News

ວຽງຈັນ (ວຽງຈັນທາມສ໌/ANN) – ທະນາຄານແຫ່ງ ສປປ ລາວ (ທຫລ) ໄດ້ແຈ້ງການກ່ຽວກັບການເປີດຂາຍພັນທະບັດອອມຊັບສະກຸນເງິນໂດລາ ເພື່ອເປີດໂອກາດດ້ານການລົງທຶນ ແລະ ຜົນຕອບແທນທີ່ໜ້າດຶງດູດໃຈ.ຕາມບົດຂ່າວທີ່ສຳນັກຂ່າວວຽງຈັນທາມສ໌ ໄດ້ມາຈາກເວັບໄຊຂອງທະນາຄານກາງ, ພັນທະບັດສະກຸນເງິນໂດລາຊຸດດັ່ງກ່າວແມ່ນເລີ່ມວາງຈຳໜ່າຍແຕ່ວັນທີ 1 ເຖິງ 31 ຕຸລານີ້, ເພື່ອແນໃສ່ລະດົມທຶນເຂົ້າຄັງທະນາຄານໃຫ້ໄດ້ US$500 ລ້ານໂດລາ.ຕາມບົດຂ່າວດັ່ງກ່າວ ພັນທະບັດອອມຊັບນີ້ສາມາດຫາຊື້ໄດ້ທີ່ກົມບໍລິການທະນາຄານ ທຫລ ແລະ ສາຂາທະນາ ທຫລ ແຂວງອຸດົມໄຊ, ຫຼວງພະບາງ, ຊຽງຂວາງ, ສະຫວັນນະເຂດ ແລະ ຈຳປາສັກ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລາວ ແລະ ສາທາລະນະລັດເກົາຫຼີຈະເສີມຂະຫຍາຍການຮ່ວມມືໃນດ້ານພະລັງງານ ພາຍຫຼັງທີ່ຕົກລົງກັນເປັນຄູ່ຮ່ວມງານຍຸດທະສາດ ໃນຂະແໜງພະລັງງານໄຟຟ້ານ້ຳຕົກ.ຜູ້ຊ່ຽວຊານດ້ານພະລັງງານລາວ-ເກົາຫຼີ ເຂົ້າຮ່ວມກອງປະຊຸມວິຊາການໃນຫົວຂໍ້ “ການຮ່ວມມືໃນຂະແໜງພະລັງງານ” ເຊິ່ງຈັດຂຶ້ນຢູ່ນະຄອນວຽງຈັນ ວານນີ້ ເຊິ່ງເປັນສ່ວນໜິ່ງຂອງພາລະກິດການສົ່ງເສີມການຮ່ວມມືທາງດ້ານພະລັງງານ.ກອງປະຊຸມດັ່ງກ່າວແມ່ນຈັດຂຶ້ນພາຍໃຕ້ການສະໜັບສະໜູນໂດຍ ສະຖາບັນເສດຖະສາດພະລັງງານເກົາຫຼີ (KEEI), ສະຖາບັນຄົ້ນຄວ້າພະລັງງານ ແລະ ບໍ່ແຮ່ (RIEM), ແລະ ຫ້ອງການອົງການສົ່ງເສີມການຄ້າ-ການລົງທຶນເກົາຫຼີ (KOTRA) ປະຈຳນະຄອນຫຼວງວຽງຈັນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) –  ນະຄອນຫຼວງວຽງຈັນຈະເປັນເຈົ້າພາບຈັດກອງປະຊຸມສຸດຍອດການທ່ອງທ່ຽວ ນະຄອນໃນພາກພື້ນລຸ່ມແມ່ນ້ຳຂອງ 2019 ໃນລະຫວ່າງວັນທີ 12-15 ຕຸລານີ້ ເພື່ອສົ່ງເສີມການຮ່ວມມືດ້ານການທ່ອງທ່ຽວ ແລະ ວັດທະນະທຳ ລະຫວ່າງຕົວເມືອງໃນປະເທດກຳປູເຈຍ, ລາວ, ມຽນມາ, ໄທ ແລະ ຫວຽດນາມ.ທ່ານນາງ ວິໄລວອນ ຈັນທະລາຕີ ຫົວໜ້າພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວນະຄອນຫຼວງວຽງຈັນ ໄດ້ເປີດເຜີຍໃນງານຖະແຫຼງຂ່າວໃນອາທິດແລ້ວນີ້ ກ່ຽວກັບການຈັດກອງປະຊຸມດັ່ງກ່າວ.ກອງປະຊຸມຄະນະຜູ້ແທນດັ່ງກ່າວຈະນຳໂດຍເຈົ້າຄອງ ຫຼື ຮອງເຈົ້າຄອງນະຄອນໂຮຈິມິນ ປະເທດຫວຽດນາມ, ນະຄອນພະນົມເປັນ ປະເທດກຳປູເຈຍ, ນະຄອນຢ້າງ ກຸ້ງປະເທດມຽນມາ, ນະຄອນກຸງເທບ ປະເທດໄທ ແລະ ນະຄອນຫຼວງວຽງຈັນ.ອ່ານຕໍ່ ...

