ສາທາລະນະສຸກ

(ຂປລ) ນັບແຕ່ຕົ້ນປີ 2019 ປະເທດລາວມີຈຳນວນຜູ້ຕິດເຊື້ອໄຂ້ເລືອດອອກເພີ່ມຂຶ້ນເຖິງ 28,371 ກໍລະນີ ໃນນັ້ນມີຜູ້ເສຍຊີວິດ 60 ກໍລະນີ, ຕາມການລາຍງານຂອງກະຊວງສາທາລະນະສຸກ.ສະຖິຕິການຕິດເຊື້ອພະຍາດດັ່ງກ່າວແມ່ນສູງກວ່າຕົວເລກໃນໄລຍະດຽວກັນຂອງປີຜ່ານມາເຖິງຫ້າເທົ່າ, ເຊິ່ງມີຜູ້ຕິດເຊື້ອພຽງແຕ່ປະມານ 4,600 ກໍລະນີ ແລະ ມີຜູ້ເສຍຊີວິດ 14 ກໍລະນີ.ຍອດຕົວເລກຜູ້ເສຍຊີວິດຢູ່ແຂວງສະຫວັນນະເຂດຍັງຄົງສູງກວ່າຢູ່ແຂວງອື່ນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລາວສາມາດເພີ່ມທະວີຜົນສຳເລັດໃນການປົກປ້ອງສິດທິສ່ວນບຸກຄົນໃນດ້ານສຸຂະພາບ ເຊິ່ງປະຊາກອນສ່ວນໃຫຍ່ໃນປະຈຸບັນມີໂອກາດຫຼາຍຂຶ້ນໃນການເຂົ້າເຖິງການບໍລິການສາທາລະນະສຸກທີ່ມີຄຸນນະພາບກວ່າເກົ່າ.ນີ້ແມ່ນຄຳເຫັນຂອງທ່ານ ຮສ.ດຣ ບຸນກອງ ສີຫາວົງ, ລັດຖະມົນຕີກະຊວງສາທາລະນະສຸກ ໃນກອງປະຊຸມລັດຖະມົນຕີສາທາລະນະສຸກອາຊຽນຄັ້ງທີ 14 ແລະ ກອງປະຊຸມທີ່ກ່ຽວຂ້ອງ ເຊິ່ງຈັດຂຶ້ນຢູ່ເມືອງສຽມຣຽບ ປະເທດກຳປູເຈຍ.ທ່ານໄດ້ເນັ້ນໃຫ້ເຫັນເຖິງຜົນສຳເລັດຂອງເຈົ້າໜ້າທີ່ສາທາລະນະສຸກ ທີ່ເຮັດວຽກຢູ່ໃນປະເທດສະມາຊິກອາຊຽນ ໃນການໃຫ້ບໍລິການດ້ານການແພດຕໍ່ສາທາລະນະຊົນ.ອ່ານຕໍ່ ...

ພະນັກງານທ້ອງຖິ່ນໄດ້ຮັບການຊຸກຍູ້ໃຫ້ຍົກລະດັບຄຸນນະພາບ ແລະ ເພີ່ມທະວີການເຂົ້າເຖິງການບໍລິການດ້ານສຸຂະພາບສຳລັບແມ່ ໃນເມືອງເປົ້າໝາຍຂອງແຂວງສະຫວັນນະເຂດໃຫ້ສອດຄ່ອງຕາມນະໂຍບາຍແຫ່ງຊາດ.ນີ້ແມ່ນຂໍ້ຄວາມຈາກທ່ານ ຮສ.ດຣ ບຸນກອງ ສີຫາວົງ ລັດຖະມົນຕີກະຊວງສາທາລະນະສຸກ ໃນພິທີມອບລົດໂຮງໝໍໃຫ້ແກ່ເມືອງເປົ້າໝາຍອາທິດແລ້ວນີ້.ທ່ານໄດ້ໃຫ້ຄຳເຫັນວ່າ ລົດໂຮງໝໍດັ່ງກ່າວຈະຊ່ວຍຫຼຸດຜ່ອນອັດຕາການຕາຍຂອງແມ່. ທີ່ຜ່ານມາ ຍ້ອນການຂາດແຄນລົດໂຮງໝໍໄດ້ສົ່ງຜົນກະທົບຮ້າຍແຮງຕໍ່ຄວາມປອດໄພ ແລະ ຄຸະນນະພາບໃນການເບິ່ງແຍງແມ່ ແລະ ເດັກ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ອົງການຮ່ວມມືສາກົນເກົາຫຼີ (KOICA) ຂອງປະເທດເກົາຫຼີໃຕ້ຈະໃຫ້ທຶນຊ່ວຍເຫຼືອປະມານ US$7.5 ລ້ານໂດລາສຳລັບປະເທດລາວແຕ່ປີ 2019 ຫາ 2023 ເພື່ອສົ່ງເສີມວຽກງານສຸຂະພາບແມ່, ເດັກເກີດໃໝ່ ແລະ ເດັກນ້ອຍໃນສາມແຂວງ.ຂໍ້ຕົກລົງກ່ຽວກັບທຶນຊ່ວຍເຫຼືອດັ່ງກ່າວໄດ້ມີການລົງນາມຢູ່ນະຄອນຫຼວງວຽງຈັນໃນວັນອັນຄານນີ້ ໂດຍທ່ານ ບຸນເພັງ ພິລາວົງ ຫົວໜ້າກົມອະນາໄມ ແລະ ສົ່ງເສີ່ມສຸຂະພາບ ກະຊວງສາທາລະນະສຸກ ແລະ ທ່ານ ຊຸງຊູ ໂອ ຫົວໜ້າອົງການ KOICA ປະຈຳລາວ. ອ່ານຕໍ່ ...

