ການພັດທະນາດ້ານສັງຄົມ

ວຽງຈັນ (ວຽງຈັນທາມສ໌/ANN) – ລາວ ແລະ ຄິວບາ ໄດ້ຕົກລົງເສີມຂະຫຍາຍການຮ່ວມມື ດ້ານສາທາລະນະສຸກ ແລະ ວິທະຍາສາດການແພດ.ຂໍ້ຕົກລົງໄດ້ມີການລົງນາມ ທີ່ນະຄອນຮາວານາ ໃນລະຫວ່າງການຢ້ຽມຢາມປະເທດຄິວບາຢ່າງເປັນທາງການ ຂອງທ່ານ ສະເຫຼີມໄຊ ກົມມະສິດ ລັດຖະມົນຕີກະຊວງການຕ່າງປະເທດລາວ ໃນລະຫວ່າງວັນທີ 11-12 ພະຈິກນີ້ ຕາມຄຳເຊີນຂອງທ່ານບຼູໂນ ໂຣດິຼເກສ໌ ພາຣີລາ, ຕາມການເປີດເຜີຍຂອງກະຊວງການຕ່າງປະເທດລາວ.ທັງສອງທ່ານໄດ້ຮ່ວມລົງນາມໃນຂໍ້ຕົກລົງສອງສະບັບຄື ຂໍ້ຕົກລົງການຮ່ວມມືລະຫວ່າງລັດຖະບານລາວ ແລະ ລັດຖະບານຄິວບາ ແລະ ບົດບັນທຶກຄວາມເຂົ້າໃຈໃນວຽກງານສາທາລະນະສຸກ ແລະ ວິທະຍາສາດສຸຂະພາບ ລະຫວ່າງກະຊວງສາທາລະນະສຸກຂອງສອງປະເທດ.ອ່ານຕໍ່ ...

ວຽງຈັນ – ເຈົ້າໜ້າທີ່ກະຊວງໂຍທາທິການ ແລະ ຂົນສົ່ງ ພ້ອມດ້ວຍຂະແໜງການທີ່ກ່ຽວຂ້ອງ ກຳລັງຮຽນຮູ້ກ່ຽວກັບການປະຕິບັດການທາງລົດໄຟຈາກຜູ້ຊ່ຽວຊານຈີນ ທີ່ນະຄອນຫຼວງວຽງຈັນ ເພື່ອກະກຽມສຳລັບການເປີດເສັ້ນທາງລົດໄຟລາວ-ຈີນ ໃນປີ 2021.ຫຼັກສູດຝຶກອົບຮົມກ່ຽວກັບເທັກໂນໂລຢີທາງລົດໄຟຂັ້ນສຸດທ້າຍ ກຳລັງຈັດຂຶ້ນທີ່ສູນຝຶກອົບຮົມສູນກາງແນວລາວສ້າງຊາດ ແຕ່ວັນສຸກແລ້ວນີ້ ເຖິງວັນທີ 28 ພະຈິກ, ເຊິ່ງມີຜູ້ເຂົ້າຮ່ວມຫຼັກສູດດັ່ງກ່າວ 45 ຄົນ, ຕາມການລາຍງານຂອງສຳນັກຂ່າວທ້ອງຖິ່ນ ວຽງຈັນທາມສ໌ໃນວັນຈັນນີ້.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ທ່ານ ທອງລຸນ ສີສຸລິດ ນາຍົກລັດຖະມົນຕີ ກ່າວໃນວັນຈັນນີ້ວ່າ ອົງການຈັດຕັ້ງຫຼັກແຫຼ່ງ ເຊັ່ນ ຄະນະກຳມາທິການແຫ່ງຊາດເພື່ອການພັດທະນາແມ່ຍິງ, ແມ່ ແລະ ເດັກນ້ອຍ ຈະສືບຕໍ່ປະຕິບັດໜ້າທີ່ ເພື່ອການປົກປ້ອງ, ສົ່ງເສີມ ແລະ ພັດທະນາເດັກນ້ອຍລາວ ເພື່ອໃຫ້ເຂົາເຈົ້າເຕີບໃຫຍ່ມາເປັນກ້ອນກຳລັງແຮງທີ່ມີປະສິດທິພາບຂອງສັງຄົມ.ທ່ານນາຍົກໄດ້ກ່າວຄຳເຫັນດັ່ງກ່າວໃນກອງປະຊຸມລາວໃນຍຸກ 2030 ເຊິ່ງຈັດຂຶ້ນທີ່ນະຄອນວຽງຈັນ ເພື່ອສະເຫຼີມສະຫຼອງ ວັນສ້າງຕັ້ງສົນທິສັນຍາວ່າດ້ວຍສິດທິເດັກ ຄົບຮອບ 30 ປີ.ອ່ານຕໍ່ ...

