News

ວຽງຈັນ (ວຽງຈັນທາມສ໌/ANN) – ຜູ້ຕາງໜ້າຈາກຂະແໜງທຸລະກິດແຂວງອຸດົມໄຊ ເຂົ້າຮ່ວມໃນໂຄງການຝຶກອົບຮົມ ເພື່ອພັດທະນາຄຸນນະພາບທາງອາຊີບ ທີ່ຈຳເປັນສຳລັບການດຳເນີນກິດຈະການຂອງເຂົາເຈົ້າ.ໂຄງການຝຶກອົບຮົມດັ່ງກ່າວ ເຊິ່ງຈະດຳເນີນແຕ່ວັນທີ 18 ເຖິງ 22 ພະຈິກນີ້, ແມ່ນຮ່ວມກັນຈັດໂດຍ ສະພາອຸດສາຫະກຳ ແລະ ການຄ້າແຫ່ງຊາດລາວ ແລະ ຫ້ອງການອຸດສາຫະກຳ ແລະ ການຄ້າແຂວງອຸດົມໄຊ ໂດຍຮ່ວມມືກັບສະມາຄົມເພື່ອການຮ່ວມມືທາງດ້ານວິຊາການຕ່າງປະເທດ ແລະ ການມີສ່ວນຮ່ວມແບບຍືນຍົງ (AOTS) ປະເທດຍີ່ປຸ່ນ. ການຝຶກອົບຮົບດັ່ງກ່າວ ແມ່ນຈັດຕັ້ງປະຕິບັດໂດຍສະມາຄົມສົ່ງເສີມເທັກໂນໂລຢີ (ໄທ-ຍີ່ປຸ່ນ) (TPA).ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ນັກຊ່ຽວຊານດ້ານສະຫວັດດີການສັງຄົມຈາກລາວ ແລະ ບັນດາປະເທດສະມາຊິກອາຊຽນ ເຂົ້າຮ່ວມກອງປະຊຸມ ທີ່ນະຄອນຫຼວງວຽງຈັນ ໃນວັນຈັນນີ້ ເພື່ອເສີມຂະຫຍາຍຄວາມພະຍາຍາມ ໃນການປົກປ້ອງຜູ້ອ່ອນແອ ໃນທົ່ວພາກພື້ນ.ໃນການກ່າວຄຳເຫັນໃນກອງປະຊຸມ GO-NGO ອາຊຽນ ຄັ້ງທີ 14 ກ່ຽວກັບວຽກງານສະຫວັດດີການສັງຄົມ ແລະ ການພັດທະນາ ໃນຫົວຂໍ້ “ການສ້າງຄວາມເຂັ້ມແຂງໃນການປົກປ້ອງທາງສັງຄົມ ສຳລັບເດັກທີ່ອ່ອນແອໃນພາກພື້ນອາຊຽນ”, ທ່ານ ວົງຄຳ ພັນທະນູວົງ ຮອງຫົວໜ້າກົມສະຫວັດດີການສັງຄົມ, ກະຊວງແຮງງານ ແລະ ສະຫວັດດີການສັງຄົມ ໄດ້ສະແດງຄວາມຂອບໃຈຕໍ່ບັນແຂກຜູ້ເຂົ້າຮ່ວມ ກໍຄືກະຊວງການຕ່າງປະເທດ, ເລຂາທິການອາຊຽນ ແລະ ສະພາສະຫວັດດີການສັງຄົມສາກົນ ໃນການເອື້ອເຟື້ອຊັບພະຍາກອນເພື່ອການຈັດກອງປະຊຸມໃນຄັ້ງນີ້.ອ່ານຕໍ່ ...

