News

ສິນຄ້າ ແລະ ການບໍລິການທີ່ລັດຖະບານບໍ່ສົ່ງເສີມ ເຊັ່ນ ເຄື່ອງດື່ມມືນເມົາ ຈະຖືກເກັບອາກອນເພີ່ມຂຶ້ນ ຖ້າວ່າກົດໝາຍວ່າດ້ວຍພາສີອາກອນສະບັບໃໝ່ມີຜົນບັງຄັບໃຊ້ໃນປີ 2020.ໃນທາງກົງກັນຂ້າມ, ລັດຈະຫຼຸດພາສີສຳລັບສິນຄ້າເຊັ່ນ ນ້ຳມັນເຊື້ອໄຟ ແລະ ລົດຈັກ ເຊິ່ງເຫັນວ່າມີຄວາມຈຳເປັນຕໍ່ການປັບປຸງຊີວິດການເປັນຢູ່.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດຖະບານລາວ ແລະ ສະຫະລາດຊະອານາຈັກຕົກລົງສືບຕໍ່ສາຍພົວພັນສອງຝ່າຍ ແລະ ເສີມຂະຫຍາຍການຮ່ວມມືໃນດ້ານການສຶກສາ. ການຮ່ວມມືດັ່ງກ່າວຈະສົ່ງເສີມໃຫ້ລັດຖະບານທັງສອງຝ່າຍເຮັດວຽກຮ່ວມກັນຢ່າງໃກ້ຊິດ ເພື່ອຍົກລະດັບມາດຕະຖານລະບົບການສຶກສາຂອງລາວ ໃຫ້ທຽບເທົ່າກັບພາກພື້ນ ແລະ ສາກົນເປັນລຳດັບ.ລັດຖະບານລາດຊະອານາຈັກຖືເອົາການສຶກສາເປັນຂະແໜງການຫຼັກໃນການຮ່ວມມືແບບສ້າງສັນກັບປະເທດລາວ ນັບຕັ້ງແຕ່ການເປີດສະຖານທູດອັງກິດປະຈຳນະຄອນວຽງຈັນຄືນໃໝ່ໃນປີ 2012.ອ່ານຕໍ່ ...

ບໍລິສັດຕ່າງປະເທດທີ່ຕ້ອງການສົ່ງອອກສິນຄ້າມາປະເທດລາວ ແມ່ນບໍ່ຈຳເປັນຕ້ອງຂໍໃບອະນຸຍາດດຳເນີນທຸລະກິດພາຍໃນປະເທດ ຕາມລະບຽບການການຄ້າໃໝ່ຂອງກະຊວງການຄ້າ.ທ່ານນາງ ເຂັມມະນີ ພົນເສນາ ລັດຖະມົນຕີກະຊວງອຸດສາຫະກຳ ແລະ ການຄ້າລາວ ໄດ້ອອກຂໍ້ຕົກລົງຂອງລັດຖະມົນຕີ ສະບັບໃໝ່ ໃນວັນທີ 6 ມິຖຸນາ ເພື່ອຍົກເລີກລະບຽບການທີ່ບໍລິສັດຕ່າງປະເທດຕ້ອງຂໍໃບອະນຸຍາດດຳເນີນທຸລະກິດພາຍໃນ ໃນການສົ່ງອອກສິນຄ້າມາປະເທດລາວ.ພາຍໃຕ້ລະບຽບການໃໝ່ນີ້ ບໍລິສັດຕ່າງປະເທດທີ່ຕ້ອງການສົ່ງອອກສິນຄ້າມາປະເທດລາວ ຕ້ອງຍື່ນໃບຄຳຮ້ອງຂໍສິດທາງການຄ້າ ໂດຍກົງຕໍ່ກົມການນຳເຂົ້າ ແລະ ສົ່ງອອກ.ອ່ານຕໍ່  ...

ວຽງຈັນ (ວຽງຈັນທາມສ໌/ANN) – ການຜະລິດພະລັງງານໄຟຟ້າຂອງລາວ ເພື່ອນຳໃຊ້ພາຍໃນ ແລະ ສົ່ງອອກ ເພີ່ມຂຶ້ນໃນໄຕມາດທຳອິດຂອງປີນີ້ ໃນຂະນະທີ່ການນຳເຂົ້າຫຼຸດລົງ.ລາວສ້າງລາຍຮັບຈາກການສົ່ງອອກໄຟຟ້າໄດ້ US$422 ລ້ານໂດລາໃນໄຕມາດທຳອິດຂອງປີນີ້, ເພີ່ມຂຶ້ນ 10.2 ເປີເຊັນທຽບກັບໄລຍະດຽວກັນຂອງປີກາຍ ເຊິ່ງກວມ 24.3 ເປີເຊັນຂອງແຜນການປະຈຳປີ, ຕາມກະຊວງພະລັງງານ ແລະ ບໍ່ແຮ່.ອ່ານຕໍ່  ...

