັນມໍລະດົກໂລກ.ປະຈຸບັນ ລັດຖະບານກຳລັງດຳເນີນການກະກຽມເອກະສານ ເພື່ອຍື່ນສະເໜີໃຫ້ອົງການ UNESCO ຮັບຮອງເອົາ ຫີນໜາມໜໍ່ ເຂົ້າເປັນມໍລະດົກໂລກ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລາຄາຊີ້ນໝູ ແລະ ເຂົ້າສານເພີ່ມສູງຂຶ້ນ ຢູ່ແຂວງພາກໃຕ້ທີ່ປະສົບໄພນ້ຳຖ້ວມ ແຕ່ກໍຍັງຢູ່ໃນລະດັບທີ່ສາມາດຊື້ຂາຍໄດ້ ພາຍໃຕ້ການແຊກແຊງຂອງລັດຖະບານ.ລາຄາເຂົ້າສານເພີ່ມຂຶ້ນປະມານ 500 ເຖິງ 1000 ກີບຕໍ່ກິໂລ, ສ່ວນລາຄາຊີ້ນໝູເພີ່ມຂຶ້ນປະມານ 5,000 ກີບຕໍ່ກິໂລ ເນື່ອງຈາກພໍ່ຄ້າຊາວຂາຍປະສົບບັນຫາດ້ານການຂົນສົ່ງສິນຄ້າ, ຕາມການເປີດເຜີຍຂອງພະແນກອຸດສາຫະກຳ ແລະ ການຄ້າແຂວງຈຳປາສັກ.ຖະໜົນຫຼາຍສາຍໄດ້ຖືກນ້ຳຖ້ວມ ແລະ ພັງເສຍຫາຍ, ເຮັດໃຫ້ຊາວຄ້າຂາຍ ມີຄວາມຫຍຸ້ງຍາກໃນການເຂົ້າເຖິງລູກຄ້າ.ອ່ານຕໍ່ ...

ລັດຖະບານສຸມໃສ່ຍົກລະດັບການເຂົ້າຮຽນຊັ້ນປະຖົມລະດັບສູງ ແລະ ຊັ້ນມັດທະຍົມຕົ້ນ ເພື່ອແນໃສ່ລົບລ້າງການກືກໜັງສື, ຕາມເຈົ້າໜ້າທີ່ການນຳ. ທ່ານນາງ ແສງເດືອນ ຫຼ້າຈັນທະບູນ ລັດຖະມົນຕີກະຊວງສຶກສາທິການ ແລະ ກິລາ ເປີດເຜີຍກ່ຽວກັບເຈດຈຳນົງຂອງລັດຖະບານໃນການລົບລ້າງການກືກໜັງສື ເນື່ອງໃນໂອກາດວັນຮູ້ໜັງສືສາກົນ ຄົບຮອບ 45 ປີ ໃນວັນເສົາວັນທີ 8 ກັນຍາຜ່ານມານີ້.ທ່ານໄດ້ກ່າວວ່າ ລັດຖະບານໄດ້ເອົາໃຈໃສ່ສົ່ງເສີມນັກຮຽນທີ່ຮຽນຈົບຊັ້ນປະຖົມ ໃຫ້ສືບຕໍ່ເຂົ້າຮຽນຊັ້ນມັດທະຍົມຕົ້ນ ເພື່ອແນ່ໃສ່ເປົ້າໝາຍໃຫ້ປະຊາຊົນລາວທຸກຄົນທີ່ມີອາຍຸລະຫວ່າງ 15-35 ປີ ໃຫ້ສຳເລັດການສຶກສາທຽບເທົ່າຊັ້ນມັດທະຍົມຕົ້ນ ພາຍໃນປີ 2020.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ອຳນາດການປົກຄອງພວມດຳເນີນການສ້ອມແປງພື້ນຖານໂຄງລ່າງ ແລະ ສິ່ງອຳນວຍຄວາມສະດວກຕ່າງໆເຊັ່ນ ຖະໜົນ, ຂົວ, ໂຮງຮຽນ ແລະ ໂຮງໝໍ ເພື່ອຮັບປະກັນໃຫ້ຜູ້ປະສົບໄພທີ່ສູນຊ່ວຍເຫຼືອ ມີສຸຂະພາບທີ່ສົມບູນ ແລະ ໄດ້ຮັບອາຫານ ແລະ ນ້ຳດື່ມຢ່າງພຽງພໍ, ຕາມເຈົ້າໜ້າທີ່ການນຳ.ທ່ານ ປອ ຄຳແພງ ໄຊສົມແພງ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ໄດ້ເປີດເຜີຍໃນກອງປະຊຸມຕໍ່ສື່ມວນຊົນທີ່ນະຄອນວຽງຈັນ ໃນມື້ວານນີ້ວ່າ ທາງອຳນາດການປົກຄອງຍັງຄົງສືບຕໍ່ເຮັດວຽກຮ່ວມກັບເຈົ້າໜ້າທີ່ຕຳຫຼວດ, ທະຫານ ກໍຄືອາສາສະໝັກ ໃນການຈັດຕັ້ງການຊ່ວຍເຫຼືອສຸກເສີນ. ທີມປະເມີນເຫດສຸກເສີນຍົງຄົງສືບຕໍ່ລົງພື້ນທີ່ ເພື່ອປະເມີນຄວາມເສຍຫາຍ ແລະ ຄວາມຕ້ອງການຂອງປະຊາຊົນ ເພື່ອໃຫ້ອຳນາດການປົກຄອງຟື້ນຟູສະຖານະການຫຼັງໄພພິບັດໃຫ້ກັບສູ່ສະພາບປົກກະຕິ ໃຫ້ໄວທີ່ສຸດເທົ່າທີ່ຈະເປັນໄປໄດ້.ອ່ານຕໍ່ ...

ວຽງຈັນ (ວຽງຈັນທາມສ໌/ANN) –  ວານນີ້ ຄະນະກຳມະການປ້ອງກັນ ແລະ ຄວບຄຸມໄພພິບັດແຫ່ງຊາດ ໄດ້ປະຊຸມຢູ່ນະຄອນວຽງຈັນ ເພື່ອຫາລືວິທີການປັບປຸງການສົ່ງມອບການຊ່ວຍເຫຼືອໄພພິບັດ ໃຫ້ແກ່ຜູ້ປະສົບໄພນ້ຳຖ້ວມຢູ່ຫົກແຂວງພາກໃຕ້, ໂດຍສະເພາະແມ່ນການສະໜອງນ້ຳດື່ມ, ອາຫານ ແລະ ເຄື່ອງໃຊ້ສອຍໃນຄົວເຮືອນທີ່ຈຳເປັນ.ເປັນປະທານໃນກອງປະຊຸມດັ່ງກ່າວມີທ່ານ ປອ. ຄຳແພງ ໄຊສົມແພງ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ທັງເປັນປະທານຄະນະກຳມະການປ້ອງກັນ ແລະ ຄວບຄຸມໄພພິບັດແຫ່ງຊາດ.ອ່ານຕໍ່ ...