31 ຄອບຄົວ ທີ່ຕ້ອງສູນເສຍເຮືອນຊານໃນກອງໄຟທີ່ລຸກໄໝ້ ຢູ່ບ້ານສົ້ນຂົວເໜືອ ເມືອງຫົວເມືອງ ແຂວງຫົວພັນ ໃນເດືອນແລ້ວນີ້ ໄດ້ຮັບເຄື່ອງໃຊ້ສອຍທີ່ຈຳເປັນຈາກຜູ້ໃຈບຸນແລ້ວ ແຕ່ກໍຍັງຕ້ອງການການຊ່ວຍເຫຼືອໃນການກໍ່ສ້າງເຮືອນຊານໃໝ່.ເຫດອັກຄີໄພດັ່ງກ່າວ ໄດ້ທຳລາຍເຮືອນປະຊາຊົນຈຳນວນ 22 ຫຼັງ ແລະ ອີກແປັດຫຼັງໄດ້ຮັບຄວາມເສຍຫາຍຢ່າງໜັກ. ທັງນີ້ກໍຍ້ອນເຮືອນທີ່ຖືກໄຟໄໝ້ສ່ວນໃຫຍ່ ແມ່ນເຮັດດ້ວຍໄມ້.ຊາວບ້ານ 152 ຊີວິດ ເຊິ່ງໃນປະຈຸບັນບໍ່ມີທີ່ຢູ່ອາໄສ ໄດ້ສູນເສຍຊັບສິນເກືອບໝົດທຸກຢ່າງ. ເຫດໄຟໃໝ້ດັ່ງກ່າວ ເຊິ່ງເຊື່ອວ່າເກີດຈາກໄຟຟ້າລັດວົງຈອນ, ໄດ້ສ້າງຄວາມເສຍຫາຍຄາດຄະເນເກືອບ 2 ຕື້ກີບ.ສຳລັບຜູ້ໃຈບຸນທີ່ຕ້ອງການໃຫ້ການຊ່ວຍເຫຼືອ, ບໍລິຈາກອຸປະກອນການກໍ່ສ້າງ, ຫຼື ອຸປະກອນເຄື່ອງໃຊ້ຕ່າງໆ ສາມາດຕິດຕໍ່ທ່ານຮ້ອຍໂທ ເພັງສີ ໄດ້ທີ່ໝາຍເລກ 020 5555 6089, ຫຼື ອຳນາດການປົກຄອງທ້ອງຖິ່ນ ໝາຍເລກ 020 5993 6934.ເພີ່ມເຕີມ ...

ວຽງຈັນ (ວຽງຈັນທາມສ໌/ANN) – ລາວຈະສືບຕໍ່ເຮັດວຽກຮ່ວມກັບຄູ່ຮ່ວມພັດທະນາ ເຊັ່ນ ອົງການຈັດຕັ້ງແຮງງານສາກົນ (ILO), ເພື່ອເສີມຂະຫຍາຍຄວາມຍຸດຕິທຳໃນສັງຄົມ ແລະ ສົ່ງເສີມວຽກເຮັດງານທຳທີ່ດີສຳລັບໝົດທຸກຄົນ.ກິດຈະກຳເພື່ອສະເຫຼີມສະຫຼອງ ໜຶ່ງຮ້ອຍປີຂອງ ILO ແລະ 55 ປີຂອງການເຂົ້າເປັນສະມາຊິກຂອງລາວ ທີ່ນະຄອນວຽງຈັນ ໃນວັນເສົາແລ້ວນີ້ ໄດ້ຮັບກຽດເຂົ້າຮ່ວມໂດຍ ທ່ານນາງ ປານີ ຢ່າທໍ່ຕູ້ ປະທານສະພາແຫ່ງຊາດ, ສະມາຊິກອົງການຈັດຕັ້ງສາກົນ ພ້ອມດ້ວຍເຈົ້າໜ້າທີ່ໆກ່ຽວຂ້ອງ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ໃນວັນຈັນນີ້ ສະພາແຫ່ງຊາດ (ສພຊ) ໄດ້ອະນຸມັດແຜນພັດທະນາເສດຖະກິດ-ສັງຄົມແຫ່ງຊາດ ປີ 2020, ໂດຍການສະໜັບສະໜູນໃຫ້ລັດຖະບານ ອອກມາດຕະການເພື່ອສົ່ງເສີມປະສິດທິພາບຂອງການຜະລິດ.ໃນຈຳນວນສະມາຊິກສະພາແຫ່ງຊາດ 114 ທ່ານ ທີ່ເຂົ້າຮ່ວມໃນກອງປະຊຸມສະໄໝສາມັນຄັ້ງທີ 8 ຂອງສະພາແຫ່ງຊາດຊຸດທີ 8 ໃນວັນທີ 11 ພະຈິກນີ້, ມີ 111 ສຽງ ລົງຄະແນນສະໜັບສະໜູນແຜນພັດທະນາເສດຖະກິດ-ສັງຄົມແຫ່ງຊາດປີ 2020.ອ່ານຕໍ່ ...