ລັດຖະບານຄາດຄະເນວ່າ ການຂາດດູນງົບປະມານແຫ່ງຊາດໃນຊ່ວງຫົກເດືອນຕົ້ນປີນີ້ ອາດເພີ່ມຂຶ້ນສູງເຖິງ 1.16 ພັນຕື້ກີບ, ເພີ່ມທະວີຄວາມເຄັ່ງຕຶງດ້ານງົບປະມານ ເນື່ອງຈາກສະພາບຂາດແຄນທາງດ້ານລາຍຮັບຢ່າງຕໍ່ເນື່ອງ.ຖ້າລວມທັງຈຳນວນເງິນຕົ້ນທີ່ຕ້ອງຈ່າຍຄືນໃຫ້ເຈົ້າໜີ້ທັງພາຍໃນແລະ ຕ່າງປະເທດ, ປະເທດລາວອາດຕ້ອງໃຊ້ງົບທັງໝົດ 5.87 ພັນຕື້ກີບ ເພື່ອຮອງຮັບຄວາມຕ້ອງການໃນການໃຊ້ຈ່າຍໃນປະຈຸບັນ.ໃນກອງປະຊຸມສະໄໝສາມມັນຂອງສະພາແຫ່ງຊາດຄັ້ງຫຼ້າສຸດ, ທ່ານ ທອງລຸນ ສີສຸລິດ ນາຍົກລັດຖະມົນຕີ ໄດ້ແຈ້ງແຜນການຂອງລັດຖະບານ ໃນການແກ້ໄຂບັນຫາການຂາດດູນດັ່ງກ່າວ ໂດຍການລະດົມແຫຼ່ງທຶນເພີ່ມເຕີມຈາກທັງພາຍໃນ ແລະ ຕ່າງປະເທດ. ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ບໍລິສັດຕ່າງປະເທດທີ່ສົ່ງອອກສິນຄ້າເຂົ້າສູ່ຕະຫຼາດລາວຈະບໍ່ຈຳເປນຕ້ອງມີໃບອະນຸຍາດດຳເນີນທຸລະກິດພາຍໃນປະເທດ ຍ້ອນວ່າກະຊວງອຸດສາຫະກຳ ແລະ ການຄ້າໄດ້ແກ້ໄຂບັນຫາທີ່ເປັນປະເດັນດັ່ງກ່າວແລ້ວ.ທ່ານນາງ ເຂັມມະນີ ພົນເສນາ ລັດຖະມົນຕີກະຊວງອຸດສາຫະກຳ ແລະ ການຄ້າໄດ້ເຊັນຮັບຮອງຂໍ້ຕົກລົງຂອງລັດຖະມົນຕີ ສະບັບລົງວັນທີ 6 ມິຖຸນາ ເພືື່ອອະນຸຍາດໃຫ້ບໍລິສັດຕ່າງປະເທດສົ່ງອອກສິນຄ້າມາລາວໂດຍບໍ່ຕ້ອງຂໍໃນອະນຸຍາດໃນການດຳເນີນທຸລະກິດພາຍໃນປະເທດ.ຕາມກົດໝາຍ, ທຸກໆບໍລິສັດທີ່ເຄື່ອນໄຫວທຸລະກິດໃນລາວ ຈຳເປັນຕ້ອງຂໍໃບຢັ້ງຢືນການລົງທະບຽນທຸລະກິດໃນລາວ ແລະ ໃບອະນຸຍາດດຳເນີນທຸລະກິດ. ເຖິງຢ່າງໃດກໍຕາມ ບໍລິສັດພາຍໃນຈຳນວນໜຶ່ງໄດ້ຮ້ອງຮຽນວ່າ ບໍລິສັດຕ່າງຊາດມີການຂາຍສິນຄ້າໃນລາວໂດຍບໍ່ມີໃບອະນຸຍາດ.ອ່ານຕໍ່ ...