ເຈົ້າໜ້າທີ່ສາທາລະນະສຸກ ແລະ ອຳນາດການປົກຄອງທ້ອງຖິ່ນຄວນເພີ່ມທະວີສະໜອງຂໍ້ມູນດ້ານການບໍລິການສາທາລະນະສຸກກ່ຽວກັບໄວຈະເລີນພັນ ແລະ ເພດສຶກສາສຳລັບໄວໜຸ່ມເພື່ອຫຼຸດຜ່ອນອັດຕາການຖືພາໃນເວລາທີ່ບໍ່ພ້ອມ.ການຖືພາໃນເວລາທີ່ບໍ່ພ້ອມ ແມ່ນໜຶ່ງໃນສາເຫດໃຫ້ແມ່ຍິງບໍ່ສາມາດອອກໄປເຮັດວຽກນອກບ້ານ ແລະ ມີທ່າອ່ຽງຈຳກັດກ່ຽວກັບອຳນາດທາງການເງິນ. ຍິ່ງໄປກວ່ານັ້ນ,​ ພັນທະໃນການລ້ຽງລູກຍັງເປັນສາເຫດໃຫ້ແມ່ຍິງຜະເຊີນກັບການເລືອກປະຕິບັດໃນການເຂົ້າເຮັດວຽກ.ອ່ານຕໍ່ ...

ມູນນິທິເຟຼັດຮາໂລວສ໌ ໄດ້ໃຫ້ທຶນຊ່ວຍເຫຼືອກວ່າ 430 ລ້ານກີບ (US$50,000 ໂດລາ) ເພື່ອເປັນຄ່່າໃຊ້ຈ່າຍໃຫ້ແກ່ພະນັກງານກະຊວງສາທາລະນະສຸກ ໃນການລົງປະຕິບັດງານນອກພື້ນທີ່ນະຄອນຫຼວງວຽງຈັນ.ທ່ານ ດຣ ພຸກ ຫວຽນ ທັນ ຫົວໜ້າມູນນິທິຮອລໂລວເຟຼດພາກພື້ນອາຊີຕາເວັນອອກ, ແລະ ທ່ານ ດຣ ບຸນແຝງ ພົມມະໄລສິດ ຫົວໜ້າຫ້ອງການປະກັນສຸຂະພາບກະຊວງ ໄດ້ລົງນາມໃນບົດບັນທຶກຄວາມເຂົ້າໃຈກ່ຽວກັບທຶນຊ່ວຍເຫຼືອດັ່ງກ່າວ ທີ່ນະຄອນວຽງຈັນໃນອາທິດແລ້ວນີ້.ທ່ານ ດຣ. ບຸນແຝງ ໄດ້ກ່າວວ່າ ທຶນຊ່ວຍເຫຼືອດັ່ງກ່າວພາຍໃຕ້ການສະໜັບສະໜູນຂອງມູນນິທິ ແມ່ນສຳລັບເຈົ້າໜ້າທີ່ກະຊວງເພື່ອນຳໃຊ້ໄປເຖິງເດືອນກຸມພາ 2020.ອ່ານຕໍ່ ...

ເຈົ້າໜ້າທີ່ສາທາລະນະສຸກ ຍອມຮັບວ່າພໍ່ແມ່ຈຳນວນຫຼາຍຍັງຄົງບໍ່ຮູ້ວ່າການເລີ່ມໃຫ້ນົມລູກດ້ວຍນົມແມ່ (ໃນຊົ່ວໂມງທຳອິດຫຼັງການເກີດ) ຈະຊ່ວຍສົ່ງເສີມສຸຂະພາບ ແລະ ຄວາມຢູ່ດີມີແຮງຂອງລູກໃນໄລຍະຍາວ, ເນື່ອງຈາກວ່ານ້ຳນົມເຫຼືອງ ຫຼື ນົມຢອດທຳອິດ ແມ່ນອຸດົມໄປດ້ວຍສານອາຫານທີ່ມີຄຸນຄ່າ ແລະ ຊ່ວຍສ້າງພູມຕ້ານທານພະຍາດໃຫ້ກັບເດັກໄດ້.ໂດຍສະເພາະເດັກນ້ອຍທີ່ໄດ້ຮັບການລ້ຽງດູດ້ວຍນົມແມ່ ສາມາດຫຼຸດຜ່ອນຄວາມສ່ຽງຕໍ່ການເປັນພະຍາດຕ່າງໆ ເຊັ່ນ ພະຍາດຫືດ, ເບົາຫວານ, ພະຍາດຕຸ້ຍ, ການຕິດເຊື້ອໃນລະບົບທາງເດີນອາຫານ ແລະ ພະຍາດຖອກທ້ອງ.ອ່ານຕໍ່ ...