(ຂປລ) ລັດຖະບານລາວ, ອົງການຢູນິເຊັບ, ຮອງເຈົ້າແຂວງ, ຂະແໜງເອກະຊົນ, ອົງການຈັດຕັ້ງສົງຄົມສົງເຄາະ, ບັນດາຄູ່ຮ່ວມພັດທະນາ ແລະ ເດັກນ້ອຍ ໄດ້ເຕົ້າໂຮມກັນໃນມື້ນີ້ (11 ພະຈິກ) ທີ່ນະຄອນຫຼວງວຽງຈັນ ໃນກອງປະຊຸມລາວໃນຍຸກ 2030 ເພື່ອສະເຫຼີມສະຫຼອງວັນສ້າງຕັ້ງສົນທິສັນຍາວ່າດ້ວຍສິດທິເດັກ (CRC) ຄົບຮອບ 30 ປີ.“ເດັນນ້ອຍຄືຜູ້ນຳໃນອະນາຄົດ ແລະ ຈະເປັນຕົວຂັບເຂື່ອນ ສປປ ລາວ ໄປສູ່ຄວາມຈະເລີນສີວິໄລ. ໂດຍການສົ່ງເສີມສິດທິເດັກ ແລະ ການລົງທຶນໃນເດັກນ້ອຍໃນມື້ນີ້, ຈະສາມາດຮັບປະກັນອະນາຄົດອັນສົດໃສ ທີ່ບໍ່ສະເພາະແຕ່ສຳລັບເດັກເທົ່ານັ້ນ, ແຕ່ເພື່ອປະເທດຊາດບ້ານເມືອງໂດຍລວມ,” ທ່ານ ທອງລຸນ ສີສຸລິດ ນາຍົກລັດຖະມົນຕີກ່າວ.ອ່ານຕໍ່ ...

ໃນອາທິດແລ້ວນີ້ ມະຫາວິທະຍາໄລສະຫວັນນະເຂດ ໄດ້ເປັນເຈົ້າພາບຈັດກິດຈະກຳເພື່ອສະເຫຼີມສະຫຼອງວັນສ້າງຕັ້ງມະຫາວິທະຍາໄລຄົບຮອບ 10 ປີ, ເປັນມະຫາວິທະຍາໄລຂອງລັດແຫ່ງທີ່ສີ່ຂອງປະເທດລາວ, ພາຍຫຼັງມີການເປີດຮັບນັກສຶກສາມາແຕ່ເດືອນຕຸລາປີ 2009, .ນັກສຶກສາຈາກທົ່ວປະເທດ ສະແຫວງຫາສະຖານການສຶກສາລະດັບມະຫາວິທະຍາໄລໃນອັດຕາທີ່ເພີ່ມຂຶ້ນ ແລະ ປະຈຸບັນທາງມະຫາວິທະຍາໄລຮັບນັກສຶກສາມາແລ້ວທັງໝົດ 8,811 ຄົນ.ມະຫາວິທະຍາໄລດັ່ງກ່າວປະກອບໄປດ້ວຍຄະນະວິຊາຕ່າງໆ ຄື ກະເສດສາດ ແລະ ສິ່ງແວດລ້ອມ, ບໍລິຫານທຸລະກິດ, ພາສາສາດ, ມະນຸດສາດ, ເທັກໂນໂລຢີ ແລະ ຂໍ້ມູນຂ່າວສານ, ວິທະຍາສາດການປຸງແຕ່ງອາຫານ, ການສຶກສາ, ວິທະຍາສາດທຳມະຊາດ, ແລະ ວິສະວະກຳສາດ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດຖະບານໄດ້ຢືນຢັນເຈດຈຳນົງໃນການສະໜັບສະໜູນພາລະກິດການສົ່ງເສີມສິດທິຂອງເດັກນ້ອຍ ແລະ ແມ່ຍິງໃນພາກພື້ນ, ໂດຍເຫັນວ່າເປັນການປະກອບສ່ວນທີ່ສຳຄັນ ໃນການຜັນຂະຫຍາຍວຽກງານດັ່ງກ່າວໃຫ້ປະກົດຜົນເປັນຈິງໃນຊຸມຊົນອາຊຽນ.ທ່ານ ສະຫວັນກອນ ຣາຊມຸນຕຼີ ຮອງລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ກ່າວໃນນາມຂອງລັດຖະບານລາວ ໃນກອງປະຊຸມສະພາຊຸມຊົນວັດທະທຳ-ສັງຄົມອາຊຽນ ຄັ້ງທີ 22 ເຊິ່ງຈັດຂຶ້້ນໃນລະຫວ່າງກອງປະຊຸມສຸດຍອດອາຊຽນຄັ້ງທີ 33​ ທີ່ບາງກອກ, ໄທ ໃນວັນທີ 2 ພະຈິກນີ້. ກອງປະຊຸມດັ່ງກ່າວແມ່ນຈັດຂຶ້ນໃນຫົວຂໍ້ “ການເສີມຂະຫຍາຍການຮ່ວມມືເພື່ອກ້າວສູ່ຄວາມຍືນຍົງ” ພາຍໃຕ້ການເຂົ້າຮ່ວມຂອງຄະນະລັດຖະມົນຕີວັດທະນະທຳ ແລະ ສັງຄົມອາຊຽນ.ອ່ານຕໍ່ ...

