ສາທາລະນະສຸກ

(ຂປລ) ເພື່ອສືບຕໍ່ນຳໜ້າໃນການຊ່ວຍເຫຼືອ ສປປ ລາວ ໃນການດຳເນີນພາລະກິດການລຶບລ້າງພະຍາດໄຂ້ປ່າກ່ອນປີ 2030, ທ່ານນາງ ຣີນາ ພີທເຊີ ເອກອັກຄະລັດຖະທູດສະຫະລັດປະຈຳລາວ ໄດ້ມອບອຸປະກອນກວດສອບພະຍາດໄຂ້ປ່າໄລຍະຕົ້ນ (RDT) 100,000 ຊຸດ ໃຫ້ແກ່ທ່ານ ປອ ພູທອນ ມຸ່ງພັກ ຮອງລັດຖະມົນຕີກະຊວງສາທາລະນະສຸກ, ເຊິ່ງໄດ້ມີພິທີມອບຮັບໃນວັນທີ 6 ທັນວາຜ່ານມານີ້.ອຸປະກອນທົດສອບດັ່ງກ່າວ ພາຍໃຕ້ການຊ່ວຍເຫຼືອຂອງອົງການເພື່ອການພັດທະນາສາກົນສະຫະລັດ (USAID) ໂດຍຜ່ານ ການລິເລີ່ມກ່ຽວກັບພະຍາດໄຂ້ປ່າຂອງປະທານປະເທດ (PMI), ຈະນຳໄປແຈກຢາຍໃຫ້ແກ່ສູນບໍລິການສາທາລະນະສຸກທົ່ວປະເທດ, ໂດຍສະເພາະໃນພື້ນທີ່ທີ່ພົບການລະບາດ ຂອງພະຍາດໄຂ້ປ່າໃນອັດຕາທີ່ສູງ.ອ່ານຕໍ່  ...

ຄະນະກຳມະການຕ້ານ HIV/AIDS ສົ່ງເສີມໃຫ້ປະຊາຊົນກຸ່ມສ່ຽງຕໍ່ການຕິດເຊື້ອ HIV ເຂົ້າຮັບການກວດເລືອດ ແລະ ໃຫ້ຜູ້ທີ່ຕິດເຊື້ອ ເຂົ້າຮັບການປິ່ນປົວດ້ວຍຢາຕ້ານການຂະຫຍາຍຕົວຂອງພະຍາດ ເພື່ອສະກັດກັ້ນການລະບາດຂອງເຊື້ອໄວຣັສ໌ດັ່ງກ່າວ.ສຳລັບຜູ້ທີ່ຕ້ອງການກວດເລືອດ ສາມາດເຂົ້າຮັບການກວດໂດຍບໍ່ເສຍຄ່າ, ສ່ວນຜູ້ທີ່ຕິດເຊື້ອ ກໍສາມາດເຂົ້າຮັບການປິ່ນປົວໄດ້ຕາມສູນ HIV ໃກ້ບ້ານ ແລະ ໂຮງໝໍໃນນະຄອນຫຼວງວຽງຈັນ ແລະ ໂຮງໝໍແຂວງ. ສູນບໍລິການເຫຼົ່ານີ້ ມີການບໍລິການທີ່ເປັນກັນເອງ ພ້ອມທັງຮັບປະກັນການເກັບຂໍ້ມູນເປັນຄວາມລັບ.ອ່ານຕໍ່ ...