ແຂວງຄຳມ່ວນ: ອຳນາດການປົກຄອງເມືອງຍົມມະລາດແຂວງຄຳມ່ວນທີ່ປະສົບໄພນ້ຳຖ້ວມ ໄດ້ແຈກຢາຍເຂົ້າສານ, ນ້ຳດື່ມ ແລະ ເຄື່ອງໃຊ້ທີ່ຈຳເປັນໃຫ້ແກ່ຄອບຄົວທີ່ປະສົບໄພນ້ຳຖ້ວມ, ທັງໄດ້ເນັ້ນວ່າ ແນວພັນພືດກໍ່ເປັນສິ່ງໜຶ່ງທີ່ຈຳເປັນເລັ່ງດ່ວນ.ທ່ານ ຄູນສີ ແສງດາລາ ເຈົ້າເມືອງຍົມມະລາດ ໄດ້ລາຍງານຜ່ານສື່ມວນຊົນທີ່ລົງຢ້ຽມຢາມພື້ນທີ່ປະສົບໄພນ້ຳຖ້ວມເຂດແມ່ນ້ຳເຊບັ້ງໄຟ ໃນທ້າຍເດືອນສິງຫາເຖິງຕົ້ນເດືອນກັນຍາທີ່ຜ່ານມາ, ເຊິ່ງສົ່ງຜົນກະທົບຕໍ່ 23 ບ້ານ ແລະ ປະຊາຊົນ 11,617 ຄົນໃນຈຳນວນ 2,412 ຄອບຄົວ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລາວ ແລະ ຫວຽດນາມໄດ້ຕົກລົງສົ່ງເສີມການຮ່ວມມື ແລະ ຢືນຢັນຄຳໝັ້ນເພື່ອສືບຕໍ່ການສະໜັບສະໜູນເຊີ່ງກັນແລະກັນບົນເສັ້ນທາງໄປສູ່ການພັດທະນາ, ໃນລະຫວ່າງການຢ້ຽມຢາມປະເທດຫວຽດນາມຢ່າງເປັນທາງການຂອງທ່ານ ທອງລຸນ ສີສຸລິດ ນາຍົກລັຖະມົນຕີລາວ.ທ່ານ ທອງລຸນ ໄດ້ເດີນທາງຢ້ຽມຢາມປະເທດຫວຽດນາມໃນລະຫວ່າງວັນທີ 1-3 ຕຸລາ ຕາມຄຳເຊີນຂອງທ່ານຫງວຽນຊວນພຸກ ນາຍົກລັດຖະມົນຕີຫວຽດນາມ.ອ່ານຕໍ່ ...

ປະຊາຊົນໃນເຈັດບ້ານຂອງແຂວງຫຼວງນ້ຳທາ ກຳລັງພະຍາຍາມຄັດຄ້ານການອະນຸມັດການສຳປະທານທີ່ດິນຂະໜາດ 5,000 ເຮັກຕາໃຫ້ແກ່ບໍລິສັດໄທ ເຊິ່ງບັງຄັບໃຫ້ພວກເຂົາຕ້ອງຍ້າຍພູມລຳເນົາອອກຈາກພື້ນທີ່.ຊາວບ້ານມີຄວາມກັງວົນວ່າ ພື້ນທີ່ໂຄງການດັ່ງກ່າວຈະໄດ້ຮັບການພັດທະນາໃຫ້ເປັນເຂດອຸດສາຫະກຳໂດຍບໍລິສັດອາມະຕະຂອງໄທ ເຊິ່ງຈະສົ່ງຜົນເສຍຕໍ່ສະພາບແວດລ້ອມໃນໄລຍະຍາວ.ໜຶ່ງຊາວບ້ານໃນເມືອງຫຼວງນ້ຳທາ ແຂວງຫຼວງນ້ຳທາ ເຊິ່ງທີ່ດິນຂອງຕົນນອນຢູ່ໃນພື້ນທີ່ສຳປະທານ ໄດ້ຢືນຢັນຕໍ່ສຳນັກຂ່າວວິທະຍຸເສລີອາຊີລາວ ໃນອາທິດແລ້ວນີ້ວ່າ ໂຄງການສຳປະທານດັ່ງກ່າວກວມເອົາພື້ນທີ່ບ້ານຫ້ວຍດຳ, ຫ້ວຍຫອມ, ນ້ຳແດງເໜືອ, ນ້ຳແດງໃຕ້ ແລະ ບ້ານອື່ນໆອີກສາມແຫ່ງ.ອ່ານຕໍ່ ...