(ຂປລ) ເພື່ອຊ່ວຍປັບປຸງໂພຊະນາການໃຫ້ແກ່ປະຊາຊົນລາວ ໂດຍສະເພາະແມ່ນເດັກນ້ອຍ, ສະຫະລັດ ພາຍໃຕ້ການຮ່ວມມືຢ່າງໃກ້ຊິດກັບກະຊວງສາທາລະນະສຸກ,​ ໄດ້ທຳການເປີດສະຖາບັນໂພຊະນາການແຫ່ງຊາດ ແລະ ການລິເລີ່ມດ້ານໂພຊະນາການ ລາວ-ອາເມລິກາ ໃນວັນທີ 14 ພະຈິກ 2019 ທີ່ນະຄອນຫຼວງວຽງຈັນ.ສະຖາບັນແຫ່ງໃໝ່ດັ່ງກ່າວ ລວມມີ ອາຄານຄຼີນິກ ແລະ ຫ້ອງຮຽນ, ມີມູນຄ່າລວມ US$ 3.9 ລ້ານໂດລາ. ອ່ານຕໍ່ ...

ໂຄງການເຂື່ອນໄຟຟ້າດອນສະໂຮງ ແມ່ນ້ຳຂອງ ແຂວງຈຳປາສັກ ເລີ່ມການປະຕິບັດການຢ່າງເປັນທາງການ.ປະຈຸບັນ ເຄື່ອງຈັກປັ່ນໄຟເຂື່ອນ ໄດ້ເລີ່ມການດຳເນີນການເພື່ອທຸລະກິດ ຕາມການເປີດເຜີຍຂອງບໍລິສັດ Sinohydro Corp ຈຳກັດ ຜູ້ຮັບເໝົາກໍ່ສ້າງຈາກຈີນ. ໂຄງການເຂື່ອນໄຟຟ້າມູນຄ່າ US 401 ລ້ານໂດລາ ດັ່ງກ່າວ ເຊິ່ງຕັ້ງຢູ້ໃກ້ກັບນ້ຳຕົກຕາດຄອນ ແຂວງຈຳປາສັກ ໄດ້ສຳເລັດການກໍ່ສ້າງ 48 ວັນກ່ອນກຳນົດການ, ຕາມເຈົ້າຂອງໂຄງການຄື ບໍລິສັດ Mega First Corp Bhd ຂອງມາເລເຊຍ ພາຍຫຼັງທີ່ເລີ່ມຕົ້ນການກໍ່ສ້າງມາແຕ່ເດືອນມັງກອນ 2016.ຜູ້ລົງທຶນໃນໂຄງການດັ່ງກ່າວລວມມີ ບໍລິສັດ Mega First ຖືຄອງຫຸ້ນ 80 ສ່ວນຮ້ອຍ, ສ່ວນບໍລິສັດໄຟຟ້າລາວມະຫາຊົນ (EDL-GEN) ຖືຫຸ້ນ 20 ສ່ວນຮ້ອຍ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຫົວໜ່ວຍທຸລະກິດລາວ ຈະສາມາດຂະຫຍາຍຕະຫຼາດສິນຄ້າຂອງຕົນໄດ້ດີຂຶ້ນ ແລະ ແຂ່ງຂັນກັບປະເທດອື່ນໄດ້ຂ້ຽວຂາດຍິ່ງຂຶ້ນ ພາຍຫຼັງຮຽນຮູ້ກ່ຽວກັບເງື່ອນໄຂ ແລະ ຜົນປະໂຫຍດຈາກຂໍ້ຕົກລົງການຄ້າເສລີ (FTAs).