ວຽງຈັນ (ວຽງຈັນທາມສ໌) – ບັນຄະນະວິຊາໃນມະຫາວິທະຍາໄລແຫ່ງຊາດລາວ (ມຊ), ສະຖາບັນ ແລະ ຊ່ຽວຊານຕ່າງປະເທດ ຈະຂຶ້ນນຳສະເໜີບົດຄົ້ນຄວ້າຂອງຕົນ ໃນກອງປະຊຸມສາກົນວ່າດ້ວຍການຄົ້ນຄວ້າວິທະຍາສາດ, ເທັກໂນໂນຢີ ແລະ ນະວັດຕະກຳເພື່ອການພັດທະນາແບບຍືນຍົງ ທີ່ ມຊ ໃນວັນທີ 5-6 ພະຈິກນີ້.ກອງປະຊຸມດັ່ງກ່າວແມ່ນຈັດໂດຍຫ້ອງການຄົ້ນຄວ້າ ແລະ ບໍລິການການສຶກສາ ມຊ ເຊິ່ງຈະມີຄູອາຈານ ແລະ ນັກຄົ້ນຄວ້າເຂົ້າຮ່ວມທັງໝົດ 98 ຄົນ ທັງລະດັບປະລິນຍາໂທ, ປະລິນຍາເອກ ແລະ ລະດັບອາຊີບ ຈາກ 13 ຄະນະວິຊາ ລວມເຖິງບັນດານັກຄົ້ນຄວ້າຈາກຕ່າງປະເທດ ທີ່ຈະມາບັນຍາຍຜົນງານການຄົ້ນຄວ້າໃນຂະແໜງວິຊາຂອງຕົນ.ອ່ານຕໍ່  ...

ສູນທີ່ປຶກສາ ນະຄອນຫຼວງວຽງຈັນ ທີ່ໃຫ້ການບຳບັດຜູ້ຕິດຢາເສບຕິດ ໄດ້ຮັບການບູລະນະຂະຫຍາຍ, ເພື່ອໃຫ້ສາມາດຮອງຮັບຈຳນວນຜູ້ຕິດຢາທີ່ຕ້ອງການຄຳປຶກສາ ແລະ ການບຳບັດ ທີ່ເພີ່ມຂຶ້ນ.ສູນດັ່ງກ່າວ ເຊິ່ງຕັ້ງຢູ່ໂຮງໝໍເມືອງສີສັດຕະນາກ ມີການໃຫ້ຄຳປຶກສາໂດຍບໍ່ເສຍຄ່າ ແລະ ໃຫ້ກການບຳບັດໂດຍຊຸມຊົນ, ຕາມສຳນັກຂ່າວວຽງຈັນທາມສ໌.ອ່ານຕໍ່ ...

(ຂປລ) ປື້ມຄູ່ມືການຄົ້ນຄວ້າ “ຈັນຍາບັນໃນການຄົ້ນຄວ້າວິໄຈໃນລາວ ແລະ ປະເທດໃນພາກພື້ນແມ່ນ້ຳຂອງ” 250 ກວ່າສະບັບ ໄດ້ມີການແຈກຢາຍໃຫ້ແກ່ມະຫາວິທະຍາໄລວິທະຍາສາດການແພດ (UHS) ເພື່ອນຳໃຊ້ເປັນຄູ່ມືໃນການດຳເນີນການຄົ້ນຄວ້າໃຫ້ມີຈັນຍາບັນ ເພື່ອເປັນແນວທາງໃຫ້ແກ່ແພດໝໍ, ຄູອາຈານ, ນັກສຶກສາ,​ ນັກຄົ້ນຄວ້າ ແລະ ຜູ້ບໍລິຫານ ໃນການດຳເນີນການສຶກສາຄົ້ນຄວ້າ.ອ່ານຕໍ່  ...

ນັກສຶກສາຄະນະກະເສດສາດ ມະຫາວິທະຍາໄລແຫ່ງຊາດ (ມຊ) ຮຽນຮູ້ກ່ຽວກັບຕ່ອງໂສ້ຄຸນຄ່າດ້ານສະບຽງອາຫານຂອງຍີ່ປຸ່ນ ໃນການຝຶກອົບຮົມທີ່ພາກວິຊາສັດຕະວະແພດ ອາທິດແລ້ວນີ້.ຄະນະກະເສດສາດໄດ້ຮ່ວມຈັດຕັ້ງການຝຶກອົບຮົມ ໃນລະຫວ່າງວັນທີ 21-25 ຕຸລານີ້ ພາຍໃຕ້ໂຄງການຮ່ວມມືອາຊຽນ-ຍີ່ປຸ່ນ ກ່ຽວກັບຕ່ອງໂສ້ຄຸນຄ່າດ້ານສະບຽງອາຫານຂອງຍີ່ປຸ່ນ.ອ່ານຕໍ່ ...