(ຂປລ) ຕາງໜ້າບໍລິສັດເກົາຫຼີຈັດປະຊຸມກັບຜູ້ປະກອບການລາວ ທີ່ນະຄອນຫຼວງວຽງຈັນ ໃນວັນທີ 30 ກັນຍານີ້ ເພື່ອຫາລືກ່ຽວກັບໂອກາດເພື່ອການຮ່ວມມື ແລະ ການສ້າງເຄືອຂ່າຍທາງທຸລະກິດ. ບໍລິສັດຈາກເກົາຫຼີລວມມີ ບໍລິສັດ ENTRA , ບໍລິສັດອຸດສາຫະກຳ NARAE , ບໍລິສັດ DAEDO TEKRA , ບໍລິສັດ Exolube, ບໍລິສັດ DHC, ບໍລິສັດເຄມີ Sunkyung ແລະ ບໍລິສັດ TAESUNG.ກອງປະຊຸມຂອງຄະນະຜູ້ແທນການຄ້າ Ulju-GUN 2019 ໄດ້ຈັດຂຶ້ນຢູ່ທີ່ໂຮງແຮມລາວພຼາຊາ ນະຄອນຫຼວງວຽງຈັນ ໂດຍອົງການສະໜັບສະໜູນການຄ້າການລົງທຶນເກົາຫຼີ (KOTRA) ແລະ ພະແນກການຄ້າສະຖານທູດສາທາລະນະລັດເກົາຫຼີ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ການຮ່ວມມືຜ່ານການເດີນທາງຢ້ຽມຢາມປະເທດ ແມ່ນໜຶ່ງໃນຊ່ອງທາງຕົ້ນຕໍໃນການເປີດກວ້າງປະສົບການ ແລະ ຄວາມຮູ້ ເພື່ອນຳເອົາບົດຮຽນດັ່ງກ່າວໄປປັບປຸງນຳໃຊ້ໃນໜ້າທີ່ວຽກງານ ແລະ ປະກອບສ່ວນໃນການສ້າງສາປະເທດຊາດ.ນີ້ແມ່ນການຮ່ວມມືປະເພດໜຶ່ງລະຫວ່າງລາວ ແລະ ຈີນ ຜ່ານໂຄງການສົ່ງເສີມປີທ່ອງທ່ຽວລາວ-ຈີນ 2019 ໃນປະຈຸບັນ.ບາດກ້າວດັ່ງກ່າວແມ່ນເນື່ອງມາຈາກການຢ້ຽມຢາມແຂວງຫູໜານປະເທດຈີນ ຂອງຄະນະຜູ້ແທນລາວ ນຳໂດຍທ່ານ ສະຫວັນກອນ ຣາຊມຸນຕຼີ ຮອງລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ທະນາຄານພານິດໃຫ້ສັນຍາວ່າຈະສືບຕໍ່ການສະໜັບສະໜູນທາງດ້ານແຫຼ່ງທຶນ ເພື່ອສົ່ງເສີມການລົງທຶນໃນພາກພື້ນແມ່ນ້ຳຂອງ-ແມ່ນ້ຳລ້ານຊ້າງ ເພື່ອຜັນຂະຫຍາຍ “ການລິເລີ່ມເສັ້ນທາງ ແລະ ແລວທາງ” ໃຫ້ປະກົດຜົນເປັນຈິງ.ໃນກອງປະຊຸມສື່ມວນຊົນທີ່ນະຄອນຫຼວງວຽງຈັນ ອາທິດແລ້ວນີ້, ທ່ານ ຊຸນ ເຟັງເລີ່ຍ ຜູ້ຈັດການທະນາຄານອຸດສາຫະກຳ ແລະ ການຄ້າແຫ່ງປະເທດຈີນ ສາຂາວຽງຈັນ ກ່າວວ່າ ຂະແໜງການກໍ່ສ້າງພື້ນຖານໂຄງລ່າງ ແລະ ພະລັງງານ ແມ່ນສອງຂະແໜງການຫຼັກທີ່ໄດ້ຮັບການສະໜັບສະໜູນແຫຼ່ງທຶນຈາກທະນາຄານ.ອ່ານຕໍ່ ...

ບໍລິສັດໄຟຟ້າຫົງສາຈຳກັດ ໄດ້ໃຫ້ທຶນການສຶກສາຈຳນວນ 40 ທຶນ ມູນຄ່າລວມ 120 ລ້ານກີບ ສຳລັບນັກຮຽນມັດທະຍົມແຂວງໄຊຍະບູລີ ເພື່ອສະໜັບສະໜູນການສຶກສາໃນສົກຮຽນປະຈຸບັນ.ໃນນັ້ນ ທຶນການສຶກສາ 30 ທຶນ ມູນຄ່າ 90 ລ້ານກີບ ແມ່ນຈັດສັນສຳລັບຫົກໂຮງຮຽນຢູ່ເມືອງຫົງສາ, ທຶນການສຶກສາ 8 ທຶນ ມູນຄ່າ 24 ລ້ານກີບ ແມ່ນສຳລັບຫ້າໂຮງຮຽນຢູ່ເມືອງເງິນ, ແລະ ອີກສອງທຶນ ມູນຄ່າ 6​ ລ້ານກີບແມ່ນສຳລັບໜຶ່ງໂຮງຮຽນຢູ່ເມືອງຊຽງຮ່ອນ, ຕາມການເປີດເຜີຍຂ່າວຈາກບໍລິສັດຫົງສາ.ອ່ານຕໍ່ ...