(ຂປລ) ໃນວັນທີ 27 ແລະ 28 ພະຈິກ 2019, ກອງປະຊຸມຄະນະກຳມະການຄັ້ງທີ 3 ຂອງໂຄງການ ECOMORE 2, ເຊິ່ງຢູ່ພາຍໃຕ້ການສະໜັບສະໜູນຂອງອົງການພັດທະນາຝຼັ່ງ (AFD), ໄດ້ຈັດຂຶ້ນທີ່ໂຮງແຮມເສດຖາປາລາສ໌ ນະຄອນຫຼວງວຽງຈັນ.ເພື່ອເປັນການຕ້ານພະຍາດໄຂ້ເລືອດອອກ ແລະ ໄຂ້ຍ່ຽວໜູ ເຊິ່ງເປັນສອງພະຍາດຕິດຕໍ່ທີ່ເກີດຂຶ້ນໃນອາຊີຕາເວັນອອກສຽງໃຕ້ ທີ່ມີສ່ວນກ່ຽວພັນກັບການພັດທະນາເສດຖະກິດ ແລະ ສົ່ງຜົນກະທົບຕໍ່ລະບົບນິເວດ, ສະຖາບັນປາສ໌ເຕີ ພາຍໃຕ້ການສະໜັບສະໜູນຂອງອົງການພັດທະນາຝຼັ່ງ (AFD) ໄດ້ຈັດຕັ້ງໂຄງການ ECOMORE 2 ຂຶ້ນ ຢູ່ໃນ 5 ປະເທດຄື ລາວ, ກຳປູເຈຍ, ມຽນມາ, ຟິລິປິນ ແລະ ຫວຽດນາມ.ອ່ານຕໍ່ ...

(ຂປລ) ນັກຄົ້ນຄວ້າ ແລະ ຊ່ຽວຊານດ້ານສຸຂະພາບ 100 ກວ່າຄົນຈາກປະເທດລາວ, ໄທ, ມຽນມາ, ຫວຽດນາມ, ​ກຳປູເຈຍ, ມາເລເຊຍ, ອິນເດຍ, ຟິລິປິນ, ອອສ໌ເຕຼເລຍ, ຝຼັ່ງ ແລະ ຈີນ (ເປັນຄັ້ງທຳອິດ) ໄດ້ຮ່ວມປະຊຸມທີ່ນະຄອນຫຼວງວຽງຈັນ ໃນວັນທີ 27-29 ພະຈິກນີ້ ເພື່ອສ້າງພື້ນຖານສຳລັບເຄືອຂ່າຍລະດັບພາກພື້ນ ໃນການຕ້ານພະຍາດຕັບອັກເສບ,​ ເຊິ່ງເປັນບັນຫາສຸຂະພາບຕົ້ນຕໍໃນພາກພື້ນແມ່ນ້ຳຂອງ.ພາຍໃຕ້ການຮ່ວມຈັດຕັ້ງໂດຍສູນຄົ້ນຄວ້າລະບາດວິທະຍາລາວ Christophe Mérieux, ກະຊວງສາທາລະນະສຸກລາວ, ຮ່ວມກັບມູນນິທິ Mérieux ແລະ ສະຖາບັນຄົ້ນຄວ້າເພື່ອການພັດທະນາ (IRD), ກອງປະຊຸມປຶກຫາລືກ່ຽວກັບພະຍາດໄວຣັສຕັບອັກເສບຊຸດນີ້ ຈະເປີດໂອກາດໃຫ້ແກ່ຜູ້ຊ່ຽວຊານ ໄດ້ສືບຕໍ່ຫາລືປະເດັນຈາກກອງປະຊຸມຊຸດກ່ອນ, ທັງແລກປ່ຽນຄວາມຮູ້ ແລະ ຂໍ້ມູນເຊິ່ງກັນແລະກັນ. ບັນດາອົງການຈັດຕັ້ງຕ່າງໆເຊັ່ນ Inserm, ສະຖາບັນປາສ໌ເຕີ, ອົງການແພດບໍ່ມີພົມແດນ ແລະ ອົງການອະນາໄມໂລກ ...