ມູນນິທິຮອລໂລວເຟຼດ ຈະສືບຕໍ່ຊ່ວຍເຫຼືອປະຊາຊົນລາວໃນ 10 ແຂວງທີ່ມີບັນຫາກ່ຽວກັບສາຍຕາ, ໂດຍສະເພາະແມ່ນຜູ້ທີ່ເປັນພະຍາດຕໍ້ກະຈົກ ເພື່ອຮັບປະກັນການສົ່ງເສີມການເບິ່ງເຫັນ ແລະ ຄຸນນະພາບຊີວິດທີ່ດີຂຶ້ນ.ບົດບັນທຶກຄວາມເຂົ້າໃຈ (MOU) ເພື່ອສືບຕໍ່ໂຄງການປິ່ນປົວສາຍຕາຄົບວົງຈອນແບບຍືນຍົງ ໄດ້ມີການລົງນາມຢູ່ນະຄອນວຽງຈັນ ໃນວັນພະຫັດແລ້ວນີ້ ລະຫວ່າງທ່ານ ດຣ ພຸກ ຫວຽນ ທັນ ຫົວໜ້າມູນນິທິຮອລໂລວເຟຼດພາກພື້ນອາຊີຕາເວັນອອກ, ແລະ ທ່ານ ດຣ ບົວຂັນ ພະຄູນທອງ ຮອງຫົວໜ້າກົມປິ່ນປົວ ແລະ ຟື້ນຟູສຸຂະພາບ ກະຊວງສາທາລະນະສຸກ.ອ່ານຕໍ່ ...

ວຽງຈັນ (ວຽງຈັນທາມສ໌) – ລາວຈະເຮັດວຽກຮ່ວມກັບບັນດາປະເທດເພື່ອນບ້ານ ເພື່ອແລກປ່ຽນຂໍ້ມູນຂ່າວສານກ່ຽວກັບພະຍາດອີໂບລາ, ໂດຍສະເພາະແມ່ນສຳລັບຜູ້ທີ່ເດີນທາງໄປດ່າງປະເທດ ເຊິ່ງອາດມີຄວາມສ່ຽງຕໍ່ການຕິດເຊື້ອໄວຣັສ໌ດັ່ງກ່າວ.ປະເທດລາວມີຊາຍແດນຮ່ວມກັບຫ້າປະເທດ ແຕ່ວ່າມາເຖິງປະຈຸບັນແມ່ນບໍ່ມີລາຍງານກ່ຽວກັບການລະບາດຂອງເຊື້ອອີໂບລາໃນປະເທດເພື່ອບ້ານ, ແລະ ບໍ່ມີລາຍງານການລະບາດຂອງເຊື້ອພະຍາດດັ່ງກ່າວໃນທະວີບອາຊີ.ອ່ານຕໍ່ ...

ມູນນິທິເຟຣັດຮອລໂລ ຈະສືບຕໍ່ສະໜັບສະໜູນວຽກງານການປັບປຸງການເບິ່ງເຫັນໃຫ້ແກ່ປະຊາຊົນໃນ 10 ແຂວງຂອງລາວ, ແນໃສ່ຍົກລະດັບຊີວິດການເປັນຢູ່ຂອງເຂົາເຈົ້າ.ມູນນິທິເຟຣັດຮອລໂລ, ເຈົ້າໜ້າທີ່ລັດຖະບານ ພ້ອມດ້ວຍອຳນາດການປົກຄອງ ຮ່ວມປະຊຸມຢູ່ວຽງຈັນໃນອາທິດແລ້ວນີ້ ເພື່ອລາຍງານຜົນຂອງໂຄງການສົ່ງເສີມສຸຂະພາບຕາຄົບວົງຈອນແບບຍືນຍົງ ແຕ່ປີ 2014-2018 ແລະ ວາງແຜນການໃນຕໍ່ໜ້າ.ໂຄງການກ່ຽວກັບສາຍຕາດັ່ງກ່າວມີໂຄງການຢູ່ແຂວງຫຼວງພະບາງ, ອຸດົມໄຊ, ຄຳມ່ວນ, ຫຼວງນ້ຳທາ, ສະຫວັນນະເຂດ ແລະ ບໍ່ແກ້ວ ພາຍໃຕ້ການສະໜັບສະໜູນຂອງ ມູນນິທິເຟຣັດຮອລໂລ.ອ່ານຕໍ່ ...