ກອງປະຊຸມສຳມະນາ ເຊິ່ງຈັດຂຶ້ນຢູ່ນະຄອນວຽງຈັນ ໃນວັນພະຫັດແລ້ວນີ້ ໄດ້ຫາລືກ່ຽວກັບຜົນປະໂຫຍດຂອງ FTAs ແລະ ການສ້າງທຸລະກິດ e-commerce. ເຊິ່ງມີຜູ້ເຂົ້າຮ່ວມຈາກຕາງໜ້າທຸລະກິດເກືອບ 100 ແຫ່ງ ເຊິ່ງລວມມີທຸລະກິດຂະໜາດນ້ອຍ ແລະ ຂະໜາດກາງໃນນະຄອນຫຼວງວຽງຈັນ ແລະ ເຈົ້າໜ້າທີ່ຈາກກະຊວງອຸດສາຫະກຳ ແລ ການຄ້າ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດຖະບານ ມີຄວາມໝັ້ນໃຈໃນນະໂຍບາຍທີ່ເຂັ້ມງວດວ່າ ຈະຊ່ວຍຫຼຸດຜ່ອນຄວາມເຄັ່ງຕຶງດ້ານງົບປະມານ ແລະ ບັນຫາຫຍຸ້ງຍາກທາງການເງິນຢ່າງຕໍ່ເນື່ອງ ພາຍໃຕ້ຄວາມຄືບໜ້າຢ່າງຊ້າໆໃນການຈັດຕັ້ງປະຕິບັດມາດຕະການ ເພື່ອຈຳກັດການໃຊ້ຈ່າຍທີ່ບໍ່ຈຳເປັນ.ກະຊວງການເງິນ ຈະດຳເນີນການ ໂດຍສົມທົບກັບກະຊວງຕ່າງໆ ໃນການປະຕິບັດນະໂຍບາຍດັ່ງກ່າວ, ເພື່ອຊ່ວຍຫຼຸດຜ່ອນຄວາມເຄັ່ງຕຶງທາງດ້ານງົບປະມານໃຫ້ແກ່ລັດຖະບານ.ອ່ານຕໍ່ ...

ລາວຈະສຳເລັດການກໍ່ສ້າງເດີ່ນກິລາເບສ໌ບອລ໌ ແຫ່ງທຳອິດຂອງປະເທດ ໃນເດືອນທັນວານີ້.DGB ກຼຸ໊ບ, ກຸ່ມບໍລິສັດການເງິນຂອງເກົາຫຼີໃຕ້ ຈະສະໜັບສະໜູນທຶນຈຳນວນ 300 ລ້ານວອນ (USD 256,200 ໂດລາ) ສຳລັບການກໍ່ສ້າງສະໜາມກິລາດັ່ງກ່າວ, ເຊິ່ງລັດຖະບານລາວ ໃຫ້ການສະໜອງພື້ນທີ່ ແລະ ສິ່ງທີ່ຈຳເປັນຕ່າງໆ. ການກໍ່ສ້າງໄດ້ເລີ່ມດຳເນີນມາແຕ່ເດືອນເມສາປີນີ້, ເຊິ່ງຫຼ້າສຸດແມ່ນຫາກໍ່ສຳເລັດການອັດໜ້າດິນໃຫ້ລຽບ. ປະຈຸບັນ ຜູ້ຮັບເໝົາກຳລັງທຳການປູຫຍ້າທຽມ, ຕາມຂ່າວຈາກສຳນັກ Yonhap News Agency. ອ່ານຕໍ່ ...