ເພື່ອຊ່ວຍໃນການສືບຕໍ່ສະໜັບສະໜູນການລົງທຶນໃນລາວ, ທະນາຄານກະສິກອນໄທ ຈຳກັດ ປະຈຳ ສປປ ລາວ ໄດ້ສະໜອງແຫຼ່ງທຶນໃຫ້ແກ່ ເຄືອຂ່າຍໂຮງໝໍບາງກອກ (BCH), ເຊິ່ງເປັນບໍລິສັດຊັ້ນນຳຂອງໄທ, ໃນການກໍ່ສ້າງໂຮງໝໍສາກົນກະເສມລາດວຽງຈັນ ຂະໜາດ 254 ຕຽງນອນ, ເຊິ່ງມີແຜນເປີດດຳເນີນການໃນປີ 2021.ທ່ານ ພັດຕະນະພົງ ຕັນສົມບູນ ປະທານທະນາຄານກະສິກອນໄທ (ເຄແບັງ) ປະຈຳລາວ ກ່າວວ່າທາງທະນາຄານມີເປົ້າໝາຍຊຸມຍູ້ການຂະຫຍາຍຕົວດ້ານເສດຖະກິດຂອງປະເທດອາຊຽນ, ໂດຍສະເພາະແມ່ນລາວ, ເຊິ່ງມີການຂະຫຍາຍຕົວຢ່າງວ່ອງໄວ ແລະ ການຂະຫຍາຍຕົວດ້ານອຸດສາຫະກຳ, ເຊິ່ງເຫັນໄດ້ຈາກເພີ່ມຂຶ້ນຂອງອຳນາດຊື້ຂອງຄົນລາວທີ່ຕ້ອງການສິນຄ້າ ແລະ ການບໍລິການທີ່ມີຄຸນນະພາບ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດຖະບານ ແລະ ເຈົ້າຂອງໂຄງການເຂື່ອນໄຟຟ້າໄດ້ລິເລີ່ມຄົ້ນຄວ້າການພັດທະນາເຂື່ອນຕົວແບບ ທີ່ເປັນປະໂຫຍດສຳລັບຜູ້ມີສ່ວນຮ່ວມທຸກພາກສ່ວນ ແລະ ຮັບປະກັນຄວາມປອດໄພໃນການປະຕິບັດການຂອງເຂື່ອນ.ກອງປະຊຸມຄັ້ງທຳອິດເພື່ອປຶກສາຫາລື ແລະ ແລກປ່ຽນບົດຮຽນກ່ຽວກັບບັນຫາລະຫວ່າງລັດຖະບານ ແລະ ບໍລິສັດເຂື່ອນໄຟຟ້າ ໄດ້ຈັດຂຶ້ນໃນວັນສຸກແລ້ວນີ້ ທີ່ນະຄອນວຽງຈັນ ເຊິ່ງກະຊວງພະລັງງານ ແລະ ບໍ່ແຮ່ ແລະ ບໍລິສັດໄຟຟ້ານ້ຳເທີນ 2 ຮ່ວມກັນຈັດຕັ້ງຂຶ້ນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລາວຮ່ວມມືກັບຈີນ, ປະເທດສະມາຊິກອາຊຽນ ແລະ ປະເທດເພື່ອນບ້ານ ຫາລືກ່ຽວກັບການສະໜັບສະໜູນສອງຝ່າຍໃນການສ້າງສະຖາບັນ ແລະ ສູນຝຶກອົບຮົມຕຳຫຼວດ.ການຮ່ວມມືດັ່ງກ່າວໄດ້ມີການຫາລືໃນລະຫວ່າງກອງປະຊຸມໂຕະມົນ ເພື່ອຍົກລະດັບຄວາມສາມາດດ້ານການບັງຄັບໃຊ້ກົດໝາຍ ຂອງປະທານສະຖາບັນຕຳຫຼວດຈີນ-ອາຊຽນ ແລະ ປະເທດເພື່ອນບ້ານຄັ້ງທີ 3 ທີ່ວຽງຈັນ ໃນວັນອັງຄານຜ່ານມານີ້.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ສະມາຄົມໄຊເບີເຣຍ ເພື່ອການຮ່ວມມືສາກົນ ຈາກເຂດໂນໂວຊິເບີດຂອງລັດເຊຍ ມີແຜນຈັດຕັ້ງສຳນັກງານຢູ່ປະເທດລາວ ເພື່ອປັບປຸງການປະສານງານ ແລະ ການຮ່ວມມືດ້ານທຸລະກິດ.ທ່ານ ພາເວວ ອອສ໌ໂຕຣເວີຮອຟ໌ ປະທານສະມາຄົມໄດ້ເປີດເຜີຍແຜນດັ່ງກ່າວ ໃນຂະນະນຳພາທີມຜູ້ປະກອບການຈາກເຂດໂນໂວຊິເບີດ ເດີນທາງພົບປະກັບນັກທຸລະກິດລາວທີ່ນະຄອນວຽງຈັນໃນອາທິດແລ້ວນີ້.ອ່ານຕໍ່ ...