(ຂປລ) ລັດຖະບານ ສປປ ລາວ ເດີນໜ້າຕ້ານການເກີດ “ເຊື້ອດື້ຢາ”: ການຕິດເຊື້ອທີ່ບໍ່ຕອບສະໜອງຕໍ່ຢາຕ້ານເຊື້ອທີ່ນຳໃຊ້ທົ່ວໄປ.ພາຍໃຕ້ການສະໜັບສະໜູນຂອງຄູ່ຮ່ວມພັດທະນາສາກົນ, ກະຊວງສາທາລະນະສຸກ ແລະ ກະຊວງກະສິກຳ ແລະ ປ່າໄມ້ ໄດ້ເປີດໂຕແຜນຍຸດທະສາດແຫ່ງຊາດ ເພື່ອຕ້ານການດື້ຢາຂອງພະຍາດ ປີ 2019-2023, ໃນວັນທີ 20 ພະຈິກນີ້. ແຜນດັ່ງກ່າວນີ້ ຈະເປັນແນວທາງສຳລັບການວາງແຜນມາດຕະການ ແລະ ດຳເນີນການລິເລີ່ມ ເພື່ອຕິດຕາມ, ສະກັດກັ້ນ ແລະ ຄວບຄຸມການເກີດຂຶ້ນຂອງເຊື້ອພະຍາດ ທີ່ບໍ່ຕອບສະໜອງຕໍ່ຢາໃນ ສປປ ລາວ.ອ່ານຕໍ່ ...

ອົງການ World Concern ລາວ (WCL) ແລະ ກະຊວງສາທາລະນະສຸກ ຈະຮ່ວມມືໃນການເປີດໂຕໂຄງການພັດທະນາແບບບູລະນາການ ໄລຍະທີ 3 ເພື່ອສົ່ງເສີມສຸຂະພາບຊຸມຊົມ ທີ່ເມືອງໂພນທອງ ແຂວງຈຳປາສັກ.ໂຄງການດັ່ງກ່າວ ຈະດຳເນີນແຕ່ປີ 2020 ເຖິງ 2022 ແລະ ຈະສ້າງປະໂຫຍດໃຫ້ແກ່ປະຊາຊົນຢ່າງໜ້ອຍ 3,000 ຄົນໃນແປດຊຸມຊົນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລາວ ແລະ ຄິວບາ ໄດ້ຕົກລົງເສີມຂະຫຍາຍການຮ່ວມມື ດ້ານສາທາລະນະສຸກ ແລະ ວິທະຍາສາດການແພດ.ຂໍ້ຕົກລົງໄດ້ມີການລົງນາມ ທີ່ນະຄອນຮາວານາ ໃນລະຫວ່າງການຢ້ຽມຢາມປະເທດຄິວບາຢ່າງເປັນທາງການ ຂອງທ່ານ ສະເຫຼີມໄຊ ກົມມະສິດ ລັດຖະມົນຕີກະຊວງການຕ່າງປະເທດລາວ ໃນລະຫວ່າງວັນທີ 11-12 ພະຈິກນີ້ ຕາມຄຳເຊີນຂອງທ່ານບຼູໂນ ໂຣດິຼເກສ໌ ພາຣີລາ, ຕາມການເປີດເຜີຍຂອງກະຊວງການຕ່າງປະເທດລາວ.ທັງສອງທ່ານໄດ້ຮ່ວມລົງນາມໃນຂໍ້ຕົກລົງສອງສະບັບຄື ຂໍ້ຕົກລົງການຮ່ວມມືລະຫວ່າງລັດຖະບານລາວ ແລະ ລັດຖະບານຄິວບາ ແລະ ບົດບັນທຶກຄວາມເຂົ້າໃຈໃນວຽກງານສາທາລະນະສຸກ ແລະ ວິທະຍາສາດສຸຂະພາບ ລະຫວ່າງກະຊວງສາທາລະນະສຸກຂອງສອງປະເທດ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດຖະບານ ອອສ໌ເຕຼເລຍ ໃຫ້ທຶນຊ່ວຍເຫຼືອກວ່າ 25 ຕື້ກີບ (4.2 ລ້ານໂດລາອອສ໌ເຕຼເລຍ) ເພື່ອການປັບປຸງຄວາມສະເໝີພາບໃນການເຂົ້າເຖິງ ແລະ ນຳໃຊ້ສຸຂາພິບານ ແລະ ສຸຂະອະນາໄມ ຢູ່ແຂວງສະຫວັນນະເຂດ.ບົດບັນທຶກຄວາມເຂົ້າໃຈກ່ຽວກັບການຈັດຕັ້ງປະຕິບັດໂຄງການສຸຂາພິບານ ແລະ ສຸຂະອະນາໄມແບບຍືນຍົງສຳລັບທຸກຄົນ ໄດ້ມີການລົງນາມຫວ່າງໝໍ່ໆມານີ້ ລະຫວ່າງທ່ານ ປອ. ບົງສຸວັນ ພັນທະວົງ ຫົວໜ້າພະແນກສາທາລະນະສຸກແຂວງສະຫວັນນະເຂດ ແລະ ທ່ານ ດຣ ແອລເລີດ ວັນ ເດນແຮັມ ຫົວໜ້າອົງການ SNV ປະຈຳລາວ.ອ່ານຕໍ່ ...

ລາວຕິດອັນດັບປະເທດທີ່ມີອັດຕາຄົນຕຸ້ຍເພີ່ມຂຶ້ນສູງທີ່ສຸດ ໃນລະຫວ່າງປີ 2017 ແລະ 2030, ຕາມການເປີດເຜີຍຜົນສຳຫຼວດຫຼ້າສຸດ.ລາວຢູ່ໃນອັນດັບທີ 8 ໃນການຈັດອັນດັບວິກິດການພາວະຕຸ້ຍ ຂອງສະຫະພັນ World Obesity Federation ແລະ ແຜນທີ່ເດັກຕຸ້ຍ, ຕາມການລາຍານຂອງສຳນັກຂ່າວ Guardian.  ການຈັດອັນດັບດັ່ງກ່າວ ແມ່ນປະເມີນຈາກອັດຕາສ່ວນການຕຸ້ຍຂຶ້ນຂອງເດັກທີ່ມີອາຍຸລະຫວ່າງຫາເຖິງເກົ້າປີ ໃນ 191 ປະເທດ.ປະເທດອາຟຼິກາໃຕ້ເປັນປະເທດໃນອັນດັບສູງສຸດ, ຮອງລົງມາແມ່ນປະເທດຈີນ ແລະ ມາວດິຟສ໌. ສຳລັບພາກພື້ນອາຊີຕາເວັນອອກສຽງໃຕ້, ຫວຽດນາມແມ່ນຢູ່ອັນດັບທີ 5 ແລະ ຫວຽດນາມຢູ່ອັນດັບ 7.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ອົງການສາກົນບໍລິການປະຊາຊົນ (PSI) ຈະໃຫ້ທຶນ US$4.9 ລ້ານໂດລາ ເພື່ອຊ່ວຍເຫຼືອລາວໃນການປັບປຸງຂະແໜງສາທາລະນະສຸກ ແຕ່ປີ 2019 ເຖິງ 2020.ຊຸດການຊ່ວຍເຫຼືອໃໝ່ໃນຫົວຂໍ້ “ການສ້າງຄວາມເຂັ້ມແຂງໃຫ້ແກ່ສູນປະຕິບັດການສຸກເສີນດ້ານສາທາລະນະສຸກ ເພື່ອເລັ່ງມືໃນການລຶບລ້າງພະຍາດໄຂ້ປ່າ ແລະ ຮັບມືເຫດສຸກເສີນດ້ານສາທາລະນະສຸກ ໃນ ສປປ ລາວ” ຈະຊ່ວຍເຫຼືອກະຊວງສາທາລະນະສຸກໃນການຮັບປະກັນ ຄວາມສາມາດໃນການກວດກາ ແລະ ຮັບມືກັບເຫດສຸກເສີນດ້ານສາທາລະນະສຸກ, ສະກັດກັ້ນການລະບາດຂອງພະຍາດ (ລວມທັງໄຂ້ປ່າ), ແລະ ຫຼຸດຜ່ອນຜົນກະທົບຂອງພະຍາດຕໍ່ຊຸມຊົນໃຫ້ຫຼາຍທີ່ສຸດ.ອ່ານຕໍ່ ...